Post: #1
Title: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-01-2007, 11:18 AM
والله ياهلال دائما انت على ودائما فى القمه موجود
والله ياهلال لن ينزل حبك من قلوبنا ولاذره مهما كان لانك موجود داخل الوجدان
ودائما العتره بصلح المشيه وغلطة الشاطر بمائه مهما كان فابطال الهلال هم قدر التحدى
وسنسى الان صفحة هذا المجد ونطوى هذة البطوله العربيه التى يشارك فيها الفرق الصغيره
فهنئ لهذا المريخ بهذة البطوله التى تشارك فيها فرق صغيره
وفرق ضعيفة انظرو لنتيجة هذة المباراة التى جمعت مابين الوحدة السعودي والسكه حديد الجيبوتى انتهت 11/0لصالح الوحدة
معقوله دا بطوله عريقة وقويه
بالامس علمت بان المدرب فوزى المرضى وبخ لاعبى الهلال توبيخ شديد اللهجة وقال لهم بالحرف الواحد لو انتو ماقدر المسؤوليه حقو من هنا نرجع الخرطوم طوالى ومافى داعى لتونس ماممكن البحصل دا
فقام لاعبى الهلال بالرد عليه بانهم هم قدر المسؤليه ويتحملون الخسارة
وسيردون الاعتبار للهلال فى السبت القادم فى سوسه وتعاهد لاعبى الهلال بذلك
ولكن مهما كان سيكون الهلال هو الهلال
سيد البلد الموج الازرق
وقف مشاهدك يازمن
رجع دفاتر يامحال
فى السكه دا ارزق هدر تاريخ ندر اسمو الهلال
جمهورو فى التشكيله بان فى كل حوبا وانتصار
حيو الهلال العالمى حيو الهلال رمز الصمود
بنفخر بيك هلالنا عريق
ياعظم تيم
ياغلى فريق
|
Post: #2
Title: Re: بنفخر بيك هلالنا عريق ياعظم تيم ياغلى فريق
Author: Elmosley
Date: 10-01-2007, 01:24 PM
Parent: #1
محمد عادل لك التحية
زمان في مثل سوداني بيقول الكوره مدوره
يعني يوم ليك ويوم عليك
لو فهم مشجعو الهلال والمريخ هذا المثل السوداني
القديم الحكيم لكفونا شر الجو،طه العاملنها في البورد ده
فريقان سودانيان عملاقان
وفي الرياضة النصر او الهزيمة وجهان لعملة واحدة
تمنياتي لهما بالتوفيق
لك المودة
|
Post: #3
Title: Re: بنفخر بيك هلالنا عريق ياعظم تيم ياغلى فريق
Author: حسين يوسف احمد
Date: 10-01-2007, 01:48 PM
Parent: #2
الجـدعـة قبـل
الهـوبـة ، حـرام
أم بـدعـة !!؟؟؟
|
Post: #8
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-02-2007, 01:27 PM
Parent: #3
الحبيب حسين
المجد بالجدعة ونيجريا فيها تعابين الساعة 1ونص ضهر
|
Post: #4
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-02-2007, 01:05 PM
Parent: #2
استاذى الموصلى
فعلا الكوره مدوره مدوره
وهى مجنونه وبعد مرات مابدتى الحريف
وغلطة الشاطر بعشرة والجايات اكتر من الرايحات
ونحن ياستاذى ضد التعصب الاعمى
ونتمنى التوفيق للاخوة فى المريخ
ودا حال الكوه يوم ليك ويوم عليك
|
Post: #5
Title: Re: بنفخر بيك هلالنا عريق ياعظم تيم ياغلى فريق
Author: Elmosley
Date: 10-02-2007, 01:07 PM
Parent: #4
وهو كذلك فالهلال والمريخ يمثلان سوداننا الحبيب ونصرهما يفرحنا وهزيمتهما تحزننا ولكن ليس نهاية الدنيا
فيوم لك ويوم عليك
|
Post: #6
Title: Re: بنفخر بيك هلالنا عريق ياعظم تيم ياغلى فريق
Author: محمد عمر الفكي
Date: 10-02-2007, 01:20 PM
Parent: #5
يا محمد عادل والله انت من يوم النشيد داك وانت ما راكب عدلك، مالك يا خوي رمضان قام بيك ولا دا من المجد وبعده النجم؟
كدي عاين لعنوانك الفوق دا وجيب اكبر عالم نحو وعالم املاء وعالم بلاغة وانشاء وخليهم يركبوا لينا منو جملة مفيدة.
معليش انا الليلة زهجان وقلت اضيع شوية وقت معاك. في حاجة غلط امش شوف الحاصل شنو
اكان الهضربة دي كلها قبل كورة النجم بعد الكورة الا يكتفوك.
|
Post: #10
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-02-2007, 01:34 PM
Parent: #6
محمد عمر
والله رمضان لذيذ وهلالنا الذ واحلى
باذن الله هذا النجم سيلقن درس يوم السبت
انت الله يطلعك من نيجريايوم الاحد الساعة 1ضهر
عز النهار
|
Post: #7
Title: Re: بنفخر بيك هلالنا عريق ياعظم تيم ياغلى فريق
Author: أبو عبيدة البصاص
Date: 10-02-2007, 01:24 PM
Parent: #5
Quote: وهو كذلك فالهلال والمريخ يمثلان سوداننا الحبيب ونصرهما يفرحنا وهزيمتهما تحزننا ولكن ليس نهاية الدنيا
فيوم لك ويوم عليك |
الاحب استاذي الموصلي وفاكهة المنبر محمد عادل
كل سنة وانتو طيبين
تعرف يا الموصلي انه الكوره في السودان
رغم كل ذلك الهياج تجمع بيننا اكثر ما تفرقنا
وهذا هو العشم ان يكون هنا فقط فرقين بندية كاملة
ينازعان الهلال والمريخ لاستطاع اربعتهم تفريق كل شحنات الغضب
على المدرجات .. ونوقشت بقية قضايا السودان بصدر رحب
وكنا الليلي احسن ناس ...
عفواً لحظه :
وتان يا الموصلي والله متمنين انهم يجبيوا الكاس ده بالجد
عشان يكون عندهم حاجه يفتخروا بيبها مش يشبكونا التصنيف التصنيف
لما قلنا الروووب
مدخل للخروج :
اعلم اخي محمد عادل كلنا يوم السبت على قلب رجل واحد من اجل الهلال والسودان
لكن لو المجد ركبكم التونسية
خلوا ريكاردوا يفجر الطياره ويرجع بلدوا
ده كلام بنقولوا ليكم من هسي
البصاص
|
Post: #11
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-02-2007, 01:41 PM
Parent: #7
يابصاص
السودان كلو معانا ونحن عارفين الكلام دا
لكن ناس المريخ ومزمل والمعاو
والله وقفتهم ماعاوزنها
والهلال يوم السبت سينور الخرطوم والعالم العربى والافريقى
سيسطع الهلال فى يوم العبور السادس من اكتوبر
|
Post: #9
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-02-2007, 01:30 PM
Parent: #5
فعلا ياستاذ الموصلى
الحرب كر وفر
يوما لنا ويوما علينا
وباذن الله يوم السبت لنا
|
Post: #12
Title: Re: بنفخر بيك هلالنا عريق ياعظم تيم ياغلى فريق
Author: شهاب الفاتح عثمان
Date: 10-02-2007, 03:47 PM
Parent: #5
Quote: زمان في مثل سوداني بيقول الكوره مدوره
يعني يوم ليك ويوم عليك
لو فهم مشجعو الهلال والمريخ هذا المثل السوداني
القديم الحكيم لكفونا شر الجوطه |
|
Post: #13
Title: Re: بنفخر بيك هلالنا عريق ياعظم تيم ياغلى فريق
Author: Mohamed Abdelmotalib Hassan
Date: 10-02-2007, 05:07 PM
Parent: #12
Quote: ونحن ياستاذى ضد التعصب الاعمى
ونتمنى التوفيق للاخوة فى المريخ |
وده شنو ده؟: ده ما التعصب الأعمي زاتو:
| Quote: غدا يحطم هلال المليين سيد البلد نجمة تونس ومعاها نجمة العرضه |
| Quote: Re: بنفخر بيك هلالنا عريق ياعظم تيم ياغلى فريق |
انت قصدك يا أغلي؟؟ ولا قصدك غلي من غلي يغلي غليان فهو مغلغل؟؟
تاني قبل ماتتكلم عن التعصب شوف عناونيك المليانه تعصب وما تتسرع!!
|
Post: #14
Title: Re: بنفخر بيك هلالنا عريق ياعظم تيم ياغلى فريق
Author: محمد عمر الفكي
Date: 10-02-2007, 08:07 PM
Parent: #13
كدي اسمع الحليفة دي
والله لو دولفين لعب معاه ابوسانجو ذاتو ولا الجديد دا اسمه منو ما عارف وكان لعبت معاه جيسيكا البا (الممثلة بتاعة مسلسل الدلافين) دولفينك دا ما بيهزم المريخ ولا بطيره من المنافسة، بعدين دولفين كورة الهجيرة جابها من وين ما فضلة خيركم، تعادل وعدم غداء وبعد داك جايبلها سحائي وناس غمروا وفقدوا الوعي والاغرب بعد دا كله اتخارجتوا من المنافسة.
نفس السيناريو حيبقي على دولفين.
قلت لى النجم كيف؟ تعرف الذ مافي الموضوع انه نحن حنتاهل بعد اقل من 10 ساعات من مخارجتكم، قدرنا انتوا تزعلوا ونحن نفرح.
|
Post: #17
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-03-2007, 08:34 PM
Parent: #14
محمد عمر من يفرح كثيرا سيبكى اخيرا
ونيجريا دا ياحبيب ماساهله بالحيل مريخك دا ياخوى من حسع طاير طاير
ديل ماحيلعبو ساى بالطرق المشروعه والغير مشروع
وبهاء الدين دا الظاهر انو معسل تفاح بتاع البحرين نفع معاو فى نيجريا الا اشوف ليهو ثعبان معسل اشيش بيهو
ربنا يستر ساكت
بالعكس ياحبيب انت عكستها
قبل 10 ساعات من كورتكم انا متاهل الى نهائى الابطال الذى ستانطلق به الى اليابان
ويهتف ابناء الهلال
من امدرمان لليابان
|
Post: #16
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-03-2007, 08:28 PM
Parent: #13
محمد عبدالمطلب
دا اسمو الفخر بالفريق والفخر بهلال الملايين
لكن ياخوى الهلال كويس انو طلع لانو الفرق الكبيره كلها طلعت
وبالامس خرج الشباب السعودى من هذة البطوله فتركوها للحمام الميت
يوم الاحد يوم الاحد يوم الاحد نيجريا حلوه يوم الاحد
الشريف مبسوط منى عشان نيجريا ودولفينن بحبو فنى
|
Post: #15
Title: Re: بنفخر بيك هلالنا عريق ياعظم تيم ياغلى فريق
Author: محمد عادل
Date: 10-03-2007, 08:21 PM
Parent: #12
الحبيب شهاب
دائما احترمك على هذة الروح الوطنية والكوره ياحبيب مدورة مدوره
وياريت خاصة جمهور المريخ وصاحب الصدى ان يفهم معنى الكلام ويوم الاحد قريب
|
|