Post: #1
Title: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 08:51 AM
Parent: #0
في تصنيف شهر اكتوبر احتل الهلال المركز ال72 عالميا
و الرابع عربياً و افريقيا
وما زلت ابحث عن موقع المريخ ساوافيكم به لاحقاً
رغم تفاؤلي بحثت عن المريخ حتى المركز 150 و لم اجده
28 -34 National SC (Al-Ahly) Cairo Egypt/2 1
55 -45 Etoile Sportive du Sahel Tunisie/2 2
69 -69 Espérance Sportive de Tunis Tunisie/2 3
72 -112 Al-Hilal Omdurman Sudan/1 4
المصدر
http://www.iffhs.de/?10f42e00fa2d17f73702fa3016e23c17f7...02bb1c2bbb6f28f53512
|
Post: #2
Title: Re: الهلال الرابع عربياً و افريقياً و ال 72 عالمياً
Author: الواثق الصادق
Date: 10-03-2007, 08:55 AM
Parent: #1
وجاء المريخ في المركز رقم 178 وتقدم المريخ من المركز 289 الذي كان يحتله الشهر السابق برصيد 88 نقطة ..
|
Post: #3
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 08:56 AM
Parent: #1
نرجو المساعدة بالبحث عن ترتيب المريخ
|
Post: #4
Title: Re: الهلال الرابع عربياً و افريقياً و ال 72 عالمياً
Author: تاج السر حسن
Date: 10-03-2007, 09:03 AM
Parent: #1
شكرا ابو اللمين
هذا ما تنبأت به بعد أن ترك الهلال خلفه أسيك والترجى وأنتصر على النجم الساحلى.
الأنجازات .. لا الكاسات !!
غلبتك وغلبتنى .. والمجد .. وسانت جورج .. وشلت كأس سيكافا أو مانديلا
وليه انت ما شلتو .. وانت ما لعبت .. ده كلام (مشجعين) وصحفيين سذج !!
عطاء مثل الذى قدمه الهلال ..
انتصر على فريق كبير اسمه الزمالك .. وعلى الأهلى .. وعلى الترجى .. وعلى اسيك .. وعلى النجمه .. ليس مهم أين حدث ذلك .. المهم انتصار!!
يقدره ويثمنه خبراء .. لابسطاء ووصفاء !!
يقدره صحفيون لعبوا كرة القدم ويعرفومن ماذا يعنى الأنجاز !
شكرا لك مرة أخرى.
|
Post: #5
Title: Re: الهلال الرابع عربياً و افريقياً و ال 72 عالمياً
Author: الواثق الصادق
Date: 10-03-2007, 09:24 AM
Parent: #4
عربياً
1. الأهلي المصري
2. النجم الساحلي التونسي
3. الترجي التونسي
4. الهلال السوداني
5. الفيصلي الأردني
6. شبيبة القبائل الجزائري
7. الصفاقسي التونسي
8. الوحدات الأردني
9. الإسماعيلي المصري
10. الجيش الملكي المغربي
11. الاتحاد الليبي
12. شباب الأردن الأردني
13. المريخ السوداني
================================
أفريقيا
1. الأهلي المصري
2. النجم الساحلي التونسي
3. الترجي التونسي
4. الهلال السوداني
5. ماميلودي سنداونز الجنوب أفريقي
6. القطن الكاميروني
7. شبيبة القبائل الجزائري
8. أسيك أبيدجان العاجي
9. الصفاقسي التونسي
10 بترو أتليتكو الأنجواي
11. الإسماعيلي المصري
12. الجيش الملكي المغربي
13. الاتحاد الليبي
14. دولفين النيجيري
15. لا استرا دوالا الكاميروني
16. المريخ السوداني
|
Post: #6
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 09:26 AM
Parent: #1
وهذه القائمة الكاملة لترتيب الاندية العربية و الافريقية
لاحظ هنا يمنكك ان تجد ترتيب المريخ
28 -34 National SC (Al-Ahly) Cairo Egypt/2 1
28 -34 National SC (Al-Ahly) Cairo Egypt/2 1
55 -45 Etoile Sportive du Sahel Tunisie/2 2
69 -69 Espérance Sportive de Tunis Tunisie/2 3
72 -112 Al-Hilal Omdurman Sudan/1 4
99 -84 Al-Karama Homs Syria/2 5
104 -121 Al-Faysali Amman Jordan/2 6
108 -101 Mamelodi Sundowns Pretoria South Africa/2 7
114 -122 Cotonsport FC de Garoua Cameroun/2 8
120 -132 Jeunesse Sportive de Kabylie, Tizi Ouzou Algérie/2 9
124 -100 ASEC Mimosas Abidjan Côte-d'Ivoire/2 10
139 -160 CS Sfaxien Sfax Tunisie/2 11
139 -141 Atlético Petróleos Luanda Angola/2 12
139 -157 Al-Wahdat Amman Jordan/2 13
144 -153 Al Ismailia Egypt/2 14
144 -126 AS FAR Rabat Maroc/2 15
147 -188 Al-Ittihad Tripoli Libya/1 16
153 -163 Dolphins FC Port Harcourt Nigeria/2 17
173 -225 Les Astres FC de Douala Cameroun/2 18
176 -248 Shabab Al-Ordon Al-Qadisiya Jordan/2 19
178 -298 Al-Merreikh Omdurman Sudan/1 20
186 -191 Sport Luanda e Benfica Angola/2 21
198 -227 Union Sportive de Douala Cameroun/2 21
200 -260 Al-Hilal FC Riyadh Saudi Arabia/2 22
210 -183 Zamalek SC Cairo Egypt/2 23
223 -216 Al-Ansar Beirut Lebanon/2 23
225 -248 Kwara United Ilorin Nigeria/2 24
235 -279 Al Wahda Abu Dhabi UAE/2 25
-154 Al-Muharraq Manama Bahrain/2 26
-227 Dhofar Salalah Oman/2 26
-314 Al-Nejmeh Beirut Lebanon/2 27
-234 Mwana Africa Bindura Zimbabwe/2 27
-260 ASO Chlef Algérie/2 28
289 -307 Highlanders FC Bulawayo Zimbabwe/2 29
-284 AS Douane Dakar Sénégal/2 30
296 -331 Clube Desportivo 1° de Agosto Luanda Angola/2 31
-310 Al Shabab FC Riyadh Saudi Arabia/2 32
-302 Widad AC Casablanca Maroc/2 33
-350 Union Sportive Madina Alger Algérie/2 34
340 -310 Al-Sadd Doha Qatar/2 35
-336 Green Buffaloes Lusaka Zambia/2 36
-366 Grupo Desportivo Interclube Angola/2 37
|
Post: #7
Title: Re: الهلال الرابع عربياً و افريقياً و ال 72 عالمياً
Author: ALGARADABI
Date: 10-03-2007, 09:38 AM
Parent: #6
الهلال هلا
شوفناحبيب بنريدو
غير عله
أهلا بيهو
الهلال هلا
|
Post: #8
Title: Re: الهلال الرابع عربياً و افريقياً و ال 72 عالمياً
Author: abuguta
Date: 10-03-2007, 09:46 AM
Parent: #7
فريق الهلال انهزم من المجد السورى
تجو تقولو لينا الرابع عربيا
الا تكون دفعتو فلوس
انشاء الله الوالى سيسلك دربكم
ويدفع اكثر منكم
فريق مازال فى فى البطولة العربية
والافريقية...
المريخ زعيم الكرة
وسيد البلد
بلا هلال بلا طيش البلد
ورونا كاساتكم
تجو تقول لينا تصنيف
|
Post: #10
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 10:36 AM
Parent: #8
مافي حاجة اسمها تصنيف عربي
دي نجرناها عشان نلقى للوصيف موطيْ قدم وبرضو طلع تاشرات
|
Post: #9
Title: تصنيف
Author: hassan bashir
Date: 10-03-2007, 09:59 AM
Parent: #1
الأخ على الأمين
لا أدري ما هو سر ولع السودانيين بهذه التصنيفات النظرية التي لا تسمن ولا تغني من جوع، بل ولا تدل على المستويات الحقيقية، بما في ذلك تصنيف الفيفا لمنتخبات الدول.
لا بأس أن يتم استخدام تلك التصنيفات كمؤشر لقياس المستويات وإعداد خطط التطوير، ولكن أن تصبح تلك التصنيفات هي الغاية التي تسعى لها الأندية والمنتخبات، فذلك لن يفيد
متعة كرة القدم هي في الإثارة والندية والمفاجآت، عندما تفوز السنغال على فرنسا حاملة اللقب، وعندما تخرج ألمانيا المستضيفة على يد إيطاليا، وعندما تخسر ألمانيا في أرضها من إنجلترا بخماسية، وعندما تفوز جزيرة الفيل على الهلال والأمل العطبراوي على المريخ.
ولكن أن نأخذ تلك التصنيفات كمرجع ثابت ودليل على تطور أو تقهقر مستويات الكرة، فهو ما لا يفيد.
ولو كانت التصنيفات تجدي، لأصبح المراهنون على سباقات الخيل من أغنى الأغنياء
|
Post: #12
Title: Re: تصنيف
Author: Ali Alameen
Date: 10-03-2007, 10:39 AM
Parent: #9
هذه التصنيفات تعني الكثير في حالة ثبات النادي في مستواه على مر الشهور
|
Post: #11
Title: Re: الهلال الرابع عربياً و افريقياً و ال 72 عالمياً
Author: تاج السر حسن
Date: 10-03-2007, 10:37 AM
Parent: #1
وهى التصنيفات دى بتجى بالساهل ولا لببصنفو ديل ما لعبوا كرة قدم؟؟
________________
لمن فريق سودانى بالظروف السودانيه البتعرفها كلنا .. حركات مسلحه جوه الخرطوم .. ازمه فى دارفور خطيره و23 حركه وفصيل .. ازمه فى الشرق .. اتفاقية سلام فى الجنوب لم تكتمل !!
مع كل هذه الظروف:-
ينتصر على الأهلى المصرى مع الرافه 3/ صفر
والزمالك 2/ صفر
والترجى 2/ صفر
واسيك 2/1
والنجم 2/1
انديه زى الصاقعه
ما نعتبرها انجازات
ونجى نساويهو مع فريق منتصر ضد اندية حمام ميت .. وحاصل على كاسات حمام ميت؟؟
هل بكون ده عدل؟؟
المهم ليس اين لعب الفريق .. وانما ضد من ؟؟؟؟؟
غلبتنى وغلبتك .. والمجد .. والقطن التشادى .. وكاس المجاعه .. ده كلام مشجعين وصحفيين بسطاء!!
ده ياهو كلام خبراء كرة القدم فى العالم .. والعايز الشبك اليجدع شبكتو معانا.
|
Post: #13
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 11:04 AM
Parent: #11
التاريخ لن يقول أن الفريق الفلاني كان مصنف ...
أو الفريق الفرتكاني كان العاشر عالمياً ...
لكن حيقووول النادي العلاني حاصل على كأس كدا ...
أصحوا يا هؤلاء .... ويا تاج السر الأهلي الغلبتوا دا ...
ما بيلتفت لموضوع التصنيف بقدر ما بهموا في النهاية يشيل الكأس ...
ولو كان بيهتم بالحكايات حقت التصنيف وإنو غلب منو ولا إتغلب من منو ...
كان قال ليك انا غلبتا ريال مدريد الكان فيهو زيدان وفيغو وبيكهام و راؤول ...
وكان قال ليك انا غلبتا بنفيكا حقة روي كوستا وسيماو سابروسا ونونو قوميش ...
|
Post: #15
Title: Re: الهلال الرابع عربياً و افريقياً و ال 72 عالمياً
Author: haroon diyab
Date: 10-03-2007, 11:19 AM
Parent: #13
نادر ياود الراضي
مساء الخير
Quote: التاريخ لن يقول أن الفريق الفلاني كان مصنف ...
أو الفريق الفرتكاني كان العاشر عالمياً ...
لكن حيقووول النادي العلاني حاصل على كأس كدا ...
أصحوا يا هؤلاء .... ويا تاج السر الأهلي الغلبتوا دا ...
ما بيلتفت لموضوع التصنيف بقدر ما بهموا في النهاية يشيل الكأس ...
ولو كان بيهتم بالحكايات حقت التصنيف وإنو غلب منو ولا إتغلب من منو ...
كان قال ليك انا غلبتا ريال مدريد الكان فيهو زيدان وفيغو وبيكهام و راؤول ...
وكان قال ليك انا غلبتا بنفيكا حقة روي كوستا وسيماو سابروسا ونونو قوميش ... |
انا المحيرني عدييييييييييييل كده انوا فريق يجي من اضعف 32 فريق عربي ويقول ليك تنصيف عالمي .... حقيقة الاختشوا ماتوا ... وبالله عليكم في حمام ميت اكتر من المجد السوري .
....والمحلي داخل عطبره بعد مايمشي يمرمط سمعتنا في تونس ذي مامرمطة في سوريا... ..!
تخريمة لابد منها :
والله انا ماعارف اكان ما المريخ ده السودانيين ديل كان بيفرحوا كيفن ....؟
تحياتي
|
Post: #19
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 11:33 AM
Parent: #15
| Quote: انا المحيرني عدييييييييييييل كده انوا فريق يجي من اضعف 32 فريق عربي ويقول ليك تنصيف عالمي |
الهلال لمن اتغلب من المجد كان بينطبق عليهو
قَوْلِ اللَّهِ تَعَالَى
وَيَوْمَ حُنَيْنٍ إِذْ أَعْجَبَتْكُمْ كَثْرَتُكُمْ فَلَمْ تُغْنِ عَنْكُمْ شَيْئًا وَضَاقَتْ عَلَيْكُمْ
الْأَرْضُ بِمَا رَحُبَتْ ثُمَّ وَلَّيْتُمْ مُدْبِرِينَ
وفوز المريخ على الرفاع بينطبق عليهو
فرساً تسابق وحده حتما سبق
|
Post: #16
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 11:22 AM
Parent: #13
التاريخ سيهجر اصحاب الكاسات كما هجر الأوروغواي التي نالت كأس العالم مرتين
و التاريخ احتفظ لهولندا بحقها و رفعها مكانا اعلى من الأوروغواي رغم عدم تحقيقها للقب
التاريخ سيحفظ من هو الافضل على مر التاريخ
الكاسات ستظل ذكرى جميلة لمن نالوها و لمن عايشوها
و لكن التاريخ و الاداء الثابت و النتائج الباهرة و تحقيق المستحيل هو ما سيحفظه التاريخ على مر العصور
|
Post: #14
Title: Re: الهلال الرابع عربياً و افريقياً و ال 72 عالمياً
Author: عمر الفاروق
Date: 10-03-2007, 11:15 AM
Parent: #1
يا نادر:
Quote: التاريخ لن يقول أن الفريق الفلاني كان مصنف ...
أو الفريق الفرتكاني كان العاشر عالمياً ...
لكن حيقووول النادي العلاني حاصل على كأس كدا ... |
التاريخ كمان ما قاعد يحسب كاسات الليلة الواحدة ..
التاريخ ما بيعرف كاس دبي..
التاريخ ما بيعرف كاس إعتزال ..
التاريخ ما بيعرف بطولة غير معترف بها من الإتحاد الدولي..
وعليه وحسب معرفة التاريخ نعتمد لكم كاس واااااااااااااااحد فقط لا غير..
التاريخ يسجل لكم كاس مانديلا فقط ..
عليه نرجو من معاليكم تعديل صفحة الإنجازات خاصتكم فالتاريخ لكم بالمرصاد ..
ولا يا ربي تاريخكم يكون تاريخ الدولة العباسية ونحن تاريخنا تاريخ البوشمن ؟
تخريمة :
لي في المسالمة غزال 
بالله فريقكم إسمو المسالمة ؟
وحيييييييييييييي المساااااااااااالمة ومسلما ..
والقمرا ماااااااااا لقيت سلّما ..
أحب القمرا وأموووووووت في الهلال..
|
Post: #17
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 11:25 AM
Parent: #14
Quote: وعليه وحسب معرفة التاريخ نعتمد لكم كاس واااااااااااااااحد فقط لا غير..
التاريخ يسجل لكم كاس مانديلا فقط .. |
إنتوا دا قدرتوا تجيبوهو ؟!!!
حسي ليكم 77 سنة قدرتو كأس دبي تجيبوهو ؟!!!
بالجد الما بخاف الله خافوا ...
|
Post: #18
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 11:26 AM
Parent: #14
| Quote: التاريخ يسجل لكم كاس مانديلا فقط . |
نعم
و ذلك لعظمة مانديلا و ليست لقيمة الكاس
|
Post: #25
Title: Re: الهلال الرابع عربياً و افريقياً و ال 72 عالمياً
Author: anas hassan
Date: 10-03-2007, 12:02 PM
Parent: #14
نحن راضيين يعتمدو لينا كاس مانديلا بس
انتو كاسكم اسمو كاس شنو عشان يعتمدو ليكم معانا ( ولا ماعندكم لمن يبقى عندك تعال اتكلم معانا )
|
Post: #20
Title: Re: الهلال الرابع عربياً و افريقياً و ال 72 عالمياً
Author: عمر الفاروق
Date: 10-03-2007, 11:36 AM
Parent: #1
| Quote: حسي ليكم 77 سنة قدرتو كأس دبي تجيبوهو ؟!!! |
مشكلتنا لمن نلعب مع الزمالك ما بيكون في كاس برة ..
وإلا كان شلنا لينا زي اربعة كاسات كده من الزمالك !!
شي 2-صفر وشي 2-2 وشي صبحي وشي ابو شامة وشي بي الشي وعند الله ما بيروح شي..
بالمناسبة المريخ عندو فضيحة كبييييييييرة جداً لمن إشترك في مباريات ودية تنشيطية في الإمارات وفي المباراة الأخيرة جماعتك ناس المريخ قبل نهاية الكورة بي عشرة دقايق مشو إشتروا ليهم كأس من محلات رياضة بي 30 درهم ولمن الكورة إنتهت سلّموهو للكبتن وقالوا ده كأس محمول جواً وسط زهول الإماراتيين !!!!
قال كاس الشارقة قال
تخريمة :
ظبية المسالمة وبي العلي ما عاااااااالمة ..
وياظالمة ياااااااااااااااااااا ظالمة ..
والله ما عرفناها دي كورة ولا زنقار..
|
Post: #22
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 11:46 AM
Parent: #20
| Quote: مشكلتنا لمن نلعب مع الزمالك ما بيكون في كاس برة .. |
طيب دا مااااا عز الطلب ...
أمشوا ليهم في القاهرة ...
وقولو ليهم اعملوا لينا كأس الليلة الواحدة ...
عشان إنتوا الأيام دي منتهييييييين ...
وبصراحة كدا المريخاب كرهونا .. كأس دبي .. كأس دبي ..
|
Post: #21
Title: Re: الهلال الرابع عربياً و افريقياً و ال 72 عالمياً
Author: abdelwahab hijazi
Date: 10-03-2007, 11:42 AM
Parent: #1
قال: وعليه وحسب معرفة التاريخ نعتمد لكم كاس واااااااااااااااحد فقط لا غير..
التاريخ يسجل لكم كاس مانديلا فقط ..
نقول: الهم رب هذا الشهر الفضيل وهذه الايام المباركات أنصر الهلال السوداني على النجم الساحلي. ثم منّ عليه بالنصر على الاهلي المصري أو الاتحاد الليبي حتى يتمكن من الحصول على كأسه الأولى إنك على ذلك قدير.
وهذا لأننا نشجع السودان قبل أن نشج المريخ والهلال.
قدر ما الزول يقول بسم الله يلقاكم في حالكم.
لاعلم لنا بالموقع المشار اليه. وحسب علمي أن التصنيف الافريقي يمنح درجات محددة نتيجة الوصول لكل مرحلة من مراحل منافساته. احسبوها من بداية مشاركات المريخ والهلال وتعالوا نتحاسب.
وبالمناسبة يمكن بالفعل أن يكون الهلال متقدم على المريخ رغم الكأس الوحيدة للمريخ.
الأمر يحتاج لحساب ادق وليس تصنيفات شهرية.
حقو يسموكم أولاد أبوصنيفة.
نأمل في مداخلة معمقة هنا من الاخ أحمد الريح الذي يبدو أكثر أولاد أزرق معقولية.
أنا أمزح فقط يا شباب لكن دعوتي أعلاه صادقة ومن القلب وكل سنة وانتو طيبين.
|
Post: #23
Title: Re: الهلال الرابع عربياً و افريقياً و ال 72 عالمياً
Author: عمر الفاروق
Date: 10-03-2007, 11:50 AM
Parent: #1
عبد الوهاب:
| Quote: وبالمناسبة يمكن بالفعل أن يكون الهلال متقدم على المريخ رغم الكأس الوحيدة للمريخ. |
أنقر ما ده الحصل !!!
|
Post: #24
Title: Re: الهلال الرابع عربياً و افريقياً و ال 72 عالمياً
Author: عبدالكريم الامين احمد
Date: 10-03-2007, 11:58 AM
Parent: #23
هييييييع الهلالابي..!!
(علي وزن هيييييييع العكدابي- جمال حسن سعيد)
|
Post: #26
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 12:04 PM
Parent: #1
نرجو من الاتحاد الافريقي اعلان التسميات المخفية للدوريات الافريقية
و هي
الاندية الافريقية الابطال و اسمها الحقيقي البطولة الافريقية الممتازة
بطولة كاس الاتحاد(الكونفدرالية) بطولة الدرجة الثانية الافريقية
و قد صعد الهلال بحمد لله للبطولة الافريقية الممتازة
و نتمنى للمريخ حظاً اوفر في بطولة الدرجة الثانية الافريقية يمكنه من الصعود حتى نراه بجانب الزعيم في البطولة الافريقية الممتازة
الغريب في هذه البطولات ان من حق الهابط من البطولة الفريقية الممتازة الهبوط الى الدرجة الثانية الافريقية
و لكن ليس من الممكن صعود فريق من الدرجة الثانية الافريقية الى البطولة الفريقية الممتازة
توضيح اكثر
الشباب التنزاني هبط من البطولة الافريقية الممتازة فوجد في اعلى قاع بطولة الدرجة الثانية الافريقية فريق المريخ
الذي رغم انتصاره ما زال يلعب في بطولة حمام ميت
|
Post: #28
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 12:20 PM
Parent: #26
عزيزي على الأمين ...
ما تفقد المنطق وترجع لتحليلات المشجعين ... 
|
Post: #30
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 12:54 PM
Parent: #28
اخونا نادر دا ما كلام مشجعين
دا كلام مسنود بالحقايق
انو في بطولة اقوى من اخري
انو في كاسات عديمة القيمة
انو قليل دائم خير من كثير منقطع
و سنظل نبخس بطولة الكونفدرالية حتى و لو نال الهلال كأسها
و الدليل على انها بخسه ان حامل لقبها االنجم الساحلي ركلها و رفض ان يدافع عن لقبه ليلعب الان في دوري الابطال
نحن لم نقل ان المريخ فريق ضعيف
المريخ ممتاز
بدليل انه الفريق الوحيد من بين العمالقة الذي استطاع ان ينتزع نقطة من ملعب الهلال
و لكنه يلعب في بطولة ضعيفة
و المريخ فرصتو الوحيدة في اللعب امام فريق قوي يدفعه في التصنيف هي في الدوري السوداني
عندما يلعب امام الهلال
عندها لو فاز المريخ على الهلال
سيقفز على الاقل 50 خطوة الى الامام
نتمنى ان لا يحدث ذلك
|
Post: #27
Title: Re: الهلال الرابع عربياً و افريقياً و ال 72 عالمياً
Author: abdelwahab hijazi
Date: 10-03-2007, 12:20 PM
Parent: #1
الأخ عمر
القاعدة تجدها بالموقع أدناه. وللأسف لم أجد أي من الاندية السودانية حتى التصينف 18 أفريقياً.
الموقع هنا:
http://www.rsssf.com/miscellaneous/caf-ranking.html
يلا ورينا كلامك ده جبتو كيف بالحساب؟
|
Post: #29
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 12:29 PM
Parent: #27
الأخ حجازي
دا تصنيف المريخ ...
ودا تصنيف الهلال ...
تخريمة :
كل الحمام الضربناهو في التصنيف الفتة دا ...
ختوهم قدامنا .. بي ياتو فهم ما تقدر تعرف ..
|
Post: #31
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 01:05 PM
Parent: #29
Quote: كل الحمام الضربناهو في التصنيف الفتة دا ...
ختوهم قدامنا .. بي ياتو فهم ما تقدر تعرف .. |
الفهم ان حسب قيمة الفريق البتضربو بتتدرج
مثلا الهلال حقق نتايج جيده امام الترجي و ما زال الترجي امام الهلال في التصنيف
ليه ؟
لانو الترجي بيلعب فب الدوري التونسي و اي نتيجة جيده بيحققها بتكون بتدفعو في التصنيف اكثر من فوزه على كوارا
و المريخ عشان يتدرج في التصنيف فرصتو موجودة
هي ان يهزم فريق الهلال في الدوري الممتاز
يعني تهزم اسيك مازي تهزم كوارا
او كما قال الشاعر
قد رمى المهدي ظبيا (الاهلي)............. فشك بالسهم فؤاده
وعلي بن سليمان ............. قد رمى كلبا(كوارا) فصاده
فهنيئا لهما ................كل امرئ ياكل زاده (كاسه)
|
Post: #32
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 01:12 PM
Parent: #29
| Quote: الدليل على انها بخسه ان حامل لقبها االنجم الساحلي ركلها و رفض ان يدافع عن لقبه ليلعب الان في دوري الابطال |
يا سيدي الفاضل ...
انا أديك مثال على إنو كلامك ينافي الواقع ...
إشبيلية أفضل نادي في العالم للعام الثاني على التوالي ...
وبطل كأس الإتحاد الأوربي لعامين متتاليين وبطل السوبر كوبا الإسبانية ...
يلعب الآن في دوري الأبطال .. فهل يعني ذلك أن كأس الإتحاد الأوربي ضعيفة ؟!!
أكيد لا ... وإذا كانت بطولة ضعيفة لم لا يوقفها الإتحاد الأفريقي ؟!!! ...
ويركز فقط على بطولة واحدة ويعطي البلدان صاحبة البطاقة الواحدة بطاقتين ...
حتى تمكن من ترشيح البطل ووصيفه كما يحدث في أوربا ...
|
Post: #33
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 01:20 PM
Parent: #32
| Quote: فهل يعني ذلك أن كأس الإتحاد الأوربي ضعيفة ؟!! |
نعم بطولة ضعيفة مقارنة بدوري الابطال الاوربي
لو تابعت سجلها لوجدت عدد كبير من الاندية المغمورة التي فازت بها
اما بطولة دوري الابطال فهي للاقوياء فقط
ما بفوز بيها الا فريق نفسو طويل
| Quote: وإذا كانت بطولة ضعيفة لم لا يوقفها الإتحاد الأفريقي ؟!!! ... |
اذن اين سيلعب الضعاف
|
Post: #34
Title: Re: الهلال الرابع عربياً و افريقياً و ال 72 عالمياً
Author: waleed dawash
Date: 10-03-2007, 01:27 PM
Parent: #1
Quote: Nederland/3 88,5
178. (201.) FC de Toulouse France/4 88,0
(201.) RC Racing de Santander España/4 88,0
(298.) Al-Merreikh Omdurman Sudan/1 88,0
(213.) Metalist Charkow Ukraina/3 88,0
(168.) AS de Monaco France/4 88,0
|
Nederland/3 88,5
يا نادر الراضي
شايفك يا اخوي في واحد كامل نسيته...
نسيتو ولا قاصد؟ ...
|
Post: #35
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 02:00 PM
عزيزي ود الأمين ...
هل تحب أن أعدد لك حاملي هذه البطولة ...
ريال مدريد ، إنتر ميلان ، ليفربول وغيرهم الكثير
لعلمك فقط فريق يلعب في منافسة أفريقية ليس ضعيف
وإذا الحكاية كدا معناتا إنو الضعف ظاااتو ...
لإنكم لعبتوا فيها وطرتوا من دور المجموعاات ..
وبهزائم من ماركة الأربعة والخمسة .. وطبعاً حتقولي
نحنا لعبنا مع فرق قوية .. حأقول ليك أول مرة نسمع
بفرق قوية تلعب في بطولة حمام ميت ولا ياربي على زمنكم كانت قوية ؟!!
دا منطق أعوج وكاواة بتاعة مشجع لا أكتر ولا أقل ...
تخريمة :
ود الأمين .. ود الأمين ... كابتن ماجد كيف ؟!!! ...
|
Post: #36
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 02:22 PM
Parent: #35
إليك يا ود الأمين حملة كأس الإتحاد الأوربي
حتى تدرك مدى قوتها :
2006 - 2007 Sevilla »
2005 - 2006 Sevilla
2004 - 2005 CSKA Moskva
2003 - 2004 Valencia
2002 - 2003 Porto
2001 - 2002 Feyenoord
2000 - 2001 Liverpool
1999 - 2000 Galatasaray
1998 - 1999 Parma
1997 - 1998 Internazionale
1996 - 1997 Schalke
1995 - 1996 Bayern
1994 - 1995 Parma
1993 - 1994 Internazionale
1992 - 1993 Juventus
1991 - 1992 Ajax
1990 - 1991 Internazionale
1989 - 1990 Juventus
1988 - 1989 Napoli
1987 - 1988 Leverkusen
1986 - 1987 Göteborg
1985 - 1986 Real Madrid
1984 - 1985 Real Madrid
1983 - 1984 Tottenham
1982 - 1983 Anderlecht
1981 - 1982 Göteborg
1980 - 1981 Ipswich
1979 - 1980 Eintracht
1978 - 1979 Mönchengladbach
1977 - 1978 PSV
1976 - 1977 Juventus
1975 - 1976 Liverpool
1974 - 1975 Mönchengladbach
1973 - 1974 Feyenoord
1972 - 1973 Liverpool
1971 - 1972 Tottenham
في كلام تاني يا عمك ؟!!!!
|
Post: #38
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 02:30 PM
Parent: #36
ممكن تديني ابطال دوري اوربا
|
Post: #37
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 02:28 PM
Parent: #35
السيرة التشجيعية لود الامين
شجع الهلال سنة 1987 من مباراة كانون ياوندي
و شجع الهلال سنة 2007 من مباراة ناساروا و لي جاي
و ان اطاح النجم الساحلي بالهلال لن اشجع الهلال مرة اخرى الا في مباراة كاس في دوري ابطال افريقيا انشاء الله سنة 2047
عندما كان الهلال يلعب في الكونفدرالية لم اتاب ع له اي مباراة و لو بالصدفة
و احسن حاجة عملها الهلال يا ود الراضي انو في دوري العرب طار من الدور الاول
و الله انا كنت خايفو يفوز
لاني كنت خايفة السيناريو التالي
الهلال يتقدم خطوة في بطولة العرب
في مباراة النجم الساحلي و امام الضغط التونسي يتذكر لاعبو الهلال ان بطولة العرب في انتظارهم ان اطاح بهم النجم الساحلي
و ينهارو و يودعو
و نرجع نبدا مع دوري العرب من دور ال16
و نحن ماشين كدا نصل دور الاربعة
اقوم البطولة الافريقية تجي
نقوم نرخي في بطولة العرب و نركز على افريقيا
و هكذا
افضل الاحوال هي عندما تقل الخيارات
و الهلال امامو خيار واحد لمصالحة جماهيره و هو تخطي النجم
البحر خلفي و العدو إزائي= ضاع الطّريق إلى السّفين ورائي
و ان لم يفعلها الهلال
فهذا فراق بيني و بينه الا ان يظهر في ختام الجامبيون ليق حتى و لو بعد 20 سنة
|
Post: #39
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 02:35 PM
Parent: #37
| Quote: و ان لم يفعلها الهلال فهذا فراق بيني و بينه الا ان يظهر في ختام الجامبيون ليق حتى و لو بعد 20 سنة |
لا يااااااااخ ... بالله طلعتا منهم ...
جماعة إنتظار ظهور الهلال ...
مشجع بالقشرة بس .. أو مفروض عليك تشجيعو ...
لا يا حبيبي ماف مريخي بشجع وكت الغلب بس ...
نحن مريحاب حد الخيال .. (نهواهو في كل الظروف)
|
Post: #40
Title: Re: الهلال الرابع عربياً و افريقياً و ال 72 عالمياً
Author: Ali Alameen
Date: 10-03-2007, 02:41 PM
Parent: #39
يا نادر انا مشجع تلفزيونات و بيوت
يعني اصلاً انا ما مشجع انا مستمتع
و الهلال هو البمتع
الناس الدايرين يشجعو يمشو المريخ
نحن شجعان من يومنا
و المتعة يا سيد نادر لا تعاد
فقد تذوقنا حلاوة اللعب مع الثمانية الكبار و حطمنا الاساطير فريق القرن و ما شابهه
و عندما ياتي فتية الهلال بشي جديد ساعود
|
Post: #41
Title: Re: الهلال الرابع عربياً و افريقياً و ال 72 عالمياً
Author: نادر محمد الراضي
Date: 10-03-2007, 02:48 PM
Parent: #40
لا حول الله .. بالله في كدا ...
عيب ياخوانا . .مهما كان دا برضو الهلال ...
هلال الملايين ... سيد البلد .. الزعيم ...
خبر عاااااااجل ...
بعد ان تم حصر ضحايا معركة هوبة العباسيين
أتضح لدينا أن الجماعة عودهم طري ...
وبيتجرسوا من أول لفة وقلوبهم ضعيفة ...
ولااااا عزاء لتاج السر ...
تخريمة :
واااا أٍسفاي لو ما كنتا مريخي ..
وأهل الصفوة ديل أهلي وأسفاي .. وااا مأساتي .. وااا ذلي ...
|
Post: #42
Title: Re: الهلال الرابع عربياً و افريقياً و ال 72 عالمياً
Author: KOSTA
Date: 10-03-2007, 03:37 PM
Parent: #41
الا خ على الامين
تحياتى
يبدو انك بتشجع الهلال مؤقتآ فقط
و يبدو ان تشجيعك المؤقت للهلال بيكون من منازلهم او من تلفزيوناتهم
بس نحن فى المريخ و زى ما قال اخونا نادر :
Quote: يا حبيبي ماف مريخي بشجع وكت الغلب بس ...
نحن مريحاب حد الخيال .. (نهواه في كل الظروف) |
بعدين نحن المريخ و منذ " الفطام " بنشجعه ... غالب مغلوب ... اصلآ ما بنحيد عنه
عشان كده اشتهرت جماهير المريخ بانها الجماهير الصفوة على امتداد الوطن.
و تانى و زى ما قال نادر الصفوى :
Quote: واااا أٍسفاي لو ما كنتا مريخي ..
وأهل الصفوة ديل أهلي وأسفاي .. وااا مأساتي .. وااا ذلي |
اقول ليك كلام ؟؟؟ خليك عاقل زى اخوك ابوقوته !!!
|
Post: #44
Title: Re: الهلال الرابع عربياً و افريقياً و ال 72 عالمياً
Author: hassan bashir
Date: 10-03-2007, 05:50 PM
Parent: #43
الأخ على الأمين
| Quote: هذه التصنيفات تعني الكثير في حالة ثبات النادي في مستواه على مر الشهور |
صدقني، هذه التصنيفات لا تعني شيئاً في كرة القدم. التصنيف ربما كان مهماً في بطولات التنس الأرضي، وذلك لأهميته في تقدير الجوائز المالية.
يمكنك مقارنة تصنيفات كرة القدم باستفاءات الرأي العام التي عادة ما تجرى قبل الانتخابات لمعاونة المرشحين على معرفة الأرضية التي يقفون عليها. ولكنها في النهاية مجرد تخمينات تستند على آراء عينات عشوائية.
الهلال بدأ يكتسب صيتاً قوياً في أفريقيا نسبة لنتائجه الجيدة وعروضه القوية وليس بناءً على التصنيف الذي لا يهتم به أحد سوى قلة قليلة.
|
Post: #45
Title: Re: الهلال الرابع عربياً و افريقياً و ال 72 عالمياً
Author: مزاحم الضوي
Date: 10-03-2007, 06:04 PM
Parent: #43
نقلا عن صحيفة قون اليوم
خبر عاجل: الهلال يدخل قائمة افضل مائة نادي في العالم
نشرت: 03/10/2007 - 16:33 عدد رقم 5765
• الهلال يتقدم الي المركز الرابع علي مستوي افريقيا والوطن العربي
دخل الهلال قائمة افضل مائة ناد في العالم وذلك في التصنيف الذي اصدره الاتحاد الدولي لاحصاء وتاريخ كرة القدم اليوم الاربعاء وذلك لشهر سبتمبر 2007م ورفع الهلال درجاته الي (129) درجة وقفز (40) مركزا دفعة واحد متقدما من المركز رقم (112) عن تصنيف شهر اغسطس الي المركز (72) علي مستوي العالم والرابع علي مستوي افريقيا والوطن العربي في انجاز رياضي مذهل لم يسبق له مثيل في تاريخ كرة القدم السودانية ..
وجاء تقدم الهلال في تصنيف الشهر الحالي بعد النتائج الباهرة التي حققها في ربع نهائي بطولة الاندية الافريقية الابطال وكذلك فوزه المجد السوري في دوري ابطال العرب .. وكان شهر سبتمبر مليئا بالانتصارات والنتائج الايجابية علي كافة المستويات وكان ابرزها التعادل مع الترجي بتونس والفوز علي النجم الساحلي بامدرمان ..
واحتل الهلال المركز الرابع علي مستوي افريقيا وايضا علي مستوي الوطن العربي .. ويحتل الاهلي المصري المركز الاول افريقيا برصيد (183) درجة بفارق (54) درجة من الهلال بينما حل النجم الساحلي ثانيا والترجي التونسي ثالثا .. والغريب ان الترجي تقدم علي الهلال بنصف درجة فقط وسبقه للمركز الثالث .. بينما الفارق بين الهلال والنجم الساحلي صاحب المركز الثاني علي مستوي افريقيا (14) درجة فقط .. وبات الهلال من خلال هذا التصنيف المنافس الاول لقمة الكرة الافريقية ممثلة في فريق القرن الاهلي المصري وقطبي الكرة التونسية النجم الساحلي والترجي .. واذا ما نجح الهلال في العبور الي المباراة النهائية في البطولة الافريقية سيضع اسمه في قمة القائمة الافريقية مع افضل الاندية في التصنيف ..
ويعتبر دخول الهلال الي قائمة افضل مائة نادي في العالم انجازا فريدا من نوعه لبطل السودان الذي قدم هذا العام موسما استثنائيا علي مستوي البطولة الافريقية للاندية الابطال كان وما زال حديث المجالس الافريقية والعالمية ..وظهر الهلال لاول مرة في التصنيف الدولي الذي يصدره الاتحاد الدولي لتاريخ واحصاء كرة القدم قبل عدة شهور كاول ناد سوداني يظهر في قائمة افضل (350) نادي في العالم ثم واصل الظهور والتقدم الي الامام في الترتيب العام حتي وصل الي نادي المائة في الشهر الحالي وهي قائمة افضل مائة نادي في العالم وغالبيتها من الاندية العالمية المعروفة ذات السمعة والشهرة والقاعدة الجماهيرية الكبيرة ..
من جهته قفز المريخ ممثل الكرة السودانية في بطولة كاس الاتحادالافريقي لكرة القدم (الكونفدرالية) الي المركز (178) م متقدما (120) مركزا دفعة واحدة في قفزة هائلة ومذهلة في التصنيف الدولي للاندية رافعا رصيده الي (88) درجة وهو رصيد جيد يمكن زيادة والتقدم بثبات الي المراكز الاولي في التصنيف خلال الشهور المقبلة ..وتبدو المسافة كبيرة جدا بين الهلال والمريخ في الترتيب العام لافضل (350) ناديا في العالم ويفصلهما (106) مركزا بالتمام والكمال حيث يحتل الهلال المركز (72) والمريخ في المركز (178) ..
|
Post: #46
Title: Re: الهلال الرابع عربياً و افريقياً و ال 72 عالمياً
Author: مزاحم الضوي
Date: 10-03-2007, 06:04 PM
Parent: #43
نقلا عن صحيفة قون اليوم
خبر عاجل: الهلال يدخل قائمة افضل مائة نادي في العالم
نشرت: 03/10/2007 - 16:33 عدد رقم 5765
• الهلال يتقدم الي المركز الرابع علي مستوي افريقيا والوطن العربي
دخل الهلال قائمة افضل مائة ناد في العالم وذلك في التصنيف الذي اصدره الاتحاد الدولي لاحصاء وتاريخ كرة القدم اليوم الاربعاء وذلك لشهر سبتمبر 2007م ورفع الهلال درجاته الي (129) درجة وقفز (40) مركزا دفعة واحد متقدما من المركز رقم (112) عن تصنيف شهر اغسطس الي المركز (72) علي مستوي العالم والرابع علي مستوي افريقيا والوطن العربي في انجاز رياضي مذهل لم يسبق له مثيل في تاريخ كرة القدم السودانية ..
وجاء تقدم الهلال في تصنيف الشهر الحالي بعد النتائج الباهرة التي حققها في ربع نهائي بطولة الاندية الافريقية الابطال وكذلك فوزه المجد السوري في دوري ابطال العرب .. وكان شهر سبتمبر مليئا بالانتصارات والنتائج الايجابية علي كافة المستويات وكان ابرزها التعادل مع الترجي بتونس والفوز علي النجم الساحلي بامدرمان ..
واحتل الهلال المركز الرابع علي مستوي افريقيا وايضا علي مستوي الوطن العربي .. ويحتل الاهلي المصري المركز الاول افريقيا برصيد (183) درجة بفارق (54) درجة من الهلال بينما حل النجم الساحلي ثانيا والترجي التونسي ثالثا .. والغريب ان الترجي تقدم علي الهلال بنصف درجة فقط وسبقه للمركز الثالث .. بينما الفارق بين الهلال والنجم الساحلي صاحب المركز الثاني علي مستوي افريقيا (14) درجة فقط .. وبات الهلال من خلال هذا التصنيف المنافس الاول لقمة الكرة الافريقية ممثلة في فريق القرن الاهلي المصري وقطبي الكرة التونسية النجم الساحلي والترجي .. واذا ما نجح الهلال في العبور الي المباراة النهائية في البطولة الافريقية سيضع اسمه في قمة القائمة الافريقية مع افضل الاندية في التصنيف ..
ويعتبر دخول الهلال الي قائمة افضل مائة نادي في العالم انجازا فريدا من نوعه لبطل السودان الذي قدم هذا العام موسما استثنائيا علي مستوي البطولة الافريقية للاندية الابطال كان وما زال حديث المجالس الافريقية والعالمية ..وظهر الهلال لاول مرة في التصنيف الدولي الذي يصدره الاتحاد الدولي لتاريخ واحصاء كرة القدم قبل عدة شهور كاول ناد سوداني يظهر في قائمة افضل (350) نادي في العالم ثم واصل الظهور والتقدم الي الامام في الترتيب العام حتي وصل الي نادي المائة في الشهر الحالي وهي قائمة افضل مائة نادي في العالم وغالبيتها من الاندية العالمية المعروفة ذات السمعة والشهرة والقاعدة الجماهيرية الكبيرة ..
من جهته قفز المريخ ممثل الكرة السودانية في بطولة كاس الاتحادالافريقي لكرة القدم (الكونفدرالية) الي المركز (178) م متقدما (120) مركزا دفعة واحدة في قفزة هائلة ومذهلة في التصنيف الدولي للاندية رافعا رصيده الي (88) درجة وهو رصيد جيد يمكن زيادة والتقدم بثبات الي المراكز الاولي في التصنيف خلال الشهور المقبلة ..وتبدو المسافة كبيرة جدا بين الهلال والمريخ في الترتيب العام لافضل (350) ناديا في العالم ويفصلهما (106) مركزا بالتمام والكمال حيث يحتل الهلال المركز (72) والمريخ في المركز (178) ..
|
|