يا جماعه الحقوا (ترهاقا)رمضان قام بيه.....

والله من الله ما خلقني ما ضحكته قدر ده
تعالوا شوفوا ترهاقا....خالط بين طلال عفيفي ود. الباقر العفيف؟؟؟؟
Re: (عيدية) الباقر العفيف لابناء الهامش....حقيقة الرغبه...سود للذات الشماليه!!

Quote: يا زمراوى بالغت يا خى ده فى جلابى واحد بس جا عيد بيهم عيد !!!!! خلى الموضوع يمشى شوية ، عشان يعيدوا كويس ، والله نوع دييل الجلابى عنده حق يمسح بيهم الارض طالما كلام طلال عفيفى بقى سورة من من سور القرآن ،

وعادل آمين يقول لك الناس الراميها جمل
حسه في رمية جمل اكثر من دي؟؟؟؟

لا و الظريف ترهاقا قاعد ومتحكر في البور ده سنين ..وفاكرينه فارز الكيمان بالله اتاريه
ما فارز الكوع من البوع فيه.


يا ترهاقا لو تتذكر ايام وفاة الخاتم عدلان..اشهر البوستات كانت تتحدث الباقر العفيف قال
ومحمد حامد جمعه عاد وتمبس قال ومولانا اسماعيل قال...انت كنت وين؟؟؟؟


عوووووووك يا ترهاقا ده انت باين الصعوط فارق معاك بشكل!!

الاخت العزيزة تراجي

عيدك مبارك وكل سنة وانت واولادك بخير

عادي جدا الانسان ممكن يخلط بين الاسماء خاصة لو كانت متشابهة دي ما مشكلة ابدا
المهم مضمون الكلام وهو اللي قصده ترهاقا ووصل معناه

مايا عيد مبارك
والموضع ما الاسماء فقط صدقني لكن تقديره الحقيقي لقلم الباقر العفيف
فهو ليس مجرد بوردابي معنا ولكنه اسم له وزنه حاليا في عالم السياسه السودانيه و الكتاب السودانين,هذا ليس تقليل من شان الاخ الناشط الانساني طلال عفيفي لكنها الحقيقيه.





تخريمه:
خليك من نمط انصر قريبك ظلام او ملظوم.
حسه قريبك ده خرمان امسكيه من البورد ده لحد ما يفك خرمته.

طيب تصحيح يا تراجى تصحيح نقول الباقر

مع الاعتذار للظريف طلال

Quote: والموضع ما الاسماء فقط صدقني لكن تقديره الحقيقي لقلم الباقر العفيف فهو ليس مجرد بوردابي معنا ولكنه اسم له وزنه حاليا في عالم السياسه السودانيه و الكتاب السودانين

الاخت العزيزة تراجي
ما بالضرورة انه يكون شايف السيد الباقر عفيفي بنفس المنظار ، في الاخر كل انسان بيعبر عن رايه فيما يراه ووفقا لما يراه


تخريمة:
[

Quote: خليك من نمط انصر قريبك ظلام او ملظوم

ظلام وملظوم عديل كدا !! حسه منو الرمضان قايم بيهو؟؟؟

Quote: ظلام وملظوم

الله يجيب العيد الليلة قبال بكرة ، ابو سنة بقى يضحك على ابو سنتين

صباحاتك خير ياتراجى بمواعيد البلاد الغربية
فى البداية اؤكد ان رمضان خلاسسسسسسس دخل فى العضم دى نمرة واحد

اتنين وبما انى مهتمة بمسألة الاجيال والحوار المفروض يتبنى معها وقفت فى كلامك ده:

Quote: والموضع ما الاسماء فقط صدقني لكن تقديره الحقيقي لقلم الباقر العفيف فهو ليس مجرد بوردابي معنا ولكنه اسم له وزنه حاليا في عالم السياسه السودانيه و الكتاب السودانين,هذا ليس تقليل من شان الاخ الناشط الانساني طلال عفيفي لكنها الحقيقيه.

صدقينى لا ارى اي فرق فى القلمين اى قلم الاستاذ الباقر والاستاذ طلال { اطلاق كلمة استاذ على طلال هنا مقصودة}، الاثنين ينتميان الى مدرسة فكرية واحدة تحترم الانسان وحقوقه، هذا ايضا لاعلاقة له بالدرجة من افضل من من، ولكننا درجنا فى غالب الأمر الى النظر الى أجيالنا الجديدة بعين تنزلهم درجة، رغم انك اكدتى ان ليس تقليلا من شأن الناشط الانسانى طلال... ولكنها الحقيقة...
واتساءل ماهى الحقيقة؟
بالنسبة لى غياب الحوار بين الاجيال منذ استقلال البلاد يعتبر احدى ازماتنا المتأصلة التى اوصلتنا الى هذه المأساة..
استاذ الباقر يتنمى الى جيل يختلف عن جيل طلال وله خلفية تاريخية مختلفة يترتب عليها تكوين فكرى ينتمى لتلك الفترة او ذلك الجيل، وطلال ايضا ينتمى الى جيل آخر وله خلفياته واحباطاته واحلامه وبين الجيلين تربكنا الهوة الناشئة بينهما، مع ثقتى التامة بان الاستاذ الباقر من الذين يحاولون جادين فتح شبابيك وابواب واسعة مع الاجيال الجديدة ليس فقط لتعليمهم وانما للتعلم منهم..


اشكر الاخ ترهاقا اولا لخلطه الذى صادف هوى فى نفسى
ولملاحظاتك ورؤيتك فى هذا الخلط
والشكر لان ذلك اتاح لى ان ادلى بدلوى فى موضوع يؤرقنى عن حوار الاجيال....

وكل سنة انت والصغار بالف خير،ربنا يخليك ليهم ويمد فى عمرهم يارب

غايتو يا اشراقه الله يديك العافيه
انت صاحيه وباين قمت شبعانه نوم وانا بقت الساعه 2 صباحا ولسه ما نمت.


برجع لك الصبح وشايفه ترهاقا بدأ الضحك في اخطاء النعاس..
مظلوم وملظوم


لازلت مقتنعه انه خطأ خرافي
انت كنت وين ايام موضع جثمان الخاتم
يعني دي صنعت من د. الباقر نجمع في عالم البورد حتى خارج عطائه وتميزه.


طلال عفيفي مميز في مجالات آخرى وممكن يكون فيها علم على راسه نار اكثر من الباقر العفيف
لكن برضوا مافي زول متابع بيخلط بيناتهم.


وده مليه علاقه بحوار الاجيال
لانه حيخلي د. الباقر يجي يديك عضه في نص راسك ده
ويقول لك يازول كركبتيني قدر ده؟؟؟؟

وبجيك الصباح راجعه تصبحي على خير.

تراجى سلام عيدك مبارك وكل سنة وانت بخير و الوليدات .... اسع فاتحة للراجل بوست عشان شنو اكيد زنقك فى حته تانيه ( ترهاقا ما هو جعلى بس زميل دراسة ) ههههههههههههه.