Post: #1 Title: الشاعر الفنان ( طبيب شراح) د. كوباني عضوا بيننا... تعظيم سلام Author: ALGARADABI Date: 10-16-2007, 06:37 AM Parent: #0
الدكتور علي الكوباني استشاري الطب الشرعي بشرطة رأس الخيمة حاليا ومدير مشرحة الخرطوم سابقا والشاعر و الملحن والفنان وفوق هذا وذاك الانسان الحبوب أخو الأخوان رفيق الصبا و الشباب وزميل الدراسة والغربة الآن أصبح عضوا كامل الأهلية في فضاء بكري أبوبكر وهو أضافة نوعية للبورد في شتي مجالات الحياه العلمية والثقافية والسياسية و الرياضية(اداري بالأهلي الخرطومي) مرحبا به وأرجو أن يطيب له المقام بيننا و الشكر الجزيل للأخ يكري أبوبكر
Post: #2 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Ashraf El Bagir Date: 10-16-2007, 06:51 AM Parent: #1
تعظيم سلأم للدكتور الفنان والجميع قيام
Post: #3 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: mohmed khalail Date: 10-16-2007, 06:58 AM Parent: #2
مليون مراحب بالشاعر والملحن د. كوباني
وحبابو عشرة بلا كشرة
Post: #4 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: حيدر حسن ميرغني Date: 10-16-2007, 07:15 AM Parent: #3
ياسلام
ده احلى خبر
مرحب بالدكتور الفنان كوباني
شكرا قرضابي
Post: #5 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: عمر عبد الخالق سعيد Date: 10-16-2007, 07:17 AM Parent: #1
الخريف جا
مرحبتين واحدة ليك و التانية للفنان و الشراح كوباني
Post: #7 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ABDELAZIZ MAHADY Date: 10-16-2007, 07:27 AM Parent: #5
مرحباً بالمبدع الفنان والطبيب الإنسان بيننا وتحية وعيدية لكل البورداب ... عمر عبدالخالق واحشنا والله
عزيز مهدي
Post: #37 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ALGARADABI Date: 10-18-2007, 07:46 AM Parent: #7
.
Post: #9 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Adam Mousa Date: 10-16-2007, 07:35 AM Parent: #5
يا سلام احلى الاخبار حتى الان على وزن (احلى الاهداف ) ..انا مما شفتكم جبتو رسالة (الايميل) بتاعة ذكرياتكم فى الجديده تمنيت ان يكون بيننا الصديق والزميل (الاهلى ) على الكوبانى بيننا (لكن) انا ذاتى جديد فما كنت عارفوا حيجى كيف حيث حادثته وحثيته ان يشترك وان اصحابه (القرضابى + عماد عبدالله + الكيك) معلمين كبار فى البورد ... والحمدلله يا قرضابى ما خزلتونا وجبتوهو زي ما بقولو من كلكله .. فقطع شك سيكون فاكهة ورمانة هذا البورد .. ظرافه وشعر وعلم وكل شئ جميل سنجده عنده كما عهدناه وعرفناه....... شكرا كثيرا ..القرضابى ..وشكرا بكرى ابوبكر ,,, ودى احلى عيديه...........
Post: #6 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: celecon Date: 10-16-2007, 07:26 AM Parent: #1
قرضابى كل سنة وانت بخير
وللدكتور القامة كمان كل سنة وهو اكثر ابداعا ...
Post: #8 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: انور الطيب Date: 10-16-2007, 07:30 AM Parent: #6
مرحبتين حباب الدكتور كوباني ،لك ولأهل راس الخيمة ألف تحية وشكرا للجميع وطبعا الدكتور كوباني إنسان إجتماعي بمعنى ما تحمل الكلمة من معنى وشاعر رقيق وذات مرة قلت له أنا مستغرب كيف جمعت بين الشعر والتشريح ...
Post: #10 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: عادل جبارة Date: 10-16-2007, 08:31 AM Parent: #8
Quote: وهو أضافة نوعية للبورد في شتي مجالات الحياه العلمية والثقافية والسياسية و الرياضية
والتشريحية كمان !!!! نسيتها يا قرضابي ؟ يعني أي خدمة وكده للأعضاء بس ... ألف مرحب بالدكتور الكوباني زميل الدراسة منذ حي عبد المنعم الإبتدائية وحتى الخرطوم الجديدة الثانوية .
Post: #11 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Dr. Moiz Bakhiet Date: 10-16-2007, 08:35 AM Parent: #10
Post: #12 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: الفاتح ميرغني Date: 10-16-2007, 08:38 AM Parent: #11
مرحب ومليون تعظيم للنطاس الجسور والفنان د. كوباني
شكرا قرضابي
Post: #13 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: تاج السر حسن Date: 10-16-2007, 08:48 AM Parent: #1
سلامات يا قرضابى وكل سنة وأنت طيب الشاعر الفنان ( طبيب شراح) دى من:-
Quote: لحظك (الجراح) اذاى فيه والطرب والراح مناى لحظة الأفراح
ولا شنو ؟؟ مرحب بى دكتور / كوبانى .. شاعر (السهل الممتنع) .. أو (ولدنا) زى ما بقول (ولدكم) باعتباره من ناس (اهلى الخرطوم) الأصلاء .. الكان مؤدب (الجماعه) ويا حليل سعد الفن .. وسعد زكريا. شد حيلك معانا برضو فى فنان تانى (ابراهيم اشكا) مشرف منتدى الهلال .. زول مهم لحفظ توازن المنبر و(فنان) يجيد التوثيق الرياضى.
Post: #14 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Dr. Ahmed Amin Date: 10-16-2007, 08:57 AM Parent: #1
مليوووووووووون مرحبا بالدكتور المبدع
د. كوبــــاني .....
أرجو ان يطيب لك المقام ...
وقد سعدنا بلقاءك أكثر من مرة قبل سنين ..
في مزارع الروضة للدواجن بدبي .. والحفلات الرابة ...
ونسعد بلقائك اليوم صديقا وأخا كريما بيننا في المنبر
تقبل فائق التقدير
والشكر أجزله للأخ القرضابي على هذه الأخبار السارة
مودتي
Post: #15 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: الكيك Date: 10-16-2007, 09:17 AM Parent: #14
اهلا بالصديق والزميل كوبانى بيننا .. دى عملتها كيف يا عمر ؟ طبعا هو رجل فنان وشاعر ومرهف الاحساس يستطيع ان يفتى ويناقش فى هذا المجال الهام والبورد يحتاج له الان ليملا هذا الفراغ .. ولو كل يوم عمل موضوع واحد كثير منه فى الانتظار ..
Post: #16 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-16-2007, 10:37 AM Parent: #1
شكري وتقديري للأخ بكري أبو بكر على قبول عضويتي في هذا المنتدى العظيم والذي كنت عضواً فيه بالإطلاع اليومي..الحب والإعزاز لعمر القرضابي على سعيه الدؤوب على إنضمامي..(دي الدفعة وللا بلاش)..فخري لا حدود له بكلمات الترحيب الطيبة من أشرف ومحمد خليل وحيدر وعمر عبدالخالق وعبد العزيز والفردة آدم موسى وسيليكون والصديق الأستاذ أنور والدفعة منذ الابتدائية عادل جبارة والدفعة القدامي البروف الحلو معز عمر بخيت ( وزي ما قال لي الحبوب الشاعر د.محمد بادي..أنت يا كوباني أخوي ..الجنى ده بسوي للبنات ديل شنو....؟؟)..التقدير للفاتح ميرغني وللباشمهندس تاج السر..وأهلينا فوق...قريب انشاءالله..د.أحمد أمين...منو البقدر ينساك يا رائع أو ينسى دواجن الروضة تحياتي لدكتور الرشيد وعلاءالدين..أما الكيك..ذلك الحاسوب الآدمي...لك حبي يا دفعة...ويا عماد عبد الله أنا جيتك بالدرب العديل...
Post: #17 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ودالعباسية Date: 10-16-2007, 10:42 AM Parent: #16
مرحب بى الدكتور الفنان
على الكوبانى ،،،
Post: #18 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Mutwali Malik Date: 10-16-2007, 01:11 PM Parent: #17
لك الشكر اخي قرضابي ونرحب معك باحد قامات بلادي دكتور علي الكوباني وننتظر منك الكثير بداء من حي عبدالمنعم الابتدائية والخرطوم الجديدة والخرطوم ثلاثة وميدان العروبة وناس كوني وأل المنشاوي وفلفلة ونادي الاسرة وعيييييييك مرة تانية مرحب بيك ونتمني ان يطيب لك المقام
Post: #19 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: هجو الأقرع Date: 10-16-2007, 01:26 PM Parent: #18
الكلس القرضابى ، سلام لكن بالغت كده عديل ياخ ، مرحب دكتور كوبانى ، وبرضو تشكرات شيخ عمر ابا محمد.
Post: #20 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Alsa7afa_30 Date: 10-16-2007, 01:35 PM Parent: #1
ألـ1000ــف مرحب بالشاعر الدكتور علي الكوباني ..
Post: #21 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: على محمد على بشير Date: 10-16-2007, 02:59 PM Parent: #20
مرحب بالدكتور الاديب وشكرا قرضابى على الخبريه
Post: #23 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Tragie Mustafa Date: 10-16-2007, 03:03 PM Parent: #21
مرحبا د. الكوباني والبجي من القردابي كل طيب.
Post: #22 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: طارق جبريل Date: 10-16-2007, 03:03 PM Parent: #1
الف الف الف مرحب د. كوباني
القرضابي كيفنك
Post: #24 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Emad Abdulla Date: 10-16-2007, 05:04 PM Parent: #22
ليه يا عمر ياخ ؟؟؟ بالله ده شغل أخوان أمانةً في ذمتك دي ؟؟
عادل جبارة و قلنا راجل كبير في السن و نفسو قصير , بنقدر عليهو .. الكيك زول كافي خيرو شرو .. و فردة أصلية .. إنت و أنا ح نتناسب - لا قدر الله - قريب ..
لكن تجيب كوباني !!! كوباني يا عمر !!!!؟؟؟ هسه أنا أعمل شنو ؟
Post: #25 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: jini Date: 10-16-2007, 05:24 PM Parent: #24
Quote: مرحباً بالمبدع الفنان والطبيب الإنسان بيننا
الناس الحلوين يا سلام سلم ولايفوتنا ان نترحم على بهجة المحالس وفاكهتها الراحل المقيم عوض دكام
ونستهل بمشاغبته للطبيب شراح الكوبانى دا طب شنو! لا لادا لا عيادة! اها انا من هسة عندى ليهو سؤالين زى السم ! during autopsy of a cadaver or corpse هل شميت ريحة مسك من اى جثة! هل حدث ان نبشتم قبر ووجدت جثة غير متحلله!! جنى
Post: #26 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: waleed dawash Date: 10-16-2007, 05:28 PM Parent: #1
يا 100 مليون مرحبا بالرائع
الدكتور الكوباني
Post: #27 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ALGARADABI Date: 10-17-2007, 07:38 AM Parent: #1
الشكر لكل الأخوة الذين رحبو بالاخ و الصديق كوباني
Post: #28 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: jini Date: 10-17-2007, 07:44 AM Parent: #27
تعرف يا قرضابى امس حضرت ليهو سهرة فى اذاعة ام درمان هو ترباس متعة غناء دافئ وكلام دافىئ ونوهت ليهو فى المنبر لكن اظنك كنت فى اخر حلمة! جنى
Post: #29 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-17-2007, 08:49 AM Parent: #1
يا قرضابي أنا لسه حأشتغل في بوستك بالباطن..شكري على ترحيب الأخوة الأعزاء... ود العباسية ومتولي وهجو والصوت الحلو خالد الصحافة وعلي محمد وتراجي وطارق...ويا حليلك يا عمدة..مشتاقين شوق عميان لمتعة النظر...وشكري لجني ووليد..وأقول لجني...ما شميت لهسع مسك طالع من جثة...لكن كم مرة لقيت جثث بها تغير موميائي...وهنا بتلقى الزول زي ما هو بس ناشف والملامح تكاد تكون كما هي..!! لكن هذا التغير ما فيه أي كرامة ولا مربوط بدين أو صلاح أو عقيدة معينة..وكم مرة لقينا خواجات وديانات مختلفة بها تغيير موميائي..والشئ السائد والطبيعي أن تحلل المخلوقات..(ما عدا أجساد الأنبياء)وللا كان تلقى ليك ديناصور جنب بيت ناس عماد عبد الله..تقديري للجميع
Post: #30 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: احمد العربي Date: 10-17-2007, 08:56 AM Parent: #29
Post: #31 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: الزنجي Date: 10-17-2007, 12:09 PM Parent: #30
مرحب بتلك القامة النيرة فى هذا الفضاء السايبيري ومرحبا بكل مبدعي بلادي وشكرا لصاحب الحوش الكبير
وتسلم يا القرادبي على الخبر الجميل
محمد عبدالله ـ الزنجي
Post: #32 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ماجدة عوض خوجلى Date: 10-17-2007, 12:13 PM Parent: #1
اهلا وسهلا ومرحب بيك اضافة للمنبر
Post: #33 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: abdulhalim altilib Date: 10-17-2007, 02:00 PM Parent: #32
الأخ القرضابي ،
عيد سعيد وكل سنة وإنت طيب ،
شكراً لهذا الخبر المفرح بانضمام الشاعر المرهف والأديب الفنان والزول الحساس دكتور كوباني لحوش بكري الماهل .. فقد صار العيد ، كما ذكر حبيبنا البروف معز عيدين ، فألف مليون مراحب بهذا الضيف الغالي ، والذي سوف يكون بحق إضافة قوية وفاعلة ومؤثرة في هذا الوطن الاسفيري . وشكراً لسيد الحوش ، أخونا بكري .
تخريمة أولى :
عزيزي الإنسان الفنان ، دكتور كوباني ،
العيد مبارك عليك ، وكل سنة وإنت طيب ،
تشرفت بالالتقاء بك قبل عدة سنوات في سباق الخيل في (ند الشبا) وكان برفقتك أخي العزيز الشاعر المرهف جعفر عمر سورج والذي وثق معرفتي بك وقتها ، حيث ذكرت له أنني أعرفك من خلال أجهزة الاعلام ، لكن لم أتشرف بلقائك إلا يومها .. لو تذكر . وكنت وقتها وأسرتي في ضيافة إبن خالتي وزوج شقيقتي شادية خالد، الأخ التيجاني على عبدالرحمن في رأس الخيمة خلال عيد الأضحى المبارك قبل عدة سنوات .
تخريمة ثانية :
Quote:
عادل جبارة و قلنا راجل كبير في السن و نفسو قصير , بنقدر عليهو ..
أخوي عادل ، عيدك مبارك .. العزيز عماد عبدالله عامل ليك فضايح عمرية ؟!! وتاني ما تنكر إنك دفعة <أبو جهينة وصلاح غريبة> (و .. أنا بره) !!
و .. محبي للجميع ،
( ليمو )
Post: #34 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: jini Date: 10-17-2007, 02:08 PM Parent: #33
Quote: (ما عدا أجساد الأنبياء)
وهل تم التثبت! ام تسليم شكرا ا لاهتمامك والاجابة الشافية الكافية من اختصاصى نعزه ونحبه ونجله جنى
Post: #35 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Dr. Moiz Bakhiet Date: 10-17-2007, 02:11 PM Parent: #33
د.علي الكوباني
Quote: البروف الحلو معز عمر بخيت ( وزي ما قال لي الحبوب الشاعر د.محمد بادي..أنت يا كوباني أخوي ..الجنى ده بسوي للبنات ديل شنو....؟؟)..
ياخ ود بادي ده سجلناهو في عكس الريح
بس أول بوست ليهو دخلت ليهو جكسوية حلوة كدا
وعندها صورة جداً جميلة
فقام طفش الطفشة الياها..
ود بادي دمو ضعيف يا كوبا..
عشان كدا ما بنكشف ليهو الأسرار
يموت علينا ساكت
Post: #36 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: mahdy alamin Date: 10-17-2007, 02:20 PM Parent: #1
نرحب بالدكتور الشاعر : الكوباني واضافه جميله الى بورداب الامارات
ولك التحيه
مهدي الأمين
Post: #38 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: مجاهد عبدالله Date: 10-18-2007, 08:21 AM Parent: #1
الف مرحب ونورت المنبر يادكتور..
خالص الترحيب ...
شكراً القردابي ...
Post: #39 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: tayseer alnworani Date: 10-18-2007, 08:40 AM Parent: #38
قرضابى متشكريييييين
د كوبانى مرحبتين حبابك بيناتنا شاعر و فنان و ملحن و احكى لينا كتير . انحنا منتظريين
تانى مرحب بيك
Post: #40 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ياسر ميرغنى عبدالرحمن Date: 10-18-2007, 08:40 AM Parent: #38
مليار مرحب
ونورتنا
وراجين منك كتير
Post: #41 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-18-2007, 10:29 AM Parent: #1
يا قرضابي يا دفعة رغم نكرانك... والله فعلاً بكري أبو بكر عندو حوش ما هين ..بل قول حديقة بها كل الجمال..بترحاب كل الناس الحلوين ديل..زاد فخري بالانتماء لهذا الملاذ الآمن...شكري لأحمد العربي والزنجي وماجدة خوجلي وانشاء الله أكون قدر كلماتكم الجميلة..شكري لعبد الحليم التلب ومتين نتلاقى تاني...يا جني كتر خيرك ولو عندك أي تشريح حاضرين..مهدي ومجاهد لكما الشكر أجزله...اعزازي يا تيسير ولك الشكر...يابروف يا حلو..ود بادي من زمن الجامعة قال عندك سر عجيب..وباقي لي كلامو صاح..وأنت عارف وأنا عارف ..ياسر ميرغني ..عندما طلبت مني أن أرسل لك قصيدة (هوي يا ولد) بالفاكس بعد ما سمعتها مني في التلفزيون وفعلت..لم أكن أعلم في ذلك بمعركتك القويةونضالك المنصور انشاءالله...وأقولها ليك تاني..وأهديها لكل أعضاء حوش بكري...وأنشاءالله ما ناكل حق البلد
هوي ي ولد أنا دايراك أسد أوعاك الحسد..وما تاكل الحرام لا حق البلد... هوي يا ولد ***** أنا ديراك نضيف ولسانك عفيف وقليبك شفيف للرحمن حمد ما تبرى الرهيف فوق الضل تقيف ما تحارب الضعيف لا مسكين لبد هوي يا ولد..هوي يا ولد ***** خليك ود رجال ود عز حلال وما تهتم بمال لآخر الأبد أصلو الدنيا حال باكر لزوال والدوام محال للروح في الجسد هوي يا ولد..هوي يا ولد ***** لو بالك انسلب وحبيت من وجب ما تقل الأدب وخلي الريدة وّد ما تقسي القلب لو دربك صعب وخليك يوم تحب كريماً ما بعد هوي يا ولد..هوي يا ولد ***** أنت أخوالبنات موفور السمات فيك كل الصفات زي الصاقعة جد لو الحارة جات أركز في الثبات ما تندم لفات لا تهاب من عدد هوي يا ولد..هوي ياولد ما تاكل الحرام لا حق البلد
Post: #42 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Osman Musa Date: 10-19-2007, 02:29 AM Parent: #41
د/ كوبانى الرجل الضاحك ملء عينيه نحن الأن على مقربة من ينبوع مترع بالجمال مرحبتين كوبانى
Post: #43 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: شهاب الفاتح عثمان Date: 10-19-2007, 03:14 AM Parent: #42
د كوباني ايها العلم الذي على راسه نور حبابك في الحوش قردابي شكرا على المجهودو الانجاز الطله ..
كل عام وانتم و افراد اسركم بالف خير .. .
.
Post: #44 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-19-2007, 07:49 AM Parent: #1
عثمان موسى وشهاب الفاتح...فخري واعزازي بترحيبكمالا تحده حدود..الود لكما والمحبة
Post: #45 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Mustafa Mahmoud Date: 10-19-2007, 08:12 AM Parent: #44
you are very welcomed indeed
Post: #46 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: هشام هباني Date: 10-19-2007, 08:19 AM Parent: #45
اخونا القرضابي
سلام
واهلا بضيفك الكريم دكتور الكوباني واهديكما هذا المغني للراحل المقيم احمد المصطفي من قريبي الصاعد محمد تبيدي.
Post: #47 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Husam Bashir Date: 10-19-2007, 01:03 PM Parent: #46
مرحبابالعزيز كوبانى وكل الشكر لبكرى وقرضابى ونرجوا من كوبانى إنو يبعد من عماد عبداللة.غلبوا يجننوا زمان مافى داعى يترطشوا فى كبروا. وياكوبانى عليك اللة خليك إنتى وجنى من الونسة المالذيذة دى. فطايس شنو ياخ فى البورد؟ باللة عليكم اللة من كلك حلو ولى قدام.
عماد عبداللة: حقوا ترفع ليك لوحة ظريفة كدى رشوة لى كوبانى . الزول دة لسانوا طويل وكلامو بيصل اللإذاعة والتلفزيون.
مودتى للجميع
Post: #48 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: غباشي Date: 10-22-2007, 11:45 AM Parent: #1
مرحب د. كوباني
Post: #49 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: معتصم محمد صالح Date: 10-22-2007, 11:56 AM Parent: #48
والله المحيرني فيك من زمان .. التشريح والشعر ديل بتلموا كيف .. واحدة عايزة احساس عالي والتانية عايزة عدم احساس عالي جدا ..
مرحبا بك يا دكتور يا فنان .. وعلى طريقة جني اديك سؤال مسخن .. قصتك مع فرفور شنو ؟؟ ووصلت لوين ؟؟
Post: #50 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Najm Date: 10-22-2007, 01:29 PM Parent: #49
عزيزنا كوبانى ابداء بشوق العميان لمتعة النظر كما درج على القول الفنان القامة السامقة صديقنا كرومة زمانه كمال ترباس لك وله الود والتحية وهذا الشوق كله واكثر صنعتما يومى you made my dayذلك الصباح الجميل حينما هاتفتمونى من الهضبة لاقاسمكم وصديقنا الشاعر الكاردينال بهجة ذلك الحضور والالق ولقد ملانى مشاعر فياضة الصديق كيمو حينما اعلن لى تبرعه بكلية لكى اتمكن بواسطتها ان اكون حضورا بينكم ارجو ان يكون حضورك الباذخ بيننا اجترار للجمال كله فما عهدناك الاجميلا تحب الجمال رغم التشريح لك مودتى
Post: #51 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: خال فاطمة Date: 10-22-2007, 01:42 PM Parent: #50
يا القرضابي
ما تقول لي دا الدكتور البمشي ليو المريض بعد ما يموت
حبااااااااااااابك دكتور كوباني
ياخ انت راجل ظريف وخلوق ..
قابلتك في زمن ماشي وزمن جائي .. في النادي السوداني بأبوظبي ( حفل ندى العنبر)
شكرن قرضابي
Post: #52 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: jini Date: 10-22-2007, 03:10 PM Parent: #51
Quote: وياكوبانى عليك اللة خليك إنتى وجنى من الونسة المالذيذة دى. فطايس شنو ياخ فى البورد؟ باللة عليكم اللة من كلك حلو ولى قدام.
مصيرك يا عيش تمشى الطاحون! الملافظ سعد! اوعك ترمى لى قدام! الموت حاااار! جنى
Post: #53 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-24-2007, 11:34 AM Parent: #1
مصطفى محمود وهباني الشرس..شكري على الترحيب الحار.. هشام بشير وينك يا حلو..؟ عاد عماد عبد الله يحلو الله مني..بس خليني أتفرغ ليهو.. كتر خيرك يا غباشي.. معتصم والله يا خوي التشريح داير ليهو احساس اكتر من الغنا عشان تعرف تتكلم مع الميت بلغة خاصة بمفردات جديدة...وصدقني مرات بتكلم أحسن من بعض الأحياء..ويوريك جنسه وعمره وأكل شنو و متين ...ومات كيف ومتى وحاجات تانية حامياني.. يا نجم الدين يا رائع..شوق عميان لمتعة النظر...أتمنى أن تكون بلغت الصحة عشان نتلاقى في الهضبة مع تربس بروان والكاردينال وبقية الأحباب عسى أن يبعثنا الله مقاما محمودا زي ما بتقول..ياخي كل الحب يا جني يا خوي ..حسام بشير يبرى .. وتاني سيرة الحاجة الحارة ديك خليها بيني وبينك..
Post: #54 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Adam Mousa Date: 10-24-2007, 12:06 PM Parent: #53
((التشريح داير ليهو احساس اكتر من الغنا عشان تعرف تتكلم مع الميت بلغة خاصة بمفردات جديدة...وصدقني مرات بتكلم أحسن من بعض الأحياء..ويوريك جنسه وعمره وأكل شنو و متين ...ومات كيف ومتى وحاجات تانية حامياني..))
دى مهمة جدا وبقى لازم تشرحها لينا .. عشان الناس الغالبهم الكلام هسع .. يطمئنو شويه على الاقل بضمنو انهم بتكلمو بعد ما يموتو..!!
Post: #55 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: ABDELMAGID ABDELMAGID Date: 10-29-2007, 08:05 AM Parent: #54
الكوبانى .... ظااااطو !!! بشحمه و لحمه ( من دون مشرحه ؟ ) الله استر ما تجيب لينا ( بعاعيت ! ) فى الموقع ده ! زمن و الله !!! بس يا قرضابى ! كوبانى ده ما رشاشه زيك !!! يعنى ! نص مكنه !!! ده كان المشجع الوحيد لأهلى الخرطوم ! فى مجمع ( حسيب و الرازى ) !!
**************
كوبانى أخوى .. أقعد بارى لى الشعر ده !!! اصحابك ناس محمد مختار طاروا و راحو فيا و بقو ( حاكومه ! ) من ( نافع ! ) و ل ( فوق ! )
************************
مرحب بالشاعر الدكتور على الكوبانى ... و ان جاءت متأخره ( أمسحا لينا ! ) و شكرا للرشاشة ... القرضابى ...
عبدالماجد
Post: #56 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-29-2007, 10:42 AM Parent: #1
شكري وتقديري لخال فاطمةأولاً على الترحاب الجميل..ومعليهش سهوا اتاخر الرد...وصدق الشاعر حين قال يسلم لي خال فاطمة أو او بالسوداني فاطنة لك الود... اعزازي بترحابك يا عبد الماجد..وما مهم متين المهم أنو وصل(اصلو ناس المشرحة ديل بكونودايماً في النهاية)..يا حليل الأهلي الفن..لكن انشاء الله قادمون...بعدين بالله استرنا في اسرار حسيب والرازي...والله يلعن البحطموا في الجامعةأين ما حلوا... الداخليات بقت تبع صندوق والصندوق عند الهناي والهناي عايز هناي....!!!
Post: #57 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: نادية عثمان Date: 10-29-2007, 11:27 AM Parent: #56
سهلا ممتنع طعمك حروف واغانى
احساسك شفيف بيلامس الجوانى
شعرك زى درر وورود ونظما حانى
قلبى بدق فرح بى طلّة الكوبانى !!
Post: #58 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Elmosley Date: 10-29-2007, 02:02 PM Parent: #1
الف مرحب بالكوباني الدكتور الفنان وشكرا للخبر ياقرضابي كل الحب لكما
Post: #59 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 10-31-2007, 11:11 AM Parent: #1
الجميلة الراقية ناديةعثمان، فرحت بطلة وجيهك وبكلامك العذب وترحابك الرائع..وكيف لا..والعنوان يكفي..ولو كنت بعرف حبة رطانة(دنقلاوي الأم) كان كتبت... أهديك أغنية أنا شفت الملاك..
أستاذي دكتور الموصلي لك حبي وتقديري يا أستاذ الفنانين...يا ريت تكون اللقيا قريبة في الامارات..عاطر المودة مع الأماني السندسية..
Post: #62 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: نادية عثمان Date: 10-31-2007, 12:28 PM Parent: #59
Quote: كان كتبت... أهديك أغنية أنا شفت الملاك..
انت فى الحلوات كتبت .. وفينى حرفا ماكتبتو
ياما اترجيت عيونك .. يفضحو السر الكتمتو
لو تقول كلمة بحبك ..وثّق الحرف النظمتو !!
*** *** ***
انت فى الحلوات كتبت ..وياما غنيت الأغانى
قلت فيهم ياما قلتا..وكان كلامك كلو حانى
رغم انو حنانى أكبر .. فيض حروفك ماغشانى !!
*** *** ***
قلت ياما قلت انت .. الف مقطع والف بيت
لمّا جيت أنا جوة عمرك .. الشعر قال ليك أبيت !
ماعرفت تقول احبك ..وللغرام والشوق عصيت !
*** *** ***
انت فى الحلوات كتبت ..وعنّى استعصت حروفك
رغم حبك ليا ظاهر .. زول ولوفى وزول ولوفك
حاول أكتب فينى حبك ..وشوفنى بى نبضى البشوفك !!
اهداء بسيط من ديوانى الثانى (ميلاد عصيب لرجل ما )
وكن بالف خير دوما ايها المبدع الرقيق جدا د. كوبانى
Post: #60 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: خالد العبيد Date: 10-31-2007, 11:46 AM Parent: #1
يا لله بالله انا لسه مارحبت بي دكتور علي الكوباني مراحب بيك يادكتور سمعنا بيك كثير ونحمد لهذا الفضاء الاسفيري الذي جمعنا مودتي
Post: #61 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: أيمن الطيب Date: 10-31-2007, 11:58 AM Parent: #1
سلامات د.على كوبانى,
قطعا ستكون صاحب وجود فاعل ومتميز فى هذا المكان العجيب جدااااااااااااااا!
زمن طويل لكن يبدو أن المقام قد طاب لكم فى رأس الخيمة وأرجو أن تكون الدكتورة والزهرات
وأبوحميد بخير وكمان ولدك الكبير صديق ,
سلامي للجميع ومرحبا بك فى هذا المكان وعهدى بك عاشقا لأماكن الدواس بكل أنواعه .
تحياتى
Post: #63 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-03-2007, 11:21 AM Parent: #1
ترحابك جميل يا خالدويديك العافية ولك تقديري الجم... يا أيمن مشتاقين وكلنا طيبين وانشاء الله كمان دايماً سالمين...أهديك تحايا صديق كوباني وكل الأسرة... نادية عثمان...مقاطع رائعة وأكيد ما حتبخلي علينا بنسخة من دوواينك.... وللا كتيرة علينا... أجزم بأنو عندك سر في الغنا ويا ريت تتعاوني مع ملحنين... وأنا كملحن صغير مستعد ...بل متحمس ...أهديك بعض من (مقاطع ريد خرافية)...
لما الدنيا تقسى علي بشيل صورتك واناجيها ألاقي عيونها تبسم لي سلام اشواق وحنيه تطل الفرحة في عينيي وتبقى الدنيا عيديه ******* وحاتك اسعد اللحظات يوم تلقاكي عينيه واحس نفسي بين ايديك واحسك انتي في ايديا تعم البهجة في جواي ورود وزهور فرايحية ****** رسمتك في خيالي زمان مقاطع ريد خرافية وصورتك في رؤى الاحلام أميرة الجنة بالفيها كأنك انتي لا قبلك وبعدك ما في حورية ****** بتعجز أروع الابيات وحروف شعري وقوافيها لو حاولت اوصف ليك مشاعري الكنت بخفيها بريدك ما بتكفيها وبحبك ما بتوفيها
كل الود
Post: #64 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: عمرو كمال ابراهيم Date: 11-03-2007, 01:44 PM Parent: #63
مرحب يا دكتور
اسعدنا جدا دخولك الحوش
Post: #66 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: نادية عثمان Date: 11-04-2007, 02:14 PM Parent: #63
دكتورنا الجميل الكوبانى
تسلم من كل شر ياراقى جدا
Quote: نادية عثمان...مقاطع رائعة وأكيد ما حتبخلي علينا بنسخة من دوواينك.... وللا كتيرة علينا
يشرّف دواوينى انك تقرا قصائدها يااستاذنا .. الديوان موجود فى الامارات عند القرضابى زااااتو بتلقاهو وبالعدم ممكن يجيبوا ليك من ياسر عبد الحى فى النادى السودانى ويهمنى تتطلع عليهو جدددا
..
Quote: أجزم بأنو عندك سر في الغنا ويا ريت تتعاوني مع ملحنين... وأنا كملحن صغير مستعد ...بل متحمس
يآآآآآآآآه ده اسعد خبر طبعا ويشرفنى جدا انك تلحن لى استاذى الكوبانى .. كما اسعدنى من قبل ان لحن لى الاساتذة يوسف الموصلى وعم السر قدور وعثمان حسين واللواء جلال حمدون والتيجانى حاج موسى .. وللاسف كلها اغنيات غير مسموعة حتى الان (وجه حزين)!!
وهذه من المجموعة الثالثة التى ستصدر قريبا باذن الله
Post: #65 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-04-2007, 08:52 AM Parent: #1
ترحب بيك السعادة والعافية دوماً يا عمرو...وكل المودة
Post: #67 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Dr. Faisal Mohamed Date: 11-04-2007, 05:25 PM Parent: #1
سلامات الدكتور الشاعر والفنان ود الكوباني
ومرحبا بيك كاضافة جميلة ورائعة في حوش المهندس بكري ابوبكر. قابلتك في جدة في اواخر التسعينات على مائدة عشاء في منزل الأخ محجوب عبدالكريم وقد كنت برفقة شقيقي مقدم شرطة سابق عباس محمد فضل المولى. وقد كانت بالفعل سهرة جميلة مليئة بالضحك وسرد ذكرياتك في المشرحة ودنيا الفن. واتمنى لو سمحت ظروفك ان تعطى الشباب وفي بوست منفصل فكرة مبسطة عن العلاقة بين علم التشريح والطب الجنائي وتاثيرات الهندسة الوراثية والجينوم البشري عليهما، وهل هنالك تطور ومواكبة في السودان مع تطوراتهما العلمية الحديثة .
Quote: ود بادي دمو ضعيف يا كوبا.. عشان كدا ما بنكشف ليهو الأسرار يموت علينا ساكت
ياريت يا د. معز ود. كوباني تسجلوا لينا ود بادي في المنبر اذا لم يكن مسجل اصلا.
مع مودتي
Post: #68 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: حافظ العشا Date: 11-04-2007, 08:56 PM Parent: #1
مرحب بالشاعر المبدع الدكتور كوباني نورت الحوش وانشاءالله مرحب بيك
Post: #69 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: لقمان حسن همام Date: 11-04-2007, 09:43 PM Parent: #68
مرحبا بالدكتور كوباني ..
أرجو أن يطيب لك المقام هنا ..
لقمان همام
Post: #70 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: عواطف ادريس اسماعيل Date: 11-05-2007, 06:12 AM Parent: #69
دكتور كوباني الشاعر الشفيف !!!
ألف مرحب بيك ...
نورت البلد والعيون الليلة يا دوب سهر هجد ,,,
شكرا أخونا القرادابي أيها الإنسان الرائع !!!
Post: #71 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-05-2007, 08:43 AM Parent: #1
والله فعلاً يا قرضابي حوش المهندس بكري مترع بالجمال والروعة والذوق والحلاه وازداد فخراً بوجودي فيه..وانزوي خجلاً أمام هذه القامات..شكري لك ولبكري على التكرم.. د.فيصل لك الود والمحبة وأنا حاضر انشا الله لمناقشة علاقة علم التشريح والطب الجنائي والهندسة الوراثية.. استاذ حافظ ترحب بيك العافية دوماوالحوش منور بيك.. يا راقي.. استاذي لقمان طابت لك الايام دوما يا مبدع..سنتلقي الاساتذة عواطف..ضي العيون منك بكون والبسمة عندك يا حنون...أجزل المشاعر الصادقة
Post: #72 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: عبدالله شمس الدين مصطفى Date: 11-05-2007, 08:57 AM Parent: #71
ألف مرحب بالدكتور والشاعر والظريف( دى من ظرفاء )و و وألقاب وصفات، وحاجات تانية كتيرة كده. مرحب بـ على الكوبانى .
Quote: هسه أنا أعمل شنو ؟
.
عماد عبدالله غايتو إلآ تعمل ميّت ، بس الخوف يقوم (يشرّحك) .
شكراّ للبشارة أخ قرضابى كل الود
Post: #73 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-05-2007, 09:57 AM Parent: #1
ود البلد الأصيل ود شمس الدين...أنا من ليك كل المنى...شكري الجم
Post: #74 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: الطيب عبدالرازق النقر Date: 11-05-2007, 10:08 AM Parent: #73
ازدان المنبر ونّور باطلالتك ايها العملاق
وكلنا شوق بان تروى صدانا من نبع قريحتك الدفاق
ايها الدكتور الشاعر
Post: #75 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-05-2007, 10:11 AM Parent: #1
عشمي الطلة يا وضاح...يا سلام يا نادية..روعة وابداع... وما شاء الله تعاملت مع قامات كبيرة بس يا ريت تصل لبعض الفنانين وبالأخص الشباب...أكيدالكلام الرائع ده حيلقى نصيبو...ربنا يوفقك يا مبدعة
Post: #78 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: نادية عثمان Date: 11-05-2007, 11:10 AM Parent: #75
Quote: ما شاء الله تعاملت مع قامات كبيرة بس يا ريت تصل لبعض الفنانين وبالأخص الشباب...أكيدالكلام الرائع ده حيلقى نصيبو...ربنا يوفقك يا مبدعة
تسلم يازول ياحلو .. وياشاعر مترع بالألق .. وسمعت انو عندك زيارة قريبة لمصر وفرحت شددددددديد صحى الكلام ده ؟!!
Post: #76 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-05-2007, 10:18 AM Parent: #1
تسلم ديمة ياأبو الطيب والحوش منور بيك يا راقي
Post: #77 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Adel Sameer Tawfiq Date: 11-05-2007, 10:21 AM Parent: #1
مرحب بالرائع الدكتور علي الكوباني..
بس لو ما كانت حكاية الطب الشرعي دي ومدير مشرحة الخرطوم سابقا !!
Post: #79 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: Husam Bashir Date: 11-05-2007, 01:40 PM Parent: #77
على ياأخوى بعد ماجريت القرعة ماتسوى ليك حوش براك. قرضاوى دة ما تقلت علية شديد. أسمع نخلة المشرحة ملانة بلح. أظن غيرك مافى زول كان بياكلوا.
Post: #80 Title: Re: الشاعر الفنان ( طبيب شراح) د. كوباني عضوا بيننا... تعظيم سلام Author: د.علي الكوباني Date: 11-06-2007, 08:52 AM Parent: #1
النية في يا نادية,,وجاي معاي الفخيم ترباس لتسجيل شريط في استديو العربي مع الرائع باسم شاهين..وعسى أن نلتقي ومعنا ترباس لنسمع اعمالك الجميلة... مشكور على الترحاب الوفير يا عادل سمير..ووالله كلامك صح قصة المسرحة دي أنا ذاتها داير ادسها واتنكر واركب لي مكنة جراح تجميل..وزي ما قال لي أبو السيد مشجع الهلال المهووس..ياخي في دكتور بجيبو ليهو العيان بعد ما يموت..؟؟ يا حسام والله ذكرتنا النخلة الجميلة الفي المشرحة والتي كانت تساقط رطباُحلو المذاق والشكل..تعرف اكتشفنا انها كانت بتشرب من المجاري الضاربة بتاعت المشرحة ..!!
.