بكل صراحه وبدون زعل هل يمتلك (المـــريخ) فريقا ولاعبين ؟؟

فعلا لو حقق المريخ هذا الكاس رغم انه فى منافسة (وصيفه) و(ضعيفة) .. وهذه السنة بالذات شارك فيها (اضعف) الوصفاء على الأطلاق .. وأخجلوا الأتحاد الأفريقى ومن يحصل علي اللقب لا يعدو أكثر من (زعيم الوصفاء) .. ومهما كتبنا وحللنا والمحنا على السلوك غير النزيه الذى اتبعه (البعيوات) للوصول الى هذه المرحله .. وقلنا (الله عرفو بالعقل ما شافو بالعين) .. يبقى لو حصل (المريخ) على كأس (الوصافه) تكون دى معجزة لن تتكرر الا مرة كل مليون سنه، لأنه لا يمكن أن يحرز (فريق) ضعيف كاس مهما فعل !!
معقول فريق ينتصر على أقرب منافس له ب 6 أهداف ؟؟
يعنى معقول (هلال بورتسودان) ينافس على بطولة الدورى الممتاز ؟؟
طيب هل يعقل أن ينتصر فريق على أقرب منافس له ب 6 أهداف ثم يعود ذلك الفريق المهزوم لينتصر على خصمه ب 3/ صفر مع الرافة ؟؟ ولا يستطيع الفريق المنتصر من قبل ب 6 أن يصوب تهديفه واحده نحو المرمى .. طيب اللعب مع (التوانسه) الخرخارين كيف؟؟
اوعى واحد يقول حكم وما ادراك ما حكم .. براكم عملتوها فى نفسكم بى حكم (مباراة فضيحة ابو غريب)!!
هذه كله (كوم) ودعونى اتناول لاعبى المريخ بكل صراحه وهل يمتلك (البعيو) فريقا؟؟
نبدأ يحراسة المرمى .. هل (بهاء الدين) حارس يمكن الأطمئنان عليه .. ام هى مجرد حظوظ مرات (تجيب ومرات تخيب)؟؟ طيب نفترض (بهاء الدين) حارس مرمى جيد وكل حاجه تمام، ماذا يحدث لو اصيب بهاء الدين؟؟ من هو خليفته وقد حدث أن اصيب حارسا الهلال، الأول والثانى !!
طيب خط دفاع المريخ المكون من (موسى الزومه) و(طياره) الذى لا يطير الا فى السودان
و(سفارى) و(ياولو) و(دامر) اختار اى اربعة منهم .. هل من بينهم لاعب واحد مقنع يمكن أن يؤدى مباراة بطولة كاسها (بره) ؟؟
ثم نذهب نحو (السائح) البرازيلى (باولينو) .. و(العجب) .. الذ نكته سمعتها فالوا (الترجى) قال عايز (العجب) والمريخ (رافض) ومتمنع .. هههههههههه دى نكتة الموسم .. لو كنت محل ناس المريخ كان (جرى) سلمتهم ليهو ومعاهو 10 مليون جنيه هديه .. لاعب فى آخر ايامه لا يستطيع ان يؤدى اكثر من 20 دقيقه هل يعقل ان يفكر فيه ناد بطولات ومحترفين ؟؟
(مجاهد) طبعا خلاص قدم كل ما عندو واثبت انه شطب اوانطه .. و(طمبل) عاد الى (طمبجكو) ما (طمبلكو) .. طيب تانى منو (قلق) الصحاف .. الذى لم يقدم كوره ولم نشاهد له مستوى الا على صفحات (الصدأ) وحدها!! بختو آخر مرة أعيد تسجيلو بمبلغ 400 مليون (سبحان الله)!
طبعا (ايداهو) ده قصتو عجيبه جدا .. زمان لاعب زى (ايداهو) ده كان ناس دار الرياضه بام درمان بسمو (طيارة الأمام) وبكون محل ضحك وسخريه لحدى ما يطلع من المباراة .. ويشبكو ليك ناس (السر السفيه) و(صلاح ابو عفنه) .. هرد .. هرد .. سبحان الله لاعب (محترف)!
اما (ايفوسا) فطريقة لعبو بتاعت (كورة شراب) ما كورة فى استاد وجمهور .. لكن (الرازق) الله !! و(الكاش البقلل النقاش) راقد وما ليهو حد ولا عد!!
للأمانه على قدر معقول هناك (ناتالى) و(السعودى) لكن هل يشاركا فى وجود (العجب) وصحافة الأفك والضلال ؟؟
______

ويا يوم بكره ما تسرع تبرد لى نار وجدى !!

نادي الترجي التونسي ( المتقدم على الهلال في الترتيب ) طالب مدربه البرازليلي ( الما تقليد ) بمهاجم المريخ العجب ( السوداني 100% ) ليدعم به هجوم فريقه في المنافسات الافريقية القادمة


مقدره


_____________

كل عام وانت بخير يا عمنا

وليد الشفت مشتاقييين من زول طول جداً ما لاقاك..
افتح المسنجر بتاعك..

بكل صراحة هل يمتلك الهلال فريقاً ولاعبين واداريين ومشجعيين وصحفيين؟؟؟؟

يا ولى
انت العجب ده كدى خلك منو .. نحنا كنا مهاجمين وبنعرف المهاجم لمن نفسو يقوم من اول دقائق وعرقو يصب و(يقزز) كيعانو فى نصو يعنى شنو .. انت كنت قون كدى قول بامانه (بهاء الدين) ده قون تطمئن عليهو فى تونس ؟؟
ما تقول لى ابو بكر الشريف .. انا مقتنع مليون فى المائه انه ما قون ومفروض يتشطب الليله قبل بكره!!
طبعا موضوع العجب ده جماعتك ما صدقو انه كل الصحف بتتكلم عن قودوين وكلاتشى عايزين يدخل ليهم (كراع) .. وانا شخصيا مؤيد مليون % بيع كلاتشى وقودين فقد قدما ما عندهما وكتر الف خيرهما .. نبيعهم ونجيب اولاد صغار من اندية الدرجات الصغرى و2 محترفين افارقه (شفاته) من النوع الما بتمسك ونربيهم وكمان بعد داك نبيعهم .. للأسف ممكن يمشوا من الهلال فى يوم من الأيام بدون مليون دولار ولا حتى دولار واحد!!

بالنسبة للعجب يا ولى .. صدقنى حتى الكلام ده لو صاح .. وانه المدرب شافو عمل لقطه كده .. لكن لو عرف تاريخ ميلادو ما ح يرضى بيهو حتى لو مجانى !!
خليك من برازيلى وغيرو عندنا ولدنا ما حصل 30 سنه مدرب الأتحاد السكندرى قال عايزو لمن لقاهو عمرو 28 سنه قال كبير !!

العجب ده يا ولى .. بعد مباراة الكاس شلتو أو ما شلتو .. اعملوا ليهو تكريم عشان تكون مرة فى عمركم كرمتو زول ما تجيبو تقعدوا جنب ابراهومه وخالد احمد المصطفى وجبره!

عثمان عبدالله
كتبت:-

Quote: بكل صراحة هل يمتلك الهلال فريقاً ولاعبين واداريين ومشجعيين وصحفيين؟؟؟؟

ليتك كنت معنا فى مصر لتشعر بالأفتخار بأنك تنتمى لفريق هو (فرع) من الهلال!!
تعرف يا عثمان .. المصريين ديل ما كانوا بهتموا بأى مباراة الا فيها طرف الأهلى أو الزمالك .. لا اظنك تصدق مباريات الأسماعيلى حتى مع المريخ بكون لوحدى بتفرج فى التلفزيون وكل لحظه واحد يجى يسالك مين اللاعب ؟؟
ترد عليهو ده مريخ السودان والأسماعيلى .. فيذهب وياتى غيره!!

الهلال يا عثمان اصبح ألان عندو جمهور فى مصر .. ولاعبى الهلال كلهم محفوظين للمصريين .. واصبحوا يبرمجوا على مباراة الهلال .. قعاد .. وقهوة وشيشه .. وآخر غزل .. ودى فرقة جامده .. وبلعب زى البرازيل .. ولمن الهلال تقدم عليهو النجم الساحلى كانوا فرحانين جدا، ولمن سجل قودوين هدفو زى (السبط فيهم مطره) .. ولا اظنك تصدق ماذا حدث حينما احرز النجم الهدف الثالث .. ولمن قرب جوليت يحرز هدف فى آخر الدقائق !!
الهلال عظمه والباقين مساخ!!

الزعل مرفوع يا عمنا ... ربنا يرفعكم
بس دي عيدية برشا مليحة بمناسبة مرور 11 يوم على زكرى عبور 6 إكتوبر وإنقلاب مركب الجمعية (إستاد سوسة)



كل سنة وإنت طيب
NO COMMENT

يا تاج السر زي تنظيرك دا ممكن املا بيهو البوست دا كلو واقول انو الهلال أسوأ فريق في الدنيا على الإطلاق .. الكيبورد موجود والحروف نفسها موجودة والكلام على قفا من يشيل .
لكن كدا نفترض أنك جادي فى كلامك الفوق دا وبنفس مفهومك أقول ليك :..
بهاء الدين لو ماعندو بيدل كذلك المعز فى الهلال ما عندو بديل والدليل ما حصل للفريق فى غيابو ..
وما ينطبق على سفاري ينطبق على ريتشارد وقس على ذلك بقية لاعبي الفريقين وقارن ..

تاج السر
اولا كل عام وانت بالف خير
والسنة الجاية كاس السوبر في السودان هلال مريخ

اولا بصراحة
الانتصارات الاخيرة اعدتني الي دائرة متابعة الكورة من جديد

مريخي محب وهلالالي جميل

بالجد يا تاج السر خروج الهلال الاخير زعلني وقوم علي المصران العصبي
لانوا النجم ما الفريق الممكن يبعد الهلال وهو هزم اعظم الفرق علي الاطلاق
زي ما بتقول علينا بتاعين حمام النجم دا ما لاقي ليهوا فريق زي الناس لا الاتحاد الليبي فيس المجموعات
اما الهجوم علي المريخ وعلي لاعبينوا بصراحة في الايام دي
ما صاح لانوا بهبط الروح المعنوية شديد لناس وتفائلون بالكاس

عموما الهلال برضوا فيهوا اخفاقات في اللعبين شديدة
هيثم مصطفي بقا خصم علي تشكيلة الهلال في اي مبارة
داريكوان بقا بعيد عن مستواة واصبح بالجد لاعب محلي زي جنستوا كل يوم بي مستوي
والبقية تاتي

عموما نتمي ان يحاول الجميع بناء اتيام قوية لمحافظة علي مستوي هذا العام
والمشي في طريق البطولات من اجل السودان بس