Post: #1
Title: رمضانيات ... وحكاوي بنات ..
Author: sudania2000
Date: 09-29-2007, 10:05 AM
Parent: #0
السلام عليكم ورمضان كريم
رمضان الشهر الكريم كاد ان ينتصف ولم نفهم فيه شئ بعد
ربنا يوفقنا الي ما يحب ويرضي ويتقبل منا ومنكم صالح الاعمال
رمضان الشهر الفضيل بجنن البنات في السودان
و تبقي الحكاية كلها شغل بيت و تنسي العبادة
و في الاخر جري سوق وخبيز ونطلع من المولد .... اعوذ بالله
ربنا يوفقنا الي توفيق العبادة و العمل اليومي
وفي التراويح تكثر الحكايات
وعودة لحكاوي اكثر تفصيلا
|
Post: #2
Title: Re: رمضانيات ... وحكاوي بنات ..
Author: sudania2000
Date: 09-29-2007, 10:23 AM
Parent: #1
التراويح تجمع الكثير من البشر و هي اجمل الاشياء في رمضان
تجد النساء و البنات حريصات حرص شديد علي اقامة التراويح بالمسجد او في مجموعات
و في كل الاحوال تزيد الروحانيات و تبقي التواصل الروحي للشهر اكثر قوة و جمال
المساجد تمتلي بضجة الاطفال لدي صحبة الامهات ودي من السلبيات احيانا
صور للتراويح من السودان
|
Post: #3
Title: Re: رمضانيات ... وحكاوي بنات ..
Author: Shayma
Date: 09-29-2007, 10:29 AM
Parent: #2
وحكاوي بنات
نحنا معاك يا سودانية
عشان زاتو الواحد يعمل نفسه (بنات) ما (نسوان)
|
Post: #4
Title: Re: رمضانيات ... وحكاوي بنات ..
Author: sudania2000
Date: 09-29-2007, 10:52 AM
Parent: #3
شيمون سلامات
يا بنات انتي .. شفت ليك نسوان اسمهم شيماء 
الصينية البتمشي الشارع بتاخد كم ساعة للتجهيز ... وفي الوقت دا الولاد بسوا في شنو ؟
شوفي اجر البنات دا قدر احد كم مرة كدا
العصيدة ما جهزت لسة بث
|
Post: #5
Title: Re: رمضانيات ... وحكاوي بنات ..
Author: مجدي عبدالرحيم فضل
Date: 09-29-2007, 11:56 AM
Parent: #4
أختي سودانية 2000
رمضان كريم علينا وعلي بنياتنا الراقدات مبلبلات تيابم ومغطغطات
لا زكر ولازاكرات للقرآن بس يقولوا ليك تعبانات من غسيل العده وكده
ياحليل بنيات السودان زمن الحبوبات زمان وديل لمَن يصلن مرحلتن بكون
عظامن أدشدشن وهسي الصينية دي فيها شغل أغلبه جاهزه ممكن قصي ولدي يجهزة
دمتوا علي خير بقية الشهر ونسأل الله أن يعتق رقابنا من النار ويدخل بناتنا
من أبواب الريان قولي آآمين.
،،،،أبوقصي،،،،
|
Post: #6
Title: Re: رمضانيات ... وحكاوي بنات ..
Author: sudania2000
Date: 10-03-2007, 11:32 AM
Parent: #5
وهسي الصينية دي فيها شغل أغلبه جاهزه ممكن قصي ولدي يجهزة
مجدي سلام
انت عايز كمان اكل صعب في رمضان
الله يبارك ناس لولي والعربي .....الخ
خلينا في الطعمية وسلطة الرووب لمن قلنا الرووووب
معقولة بس السودان يعلق في ثلاثة صحانة الشهر كلو
الحمد لله ذيادة الرغيف ما اثرت لسة عشان العصيدة شغالة لسة
تحياتي
وكثر الدعوات
|
Post: #7
Title: Re: رمضانيات ... وحكاوي بنات ..
Author: sudania2000
Date: 10-03-2007, 11:40 AM
Parent: #6
أحلي الحكاوي عند البنات بعد المويات
وبالذات بعد التراويح
وماشاء الله علي البنات في الصلوات
كل البنيات شايلن المصالي وجاريات
وبنات معاهن ثيرموس موية للعطشانين
وديل من باب الاجر تلاقيط
اما الحكاوي : فالغالب فيها الشغالات وصعوبة ايجادهن بعد المويات وغسيل العدة
وطبعا غسيل العدة عيب عن رجال السودان وانشاء الله الرجالة تطير ان بقت أهميات
وتحت شعار الحياة مشاركة نورد بعد الحكاوي
|
Post: #8
Title: Re: رمضانيات ... وحكاوي بنات ..
Author: sudania2000
Date: 10-04-2007, 11:13 PM
Parent: #7
تسارعت ايامك أيها الشهر الرحمة
وكل التخوف من عطش وجوع تبدد مع رحمتك ومغفرة بك وعتق من النار
تسارعت أيامك تسارعا خرافيا
فلا قطوعات الكهرباء والماء أفقدت الامة الرغبة في التمتع بك
ونتمني القبول والمغفرة والعتق
وبعد كل ذلك الريان بوابة نتغاشاها بقبول باذنه تعالي
اللهم تقبل صيام الصائمين أجمعين
اللهم تقبل الصيام والقيام
اللهم اجعله حجة لكل من صام
وشفاء لكل من تعذر عليه الصيام
وراحة لكل مريض صام من باب هو خير لكم
اللهم انزل رحمتك علينا أجمعين
وتقبل منا ومن جميع الصائمين
أمين
حكوة يوم 22 ختم قران في التراويح ودعاء يبكي الكافر الذي لم يتذوق طعم الايمان وجمال التوبة والرغبة في الغفران
كل البنات حضرن الختمة وكل الحضور حرص علي الصلاة
وبعد الصلاة تكرمن علي الحضور بالليقمات و الكنافة و البسبوسة وكافة الحلويات
و دعوات صادقات بالقبول و التجمع عند المصطفي حبا و شرفا بمقامه الكريم
في العشر الاواخر تختلف الحكايات
فاصبح الامر ستائر و خبيز وجري سوق لعرس قريب
او لقاء حبيب أوشك علي الحضور للعيد
وثاني الحكي
الكريمات ومواد التبيض
اللهم احفظ بناتنا من مشكلة هذا الجنون بياض مستحيل
رغم ان الجميع يلاحظ نجاح كبير في استئصال لبشرة داكنة
وكل البنات بقوا حليوات ولبنانيات
شو القصة يا بنات
|
Post: #9
Title: Re: رمضانيات ... وحكاوي بنات ..
Author: mohmed khalail
Date: 10-05-2007, 00:15 AM
سودانية ازيييك
شفت البوست لقيت العنوان حكاوي بنات ...قلت ابعد لكن لقيت ابو قصي اتحمحم ودخل قدامي..
يا زولة رمضانك..كريم وجهزوا العصيدة يا البنيات..الجوعه حاصلة والمغرب قرب..
مودات
|
|