Post: #1
Title: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 10:39 AM
Quote: وصلت بعثة الهلال صباح امس الي العاصمة التونسية الي العاصمة التونسية بعد رحلة شاقة ومرهقة تأخرت خلالها الطائرة التونسية لاكثر من 3 ساعات بمطار دمشق الشئ الذي قاد لاستنكار التأخير والذي زاد من معاناه اللاعبين ..
ووجدت البعثة معاناه اخري داخل مطار تونس من معاملة سيئة وقاسية بينما مكثت لاربع ساعات في صالة فندق قصر الشرق الذي حجزت به ادارة النجم الساحلي للبعثة وهو فندق متواضع وسئ الخدمات ..
وتأسف الباقر الرشيد رئيس البعثة لسوء المعاملة رغم ما قدمه الهلال من كرم ضيافة لبعثة النجم بالخرطوم وقال ان المعاملة غير لائقة والاقامة سيئة وقد بحثنا في المنطقة عن فندق بديل ولم نجد, لذلك رضينا بما تم وسنجتهد اليوم للانتقال لفندق اخر ولو علي حساب الهلال وقد تطور الموقف الي اشتباك بالايدي بين ادارة بعثة الهلال والنجم الساحلي .
ومن جهة اخري اجري رئيس النادي صلاح ادريس اتصالا هاتفيا بالبعثة لام من خلاله المسؤولين عن قبول الاقامة بفندق قصر الشرق مؤكدا وصوله لتونس اليوم ليتولي تحويل البعثة لفندق امبيريال الذي قام بزيارته رئيس البعثة وطارق عطا ومدرب الفريق وكابتن الفريق .
وكانت البعثة الادارية قد رفضت التوقيع علي فواتير الافطار بسبب رداءة اطعمة فندق قصر الشرق وقد اجري الفريق امس تدريبا خفيفا بلمعب سوسة فيه المعز وريتشارد
هذا وقد تأسف طارق عطا رئيس البعثة من جانب الاتحاد العام لكرة القدم السوداني علي المعاملة التي وجدتها البعثة بتونس مؤكدا ان ذلك يعتبر انعكاسا لطيبة السوداني الذي يكرم وفادة ضيوفه ولا يجد بالمقابل مثل تلك المعاملة خارج ارضه مؤكدا ان هذه المعاملة ستنعكس ايجابا علي اداء الفريق في الملعب والذي زادته الظروف اصرارا لتحقيق النصر بأذن الله وتحقيق انتصار يشرف الكرة السودانية والهلال |
ههههههه .. بدأت حرب الإرهاب ...
ماا أصلو النجم خلقوهو أصلاً للرجم...
|
Post: #2
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 10:58 AM
Parent: #1
و دي صور الفندق الما عاجبة الجماعة :
عليكم الله أمرقوا النصيحة ... دا ما إفترا ؟!!
الجماعة ماشين عشان يجرو شكل ويجوا محملين بالخمسة ...
|
Post: #3
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: أيمن جبارة الله الخضر
Date: 10-04-2007, 10:59 AM
Parent: #1
الغريبة يا نادر إنو فندق قصر الشرق دا فندق 5 نجوم..
كدي بس عاين الصور..
جماعتنا ديل دايرين مشاكل ساي..
|
Post: #4
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 11:03 AM
Parent: #3
حبيبنا أيمن ...
اللهم إني صائم ... صحي والله
صحي القال في سوسة العافية مدسوسة ...
|
Post: #5
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: haroon diyab
Date: 10-04-2007, 11:04 AM
Parent: #3
نادر وايمن
صوموا يافرد
انتوا جماعتنا ديل وادينهم يلعبوا مباراة ولا عرض ازياء داخلية ...... بعدين تعالوا السعلكم سعال انتوا جبتوا الصور دي من ويييييييييييييييييييين .....؟
والمحلي داخل عطبرة.
هارون دياب
|
Post: #6
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: abuguta
Date: 10-04-2007, 11:09 AM
Parent: #5
انت ياناذر
ناس المريخ نازلين وين
اوعى يكونو نزلوهم فى لكوندا خيش
كدى شوفو لينا ناسكم ديل اول
|
Post: #8
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 11:17 AM
Parent: #6
ناسنا ديل يا أبوقوتة ...
في رعاية الله ... الله يحفظهم ...
تخيل بعد رحلة شاقة من دبي إلى لاغوس ...
يتأخروا في المطار عشان العفش ...
والطيارة الماشة بورت هاركورت تفوتهم...
ينزلوا مؤقتاً في فندق لغاية تاني يوم ...
لكن تواجهم مشكلة الأغذية السيئة عشان الإفطار...
نحنا من الأدغال والأحراش ديك بنجي متأهلين بإذن الله ...
والجماااعة المابعجبهم (العجب) ولا فندق الشرق الله يستر عليهم ...
|
Post: #7
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 11:12 AM
Parent: #5
حبيبنا هارون دياب ...
| Quote: انتوا جماعتنا ديل وادينهم يلعبوا مباراة ولا عرض ازياء داخلية |
والله ما تقدر تعرف ماف شي بعيد على الله ... 
| Quote: انتوا جبتوا الصور دي من ويييييييييييييييييييين .....؟ |
نحنا عشان أبو الهل نعمل أي هااااجة ...
|
Post: #9
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: امين عمر عثمان
Date: 10-04-2007, 11:17 AM
Parent: #1
يا شباب بالراحه علي الجماعه ديل
الدنيا رمضان
دي المنظر بس
و بعد بكرة ما معروف الفلم يكون كيف؟
الله يستر ساكت
|
Post: #10
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 11:26 AM
Parent: #9
الله يكضب الشينة يا أمين ...
وحبوبتي طوااالي بتقول لي ...
يا ولدي الفي الزير .. ببينوا المغراف ...
|
Post: #11
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: MOHAMED EL-BEELI
Date: 10-04-2007, 11:44 AM
Parent: #1
نادر ... كلامك ده يوم السبـت بتاباهــو .. احسن ليك تقدم الخميس تلقى السبت ..!!
يوم السبت يوم السبت
يوم السبت يوم السبت
تـذكر النغمة دى ؟
|
Post: #12
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 11:56 AM
Parent: #11
حبيبنا ود البيلي ...
ما هو يوم السبت دا الجايب ليكم الكافية ...
مش كنتو تخلوها جمعة ولا أحد ؟!!
كان أقلاهو مرقتوا بالدورن ولاقيتوا الحلبة ..
|
Post: #13
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: yasir Abdelgadir
Date: 10-04-2007, 01:23 PM
Parent: #12
اني أري رؤوسا قد تطاولت...والاقزام قد تعملقت
ماتفتكروا انو هزيمة الهلال ممكن تعمل منكم عمالقة
عادي جدا...في دوري اوربا انهزم ليون بكل جبروتة تلاتة في عقر داره بالتلاتة امام رينجرز المتواضع...ولم يضرب انصار باريس سان جيرمان الطبول فرحا لهزيمة ليون
اما عندنا لانو الفهم قسم....ومازالت النوس مريضة مازلتم تتعقبون الهلال ولن تطالوه ابدا
برغم الهزيمة الهلال في نادي المائة والمريخ ترتيبه مخجل
وبالرغم اجد طولة اللسان والتطاول
اللهم احمني شر اصدقائي اما اعدائي انا كفيل بهم
|
Post: #14
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 01:29 PM
Parent: #13
حبيبنا أبو عمار ...
دا سجال كروي عادي بيننا ..
بحكم انو نوادينا متنافسة ...
لكن البولعوا الحرق ديلاك فهمهم ...
والعياذ بالله كرووور ومحدود ...
إنتا إتغلبتا من فريق حمام ...
وبتفتكر إنو نحنا أي فريق بنغلبوا برضوا حمام ...
وحسي إنتا ماشي للصقير نشوفكم حتسووا شنو ؟!!
|
Post: #15
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: ملكة سبأ
Date: 10-04-2007, 01:44 PM
Parent: #1
ساعدونـــا بالنقـة ، ساعدونــا بالنقــة
برضو سيرة سيد البلد؟!
انت مريخاب ولا ماهلالاب ؟!
ولا هلالاب زعلانيين
ولا ســنو
| Quote: مؤكدا ان هذه المعاملة ستنعكس ايجابا علي اداء الفريق في الملعب والذي زادته الظروف اصرارا لتحقيق النصر بأذن الله وتحقيق انتصار يشرف الكرة السودانية والهلال |
السادة المتداخلين يصوتو على نشيد سيد البلد
(1) عايزنو داخل البوست دا
(2) ماعايزنو داخل البوست دا
|
Post: #16
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: keiga2000
Date: 10-04-2007, 01:54 PM
Parent: #15
دي علامات الجرسة
دا مسلسل بنسمع فيه كل سنة وكل فضيحة مصحوبة باعذارها معاملة سيئة وتحكيم
يارب يكون فيها رفع تابوت وارهاب مثل الحصل في الخرطوم
محلي
ابومصطفى
|
Post: #17
Title: Re: خبر عاااجل : بعثة الهلال وصلت سوسة ، والكوماج دور قبال المباراة
Author: نادر محمد الراضي
Date: 10-04-2007, 01:57 PM
Parent: #15
(2) ماااااااااا عايزنها ...
كدا كيف معااااك ...
|
|
