Post: #1
Title: ماهى احتمالات تاهل السودان لدورى الاربعة بغانا؟؟؟؟
Author: عمر سعد
Date: 10-20-2007, 03:41 PM
بالامس فى نهاية سحب القرعة بالنسبة للمجموعات تم ادراج السودان فى المجموعة
الثانية والتى تتصدرها مصر كمصنف اول والكاميرون كمصنف ثانى والسودان كمصنف ثالث
وزامبيا كمصنف رابع حسب ترتيب وتصنيف الاتحاد الافريقى .
فى نهاية الحلقة استضاف المحلل بدر بلال مستضيفة ليعلق ويرشح اثنين من كل مجموعة
للصعود الى دور الثمانية المهم فى مجموعتنا قال المحلل انو امنيتو انو يطلع السودان
لكن الواقع غير كدة ...لمن زنقو بدر بلال قال مصر والكاميرون حا تتاهل من المجموعة
ولكن اصر على تكرار ان يقول ان امنيتة السودان ان يطلع من المجموعةالى دور لثمانية
ماهى حظوظ السودان فى توقعاتكم .......
انا بعتقد انو حظوظ السودان كبيرة جدا لان منتخب مصر مش ها القد عمومامصر كمنتخب
واندية تعبانين السنة دى اما الكاميرون اخر مرة اتلاقينا معاها احنا جبنا قونة
فى ا نفسنا واحرزنا الهدف فى اخر الدقائق وكان مستوى السودان فى الفترة الفاتت ليس
كمستواة الحالى ... اعتقد لو ركزنا وغلبنا مصر وتعادلنا مع الكاميرون ونهزم زامبيا
فرص تاهلنا حا تكون اكثر من جيدة لدور الاربعة ....بس اعتقد يجب اعادة التفكير فى
المدرب للفريق الحالى بدون حساسيات وعصبية اعتقد المنتخب محتاج لمدرب كبير يليق
بالمرحلة الحالية ..............رايكم شنو ؟ هل سنتاهل لدور الثمانية ام....
|
Post: #2
Title: Re: ماهى احتمالات تاهل السودان لدورى الاربعة بغانا؟؟؟؟
Author: حيدر حسن ميرغني
Date: 10-20-2007, 04:09 PM
Parent: #1
تمنياتنا لاولادنا السمر بالفوز والاداء المشرف
الكاميرون ومصر متجرسين مننا تب
Quote: وتخشى مصر والكاميرون من الارتفاع الملحوظ مؤخرا في مستوى الكرة السودانية والذي تمثل في وصول فريق الهلال لنصف نهائي دوري الأبطال والمريخ إلى نهائي كأس الاتحاد الأفريقي.
http://news.bbc.co.uk/hi/arabic/sport/newsid_7053000/7053866.stm
|
Post: #3
Title: Re: ماهى احتمالات تاهل السودان لدورى الاربعة بغانا؟؟؟؟
Author: مبيوع
Date: 10-20-2007, 04:11 PM
Parent: #1
عمر سعد
مشتاقيييين ياخ
انت برضو بتعزف فى نفس الوتر!!
اجندة الراشاشات هى.. هى 
كل ما جاء خبر عن المنتخب طوالى
جارين لى مازدا
عموما تبقى فرص وصول السودان لتلك المرحله
زى احتمال انو اسمك يبقى عمر سعييييييد
|
Post: #4
Title: Re: ماهى احتمالات تاهل السودان لدورى الاربعة بغانا؟؟؟؟
Author: عمر سعد
Date: 10-20-2007, 04:19 PM
Parent: #1
يا مبيوع واللة انا كنت حيادى فى تحليلى ولو كان فوزى المرضى زاتو مدرب
كنت بطالب بى مدرب قدير ليس تقليلا لمازدا لكن لكل مرحلة رجالة حتى على مستوى المنتخب
الموضوع ما هلال ومريخ واللة العظيم .............
لكن انحنا دايما بننفنس فى النهاية طوالى عندنا مشكلة فى اللمسة الاخيرة عشان كدة اكتر
دولة فيها نا سعندهم ضغط من الكورة بس هى السودان لكن بعتقد انو الكاميرون ماهى الكاميرون الجبنا قونة برؤوسنا انحنا وايتو الخطير لاعب ....شايف ايتو دى كيف .....
ومصر وحاتك اعلام الان مصر كانت قوية العشر سنوات الفاتت لكن الان بدات دورة انتهاء اللعيبة واستبدالهم تتذكر نكسة البرازيل لانو اللعيبة كانو استهلكو وكان لا بدمن تغيير
انحنا حا نقابل مصر وهى فى طور الاعداد لمنتخب اخر بديل ...وانحنا فى قمة استعدادنا
دة الفرق حتى الكاميرون ..اى نعم طيرناهم من كاس العالم الفات وخاتنها لينا
لكن حا نصعد حا نصعد ..بس انت اعمل لينا اغنية لصعود السودان دورى الاربعة والثمانية
حتى نرددة معاك ساعة اكتمال الهلال سورى اكتمال النصر
|
Post: #5
Title: Re: ماهى احتمالات تاهل السودان لدورى الاربعة بغانا؟؟؟؟
Author: مبيوع
Date: 10-20-2007, 04:52 PM
Parent: #1
نحن لا نملك غير التمنيات
زى ماقال حيدر
لكن من ناحية وجع القلب
بقينا ماعارفين نلاقيه من sudaneseonline
والا الفرق بتاعتنا
|
|