Post: #1
Title: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-04-2007, 08:46 AM
Parent: #0
سلام عليكم شباب
اولا شكرا على المرور مسبقا
وبعدين انا عايزة اتعرف على بورداب حلفا في الداخل والخارج
ياريت يعرفوني عليهم
ضرووووووووووووووري
مش عنصرية ولا حاجة
بس الواحد داير يعرف اهله وكده يعني
|
Post: #2
Title: Re: بورداب حلفا في الداخل والخارج ....هااااااااااااااااااااااام
Author: ولياب
Date: 10-04-2007, 08:56 AM
Parent: #1
أهلاً ميادة
سكرفي ويافينا
بورداب حلفا الداخل ( دامو)
بورداب الخارج ( داجي نا) وسوف يأتون واحد تلو الآخر
أفيلقو
|
Post: #3
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-04-2007, 09:01 AM
Parent: #2
الاستاذ ولياب
سلام عليكم
وييفينا
مسكاقمي
لييييييييييييه بورداب داخل داجمينا
معقولة بس
عموما مرحب بيك او بورداب حلفاوي اتعرف عليك
بس عرفني عليك اكتر
من وين في حلفا
|
Post: #4
Title: Re: بورداب حلفا في الداخل والخارج ....هااااااااااااااااااااااام
Author: ولياب
Date: 10-04-2007, 09:49 AM
Parent: #3
Quote: لييييييييييييه بورداب داخل داجمينا
معقولة بس |
معظم بورداب الداخل هم من العاصمة ولم الاحظ أحدهم منتمياً لحلفا
بإستثناء الأستاذ أسامة دهب
وتعرفي يا ميادة بأن محلات الأنترنت في حلفا الجديدة لا تتعدى أصابع اليد ، ولدى بعض الأطباء وبعض كبار الموظفين .
وبالنسبة لحلفا الأم ( أي إربوم)
وسلامي لك من الرياض عبر بلدتي دبيرة
|
Post: #5
Title: Re: بورداب حلفا في الداخل والخارج ....هااااااااااااااااااااااام
Author: فيصل محمد خليل
Date: 10-04-2007, 10:17 AM
Parent: #4
فيصل محمد خليل.
نوبي.
و داخل اطار النوبة:-
حلفاوي
من المجراب.
في اطار السودان الوطن الواحد
|
Post: #6
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-04-2007, 10:49 AM
Parent: #5
استاذ فيصل
سلماااااااااات
مرحب بيك وبكل ناس مجراب
شكرا على المرور
|
Post: #50
Title: Re: بورداب حلفا في الداخل والخارج ....هااااااااااااااااااااااام
Author: osama dahab
Date: 10-14-2007, 01:05 AM
Parent: #4
Quote: معظم بورداب الداخل هم من العاصمة ولم الاحظ أحدهم منتمياً لحلفا
بإستثناء الأستاذ أسامة دهب |
اشكرك يا استاز ولياب على ملاحظتك لتواجدى وهذا شرف لى
مع امنياتى بتواصل امتداد حبال الود
ارجو احياء هذا البوست
اشريكر كل يومن فاينا
|
Post: #10
Title: Re: بورداب حلفا في الداخل والخارج ....هااااااااااااااااااااااام
Author: Talal Halfa
Date: 10-04-2007, 01:45 PM
Parent: #3
اذيك يا ميادة
انتي بت خديجة محمد داؤد؟
كيفك وكيف الأسرة ويهيجروا؟
مسي قون اجا نلي؟
انا طلال
|
Post: #7
Title: Re: بورداب حلفا في الداخل والخارج ....هااااااااااااااااااااااام
Author: عبد السلام أبوشنب
Date: 10-04-2007, 12:31 PM
Parent: #1
في اطار السودان الوطن الواحد نوبي
و داخل اطار النوبة حلفاوي
من المجراب.
Quote:
وبالنسبة لحلفا الأم ( أي إربوم) |
اركونا داري
ولياب كيفك وارمدان كريم
|
Post: #8
Title: Re: بورداب حلفا في الداخل والخارج ....هااااااااااااااااااااااام
Author: بكري الصايغ
Date: 10-04-2007, 01:18 PM
Parent: #1
الأخـت الـحبيبـة الـحبوبة،
مـيادة،
تـحـية طـيبة،
ورمـضان كـريـم.
كنت اتـمـنـي ان تـقومـي بتعـريف نفسـك اولآ بصـورة كاملة
ومعلومات واضـحـة كما جـرت العادة للشـخـص الراغـب في مـعرفة الأخـرين!!
لك مـودتي.
|
Post: #9
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-04-2007, 01:38 PM
Parent: #8
Quote: كنت اتـمـنـي ان تـقومـي بتعـريف نفسـك اولآ بصـورة كاملة
ومعلومات واضـحـة كما جـرت العادة للشـخـص الراغـب في مـعرفة الأخـرين!!
|
الاخ الفاضل بكري الصايغ
سكرفي ويفينا
اعرفك بنفسي اولا
انا ميادة كمال الدين سليمان
اصلا من حلفا الجديدة القرية 13 اشكيت
وساكنين الان في الخرطوم- الكلاكلة
حاصلة على ماجستير دراسات استراتيجية وعلوم سياسية
|
Post: #13
Title: Re: بورداب حلفا في الداخل والخارج ....هااااااااااااااااااااااام
Author: Talal Halfa
Date: 10-04-2007, 01:55 PM
Parent: #9
اصلا من حلفا الجديدة القرية 13 اشكيت
انا بيتنا فاتح في بيتكم!
ايق اربرو؟
|
Post: #24
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 08:25 AM
Parent: #13
الفنان طلال حلفا
كيفك ورمضان كريم عليك
اخبار مي وحمادة والاستاذ ممدوح شنو؟؟؟
وكمان الاستاذة عزيزة
كلهم بخير
وياترى مي حصلت وين
ياريت تديني اخبارهم
[email protected]
|
Post: #11
Title: Re: بورداب حلفا في الداخل والخارج ....هااااااااااااااااااااااام
Author: Salah Waspa
Date: 10-04-2007, 01:46 PM
Parent: #1
الأخت وربما الإبنة ميادة
مسكاقروا كتييييير كل الود لشخصك أرجو أن نكون ضيوف خفاف عليك
ولا يفوتني أن أذكرك بالإنضمام لقائمة الشرف النوبية وتسجلي حضور
في بوست حبيبنا محمد سليمان ولياب ( أول ضيوف هذا البوست ) .
لولياب التحية عبر هذا البوست وأيضا الوفي فيصل محمد خليل وهما
أكثر من ترك بصماتهم في كل مايخص النوبة عبر حوش بكري .
لك الود وأهلا بيك ضيفة عزيزة وإضافة يزدان بها المنبر .
صلاح محمد صالح واسبة ولا أزيعك سرا حلفاوي قشرة خرطومي ولكني
شديد الإنتماء لبلدي حلفا وأجمع شقين من حلفا حيث والدي من
فرص 33 ووالدتي من أرقين القرية 8 ( شاوشاب ) .
ولنا عودة وتواصل لو ربنا مد في الآجال .
|
Post: #12
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-04-2007, 01:54 PM
Parent: #11
العم صلاح
رمضان كريم عليك
شكرا على مرورك
وساعمل بنصائحك الغالية
تسلم وو اني
ولك خالص ودي
|
Post: #14
Title: Re: بورداب حلفا في الداخل والخارج ....هااااااااااااااااااااااام
Author: Sayed Bekab
Date: 10-04-2007, 03:38 PM
Parent: #1
ميادة سلام
حلفا ... الجميلة وكالة شريف لنا فيها ذكريات ... رطاني و بعتز بكل رطاني .... زي ما بقولو... اكا بنجي كولمي .... كلاكلاوي اعشق اللفه، صنعقعت، سوق الجو، حي البصاولة، القطعية، الوحدة.... التحية لك و انت تجمعين الشمل النوبي.
|
Post: #15
Title: Re: بورداب حلفا في الداخل والخارج ....هااااااااااااااااااااااام
Author: حيدر حسن ميرغني
Date: 10-04-2007, 03:45 PM
Parent: #14
ميادة
لما كنا طلبة بمصر كان عندنا رابطة اسمها ترهاقا
ناسها (حلفا سكوت محس)
ننفع ندخل بالبطاقة القديمة
|
Post: #27
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 08:39 AM
Parent: #15
يا حبوب
كل ذكرياتك تعتبر جواز مرورك الى الداخل والذات النوبي
مرحب بيك وتشرف
وشعورك الطيب كفاية وبيرفع من روحنا المعنوية
شكرا على المرور
|
Post: #25
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 08:30 AM
Parent: #14
كوريقون اجا نلي
وقبله طبعا مسيدن سكرفي
| Quote: التحية لك و انت تجمعين الشمل النوبي. |
انتم زادي ونور الطريق في لم الشمل
واتمني ان نلتقي قريبا للتفاكر حول الهم النوبي
شكرا على المرور
|
Post: #16
Title: Re: بورداب حلفا في الداخل والخارج ....هااااااااااااااااااااااام
Author: فايزه محمد داؤد
Date: 10-04-2007, 04:26 PM
Parent: #1
مسكاجرو ..سيكير فيجيرو؟
مياده مرحب بيكي يا بت اشكيت
انا فايزه محمد داؤد
من ارقين قرية 5 مقيمه بامريكا وطالبة بكلية طب الاسنان
|
Post: #26
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 08:33 AM
Parent: #16
مرحب بيكي يا استاذة فايزة
اهلا بيكي وربنا يوفقك
اتمني انو نتعرف اكثر على بعض
سلااااااااااام وشكرا على المرور
|
Post: #17
Title: Re: بورداب حلفا في الداخل والخارج ....هااااااااااااااااااااااام
Author: bushra suleiman
Date: 10-04-2007, 04:29 PM
Parent: #1
بشرى سليمان ..
حلفا الجديدة القرية 15 عمكة(ابكه)
حالياً القرية ليدز شمال انجلترا 
|
Post: #18
Title: Re: بورداب حلفا في الداخل والخارج ....هااااااااااااااااااااااام
Author: abubakr
Date: 10-04-2007, 05:21 PM
Parent: #1
دة تعداد؟
|
Post: #19
Title: Re: بورداب حلفا في الداخل والخارج ....هااااااااااااااااااااااام
Author: اميرة الحبر ادريس
Date: 10-04-2007, 06:22 PM
Parent: #18
يا ميادة ..محس من العيلفون شرق النيل
يعني ما برطنوا ذي اهلك الفوق ديل..
داخلين في برنامجك التعريفي ده ..ولا لا
لما تردي برجع ليك تاني
اميرة
|
Post: #20
Title: Re: بورداب حلفا في الداخل والخارج ....هااااااااااااااااااااااام
Author: abubakr
Date: 10-04-2007, 06:36 PM
Parent: #1
| Quote: يا ميادة ..محس من العيلفون شرق النيل |
يابتي طالما "محس" خلاص ترطني والا ما ترطني ياكي نوبية ..
|
Post: #21
Title: Re: بورداب حلفا في الداخل والخارج ....هااااااااااااااااااااااام
Author: ترهاقا
Date: 10-04-2007, 06:54 PM
Parent: #20
مرهبا هبابك
مرحب بأبناء وبنات حلفا ، أنا من عبرى ولكن قضيت جزء كبير من طفولتى فى ديم عثمان
طبعا الجيل الجديد بيكون نسى الاحياء دى
وآآآفيلقوا
|
Post: #22
Title: Re: بورداب حلفا في الداخل والخارج ....هااااااااااااااااااااااام
Author: رأفت ميلاد
Date: 10-04-2007, 07:57 PM
Parent: #21
رأفت ميلاد
حلفاوى بالميلاد
صرتى تحت الموية .. كان دايرين تنكرونى جيبوها لى
كفالة دائمة: فيصل محمد خليل .. أبو بكر سيد أحمد .. بكرى الصايغ
أها قولكم شنو
|
Post: #39
Title: Re: بورداب حلفا في الداخل والخارج ....هااااااااااااااااااااااام
Author: abubakr
Date: 10-06-2007, 02:48 PM
Parent: #22
| Quote: كفالة دائمة: فيصل محمد خليل .. أبو بكر سيد أحمد .. بكرى الصايغ |
اكييد ومن قبل القرن الخمستاشر
|
Post: #23
Title: Re: بورداب حلفا في الداخل والخارج ....هااااااااااااااااااااااام
Author: hatim ibrahim
Date: 10-04-2007, 08:56 PM
Parent: #1
..
ازيك يا ميادة ..
انا من جزيرة صاي - تبج ..
ولكن طفولتي .. وصباي .. وحتى الشهادة السودانية
شهدتها مدينة حلفا الجديدة ..
والقرية 13 بالذات لها مكانة خاصة
حواشات قريتكم كانت هي المورد المالي الـ ( وحيد )
لفريق حلتنا بتاع الكورة ( مربع 6 )
كل اللاعبين كنا بنمشي نشتغل في حواشات القطن
والعائد المالي يذهب لخزينة النادي
وتكاتفنا ده خلانا زي ( ريال مدريد )
لانو كنا من ( أغنى ) فرق الاحياء  ..
الكلام ده طبعا زماااااااااااااااااااااااااان ..
تحياتي من خلالك لحلفا الرائعة ..
ــــــ
قريبي ترهاقا
علك بخير ..
| Quote: أنا من عبرى ولكن قضيت جزء كبير من طفولتى فى ديم عثمان |
دي معلومة جديدة بالنسبة لي .. تكون ديسكات الذاكرة اتلحست خلاص ..
.
تصويب خطأ إملائي
|
Post: #28
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 10-06-2007, 11:21 AM
Parent: #23
|
Post: #29
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 11:27 AM
Parent: #28
عمي ولياب
رمضان كريم
دي شكلها كتابة نوبية
انا شخصيا ما عرفتها لكين خمنت
فهمونا الحاصل شنو
نحن لسع في اللفة وضايعين من الثقافة النوبية الاصيلة
مع اني بحاول اتعلم
شكرا على المرور
منتظره ردك
|
Post: #31
Title: Re:مع التحية.. تعديل خطأ إملائي بسيط
Author: welyab
Date: 10-06-2007, 11:33 AM
Parent: #28
|
Post: #30
Title: Re: بورداب حلفا في الداخل والخارج ....هااااااااااااااااااااااام
Author: bushra suleiman
Date: 10-06-2007, 11:30 AM
Parent: #1
| Quote: |
محمد سليمان ياقريبى ..
مسكاقنا ويافينا..
سِكِرفيجرو مِنقاآويدآقجرو!!
|
Post: #32
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 11:34 AM
Parent: #30
السيد سليمان
رمضان كريم
مرحب بيك
دي ترجمتها ولا شنو
يا عم رافت ميلاد منتظراك تجي تحصلني
|
Post: #33
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 10-06-2007, 12:48 PM
Parent: #32
التحية للجميع
الجزئية التانية(الملحق) عبارة عن تصحيح لخطأ إملائي .. ..
اما الترجمة بعد كام يوم عشان الناس تحاول ... - تقدروا تراجعو كتاب دكتور كباره ( نوبيقا سكر فايوا) النوبية كيف نكتبها .. اللغة النوبية كيف نكتبها و ياريت دكتور محمد جلال هاشم يشرف البوست ..
* بشرى سليمان !! اخبارك واخبار كل الـ عندك.. بعض اخباركم بتصلني من خلال مرام الظاهر في تواصل بينها مع الاء عبر الماسنجر ..فيهم الخير ان شاء الله .
* دكتور بكري الصايغ .. لك المودة وكل سنة وانت طيب
* صلاح ( واسبه ) ياكندي اخبارك واخبار العيال وين تلفوناتك..
* لي عودة والى تلك.. كل المودة والتحايا العطرة والتهاني بالعيد للجميع ..
|
Post: #36
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-06-2007, 01:57 PM
Parent: #33
يا سلاااااااااااااااااااااام شكرا على الرابط الاكثر من رائع
حقيقي انا يادوب ارتحت
لكم التحية و عافيه لوقوا
|
Post: #34
Title: Re: بورداب حلفا في الداخل والخارج ....هااااااااااااااااااااااام
Author: حمزاوي
Date: 10-06-2007, 01:02 PM
Parent: #1
هووووووووووي يا النوبه طيبك عبق
صادنقا وصواردة اشكين ودغيم وصرص
عبري وتبج كرمة وسمت دلقو وبدين
عشكان وجمي دبروسة وفركة وكوكا
توشكي وجرف حسين وقرتا وحلفا
مليني اركي اوناني
قرا جوا ارقا
عافيلقو سلاملقو
|
Post: #35
Title: Re: بورداب حلفا في الداخل والخارج ....هااااااااااااااااااااااام
Author: zolo
Date: 10-06-2007, 01:19 PM
Parent: #34
hey Mayada...
ana ma7asy(from Badeeen)bs chicksoyty halfawya.....would you accept me
|
Post: #69
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-17-2007, 12:15 PM
Parent: #35
اهلا بيك
وبي جكسويتك الحلفاوية
بس ممكن تعرفني بيها
يمكن نطلع معارف
|
Post: #37
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: Ahmed Daoud
Date: 10-06-2007, 02:09 PM
Parent: #1
احمد محمد داود
NZ سابقا
وبورداب الخرطوم حاليا
حلفا دغيم ولا لبنان
|
Post: #38
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: mayada kamal
Date: 10-06-2007, 02:14 PM
Parent: #37
اهلا بيك يااخ احمد داؤد
تشرفنا بكل ابناء حلفا اينما وجدوا
| Quote: حلفا دغيم ولا لبنان |
|
Post: #40
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: welyab
Date: 10-06-2007, 06:38 PM
Parent: #38
سلام وتحية ..
اخونا ولياب (ابو العباس ) اجتهد في المحاولة وقرأ رغم ان المحاولة كانت الاولى ..
يعني الحكاية سهلة .. والصغار عندي في البيت محاولاتهم كلها كانت ناجحة رغم( اميتهم بالنوبية )
حاولو واعتبروها مسابقة رمضان .. وسوف نعلن عن الجوائز ..
عشرة متسابقين كل واحد منهم سيصله نسخة (سي دي ) من برنامج تعلموا النوبية ... عبر البريد الالكتروني ..
فقط عليكم المحاولة ..مع تزويدنا بالعنوان ...
مع خالص المودة ..
|
Post: #41
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: ولياب
Date: 10-07-2007, 08:17 AM
Parent: #40
أخي welyab
أشكرك على المساعدة وبالله كلما وجدت فرصة أدينا حصة
وبعد داك ممكن تعمل لينا إختبارات
|
Post: #42
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: welyab
Date: 10-08-2007, 04:54 PM
Parent: #41
اهلا.. ياولياب
الظاهر الناس بدأت تذاكر بعد ما نزلنا الرابط (النوبية كيف نكتبها ) بتاع اختنا النوبية الهميمة .. سلوى صيام ..
على العموم الجوائز المعلنة في انتظار اصحاب المحاولات ..
|
Post: #43
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: mayada kamal
Date: 10-09-2007, 07:32 AM
Parent: #42
رحم الله السيد/ احمد جمال بصيلي فقد كان موسوعة في اللغة النوبية ولديه مكتبة عامة بها اهتمامت باللغة النوبية
لكن للاسف بعد انتقاله للرفيق الاعلى تم بعثرة المكتبة
انا كنت قد بدات معه في التعرف على الثقافة النوبية بحكم دراستى
لكن ربنا ما اراد ان يكمل المشوار
رحم الله احمد جمال بصيلي
|
Post: #44
Title: Re: بورداب حلفا في الداخل والخارج ....هااااااااااااااااااااااام (Re: حمزاوي)
Author: فيصل محمد خليل
Date: 10-09-2007, 08:23 AM
Parent: #43
|
Post: #45
Title: Re: بورداب حلفا في الداخل والخارج ....هااااااااااااااااااااااام
Author: NAZIM IBRAHIM ALI
Date: 10-09-2007, 11:48 PM
Parent: #1
الاخت ميادة مسكاقنا
بكتب باشتراك زوجي كلما الاقي فرصة بدخل لكن متابعة بانتظام
سناء مرسي
القرية 18عنقش
مقيمة بامريكا -منيسوتا
دراسات عليا في الصحافة- المغرب
|
Post: #46
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-10-2007, 08:32 AM
Parent: #45
العزيزة سناء
كل عام وانتي والاسرة بالف خير
مرحب بيكي واتشرف بمعرفتك كثيرا
انا من 13 إشكيت
|
Post: #47
Title: Re: بورداب حلفا في الداخل والخارج ....هااااااااااااااااااااااام
Author: صبري
Date: 10-10-2007, 12:52 PM
Parent: #46
محسي من دلقو اكون بنجل
نفيلي
|
Post: #48
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-10-2007, 12:56 PM
Parent: #47
صبري كيفك
رمضااااااان كريم
اكون بجي نا
آِشري خالصا
مرحب بيك طوالي
وشكرا على المرور
|
Post: #49
Title: Re: بورداب حلفا في الداخل والخارج ....هااااااااااااااااااااااام
Author: osama dahab
Date: 10-14-2007, 00:50 AM
Parent: #1
هير سلات اليك يا مهمد اشق النبى سلى اليه
سلاتو
انتو كلكم نوبيين
كنتو وين وين انتو كنتو
اسامه دهب
ارقين قريه حداشر
الكلاكله الوحده و بورسودان
كل ثانيه وانتم بخير
|
Post: #51
Title: Re: بورداب حلفا في الداخل والخارج ....هااااااااااااااااااااااام
Author: وائل طه محى الدين
Date: 10-14-2007, 04:35 PM
Parent: #1
أشري هالس البوست ده....
أبوي من (13) الصحابة ، ولد ناس شرقاوي وسكوري وصحابي...
امي من أرقين (8) ناس فاطمة كنون ، سعيد عبد الباقي ، ثريا كنون
نحنا مستوطنين في الديم بيوت الحجر جنب السوق الشعبي...
القصة مُش عنصرية ، بس شوية كدة والواحد لازم يتونس مع الحقينه ، وله ما كده ؟؟؟
تحياتي لجميع المداخلين...
|
Post: #53
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 10-15-2007, 03:23 AM
Parent: #51
Quote:
أبوي من (13) الصحابة ، ولد ناس شرقاوي وسكوري وصحابي...
امي من أرقين (8) ناس فاطمة كنون ، سعيد عبد الباقي ، ثريا كنون
نحنا مستوطنين في الديم بيوت الحجر جنب السوق الشعبي... |
والله انا زي الى عرفت الناس دول..
بس زيادة زيادة تأكيد ..الوالد أوالوالدة سبق لهم العمل في السعودية .. و في حفر الباطن على ما اعتقد ؟
ارجو الافاده ..
|
Post: #61
Title: Re: بورداب حلفا في الداخل والخارج ....هااااااااااااااااااااااام
Author: وائل طه محى الدين
Date: 10-16-2007, 05:05 PM
Parent: #53
العم welyab
Quote: بس زيادة زيادة تأكيد ..الوالد أوالوالدة سبق لهم العمل في السعودية .. و في حفر الباطن على ما اعتقد ؟
ارجو الافاده .. |
نعم ، في منتصف الثمانينيات ، وكمان خيلاني منعم شرقاوي ومتوكل (تيسير) بالاضافة الى أعمامي (فيصل شرقاوي وأحمد وكمال ةفتحي ) كانوا هناك ....
أوع نطلع قرايب كمان زي ميادة ...
|
Post: #54
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-16-2007, 11:05 AM
Parent: #51
أهلا يا وائل كيفك
كل عام وانت بخير
انا كمان من 13 ونحن اول شارع من الصحابة
انابت استاذ كمال سليمان
ووالدتي خديجة محمد داؤد
اكيد الوالدة حتعرفها
ونحن ساكنين في الكلاكلة شرق ابو آدم
|
Post: #60
Title: Re: بورداب حلفا في الداخل والخارج ....هااااااااااااااااااااااام
Author: وائل طه محى الدين
Date: 10-16-2007, 05:00 PM
Parent: #54
سألتهم وطلعنا قرايب !!!!
هذا شئ مُفيد...
تحياتي...
|
Post: #52
Title: Re: بورداب حلفا في الداخل والخارج ....هااااااااااااااااااااااام
Author: osama dahab
Date: 10-14-2007, 06:20 PM
Parent: #1
..
|
Post: #55
Title: Re: بورداب حلفا في الداخل والخارج ....هااااااااااااااااااااااام
Author: mohamed salih
Date: 10-16-2007, 11:32 AM
Parent: #1
اهلي واحبابي ..مسكاقرو
كوريقون ايا نلي !!!
كم انا فخور بنوبيتي وبكم!
سعدت جدا بمعرفتكم فالعز اهل كما يقولون!
محمد صالح محمداحمد
جوهانسبيرج
|
Post: #56
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-16-2007, 01:11 PM
Parent: #55
الاستاذ محمد صالح
وانا سعيدة كثيرا باني اتعرف كل يوم من خلال هذاالبوست على كل نوبي ومن كل اسقاع الدنيا منتشرين في بلاد الغربة او الموجودين هنا معنا على ارض الوطن
بس يا ريت لو تعرفنا على حضرتك من وين
يعني تعارف اكتر واكتر
ميادة كمال الدين سليمان
حلفا الجديدة القرية 13 اشكيت
وساكنين الكلاكلة شرق (ابو آدم)
|
Post: #57
Title: Re: بورداب حلفا في الداخل والخارج ....هااااااااااااااااااااااام
Author: Tragie Mustafa
Date: 10-16-2007, 02:11 PM
Parent: #56
مياده كيفك؟؟؟
والعيد مبارك عليك وعلى جموع اهلنا الرطانه زي ما بتحبوا تقولوا.
جدي ابو طالب كان مفتش زراعي بحلفا القديمه واعتقد منطقة دبيره
وعمل بها الي ان توفي , نشأ ابي وترعرع مع الحلفاوين
ويحمل لهم معزة خاصه. عملت فترة في حلفا الجديده تبع مشروع يتبع
لوسط البطانه,واثناء احد ادلورات التدريبيه التقيت بقابلات قانونيات
اعتقد اسمائهن(ست حسونه وست شريفه) وما ان ذكرت اسم ابي حتى آتينني
بعدد من( عجائز دبيره) كلهم يعرفون اهل ابي بحلفا.
علاقتي الثانيه بالحلفاوين....زوجي الاردني حمدان العوامله....وجدته مختلط
باهل الكلاكله لدرجة كان يمازحني اهلي باني نسابت الحلفاوين..فقد وجدته صار يرطن
ويسافر معهم لافراحهم واحزانهم لحلفا الجديده,وما ان يتعرف على حلفاوي جديد حتى يسأله
مثلك كده من وين انت؟؟فان قال له من حلفا الجديده يكمل السؤال قريه كم؟؟؟
فان قال له 13 مثلا يكمل تعرف ناس الحاج فلان و الحاجه علانه...و...و...الخ وكأنه
عاش بينهم مائة سنه.احبهم واحبوه ولو تعرفي ناس الحاج سمسم الذي كان يعمل بمصنع
حجار رحمة الله عليه هذه منطقة اصدقائه وناس الحاجه حليمه...خالة فتحي زوج(هبه)
علمت مؤخرا ان فتحي توفي بفشل كلوي فحزنت عليه جدا,فتحي كان مثل الاخ لحمدان
ولازال حمدان محطه لمعظم حلفاوي الاردن.
حلافاوينا في بورتسودان مختلطين معنا,واذكر صديقتي نهى صالح (لاترطن) تضحك على
امها عندما تذهب لاحياء معينه كلها من اهلها ترجع آخر اليوم لسانها رابط تشبكمهم
لك رطانه فيردوا عليها ياماما انت مالك خلاص.....مخك بقى ارساله كله على البلد!
اذكر من النكت على عمي صالح محجوب والد نهى الكان مدير بنك السودان..فترة طويله
بعدين طبعا البنك خلاص كله بقى رطانه(الوقت داك يا ترهاقا ما كنى عارفين سياسه كثير
والا كان شبكناكم بانه فساد في التعينات)....بعد فترة طلع عم صالح المعاش,فيقال بان
احد المراسلات الرطانه سأل يا جماعه المدير من وين؟؟؟ قالوا له جعلي او شايقي لااذكر بالضبط.
فرد عليهم متحسرا يعني مش حنرطن ثاني هنا؟؟لاحول ولاقوة الا بالله؟؟
اتذكرت ثاني اسم برضو عارفه يا مياده اخت فتحي خليل المحامي الكوز برضوا هي وزوجها
كانوا من اصدقاء حمدان لكني لم اعد اذكر الاسماء.
ده كله كوم
وشغلك في صحيفة حسين خوجلي كوم!!
اه انت احكي لينا علاقة بالكيزان شنو؟؟؟
الحلفاوين البنعرفهم كلهم ما كيزان
وموقفك من قصف المدنين في كجبار شنو؟؟؟؟
وموقفك من اعتقال شرفاء كجبار شنو؟؟؟
ويا ترهاقا ومايا ومياده الشبكتونا قبال فترة
ان فلان جنوبي ضرب مرة وفلان غرباوي ضرب فلانه
كان اجدر لكم ان تذكروا فلان الجنوبي و الغرباوي
الذي ظل يتظاهر لاجل شهدائكم ايام طوال
وكان اجدر من عقلائكم وسياسيكم يعلموكم كيف
يجب ان تتعاملوا مع مثل هذه الاحداث.
بعدين خلينا يا ترهاقا من خليل ابراهيم وغيره الماسكها فرماله
لاهل دارفور.....تعال ورينا كيزانكم منو؟؟؟
وياريت بالمره..تسأل لينا مياده كمال عن مدى تضامنها مع اعتقال
د.محمد جلال هاشم ورفاقه وناس محمد فقير الدمهم سأل في كجبار.
|
Post: #58
Title: Re: بورداب حلفا في الداخل والخارج ....هااااااااااااااااااااااام
Author: فيصل محمد خليل
Date: 10-16-2007, 02:46 PM
Parent: #57
هوي يا تراجي خلاص لفحتي توبك وقبلتي على الحلفاوين
اعملي حسابك لو زهجتينا بنديكي من العلبة
وخليكي حنينة ما تخوفي لينا بنات الزغيرات
وتحياتي لاسرتك الكريمة
فيسل هليل
|
Post: #59
Title: Re: بورداب حلفا في الداخل والخارج ....هااااااااااااااااااااااام
Author: ateif abdoon
Date: 10-16-2007, 04:41 PM
Parent: #58
فيسل هكرفي؟
ان برو انو اوق حسبجاقمي؟؟
علي فكره في عدد من رواد البال توك طالبوا بي اننا نعلمهم النوبيه
واحتمال ابدي معاهم تلقين عبر ترجمة نصوص الاغاني
|
Post: #67
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-17-2007, 11:32 AM
Parent: #58
عمي فيصل سلام عليكم
كل عام وانت بخير
| Quote: وخليكي حنينة ما تخوفي لينا بنات الزغيرات |
انا ما بخاف الا من اللي خالقني
وانا مقتنعة بكل كلمة بكتبها لانو بتعامل بي مبدأ
يعني لا تراجي ولا امثالها بيخوفوني
|
Post: #62
Title: Re: بورداب حلفا في الداخل والخارج ....هااااااااااااااااااااااام
Author: وائل طه محى الدين
Date: 10-16-2007, 05:11 PM
Parent: #57
الأستاذة تراجي تحياتي ...
Quote: ده كله كوم
وشغلك في صحيفة حسين خوجلي كوم!!
اه انت احكي لينا علاقة بالكيزان شنو؟؟؟ |
متأكده من الكلام ده ؟
يعني كوزة ؟؟؟
فلنقرأ الرد لنعود ونُثبِّت المواقف .........
|
Post: #63
Title: Re: بورداب حلفا في الداخل والخارج ....هااااااااااااااااااااااام
Author: ترهاقا
Date: 10-16-2007, 06:00 PM
Parent: #62
الاخت تراجى صباحك خير
Quote: بعدين خلينا يا ترهاقا من خليل ابراهيم وغيره الماسكها فرماله
لاهل دارفور.....تعال ورينا كيزانكم منو؟؟؟
وياريت بالمره..تسأل لينا مياده كمال عن مدى تضامنها مع اعتقال
د.محمد جلال هاشم ورفاقه وناس محمد فقير الدمهم سأل في كجبار. |
اسئلة ننتظر الاجابة عليها من ميادة.
|
Post: #70
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-17-2007, 12:35 PM
Parent: #62
الاخ وائل .......... تحياتي
كل سنة وانت طيب
Quote: متأكده من الكلام ده ؟
يعني كوزة ؟؟؟
فلنقرأ الرد لنعود ونُثبِّت المواقف ......... |
انا لست في موضع اتهام او دفاع عن النفس عشان حضرتك تقول فلنقرأ الرد ونثبت المواقف
ولا تاخذني بجريرة الست تراجي
منتظرة ردك
|
Post: #64
Title: Re: بورداب حلفا في الداخل والخارج ....هااااااااااااااااااااااام
Author: maia
Date: 10-16-2007, 07:41 PM
Parent: #57
Quote:
ويا ترهاقا ومايا ومياده الشبكتونا قبال فترة
ان فلان جنوبي ضرب مرة وفلان غرباوي ضرب فلانه
كان اجدر لكم ان تذكروا فلان الجنوبي و الغرباوي
الذي ظل يتظاهر لاجل شهدائكم ايام طوال
وكان اجدر من عقلائكم وسياسيكم يعلموكم كيف
يجب ان تتعاملوا مع مثل هذه الاحداث.
|
الاخت العزيزة تراجي
تحياتي
بالله شبكناكم ؟؟؟ يعني الواحد لما يقول حقيقة حصلت بتعكس واقع الحال بتبقا شبكة؟؟؟
يا تراجي لا اعتقد انه في زول بينكر حق احد، كلو بدربه وطريقه، الشيء الكويس بيتقال مثلما التصرف السيء يدان ايضا ، فما قام به الجنوبي او الغرباوي الذي تظاهر لاجل شهداء كجبار ليس هو بجميل لانه اي انسان سوداني شريف بيرفض الظلم بيقيف ضد الظلم اينما وجد والمفروض احنا ابناء شعب واحد اذا اشتكى جزء سوداني تداعى له سائر الشعب بالتأزر والمساندة
قلتي شهدائنا!! ، شهدائنا في كجبار ديل ، مش ياهم شهداء اي بيت سوداني ؟ يعني القصة ما تقسيم شهدائكم وشهدائنا
الليلة بنقيف مع كجبار ، وبنقيف في نفس الوقت مع اي اعتداء في اي ركن في السودان
يعني لا نحتاج اعتقد انه نتعلم كيف نتعامل مع احداث مثل هذه
السودان قصته اكبر من جنوبي ولا غرباوي ولا حلفاوي ولا فلاتي
تخريمة واجبة للاخت ميادة:
عذرا لتغيير مسار البوست
وتحية لكل من نطق اللغة النوبية ، بالعربي الدارجي الرطانة
وافيلوقو
|
Post: #68
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-17-2007, 11:36 AM
Parent: #64
عزيزتي مايا
كل سنة وانتي طيبة
مرحب بيكي
وشكرا على المرور
|
Post: #65
Title: Re: بورداب حلفا في الداخل والخارج ....هااااااااااااااااااااااام
Author: NAZIM IBRAHIM ALI
Date: 10-16-2007, 08:44 PM
Parent: #57
العزيزة تراجى
كل عام وانتم بخير
ذكرتينى عم صالح وايامهم فى بنك السودان وجيتنا بهناك من النادى العالمى الغريبة يا تراجى كنتى صديقتنا وكلنا حلفاويات انا ونهى واميمة
ورايك شنو ناظم ذاتو اديناهو الجنسية الحلفاوية بالتجنس
وزوجك كمان مادام بيعرف اهلنا الحلفاويين للدرجة دى
رحم الله العم محمد احمد سمسم فقد كان من اعز اصدقاء الوالد فقد كان رجلا نادرا ي طبعه واخلاقه
تحياتي لاولادك
Sana
|
Post: #66
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-17-2007, 11:24 AM
Parent: #57
كل سنة وانتي طيبة يا استاذة تراجي
Quote: مياده كيفك؟؟؟
والعيد مبارك عليك وعلى جموع اهلنا الرطانه زي ما بتحبوا تقولوا.
جدي ابو طالب كان مفتش زراعي بحلفا القديمه واعتقد منطقة دبيره
وعمل بها الي ان توفي , نشأ ابي وترعرع مع الحلفاوين
ويحمل لهم معزة خاصه. عملت فترة في حلفا الجديده تبع مشروع يتبع
لوسط البطانه,واثناء احد ادلورات التدريبيه التقيت بقابلات قانونيات
اعتقد اسمائهن(ست حسونه وست شريفه) وما ان ذكرت اسم ابي حتى آتينني
بعدد من( عجائز دبيره) كلهم يعرفون اهل ابي بحلفا.
علاقتي الثانيه بالحلفاوين....زوجي الاردني حمدان العوامله....وجدته مختلط
باهل الكلاكله لدرجة كان يمازحني اهلي باني نسابت الحلفاوين..فقد وجدته صار يرطن
ويسافر معهم لافراحهم واحزانهم لحلفا الجديده,وما ان يتعرف على حلفاوي جديد حتى يسأله
مثلك كده من وين انت؟؟فان قال له من حلفا الجديده يكمل السؤال قريه كم؟؟؟
فان قال له 13 مثلا يكمل تعرف ناس الحاج فلان و الحاجه علانه...و...و...الخ وكأنه
عاش بينهم مائة سنه.احبهم واحبوه ولو تعرفي ناس الحاج سمسم الذي كان يعمل بمصنع
حجار رحمة الله عليه هذه منطقة اصدقائه وناس الحاجه حليمه...خالة فتحي زوج(هبه)
علمت مؤخرا ان فتحي توفي بفشل كلوي فحزنت عليه جدا,فتحي كان مثل الاخ لحمدان
ولازال حمدان محطه لمعظم حلفاوي الاردن.
حلافاوينا في بورتسودان مختلطين معنا,واذكر صديقتي نهى صالح (لاترطن) تضحك على
امها عندما تذهب لاحياء معينه كلها من اهلها ترجع آخر اليوم لسانها رابط تشبكمهم
لك رطانه فيردوا عليها ياماما انت مالك خلاص.....مخك بقى ارساله كله على البلد!
اذكر من النكت على عمي صالح محجوب والد نهى الكان مدير بنك السودان..فترة طويله
بعدين طبعا البنك خلاص كله بقى رطانه(الوقت داك يا ترهاقا ما كنى عارفين سياسه كثير
والا كان شبكناكم بانه فساد في التعينات)....بعد فترة طلع عم صالح المعاش,فيقال بان
احد المراسلات الرطانه سأل يا جماعه المدير من وين؟؟؟ قالوا له جعلي او شايقي لااذكر بالضبط.
فرد عليهم متحسرا يعني مش حنرطن ثاني هنا؟؟لاحول ولاقوة الا بالله؟؟
اتذكرت ثاني اسم برضو عارفه يا مياده اخت فتحي خليل المحامي الكوز برضوا هي وزوجها
كانوا من اصدقاء حمدان لكني لم اعد اذكر الاسماء. |
دا كله كلام كويس ما عندي تعليق عليه بل بالعكس احيي شعور زوجك الجميل والراقي واتنمنى ان يدوم احساسه هذا تجاه الحفاويين
اما الكوم التاني واللي بتسالي عن
Quote: ده كله كوم
وشغلك في صحيفة حسين خوجلي كوم!!
اه انت احكي لينا علاقة بالكيزان شنو؟؟؟ |
دا ما مربط الفرس ولا كوني كوزة ام لا دا ما موضوع مهم بالعكس انا شايفاه موضوع جانبي والمفروض في العلاقات الانسانية لا تتعاملي مع الناس بانتماءهم السياسي او الديني
وبعدين انا لو تتذكري او بوست لي كان عن الجاهلية الجديدة في السودان ياريت ترجعي وتقريه مرة ثانية.
وبعدين انت ليه مسكتي في جريدة الوان وحسين خوجلي فقط مع اني ذكرت سابقا ني اعمل ايضا صحيفة السواني الى جانب صحيفة الوان ... ودا يعني انك انتقائية بتختاري اللي دايراه وتخلي الباقي ... وهل السوداني تتبع للكيزام ايضا
وياريت توريني سبب اصرارك اني كوزة؟؟؟
ما الذي جعلك تخرجي بهذا الانطباع
مع اني سبق وان قلت لكي ما عندي اي علاقة بيهم الا اذا انتي شايفه حجابي هذا هو دليل كوزنتي .
ونصيحة من بنتك او اختك راجعي مواقفك فامثالك هم اللي ضيعوا السودان فلماذا لا تنتهجي النقد البناء في مواقفك وآمل ان تستفيدي من الخواجات اللي انتي قاعدة معاهم
فمناقشة قضايا السودان ومشكلاته لا تتم بالصورة والنهج الذي تبنيته انتي وامثالك في هذ المنبر او غيره او في اي مكان آخر.
وبعدين في حاجة ثانية انت شكلك فاضية وعايزة تتلذذي بحكايات وخلاص ... والا ما معني كلامك | Quote: اه انت احكي لينا علاقة بالكيزان شنو؟؟؟ |
وبعدين اذا انتي شايفك الكيزان ماكويسين فانتي اقترفتي نفس خطاهم بل وتماديتي فيه
لانو المفروض الخطأ لا يعالج بي خطاء
المفروض نحن كمواطنين نعالج قضايانا بالنقاش والنقد البناء مش بالهجوم والنقد غير المبرر والتمسك بسفاسف الامور.
Quote: وموقفك من قصف المدنين في كجبار شنو؟؟؟؟
وموقفك من اعتقال شرفاء كجبار شنو؟؟؟ |
دي قضايا منطقتي واعتقد ما حتكوني مهتمة بيها اكثر مني ولا قلبك عليهم اكثر مني
واكيد بتضامن مع كل وطني غيور همه الاول والاخير المنطقة ومصلحة المنطقة مش اي شئ تاني
|
Post: #71
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-18-2007, 07:46 AM
Parent: #66
مازلت منتظرة رد تراجي
|
Post: #72
Title: Re: بورداب حلفا في الداخل والخارج ....هااااااااااااااااااااااام
Author: Tragie Mustafa
Date: 10-18-2007, 05:37 PM
Parent: #71
الحبيبه سناء مرسي
كيفك يا غاليه انت وناظم
تحياتي لك
والله يا سناء خفت اكثر لهم الرص و القص يقولا بتتلصق بعدين.
كلن فعلا من بدأ علاقي بالحلافاوين هم ناس نهى صالح وانت واميمه عبد المجيد وايناس
ومن وقتها بقينا نعرف الفرق ونحفظ كمان ده سكوتي وده محسي وده حلفاوي وده بصيلي
وناس تبج منو وناس عبري منو؟؟؟؟
Quote: العزيزة تراجى
كل عام وانتم بخير
ذكرتينى عم صالح وايامهم فى بنك السودان وجيتنا بهناك من النادى العالمى الغريبة يا تراجى كنتى صديقتنا وكلنا حلفاويات انا ونهى واميمة
ورايك شنو ناظم ذاتو اديناهو الجنسية الحلفاوية بالتجنس
وزوجك كمان مادام بيعرف اهلنا الحلفاويين للدرجة دى
رحم الله العم محمد احمد سمسم فقد كان من اعز اصدقاء الوالد فقد كان رجلا نادرا ي طبعه واخلاقه
تحياتي لاولادك
Sana |
ضحكتيني يا سناء في ناظم الاديتيوه الجنسيه لانك انت نفسك حلفاويه مضروبه
لاننا ماسمعناك بترطني يوم لا انت ولا نهى ولا اميمه.
والغريبه يا سناء بكل صحبتي لكم ما ضقت التركين لليوم بتخيلي؟؟!!
لانه نهى ما كانت من عشاق التركين ...فتحت لي,اظنه الفاتح بدر علما تعلمه حسه.
قبل كم يوم كتب محمد الجزولي بوست
وتداخلت معه لانه وجدت اسم سناء مرسي وهي سناء آخرى قريبة ناس ايناس باستراليا
وتعرفت عليها في مصر!!يعني لحفاوين استراليا نحن ناقشنهم تقولي لي ننكرهم؟؟
تحياتي لناظم وكل عام وانتم بخير.
|
Post: #73
Title: Re: بورداب حلفا في الداخل والخارج ....هااااااااااااااااااااااام
Author: Tragie Mustafa
Date: 10-18-2007, 05:40 PM
Parent: #72
يا فيصل هليل
كيفنك قلت لي خايف على بتكم الزغيرونه
Quote:
هوي يا تراجي خلاص لفحتي توبك وقبلتي على الحلفاوين
اعملي حسابك لو زهجتينا بنديكي من العلبة
وخليكي حنينة ما تخوفي لينا بنات الزغيرات
وتحياتي لاسرتك الكريمة
فيسل هليل |
يا اخوي بتكم هينه ولا لينه
قالت لك شغاله في السوداني و الوان معا
دي توديني انا وانت للبحر وتجرعنا عطاشى!!
|
Post: #74
Title: Re: بورداب حلفا في الداخل والخارج ....هااااااااااااااااااااااام
Author: Tragie Mustafa
Date: 10-18-2007, 05:47 PM
Parent: #73
مياده
Quote:
دي قضايا منطقتي واعتقد ما حتكوني مهتمة بيها اكثر مني ولا قلبك عليهم اكثر منيواكيد بتضامن مع كل وطني غيور همه الاول والاخير المنطقة ومصلحة المنطقة مش اي شئ تاني |
يازوله!!
عايز شهادة منو؟؟؟؟؟
عبد الوهاب المحسي؟؟
ولا د.محمد جلال هاشم؟؟؟؟
يازولة العبي على قدرك
نحن ملتزمين بكل قضايا السودان و الحمد لله.
|
Post: #75
Title: Re: بورداب حلفا في الداخل والخارج ....هااااااااااااااااااااااام
Author: ترهاقا
Date: 10-18-2007, 05:57 PM
Parent: #74
Quote: كلن فعلا من بدأ علاقي بالحلافاوين هم ناس نهى صالح وانت واميمه عبد المجيد وايناس
ومن وقتها بقينا نعرف الفرق ونحفظ كمان ده سكوتي وده محسي وده حلفاوي وده بصيلي
وناس تبج منو وناس عبري منو؟؟؟؟
|
اها يا تراجى ، طلعتى تبجاوية من عندينا
|
Post: #93
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-20-2007, 08:38 AM
Parent: #74
Quote: قضية كجبار لو حتلتزمي بيها على شاكلة التزامك بقضية دارفور
عليكي اللللللللللللللله يا تراجي ما تلتزمي بيها
أقول ليكي حاجة ..اعتبرينا ما من السودان .. ما مشكلة
المهم اسقطينا من دائرة اهتماماتك ..
حاولي تشغلي نفسك بحبابيك الاسرائيليين ...
أو بأي حاجة تانية ...
|
up
|
Post: #77
Title: Re: بورداب حلفا في الداخل والخارج ....هااااااااااااااااااااااام
Author: hatim ibrahim
Date: 10-18-2007, 06:25 PM
Parent: #1
..
تراجيQuote: كلن فعلا من بدأ علاقي بالحلافاوين هم ناس نهى صالح وانت واميمه عبد المجيد وايناس
ومن وقتها بقينا نعرف الفرق ونحفظ كمان ده سكوتي وده محسي وده حلفاوي وده بصيلي
وناس تبج منو وناس عبري منو؟؟؟؟ |
لا حولالالالالالالا .. طلعتي بتعرفي أهلي كلهم
طيب يا تراجي ناس نها و أميمة و ايناس ديل ناس حلوين خالص و ( واعين ) شدييييييييد
بيعرفوا يعني شنو ( الوطن ) .. ويعني شنو ( الحكومة )
انتي مالك طلعتي ( مشاترة ) كده ...
| Quote: نحن ملتزمين بكل قضايا السودان و الحمد لله. |
قضية كجبار لو حتلتزمي بيها على شاكلة التزامك بقضية دارفور
عليكي اللللللللللللللله يا تراجي ما تلتزمي بيها
أقول ليكي حاجة ..اعتبرينا ما من السودان .. ما مشكلة
المهم اسقطينا من دائرة اهتماماتك ..
حاولي تشغلي نفسك بحبابيك الاسرائيليين ...
أو بأي حاجة تانية ...
..
...
|
Post: #78
Title: Re: بورداب حلفا في الداخل والخارج ....هااااااااااااااااااااااام
Author: wagdi salih
Date: 10-18-2007, 11:02 PM
Parent: #77
الاخت الاستاذة ميادة
الفكرة جميلة والله
انا وجدي صالح عبده ومن ارقين شمال القرية 5
شغال محامي وبعرف ناس بيتكم والغريبةما متذكر غنو استاذكمال عندو بنت اسمها ميادة
انتي كنت مدسية وين وبعرف امك العظيمة الست خديجة
والله يرحم احمد جمال بصيلي وهو مش كان فقدو في المكتبة وبس بل فقدنا بفقده روح الدعابة والنكته
والزول كان لمن يتضايق ويزهج مشية لاحمد جمال تزول كل الهموم والله يرحمو ويسكنه فسيح جناته
بعدين داير اقول ليك انتي قائزة محمد داؤد بتاعت امريكا دي هي نفسها زيزي محمد داؤد. اذا طلعت هي دي قريبتي وانا عمهاوبعدين لو لاحظتي الظهروا ليك حسي من ناس حلفا ما بساط بيبق لا بد من التواصل لي قدام كمان انتي ضللتينا في الاول بالكلاكلة دي انتي ساكنة ابو آدم وقبله في جبرة ايه رايك بقى عرفتيني . بعدين وائل طه خلطة ارقين واشكيت واللاماب ولا الحجر ..
بالمناسبة صحيح بورداب الداخل غالبيتهم من الخرطوم لانو لسع حلفا ما فيه شبكة نت الا القليل المكلف
وانا ساكن الخرطوم جبرة ومكتبي في شارع القصر
وختاما لك ولجميع بورداب حلفا اقول
كوري قون اجا نلا تني تني
|
Post: #92
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-20-2007, 07:32 AM
Parent: #78
الاخ المحامي وجدي صالح
كل سنة وانت طيب
انا بعرفك كويس
بس قد يكون انت ما شفتني
وانت اللي اترافعت في قضية اختي الباشمهندسة سهي ضد ناس شركة كوبتريد
وبفضل الله ومن ثم حضرتك هي كسبت القضية
انا بعرف جيهان وامها المرحومة كويس خالللللللص ديل اصحابنا من جيهان لسع بنت
مرحب بيك
وكل سنة وانتم طيبين
|
Post: #79
Title: Re: بورداب حلفا في الداخل والخارج ....هااااااااااااااااااااااام
Author: hatim ibrahim
Date: 10-19-2007, 00:17 AM
Parent: #1
..
الاسم ده مر على في محطة من المحطات المريت عليها ..
لكن وين ؟ الله يعلم ذاكرتي الخربة دي تسعفني ....
لكن اجمالا .. ما بتطلع من : كسلا ( غرب القاش الإعدادية ) - حلفا الجديدة ( التعاونيات أو حلفا الأكاديمية ) - الخرطوم ( الكلاكلة صنقعت ) - دمشق الفيحاء ..
إذا كنت مريت بواحدة من المحطات دي
هل بتتذكر شخص باسم ( حاتم أحمد إبراهيم ) كانت عندي عجلة ( فونيكس ) متحسر لغاية حسع اني بعتها
بس ما تكون ديسكات الذاكرة بتاعتك خربانة برضو ..
وعموما ..طالما حلفاوي ..لك كل الود ( شفت العنصرية دي كيف )
يا زول أنا بعرفك .. أنا متأكد
لا لا .. صراحة ما متأكد شديد ..
مرة في حلب ، مسكت العود بالليييييييييييل وبديت أعزف ..لقيت نفسي بدون ما أشعر بعزف لي في مقطوعة جميلة جدا ... اتكيفت شديد ، قلت أكيد يكون الإلهام جاني فجأة بالليل ده ..وشكلي كده بقيت ملحن خطير ..بشير عباس وكده ..، مشيت صحّيت من النوم ود صاحبي فنان من أولاد الأبيض وقلت ليهو لازم تسمع المقطوعة الألفتها بالليل ده عشان لو عجبتك أسجلها وأشوف ليها اسم كمان ...وبديت أعزف قدامو .. شوية كده ولقيت صاحبي داير يموت من الضحك ..قلت ليهو مالك يا زول سحلبت ولا شنو .. قال لي ياخي امش نوم .. دي أغنية معروووووفة لحسن عطية ...وفعلا لما بدأ يغنيها لي اتذكرتها ..
حسع خايف اسمك ده برضو يطلع اسم زول معروف ..
.
|
Post: #86
Title: Re: بورداب حلفا في الداخل والخارج ....هااااااااااااااااااااااام
Author: wagdi salih
Date: 10-19-2007, 09:48 PM
Parent: #79
الاخ العزيز حاتم احمد ابراهيم
البركة العرفيناليك طريقة اتصال
انا ذاتو وجدي صالح بتاع حلفا الابحاث وصاحب احمد صيام وقرينا سوى في حلفا الاكاديميةواخوك ابومدين
وقبلونا سوى في الفرع وانت هربت لسوريا ومنها الى المغرب المعلومات دي صحيحة ولا حسع تلبت ليك في بلد تانية وبعدين تنسانا سريع كدا
|
Post: #80
Title: Re: بورداب حلفا في الداخل والخارج ....هااااااااااااااااااااااام
Author: Hatim Salih
Date: 10-19-2007, 02:57 AM
Parent: #1
حلفاوين الخارج
حاتم صالح
مواليد وادي حلفا الأسكان ... يعني صرتي بقت تحت الموية السد .. مثل الوالد والوالدة
الوالد من دبيرة
الوالدة من دغيم
بقية الأعمام القرية 7 حلفا الجديدة
الرطانة بقى بنفهم ونتحدث نص .. نص
أمنيتي أن أجيد الحديث باللغة النوبية بس بالكلام مش بالحروف العجيبة ديك
سلامي وتحياتي لكل إهلي الحلفاويين ,,, من غيركم البلد أتخربت
|
Post: #81
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 10-19-2007, 05:14 AM
Parent: #80
وائل طه محي الدين .
| Quote: أوع نطلع قرايب كمان زي ميادة ... |
الاسناذ طه شرقاوي ...ايام نادي بوهين .. ومدرسة الام الثانوية في السبعينات يااااااااااه...
وماما نوره من ايام الثانوية.. والفرع ..
ولو الذاكرة ما انتني واحد من خيلانك اسنه عادل... كان في الهاتف..
ايام وزكريات .. من اول السبعينات .. يا.. كام سنه.. بالله عليك ماتعد...
غربة بس فوق الثلاتين .. خالص تحياتي لهم جميعا
Quote: حاتم صالح
مواليد وادي حلفا الأسكان ... يعني صرتي بقت تحت الموية السد .. مثل الوالد والوالدة
الوالد من دبيرة
الوالدة من دغيم
بقية الأعمام القرية 7 حلفا الجديدة |
* خاتم لو كملت أسم الوالد ثلاثي ...
لاني من دبيرة واعتقد بل اجزم بمعرفة 90% منهم .. بس الناس العجايز من خمسين وفوق...
* تراجي... لي عودة.. لاني من دبيرة وقبل التهجير كان في مشروع زراعي كبير في دبيرة..
* ميادة.. ونراجي... وحاتم..
احنا( بكيزانا .. وقربنا.. وجرادلنا.. وصفائحنا..) نتفق في نوبيتنا ونضعها فوق كل الاعتبارات ...
بس الخوف الكلام ده يجيب لينا( كمال بشاشا) في الشاشه يرشنا .. برشاشووووووووا
|
Post: #82
Title: Re: بورداب حلفا في الداخل والخارج ....هااااااااااااااااااااااام
Author: فايزه محمد داؤد
Date: 10-19-2007, 05:24 AM
Parent: #1
وجدي صالح عبده ؟؟؟؟
اصصصصصصصلو ما معقوووله..اقول ليك خالو ولا عمو ولا اقول ليك شنو.. انا ياها زاتا ياوجدي..كيفك وكيف جيهان والاولاد
|
Post: #83
Title: Re: بورداب حلفا في الداخل والخارج ....هااااااااااااااااااااااام
Author: ترهاقا
Date: 10-19-2007, 06:02 AM
Parent: #82
| Quote: حاولي تشغلي نفسك بحبابيك الاسرائيليين |
العزيز حاتم ابراهيم
تراجى دى انا بختلف معاها إختلاف الليل والنهار لكن سبحان الله بحبها لوجه الله تعالى وإنت يا حاتم
بعد مداخلتك عرفت إنك قريبى، ست زينب وصلاح محمد احمد صديقى ، وعبدالرحمن سيد احمد زوج خالتى ، وسعادة العقيد خالد
رفيق دربى ،
تعرف كلامك ده حيزعل ناس اميمة وإيناس وحتى مايا بت عمتهم ، فخلينا نختلف مع تراجى فى حدود المعقول ،
وبعدين يا حاتم ، الاسرائيلين مالم ؟ غلتوا فى حقنا فى شنو؟
المهم الموضوع ده طويل وليك التحية وللاسرة الكريمة
|
Post: #87
Title: Re: بورداب حلفا في الداخل والخارج ....هااااااااااااااااااااااام
Author: wagdi salih
Date: 10-19-2007, 09:59 PM
Parent: #82
يا فائزة(زيزي)
الحمد لله لقينا لينا وسيلة اتصال معاكم وممكن على الماسنجر
الجميع هنا بخير وجيهان والاولا واخباركم شنو الوالد محمد والوالدة
طبعا مبسوطين مافي مشكلة عن الاهل جميعا بخير ناس القرية وناس الثورة
كلو تمام في تمام طبعا انا آخر مرة شفتك سنة 85 في سيدي بشر وانا عمو
وعم لماما كمان
وتحياتي للمناضل الفذ بابا محمد
|
Post: #90
Title: Re: بورداب حلفا في الداخل والخارج ....هااااااااااااااااااااااام
Author: فايزه محمد داؤد
Date: 10-20-2007, 06:49 AM
العزيز وجدي
سعيده جدا برضو انو لقيتك هنا في المنبر واطمنا عليكم..لكن امس قدر ما حاولت اتذكر انا شفتك متين ماقدرتا بس يادوب عرفتاموضوع 85 دي لكن انا عمري كان سنه وقتها طبعا ما متذكره بس طوالي بنشوفكم في الصور وشرايط السودان..اها شفتا ضريبة الغربه دي صعبه كيف
الجميع هنا بخير وبسلمو عليكم
يا مياده....اها قصرنا معاكي؟؟
|
Post: #84
Title: Re: بورداب حلفا في الداخل والخارج ....هااااااااااااااااااااااام
Author: hatim ibrahim
Date: 10-19-2007, 10:16 AM
Parent: #1
..
ترهاقا ..
يا 100 مرحبا ..
وأنا الشابكك من زمان يا قريبي يا قريبي
مفتكرك عارفني يا ساطور يافنان
بس طبعا ألتمس لك العذر ..لأن معرفتي الوثيقة كانت مع الأخ حيدر .. ونوعا ما أسعد
لك الود والتحايا العاطرة أينما كنت ..
Quote: فخلينا نختلف مع تراجى فى حدود المعقول ،
وبعدين يا حاتم ، الاسرائيلين مالم ؟ غلتوا فى حقنا فى شنو؟
المهم الموضوع ده طويل |
في أساسيات كده ( في العقيدة .. وفي الوطن ) ما بيكون فيها مجال لاختلاف ( معقول )
وبالنسبة لاسرائيل الموضوع لا طويل ولا حاجة..موضوع ( محسوم )
القرآن الكريم الذي ( نجزم ) بأنه منزل من عند مليك مقتدر
تضمن كلاما ( واضحا ) لا يحتاج إلى تفسير او تأويل أو اجتهاد
(( (ولن ترضى عنك اليهود ولا النصارى حتى تتبع ملتهم))صدق الله العظيم
وإذا كان بيقول كده عن اليهود ..فما بالك الاسرائيليين ؟؟
..
|
Post: #85
Title: Re: بورداب حلفا في الداخل والخارج ....هااااااااااااااااااااااام
Author: جمال ادريس
Date: 10-19-2007, 02:04 PM
Parent: #84
سلام يا شباب حلفا
انا ما حلفاوي .. لكن مولود في حلفا القرية 18
ممكن ادخل ؟
|
Post: #88
Title: Re: بورداب حلفا في الداخل والخارج ....هااااااااااااااااااااااام
Author: hatim ibrahim
Date: 10-20-2007, 00:51 AM
Parent: #1
..
Quote: انا ذاتو وجدي صالح بتاع حلفا الابحاث وصاحب احمد صيام وقرينا سوى في حلفا الاكاديميةواخوك ابومدين
وقبلونا سوى في الفرع وانت هربت لسوريا ومنها الى المغرب المعلومات دي صحيحة ولا حسع تلبت ليك في بلد تانية وبعدين تنسانا سريع كدا |
..
يا سلااااااااااام يا وجدي ياعزيزي
بعد كلامك ده ( صورتك ) ظهرت قدامي ..
امبارح متذكر الاسم بس بدون صورة
شكرا لسودانيز اون لاين اللمتني فيك بعد الغيبة دي كلها
ويا ريت تلحقني بتلفونك عالماسينجر..لانو في فكرة أعمل لي ( خفسة ) للخرطوم قبل ما المريخ ( التعيس ) ده يجي البلد دي ..
أنا طبعا لا زلت مرابطا في شواطيء الأطلسي .. وتفاصيل ( الاخفاقات ) ستعرفها ان كتب الله لنا لقاء في السودان ..
بلغ تحياتي لمن تلتقيه من أحبة ذلك الزمن الجميل ..
لك كل الود يا عزيزي ..
.
|
Post: #103
Title: Re: بورداب حلفا في الداخل والخارج ....هااااااااااااااااااااااام
Author: wagdi salih
Date: 10-24-2007, 12:12 PM
Parent: #88
يا حاتم ويا فائزة
سلامنا تاني ليكم
كل سنة وانتم طيبين
حنتواصل
العنوان [email protected]
|
Post: #89
Title: Re: بورداب حلفا في الداخل والخارج ....هااااااااااااااااااااااام
Author: Hatim Salih
Date: 10-20-2007, 03:49 AM
Parent: #1
العم ولياب
الوالد عمر محمد صالح أحمد محمد على بك عيسى كاشف كار ولي سليمان كار
الأصول والفروع كلها في كتاب أنساب الولياب (هذا الكتاب فقدته ومازلت في أنتظار الطبعة الثانية)
شكرا جزيلا للسؤال
وجدي صالح
هذا الشخص أكثر حلفاوي مهذب ألتقيت به وكثيرا ما ناوشته في شجرة النشاط بجامعة السودان عسي ولعل أستطيع أخراجه عن طوره
حسب ما أذكر كانت لديه مشاريع من الخليج للمحيط
أتمني أن تتطلعاته لأمست الواقع المرير الممتد من دنقلا لي كوم أمبو
سلامي لك وجدي من على بعد وزي ماقلت أكثر الحلفاويين تهزيبا :-)
|
Post: #91
Title: Re: بورداب حلفا في الداخل والخارج ....هااااااااااااااااااااااام
Author: ولياب
Date: 10-20-2007, 07:15 AM
Parent: #89
لكل أهلي النوبيين وغير النوبيين في هذا البوست أهديكم تحياتي ، والعيد مبارك على الجميع وصراحة من خلال هذا البوست بعض الناس على أقاربهم وأهليهم .
Quote: العم ولياب
الوالد عمر محمد صالح أحمد محمد على بك عيسى كاشف كار ولي سليمان كار
الأصول والفروع كلها في كتاب أنساب الولياب (هذا الكتاب فقدته ومازلت في أنتظار الطبعة الثانية)
شكرا جزيلا للسؤال |
والمفاجأة أن حاتم صالح هو إبن خالي وإبن عمي ولياب (welyab) هو عمك يا حاتم ، عمر أفندي
خالي وأبن عم (welyab)
ولياب = أحمد أبوالعباس
|
Post: #94
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 10-20-2007, 11:24 AM
Parent: #91
Quote:
العم ولياب
الوالد عمر محمد صالح أحمد محمد على بك عيسى كاشف كار ولي سليمان كار |
سبحان الله
انا عمك رسمي وخالك كمان .. لكن سبقني احمد عباس (ولياب) واورد الرد في البوست يا حاتم افندي!
ثم تعال هنا..
انت المفروض تفكر مرتين تلاته في اسم welyab وكنت بتكة ماوس تقدر توصل الـ ( profile ) وتعرف اني عمك لزم ..
وانت عارف انك اضفت " صالح " وزدتنا لخمة !!!! لان اسم جدك (محمد صالح) اسم مركب .. يعني ما بيمشي لوحده .. وبفرقو بينه وبين اخوه محمدعبدالله .. بمحمد افندي .عبدالله باشا..
|
Post: #97
Title: Re: بورداب حلفا في الداخل والخارج ....هااااااااااااااااااااااام
Author: Al Sunda
Date: 10-21-2007, 06:56 AM
Parent: #94
| Quote: انا عمك رسمي وخالك كمان .. لكن سبقني احمد عباس (ولياب) واورد الرد في البوست يا حاتم افندي! |
الأعزاء
ولياب وو,welyab
حاتم أفندى دا
انا خاله لزم
ايه رأيكم ؟؟
وبالمناسبة الراجل دا ما هاجر امريكا الا بعدما اتعذب من ناس بيوت الاشباح في التسعينات ربنا يقدر عودته للبلد
|
Post: #95
Title: Re: بورداب حلفا في الداخل والخارج ....هااااااااااااااااااااااام
Author: Hatim Salih
Date: 10-21-2007, 04:51 AM
Parent: #1
Quote: لكل أهلي النوبيين وغير النوبيين في هذا البوست أهديكم تحياتي ، والعيد مبارك على الجميع وصراحة من خلال هذا البوست بعض الناس على أقاربهم وأهليهم .
Quote: العم ولياب
الوالد عمر محمد صالح أحمد محمد على بك عيسى كاشف كار ولي سليمان كار
الأصول والفروع كلها في كتاب أنساب الولياب (هذا الكتاب فقدته ومازلت في أنتظار الطبعة الثانية)
شكرا جزيلا للسؤال
والمفاجأة أن حاتم صالح هو إبن خالي وإبن عمي ولياب (welyab) هو عمك يا حاتم ، عمر أفندي
خالي وأبن عم (welyab)
ولياب = أحمد أبوالعباس |
Quote: سبحان الله
انا عمك رسمي وخالك كمان .. لكن سبقني احمد عباس (ولياب) واورد الرد في البوست يا حاتم افندي!
ثم تعال هنا..
انت المفروض تفكر مرتين تلاته في اسم welyab وكنت بتكة ماوس تقدر توصل الـ ( profile ) وتعرف اني عمك لزم ..
وانت عارف انك اضفت " صالح " وزدتنا لخمة !!!! لان اسم جدك (محمد صالح) اسم مركب .. يعني ما بيمشي لوحده .. وبفرقو بينه وبين اخوه محمدعبدالله .. بمحمد افندي .عبدالله باشا.. |
العم Welyab
واخي ولياب
يا لمحاسن الصدف
كم أنا سعيد اليوم
سأحاول الكتابة أليكم عبر الإيميل
وللتواصل هذا هو أيميلي
[email protected]
|
Post: #96
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-21-2007, 06:41 AM
Parent: #95
يا عم ولياب انا حاطالبك بالارضية
شايفة البوست تحول بينك وبين ولد عمك
ههههههههههههههههههههه
بس انا مبسوطة كتيييييييييييييييييير
|
Post: #98
Title: Re: بورداب حلفا في الداخل والخارج ....هااااااااااااااااااااااام
Author: ولياب
Date: 10-21-2007, 07:42 AM
Parent: #96
Quote: الأعزاء
ولياب وو,welyab
حاتم أفندى دا
انا خاله لزم
ايه رأيكم ؟؟ |
سبحان الله !!!
عزيزي السندة
لك التحية ومشكور على هذه المعلومة وربنا يديم المعرفة بين الأهل
وصراحة أنا مستغرب ليه ما عرفنا حاتم منذ أمد ، حيث أنه مسجل في البورد منذ ثلاثة أعوام ولديه أكثر من 190 مشاركة
| Quote: وبالمناسبة الراجل دا ما هاجر امريكا الا بعدما اتعذب من ناس بيوت الاشباح في التسعينات ربنا يقدر عودته للبلد |
شلت يداهم وسلط الله عليهم الأوهام والأسقام وجعل بيوتهم قبورا مظلمة وذلك لكل من عذب أحداً في ما يسمى ببيوت الأشباح ربنا ينتقم منكم يا أبالسة .
العزيزة ميادة
مشكورة على هذا البوست الذي جمع بنا كأهل ومعارف
وليكي الحق في (خلو رجل) وحقك محفوظ (بس خلينا نجي في أول إجازة)
|
Post: #99
Title: Re: بورداب حلفا في الداخل والخارج ....هااااااااااااااااااااااام
Author: Manar Mahsoub
Date: 10-21-2007, 08:55 AM
Parent: #1
كوريقون اجنلا ... هيكرفيجرو .... اهلى الحنان الطيبين سلام انا هاف كاست (لووول) ابوى من حلفا عبرى ابوه حسن كاشف ( الشهير فى حلفا بحسن بصرى) و امه من عبرى .... انا امى بقى من تبج من نفس بيت ترهاقا و حاتم و مايا يعنى الجينات حلفا عبرى تبج و بالعكس....
تراجى هيكرفى ... اكيد اتعلمتى شوية من ايناس و اميمة ... بالمناسبة نحن اكلنا عيش و ملح فى شقتك فى اسكندرية ايام ناس ايناس و اميرة فى الاسكندرية( طبعا ديل بنات خالى).
ميادة شكرا على البوست الظريف و لميتينا على الاهل
|
Post: #100
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-21-2007, 09:41 AM
Parent: #99
UP
|
Post: #102
Title: Re: بورداب حلفا في الداخل والخارج ....هااااااااااااااااااااااام
Author: osama dahab
Date: 10-22-2007, 09:03 AM
Parent: #100
يا اهلى الحلفاويين
هل لنا قضيه
ام اجتمعنا لنسلم على بعض
وادى حلفا نسيتوها
ارجعو لاستاز فيصل
شوفو الصور
يمكن تصحى الحنين وتتحولو من مجرد حناكيش فى الخرطوم وترجعو كما اهلكم اصحاب حضاره سرقت وسكتنا وتناسيناها
يا اهلى
وادى حلفا
تعالو نسجل اسماءنا ونمشى نزورها سوا بمعيه فيصل وولياب حتى نتعرف عليها وندرس مشاكلها ونحاول نقدم شئ
اسامه دهب
|
Post: #108
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 11-10-2007, 01:53 PM
Parent: #99
التحية لكم جميعا
ولعموم ابناء حلفا( الوادي والجديدة).. ولكل النوبيين بصفة عامة
ارجع بيكم كلكم لبوست قديم .. كنا جمعنا فيه عدد مقدر من الاسماء ..قائمة الشرف النوبيــــــة ... أضف اسمك
|
Post: #101
Title: Re: بورداب حلفا في الداخل والخارج ....هااااااااااااااااااااااام
Author: Hatim Salih
Date: 10-21-2007, 04:27 PM
Parent: #1
بداية أشكر الأخت mayada kamal على هذا البوست الذي جمعنا بالأهل في الداخل والخارج
الخال العزيز Al Sunda
الأن فقط عثرت على Al Sunda وكنت فاكرك بتكتب تحت أسم السندة بالعربي حسب أخر رسالة لك
مبارك عليكم العيد وتحياتي وسلامي لكل الأهل بالسودان والخارج
Quote: سبحان الله !!!
عزيزي السندة
لك التحية ومشكور على هذه المعلومة وربنا يديم المعرفة بين الأهل
وصراحة أنا مستغرب ليه ما عرفنا حاتم منذ أمد ، حيث أنه مسجل في البورد منذ ثلاثة أعوام ولديه أكثر من 190 مشاركة
Quote: وبالمناسبة الراجل دا ما هاجر امريكا الا بعدما اتعذب من ناس بيوت الاشباح في التسعينات ربنا يقدر عودته للبلد
شلت يداهم وسلط الله عليهم الأوهام والأسقام وجعل بيوتهم قبورا مظلمة وذلك لكل من عذب أحداً في ما يسمى ببيوت الأشباح ربنا ينتقم منكم يا أبالسة .
العزيزة ميادة
مشكورة على هذا البوست الذي جمع بنا كأهل ومعارف
وليكي الحق في (خلو رجل) وحقك محفوظ (بس خلينا نجي في أول إجازة)
|
عزيزي أحمد عباس
بروفايلاتنا في سودانيز أونلاين لا تفصح ولقاء الأهل والأحبة متروكة لعامل الصدفة برجاء التواصل عبر الأيميل
|
Post: #104
Title: Re: بورداب حلفا في الداخل والخارج ....هااااااااااااااااااااااام
Author: النزير جريس
Date: 10-24-2007, 02:02 PM
Parent: #1
ميادة أنسي سكرفي مسكاقنا
أناحلفاوي من القرية 24 ومقيم بأركويت
بعد ان تتبدلت ملامح حلفا بيئة وأنسانا والله يجازي الكان السبب.
تخريمة:
محمد سليمان ولياب يا صاحبي انا منتظر نسخة السي دي وانت بتعرف الــ E.mail بتاعي وآآكيد عندي فيهو حق.
شكراً ميادة على البوست الجميل ده اللمّ لينا فيه كل الأهل من حلفا
|
Post: #105
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-24-2007, 02:26 PM
Parent: #104
ووون نزير سكرفي ويهينا
بتعرف ناس امنة ابهرجة
دي بالحسبة عمتي
ساكنة قرية13
|
Post: #106
Title: Re: بورداب حلفا في الداخل والخارج ....هااااااااااااااااااااااام
Author: النزير جريس
Date: 10-25-2007, 07:46 AM
Parent: #1
Quote: ووون نزير سكرفي ويهينا
بتعرف ناس امنة ابهرجة
دي بالحسبة عمتي
ساكنة قرية13 |
ناس صلاح أمنه وفايز وعزة وفايزة
صلاح أمنه من أعز أصدقائي.
شكراً مرة آخرى ميادة
أفيلقو
|
Post: #107
Title: Re: بورداب حلفا في الداخل والخارج ....هااااااااااااااااااااااام
Author: mayada kamal
Date: 10-25-2007, 08:18 AM
Parent: #106
Quote: ناس صلاح أمنه وفايز وعزة وفايزة
صلاح أمنه من أعز أصدقائي.
شكراً مرة آخرى ميادة
أفيلقو |
طلعنا معرفة كمااااااااااان
شكرا على المرور
|
Post: #109
Title: Re: بورداب حلفا في الداخل والخارج ....هااااااااااااااااااااااام
Author: welyab
Date: 11-10-2007, 02:05 PM
Parent: #107
Quote: تخريمة:
محمد سليمان ولياب يا صاحبي انا منتظر نسخة السي دي وانت بتعرف الــ E.mail بتاعي وآآكيد عندي فيهو حق. |
النذير جريس ايها النوبي الهميم النشط
دا كلام شنو انت النسخة الاصلية ما نازلة في الـ Lap top عندك . وكمان كل العروض التي قمنا بتقديمها كان من جهازك .. يعني لو عاوز كام نسخة تانية مافي مانع وكمان لكل الاخوة .. اصل النسخة بتوزع مجانا والاخ النذير مساهم فيه ضمن مجموعة اخوة تكفلو بتحمل نفقات الطبع والتوزيع
|
|