Post: #1
Title: تاني مرة.....قـدلة يا لاهـــاي... حافي حــالق
Author: سجيمان
Date: 10-11-2007, 01:56 AM
قبال كدي كتبت قلت اي زول يسجنوهو في لاهاي دا زول بخيت وسعيد وربنا بي يريدو....وحات الله.... واللا اقول ليكم" علي الطلاق بالتلاتة"..... لو اي زول من الناس الماشين لاهاي ديل ما دايرين على استعداد طب امشي بدلو...وحسي بكتب تاني وخسوسن بعد شفت صور السجن...يا اخوانا دا ما سجن...دا دلع راسو عديل كدي...حسي كدي شوفة العوضة دي:-
شوفتو النعمة دي؟....والله انا فترت من الجري ورا لقمة العيش ,,, لو القى لي فرد سنة في العوضة دي... ارتاح.... نوم واكل بس اكل... نان تحسبوهو زي الرمرام البناكل فيو دا؟ ها قادر الله..... اووووخ اووووخ... سجيمان قوم الفطور... فنترب اخفس اكل واخت لي سفة بعد اشبع.... شوية وارجع اوووووخ اووووخ.... سجيمان قوم الغدا.... فنترب اقوم اكل... وارجع اوووووخ اووووووخ... سجيمان قوم العشا... فنترب اخفس اكل وارجع تاني اوووووخ اووووخ.... وفي امان الله لا دوشة لا خوتة ... لا بتاع موية داير قروش الموية ولا بتاع نفايات داير قروش نفايات عشان يشيلوهن في العربية والعربية ماشة وتشتت فيهن فوق الدرب في الشارع ونجي نلم نحن تاني وندفع قروش ولا جمرة خبيسة للكهربا... اشبع في الكهارب المجاني دي ساااااكت... نحن حسي الكهربا بنجيبا عشان الناس يقولو عندنا كهربا.... نولع لمبة وااااحدة نتلما تحتا انا والوليدات...ونقعد نتونس و نساكك ونضرّب في الجراد والجندب بالشباشب...والايام دي كمان لامي فينا جراد ...جراد طاشم اطانكم طرشا اول ما نولع النور يقعد يحوم ويدوش ويوقع فوقنا... ومن الله خلقني ما شفت جراد بياكل شعر...محمد ولدي لما فيهو الجراد دا ووقع زعط في شعرو.....الجرادة تاخد لها دقيقة تلقاها اكلت لها بالة شعر..بعدين تقول مركبة موس في خشما... حسي راسو كلاكيع كلاكيع.. كل كلكوع وكلكوع جنبهن شعيرات شوية...اما الجندب داك شغلو نفرو براهو... علا نافعاتننا السراويل الطوال وضمضيم الكرعين...الجندبة تقول موجهة بالليزر اصلها ما تضهب.....
اها حسي شوفو جنس الشغلة دي؟؟...السيخ دا الزول يعلب زين ووقت يزهج ويفتر يملصو من هنايتو دي و يجيب اللحم ويحشرو في سيخة سيخة ويسوي كباب ويقعد ياكل ساااكت...وبعد يشبع يرجع علي العوضة المو خمج ديك و..اوووووووخ
غايتو انا كان بقيت مسعول في شركة سوداني اللت الموبايلات كان نزلت السجن دا في المسابقة مع الفلل النزلوها ديك....
|
Post: #2
Title: Re: تاني مرة.....قـدلة يا لاهـــاي... حافي حــالق
Author: سلمى الشيخ سلامة
Date: 10-11-2007, 02:46 AM
Parent: #1
من تالاى حاجزة الاوضة الجمبك
نخستك بالونسة والونسة الدقاقة بعد النور يطفوه اول ياربى ما بطفو النور
انت يا سجيمان السجن دا عندو الفة ؟
يعنى ظبط وربط ولا طالق ساكت
وما وريتنا الحوش عشان نقدل فى الحوش
ونمشى ونجى نحسب فى الايام
اها والسبورة كمان لحساب الايام نشخت فيها عشان الايام حسابن مايروح علينا
بعد المدة تنتهى بكون بقيت سمينة اكتر مما حالى هسى
ووكتين امرق دا كان مرقت
المارقة ليها شنو؟
للوكت داك البنية بكون عرسوها وتموا حلوها ويجونى فى السجن يا يمة والشفع حلاتن وليدات بتى فسحة وزيارة للوالدة المسجونة
علا يا سجيمان تهمتنا شنها ؟
|
Post: #9
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-11-2007, 10:41 PM
Parent: #2
سلمى يا اختي
السجون ظااااطا حظوظ.. ناس اتسجنو في شالا وفي كوبر وفي بورصوضان....وناس تراهو نوع النعمة الشفتيها دي.... وبعدين سجن زي دا قطع شك ان بقى فيهو الفة ما بيبقى بيشبه الفة السجون التانية....بعدين النور طافياهو لشنو يا سليمة اختي.... دايرين نخمج في الكهارب البي ساكت دي... فترنا من الدفع هنا... ما قلت لك لمبة واحدة نتلما تحتا انا والوليدات ونقعد نساكك في الجراد والجندب؟؟....
بعدين الليام حاسباهن لشنو يا سلمى اختي.. سجن زي دا ما بنمرق منو باخوي واخوك....علا يحاكمونا ويعاقبونا نرجع اهاليتنا...
مافي ايك يا تهمة .. بس يكونو اتفنجرو علينا وحنو علينا من حالتنا النحنا فيها... ويقولو شوية نسوقهم ونرشدهم بالاكل ... ونسمنن ونرجعن لي بلودهم....
|
Post: #26
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-20-2007, 10:30 PM
Parent: #2
فوق
|
Post: #3
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-11-2007, 10:49 AM
Parent: #1
فوق يا سلمى يمكن نلقى زول يرافقنا
|
Post: #4
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-11-2007, 03:27 PM
Parent: #1
*
|
Post: #5
Title: Re: تاني مرة.....قـدلة يا لاهـــاي... حافي حــالق
Author: saif massad ali
Date: 10-11-2007, 03:48 PM
Parent: #4
مالك عملت شنو
قتلت ناس المهندسين
|
Post: #6
Title: Re: تاني مرة.....قـدلة يا لاهـــاي... حافي حــالق
Author: Tragie Mustafa
Date: 10-11-2007, 05:24 PM
Parent: #5
شفت يا سجيمان السجن سجن
واول حاجه سفتك البتعدل راسك دي حتكون ممنوعه
| Quote: واخت لي سفة بعد اشبع.... |
لانه ممكن يفتوا حولها يوقولا لك بتسبب سرطان اللسه ونحن عايزنك شيديد ولضيض
ولو مته ما كويس,اها سجن بلا سفه!! ده رايك فيه شنو؟؟؟
اسأل ترهاقا..بالله رمضان بيتعبه تعب
وكله من السفه.
|
Post: #7
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-11-2007, 06:43 PM
Parent: #6
ياربى الاكل
بكون شنووووووووو؟
|
Post: #8
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-11-2007, 08:46 PM
Parent: #7
00000000
|
Post: #18
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-17-2007, 12:04 PM
Parent: #8
المر
عافي منك
|
Post: #19
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-17-2007, 03:52 PM
Parent: #7
المر
شكرا
اتصل علي
|
Post: #25
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-20-2007, 05:49 PM
Parent: #19
وين الاتصال ياربى
هنا ولا فى(لاهاى)
انت خلاس ستفتت بقيت ماشى
حاضرين
|
Post: #33
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-23-2007, 09:22 PM
Parent: #25
المر
استف شنو؟؟.... يا اخوي قالو الهدوم هناك يقطعوهن ليك من سوق لاهاي
|
Post: #14
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-16-2007, 09:21 AM
Parent: #6
تراجي
| Quote: واول حاجه سفتك البتعدل راسك دي حتكون ممنوعه |
يا زولة السفة طايرة...مادام السُكنة في حتة زي دي
|
Post: #10
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-12-2007, 09:26 PM
Parent: #5
سيف مساعد
كل سنة وانت طيب
Quote: مالك عملت شنو
قتلت ناس المهندسين |
انا برضو زول كتل يا سيف؟
داير امشي فسحة ساكت
|
Post: #11
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-13-2007, 08:49 PM
Parent: #1
*
|
Post: #12
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-14-2007, 09:03 PM
Parent: #11
|
Post: #13
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-15-2007, 09:36 AM
Parent: #1
|
Post: #15
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-16-2007, 06:11 PM
Parent: #13
|
Post: #16
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-17-2007, 07:07 AM
Parent: #1
يا ربي تتم مناي
ابقى فنجري واقدل في لاهاي
|
Post: #17
Title: Re: تاني مرة.....قـدلة يا لاهـــاي... حافي حــالق
Author: MOHAMED EL-BEELI
Date: 10-17-2007, 07:32 AM
Parent: #1
سجيمــان كل سنة وانت طيب .. والعاقبة فى لاهاى ..
على الحلف العويضة الشافته عينى دى عوضة شهر عسل عديييييل.!!
تقولى هاواى .؟؟
حـَــرم انا الحق اخش فيها تانى بى خلو رجل ما اطلع.!!
لكن ياربى الزول لو داير يعرس ويجيب وليداتو معاهو ما بيخلوا .؟؟؟ كدى استوكدلى من النقطة دى .. الناس ديل قالوا بيحترموا حقوق النسوان .
|
Post: #21
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-18-2007, 08:50 PM
Parent: #17
محمد البيلي
| Quote: لكن ياربى الزول لو داير يعرس ويجيب وليداتو معاهو ما بيخلوا .؟؟؟ كدى استوكدلى من النقطة دى .. الناس ديل قالوا بيحترموا حقوق النسوان . |
يا زول اطمن طب.... في ضمتم قالو المرا تزورك في الاسبوع مرتين... ويقعدوها ليك في هولندا وعلي حساب الحيكومة
|
Post: #20
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-18-2007, 08:28 AM
Parent: #1
العفش الفي العويضة دي عاجبني
|
Post: #22
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-19-2007, 03:34 PM
Parent: #1
طبيعة الاكل هنا
بتكونشنووو؟
|
Post: #23
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-19-2007, 09:29 PM
Parent: #22
المر ابقى عشرة على البوستي دا.... يمكن ربنايقسم لنا قعدى قي لاهاي.... بعدين برسل بك
|
Post: #27
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-21-2007, 06:46 AM
Parent: #23
امين يارب العالمين
|
Post: #24
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-20-2007, 10:01 AM
Parent: #22
عاد اللكل هنا بيسعلو منو يا المر اخوي؟؟؟
ان درتا ام فتفت من صابرين يقومو لك طيارة خاصة ويجيبوها ليك
|
Post: #32
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-23-2007, 02:48 PM
Parent: #24
عاد اللكل هنا بيسعلو منو يا المر اخوي؟؟؟
ان درتا ام فتفت من صابرين يقومو لك طيارة خاصة ويجيبوها ليك
طيب طال ما بقدرووووووووووو يجيبو (ام امفتفت )ما يجيبووووووووو خروف بى حالو
اشان (القعدة) تحلو وتبقى مقيلة
|
Post: #28
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-21-2007, 05:26 PM
Parent: #1
ممتاز
|
Post: #29
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-22-2007, 02:35 PM
Parent: #28
ما عارف العاجبني في البوستي دا شنو؟؟؟
|
Post: #31
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-23-2007, 12:24 PM
Parent: #1
up
|
Post: #34
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-24-2007, 08:25 AM
Parent: #31
بس الناس ديل
بسمحو لينا نجيب معانا(شططتنا)
الخدراء
|
Post: #39
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-28-2007, 09:15 PM
Parent: #34
يا زول الشطة دي بيجيبوهو ليك من الهند
|
Post: #35
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-27-2007, 10:24 PM
Parent: #31
غايتو جنس مشاكل
|
Post: #36
Title: Re: تاني مرة.....قـدلة يا لاهـــاي... حافي حــالق
Author: نصار
Date: 10-27-2007, 10:32 PM
Parent: #1
المر الشطة راقدة بس تعالوا
و انت عندك واسطة قوية صاحبك شلفين و اتلاقينا .... هههههههه
لكن سجيمان خايفوا بيشوقو للاهاي بلحق البرعي و شوقو للمدينة
|
Post: #37
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-28-2007, 01:48 PM
Parent: #36
Quote: المر الشطة راقدة بس تعالوا
و انت عندك واسطة قوية صاحبك شلفين و اتلاقينا .... هههههههه
لكن سجيمان خايفوا بيشوقو للاهاي بلحق البرعي و شوقو للمدينة
|
انت نصار بتاع الهوة المستقلة الحرة
ولا واحدا تانى ارجو الافادة
|
Post: #41
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-29-2007, 08:12 AM
Parent: #37
المر
تعال لنصار
قاعد يناغمك
|
Post: #38
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-28-2007, 06:09 PM
Parent: #36
نصاااااااااااااااار
| Quote: لكن سجيمان خايفوا بيشوقو للاهاي بلحق البرعي و شوقو للمدينة |
يا زول ابصقا من خشمك..... دي حسادة منك عديل كدي...... انشالله يسمعو نضمي ويدوني للنعمة دي بدل واخد منهم
|
Post: #40
Title: Re: تاني مرة.....قـدلة يا لاهـــاي... حافي حــالق
Author: نصار
Date: 10-28-2007, 09:29 PM
Parent: #1
المر.. ياني القاصده زاتو..
يا دكتور اسمع كلام الببكيك ما البضحكك و يطحك عليك
بأمانة فرص المر اكبر كتير
و انت محتاج معجزة عديل كدا
ولا خلي المر يضيفك في جوازه loooool
|
Post: #43
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-29-2007, 10:40 AM
Parent: #40
Quote: المر.. ياني القاصده زاتو..
يا دكتور اسمع كلام الببكيك ما البضحكك و يطحك عليك
بأمانة فرص المر اكبر كتير
و انت محتاج معجزة عديل كدا
ولا خلي المر يضيفك في جوازه loooool |
نصار الجواز(مرهون)
|
Post: #42
Title: Re: تاني مرة.....قـدلة يا لاهـــاي... حافي حــالق
Author: ayman haroun
Date: 10-29-2007, 08:42 AM
Parent: #1
العلاقة بين د.مصطفى محمود و د. سجيمان
يا دكتور والله احسن ليك تقعد ساكت انت عارف لو مشيت هنالك ( البكاء الكتير دا مافى ) ولا برضو من سوق لاهاى
ايمن هارون
|
Post: #44
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-29-2007, 05:55 PM
Parent: #42
ايمن هارون
يا اخوي قالو هناك كل ما تبكي كل ما مرتلك بيزيد.. وبعدين السجانات قالو نسوان
|
Post: #48
Title: Re: تاني مرة.....قـدلة يا لاهـــاي... حافي حــالق
Author: ayman haroun
Date: 10-30-2007, 08:16 AM
Parent: #44
| Quote: وبعدين السجانات قالو نسوان |
اسمع يادكتور سجيمان ماتنسى تسووق معاك د. مصطفى محمود عشان يشيل ليك معاه ورود وزهور
ايمن هارون
|
Post: #45
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 10-29-2007, 09:04 PM
Parent: #1
*
|
Post: #49
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 11-03-2007, 11:53 AM
Parent: #45
والله البوست دا ...جنو يغتس
|
Post: #46
Title: Re: تاني مرة.....قـدلة يا لاهـــاي... حافي حــالق
Author: نصار
Date: 10-30-2007, 00:40 AM
Parent: #1
| Quote: نصار الجواز(مرهون) |
loooooooooool
لسع ما فرجت
سمعت بالقالوا ليهو فلان عرس في الاجازة و جايب مرتو معاهو
قال ليهم حظو يرهن جوازيين هههههههههه
|
Post: #47
Title: Re: تاني مرة.....قـدلة يا لاهـــاي... حافي حــالق
Author: مرتضى الصادق
Date: 10-30-2007, 08:10 AM
Parent: #46
Quote: لسع ما فرجت
سمعت بالقالوا ليهو فلان عرس في الاجازة و جايب مرتو معاهو
قال ليهم حظو يرهن جوازيين هههههههههه |
وفلان دة من عندنا ولا عندكم؟؟؟
|
Post: #50
Title: Re: تاني مرة.....قـدلة يا لاهـــاي... حافي حــالق
Author: نصار
Date: 11-04-2007, 03:06 AM
Parent: #1
اكيد من عنديكم
نحنا كنا عزابة ساااكت
|
Post: #51
Title: Re: تاني مرة.....قـدلة يا لاهـــاي... حافي حــالق
Author: السر عبدالله
Date: 11-04-2007, 03:13 AM
Parent: #50
انت يا سجيمان بتهظر ولا شنو؟ معقول يكون فى سجن زى ده
واذا كلامك صحيح ابقى قابلنا فى لاهاى!!!
السر
|
Post: #52
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 11-04-2007, 05:52 PM
Parent: #51
السر عبد الله
| Quote: معقول يكون فى سجن زى ده |
يا السر اخوي وحات الله جاب الصور دي بكري باقي هو مشى هناك...
|
Post: #53
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 11-19-2007, 07:35 AM
Parent: #51
عودة الي لاهاي
|
Post: #54
Title: Re: تاني مرة.....قـدلة يا لاهـــاي... حافي حــالق
Author: سجيمان
Date: 11-21-2007, 08:05 PM
Parent: #53
عودة الي لاهاي بعد الملاهة المعا نسرين
|
|