Post: #1
Title: طعمية طويلة!
Author: خالد الطيب أحمد
Date: 10-05-2007, 01:44 PM
كل زول عاوز يرمي طعمية يجي يرميها هنا!
علي شرط تكون طعمية طويلة..
|
Post: #2
Title: Re: طعمية طويلة!
Author: خالد الطيب أحمد
Date: 10-05-2007, 01:55 PM
Parent: #1
أتعس شعب في العالم كلو نحنا..
وأستراليا والله ليها حق..
وإسرائيل لو رفضتكم ذاتها ليها حق..
والمصريين ديل لو أعدمونا ليهم حق..
ياخي نحنا ليوم الليلة ما عارفين روحنانحنا منو!!!!
إنتو منو؟؟؟
|
Post: #3
Title: Re: طعمية طويلة!
Author: خالد الطيب أحمد
Date: 10-05-2007, 01:58 PM
Parent: #2
المستعمر ذاتو قنع منكم وطلع براااحة فات..إستقلال حزين !
أتمني لو إستمر لي يوم الليلة كان أحسن لينامن الوصلنا ليهو ده!
إنتو ما بتحسوا؟؟؟
|
Post: #4
Title: Re: طعمية طويلة!
Author: خالد الطيب أحمد
Date: 10-05-2007, 01:59 PM
Parent: #3
بلد نصها أسياد ونصها التاني عبيد!
عبيد وقراقير!
ده شنو ده يا بشر!!
|
Post: #5
Title: Re: طعمية طويلة!
Author: خالد الطيب أحمد
Date: 10-05-2007, 02:00 PM
Parent: #4
إنتو الله خلقكم براكم وللا زي باقي الناس؟
|
Post: #6
Title: Re: طعمية طويلة!
Author: خالد الطيب أحمد
Date: 10-05-2007, 02:06 PM
Parent: #5
اللهم إني صائم..
|
Post: #7
Title: Re: طعمية طويلة!
Author: خالد الطيب أحمد
Date: 10-05-2007, 02:09 PM
Parent: #6
كلكم بتهربوا من واقعكم الطين ده..وتقعدوا تلفوا وتدوروا..ليه؟
وراجين منو علشان يحلها ليكم؟..ومتين؟
|
Post: #8
Title: Re: طعمية طويلة!
Author: خالد الطيب أحمد
Date: 10-05-2007, 02:10 PM
Parent: #7
بلد كلها لف ودوران..
والمشكلة أصلا مافي الكيزان..المشكلة فيكم إنتو ديل..
|
Post: #9
Title: Re: طعمية طويلة!
Author: خالد الطيب أحمد
Date: 10-05-2007, 02:12 PM
Parent: #8
أصحوا يا عالم..فضحتونا
|
Post: #10
Title: Re: طعمية طويلة!
Author: خالد الطيب أحمد
Date: 10-05-2007, 02:13 PM
Parent: #9
وين إنتو؟
|
Post: #11
Title: Re: طعمية طويلة!
Author: خالد الطيب أحمد
Date: 10-05-2007, 02:19 PM
Parent: #10
مشكلتكم شنو؟
|
Post: #12
Title: Re: طعمية طويلة!
Author: معتز تروتسكى
Date: 10-05-2007, 03:21 PM
Parent: #11
خالص التحايا
الزميل العزيز
خالد الطيب أحمد
تعرف ياخالد لى فترة عايز الم فيك بى رواقة..عندى كمية حاجة عامله لي طشاش وتصرفات غريبة بالجد بقيف احتار فيها، بس تقول شنو جرى يعلمبو ربك..
اولا اسئلتك او طعميتك الرميتها دي ممكن تؤدى للحل ، انا صراحة ماعارف لماذا من كل ماتكتبه البوست ده خلانى اخش عليك..
المهم انا عندي اخد وادي معاك في كتير من المفاهيم القاعد تسوق ليها عزيزي بس لكن على شرط ياخالد..
الاول متوقف عليك والثاني علي..
الاول في انو البوست ده ناخد فيهو راحتنا كاصدقاء واعداء واهل وكلو بس مايجى زول من ناسك البتعرفهم انت براك ديلك مع احترامي ليك ..تسالنى واسالك ووالخ
والشرط الثاني انى القى لى وقت بى براح ، لو بعد العيد خليها ساى حاقول الروووب عديل ، ودلوقت انا مافي طريقة لكن حاسعى بعد العيد لو اوظف ساعات الفراغ لكى اجيك في بوستك ده ..
لو كلامى ده نفع معاك ياسيدى يبقى بعد العيد نتشاوف هنا وناخد وندى مع بعض..
التحايا النواضر..
|
Post: #15
Title: Re: طعمية طويلة!
Author: خالد الطيب أحمد
Date: 10-05-2007, 07:49 PM
Parent: #12
تروتسكي..
تحية طيبة..
وكل عــام وأنت بألف خير..
| Quote: لو كلامى ده نفع معاك ياسيدى يبقى بعد العيد نتشاوف هنا وناخد وندى مع بعض.. |
نافع بس!..وأنا لاقيك وين يا معتز!
في إنتظارك وتعال عليك الله طلعني من المغص والألم الفيهو أنا ده..
وما براي ..إنت ذاتك معاي!
وكل عام وأنت ومن معك بخير
تعال يا معتز في اي وقت
|
Post: #13
Title: Re: طعمية طويلة!
Author: waleed500
Date: 10-05-2007, 07:04 PM
Parent: #4
Quote: بلد نصها أسياد ونصها التاني عبيد!
|
والاخ فى ياتو نص من الانصاص؟؟؟؟؟؟؟
|
Post: #14
Title: Re: طعمية طويلة!
Author: خالد الطيب أحمد
Date: 10-05-2007, 07:23 PM
Parent: #13
| Quote: والاخ فى ياتو نص من الانصاص؟؟؟؟؟؟؟ |
الثورة بالنص..
للأسف خاطف لونين من لون واحد..
|
Post: #16
Title: Re: طعمية طويلة!
Author: خالد الطيب أحمد
Date: 10-05-2007, 08:21 PM
Parent: #14
كنت صغيرا..وطنيا
علمني أستاذي
أن الوطن الحب..
الوطن الصدق..
وأجمل مافي وطني العدل
..
..
..
..
وكبرت سريعا جدا..
فرحا جدا..
أتذكر كل دروس الأستاذ عن الأوطان!
لكن ..فوجئت!
فقد كذب عليَ الأستاذ..
أو..خاف..
لأني لن أدرك معني كلمة (نام)
ماذا يحدث لو قال الصدق؟
لو قال بأن بلادي..
أحقر دول الكون جميعا!
ماذا يحدث؟
لو قال بأن الوطن الجــوع..
الوطن الفقر..المرض..القهر.
لعلي كنت سارسم (آثاري)
وأحدد موضع خطواتي..
وسأسقي نبت في قلبي
يشعرني أن غدا أجمل آت
لكني مازلت الآن..
ويا للحسرة!
أبحث عن وطن الاستاذ..
أو..
عن وطن في كلمـاتي!
خالد الطيب
|
Post: #17
Title: Re: طعمية طويلة!
Author: معتز تروتسكى
Date: 10-06-2007, 03:43 PM
Parent: #16
عزيزي خالد يديك العافية سيدي..
تعرف ياخالد انا حاسي انك زي كل زول مهموم بس ، عاتب عليك انك شايت في تيار الغوغائية ..
عموما لو قسيت عليك استحملني ، انا غايتو حاستحملك.. ماعندي مشكلة تب. .
عموما قبلت دعوتك ، فقط انا على سفر اليوم في بلاد الله البعيدة دي وزي ماقلت ليك بعد العيد بى كم اسبوع كده ميعادنا..وابعد عننا العوارض . .
اها للوقت داك ابقى بعافية خلي بالك من نفسك والعفو والعافية ...
كل سنة وانت طيب..
|
|