ساندريلا .. النيل الأزرق ...

( ربمــا ) المذيعة أو مقدمة البرامج الوحيدة بقناة النيل الأزرق:
القادرة على التعامل مع الكاميرا .. والمشاهد .. والمتلقي بشكل عفوي ( راي شخصي طبعا )..
بعيدة عن التصنع .. وعن ( جلبطة ) المساحيق..
مثقفة ذكية ـ عفوية وتلقائيه لأبعد درجة..

كان ما شعار النيل ازرق
كنت قايلو تلفزيون موريتانيا!
جنى

Quote: كان ما شعار النيل ازرق كنت قايلو تلفزيون موريتانيا! جنى

.. يا جني .. موريتانيا شنو ياخ ..؟
إنت ما قاعد تحضر الووو مرحبا .. ياخي اي واحد يتصل يقول ليها أنـا من جده
حيرو ليك التلفونات زاتو...

لا تقليل من شأن الوجــوه الشبابية الجديدة زميلاتهــا بالقناة أو عقد مقارنة .. بقدرما هو إشادة ومجرد لفت للنظر .. ( ومقارنة ) حقيقية بين القنوات الفضائية الأخرى في شكل الظهور على الشاشة ..
هي استرجاع لعهد العمالقة .. احسان التوم .. فتحية إبراهيم والبارعة محاسن سيف الدين ..إلخ ..

..
.
كل سنة و انت طيب..القابله على امانيك

Quote: كل سنة و انت طيب..القابله على امانيك

زنجيــة ..
كل سنة وإنت طيبة وبألف خير ..
وين الحي بيك ..؟

Quote: يا جني .. موريتانيا شنو ياخ ..؟ إنت ما قاعد تحضر الووو مرحبا .. ياخي اي واحد يتصل يقول ليها أنـا من جده حيرو ليك التلفونات زاتو...

ديل ناس جدة ام جداد من يشوف ليهم بت حلوة يكاكو
الواحد فيهم خاتى الشيلة حقتو تحت السرير وقايل نفسه منظرن يتقدم!
خلاص الولد شغل فى اليونايتد نيشن فى جنيفا!
جنس وهم علينا!
جنى

Quote: ديل ناس جدة ام جداد من يشوف ليهم بت حلوة يكاكو الواحد فيهم خاتى الشيلة حقتو تحت السرير وقايل نفسه منظرن يتقدم! خلاص الولد شغل فى اليونايتد نيشن فى جنيفا!

يا جـــن.. شكلك متابع كويس لي بعثة اليونايتيد نيشن بجدة .. وعرعر وحفر العتش..
تعرف بالطريقة دي أنـا زمان كل يومين في الأسبوع كنت بكسر لي ( راديو )..
بعدين ( البكنزون ) الشيلة تحت السرير ديل .. راجين الري ..؟ ما يمشو حارسين النيل الأزرق في شان شنو..؟

يا تامبا

كل سنة وانت طيب و القابلة عريس

يا خوي حكايتكم شنو بالضبط انت و عمك تنقو

Quote: يا خوي حكايتكم شنو بالضبط انت و عمك تنقو

يا محمد بابكر وفي رواية أخرى يا خــال:
تنقـو الله يطراهو بالخير متخصص برامج المساء والسهرة وأنا متخصص برامج أخبار وربــط
بعدين إنت جيت داخـل البيت الساعة اربعة صباحــا ح تشوف كيف وإنت على سفــر؟
كل سنة وإنت طيب .. ودعوتك دي أوعه تكون دعوة مراكبية؟؟

Quote: بعيدة عن التصنع .. وعن ( جلبطة ) المساحيق..

تمبس.

هسع في "جلبطة مساحيق" أكتر من الصورة دي؟

أنت عميان ولا غبيان؟


دينق.

Quote: تمبس. هسع في "جلبطة مساحيق" أكتر من الصورة دي؟ أنت عميان ولا غبيان؟

دا الهامش المسموح بيهو للضؤ والانعكاس بتاعو! الامور بقت كلها هامش فى مارجن ويا قلبى لاتحزن!
حالتك فى امريكا!
يعنى لو زينا بى جاى تقول شنو!
جنى

Quote: تمبس. هسع في "جلبطة مساحيق" أكتر من الصورة دي؟ أنت عميان ولا غبيان؟ دينق.

..تعرف يا دينق .. بما إنك لا عميان .. ولا غبيـان، وقاعد تعرف حاجات كتيرة جدا ـ لذلك اي حاجة بتقوله إنت .. طوالي عكسها بيكون صحيح .. وفي فرق بين ( الجلبطة ) ( البتضرس ) الواحد زي لما يطالع .. طلعتك البهية على المونيتر وبين التعامل مع ثقافة المكياج حسب لون البشرة وطريقة اللبس ..
وبالمناسبة:
والله العظيم وما طالبني حليفة .. الليلة صحيت من النوم ( حلمـان ) بيك مع إنو الواحد ما اتشرف بي خلقتك دي ... لكن حلم اسفيري ساكت .. تعرف حلمت بيك اتلحسته وفي رواية أخرى ( مته ) لكن الحلم ما تم الواحد كان مفترض يتمم مراسم الدفــن ويردمك تراب لما تستغرب .. وقمت صحيت واتربعت في نص السرير .. وقلت اللهم أجعلـو خير يارب الواحد ما يعرف ينوم حتى في النوم جاياهو كوابيس ..
تعرف زمان كنت لما احلم لي بي زول مات .. بيروح فيها طوالي .. لما احلم لي بي قروش بلقاهــا
الأيامات دي ( كهربتي ) عالية جدا وحاجات زمان رجعت لي تاني ..
يعني يا دينق .. اخسر فيك واحد ( حبه ) ( فاليوم فايف ) واكسره النص كمان ..
منها ( بلبعه ) ومنها أعمل ليك ( شلل نصفي ) بي راسك الكبير دا ..
بعدين في مقدمة برنامج من الهامش .. كان قمت جبتها ليك .. أنا عارفك بتدردق هنا في البوست دا لمن الله يغفر ليك .. وتدخل اي بوست تاني برضو تدردق بالريحة ساكت ..
هاك شوف عدم الجلبطة البقصدو ليك اصلك بي اخوي وأخوك ما بتفهم ..

Quote: والله العظيم وما طالبني حليفة .. الليلة صحيت من النوم ( حلمـان ) بيك مع إنو الواحد ما اتشرف بي خلقتك دي ... لكن حلم اسفيري ساكت .. تعرف حلمت بيك اتلحسته وفي رواية أخرى ( مته ) لكن الحلم ما تم الواحد كان مفترض يتمم مراسم الدفــن ويردمك تراب لما تستغرب .. وقمت صحيت واتربعت في نص السرير .. وقلت اللهم أجعلـو خير يارب الواحد ما يعرف ينوم حتى في النوم جاياهو كوابيس

الله يستر عليك يا تمبس ده في عالم الحلم ده جان اسود

كل سنة انت طيب

الامين

Quote: الله يستر عليك يا تمبس ده في عالم الحلم ده جان اسود كل سنة انت طيب الامين

الأمين .. كل سنة وإنت طيب ..
تعرف يا الأمين .. الجــان الأسود دا ممكن ندي ليك شوية بتاعت ( مكياج ) كدا .. نعمل ليك منو حاجة ما حصلت .. برضو في الحلم..

Quote: دا الهامش المسموح بيهو للضؤ والانعكاس بتاعو! الامور بقت كلها هامش فى مارجن ويا قلبى لاتحزن! حالتك فى امريكا! يعنى لو زينا بى جاى تقول شنو! جنى

هووي يا جني.

دي جلبطة في جلبطة


دينق.

عـلاء يا عـلاء

كل سـنة وانت طـيب

اسي دي ياتمبس الخضـرة..وللا المـاء..وللا الوجـه الحسـن

اشـهــد لـسـاندريلا بانهـا ( مثقـفة) جـدا.

مررت لالقاء التحـية والتبريكات بالعيد السعيد.

Quote: ساندريلا .. النيل الأزرق ... ( ربمــا ) المذيعة أو مقدمة البرامج الوحيدة بقناة النيل الأزرق: القادرة على التعامل مع الكاميرا .. والمشاهد .. والمتلقي بشكل عفوي ( راي شخصي طبعا ).. بعيدة عن التصنع .. وعن ( جلبطة ) المساحيق.. مثقفة ذكية ـ [U.عفوية وتلقائيه لأبعد درجه.[/U]

والله يا تمبس حيرت مصنع التلج ظاتو.. ووقفت مكناتو..التعامل مع الكاميرا دى عرفناها (بحكم الكميرا) الكنت شايلها..
لكن كدى قولينامثقفه وذكيه دى جبتها من وين ..ولا دى (عين الرضا)
وبعدين ياربى (الروج) و(الكحل)..ديل شنو (مماسيخ)... عالم ماتختشيش..........

تمبس كل سنة وانت طيب والعيد علينا وعليك يتبارك , اتفق معاك قلباً وقالباً وهذه المذيعة لا يختلف
عليها إثنين وكلنا مكسرين وبنعاين بالدس وهسع العيال في جدة وعملت صورتها خلفية إلا ان تحضر صاحبة
الجلالة وبعدين نسحبها بالله شوف زي ده , وبعدين ما عايز اجازف واكتب فيها قصيدة العقاب بعدين صعب .

تمبس التمبوشةالبديع الخلاب
انا زاتو اكسر تلج فيك
فعلا واعية وليها مستقبل
احييك على إطلاق لقب على واحدة من المذيعات الواعدات
وده شى مهم فيهو حافز ودافعيةللجيل الجديد
وكمان فيهوإعزاز بيحاجاتنا سودانيتنا
ده بوست المكسرين فيهم الظهرو زي جني
وفيهم الحيرونا زي ماقال جني
دينق الحلو الغالي
انت صحي لو كنت معانا هنا كنت عملت شنو ؟؟
تقولي مجابطة وملخبطة
مله ؟ عـــيـبـه لي ؟؟
عشان عاملة كريم اساس وشوية فاونديشن
وظلال عيون ومتقله الكحل ومحددة الحوجب
ولاطشة العناب وماسحة كريم ومدياها لمعة
ما من حقها تتلمع
راجع حقوق الطفل والإنسان
المادة الجمال ـ البند مكياج
انا كنت قايلك جمالي يادينق
عجبني كسير الحاج هشام ود خلف
الولدو ما عايز اروح المدرسة لي الليلة
اها ياهشام عندنا واحد معانا في الدوحة
من تمغرب افتح النيل الأزرق
ومن إظهروا الصبيات الحلوات ومعاهن مصارعي الثيران المغاوير
إشبك ليك مرتو :
بالله ديل مذيعات شوف اللغة كلها غلط الوشوش كلها مكياج
وين الجمال الطبيعي زي ام العول وإديها نظرة
وهي تبتسم فرحة مع انو جمالة النوع داك المابتقدر تقيموا
لاشينة لا سمحة مافيها جاذبية لكن مقبول كلامة
يعني ممكن تتونس معاها لمدة 5 داقايق لو الموضوع قوي
هلال مريخ مثلا !!
اها اشبكة شينة ومعولقه واقفلي التلفزيون ده ولا غيري
وهي المسكينة تقول ليهو لالا
وهومن برة منفوخ وعامل زعلان
ومن جوه العفريتا بتاعتو بتقول
وووووووواااااااوووووووو...

Quote: فعلا واعية وليها مستقبل احييك على إطلاق لقب على واحدة من المذيعات الواعدات وده شى مهم فيهو حافز ودافعية للجيل الجديد وكمان فيهوإعزاز بيحاجاتنا سودانيتنا

السني الجميل .. مشتاقين وعيد سعيد ..
تلجك تكسيرو عينه .. تلج الفنانين عامل زي عشاء الفنانين ..
ليها مستقبل اكيد.. وهي على بداية الطريق، وقناة النيل الأزرق فرصة واسعة للظهور ولصغل الموهبة .. طالما في كمية مميزة من الخبرات في كل المجالات المتعلقة بالعمل التلفزيوني..
يا ريت يا السني اسم ساندريلا دا يمشي معاها لي قدام .. ويكون حافز لي الكير من الزملاء .. وتكون المنافسة في شكلها الطبيعي لإفراز كوادر مؤهلة تعمل على عكس الجانب الإعلامي والتعريف أكتر بالسودان من خلال البث التلفزيوني المباشر .. وعلى الأقل يعملو لينا حبة غسيل .. لي القناة الرئيسية ( تلفزيون السودان ) ..

Quote: عشان عاملة كريم اساس وشوية فاونديشن وظلال عيون ومتقله الكحل ومحددة الحوجب ولاطشة العناب وماسحة كريم ومدياها لمعة ما من حقها تتلمع

.. والله يا السني ما عارف عايزنها تجي كيف قدام الشاشة .. ياخي يوم بحضر في التلفزيون في سهرة كدا ,. قاموا جابو ثنائي النغم .. ياخي عليهم حالة .. اريته حالة العدو .. بعدين يا السني .. عليك الله الناس دي بتتكلم عن المكياج .؟
البسمع الكلامدا تقول خبرا بتاعين تجميل ..
زي ناس دينق ديل .. الواحد كان بالغ بيتعامل مع المكياج بي ثقافة .. ( قدر ظروفك ) .. يعني بي فهم:
( تكحل ) عين ( وتفط سطر ) ..

الاخو تمبس
من ناحية سمحة هى سمحة تب مافى كلام


لكن مثقفة دى
الله عليمو

Quote: الاخو تمبس من ناحية سمحة هى سمحة تب مافى كلام لكن مثقفة دى الله عليمو

يا الأخــو محمد سيد أحمد ..
الاتكلم عن السماحة منـو في البوست دا ؟؟.. لو في سماح شايفو معناته براهـو طرح نفسو .. ياخي انا بتكلم عن وجــه إعلامي متوافق مع شاشة مفترض إنها تكون عالمية بتكلم كمشاهد عادي واجهتو حاجة مميزة .. وعبر عنها ...
ويا الأخــو علم الله الخلق الجمال والخلق القبح مع بعض .. واسع جدا
لكن أنا خليني من وجهة نظري للثقافة القلتها هنا دا .. إنت وجهة نظرك شنــو ..؟
ومنكم نتثقف وبالمره نستفيد ..

Quote: تمبس كل سنة وانت طيب والعيد علينا وعليك يتبارك , اتفق معاك قلباً وقالباً وهذه المذيعة لا يختلف عليها إثنين وكلنا مكسرين وبنعاين بالدس وهسع العيال في جدة وعملت صورتها خلفية إلا ان تحضر صاحبة الجلالة وبعدين نسحبها بالله شوف زي ده , وبعدين ما عايز اجازف واكتب فيها قصيدة العقاب بعدين صعب .

.. يا هاشم كل سنة وإنت طيب والقابله على امانيك ..
طبعا البيعجبني فيك بتعبر عن شعورك .. وبتجيبه من الآخــر خالص بي ضقله المكركب ..
عندك توثيقين الآن .. شايف منى خوجلي وثقت ليك .. وبالتالي انا ما عندي طريقة غير اوثق ليك برضو لحدي ما أم أحمد تجي تشوف التكسير الشاعري
أقول ليك حاجة يا هاشم:
بلاي اكتب القصيدة والباقي خليهو علي وكان اتحرفنته شوية .. نقوم نلحقه يوم الأربعاء اللقاء بتاع البورداب .. اصلو بعد كدا المسالة جاطت .. كلنا في الهوا سوا وكلنا مضفورين ..
اصلو بقى مافي هامش حريات .. الواحد بقى ما قادر يعبر عن شعورو زاتو..
أنا بخارج نفسي .. إنت كيف ..؟

Quote: تمبس كل سنة وانت طيب والعيد علينا وعليك يتبارك , اتفق معاك قلباً وقالباً وهذه المذيعة لا يختلف عليها إثنين وكلنا مكسرين وبنعاين بالدس وهسع العيال في جدة وعملت صورتها خلفية إلا ان تحضر صاحبة الجلالة وبعدين نسحبها بالله شوف زي ده , وبعدين ما عايز اجازف واكتب فيها قصيدة العقاب بعدين صعب .

ياهاشم .. دة كلام .. اسبوع واحد لسه ما مر علي رمضان ولسه صينيتك بتاعة الفطور الجبتها معاك سودانيزاونلاين فيها باقي وانت بقيت في "قلبا وقالبا"؟ ,,, دي وهي بس فركة كعب منك في جدة طيب لو مشت ابعد" قلبا وقالبا" دي تبقي شنو كرويات دم بيضا وحمر...؟ انتظر التجويع الجاييك ونشوف كان بقي فيك كرويات اصلا مش قلب ذاتو ؟؟؟ يا مؤمن الرجال يا مؤمن المية في الغربال ...باري لي تمبس كان ما عتلك الكاميرا تشوف ؟

Quote: ...باري لي تمبس كان ما عتلك الكاميرا تشوف ؟

يا هندسة .. الكاميرا الفــلاش بتاعة ادوهو عين .. اتفقش اتكسر من غير ذنب واسباب ..
هاشم دا لو بقى على عتالة الكاميرا .. مافيش مشكلة بنعمل ليهو حزام .. وكلبسات

Quote: لكن كدى قولينامثقفه وذكيه دى جبتها من وين ..ولا دى (عين الرضا) وبعدين ياربى (الروج) و(الكحل)..ديل شنو (مماسيخ)... عالم ماتختشيش..........

يا آدم ..
انا طبعا ح اتعامل معاك إنو رمضان لسه فيهو باقي .. في العضام + انفلونزا العمـرة .. يعني بي صراحة إنت محتاج ليك لي .. ( عمرة وسمكرة ) وانا الأيامات دي نضارتي مكسورة مع حراق روح باقي رمضان عفصتها كسرتها حته .. حته علشان كدا اتصرف ليك في طريقة بتاعت نضارة ..
الروج .. والكحل .. ديل بيدخلو في مصاف الحاجات العادية البعيدة من الجلبطة يعني بي اختصار كدا اي زولة لابد من إنها تستعمل الحاجتين ديل كمادة اساسية .. والجلبطة بتاعت التلفزيون البعرفه الله لا وراك ليها ..
بعدين ياخ المثقف دا .. من غير ما يتكلم بي كلمة بتعرف شكلو .. طبعا المثقف أو المثقفة ما المقصود بيها الناس البيكلموك عن ماركيز .. وعن سارتر النوعية الصعبة ديك
ثقافة التلفزيون وطلة التلفزيون .. دي بتختلف كتير .. أهم حاجة فيها القبول لدى المشاهد والقبول دا .. عناصرو كتيرة جدا من ضمنها بعض من الحاجات القلتها فوق دي ..

والليلة بحدده معاكم كلكم من الجنسين ...

Quote: اسي دي ياتمبس الخضـرة..وللا المـاء..وللا الوجـه الحسـن اشـهــد لـسـاندريلا بانهـا ( مثقـفة) جـدا.

.. يا ابو الخيرات كل سنة وإنت بالف خير .. وكل الأسرة تامة ولامه والعيد القريب دا يارب في السودان..
ريهام دي كلووو في واحد يا الخير .. وطبعا متشدد في مسالة مثقفة دي شديد ..
بعدين الجماعة ديل يجيبو ليهم .. زولة شينه ما تنفع معاهم يقولو ليك شينة ومتفلسفه .. تجيب ليك زولة فيها المقومات الكاملة للظهور في الشاشة .. من خضرة وماء ووجه حسن .. يطلعوها ليك اي كلام ..
بلاي تاني كل واحد يجيب لينا ( مذيعتو ) معاهو يا ياعمل ليهو قناة نيل أزرق براهــو ..

Quote: هووي يا جني. دي جلبطة في جلبطة دينق.

وأنا مصر انها ما جلبطة .. كان عجبك ..

يا هــاجر كباشي .. إنت غناية شديد والله .. وصوتك خطير جدا بالذات لما تكوني على النيل الأزرق..

عليك الله تعال غالط يا دينــق اصلك جنك غــلاط ..

يا عــافية .. قلنا ليك اعملي حساب الاستهلاك ما سمعتي الكــلام ..

الاخ tmbis
عيدك مبارك
سمحة دي خليها بعيد لأنو السماحة خشم بيوت ..
لكن قراية رسائل المشاهدين وفلان يهدي وفلان يسلم على علان دى علاقتا شنو باالثقافة ياخوى
وكان على المساحيق والبوهيات والذي منو ما تكلم زول بس .

Quote: سمحة دي خليها بعيد لأنو السماحة خشم بيوت .. لكن قراية رسائل المشاهدين وفلان يهدي وفلان يسلم على علان دى علاقتا شنو باالثقافة ياخوى وكان على المساحيق والبوهيات والذي منو ما تكلم زول بس

.. الأخ طلحة عبد الله
سلامات وكل سنة وإنت طيب ..
الظاهر لي يا أبو الشباب رايحه ليك حاجة اسمها سماحة برضو .. النوع البفتشوها في خشم البقرة مش خشم بيوت يا أبوي أنا ..
بعدين يا طلحــة إنت سيد العارفين طبعا بالنسبة لي قراية الرسائل دي والظاهر لي بتكون اكثر الماما بي الفنيات بتاعته .. مني أنا القدامك دا ..
يعني حسع ثقافة الزولة دي حصرتها لي كلها في قراية الجوابات بتاعت الناس وفلان سلم علي فرتكان وهناي طايب فلان الفلاني ..
لا يا سيدي كدي حاول فتش تاني للثقافة دي مع السماحة ولو لقيتهم رسلهم لي معاك في جواب .. ومسألة قرايتو دي مقدور عليها بي ثقافته .. خليها علي بنجضه ليك وركز لي علي الجوانب التانية الحاولت اوصله في البوست دا والشايف بعض المنظراتيه قفزو بالزانه واتشعلقو في حبل الثقافة دي ..
أمــا ما يتعلق ( بالمساحيق والبوهيات ) زي ما تكرمت ممكن تتابع فوق شوية كان في شرح مبسط للمسالة دي ووجهة نظر تانية .. ما ليها علاقة ( بالنقاشين ) القاطعم من راسك ديل..

تمبس .... ياجميل ... كل سنة وأنت طيب....

الزوله دي أجمل حاجة فيها إنها مبتسمه دايماً.....
----
أحدهم ... أعجب جداً بالكلام بتاعك عنها (وهو يعمل مع ريهام ) ... أخد عنوان البوست عشان يمشي يوديهوا ليها ... في إطار إستعراض المكسرين خارج الحدود ..

------العزيز / جني ... كل سنه وأنت طيب ........... في السلك عن ناس جده .

-
-

رهام عبد الرحمن إبراهيم

Quote: لكن كدى قولينامثقفه وذكيه دى جبتها من وين ..ولا دى (عين الرضا)

كل سنة وانت طيب يا تمبس ..

ذكية ومثقفة.. وسندريللا النيل الأزرق
بالمنطق ده
يبقى أكيد سعد الدين مش بس سوبرمان .. بل رّب البث التلفزيوني ظاااتو..


____
يا تمبس..
سندريللا دي عندها جناح كامل.. بملحقاته..
في بوست دراب الفضائيات..

Quote: تمبس كل سنة وانت طيب والعيد علينا وعليك يتبارك , اتفق معاك قلباً وقالباً وهذه المذيعة لا يختلف عليها إثنين وكلنا مكسرين وبنعاين بالدس وهسع العيال في جدة وعملت صورتها خلفية إلا ان تحضر صاحبةالجلالة وبعدين نسحبها بالله شوف زي ده , وبعدين ما عايز اجازف واكتب فيها قصيدة العقاب بعدين صعب .

علشان هاشم ما يمسحها بعد يومين

وخساره ومش خساره شديد..انا ماعندي النيل الأزرق علشان احكم يحياد..
حتي حديثي عن المكياج هنا وكراهيتي ليه كلام مبني علي حكم خاص سلبي عند العديد..علشان كده ما بتكلم فيه..
بس عارفه زي ماقال جني والسني لازم الأضاءات في التلفزيون والسينما تحتاج لفاونديشن قوي
ومكياج برضه..وبيقي فن المكياج هو الحكم الحقيقي وليس وجود مكياج أو عدم وجوده من اصله..

بس خلاص مادام قلتو حلوه تكون حلوه

Quote: وخساره ومش خساره شديد..انا ماعندي النيل الأزرق علشان احكم يحياد.. حتي حديثي عن المكياج هنا وكراهيتي ليه كلام مبني علي حكم خاص سلبي عند العديد..علشان كده ما بتكلم فيه..بس عارفه زي ماقال جني والسني لازم الأضاءات في التلفزيون والسينما تحتاج لفاونديشن قوي ومكياج برضه..وبيقي فن المكياج هو الحكم الحقيقي وليس وجود مكياج أو عدم وجوده من اصله..

كل سنة وإنت طيبة يا منى ..
كويس أنو الخبيز بخلوهو لي خبازينو في مسالة المكياج دي .. يعني اي واحد بيحاول يفتي فينا من الجنس بتاعنا يكون زول متلقي حجج .. لانو ثقافة المكياج عندنا ولحدي الآن حتى عند أخواتنا اعتقد انها ضعيفة شوية بقصد كيفية التعامل .. بالاضافة لي جونــا الشكلو عجيب جدا من تراب لي سخانة لي كتاحة ..
كنت بتمنى على الاقل شوية كدا فيما يتعلق بي المكياج .. بالرغم من الرأي السلبي .. لانوكل زول ها عندو وجهة نظر .. خاصة بيهو بيعبر عنها وما شرط تنطبق ..

Quote: ذكية ومثقفة.. وسندريللا النيل الأزرق بالمنطق ده يبقى أكيد سعد الدين مش بس سوبرمان .. بل رّب البث التلفزيوني ظاااتو..

نجوان .. وإنت طيبة
يعني كان ختو ليك سعد الدين وريهام ديل في الووو مرحبا افهم من كدا انو نخلي ليك البورد دا .. والا نطالب بكري بي ( أيقونة ) اسعاف ..؟؟..
مشيت ( السويت ) بتاع ريهام بي هناك ..

Quote: رهام هذه تبدو في بداية حياتها المهنية امام الشاشة.. لذا.. فاللوم يقع على من وضعها في هذا المكان.. ووضع على اكتافها مسئولية لا تتناسب مع خبرتها.. في عوالم أخرى.. دفعة رهام ديل.. بيشتغلوا كمان 10 سنوات او أكتر وراء الكواليس يتدردروا .. ويمروا بعشرات التجارب.. حتى يفهموا المهنة .. يكتسبوا المهارات اللازمة بل ويشربوها شراب.. قبل ما حتى يفكروا يتحكّروا قدام الكاميرا.. بس تلفزيوننا ما عندو وجيع وتقريبا كده.. وكالة من غير بواب..

. طبعا بالطريقة دي ح تنسفو لي قناعاتي كلهــا .. غايتو المطمني إنو درابكم دا لحدي الآن .. ما اديتو فيهو زول الكاس ..
..

Quote: ما اديتو فيهو زول الكاس ..

كاس واحد مابيحوق يا تمبس..
عملنا order لدستة..

Quote: كاس واحد مابيحوق يا تمبس.. عملنا order لدستة..

.. أعملي معاك يا نجوان order لي ( دستتين ) تانيات
ما سألتيني ليه ..؟..
دي اعتبروها كاسات الاخلاق الرياضية والنفسيات البتدوهو كاس من ( دستتكم ) ادوهو كاسين من ( دستتيني ) .. عشان تدخلوهو الفورمة من جديد ..
اقترح في منصة التتويج .. كل من:
جني .. وباشمهندس ابوبكــر .. وحسين ملاسي .. وممكونــة وفي التقديم والمايك .. نجــوان اصلها بايظه بايظه ..

Quote: 09-04-2007, 04:26 م

..

Quote: أحسن مذيعة في الإذاعة و التلفزيون الأيام دي.

..

Quote: و كما لا يمكن تخيل إذاعة امدرمان اف ام 100 بدون الشفيع عبد العزيز؛ فانه لا يمكن تخيلها بدون رهام عبد الرحمن.

.. بلاي ياعمــو من شهر اربعة الفات إنت ملاحظ للحاجة دي ..؟
ياريت لو كان برنامج إف إم دا مستمر لحدي الآن .. علشان على الاقل الناس دي تعرف الحاصل شنــو.. الواحد ما متابع يجي يطلع ليك الثقافة اي كلام
كل كفيت ووفيت يا عمووو..

Quote: الزوله دي أجمل حاجة فيها إنها مبتسمه دايماً.....

يا حاتم يوسف كيفك .. وكل سنة وإنت طيب ..
الابتسامة دي يا حاتم مشروع انساني عظيم جدا .. ما بيقدر ليهو كل زول ولا بيعرفو، وهي مفتاح السر للكثير من الشفرات .. وقديما قيل:
(اضمن لي ابتسامة مشرقة.. أدخل ليك كل القلوب ..) الحاجة دي قاطعه من راسي طبعا .. بعدين الابتسامة دي في حد ذاته مابيجيده اي حد ولا بيتصنعه ..
تحياتي للصديق المعجب بالبوست .. وياريت يتطلعو عليهو ويتابعو الحاصل فيهو بالضبط بي كل ما يحوي .. البورد دا اصبح مساحة مفتوحة منو بتتم حاجات كتيرة جدا .. نقد .. تكسير .. هــد .. بنيان وكلو، وبرضو في مساحة الووو مرحبــا للناس الخارج الحدود علشان يعبرو عن شعورهم بي فهم تاني ..

تمبس .. الحاصل شنو ؟؟ دي مش بتاعة "الو مرحبا" ؟؟ يلا انشاء الله ما حدش حوش ...بس اول امبارح مع بابكر صديق ما كانت تلقائية ولكلكت كتير واللا انا الما سمعت ... عموما طالما انت معتل كاميرتك نحن ما بنقدر نقول حاجة ويمكن بشوية تماريين وكورسات وتدريبات تكون سندريلا مش بعيد علي ربنا ..قول امين ...

Quote: ...بس اول امبارح مع بابكر صديق ما كانت تلقائية ولكلكت كتير واللا انا الما سمعت ... عموما طالما انت معتل كاميرتك نحن ما بنقدر نقول حاجة ويمكن بشوية تماريين وكورسات وتدريبات تكون سندريلا مش بعيد علي ربنا ..قول امين ...

أول حاجة آمين يا باشمهندس .. التدريبات دي الحاجة المهمة والمطلوبة .. لكن البسمع منو ..؟ ووين الناس البتدرب زاتها..؟
حلقة نجوم الغد دي ما أول حلقة تشارك فيها ريهام .. وأنا برضو بي كل شجاعة اتفق معاك إنها لكلكت في الحلقة دي ورجعتني للمربع الأول بتاع باقي المقدمين الخرماجين اللكلاكين .. برغم المحاولة المتكررة لخلق حوار ودي مع افراد نجوم الغد الاصلهم متوترين جدا .. وكان ظاهر عليهم التوتر والخوف الشديد ولاول مرة تحصل الحاجة دي .. بعكس لما يتعامل معاهم استاذ بابكر الصديق ويحاورهم بي طريقتو المعهودة معاهم بتزول التوترات وبيوفر ليهم مساحة طمأنينة لا اعتقد أنو أي مقدم برنامج قادر إنو يوفره ليهم ...
بعدين عندي حاجة مهمة جدا اعتقد أنو لابد من تخصصية المقدم للبرامج بمعنى تاني إنو يركز على نوعية برامج محددة علشان يلقى فيها نفسو . ويصقل تجربتو، لانو ما ممكن تكون ريهام في كل البرامج التلفزيونية في قناة النيل الأزرق لي آخــر لحظة في رمضان ومعظم أيام العيد .. باقي بس تجي في الأخبار .. يعني في فرق بين تقدم برنامج مباشر وبين إدارة حوار مع مجموعة من الشباب ناشئة وبتحتاج لي فهم المود العام ليهم اللحظي ..

Quote: لانو ما ممكن تكون ريهام في كل البرامج التلفزيونية في قناة النيل الأزرق لي آخــر لحظة في رمضان ومعظم أيام العيد .. باقي بس تجي في الأخبار .. يعني في فرق بين تقدم برنامج مباشر وبين إدارة حوار مع مجموعة من الشباب ناشئة وبتحتاج لي فهم المود العام ليهم اللحظي ..

ايواااا كده..
خط رجعة حريف جدا
(لعبة حلوة يا تمبس..)

عموما.. الرجوع للحق فضيلة..

Quote: لانو ما ممكن تكون ريهام في كل البرامج التلفزيونية في قناة النيل الأزرق لي آخــر لحظة في رمضان ومعظم أيام العيد ..

..

Quote: ايواااا كده.. خط رجعة حريف جدا (لعبة حلوة يا تمبس..) عموما.. الرجوع للحق فضيلة..

.. رجوع وين يا نجوان .. ياخي انا يادوبك بديت اركز واعيد تركيزي
بعدين مفترض تكوني عارفه من كونك راصده لي اي درابه شارده ووارده إنو موضة الاستهلاك دائما بتكون لي اي حاجة مميزة .. وطبعا برضو خليته ليك مفتوحة كدا علشان تفهميها وهي طايره ومفترض تفتحي مساحة برضو لي الاستهلاك دا .. يعني حسع بقت علي ريهام دي بس ..
غايتو كاساتك الخاتاها لي ريهام دي بالطريقة دي .. شكلها ح تتعبى باقي الآبري الأحمر بتاع رمضان ..

تمبس.

بقيت كمان تحلم بي دينق وما قادر تنوم الليل.

دي حالة متأخرة جدا, خصوصا لمن تجيب ليها إستعمال حبوب منومة(فاليوم)

نصيحتي لك هي: حاول أن تتمعن في الصورة جيدا لكي تتأكد من كمية المكياج.



دينق.

Quote: طبعا المثقف أو المثقفة ما المقصود بيها الناس البيكلموك عن ماركيز .. وعن سارتر النوعية الصعبة ديك

ناس سارتر و دريدا ديل اسمهم المثقفاتية يا تمبس .. ما تلخبط!!

تعرف يا تمبس
بين الطرومة والطراريم!
فرق نوع وفرق مقدار!
الملاحة مندوبة وليست كافية!الحضور والآداء والثقافة والصوت والاداء تشكل المقومات الساسية للوجه التلفزيونى !
جنى

Quote: الملاحة مندوبة وليست كافية!الحضور والآداء والثقافة والصوت والاداء تشكل المقومات الأساسية للوجه التلفزيونى !

يا جني ..
فكت واللا لســه..؟
في بعض الأحيان كافية يا جني دا طبعا ما بيعني أنها بتغطي قصور الاساسيات الأخرى بمعنى اصح ما ممكن اقبل اطلاقا جمال .. وملاحة وتعري زي الحاصل في الكتير من القنوات المشوهة المفكوكه في هواء الله دا .. مقابل انو يسد لي خلل رئيسي ..
ونموذجنا هنا يا جــن .. في وجه مقبول لو ركنا لي مقائيس الجمال، في حضور .. في ثقافة تعامل مع مشاهد في برنامج من أهم اساسياتو الأخذ والعطاء مع شخص إنت ما بتعرفو إلا من خلال الصوت البيصل ليك .. والبيكون عادة مباشر .. وبتكون معرض فيهو للكثير .. وفي نفس الوقت مطلوب منك خلق حوار معاهو اقل ما يكون انو حوار ودي تاخد منو .. وتديهو وفي نفس الوقت تعبر عنو هو زاتو ..
تعرف:
كنت بحضر في حلقة فيها اتصال من زولة في أمريكا ما زي جماعتك بتاعين مكتب جنيف طرفكم كان الحوار طبيعي جدا وحميم وودي ممكن يكون بين أي اتنين ـ الزولة المتصلة اخدت مساحة كانت محتاجه ليها بالضبط علشان تتنفس عن اشياء كتيرة .. في نص الحوار سالته:
إنت ليك كم سنــة ..؟
ردت:
أنا لي تسعة سنوات .. واخدت ليها صنه شوية .. ممكن تحس فيها كل آلم الغربة الما بنقدر عليها نحن السودانيين مهما كان مدى احتمالنا ..
ردت ليها ريهام بي طريقة .. اعتقد انها اختصرت ليها كل الشوق دا ووصلت العايزه بالضبط تقولو لي اهلها ولي نفسها .. ودي هنا ياجني ( الثقافة ) البقصده .. ثقافة انك تسرح داخل نفسيات الآخــر وتتعامل معاهو بطريقة هو محتاج ليها الآن .. مع الأخذ في الاعتبار البرنامج مباشر ومطلوب فيهو سرعو البديهة وكل الجوانب الأخرى ..

Quote: ناس سارتر و دريدا ديل اسمهم المثقفاتية يا تمبس .. ما تلخبط!!

يا عمووو ..
أنا قلت اخليها ليك مفتوحـة عشان تاخد راحتك ..

Quote: تعرف يا تمبس بين الطرومة والطراريم! فرق نوع وفرق مقدار! الملاحة مندوبة وليست كافية!الحضور والآداء والثقافة والصوت والاداء تشكل المقومات الساسية للوجه التلفزيونى ! جنى

والله العظيم يا جني تحير!!!!!

Quote: تمبس. بقيت كمان تحلم بي دينق وما قادر تنوم الليل. دي حالة متأخرة جدا, خصوصا لمن تجيب ليها إستعمال حبوب منومة(فاليوم) نصيحتي لك هي: حاول أن تتمعن في الصورة جيدا لكي تتأكد من كمية المكياج. دينق.

.. تتخيل يا دينق الماساة دي ..؟
غايتو أنا كان علي .. ما عندي مشكلة ممكن اظبط الـ setting حقي وأدخل في الخيارات وأعطل خاصية الأحلام .. لفترة مؤقته .. لكن إنت اصلو ما تنوم لي على جمب .. بالبعرفو أنا حاول تنوم وإنت مفتح .. وكتر من العبابير بالذات في العطلات الرسمية..
مسالة المكياج دي يا عبد اللطيف راجع فيها نفسك وخليك مفتح شوية ما ممكن طول الخط تكون مغمض ..

في لقاء مع الاستاذ الكبير محمد سليمان

انتهى
انتهى كل شي
يا تامبا

بعدين خلي الضغط
البتسوي لينا دا ياخ

يا أبو الأمين ..
إنت شفت ضغط لسه .. ..
بعدين ياخي محمد سليمان دا طبعا عارف لا بيعجبو العجب ولا الصيام في رجــب .. لكن طالما أخد وادى مع ريهام دي .. معناته إنتهى كل شئ
أو بالاصح الكلام كمل...

Quote: مثقفة ذكية ـ عفوية وتلقائيه لأبعد درجة..

وجمال ساحر... ماشاء الله
ياود بطل الجرسة...

Quote: وجمال ساحر... ماشاء الله

..

Quote: ياود بطل الجرسة

يا بكــور ..
ياخي أنا حسع قلت حاجة ..
إنتو المزيكاتيه ديل بتفهموها طايره واللا شنــو ..؟

سلام يا شباب
و كلو سنة وانتو طيبين.

---------------

يعني هسه يا دينق الحسناء التي فرتكت صواميل قلبك خالية
مساحيق?

انت باين عليك 75 أو ما بتشوف قنوات سودانية!
أمشي بي غادي عشان تشبع مساحيق و ترجع لي تمبس
دا تبوس راسو.

وهذه المرأة التى تنضح بالانوثة مقدمة طلب لتلفزيون السودان ..







اعمل اللازم يا جني ...

تمبسنا

العرس متين

Quote: ياهاشم .. دة كلام .. اسبوع واحد لسه ما مر علي رمضان ولسه صينيتك بتاعة الفطور الجبتها معاك سودانيزاونلاين فيها باقي وانت بقيت في "قلبا وقالبا"؟ ,,, دي وهي بس فركة كعب منك في جدة طيب لو مشت ابعد" قلبا وقالبا" دي تبقي شنو كرويات دم بيضا وحمر...؟ انتظر التجويع الجاييك ونشوف كان بقي فيك كرويات اصلا مش قلب ذاتو ؟؟؟ يا مؤمن الرجال يا مؤمن المية في الغربال ...باري لي تمبس كان ما عتلك الكاميرا تشوف ؟

شنو يا خال ابوبكر يعني الواحد ما يعبر عن شعوره ياخي نحنا ناس شعراء ورهيفين والكسير دا حقنا
واين ما وجد الجمال والكلمة الحنينة والحلوة تلقانا زي النمل في السكر وبعدين بيني وبينك تمبس
دا شكلوا عايز يغطس حجرنا عديل كده شوف فتح البوست وختا لينا الصور وكبا الزوغة يا حليلك يا
الطيب شيقوق ياخوي والله فاتك البوست دا .
وبعدين تعال ياخال انا ازوغ من مني خوجلي تطلع لي انتا؟؟ هسع ام العيال قالت لي جاية بكرة اها
اعمل شنو والله إلأ اخرب الكمبيوتر !!!

Quote: وبعدين تعال ياخال انا ازوغ من مني خوجلي تطلع لي انتا؟؟ هسع ام العيال قالت لي جاية بكرة اها اعمل شنو والله إلأ اخرب الكمبيوتر !!!

خلاص حججني الحجه الجايه علي حسابك..وانا أمسح مداخلتي..سمح؟؟

عنك لغاية 9 بالليل..علشان بكون مافي في الساعات الجايه..

الاخ المبدع تمبس

كل عام وانت بخير والقابلة عريس
عشان الكلام السمح البتفكه فى السهلة دة
تخص بيه عروستك براها وبكدة تفوت الفرصة على
هواة النقد مايجوا ناطين ليك فى حلقك مع اول ضربة
لكيبوردك

البنية ماشاء الله صاحبة ملاحة وحضور جذاب لكن البرنامج سخيف
الو معاك فلان ....! منتهى السطحية والهدر لكن شباب قنواتنا
لهم بعض العذر لم يجدوا المحترفين والمهنيين ليتعلموا منهم
مايفيد المشاهدين وعموما مهنة التلفزيون والاذاعة فى سودانا
مؤهلات الذين يعملون بها لاتتعدى مشاركاتهم فى الجمعيات الادبية
فى المدارس المتوسطة

Quote: خلاص حججني الحجه الجايه علي حسابك..وانا أمسح مداخلتي..سمح؟؟ عنك لغاية 9 بالليل..علشان بكون مافي في الساعات الجايه..

الله يجازيك يا تمبس لكن صدقني دي اول واخر مداخلة لي معاك المسألة جابت ليها تهديد , بعدين يا مني
خوجلي حجك علي وبدون تهديد كمان اها رايك شنو ؟ ومعاك الخال كمان لكن يا تمبس الفيك إتعرفت و الله يعرس ليك ويفكنا من بوستك دا !!

دى مذيعة ولا حكم بيسبول!
يدخل عليها الكافر اليهودى!
اقصد تدخل عليهو!
جنى

نحن قلنا يا جنى لو ما قبلوها يعرسها تمبس ...

ولو عرسها نشوف تاني واحدة تناكفوا في البورت ده ؟؟؟..

Quote: نحن قلنا يا جنى لو ما قبلوها يعرسها تمبس ... ولو عرسها نشوف تاني واحدة تناكفوا في البورت ده ؟؟؟..

..
.. ياعــلاء .. أقول ليك حاجة .. أنا عارف نهايتي زي ( رس الشلك ) علشان كدا بتوكل واقوم باللازم .. باقي ليك بترضى بي

Quote: كل عام وانت بخير والقابلة عريس عشان الكلام السمح البتفكه فى السهلة دة تخص بيه عروستك براها وبكدة تفوت الفرصة على هواة النقد مايجوا ناطين ليك فى حلقك مع اول ضربة لكيبوردك

العزيز جدا أحمد التجاني .. كل سنة وإنت طيب والقابله على أمانيك .. واشكرك ليك كلماتك الجميلة في حقي .. واوعدك بإنو العروسة زاته تاخد حقها بالكامل .. بس الله يجيبه .. وتعمل حسابه من حسع دي وخليك شاهد ..

Quote: البنية ماشاء الله صاحبة ملاحة وحضور جذاب لكن البرنامج سخيف الو معاك فلان ....! منتهى السطحية والهدر لكن شباب قنواتنا لهم بعض العذر لم يجدوا المحترفين والمهنيين ليتعلموا منهم مايفيد المشاهدين وعموما مهنة التلفزيون والاذاعة فى سودانا مؤهلات الذين يعملون بها لاتتعدى مشاركاتهم فى الجمعيات الادبية فى المدارس المتوسطة

.. في كتير من البرامج يا أحمد اعتقد انها متعبة للمتلقي .. برنامج الوو مرحبا .. معتادة عليهو شريحة معينة لحدي الآن وبتتعامل معاهو حسب فهمه .. ولو نظرنا ليهو بي تجرد بتلقاهو بيرضي طموحاته .. وبيقدم ليها الكتير بالذات لي شريحة ربما ما تعودت على فكرة الانترنت الاصبح الآن متاح للجميع .. وتقنية الاتصالات الأصبحت متوفرة ..
تعرف لحدي الآن في ناس بتكون منتظره أنو تسمع التواصل ليها من خلال التلفزيون والإذاعة .. تتذكر برنامج ما سطلبه المستعمون الزمان .. وكل الناس كانت بتنتظرو .. علشان تسمع الاهداء ليها .. يعني ممكن نعتبرو امتداد لي نفس الفكرة .. وبالرغم من ععدم استلطاف البعض للبرنامج .. إلا إنو لحدي الآن في شريحة تانية بتكون متلهفة ليهو ..
من ناحية محتاجين تأهيل دي اتفق فيها معاك تمام التمام .. وياريت نسمع عن معاهد متخصصه تأهيلية تجنبنا الكتير

Quote: شنو يا خال ابوبكر يعني الواحد ما يعبر عن شعوره ياخي نحنا ناس شعراء ورهيفين والكسير دا حقنا

وحقها وينو ؟؟؟ الشعر في داهية انشا الله كان بيسوي فيكم كدة ؟؟ انا عايزك تروح الحج لمني كداري عشان تكفر عن قولتك دي ...

Quote: وحقها وينو ؟؟؟ الشعر في داهية انشا الله كان بيسوي فيكم كدة ؟؟ انا عايزك تروح الحج لمني كداري عشان تكفر عن قولتك دي ...

الليلة يحلني الحلة بلة !!!

توبة يا خال وتاني شعر ذاتو ما عايزينو اها رايك شنو ؟؟ والله حجيت السنة الفاتت لكن مافي مانع
احج السنة دي واكفر عن جميع كلماتي الكتبتها في العلن والفي الدس .

يا تمبس والله الم فيك إلا اكسرك عديل كده دي عمايل تعملا فيني بالله عليك ؟؟ وحفلتكم بتاعت يوم
الأربعاء ما جاي ليها زعل عديل كده

Quote: واين ما وجد الجمال والكلمة الحنينة والحلوة تلقانا زي النمل في السكر وبعدين بيني وبينك تمبس دا شكلوا عايز يغطس حجرنا عديل كده شوف فتح البوست وختا لينا الصور وكبا الزوغة يا حليلك ياالطيب شيقوق ياخوي والله فاتك البوست دا .

يا هاشم .. ياخي إنت زول فنان .. وشاعر واحساسك عالي ... وأينما وجد الجمال والسكر .. وجدت
علشان كدا .. في انتظار كل القصائد .. والنمل خليهو علي

Quote: تمبسنا العرس متين

.. يا حيدر .. كل سنة وإنت طيب ..
يعني خلاص زهجته مني واللا شنــو

Quote: يعني هسه يا دينق الحسناء التي فرتكت صواميل قلبك خالية مساحيق? انت باين عليك 75 أو ما بتشوف قنوات سودانية! أمشي بي غادي عشان تشبع مساحيق و ترجع لي تمبس دا تبوس راسو.

يا ابو السعود .. كل سنة وإنت طيب والقابله على امانيك ..
ياخي دينق دا ما قاعد يشوف أي حاجة .. وكان جابو ليهو حاجة بتتشاف بيلبس نضارتو السوداء بتاعت المباحث .. لكن احسن حاجة بيعرفه يجي يفتي ليك في البيعرفو والما بيعرفو ..
وكمان عايز يعمل فيها خبير مكياج ..
حسناء شنو يا سعد .. والله دا تجيب ليهو بت ام لعاب عليها شوية ماسكيره وبدرة ورشوية روج .. عادي جدا ممكن يقول ليك دي ( اشده ) جلابية لاقتني في حياتي ..
ده دينق ياخ والأجر على الله ..

Quote: توبة يا خال وتاني شعر ذاتو ما عايزينو اها رايك شنو ؟؟ والله حجيت السنة الفاتت لكن مافي مانع احج السنة دي واكفر عن جميع كلماتي الكتبتها في العلن والفي الدس .

اها تمشي تقوليها الكلام دة وتودي معاك هدية يا من داماس يا الفردان وتصور الفواتير وتختها في البوست عيان بيان مع معلقة شعر في مدحها وكل نساء العالم وخلي تمبس يعتل المعلقة بدل الكاميرا ...تحسبو لعب ..بشان تحرمو وتلزم قعادالارض ...قال شعر قال ..

يا خال شيطان الشعر دا اعمل معاهو شنو هسع بالله شوف الأبيات دي كتبتها اول امبارح وهي بداية القصيدة
عليك الله ما حرام احرم منها الناس وبعدين هي طويلة (القصيدة ). افتح بيها بوست ولا اخليها ؟؟؟؟؟

كيف ترضي مني تكون بعيد
والسكة لسه في اولا
والعيد بدايتو تكون رهاب
وخطواتي انتا بتبعدا
لو كان غلطتا عليك انا
زلاتي ليه ما بتغفرا
ليه تنفعل وتقول كلام
اعصابي ما بتتحملا
لو راضي لي انت العذاب
ارحم رويحتي المخلصة

Quote: .. بلاي ياعمــو من شهر اربعة الفات إنت ملاحظ للحاجة دي ..؟

يعني يا تمبس لو كنت ما لاحظت للحاجة دي .. القاعد ليها شنو

Quote: يعني يا تمبس لو كنت ما لاحظت للحاجة دي .. القاعد ليها شنو

يا عمو أنا معتمد عليك في العمود لكن ..
يعني انا اشتري واللف تسالي ..؟
واللا بتغطي بالحتتين ..؟

تمبس العزيز كل سنة وانت طيب......


طبعا الناس بقوا زى كورتنا.....

ناس كما قال الشاعر السودانى عندما سال عن تدنى مستوى الكلمة (بالنسبةللاغنية السودانية)
فاجاب ان الحسان اصبحن معنا فى كل مكان وممكن تكون جمبك فى الحافلة فانتفى الشوق الناتج
عن الحرمان والشوق ...
والنوع التانى اغترب فى بلاد كتر لافيها حسان ولا نون التانيث..وديل زى صحبك الشاف صحبت باباى
بتاع الرسوم المتحركة(بتاع السبانخ)والهواء شال فستانه وقعد يكورك ...كشفت ...كشفت...

لوك الصبر ...وسوف ياتى الزمن ليمزجو بين الجمال والتقديم التلفزيونى المقنن بالدراسة

العزيز حيدر عثمان .. سلامات وكل سنة وإنت بالف عافية ..

Quote: لوك الصبر ...وسوف ياتى الزمن ليمزجو بين الجمال والتقديم التلفزيونى المقنن بالدراسة

.. تعرف يا حيدر انا بشوف إنو الاتنين ديل ما بنفصلو .. واضف لذلك .. جمال الصوت يعني ديل كلهم لما يتمزجو مع بعض .. بيدونــا الدرجة الكاملة ..
يعني إذا اتفصل اي من ديل .. بيكون في خلل واحتمال إنو يتغطى بي اي عنصر تاني .. بيكون صعب شوية ..

يا تمبس

كل سنة وإنت طيب.

لقب Cinderella يطلق عادة على من حققت المجد والنجاح رغم الفقر
أو القهر أوالظلم، أو كل هذه الظروف مجتمعة. ولعل من أشهر من أطلق
عليهن هذا اللقب سعاد حسني التي نشأت -كما قرأت- في أسرة فقيرة
ثم صارت إحدى أبرز الممثلات وأكثرهن قدرة على تجسيد الشخصيات
المكتوبة. وعليه أقترح أن تطلق على ريهام لقب [سيدة الشاشة الزرقاء]
على وزن سيدة الشاشة العربية

غايتو ما عندك حل في لقب Cinderella ده إلا تكون ريهام دي
مـهـمشـة

_____________________________

مالك داير تبقى زي المريخاب؛ يوزعو في الألقاب سااااي، قايلين الألقاب
زي صـف الرغيف... بالـحـجـز

Quote: قب Cinderella يطلق عادة على من حققت المجد والنجاح رغم الفقر أو القهر أوالظلم، أو كل هذه الظروف مجتمعة

يا بوحميد . وفي رواية أخرى عبده قابل كل سنة وإنت طيب والسنة الجاية الكاس في العرضة ..
بلاي عليك الله حسع في ظلم اكتر من كــدا ..؟
أنا غايتو ما عندي فكرة بالتهميش دا .. لكن متذكر ليك الفيلم بتاع ساندريلا .. وقس على ذلك ..
سيدة الشاشة الزرقــاء دي كمان ما ممكن تطلقه لينا ساكت .. حسع لو الزولة دي طلعت ما مهمشة .. وكمان مريخــابية تودي وشك وين من عمر الفاروق .؟؟ إنت فاكر المسالة ساهلة كدا .. دائما راعي لي مسالة اللــون في مسميات زي دي .. المرة الفاتت جابو لينا محاسن سيف الدين في الرادي .. طلعت مريخــابية راسه عديل .. أهــا استفدته شنــو ..

بتدور تجيبلنا الهواء

عارف يا صاحب ..
الوقوف أمام الكاميرا حاجة صعبة وفيها رهبة شديدة ..
في السابق ما كان في كاميرا بتخرج للناس وتتعامل معاهم ..
الآن المسألة أصبحت عادية وأي شخص تقابله ممكن يتكلم ببساطة ويتحاور معاك ..
لذلك كان الإقبال كبير على التلفزيون وخصوصاً البنات ..
هنا بيجي دور المثقفة والواعية مع الجمال طبعاً ودا ما بتوفر في الكثيرين ..
هناك بعض القصور يجب على مزيعينا تداركه وهو الحوار مع الضيف وخصوصاً الحوارات التي تجرى على الهواء مباشرةً ودي بتحدد مقدرته كمزيع ..
تابعت المزيعة ريهام منذ برنامج الـfm وحقيقي هي من المزيعات الذين يشدوك إليهن بحضورها الجميل ..
نتمنى ليها التوفيق ..

Quote: أحدهم ... أعجب جداً بالكلام بتاعك عنها (وهو يعمل مع ريهام ) ... أخد عنوان البوست عشان يمشي يوديهوا ليها ... في إطار إستعراض المكسرين خارج الحدود ..

شفتوا التكتكة كييف يا جماعة ؟؟ والله حريف جنس حرفنه ياتمبس ..
بس برضو بحيييك على زوقك الرفيع جدا جدا ...
بالمناسبة دكتور المعز ويييين ؟

Quote: وحقيقي هي من المزيعات الذين يشدوك إليهن بحضورها الجميل ..

أشرح لينا دي عليك الله يا معتصم دفع الله..
عشان نقدر نتداخل معاك..

هسي في داعي للزنقة دي يا نجوان ..
أولاً كل سنة وأنتِ طيبة ..
تاني الحضور أمام الكاميرا شي يميز المزيع ..
مع ثقافته وطريقة حديثه وحواره لضيوفه ..
ونحن في السودان نفتقد لهذا الشي وإن وجدناه في شخص كان الإعجاب ..
أما التاني دا ما تدققي فيهو كتير

Quote: مع ثقافته وطريقة حديثه وحواره لضيوفه .. ونحن في السودان نفتقد لهذا الشي وإن وجدناه في شخص كان الإعجاب ..

كل سنة وانت طيب يا معتصم..

يعني نستنتج من كلامك ده انه سندريللا دي مثقفة.. وطريقة حديثها وحوارها مع الضيوف
شئ مفتقد في السودان (مش التلفزيون بس)؟

العفو ياخ.. ما زنقة..
بس عايزين مداخلاتنا تكون ناتجة عن فهم للرأي والرأي الآخر..
دون تنميط وكده..

يا نجوان ..
لو فهمتي كلامي الأول لكفيتيني كل هذا ..
طيب واحدة واحدة ..
عارفه ما يعيب مزيعينا تسمرهم أمام الكاميرا كأنهم عايزين يتصوروا ..
يفتقدون لكثير من ميزات المزيع لذلك قليلون هم الذين حالفهم النجاح ..
وزي ما قلت ليك الإعجاب هو نوع الرضا في الحالات دي ..
لذلك جاء كلامي وفهمتيه في هذا السياق ..
وأتمنى أن أكون أبنت ولا نمطت ..

أبقي طيبة ..

Quote: ونحن في السودان نفتقد لهذا الشي وإن وجدناه في شخص كان الإعجاب .. أما التاني دا ما تدققي فيهو كتير

عصومي..

نجوان مخيره..لكن انا دايره "أدقدق"!

منى ازيك ..
والعيد يتبارك عليك ..
عارفه دائماً بنكون أنا وتمبس صاحبي دا قاعدين أمام التلفزيون ..
وفي حاجات كتيرة بنعلق عليها زي الغناء وشكل الموسيقى وحتى البرامج وميزيعها ..
عشان كده بنتفق في كتير من وجهات النظر دا بعد مناقشتها طبعاً ..
بعدين نجوان دي زانقاني زنقة شديدة ..
شكلي ما مارق منكن الليلة وقعت وما حدش سمى علي

أبقي طيبة ..

Quote: وقعت وما حدش سمى علي

بالضبط كده يا معتصم!
وما براك..
انت وأخوك الكاشف..

Quote: بالضبط كده يا معتصم! وما براك.. انت وأخوك الكاشف..

عارفك يا نجوان عايزه ليك سبب بس
يعني الواحد ما يقول رأيه خالس خالس
أها أنا البوست دا طرفي منو ..
شوفي الكاشف أخوي ..

ياتمبس ياخوي شوف اللقاء العاملاه مع محمد سليمان ده
ملاحظ معاي التلصق ده
في داعي ليه اسي

Quote: بتدور تجيبلنا الهواء

يا معتصم إنت الهواء متدرعك بي كل الاتجاهات .. ما عندك مشكلة ضري عيشك ساكت .. خريف ابو السعن دا برضو تقول لي ( تمبا ) ..؟

Quote: هناك بعض القصور يجب على مزيعينا تداركه وهو الحوار مع الضيف وخصوصاً الحوارات التي تجرى على الهواء مباشرةً ودي بتحدد مقدرته كمزيع ..

.. دا الكلام الصاح يا معتصم .. مؤخرا اصبحت إدارة الحوارات تمتاز بنوع من اللزوجة والسماجة البتحسسك بي استياء شديد جدا من الضيف البيتسرب ليهو الاحساس دا من مقدم البرنامج .. بتتفاوت نسبة الوعي التلفزيوني طبعا من مقدم برنامج لي الآخــر لكن بإختفاء جيل العمالقة من القدامى أمثال فريد عبد الوهــاب .. وحسن عبد الوهاب .. وحمدي بدرالدين .. ومن السيدات رجاء حسن حامد ( شفاها الله وعافاها ورد بصرها ) .. وإسراء زين العابدين .. ويسرية محمد الحسن .. إلخ فما زلنا نحتاج إلى ثورة اعلامية جديدة اعتقد انها لابد وأن تبتدي ( بغربلة ) كل الكوادر الموجوده حاليا .. من الجنسين، واختيار ما هو متوافق وتتوفر فيه كل مقومات الإعلامي الناجح سواء أن كان تلفزيوني .. أو إذاعي ..
لو في غربلة .. يغربلو العايزين يغربلوهم بي طريقتهم .. ويخلو الزولة دي ما يغربلوهــا معاهم

تمبس
ياخي وجهة نظري أنو الزولة أكتر من عادية شكلا
اما ثقافتا المزعومة دى وحاتك ما بنعرف ليها درب
الحق حق يابا ..
واللا شنو ....؟

الأخ تمبس
كل سنة وانت طيب

وأخيراً قنواتنا التلفزيونية صارت تنتقي الجميل....

هي جميلة وأهم شي ما حافظة الكلام يعني وعفوية....ولكن انت عارف انا متخيلة منو حيكون ليها مستقبل....

انظر الصورة....

العزيز تمبس
أتفق معك (إلى حدٍ ما ) .. في بعض ما ذكرت
إلا أنني أحس بأن المحك الحقيقي لريهام لم يأتي بعد
في برامج العيد بالنيل الأزرق تم إستضافة محمد نعيم سعد وصلاح بن البادية وودأبقبورة .. الخ
كانت العصبية سمة واضحة لريهام في توصيل فكرة السؤال .. رغم الإبتسامة الأكثر من رائعة .......
مداخلات محمد نعيم سعد أربكتها إلى حدٍ ما
كما أن التنسيق بينها وبين زميلتها (الجديدة نوعاً ما) كان شبه معدوم وكأن من تتحدث أولاً تفوز بالسؤال ...
...
ذكرني هذا يا صديقي بما قلت لمن كان معي ونحن نحضر لقاء عفاف بالفنانة شيرين بأن الضيف كلما كان تحت رحمة المذيع المتمكن
كلما كان اللقاء أكثر متعة ..
بمعنى أن شيرين كانت مرتاحة لأبعد حد وهي ترد على أٍسئلة عفاف الأكثر من عادية براحة وتلذذ عجيب جداً؟؟؟!!
وتخيلت لو أن اللقاء كان مع د. هالة سرحان مثلاً ...
!!!
وتخيل معي ..!!
.............
كما أنني تذكرت لقاءً قديماً للمذيعة الرائعة جدا جدا ليلى الششيخلي وهي تستضيف الشيخين الترابي والصادق المهدي قبل أكثر من عشرة سنوات في برنامج أجندة حين كانت الشيخلي في تلفزيون MBC .. أحسست يومها بأن الشيخين يجاوبون على السؤال ( الحالي ) وعينهم وعقلهم على السؤال (التالي ) ...

وهذه مشكلة بناتنا في شاشاتنا السودانية ...

رحم الله ليلى المغربي ...

نورك إنت علي كفاية

..

يا عيون انتي لون الليل
زي لونك سواده كحيل
كلاهم اراه جميل
بادي الحسن زاهي اللون
يا عيــون المها يا عيـــون

طالعنا الصوره فوجدنا راقي الذوق ..
وعندما تصبح المساحيق جزء انيق من لوحه التحيه لكم
يا بورداب و للاخوه في النيل الازرق

تمبس ياجميل وبتحب الجمال كل سنة وانت طيب



أنور

كل عام و أنتم بخير

هذه مداخله لا علاقة لها بالبوست وسانشرها في بوستات كثيره
لماذا يحذف بكري مداخلاتي في بوست الذي يكتب باسم لبنى آدم علي

Quote: 16-10-2007, 06:07 م Tragie Mustafa . تاريخ التسجيل: 29-03-2005 مجموع المشاركات: 16184 Re: James’ Journey to Jerusalem (Re: لبنى آدم علي) كاذب ايها الذي تكتب باسم لبنى أدم علي تشكر بكري لانه حذف مداخلاتي للبحث عن حقيقيتك من هي لبنى آدم علي التي يتستر عليها بكري ابوبكر؟؟؟ ويا ايها الذي تكتب باسم لبنى آدم علي.... Quote: شكرا بكري للمداخلة الثرة فاتني أن أذكر أن الفلم بالفعل يحكي قصة حقيقية حدثت لأحد المهاجرين الأفارقة لإسرائيل في الأعوام السابقة . اليهود العرب وغيرهم لا ينظرون للأفارقة الوافدين إليهم أكثر من أنهم عبيدا لا يستحقون شيئاً سوى الإحتقار حتى ولو كانو يهودا مثلهم يدينون بالعبرية ، وجميعنا يذكر المعاملة التي لقيها الإثيوبيين الفلاشا عندما تم تهجيرهم لإسرائيل في الثمانينات . حسه من تنتقد انت هنا يا هذا؟؟؟ تنتقد اليهود ام تنتقد العرب؟؟؟؟ واليس كان من الامانه ان تكتب لنا عن اضواع النيجرين الهاجروا منذ سنين لمكه لاجل الحج؟؟؟ ومن هم سوى عبيد في السعوديه؟؟؟

Quote: دى مذيعة ولا حكم بيسبول! يدخل عليها الكافر اليهودى! اقصد تدخل عليهو! جنى

دخلت للمعايدة والسلام فتوقفت عندها ..
كل عام وانت بألف خير يا تمبس وربنا يحقق الآمانى ..
من حيث الجمال جميلة ..
فى شأن الثقافة والوعى مقبولة .. ونتمنى لها المزيد ..

تمبس ..

كل سنة وانت طيب ..

شكلك كنت منتظر الصيام ينتهى شان تفطر بالبت السمحة دى ..

وكمان انا فهمت انك ليه نزلت الكاميرا ..

تمبس ازيك يااااااااااااااااااخ..

Quote: مالك داير تبقى زي المريخاب؛ يوزعو في الألقاب سااااي، قايلين الألقاب زي صـف الرغيف... بالـحـجـز

المريخاب ديل من دارفور!
ولا
ناس دارفور من المريخ!
الجسور جنى!

Quote: شنو يا خال ابوبكر يعني الواحد ما يعبر عن شعوره ياخي نحنا ناس شعراء ورهيفين والكسير دا حقنا واين ما وجد الجمال والكلمة الحنينة والحلوة تلقانا زي النمل في السكر وبعدين بيني وبينك تمبس دا شكلوا عايز يغطس حجرنا عديل كده شوف فتح البوست وختا لينا الصور وكبا الزوغة يا حليلك يا الطيب شيقوق ياخوي والله فاتك البوست دا . وبعدين تعال ياخال انا ازوغ من مني خوجلي تطلع لي انتا؟؟ هسع ام العيال قالت لي جاية بكرة اها اعمل شنو والله إلأ اخرب الكمبيوتر !!!

الكمبيوتر براهو!
ونشرة قناة الجزيرة!
جنى وجن نشرة الأخبار البذيعوها الرجال!
ما فيها اثارة!
نشرات باهتة ومملة!
والعجب النشرات الجوية حقة قناة الجزيرة!
شفتوا النشرة الجوية بعملوها جاذبة كيف!
جاذبة
عشان تتعلموا تعملوا الوحدة جاذبة!
بالله ناس فيروز زيانى وايمان عياد بنورة كان شلخوهن ببقن شينات!
يا ناس العربية سلموا لى على منتهى الرمحى!
وقولوا ليها جنى منتهى ومنتهى الأولى بالألف المقصورة والتانىة بالياء وقولوا ليها كان ماقطع الشوفة لكن منعوا التعذر والثقل والصربية العندو فى البيت!
جنى

ياسلااااااااااااااام علي زوقك ياسلمي صباحي
بالجد موهبه ومستقبله حايكون باهر ((ربي يرعاها))

Quote: جنى وجن نشرة الأخبار البذيعوها الرجال!

ياجني ما كفاك جنيت براك كمان تجننا معاك هم الاخبار ما قادريين عليها وكفاية ناس مجدي وسعدالدين عايز الباقيين دييل كمان يتلمو عليهم ؟ ما عارف بعد داك حتجنن كيف ياجني ؟؟ انتي بطل القنوات العربية وخليك في حقت اس دي تي في وبي ان وسااااهور والشرووووق وهارموني قناة سودانية بس...مالك ومال الشرق الاوسط خليك معانا جنوب الصحراء اصلو مما قسموها شمال الصحراء وجنوب الصحرا الامور وضحت تماما عند ما كانت واضحة عندهم وهم كتار بس بتشوبرو ساااي ...

تمبس يا صديقي
لا يكون (شوتنا) كان ضفاري ...!!!!
ما جيتنا راجع تاني ...
...
فوق لحين عودة صديقي تمبس

تامبا يا عزيز..

كل عام وأنت بخير..

شايفة رمضان كمل خلاس وفكيت لينا شواطين فنونك ..
بصراحة أنا ما بعرف أسماء المذيعات والمذيعين لأنه كل يوم في زول جديد. زي فنانين الكليبات ..
يومداك في المطار قابلت لي فنان يلمع ويراري زي القمرا. ومعاهو بنية سمييحة. أها قدر ما حاولت أتذكر أسمو منو ما عرفتا.. الساعدني إنه كان في معجبين وبروبقاندا معمولة ليهو. مشيت قريت اليافطات المكتوبة لقيتهم كاتبين إسمو (إيوان ).

تشكرات على التعريفات.. وبيني وبينك البنية سمحة.. وعندها حضور.. زي معتز صباحي كده

ودي

بت العباسي ..... عيدك مبارك .... إنتي وأختك .... ( أول مداخلة لي معاك ) ....
-
ياخي حكاية / معتز صباحي ده بوظتي بيها البوست كله بالنسبة لي (لو كنتي جادة ) ...
-
-

Quote: وبيني وبينك البنية سمحة.. وعندها حضور.. زي معتز صباحي كده

ياحاتم والله شكلك مابتفهم في الفن لكن ممشي حالك معاه ساي بالبركه
بت العباسي ياكلك زوق
قواسيب مودتي

Quote: ياحاتم والله شكلك مابتفهم في الفن لكن ممشي حالك معاه ساي بالبركه بت العباسي ياكلك زوق قواسيب مودتي

فى الفن السريالى!
احتياطا اعمل ساتر لانك كلام رجاء ذو حدين!
جنى

Quote: ( ربمــا ) المذيعة أو مقدمة البرامج الوحيدة بقناة النيل الأزرق: القادرة على التعامل مع الكاميرا .. والمشاهد .. والمتلقي بشكل عفوي ( راي شخصي طبعا ).. بعيدة عن التصنع .. وعن ( جلبطة ) المساحيق.. مثقفة ذكية ـ عفوية وتلقائيه لأبعد درجة..

بللاي...
دي مكنتك...................


ست البنيــــــــــــات

Quote: حقت اس دي تي في وبي ان وسااااهور والشرووووق وهارموني قناة سودانية بس...مالك ومال الشرق الاوسط خليك معانا جنوب الصحراء اصلو مما قسموها شمال الصحراء وجنوب الصحرا الامور وضحت تماما عند ما كانت واضحة عندهم وهم كتار بس بتشوبرو ساااي ...

نحن ناس دافئ ممطر شتاءا!مالنا ومال العتامير!
ا
مسلس سورى شافعة عنه ضفيرتين غلاد وسواد بالشمال واتنين غلاد وسواد باليمين فوق صديرة بى قدام !
وحاة الله انا قايلة شايلة ليها عتود!
انا البودينى لى ناس زعيط ومعيط شنو!
شابكننا جلابة جلابة!
الطشاش فى بلد العمى شوف!
جنى

Quote: مسلس سورى شافعة عنه ضفيرتين غلاد وسواد بالشمال واتنين غلاد وسواد باليمين فوق صديرة بى قدام ! وحاة الله انا قايلة شايلة ليها عتود!

مالكلام الزي دي البعمل البلبلة ..

الناس الحلوين


والله فطست من الضحك لكن بالجد البت شديدة ولذيذة لدرجة أني فكرت أقدم لقناة النيل الأزرق شيال كشافة أصلو زمان في بيوت العرس كرهونا كانوا بشيلونا الكشافات للزول البصور....
البت سمحة وحضورا بيدخل في القلب لأنها ثقافة البساطة

فيما يخص مي عمر ما بيختلف اتنين علي موهبتها لكن بخاف من عدم الصقل بالتطوير العلمي يعني البنية محتاجة تتأهل أكاديميا في مجال الإعلام سمعت أنو جمال الوالي عاوز يجيبا شروق
مودتي للجميع

Quote: ( ربمــا ) المذيعة أو مقدمة البرامج الوحيدة بقناة النيل الأزرق: القادرة على التعامل مع الكاميرا .. والمشاهد .. والمتلقي بشكل عفوي ( راي شخصي طبعا ).. بعيدة عن التصنع .. وعن ( جلبطة ) المساحيق.. مثقفة ذكية ـ عفوية وتلقائيه لأبعد درجة..

كل سنة و إنت طيب يا تمبس..
شايفاك بتلم معانا في كراسي حفل اللقاء..
كتر خيرك..الفيك إتعرفت!!


أتفق معاك في الكثير مما جاء في الإقتباس يا زول..
لكن..أختلف معاك في حكاية (( مثقفة )) دي...!!

الزولة دي بتقدم آلو مرحبا و هو عبارة عن (( ما يطلبه المشاهدون ))..يعني ما داير ليهو ثقافةً تنقال..

تاني حاجة..قدٌمت سهرة بعنوان (( أجراس ))..شاء حظي العاثر أن أشوف تلاتة حلقات منها..
واحدة عن..النِقٌة..
واحدة عن...الشاكوش الأول..
واحدة عن..الفَتٌة..!!!

ردودها و مشاركاتها في كل السهرات دي إتسمت بالسطحية و الخواء الفكري و الضحالة..إن لم نقل الهبالة و العباطة..
تعليقات زي (( الفَتٌة أُم تُوم..حمتني النوم )) أو (( إنت زول فتٌة أكيد )) أو (( كدي ورينا شاكوشك الأول كان كيف؟)) أو (( رأيك شنو في المرا النقناقة ))...
لا يمكن أن تصنفك...مثقف....
خلينا أحسن في تلقائية و عفوية و جميلة..و..بس.!

Quote: خلينا أحسن في تلقائية و عفوية و جميلة..و..بس.!

و بسيطة ..
(بسيطة ) السمحة مش بسيطة الكعبة

ممكونة ..
كل سنة وانتى طيبة ..
وشكر أضفت لرمضان طعما آخر ..


تمبس
انت معتصم دفع الله لسه .. ما لِقا ليك واحدة تلِمّّك من بنات النيل الأزرق !!
إتلوّم معاك سَمِى ..

وهذا لا يمنع إنك صاحب ذوق رفيع و رهيف وشفيف ووريف

تمبس حتى من حوشك غايب؟؟!!!!!!
لعل المانع خير
و نتمنى ان يكون خير

تمبس ..الفيك اتعرفت كما قالت ست بيتنا داك ممكونة ...خليتنا واشتغلت مستشار في البي ان ... اها مما كتبت بوستك دوة والبنية بقت مستلمة كل البرامج والمشكلة الواحد بقي ما يعرف الفرق في البرامج شنو ...سرك باتع !!!