Post: #1
Title: نفسيــات وعــدم امكانيـات..
Author: صباح احمد
Date: 10-18-2007, 07:03 PM
Parent: #0
مشهد اول:
الفلل الرئاسية
عليكم الله كان الجماعة ديل كلموني قالوا لي دايرين نبيع الفلل الرئاسية دي ما كان اخير..
اكان الزول يشتري ليهو واحدة ولا اتنين منهن ولا يشتريهن كلهن..
قبل كدة شاورتكم وقلت ليكم انا دايرة لي واحدة من الفلل الرئاسية دي فكروا معاي دة يحصل كيف لكن ما عبرتوني وضربتوا الطناش وفي ناس اقترحوا علي حاجات اسهل منها ابني لي فلل رئاسية زيها..عرسي فلان وطلقي علان وماعارفة شنو..
وفي النهاية باعوها بسجم سعرها بي 50 مليون دولار بس وانا كنت ناوية_لو الله فتحا علي_ اشتريها باضعاف اضعاف المبلغ دة..
___________
اصبروا علي..جاياكم بي رواااقة
|
Post: #2
Title: Re: نفسيــات وعــدم امكانيـات..
Author: قرشـــو
Date: 10-20-2007, 11:06 AM
Parent: #1
الاستاذة صباح
يسعد صباحك بأحلى الفلل فى جزر هاواى ....
رغم اننى لا املك ثمن شراء سور من هذه الفلل ولكنها وجعتنى والله ان تباع بثمن بخس
بينما يباع البيت الشعبى فى الثورات بأكثر من ميتين مليون...
والموجعنى اكثر بيعها لشركة اجنبية ...
يعنى لو خلو كل ثلاثة او اربعة يتشاركوا فى فيلا مش كان احسن
يعنى خمسين فيلا فى اربعة من حالاتى كده كان يوطنوا ميتين سودانى جربان وحيران فى السكن..
غايتو انا متضامن معاك
وشايف انه الحكاية لسع ما انتهت
نقوم بحملة كبيرة لالغاء هذا البيع الجبان
وكنت اقول ليك نحرض ناس الاحزاب
لكن باقى لى ديل خلاص الفيهم انعرفت
ومنه العوض وعليه العوض
والفلل لنا .....
|
|