Post: #1
Title: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 07:59 AM
هي ظاهرة صحّية أن نحزن وبصورة متعصبة لخسارة فريقنا ..
وهي روعة الإنتماء عندما تغضب لخروج فريقك ..
وهي متعة الكرة في أنها يوم لك ويوم عليك ..
الهلال أطال لنا في متعة الكرة فجعلها (أياماً) لنا و(يوم) واحد علينا..
الهلال ومنذ بداية هذا الموسم وهو في حالة زراعة الفرحة فينا...
لاعبو الهلال ومنذ إنطلاقة العام 2007 وهم في حالة توزيع لصكوك الفرح لجماهير الهلال الوفية ..
لم يتخاذلوا ولم يستكينوا ..واجهوا ظروف مختلفة وشدو الرحال والترحال عبر القارة السمراء ذهاباً وإياباً وفي كل مرة يزرعون فينا بسمة بفوز مستحق أو نتيجة إيجابية وتأهل مستمر كلل في نهاية المطاف بالوصول لمربع الكبار على أمل الوصول للنهائي إن شاء الله والفوز بالكأس..
خسر الهلال بالأمس مباراة ولكنه وبكل تأكيد لن يخسر حب جماهيره له ..
خسر الهلال بالأمس ولكن وبكل تأكيد زاد الإنتماء لك يا قبيلتي الزرقاء..
خسر الهلال بالأمس ولكننا وردّاً للجميل نغفر هذه الخسارة ..
خسر الهلال بالأمس وطوينا صفحة ولكننا لم نغلق الكتاب..
خسر الهلال بلح الشام ولكن عينه على عنب تونس وإن شاء الله إنّا لقاطفوه ..
لا تستعجلوا وتنزلوا جااااام غضبكم على المدرب ريكاردو ولا على اللاعبين فالهلال في النهاية فريق كرة قدم وليس من كوكب اخر يفوز أيام ويخسر يوم ..
لا تظلموا المدرب ريكاردو الذي كان بين مطرقة البطولة العربية وسندانة الإفريقية ..
لا تظلموا ريكاردو فالخطة كانت مرسومة للخروج بأفضل النتائج وبأقل المجهودات وهو ما كانت تسير عليه المباراة لولا الخطأ في التوقيت والسرحان من الحارس أبوبكر شريف ..
ولو قدّر للهلال التأهل يوم أمس لأنقلبت الأحاديث 180 درجة ولتغير الحال فلا تستعجلوا ظلم المدرب..
لا تظلموا اللاعبين فقد قاموا بواجباتهم كااااااااااااااملة غير منقوصة مجهود وافر تحت ضغط نفسي ..
لا تظلموهم وأحفظوا لهم الجميل فهم من زرعوا فيكم أفراحاً طال أمدها وكم وكم رقصتم لهم طرباً حتى منتص الليل ..
تذكروا أن هؤلاء هم نفس اللاعبون الذين أفرحوك يوم مباراة الأهلي ويوم مباراة الترجي ويوم مباراة الزمالك ويوم مباراة أسيك ..
تذكر أنها نفس الكتيبة التي لم تقهر وبفضل الله داخل ملعبها ولسنوات طويلة ..
تذكر أنهم نفس الأشاوس الذين باهينا بهم الأمم ..
نعم نحن محزونون للخروج المبكر من بطولة هي الأضعف ..ونعم نحن متحسرون على ضياع لقب كانت الفرصة مواتية للحصول عليه ولكن العبرة بالخواتيم وكانت خاتمة الهلال في البطولة العربية منذ البداية ..
عن نفسي أشكر كل لاعبي الهلال ومدرب الهلال وإدارة الهلال فقد وصلنا لما هو أكبر من طموح المشجع السوداني وتجاوزنا حدود اليأس والإحباط التي كانت تصيبنا في السابق..
شكراً لاعبو الهلال فقد زرعتم الفرحة فينا ولن نخذلكم لمجرد خسارة ..
كل تمنياتنا لكم بالتوفيق في البماراة الأهم وإن كانت المعركة خطيرة والقتنال فيها سيكون عنيف ولكن كلنا أمل في الله ومن ثم في لاعبينا لتجاوز هذه المرحلة ..
|
Post: #2
Title: Re: شكراً لاعبو الهلال زرعتم فينا فرحة طويلة الأمد..
Author: سامى عبد الوهاب مكى
Date: 10-01-2007, 08:07 AM
Parent: #1
الخطبة البتراء
بتاعة عمر الفاروق !!
عمر خليك على سجيتك وابكي زي باقي اهلك!!
البكاء حااااااااار والنبذ مدور قرش ونص والزريبة مولعة نار
ورمضان دخل العضم والهوبا دخلت الشبكة يعني لا قاعد
لا استوى واقفاً
لا عدو خلف!!
ززززززززززززززط
جوة الكيس المغشوش!!
وهوبا اريتا هوبة حبيبك لمن يبرم ليك الكورة كدا ويفكها في ا########## ويشيلا ويا خد ليه نقذه لي فوق و خطوتين تلاتة وقلبة واليدين لاحظ معاي في الجزء الاعلى من الكرة (ودا الجزء المهم) حيث انه إذا حاول اللاعب ان يضع يده تحت الكرة )) حا يتظلط
تخيل!!
وبجيك وبهريك
|
Post: #3
Title: Re: شكراً لاعبو الهلال زرعتم فينا فرحة طويلة الأمد..
Author: حمزاوي
Date: 10-01-2007, 08:14 AM
Parent: #1
| Quote: وهي متعة الكرة في أنها يوم لك ويوم عليك .. |
يا كافي البلا ما طوال عليك
تبدأ تنتصر في بطولة وتجوا بخفي ( حنين )
كدي يا ود الفاروق وريني متين يوم لك
|
Post: #4
Title: Re: شكراً لاعبو الهلال زرعتم فينا فرحة طويلة الأمد..
Author: محمد الأمين موسى
Date: 10-01-2007, 08:19 AM
Parent: #3
أخي الفاروق.. اعتقد نحن في عصر يسمح فيه بازدواجية الجنسية!
اللهم عزز صفوف محبي المريخ بأحد العمرين.
وإنشاء الله الهلال بطل أبطال إفريقيا.
|
Post: #5
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 08:20 AM
Parent: #1
سامي الخصال:
| Quote: البكاء حااااااااار والنبذ مدور قرش ونص والزريبة مولعة نار |
قلت كدي؟
ووووووووووووووووووب ..وووووووووووووووووووب ..وووووووووووووووووووووب..
ورورووووووووووووووووووووك ..كر علينا يا يمة وووووووووووووووب ووووووووووب ووووووووب..
أحححي ..أستغفر الله ..
|
Post: #6
Title: Re: شكراً لاعبو الهلال زرعتم فينا فرحة طويلة الأمد..
Author: ود المايقوما
Date: 10-01-2007, 08:21 AM
Parent: #1
| Quote: شكراً لاعبو الهلال زرعتم فينا فرحة طويلة الأمد.. |
ودي الحالة هلالابي لوكنت مريخابي كنت قلت شنو ؟
|
Post: #7
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 08:23 AM
Parent: #1
عمنا حمزاوي:
| Quote: كدي يا ود الفاروق وريني متين يوم لك |
الأربعة سنة بتاعت الممتاز دي لي..
|
Post: #9
Title: Re: شكراً لاعبو الهلال زرعتم فينا فرحة طويلة الأمد..
Author: الفاتح خليل الفكي
Date: 10-01-2007, 08:43 AM
Parent: #7
الأخ / عمر الفاروق
سلام واحترام ،،،،
رمضان كريم وتصوم وتفطر على خير
نعم نشكر لاعبو الهلال لانهم زرعواالفرح فينا
نعم نشكر لاعبو الهلال على هذا المجهود المقدر
نعم نشكر مدرب الهلال ريكاردو على هذا المجهود
فالتحية لهم جميعاً ونتمنى لهم النصر في المباراة القادمة والاهم
والتحية لكل جماهير الهلال
تقبل تحياتي واحترامي
أبو كريم
|
Post: #8
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 08:29 AM
Parent: #1
المايقوما نفر:
| Quote: لوكنت مريخابي كنت قلت شنو ؟ |
كان قلبت هوبة ..
|
Post: #10
Title: Re: شكراً لاعبو الهلال زرعتم فينا فرحة طويلة الأمد..
Author: الصادق صديق سلمان
Date: 10-01-2007, 08:53 AM
Parent: #1
Quote: نعم نحن محزونون للخروج المبكر من بطولة هي الأضعف ..ونعم نحن متحسرون على ضياع لقب كانت الفرصة مواتية للحصول عليه ولكن العبرة بالخواتيم وكانت خاتمة الهلال في البطولة العربية منذ البداية ..
عن نفسي أشكر كل لاعبي الهلال ومدرب الهلال وإدارة الهلال فقد وصلنا لما هو أكبر من طموح المشجع السوداني وتجاوزنا حدود اليأس والإحباط التي كانت تصيبنا في السابق..
شكراً لاعبو الهلال فقد زرعتم الفرحة فينا ولن نخذلكم لمجرد خسارة ..
كل تمنياتنا لكم بالتوفيق في البماراة الأهم وإن كانت المعركة خطيرة والقتنال فيها سيكون عنيف ولكن كلنا أمل في الله ومن ثم في لاعبينا لتجاوز هذه المرحلة ..
|
ود الفاروق
هلالنا هو هلالنا
نسال الله النصر في سوسة على عكاليت الكرة الأفريقية التوانسة.
أبوفتحية
|
Post: #11
Title: Re: شكراً لاعبو الهلال زرعتم فينا فرحة طويلة الأمد..
Author: سامى عبد الوهاب مكى
Date: 10-01-2007, 09:03 AM
Parent: #1
بيت البكاء
|
Post: #12
Title: Re: شكراً لاعبو الهلال زرعتم فينا فرحة طويلة الأمد..
Author: فدوى الشريف
Date: 10-01-2007, 09:06 AM
Parent: #1
والله يا سامي الشماتة ما حلوة.
مع اني كنت راجية اليوم دا بفارغ الصبر
لكن البوست دا بالذات حنني والله العظيم
هو المجد السوري دا...
خلاص سكتنا
|
Post: #13
Title: Re: شكراً لاعبو الهلال زرعتم فينا فرحة طويلة الأمد..
Author: سامى عبد الوهاب مكى
Date: 10-01-2007, 09:09 AM
Parent: #12
فدوى فدوى فدوى الهوبا كيف
|
Post: #14
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 09:10 AM
Parent: #1
يا جماعة عن إذنكم ندّخل فدوى الشريف دي حوش النسوان ..
يا فدوى النسوان بهناك يبكن ويعزّن وإنتي تتفرجي لي في توب دي وغويشة دي وسلسل دي ؟
ما تستعجلي راجيك البكا الأكبر في فقدكم الجلل المريخ يوم أن يتوشح الخمسة من الدلافين ..
غايتو اليوم داك يا فدوى انا حا أردح ردحي في الدنيا دي!!
|
Post: #15
Title: Re: شكراً لاعبو الهلال زرعتم فينا فرحة طويلة الأمد..
Author: وليد محمد المبارك
Date: 10-01-2007, 09:21 AM
Parent: #14
ختيت يدي في راسك
وانت دنقرت لي راسك شوية
ثم
قعدت ابكي بدون دموع
اييييييييييييييي اييييييييييييييييييييييي
الليلة يا حشاي
الليلة يالهلال البكاي
الليلة يالما جبت كاس
الليلة يا ما رفعت راس
ايييييييييييييييييييييييييييي
مخخخخخخخخخخخخخخخخخخخخخخخت
بعد داك قشيت لي مخاته مزعومة في طرف جلابتي
سعيكم مشكور يا معلم
|
Post: #17
Title: Re: شكراً لاعبو الهلال زرعتم فينا فرحة طويلة الأمد..
Author: أبو عبيدة البصاص
Date: 10-01-2007, 09:32 AM
Parent: #15
.
.
.
Quote: ختيت يدي في راسك
وانت دنقرت لي راسك شوية
ثم
قعدت ابكي بدون دموع
اييييييييييييييي اييييييييييييييييييييييي
الليلة يا حشاي
الليلة يالهلال البكاي
الليلة يالما جبت كاس
الليلة يا ما رفعت راس
ايييييييييييييييييييييييييييي
مخخخخخخخخخخخخخخخخخخخخخخخت
بعد داك قشيت لي مخاته مزعومة في طرف جلابتي |
كدي يا الشفت حبه النعزي معاك الغالي في فقدو الرخيص
|
Post: #16
Title: Re: شكراً لاعبو الهلال زرعتم فينا فرحة طويلة الأمد..
Author: Ali Alameen
Date: 10-01-2007, 09:22 AM
Parent: #1
الاخ عمر الفاروق
عندما جلست لمتابعة مباراة الهلال و المجد السوري
لم اكن انتظر تاهل الهلال الى الدور التالي من البطولة العربية
و لكن كنت ارى الانتصار هو خروج الهلال من هذه المباراة التي لم يكن هناك من داع لها من دون اصابات
يا ترى هل سيكسب الهلال اذا انتصر بالثلاثة و اصيب قودوين او كلتشي او يوسف محمد
و ها نحن نعاني ما نعاني بسبب اصابة ريتشارد و المعز
النصر الحقيقي يجب ان يكون في مباراة النجم الساحلي
و رغم هذا لا انفي ان بعض الحزن قد اصابني
و تملكتني الكابة تماما هذا الصباح وانا اعاين مانشيتات الصحف الريضاية التي تتحدث عن حدوث خلافات
داخل كيان الهلال
لماذا لا ادري
اتفق معك ان ريكاردو قد ادار هذه المباراة جيدا
و لكن ابوبكر الشريف هو من خذل الهلال
و المشكله ان ابوبكر الشريف هو من سيحرس مرمى الهلال في مباراة النجم الساحلي
يا ريت يا ابوبكر لو بتخاف ركوب الطيارة كان ريحتنا
المشكلة انو الان في خلافات بين ريكاردو و ادراة الهلال
و هذه الخلالفات لا مبرر لها
هل يستطيع ريكاردو ان يصنع طبق بيض من دون بيض
نقطة الضعف في فريق الهلال لا تحتاج لكثير حصافة
نقطة ضعف الهلال هي ابوبكر الشريف
و مهند الطاهر
اتمنى ان لا يلعب ابوبكر في حراسة المرمى و حتى و لو قام بذل مدرب احمال الهلال
|
Post: #18
Title: Re: شكراً لاعبو الهلال زرعتم فينا فرحة طويلة الأمد..
Author: alsngaq
Date: 10-01-2007, 10:18 AM
Parent: #1
| Quote: لا تظلموا المدرب ريكاردو الذي كان بين مطرقة البطولة العربية وسندانة الإفريقية .. |
بس يا رب ادارة الهلال تفهم كدا
تعرف يا عمر قبل مباراة المجد السوري كنت ملاحظ نغمة كدا
ما عارف جايه من اي موبايل بتحاول تشكك فى مقدرات ريكاردو وبتقول
انو امكانياته اقل من المرحلة الجاية!!!!!!!!
واسي شايف النغمة دي صوتها اصبح عالي بعد مباراة المجد السوري ياخ الرجل
دا من قبل بداية الدورة قالها واضحة البطولة العربية دي بالنسبة لي عبارة
عن تمرين استثنائي يا ناس يا وهم استثنائي عارفين معنى استثنائي شنو يا جماعة
الواحد فينا صائم ووالله ما بتحمل وجع رأس.
ياخ والله العملو ريكاردو دا من اجل تصحيح عقلية وطريقة اداء لاعبي الهلال
جن كلكي ما يعملو ياخ السوداني النخبوي المثقف بطلع ....... اي خبير بحاول
يوصل ليهو مجرد فكرة. لمن لاعب كرة سودانية من وسط لا يختلف فى شئ عن وسط
العسكرية ومعلمينها .
ياخ الرجل عندو مشكلة اصابات وبدلاء(بديل عشان يفهم ويستوعب الريزم بتاع الفريق
يبيض بيك عديل) وقدامه ماتش غاية فى الاهمية سمي فاينل فى بطولة تعتبر
من اقوى بطولات العالم. دي والله معادلة الجهاز الفني لريال مدريد كله ما يوزنها
فعشان كدا
ريكاردو خلو فى حالو بليييز لانو مازال رجل المرحلة وبحجمها وقدر المسئولية
صهيوني للنخااااااااااااااااع
|
Post: #21
Title: Re: شكراً لاعبو الهلال زرعتم فينا فرحة طويلة الأمد..
Author: humida
Date: 10-01-2007, 10:26 AM
Parent: #18
( الحاج ) قال لي .. ( صاحبك دا مشى الحمام ولا شنو ) ..
قلت ليهو لا دا ( اتخارج ) .. مشى بيتهم يا ( حاج ) ..
قال لي بالله .. حتي ( السلام عليكم) ما قالها ..
هو ( هلالابي ) ولا شنو .. !!
|
Post: #19
Title: Re: شكراً لاعبو الهلال زرعتم فينا فرحة طويلة الأمد..
Author: فدوى الشريف
Date: 10-01-2007, 10:23 AM
Parent: #1
Quote: يا جماعة عن إذنكم ندّخل فدوى الشريف دي حوش النسوان ..
يا فدوى النسوان بهناك يبكن ويعزّن وإنتي تتفرجي لي في توب دي وغويشة دي وسلسل دي ؟
ما تستعجلي راجيك البكا الأكبر في فقدكم الجلل المريخ يوم أن يتوشح الخمسة من الدلافين ..
غايتو اليوم داك يا فدوى انا حا أردح ردحي في الدنيا دي!!
|
يا عمر امس انا في سعد قشرة ساعت الكورة اها لمن القون الاخر الدقائق جا انا كنت مع عمك الترزي الحرن وابا يديني حاجاتي والوقت اتأخر والراجل حضن ليك التربيزة ودنقر وانا اشيل واحنس فيهو وعاملة فيها هلالابية ، والراجل خلاص بقى مافي حاجة في راسو غير الغلبة ، واشيل واقول فرطنا في كورة هنا ودقسة وبتاع وكلو من ابوبكر الشريف وخالد النور ديل . (خالد النور دا منو؟  )
المهم بعد تحانيس شلنا حاجاتنا وطلعنا من السوق. والعجب منظر اولاد صغار كانو في بوكسي وشايلين اعلام الهلال النزلوها تحت ووشهم يا حليلهم.
والله حارة يا عمر ياخ. والغريبة يا عمر الفرق ناس سوريا وفلسطين ديل زمان زمن كنا كعبين بنغلبهم 4 و5
يا سامي هوي خلاص كفاك.
انت يا سامي هوبة دي مش في مسلسل كابتن ماجد؟ هوبة هوبة فريق المجد
وااااااااي اللهم اني صائمة
باقي فيصل نوبي داك نوايا ليهو
|
Post: #20
Title: Re: شكراً لاعبو الهلال زرعتم فينا فرحة طويلة الأمد..
Author: وليد محمد المبارك
Date: 10-01-2007, 10:24 AM
Parent: #19
يا جماعة رفعتوا الفراش ولا لسع
|
Post: #22
Title: Re: شكراً لاعبو الهلال زرعتم فينا فرحة طويلة الأمد..
Author: humida
Date: 10-01-2007, 10:55 AM
Parent: #20
والله يا عمر يا اخوي ..
انا قريت ( البوست ) دا تاني .. بتمعن ..
انبراشتك دي .. زكرتني انبراشة ( احمد حاشاي ) ..
ورغم كلامك المنغم .. ألا انها ( انبراشة مؤسسة ) ..
بعجبني جدا الزول لمن يجي ( مدردق ) ..
دقست يا ( معلم ) ..!!
|
Post: #24
Title: Re: شكراً لاعبو الهلال زرعتم فينا فرحة طويلة الأمد..
Author: abdulhalim altilib
Date: 10-01-2007, 11:15 AM
Parent: #22
عمر أخوي ،
هاردلك ، وزي ماقال ريكاردو
نعتبرها (المباراة) تمرين استثنائي
ونحنا عينا على النجم الساحلي
والكأس الما خمج (بلا بطولة عربية بلا عنتريات)
وفعلاً .. غلطة (الشريف) بعشرة .
والجايات (الأهم) أكتر من الرايحات (الفارغات) ؟!
ورغم ذلك نقول :
البركة فينا وفيكم في هذا المصاب الجلل وهذا الخروج المبكر ..
تخريمة :
أختي فدوى ..
تحياتي ورمضان كريم ،
و .. لا عزاء للسيدات (خاصة) لو كن مريخابيات !!
مودتي ،
( ليمو )
|
Post: #31
Title: Re: شكراً لاعبو الهلال زرعتم فينا فرحة طويلة الأمد..
Author: فيصل نوبي
Date: 10-02-2007, 07:54 AM
Parent: #19
إنتو صائمين ؟
فدوي
العيد متين
|
Post: #23
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 11:14 AM
Parent: #1
حميدة العارض:
طبعاً ده عنوان بوست انا جهزتو ونويت أنزلو لكن تاني لقيت أحسن لي الإنبراشة وإنت بفضى ليك بي رواقة ..
ياخ إنت زول عارض لممممممممممممممن غلط ..
المشكلة قلت حقو أجي أحضر معاك كورة المريخ ودولفين لكن إتزكرت إنو ممكن تكون من النوع العارض العكسي كمان ..
يعني ممكن عااااااادي أحضر معاك كورة المريخ ودولفين والمريخ يغلب تلاتة ..
عموماً أبشرك يا حبة وداعاً للعارض والحمد لله لقينا طريقة في ART وبطاقة جديدة ..
والله يستر صاحبك داك ما يكون عارض أكتر منك ..
تخريمة :
حسام أخوك ده شوفو ليهو طريقة يرجع في أقرب طيارة ..
عامل شايهو الكعب ده ..
|
Post: #25
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 11:21 AM
Parent: #1
الأخوان الفاتح والصادق:
شكراً ليكم يا أصيلين وهكذا هو جمهور الهلال الراقي وهذه هي الرسالة التي يجب أن تصل للحاقدين فليست هذه نهاية المطاف ..
والفورة مليون ..
الأخ سنجك :
عين العقل والله ..والعملو ريكاردو في الكورة السودانية خدمة طول عمرنا ما حا ننساها ويكفي بمجهوده ومجهود العجوز أتوفيستر وصل السودان لأمم أفريقيا ..
قال مازدا قال ..
هاك الليكزس دي..
|
Post: #26
Title: Re: شكراً لاعبو الهلال زرعتم فينا فرحة طويلة الأمد..
Author: سامى عبد الوهاب مكى
Date: 10-01-2007, 11:22 AM
Parent: #1
فدوى لا حرج في ذلك!!
نعم نعم نعم!
لكن
عاد هي ما جدعة
من خط التماس
تاني كيف ننسى
عاد هي ما جدعة
جدعتك ابداع
رمية امتاع
شوف ناس جوليط
لو يقول ابيت
عاد هي ما صلصة
لكن هي ما ملصة
|
Post: #27
Title: Re: شكراً لاعبو الهلال زرعتم فينا فرحة طويلة الأمد..
Author: عمر الفاروق
Date: 10-01-2007, 11:53 AM
Parent: #1
كلنا نحن عرفنا حقيقة ..
إنو الجودة شعار لي تييييييييييقا ..
عامل راسك المدوقس ده
|
Post: #28
Title: Re: شكراً لاعبو الهلال زرعتم فينا فرحة طويلة الأمد..
Author: سامى عبد الوهاب مكى
Date: 10-01-2007, 12:33 PM
Parent: #27
يا عمر شكلك كدا لابدلييييييييييييينا
الله يستر!!
|
Post: #29
Title: Re: شكراً لاعبو الهلال زرعتم فينا فرحة طويلة الأمد..
Author: humida
Date: 10-01-2007, 01:55 PM
Parent: #28
يازول انت صايم ..
هسع داير تطلعني ( عارض ) ..
والله أخير منك ( ابقوتة ) القال انا رجعت ( مريخابي ) ..
..
..
نسألك من الخير ..
الفرح المنثور .. وطويلة الأمد بتاعتك دي ..
في ذمتك حضرتهم وين ..
ما مع ( حميده العارض ) ..
وتقول لي احتمال يطلع ( عكسي ) ..
كدي ( فتش ) روحك .. واختانا في كورة ( النجم ) .. !!
|
Post: #30
Title: Re: شكراً لاعبو الهلال زرعتم فينا فرحة طويلة الأمد..
Author: abuguta
Date: 10-01-2007, 02:01 PM
Parent: #29
| Quote: والله أخير منك ( ابقوتة ) القال انا رجعت ( مريخابي ) .. |
حميدة هو زولك بالفصاحة دى ما عندو كرت
والله انا جنس خسارات خليها على الله
اسى نشوف ناس المريخ ديل لو عوضونا بكون احسن
والا بترك الكرة بالمرة
او بشجع فريق سعودى وراه امير ماكن
|
Post: #32
Title: Re: شكراً لاعبو الهلال زرعتم فينا فرحة طويلة الأمد..
Author: Mohamed Abdelmotalib Hassan
Date: 10-02-2007, 08:01 AM
Parent: #30
Quote: في نهاية المطاف بالوصول لمربع الكبار على أمل الوصول للنهائي إن شاء الله والفوز بالكأس..
|
لا لا لا ..
دي غايتو قلبت فيها ( هووووبا) أدييييل كده!!!!
الغريبة مافي أي كلام عن حكم مرتشي والهوبا دي ما قانونية وباقي الحنك العاضي داك؟؟
وما بتختلف!!!
|
Post: #33
Title: Re: شكراً لاعبو الهلال زرعتم فينا فرحة طويلة الأمد..
Author: ابو عثمان
Date: 10-02-2007, 08:38 AM
Parent: #1
يا ود الفاروق ما تنعل الشيطان وترجع للمريخ وتخلي المكاجره
عاجل
قناة أرتي تعيد مباراة الهلال والمجد علي قناة الاطفال بدلا" عن فيلم الكرتون كابتن مـــــــاجد
|
Post: #34
Title: Re: شكراً لاعبو الهلال زرعتم فينا فرحة طويلة الأمد..
Author: نادر محمد الراضي
Date: 10-02-2007, 09:12 AM
Parent: #33
جبر الله كسركم ... وألهمك وتاج السر وبقية العقد الفريد ...
الصبر والسلواااااااااان ... وانا عندي إقتراح ...
أرجو أن يظا هذا الصيوان مدقوق لما بعد كورة النجم يوم الأحد ...
عشان ما تتعبوا العمال وتخلوهم يركبوا الصيوان من جديد ...
|
Post: #36
Title: Re: شكراً لاعبو الهلال زرعتم فينا فرحة طويلة الأمد..
Author: abas
Date: 10-02-2007, 09:23 AM
Parent: #34
نادر
هااااااك دي
لم يتمكن المريخ في اي مشاركة له من تخطي الدور الاول.
* كل حصاده من النقاط «17» في واحد وثلاثين مباراة.
* حقق المريخ 4 إنتصارات فقط من خلال مسيرته العربية
* سجل «24» هدفا فقط مقابل «55» هدفا دخلت عليه بالساحق والماحق
* الهزيمة من الهلال السعودي بنتيجة 5/صفر.
* الهزيمة من اتحاد اب اليمني 5/6 (للعلم دي ما بي ضربات الجزاء)
* خسر نصر حسين داى الجزائرى 2/صفر في أستاده بأم درمان
عرفة انو جماعتكم فرحانيين ليه
يلا فكونا برا مريخ برا خر........
|
Post: #35
Title: Re: شكراً لاعبو الهلال زرعتم فينا فرحة طويلة الأمد..
Author: فدوى الشريف
Date: 10-02-2007, 09:22 AM
Parent: #1
يا نادر
هوووووووووبة ااااااااه
دا شنو دا؟ قون؟
|
|