يا زول أقيف: قول البلنتي لمسة كتف أو ما كتف......... طعم البطولة بيختلف ............وما بنختلف!

يا زول أقيف
نبدأ الحكاية من الألف
قول البلنتي كان لمسة كتف أو ما كتف
ايه يعني لو لمسة كتف؟؟
أصلو المقامات تختلف
أصلو الكتف ما زي كتف
نحن السقف
نحن الجرف
نحن الحرف
نحن الولف
نحن الألف

مالو لو لمسة كتف؟
خليك بعيد أوعك تلف
طعم البطولة بيختلف
زي لستكا حاضن البلف
مالو لو جاريتنا في سك بطولة وتنكشف؟
أصلو المقامات بتختلف
لو قمت تتجاري وتخف
وباريت الزعيم المحترف:
راسك يلف
وعرقك يجف
وعينك ترف
وبمزاااااج للتربة تعرف كيف تسف!!

نحن بينا والبطولات حق الولف
يا زول أقيف
وين الجزائر والشلف؟؟
طعم البطولة بيختلف
وطعم النجاح ماتستلف

الكاس خلاص أصبح أزف
الجرسة ليه يا زول أقيف؟
نحن الشرف نحن الشريف

نمر الفنايل تختلف
لون السبايب يختلف
كندورة كان ثعلب يلف
عامل حريف
برضو الحكاية بتتكشف
موقف سخيف
القصة مازي صف رغيف
يا زول أقيف
تاني بتقول لمسة كتف؟

أبعد بعيد يا زول ولف
أحضن هزايمك زي بلف
أوعك تسف
أوعك تخف
شمبر بطولة أو بلوف
الناس خلاص وصلت خلاص حد الخرف
وبرضو بنقول ليك يا رهيب :
ما بنختلف

ما نديلا عارف يا خفيف
ودبي كمان فسحة رصيف
كاسا دهب ما كاس صفيح
طعم النجاح ما زي فسيخ
أها يا فصيح
جقلب وصيح
في سوسة ما أظن تستريح
التونسية أم مقعد فسيح
ترميك تطيح
واحد صحيح
مسمار نصيح
حتخلي بعض الناس تصيح
ات ما نصيح؟؟
صفا واستريح
أنسي النساك وأرجع نصيح

نحن حددنا الهدف وتاني ما ممكن نقيف

اسمع كلام زولا فصيح:
نحن الدهب
انتو الصفيح
نحن الحلو
انتو المسيخ
نحن الزلال
انتو الفسيخ
نحن البطل
انتو الوصيف
نحن الشباب
انتو الكسيح
نحن الأمل
انتو الوحيح
نحن العمل
انتو الرديح

يا زول أقيف
جر الشخيط وأبعد بعيد
واوعك تقول لمسة كتف تاني وتعيد
تاني بتعيد؟؟
ما أظن تعيد
أوعك تعيد
أوعك تعيد

يا ريتا لو لمسة كتف..
ما إظنو كنا حا نختلف..
نبدا الحكاية من الألف؟
كومركم العجب إنبرش..
ما الزول كبير ودّر خِرِف..
لمن خلاص غلبو اللعب..
بقا زي سمسار يدوّر يلف..
حكم الهنا قال ليو أقع ..
وأكيد أكيد ما بنختلف...
ما الوالي مسّاح الشنوب..
عوّدنا ديمة على الصرِِف..
وعشانو تكرم ألف عين ..
حتّى الطرد كان (لاعبين) ..
والضربة عدّتها مرّتين ..
انا لي عليكم (حق) ولِف..
وروني كيفن نختلف..؟
وسمعتو بي قصص(الحمام)؟
قالوا الحمام لاقا الحمام..
مريخ قطن ..مريخ شلف..
وين ناس ترجي وناس أسيك..؟
أهلي وزمالك مختلف ..
والله جد الزول قِرِف..
من ناس شلف من ناس علف ..
وهلالنا ده سيد البلد ..
بيهو كورتنا بتتعرف..
ومريخكم إنتهى من زمان ..
غنّايو مات جيلو الخِرِف..
وبرضو تقول لي نختلف؟

ما أظن كلامك يتعرف
مريخنا يا زول
من زماااان شال الكؤؤس بس من طرف
وروونا وين كاساتكم الما بتتعرف!!
ولسه شابك في كتف وما في كتف؟؟
حكاية والله وتحير للألف
انساها سيرة وابدا يادوب من ألف
العجب العحيب في كل كورة
بلا جدال جايب هدف لمممممممن قرف
أرجي تونس يا زميل وأبدا الحكاية من الألف
خليهو راسك مستعد أوعي ما يلف
كانت سخنت وجابو الهدف :أوعك تسف
مريحنا دوخ للدروايش وأبي ينبرش
الكاس وصل حد العتب وقرب كمن يصل السقف
تاني بتقول قول الكتف
كتفية يا زول بالتقيل
لمن تقول انا بعترف
اسكت خلاص انساها سيرة وانكرب
ارجا الرجاك وقبل علي سوسة ديك
يمكن يكون يوم مختلف
برضو بتقول لي كتف وما كتف؟؟

تاني حتقول لي قرش؟
يا زول أمش....
أوعي القبور أوعي الفقش
ده كلام بعيد ما بتقرش
أبعد بعيد لا تنهرش

خت القرش فوق للقرش:
ردد صلاتك فوق برش:
جافي المنام وأطوي الفرش:
السوسه بتجيك يا زميل لا تنبرش
التونسية مكندشة تركب بلاش خالي القرش
تعرف تجيب من جوه بس ليه منطرش؟
واحد صفر حيييه الشمش

فتش عديل لي عجبنا داك لا تنهرش
والساعة ديك الراس يلف ومخ يتلطش
والساعة ديك لا تلقي زول يعصر معاك خيمة الفرش

ستف عفش
وأربط عفش
في سوسه بس تعرف تمام كيفن تطش
وتضوقو نيم حنضل تبش

أعلن فرش
خت الفرش
وأرفع فرش
ودقو صيوانك ضحي فوق للعرش
برضو الدرش فوق للدرش
كاروشة لي ضهرك عديل بس تنكرش
تاني بتقول لي قرش؟؟
أوعك تجيب سيرة القرش
نحن الحيتان
نحن القرش
نحن الورود
للحب نرش
نحن النضاف
خاتينا غش
نحن الأسود للقون نرش
برضو بتقول لي قرش؟؟
يا زول أمش
..........
سيد القرش عندو القرش
وزولي العجب عندو النقش
وزولي العجب بعرف يخش
للقون عدييييييييييل بعرف يكش
وما فيهو غش
وزميلنا داك يا خدلو دش
والتاني داك كده ينكشف

أوعك تجيب سيرة القرش
أوعك تجيب سرة القرش
أوعك تجيب سيرة القرش
تاني بتقولي قرش؟
ما أظن تجيب سيرة قرش

بعد ما قلت خلاص من الغلب توبه...
شوفو الزمن ساقني................ لي قلبة الهوبا
قابلت لي لعبه
سموها لي هوبا

شالت خلاص قلبي
وحبيتها دي الهوبا

الهوبااااااا
الهوبا
الهوباااااا
الهوبا

http://www.youtube.com/watch?v=SjC27Ppwdws

المجد في العلياء
بالهدف ابو هوبا والشوتا البي هبوبا
وابوبكر قبضت الريح