Post: #1
Title: الملح..فى الثقافه السودانيه.
Author: محمد مكى محمد
Date: 10-05-2007, 02:50 PM
الملح..فى الثقافه السودانيه.
يعتبر الملح من آقدم العناصر التى اضافها الانسان الى مائدة طعامه ونظام التغذيه اليومى,ليس فقط لاستطعام الاكل ولكن للضروره الحيويه ,خاصه لعنصر الصوديم Na..
|
Post: #2
Title: Re: الملح..فى الثقافه السودانيه.
Author: محمد مكى محمد
Date: 10-05-2007, 03:10 PM
Parent: #1
ولكن وجد الناس إستخدامات أخرى لكلمة "ملح"..
فنجدها فى مثل(ملح وملاح) وكلمة ملاح نفسها مشتقه من ملح...
وعند إضافة الطبيخ للكسره او القراصه او العصيده,تسمى عملية "التمليح" وهى مشتقه من ملح
|
Post: #3
Title: Re: الملح..فى الثقافه السودانيه.
Author: محمد مكى محمد
Date: 10-05-2007, 03:39 PM
Parent: #1
عندما كنا طلاب فى مدرسة المؤتمر كانت وسيلة المواصلات الرئسيه لنا, هى "الملح"...
وكانت هناك مناطق على طول شارعى الموردة والنيل ,نقف فيها للملح,حبذا لو كان "بوكسى "..
|
Post: #6
Title: Re: الملح..فى الثقافه السودانيه.
Author: Elkhawad
Date: 10-05-2007, 04:49 PM
Parent: #3
ود المكي ..
نعلوو ده ما طـــــز بتاع نصار
ياخ ما تملح الراجل البوست بتاعو
اها ده استخدام جديد
رمضام كريم .. حبوب
|
Post: #4
Title: Re: الملح..فى الثقافه السودانيه.
Author: محمد مكى محمد
Date: 10-05-2007, 04:31 PM
Parent: #1
وفى (دار الرياضه)بامدرمان,تفتح الابواب لنصف الساعه الاخير من المباراة,فيدخل الجمهور مجانا,وكذلك اثنان من شرطة السوارى...فتتعالى صيحات الجماهير (ممن دفعوا ثمن التذاكر)..."ملح...ملح...ملح...".
|
Post: #5
Title: Re: الملح..فى الثقافه السودانيه.
Author: Al-Shaygi
Date: 10-05-2007, 04:38 PM
Parent: #1
الأخ محمد مكي
رأيك شنو في الملح والملاح ده!!!
أهه كده بقى بينا ملح وملاح.
ويقال أن فلان ملح فلان أي أداه زمبه!!!!
وبتعبير آخر خرته..
وزمان قرأنا القصة الأسطورية للملك الذي سأل أبنائه عن درجة حب كل منهم له وأحد أبنائه قال له أحبك مثل الملح فنفاه وتشاء الأقدار أن ينشيء الأمير مملكة خاصة به وبعد زمن طويل يدعوا أبيه الملك لزيارة مملكته دون أن يعرف أنه أبنه الذي نفاه منذ سنوات طويلة، ويقدم له الطعام بدون ملح وعندما يستفسر عن السبب ويعبر له عن أهمية الملح يذكره بالحادثة القديمة فيندم على فقد أبنه ثم لاحقاً يعرف أن الملك الصغير المضيف هو أبنه فيندم على فعلته، هذا ملخص القصة التي مازلت أذكرها ولا أدري إن كانت كذلك أم الذاكرة الخربة الجائعة للذكريات قد أكلت أجزاء منها أو حرفتها ولا أدري إن كانت قد أكلتها بملح ولا بدون!!!!.
واصل التوثيق للملح
لك كل الود
الشايقي
|
Post: #7
Title: Re: الملح..فى الثقافه السودانيه.
Author: محمد مكى محمد
Date: 10-05-2007, 05:12 PM
Parent: #1
Quote: رأيك شنو في الملح والملاح ده!!!
أهه كده بقى بينا ملح وملاح. |
الشايقى الحبوب
طبعا دى ما فيها كلام ملح وملاح وقراصة 2بوصه كمان...
شكرا على الاضافه والمرور....
رمضان كريم وتحياتى العطره
|
Post: #8
Title: Re: الملح..فى الثقافه السودانيه.
Author: رأفت ميلاد
Date: 10-05-2007, 05:44 PM
Parent: #7
محمد مكى
كدى ما تملحنا ساكت
زمان البعرس بقولوا "ملحوا" 
وبعدين الواحد لما يزيدا حبتين يقولوا عمل ليها ملح و "شمار"
طبعآ الشمار دخل من أدبيات الفول .
وبستعمل تلطفآ بكلمة "مسيخة"
يعنى تقول كدى قصتك دى ملحيها شوية طبعآ للنسوان بدل ما تقول ليها يا مسيخة
أها ملحا لينا وكان جاك أبوجهينة يقلبا ليك ملوحة وتركين
|
Post: #9
Title: Re: الملح..فى الثقافه السودانيه.
Author: محمد مكى محمد
Date: 10-06-2007, 09:15 AM
Parent: #1
نزار الخواض
الزول السمح
انت وين يازول?وقاطع اخبارك ,وكيف الدراسه?
"مالحنا" ساكت ,أظهر على السيتى سنتر.
رمضان كريم
كدى تعالأفطر معان
|
Post: #10
Title: Re: الملح..فى الثقافه السودانيه.
Author: محمد مكى محمد
Date: 10-06-2007, 09:59 AM
Parent: #1
"عم رأفت" صباح الخير وسلامة منال
قرض على دى وخليهم يملحوك فى السن براك,نحنا لسه 25 سنه...
|
|
