Post: #1
Title: لقد حان الوقت على رحيل ريكاردو غير مؤسفا عليه!
Author: bob
Date: 09-30-2007, 10:53 PM
بنجى بكره ونقرا فى الجرايد ..الهلال لم تكن لديه رغبة من
الوهلة الاوله فى اللعب فى دورى ابطال العرب!!
بس الفريق كان محتاج قروش قلنا ناخده (ونخرج من الدورى الاول)
لا انو لدينا بطوله ابطال افريقيا وهى الاهم!!
وسياتى غدا ريكاردو ارضية الملعب كانت سيئه!!
وفى الحته دى بالذات بتفق معا مزمل ابو القاسم
عندما قال اظن وان بعد الظن اثم بان ريكاردو قد عمل
فى مصلحة الاراضى من قبل!!
المشكلة ليست فى الهزيمه ...المشكلة فى الفريق الذى الحق بك الهزيمه!!!
ليس لديه اى تاريخ كروى يذكر !!!
ومازال ريكاردو يسيطر على وحدة القرار فى الهلال وبكرى عبد الجليل ضنبا ليس الا وفوزى المرضى يسافر واجى معا الفريق!!!!
وهذا هى مشكلة الرياضيه فى السودان لمن اصل مدرب بفريقه الى مراحل متقدمة
ويجد التقدير والحب والثناء من الجماهير والشعب( والسودانيين فى الحب عبطاء وثقيللين)
مما اعطى احساسا الى ريكاردو بان هناك اناسا يصلون له من كثرة حبهم لــه!!
اين بــدلاء الفريق ..مدرب لا يشرك بدلاء والفريق يلعب بدون بدلاء وان
كان البدلاء يرافقون الفريق فى كل رحلاته ولا يشاركون ..ما كان من الافضل تركهم فى السودان وتوفير قيمة تذاكرهم فى شى احسن واجدى الى الفريق مقدما!!
لقد اثبت ريكاردو بما لا داعى للشك بانه مدرب جبان ..واثبت بانه مدرب ذو اتجاه واحد
وليس بالعوده انشاء الله
ونجى وحانشوف لو اتغلب الفريق من النجم
ريكاردو حيجى ويقول ..الارضيه كانت ماكويسه
وحقيقه هو بقول حكاية الارضيه دى قبل المباراة
عشان اغطى ضهروا ..لذلك ارجو من القائمين على مصلحة
الاراضى السودانية بتعيين مهندس اراضى متخصص
فى الملاعب الرياضية بمرافقة بعثة الهلال حيثما حلت
لنتاكد ما اداءعت ريكاردو الذى يعشق الارضيات الغير مستويه!!
صالح عبد الله, جوليت,عبدالمنعم يوسف,سبت قرنق,طارق مختار
الناس دى وين ياخى ديل سجلوهم عشان القطوا الكوره من وراء العراضه!!!!
بغض النظر عن الفريق افوز ولا اتهزم مثل دورات العرب دى افضل فرصه
لهؤلاء للاعادتهم للاجواء المباريات التنافسيه من جديد!!!
غاب ريتشارد او المعــز الفريق ضهروا اتقسم!!
والمحير اجيك واحد ذى فوزى المرضى اوريكاردو ويقول
ليك الفريق لايتاثر بغياب اى لاعب !!!(هو الله ده شافوا باللعين ولا عرفوا بالعقل)
والف مبروك يا مجد
|
Post: #2
Title: Re: لقد حان الوقت على رحيل ريكاردو غير مؤسفا عليه!
Author: hatim ibrahim
Date: 09-30-2007, 11:10 PM
Parent: #1
..
يا زول امش ألعب مع عصافيرك البتنطط دي
انت مالك ومال الهلال ...
|
Post: #3
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 09-30-2007, 11:16 PM
Parent: #2
Quote: يا زول امش ألعب مع عصافيرك البتنطط دي
انت مالك ومال الهلال ... |
شكرا على المرور
|
Post: #4
Title: Re: لقد حان الوقت على رحيل ريكاردو غير مؤسفا عليه!
Author: رقم صفر
Date: 09-30-2007, 11:51 PM
Parent: #3
كلامك صاح يابوب ، اين بدلاء الهلال ....
|
Post: #7
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-01-2007, 03:31 AM
Parent: #4
رقم صفر
وانا بدروى باسال يا رقم صفر!!
اين هم!!
|
Post: #5
Title: Re: لقد حان الوقت على رحيل ريكاردو غير مؤسفا عليه!
Author: صديق الموج
Date: 10-01-2007, 01:04 AM
Parent: #1
هاكم الشاورما دى!!!!
المحلى داخل عطبرة..
متين الهلال ده بيض وش زول؟؟
|
Post: #6
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-01-2007, 03:29 AM
Parent: #5
| Quote: متين الهلال ده بيض وش زول؟؟ |
هسى انتا متاكد يا عمنا
انك صايم رمضان!!
|
Post: #8
Title: Re: لقد حان الوقت على رحيل ريكاردو غير مؤسفا عليه!
Author: نيازي عبدالله مرحوم احمد
Date: 10-01-2007, 08:45 AM
Parent: #6
تحياتي طيبات
زي ما قال واحد هلالابي انو ريكاردو دا ماشه معاهو طحنيه اي كل الظروف كانت مواتيه لتحقيق الانتصارات السابقه
ظللت اردد وانا مقتنع بان ريكاردو استلم تيم جاهز(التيم الذي اعده الحيدوسي) ولم يضف اي جديد يذكر وظلت طريقته 4 4 2 ثابته في كل المباريات ....علما بان هناك مباريات كانت تستوجب لعب بطريقه مغايرة ومفتوحة لاحداث التغيير الايجابي....مثلا مبارة الترجي الثانية لعب بذات الخطه وهو ضامن للتاهل مما كان يجنبه ملاقة النجم الساحلي ولا غبار في ذلك فكل الفرق تحاول ان تتجنب الفرق ذات الوزن الثقيل اضف الي ذلك ان ريكاردو اعتمد علي تشكيلة ثابته ولم يجهز بدلاء...اضف الي تغيراته الغير مبرر منطقيا
مباراة الهلال والنجم الساحلي اذا عمل ريكاردو علي التعادل حتما سيخسر او بذات خطته فلن ينجح من المفروض ان يعمل علي احراز هدف مع توازن دفاعي لان اللعب المفتوح في مباريات مع فريق مثل النجم له خطورته
|
Post: #9
Title: Re: لقد حان الوقت على رحيل ريكاردو غير مؤسفا عليه!
Author: شول اشوانق دينق
Date: 10-01-2007, 09:13 AM
Parent: #1
بوب رمضان كريم
بصراحة ما قلت إلا الحقيقة.
ريكاردو ما عارف مخزن إحتياطي الهلال لمتين؟؟؟
وبعدين مسالة غياب ريتشارد والمعز ده لو ماشفو ليهو حل ... أكيد ح تكون مصيبة في المباراة الاهم (الهلال والنجم الساحلي).
الهلال بشكله الحالي ما مطمئن خصوصاً ونحن داخلين علي مباراة مصيرية.
نشوف الحيحصل شنو يا بوب.
شول اشوانق
|
Post: #15
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:14 AM
Parent: #9
اشوال
التحايا
Quote: بصراحة ما قلت إلا الحقيقة.
ريكاردو ما عارف مخزن إحتياطي الهلال لمتين؟؟؟
وبعدين مسالة غياب ريتشارد والمعز ده لو ماشفو ليهو حل ... أكيد ح تكون مصيبة في المباراة الاهم (الهلال والنجم الساحلي).
الهلال بشكله الحالي ما مطمئن خصوصاً ونحن داخلين علي مباراة مصيرية.
نشوف الحيحصل شنو يا بوب.
شول اشوانق
|
وده الكلام البنكلم فيهو لينا مده
وين البدلاء ..والله الزول ده عقدنا عديل كدا
فريق بلعب بلاعبين معينين فى كل مباراه..
ولا يستطيع المدرب اشارك البدلاء ..طيب السؤال البطرح نفسو
الناس ديل سجناهم عشان ندمر مستقبلم الكورى..ليس الا!!
ما كان من الافضل تركهم لى اى فريق اخر ليستفيد منهم!!
وبتفق معاك ونحنا ندخلين على مباراة مصيرية واذا كان هذا هو
مستونا فعلينا الانسحاب منها وحفظ ما الوجه ...احسن من نهبل نفسنا
بعد سجل الانتصارات الحافل مؤخرا.
ريكاردو مدرب جبان او بمعنى اخر لايثق فى مقدرات لعيبته بتاتا
ريكاردو مدرب لينظر الى المستقبل بل ينظر الى المباراة وفى نطقاقه الزمنى فقط
بس ربنا اجيب العواقب سليمه
|
Post: #10
Title: Re: لقد حان الوقت على رحيل ريكاردو غير مؤسفا عليه!
Author: أبو عبيدة البصاص
Date: 10-01-2007, 09:20 AM
Parent: #1
والله ابوبكر بتاع امبارح ده في سوق البطيخ ما ينفع
ولا رايك شنو يا تاج السر
هوبه وملعوبه
مدخل للخروج:
اين البدلاء..
شفتو سعيد السعودي كيف
|
Post: #11
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-01-2007, 05:54 PM
Parent: #10
***+
|
Post: #12
Title: Re: لقد حان الوقت على رحيل ريكاردو غير مؤسفا عليه!
Author: معتز تروتسكى
Date: 10-01-2007, 07:15 PM
Parent: #11
Quote: يا زول امش ألعب مع عصافيرك البتنطط دي
انت مالك ومال الهلال ... |
+
Quote: هاكم الشاورما دى!!!!
المحلى داخل عطبرة..
متين الهلال ده بيض وش زول؟؟ |
+
Quote: والله ابوبكر بتاع امبارح ده في سوق البطيخ ما ينفع
ولا رايك شنو يا تاج السر
هوبه وملعوبه
مدخل للخروج:
اين البدلاء..
شفتو سعيد السعودي كيف |
+
معلمين الشاورما والمشوي يقطعون الهلال ويحشون شباكه بالاهداف
=
زكريا زكريا المجد السوري كيف؟!
ولا اقول ليك
زكريا زكريا النجم الساحلي حيكون كيف؟!
حبيبي بوب وحاتك شوقي ليك اشتقت ليك اجضمك يالصبي ، غايتو انا من امس الضحك فاقعنى ، لكن ماتشيل هم اليوم عليك وبكرة عليهم اصلو انا شغال بنظام فرق تسد [محسوبك موردابي]...
بالله اخبارك وصحتك ياولد ، اها قاعد تتغطى كويس وتشرب اللبن وتنوم بدرى ومن المدرسة بترجع عديل على البيت مابتلف جاي ولا جاي وماقاعد تشاكل الاولاد في الشارع ؟!
شوف لعيبتنا
دي الشينه كورتنا
الخمسه ماركتنا ياعوض دكام
شوفو ناس كاكا وشوفو ناس بيكهام
كلام في كلام ياعوض دكام
**
شوف درامتنا
دي الشينه شاشتنا
السينما غلبتنا ياعوض دكام
شوفو ناس كايرو شوفو ناس الشام
كلام في كلام ياعوض دكام
* وركز على ناس الشام ديل لمن يجى دور التونسية..
وكلام ياعوض دكام..
واشتقت ليك اجضمت...
|
Post: #16
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:16 AM
Parent: #12
معتز الصينى
رمضان كريم
بجيك برواقه يا الصبى
|
Post: #13
Title: Re: لقد حان الوقت على رحيل ريكاردو غير مؤسفا عليه!
Author: صديق الموج
Date: 10-01-2007, 08:58 PM
Parent: #1
Quote: Quote: متين الهلال ده بيض وش زول؟؟
هسى انتا متاكد يا عمنا
انك صايم رمضان!! |
بوب ما انا براى وحاتك صايمين انا والهلال
انا عن شهوتى البطن والفرج والهلال عن عن الاهداف
هاك الشاورما دى،،،
|
Post: #14
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:08 AM
Parent: #13
Quote: بوب ما انا براى وحاتك صايمين انا والهلال
انا عن شهوتى البطن والفرج والهلال عن عن الاهداف
هاك الشاورما دى،،، |
والله ياخال الشاورمه دى الناس ديل
ما عارفو اعلقوهوا فى المكنه
صاح...لكن تقول شنو ما متعودين على
الشاورمه ..ناس ويكه بــس!!
قالوا شاورمتكم ريحته طاقه من
نجيريا...شاورمه الدولفين طاعمه!!
|
Post: #17
Title: Re: لقد حان الوقت على رحيل ريكاردو غير مؤسفا عليه!
Author: محمد سنى دفع الله
Date: 10-02-2007, 06:21 AM
Parent: #14
لالالالالالالالالا
والف لالالالا
لااتفق معك لالا
ريكاردو من صنع هذا الفريق
وريكاردو له بدلاء سوف يظهروا للنور قريبا
الهزيمة ليست عيبا واعرف هذه الهزيمة
الأولى بعد كم وستين مباراة
لالالالالا
اتفق مع اي كائن ضد ريكاردو
وبلاش لعب الشفع بتاع كل يوم
مدرب !!
لالالالالالالا
|
Post: #23
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 04:56 PM
Parent: #17
استــاذنا السنى
رمضان كريم
Quote: لالالالالالالالالا
والف لالالالا
لااتفق معك لالا
ريكاردو من صنع هذا الفريق
وريكاردو له بدلاء سوف يظهروا للنور قريبا
الهزيمة ليست عيبا واعرف هذه الهزيمة
الأولى بعد كم وستين مباراة
لالالالالا
اتفق مع اي كائن ضد ريكاردو
وبلاش لعب الشفع بتاع كل يوم
مدرب !!
لالالالالالالا |
الواحد ما عايز اكون جاحد ..ومافى اى احد يستطيع ان ينكر دور ريكاردو
فى صنع فريقى مثالى...بس هناك اشياء فى وجهة نظرى وراى لا بد ان تكون
وهى مساءلة البدلاء ..يعنى ما ممكن الخباز اخت العيش فى الخماره سنة
وبعد ده تقول عيشى ما عندو عوجه بس راجيه اخمر زياده!!!!
وحكاية عدم استقرار المدربيين دى ما عايزنها عايزين الاستقرار
والاستقرار هو الطريق للنجاح والبطولات المنشوده!!
|
Post: #18
Title: Re: لقد حان الوقت على رحيل ريكاردو غير مؤسفا عليه!
Author: عمر الفاروق
Date: 10-02-2007, 07:17 AM
Parent: #1
يا بوب:
رمضان كريم..
يا اخوي إنت عايز تتكلم والسلام ؟
بدلاء شنو العايزين تتكلموا عنهم؟
ريكاردو لعب مباراة أمبدة في كاس السودان بالبدلاء ولو راعية الله كان أمبدة غلبتنا قبل سوريا..
ويومها إنتهت المباراة 3-3 وبي الحركرك فزنا بضربات الجزاء ومن يومها والجمهور محرّم على ريكاردو يلعب بالبدلاء..
مرات كده يا الجمهور عندكم فصاحة ونكران جميل تحيّر..
قلتو ليهو لعّب عمار مرق لعبو ليكم فكّ الحبة في كورة الأهلي كوركتو ..
قلتو ليهو ألعب بي طريقة هجومية والهلال فريق عالمي بقا يلعب ليكم بي 4-4-2 كوركتو..
فاز ليكم على الأهلي المصري قلتو ده صلاح إدريس..
وصل بيكم دوري الكبار قلتو ده هيثم مصطفى ..
منذ إستلامه للفريق لم يهزم محلياً في الدوري الممتاز إلا مرة واحدة قلتو ده الحيدوثي!!
وللمعلومية لو كان هناك فضل في بناء فريق فهو ليس الحيدوثي بل هو المدرب مصطفى يونس (لو كنت متابع طبعاً)..
|
Post: #19
Title: Re: لقد حان الوقت على رحيل ريكاردو غير مؤسفا عليه!
Author: maawia dawood
Date: 10-02-2007, 08:06 AM
Parent: #18
يا جماعة الخير
السلام عليكم
ورمضان كريم
نحن ما ندفن راسنا في الرمال السودان ما فيه كورة ابدا
بس الهم دي الظروف وضعت الثلاثة مع فرق ضعيفة الفريق القومي الهلال و المريخ
كلهم فيران ميتة فللنظر لنتائج هذه الفرق خارجيا نجدها صفرا بدون ان نحسب انتصار
المريخ علي البحرين التي كلها لم تتجاوز مليون نسمه مع العلم ان مجلس ادارة المريخ
والمطبلين للوالي اكثر من مليون
يا اخوانا فوقوا من الغفوة دي نحن بعدين من اللعب التنافسي مع الكبار
نحن لسع مستوانا رابعة
والدليل الاعلام الرياضي ليس له وعي كافي لمجابهة الحاصل
وان شاء الله الفريق القومي يحقق نتائج طيبة في غانا
|
Post: #20
Title: Re: لقد حان الوقت على رحيل ريكاردو غير مؤسفا عليه!
Author: معتز تروتسكى
Date: 10-02-2007, 01:44 PM
Parent: #19
النقر ازيك....
في شمــــــــبات سماحة ...
دي مستشفى البراحة...
دي الجات داوت جراحه..
من العين اللماحة ...
عين الصبي ...
اها تجي ولا نجي...
|
Post: #21
Title: Re: لقد حان الوقت على رحيل ريكاردو غير مؤسفا عليه!
Author: abuguta
Date: 10-02-2007, 02:01 PM
Parent: #20
يادكتور ياصينى
بقيت رياضينى
وكنت مابنعرف
بين ايتو ومالدينى
تحياتى لبوب
|
Post: #22
Title: Re: لقد حان الوقت على رحيل ريكاردو غير مؤسفا عليه!
Author: معتز تروتسكى
Date: 10-02-2007, 02:13 PM
Parent: #21
abuguta
ياصديقي ،
بين ايتو ومالدينى
عليك نور عرفته لي عرفه ، بس قرض على مالدينى ده
بعدين لا كورة ولا يحزنون بس ناس بوب ديل وبعض الهلالاب لينا معاهم مواقف عشان كده بتحين الفرص ...
ماقلنا ليكم نحن مورداب وبنشجع اللعبة مع هذين الخمصين اللدودين..
اصبر ليها شوية بكرة بتلف على ناس راكوبة وحسين واساسي الحاقد وتشوف . ..
التحية لبوب اطنان هو بوب ده هين ولا لين .. .
بوب غايتو قادر اتخيل حالتك يالنقر ..
ايام لها ايقاع. .
|
Post: #27
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:56 PM
Parent: #22
Quote: التحية لبوب اطنان هو بوب ده هين ولا لين .. .
بوب غايتو قادر اتخيل حالتك يالنقر ..
ايام لها ايقاع. . |
لا هين ولا لين يا دكتورنا!!
حالتى خليها ساى يا معتز غبشه غبوشيه!!
وكمان معا الغبش ديل خليها ساى بفطرونا فى رمضان يوم
بس الحمد الله رمضان قرب ورمضان الجاى
بكون بشجع هلال مدريد
ايام لها نغمة ...وربنا اجمع بس!!
انتا قلتعه انك لعبة درجه اوله فى ياتو فريق!!
يعنى الفكره لسه فى!!
|
Post: #26
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:49 PM
Parent: #21
ابوقوته
رمضان كريم ياخى!!
Quote: يادكتور ياصينى
بقيت رياضينى
وكنت مابنعرف
بين ايتو ومالدينى
|
كدى اسالوا يا ابقوته قليهو البلنتى بشوتوهوا
كيف!! لو ماقال ليك بالهيد
ايتو ده لو سالتو منو بقول ليك دى ماركة حقــن
|
Post: #25
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:36 PM
Parent: #20
يا معتز بشير
رمضان كريم وتصوم وتفطر على خير لو اصلا صايم!!
حيرتنى زاتى لمن جيتنى هنا!! شككتنى فى نفسى قلته يا ربى ان كاتب بوست سياسى!!
ياحليلك انتا!! شايفك بقيت معا الخونه و المارقين وكمان لابس شعارهم
وتجى تقول لى موردابى يا راجل الدنيا رمضان انتو صومكم صوم بطن بس!!
نجى انحنا قلنا طالما الجيه بقت ليكم صعبه!!!
شوف الهلال يا معتز بشجعوا من قمته والغريبه بيتنا كلوا خونه وماارقين (حمر)
فقلته ليهم اوريكم حاجه طالما كدا ده طرفى منكم..
المهم يا زول جات فتره طويله قريبة العشره سنين طلقه ليك حاجه اسمه كوره سودانيه بصوره عامة
لو لقيته فى الراادى بقفلوا فى التلفزيون بغير القناه كدا..المهم قريب دا شفته ليك الهلال
راجع انور وجه اى سودانى ذى ما كان ومفخره لجميع السودانيين وبلعب معا الابطال ناس ايك والاهلى المصراوى والترجى والنجم وعييك وكمان بغلب بالاتنبببن والتلاته!!
وهسى فاتحين خشومنا على الكاس بس ولاغيره!!
اها لمن تكون متهى نفسيا انك تمشى تغلب فى تونس وتمشى سوريا ..القيك فريق ذى بتاع ام ضريوه
ولا شلعوها الخوالده اغلبك وانتا فريق كبير وتاريخ ومحترفين والمدرب من محل الكوره كان برسموموها
!!!
ده اخرى البطوله هنا البطوله الافريقيه دى الناس ديل شالوها ما عناته ما خيب ظننا فيهو!!
ما جابوها وكمان اتغلبوا فى تونس ...والله حقول طوالى كفى المؤمنين شر الضغط والسكرى
وضيع الزمن فى النت عشان تقرا اخبارهم ..ما قصرتوا يا شباب!!
عايزين نفرح ياخى ..ما عايزين غلبه غلبيتن تلاته وبعد داك نجى نقول وصلنا النهائى
ونهائى بدون كاس ده زاتو اخير منو كان الطلوع من الدور الاول !!
وحياة رمضان ده ان مقتنع انو فى السودان مافى كوره ما تقول بعد المنتخب اتاهل ولا الهلال والمريخ
بقوا احققوا نتائج كويسه ..مشكلة الكوره السودانية فى العقليه البتفكر وبتضع القوانيين وبتعمل على تنفيذه ..وتطويره وتطوير اللعبه ...ومافى كوره حتكون فى السودان من غير فرق الولايات كلها ابقى ليها وجود..ومنافسة قوية بينهم ذى الهلال والمريخ وهو ده الاحتكار المضيع الكوره!!
اها انتا لسه مصر انك موردابى !!! اطلع من بيت الظار بتاعك ده عليك دينك
وتعال بنوريك الفكى وين بعداك
|
Post: #28
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 06:00 PM
Parent: #19
معاويه
رمضان كريم
Quote: السلام عليكم
ورمضان كريم
نحن ما ندفن راسنا في الرمال السودان ما فيه كورة ابدا
بس الهم دي الظروف وضعت الثلاثة مع فرق ضعيفة الفريق القومي الهلال و المريخ
كلهم فيران ميتة فللنظر لنتائج هذه الفرق خارجيا نجدها صفرا بدون ان نحسب انتصار
المريخ علي البحرين التي كلها لم تتجاوز مليون نسمه مع العلم ان مجلس ادارة المريخ
والمطبلين للوالي اكثر من مليون
يا اخوانا فوقوا من الغفوة دي نحن بعدين من اللعب التنافسي مع الكبار
نحن لسع مستوانا رابعة
والدليل الاعلام الرياضي ليس له وعي كافي لمجابهة الحاصل
وان شاء الله الفريق القومي يحقق نتائج طيبة في غانا |
لا اضافة غير تمنايتنا القلبيه للفريق القومى
بالتشريف المشرف ..وحسن تمثيل السودان
|
Post: #24
Title: Re: لقد حان الوقت على رحيل ريكاردو غير مؤسفا عليه!
Author: bob
Date: 10-02-2007, 05:14 PM
Parent: #18
الفاروق
رمضان كريم ياخى
Quote: يا بوب:
رمضان كريم..
يا اخوي إنت عايز تتكلم والسلام ؟
بدلاء شنو العايزين تتكلموا عنهم؟
ريكاردو لعب مباراة أمبدة في كاس السودان بالبدلاء ولو راعية الله كان أمبدة غلبتنا قبل سوريا..
ويومها إنتهت المباراة 3-3 وبي الحركرك فزنا بضربات الجزاء ومن يومها والجمهور محرّم على ريكاردو يلعب بالبدلاء..
مرات كده يا الجمهور عندكم فصاحة ونكران جميل تحيّر..
قلتو ليهو لعّب عمار مرق لعبو ليكم فكّ الحبة في كورة الأهلي كوركتو ..
قلتو ليهو ألعب بي طريقة هجومية والهلال فريق عالمي بقا يلعب ليكم بي 4-4-2 كوركتو..
فاز ليكم على الأهلي المصري قلتو ده صلاح إدريس..
وصل بيكم دوري الكبار قلتو ده هيثم مصطفى ..
منذ إستلامه للفريق لم يهزم محلياً في الدوري الممتاز إلا مرة واحدة قلتو ده الحيدوثي!!
وللمعلومية لو كان هناك فضل في بناء فريق فهو ليس الحيدوثي بل هو المدرب مصطفى يونس (لو كنت متابع طبعاً).. |
شوف ياعمر يعنى انا لمن زكرته كلمة بدلاء دى ماقلته اشيلوا الاحتياطى كلوا وادخلوهوا جوا الميدان وايطلعوا الاساسين بره الميدان ...لا ما كدا ياحبيب!!
البدلاء البتكلم عنهم اليوم اللعيبة البغطوا ضهر فى الفريق فى حالة اى ظرف حصل كما حصل الان
ريشتارد اتعوق جوليت وين خلينا من مرق داك موضوعوا منتهى يعنى فى داعى الزول اركب راسوا وايقول
علاء الدين جبريل وداريــو ...وفى حالة عندك البديل الجاهز البغطى الحته دى!!
وذى ماقلته الواحد ما بنكر دور ريكاردو فى بناء فريق لا يشق له غبار ..وانما بناء فريق من 11 لاعب فقط منذ ما جاء الى الهلال عكس اتوفيستر وانتا عاين وحتشوف الفرق وبالتاكد انتا عارف!!
ما تقول الناس هى الى ضغطت على ريكاردو انو اغير طريقة اللعب الى 4-4-2 وهى دى اصلا طريقىة المدرسة البرازيليه والكوره الحديثة!!!!
كورة امبده ايو حقيقة كوره البدلاء لعبوها وغلبوا بالدعوات الصلاحات لو ما ربنا ستر !!
لكن نحن بنقول امبده وانتا قايل فريق امبده ده ساهل ولا شنو وحياة الله الناس لو لقوا امكانيات ودعم ماتقول لى هلال ولا مريخ ولا مورده ديل الا اركبوا ركشات تانى!!
ريكاردو مدرب قدير مافيهو كلام...بس غلطاته غبيه معا انو هو الوحيد المسيطر فى القرار الفنى داخل الميدان لو كان بكرى عندو راى ممكن نقول ده راى بكرى عبد الجليل ودى غلطتوا ...على حساب انو الخواجه دايما اشطر!! بس الزو ده براهو !
يا الفاروق الغلب ما عيب ابدا ..ولكن عندما تتهزم من فريق ليس لديه تاريخ كروى بالمره واغلب فريق فيه ما لايقل عن اربعة لاعيبه محترفه
طاقم فنى متكامل برازيلى ...يعنى ذى البرازيل لمن تتغلب ام ضريوه
طيب ورونا المشكله وين مدرب عنيد ولا اداره عشوائيه..وهى التى تاثر سلبا على الاعيبه والمدرب !!!
|
Post: #29
Title: Re: لقد حان الوقت على رحيل ريكاردو غير مؤسفا عليه!
Author: معتز تروتسكى
Date: 10-06-2007, 03:32 PM
Parent: #24
الليلة يوم الرجال...
السبت الساعة 22:30 م..
|
|