Post: #1
Title: نحن مشجعي الهلال ..نتبرأ من المدعو تاج السر حسن
Author: Mohd Ibrahim
Date: 09-29-2007, 09:54 AM
Parent: #0
كهلالابي ..اعتبر ان المريخ فريق محترم . ..اعتذر لجمهور المريخ وادعوهم للنائ عن كتابات
هذا الشخص ....
|
Post: #2
Title: Re: نحن مشجعي الهلال ..نتبرأ من المدعو تاج السر حسن
Author: محمد عادل
Date: 09-29-2007, 10:22 AM
Parent: #1
ياحبيب
فليواصل الاخ تاج السر كتاباته ضد هذا المريخ
فان كتابات بعض الاقلام المريخية يجب على الاستاذ تاج السر بان يرد عليها
وانصحك ان لاتستعجل وتحكم على الهلالابى الغيور تاج السر هكذا فان امثال مزمل ابوالقاسم يجب ان يرد عليهم هكذا
|
Post: #3
Title: Re: نحن مشجعي الهلال ..نتبرأ من المدعو تاج السر حسن
Author: ابو عثمان
Date: 09-29-2007, 10:36 AM
Parent: #1
شكرا يا محمدابراهيم
مازال المجتمع الرياضي يخير بامثالك
تاج السر غير مرغوب فيه حتي بمجتمع الهلال
المجتمع الرياضي كله براءة منه وليس الهلال وحده
|
Post: #4
Title: Re: نحن مشجعي الهلال ..نتبرأ من المدعو تاج السر حسن
Author: Hani Arabi Mohamed
Date: 09-29-2007, 10:43 AM
Parent: #1
ولنفترض ان مزمل أخطا بحق الهلال
هل الرد يكون بأن نخطي في حق المريخ
انا هلالابي احب الهلال واعشقه فائزا او لا سمح الله مهزوما
لكنني لا اكره المريخ ولا اي نادي اخر
واقدر واحترم جميع المنافسين
وان لعب اي ناد باسم السودان فانا اتمنى له التوفيق
اخي تاج السر لا نريد ان يتحول الموضوع الى شتائم داخلية بين مشجعي الهلال في المنبر
روق وقدم للهلال
الهلال محتاج لوقتك دا ولكيبوردك دا
كلامك ما حيحطم المريخ ولا حيضره بحاجة
لكن برضو كان ممكن تنفع الهلال لو ركزت مجهودك لصالحه
|
Post: #5
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 10:52 AM
Parent: #4
قولوا ليهو .. حدثوووهو ...
|
Post: #6
Title: Re: نحن مشجعي الهلال ..نتبرأ من المدعو تاج السر حسن
Author: haroon diyab
Date: 09-29-2007, 11:14 AM
Parent: #5
نادر الراضي
مساء الخير
| Quote: قولوا ليهو .. حدثوووهو ... |
لكن ماجاتك في جرح ياحبيب.
بعدين يانادر تجي تفتح المنبر من الصباح يافتاح ياعليم يارزاق ياكريم وفي راس الصفحة تلقي منزل ليك بوست وبكل قلة زوق كاتب ( اللهم انصر الاسماعيلي علي المريخ ....!) ولمن ترد عليه يجوا يقولوا ليك المريخاب ماعندهم وطنية .
هارون دياب
|
Post: #7
Title: Re: نحن مشجعي الهلال ..نتبرأ من المدعو تاج السر حسن
Author: عمر الفاروق
Date: 09-29-2007, 11:22 AM
Parent: #1
انا عن نفسي أحترم كل ما يكتبه تاج السر وهو حق مكفول له ..
لا نتبرأ منه وتاج السر هلالي أصيل ..
لكل شخص زاوية رؤيا ينظر من خلالها ..
|
Post: #8
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 11:26 AM
Parent: #7
حبيبنا هارون دياب ...
نالفكرة إنو جاتني في جرح ولا لأ...
لكن الشخصية دي فاتت الحد في كلللو ...
تخيل يتحمس للموضوع أكتر من أصحاب الوجعة ...
عزيزي عمر الفاروووق ...
ماف واحد بيقدر يحجر على رأي أي زول
لكن لامن الناس تعدي الخطوط الحمراء ..
معناتا حق الرد عليهو مكفوول بدون تحفظ ... 
|
Post: #9
Title: Re: نحن مشجعي الهلال ..نتبرأ من المدعو تاج السر حسن
Author: ابو عثمان
Date: 09-29-2007, 11:26 AM
Parent: #1
كتب / رأفت الشيخ
لن أقتنع ابدا بأن سبب الهزيمة الاسمعلاوية الأخيرة أمام المريخ السوداني جاءت بسبب ضربة جزاء لا اساس لها من الصحة, ولكن الحقيقة ان ما حدث هو مجرد حلقة جديدة في سلسلة طويلة من النهايات الحزينة التي اعتادت عليها الاسماعيلية وربما مصر كلها من فريق الدراويش, فلم يكن هناك ضربة جزاء ولم يكن هناك حكم جائر يوم أن خسر الاسماعيلي من الصفاقسي في نهائي البطولة العربية ولم يلعب التحكيم دورا في خسارة الاسماعيلي بطولة افريقية اخري امام شبيبة القبائل الجزائري.. لكنه الاسماعيلي الذي اعتاد ان يلعب حتي يصبح علي اعتاب البطولة فيدير ظهره لها..
اذن فإن ما حدث أمام المريخ ليس جديدا, ولم تكن الخسارة الا بسبب سوء أداء الفريق وعدم قدرة الفريق علي الوصول الي مرمي الفريق المنافس فاستحق الاشقاء الفوز لانهم في الملعب كانوا الاكثر اصرار وحماسا وتركيزا..
وما حدث امام المريخ كانت له مقدمات واضحة امام بتروجيت ثم الالومنيوم في الدوري العام, ليس لأن الاسماعيلي خسر وتعادل فقد خمس نقاط علي ملعبه, بينما جمهوره يحلم بأن يري فريقه ينافس علي البطولة, علما بأن من يخسر علي ملعبه خمس نقاط يصبح من الضروري ان تشك في قدرة لاعبيه علي الوصول الي منصات التتويج..
لقد خسر الاسماعيلي لأن الفريق يعاني من حالة انفلات فني ونفسي لا ادري.. ان الكومي رئيس النادي والمتصرف في شئونه أو المدير بازوكا أو الكوتش بصري او المدب العام فوزي جمال قد لاحظوا تلك الحالة.. فقد كان غريبا جدا بل ومضحكا ايضا ان تري الاسماعيلي امام الألومنيوم وامام بتروجيت وهو يتعرض لغزوات هجومية مرتدة, بينما ليس هناك في الخط الخلفي إلا لاعب أو لاعبان.. الكل يندفع للأمام في سلوك غريب يؤكد أن اللاعبين في حالة انفلات فني هائل باعتبار أنه ليس كل فريق يستقبل هدفا يفقد توازنه تماما ويندفع للهجوم بكل لاعبيه وبترك مرماه عاريا ومفتوحا أمام الآخرين وهو ما حدث أيضا أمام المريخ السوداني الذي كان يمكنه مضاعفة النتيجة لأن لاعبيه كانوا يصلون الي المرمي دون صعوبات في ظل غياب التوازن في أداء لاعبي الاسماعيلي بينما الجهاز الفني خارج الملعب لا يتدخل لاعادة الانضباط والتوازن الي صفوف الفريق بصرف النظر عن النتيجة.. وقد كنت تري سيد معوض مثلا لا يدافع ولا يهاجم ورغم توالي الهجمات السودانية من عنده الا أنه كان وكأنه غير موجود في الملعب والمؤكد أننا لا نقصد سوء المستوي باعتبار أن أي لاعب قد لا يوفق في مباراة ولكن نتحدث عن حالة: التوهان في الملعب لأغلب اللاعبين ومعوض مجرد نموذج باعتباره قائد الفريق.
وقد لعب الاسماعيلي في غياب عمر جمال المطرود وشهدت المباراة طرد اسلام طاهر وشريف الدسوقي ايضا والمؤكد أن حصول ثلاثة لاعبين علي ثلاث بطاقات حمراء في مباراتين يؤكد أيضا أن هناك انفلات نفسي في صفوف الفريق لم يجد من يتدخل لعلاجه أو ايقافه ولعل اجزاء بعض التغييرات في صفوف الجهاز الفني سيكون أمر متوقعا خلال الفترة القادمة خاصة بعد جاء تأجيل مباراة بلدية المحلة في صالح الفريق لعله جهازه يجد مزيدا من الوقت لعلاج الأخطاء والخطايا التي وقع فيها الجميع ولعل الوقت يكون في صالح الفريق حتي يشفي المصابين في ظل قلة البدلاء.. وهذه حكاية أخري.
المصدر/
الأهرام المصرية عدد اليوم الجمعة 28 سبتمبر 20007
http://www.ahram.org.eg/Index.asp?CurFN=spor11.htm&DID=9353
|
Post: #10
Title: Re: نحن مشجعي الهلال ..نتبرأ من المدعو تاج السر حسن
Author: kamalabas
Date: 09-29-2007, 11:28 AM
Parent: #1
.......تاج السر يعبر عن نفسه مثل ما يعبر كل واحد منا عن نفسه فقط
لايملك أي هلالابي حق الوصاية علي أخر أو نزع صفة الانتماء لكيان الهلال
منه
كمال عباس
|
Post: #11
Title: Re: نحن مشجعي الهلال ..نتبرأ من المدعو تاج السر حسن
Author: ملكة سبأ
Date: 09-29-2007, 11:38 AM
Parent: #1
Quote: تاج السر يعبر عن نفسه مثل ما يعبر كل واحد منا عن نفسه فقط
لايملك أي هلالابي حق الوصاية علي أخر أو نزع صفة الانتماء لكيان الهلال
منه |
مع تحياتنا إلى الهلالي الغيور تاج السر
|
Post: #13
Title: Re: نحن مشجعي الهلال ..نتبرأ من المدعو تاج السر حسن
Author: keiga2000
Date: 09-29-2007, 11:46 AM
Parent: #11
اخونا محمد ابراهيم
.... الذئب من دم يوسف
اللهم لاشماته
كتاب المريخ الفي البورد لم يكتبوا الا ردا على كتاباته السيئة
لانهم يدافعون عن زعيم الكرة السودانية وصاحب كاساتها المحموله جوا الاوحد
ويدافعون عن حق
وفوق مريخنا فوق
ابومصطفى
|
Post: #14
Title: Re: نحن مشجعي الهلال ..نتبرأ من المدعو تاج السر حسن
Author: عبدالكريم الامين احمد
Date: 09-29-2007, 11:47 AM
Parent: #11
وكما قال كمال عباس
تاج السر يعبر عن ذاته ولا نستطيع نزع هلاليته او حق الوصاية عليه
|
Post: #12
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-29-2007, 11:45 AM
Parent: #1
| Quote: نحن مشجعي الهلال ..نتبرأ من المدعو تاج السر حسن |
كمشجع للهلال، أرفض أن يتحدث باسمي أحد، وأرفض الوصاية تحت أي بند حتى لو كان "الوطنية"،
فلكل منا تعريفه وحدوده لها.
أتفق مع تاج السر أحياناً وأختلف معه أحايين أُخـَـر، ويبقى كل اتفاق واختلاف في موضعه، ولن
أسعى لتجريده من هلاليته.
|
Post: #15
Title: Re: نحن مشجعي الهلال ..نتبرأ من المدعو تاج السر حسن
Author: Mohd Ibrahim
Date: 09-29-2007, 12:17 PM
Parent: #12
لااستطيع ان اجرد احد من انتمائة ..انا فقط ادعو جميع مشجعي الهلال
الذين يحبون الموج الازرق للنائ عن المهاترات ....عمليا البوست هو تصويت
لعدد الذين يدنينون مثل هذا السلوك ..يمكنكم ان تبدأو بالعد ..
|
Post: #16
Title: Re: نحن مشجعي الهلال ..نتبرأ من المدعو تاج السر حسن
Author: جعفر سومي
Date: 09-29-2007, 12:36 PM
Parent: #15
الأخ/ محمد ابراهيم
لك التحية والاحترام
أولا أفيدك بأنني مريخابي نار ولكن هذا العام والله أشجع الهلال من دواخلي وأتمنى له الفوز في
كل الجبهات والمواجهات وأخص منها الخارجية
الكتابات السيئة بحق المريخ من بعض الهلالاب شينة وعدم احساس بالوطنية
عندما انهزم الهلال من الأهلي القاهري بواسطة لاراش حزنت جدا ولم أسمع أي كلمة مشينة أو احتجاج على
الحكم المغربي من أي مصري كان. وإن كانت هزيمة الاسماعيلي بواسطة الحكم فهذه بتلك والزمن دوار.
الأخ تاج السر أتمنى ربنا يهديه ويركز أكتر في كتاباته عن الهلال فهو أحوج لذلك
أما المريخ ففي مسيرة حصده للبطولات لا تضيره كلمات زعيط ومعيط
أخيرا تمنياتي الحاره للهلال بالفوز بالبطولة وان شاء الله نشوفو في اليابان في ديسمبر القادم
ولك احترامي
|
Post: #18
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 01:05 PM
Parent: #17
حبيبنا أحمد الريح ...
ومن أعمالكم سلط عليكم ... ودا ما معناتو إني موافق عليها ...
لكن أي بوست من البوستات دي جا نتاج لرد فعل على كتابات تجتوووج ..
|
Post: #19
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-29-2007, 01:10 PM
Parent: #1
| Quote: أي بوست من البوستات دي جا نتاج لرد فعل على كتابات تجتوووج |
من كان له مبدأ يؤمن به وأمر يرفضه -يا نادر-، فلن تكون ردود فعله
من جِنس ما يرفضه.
ولو فتحنا باب أن هذا رد على ذاك، وذاك رد على ذيـّـاك، فسنعود بالأمر
إلى أيام طلعت فريد.
|
Post: #20
Title: Re: نحن مشجعي الهلال ..نتبرأ من المدعو تاج السر حسن
Author: حسين يوسف احمد
Date: 09-29-2007, 01:22 PM
Parent: #19
!!!!!!!!!!!!!!
|
Post: #21
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 01:23 PM
Parent: #19
حبيبنا أحمد الريح
مراااات الجزاء بيكون من جنس العمل
حتى يرتدع والحمد لله السياسة دي بدت
تجيب أكلها مع تجتوووج ... بس عندي ليك سوعااال
لو ملاحظ .. إشمعنى من دون كل الهلالاب اللي في المنبر
إشمعنى تم إستهداف الرشاشة تجتووج ؟!!!! ...
مع إنو هناك مجموعة خيرة منكم زيك وزي عمر الفاروق وأبوقوتة ؟!!
|
Post: #28
Title: Re: نحن مشجعي الهلال ..نتبرأ من المدعو تاج السر حسن
Author: humida
Date: 09-29-2007, 02:21 PM
Parent: #21
المشكلة ما في ( المريخ ) أو ( الهلال ) ..
او تقييد الرأي .. او الأملاء علي الاشخاص بـ( توجهات ) معينة ..
المشكلة ان السيد ( تاج السر الحسن ) رجل ( سفيه ) .. وزول ( صعلوق ) ..
واغلب ما يكتبه عبارة عن ( استفزاز ) للطرف الآخر ..
من حق اي ( هلالابي ) الدفاع عن ( الهلال ) بدون التجريح في ( المريخ ) ..
ومن حق اي ( مريخابي ) الدفاع عن ( المريخ ) بدون التجريح في ( الهلال ) ..
ما عشان نبني حاجة .. لازم نهد حاجات تانية ..
وأمثال ( تاج السر الحسن ) .. وحسب ( المستنقع ) الجاي منه ..
يرى انه الحوار بالشكل دا .. ممكن يخدم ( القضية ) بتاعته ..
لانه كما يبدو لي .. ان السيد ( التاج ) .. جاي وراهو ( خلفية اخلاقية ) .. قائمة علي ( النبذ وقلة الادب ) ..
بيئة ما في زول بسمع صوتك فيها لو ما ( كوركت ) .. ورميت ليك كم لفظ كدا ..
..
..
نسأل الله في رمضان .. ان يهدي هذا ( الشخص ) .. وان يرحمنا من ( قذارته ) ..
|
Post: #22
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-29-2007, 01:43 PM
Parent: #1
Quote:
إشمعنى من دون كل الهلالاب اللي في المنبر إشمعنى تم إستهداف الرشاشة تجتووج ؟
مع إنو هناك مجموعة خيرة منكم زيك وزي عمر الفاروق وأبوقوتة؟ |
سلامات يا نادر،
أولاً يا أخي، لا أتفق معك في أن هذا الكم الهائل من المقالات
رد على ما يكتبه تاج السر، بل أرى أن دوافع أصحابها كانت
من واقع المشاحنات الازلية بين الهلالاب والمريخاب التي لم تبدا
مع تاج السر.
ثانياً
لو كنت تقصد أن تاج السر "مستهدف" لأنه يتهم المريخ برشوة الحكام
فقد فعل عمر الفاروق الشيء ذاته (*):
قوروشي ..شي ..شي..هسع ناو..ولعن الله الراشي والمرتشي في مباراة المريخ
لو كان ما يكتبه تاج السر معيباً فإن الكثيرين هنا يكتبون مثله،
وليس من العدل أن تسلط عليه الأضواء دون غيره من مماثليه.
__________________________________________
(*) جبت ليك الهوا يا عمر الفاروق 
|
Post: #23
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 01:53 PM
Parent: #22
حبيبنا أبوحميد
عمر الفاروووق سواها مرة واليوم داك كان
شكلوا حارقاهو غلبة أسيك ...
لكن زي تاج السر دا كل يوم في الحالة دي ...
لازم ينفث سمومه من الصباح .. على الأقل في اليوم
يكون كاتب ليهو 6 أو 7 مواضيع قميئة ...
زي دا برضو عايز تقارنوا بيكم ؟!!! حرام علييييك ...
|
Post: #24
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 01:57 PM
Parent: #23
بعدين ود الفاروق عايز يكاوي ...
لكن جنس داك الحقد أكل قلبوا ...
زووول بيقول ليك "أنا بكره المريخ العمى ودا علاقتو شنو بالوطنية"
وينزل بوست عن كورة المنتخب وتونس ويقول ليك الله شافنا ..
ودا كللللو عشان شنو ؟!! عشان مدرب المنتخب وبعض الأساسييين من المريخ ....
|
Post: #25
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-29-2007, 02:05 PM
Parent: #1
المسألة مسألة مبدأ يا أخ نادر، وليس مهما (كـم) مقال كتبها زيد
مقارنة بعبيد، وعلى العموم حتى مسالة ال(كـم) هذه فإن هناك من
يكتب بعدد ما يكتبه تاج السر وربما أكثر، والأمثلة موجودة.
خلاصة ما أود قوله: تاج السر ليس وحده من يكتب ما ينكره عليه البعض
هنا.
|
Post: #26
Title: Re: نحن مشجعي الهلال ..نتبرأ من المدعو تاج السر حسن
Author: gamal
Date: 09-29-2007, 02:11 PM
Parent: #1
تتبري منو وتتكلم بإسم الهلالاب كمان .. ياراجل ده فاول وده بلنتي.
تاج السر زاتو بكون اتبري منك هسه. ياخي تاج السر ده حياتو الهلال .. في حب ياخوانا اكتر من كده.
|
Post: #30
Title: Re: نحن مشجعي الهلال ..نتبرأ من المدعو تاج السر حسن
Author: نادر محمد الراضي
Date: 09-29-2007, 02:38 PM
Parent: #27
القصد يا أبو حميد هو المهم ...
المريخ دا من توجو ونحنا ماعارفين ؟!!!
أكيد من السودان .. وبيلعب بإسم السودان
دا على إفتراض إنو المنتخب من الحارس حتى
رأس الحربة مكون من المريخ ... عايز كلامي
الزووول دا أقنعوا منو ظاهر وباطن وفكوهو لينا ...
ومااااااعندكم عوجة تب بنجيهو ... موية ونووور ...
|
Post: #29
Title: Re: نحن مشجعي الهلال ..نتبرأ من المدعو تاج السر حسن
Author: sheba
Date: 09-29-2007, 02:38 PM
Parent: #1
مع انو الكلام دة بجيب ليك الشتيمة بعد شوية .. لكن كبيرة منك وتشكر عليها ..
دة كلو كوم.. واسفي علي احمد الريح كوم تاني
يا للحسرة
|
Post: #31
Title: Re: نحن مشجعي الهلال ..نتبرأ من المدعو تاج السر حسن
Author: شهاب الفاتح عثمان
Date: 09-29-2007, 03:15 PM
Parent: #29
الحل في الوسطيه ..
و الاحترام العاقل المتبادل ..
لا للفجور في الخصومه لا للسخف
لانه غير محفز للرد المضاد
شكرا لصاحب البورد ...
|
Post: #32
Title: Re: نحن مشجعي الهلال ..نتبرأ من المدعو تاج السر حسن
Author: keiga2000
Date: 09-29-2007, 04:37 PM
Parent: #31
Quote: حبيبنا أحمد الريح ...
ومن أعمالكم سلط عليكم ... ودا ما معناتو إني موافق عليها ...
لكن أي بوست من البوستات دي جا نتاج لرد فعل على كتابات تجتوووج .. |
كلام واضح وماعاوز درس عصر وقلناه كتير
ابومصطفى
|
Post: #33
Title: Re: نحن مشجعي الهلال ..نتبرأ من المدعو تاج السر حسن
Author: علاء الدين حيموره
Date: 09-29-2007, 05:02 PM
Parent: #29
الحبيب المهذب / أحمد الريح
كتب تاج السر الكثير من كلام الشوارع وانتهك الكثير من الاعراض واتهم الكثير بأنهم لصوص وسارقي اموال الناس .. ( بالطبع قدر نسى نفسه ) ..
هذا كلام بعيد عن الهلال وعن الرياضة فليكتب ما يشاء في الرياضة وليعبر عن وجهة نظره وان كان هو اصلا ما عندو نظر .. لكن ان يقحم اسرا ويصفها بالدعارة فهذا امر مرفوض .
كتبت بوست ( أخو المطلوقات العاهرات ) وذهب بعد اقل من ساعتين الخور لان مداخلات تاج السر كانت من البذاءة يا يكفي جيلا كاملا .. كتبت وانا ادافع عن اسرة لم اعرفها وعن زميل في البورت اذا وجدته قدامي لا اعرفه ولا يعرفني .. لكن ما يكتبه تاج السر فهو الانحطاط بعينه ... لا احد وصي على تاج السر ولا احد يتشرف بمعرفته فليكتب ما يكتب ولكن الا يمس الاعراض ويألف في الناس كما صرح بانه يستطيع ان يقول ما ليس في الناس ..
اخيرا ..
اخلاق تاج السر لا تشبه اخلاق اي مواطن شريف ونقي .. فليذهب الى الجحيم .
|
Post: #34
Title: Re: نحن مشجعي الهلال ..نتبرأ من المدعو تاج السر حسن
Author: hatim ibrahim
Date: 09-29-2007, 05:12 PM
Parent: #1
.
شكرا كمال
Quote: .......تاج السر يعبر عن نفسه مثل ما يعبر كل واحد منا عن نفسه فقط
لايملك أي هلالابي حق الوصاية علي أخر أو نزع صفة الانتماء لكيان الهلال
منه |
|
Post: #35
Title: Re: نحن مشجعي الهلال ..نتبرأ من المدعو تاج السر حسن
Author: رأفت ميلاد
Date: 09-29-2007, 07:15 PM
Parent: #34
| Quote: نحن مشجعي الهلال ..نتبرأ من المدعو تاج السر حسن |
ياخى قربببتا
دى مااااا كلام رشاشات
أنفضم عديييل كدة .. وتعال للروعة بلا لمة
|
Post: #36
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-29-2007, 07:33 PM
Parent: #1
| Quote: اخلاق تاج السر لا تشبه اخلاق اي مواطن شريف ونقي .. فليذهب الى الجحيم |
سلامات يا أخ علاء الدين
لم يكن هناك داعٍ لهذه المرافعة المستندة على أخلاق تاج السر، لأن
هذا الموضوع لا علاقة له بما كان هذا المقال من أجله.
من الواضح أن صاحب المقال عندما كتب ما كتب كان يقصد ما يكتبه
تاج السر عن المريخ واتهامه له برشوة الحكام وتحقيق انتصارات
غير شريفة. واستناداً لذلك كانت تعليقاتي التي اهتمت بتبيان أن
تاج السر ليس وحده من يكتب مثل ما ينكره عليه البعض، وكان أن
أتيت بامثلة تدعم ما ذهبت إليه.
شكراً.
|
Post: #40
Title: Re: نحن مشجعي الهلال ..نتبرأ من المدعو تاج السر حسن
Author: على محمد على بشير
Date: 09-29-2007, 09:10 PM
Parent: #36
Quote: دة كلو كوم.. واسفي علي احمد الريح كوم تاني
يا للحسرة |
|
Post: #42
Title: Re: نحن مشجعي الهلال ..نتبرأ من المدعو تاج السر حسن
Author: علاء الدين حيموره
Date: 09-29-2007, 10:16 PM
Parent: #36
الاخ / احمد الريح
الف مرحب بيك
Quote: لم يكن هناك داعٍ لهذه المرافعة المستندة على أخلاق تاج السر، لأن
هذا الموضوع لا علاقة له بما كان هذا المقال من أجله.
|
ده المكان المناسب لهذه المرافعة وذلك لان كل البورداب رجال ونساء وشيوخ متأذيين من كتابات تاج السر التى لا تراعي شعور القراء بقبح الالفاظ المستعملة وفي كل مناسبة يجي فيها تاج السر سوف اكتب عن أخلاقياته في المنبر فانا لا تهمني اخلاقه مع نفسه او مع الاخرين ولكن ما يهمني هو طريقة تعامله مع من يختلفون معه في الرأيء وفي هذا المنبر..
وثانيا : صاحب المقال هلالابي وانا اختلف معه في صيغة المقال والاجدر ان يتحدث عن نفسه ولا يتكلم باسم الاخرين من غير تفويض ..
انا شخصيا أحببت المريخ هذه الايام كراهية في تاج السر ..
فليذهب الى الجحيم .. ومن خلال هذا البوست يمكنني ان اقتبس ما يمكن ان يقتبس من كلامه لكن مرعاة لشعور الاخرين سوف نكتفي بالتنديد بما يكتب ..
|
Post: #37
Title: Re: نحن مشجعي الهلال ..نتبرأ من المدعو تاج السر حسن
Author: عمر الفاروق
Date: 09-29-2007, 07:54 PM
Parent: #1
أحمد الريح :
رمضان كريم ياخ ..
شنو يا عمك عملتني نظام انا والكاشف أخوي
بالله يا ابوحميد أعمل لينا أرشيف لي بوستات المريخاب قبل وبعد كل كورة للهلال ..
تتذكر لمن أعلنوا المجموعات في بطولة أفريقيا ؟؟
تتذكر لمن المريخاب قالوا الهلال لن يصعد لدور الأربعة إلا إذا كانوا عايزين خمسة فرق؟؟
تتذكر لمن قالوا وقالوا وقالوا وقالوا...
|
Post: #38
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-29-2007, 08:28 PM
Parent: #1
Quote: بالله يا ابوحميد أعمل لينا أرشيف لي بوستات المريخاب قبل وبعد كل كورة للهلال ..
تتذكر لمن أعلنوا المجموعات في بطولة أفريقيا ؟؟
تتذكر لمن المريخاب قالوا الهلال لن يصعد لدور الأربعة إلا إذا كانوا عايزين خمسة فرق؟؟
تتذكر لمن قالوا وقالوا وقالوا وقالوا |
مرحبتين يا فـاروء  ورمضان كريم،
1- بحكم الزمالة وكده، وبالتالي المعرفة الشخصية، فإن كليـْـنا يعلم
أننا -إنت وأنا- أحد المتهـِـمين -مناكفةً- لمعارفنا المريخاب بالتأثير
على حكام المباريات والشماتة في هزائمهم المحلية والخارجية.
[تتفق معاي في الكلام ده؟]
2- لكن عندما يتعلق الامر بكلمة مكتوبة فالأمر يختلف، لأن الاتهام بلا
دليل يضعِف حجة صاحبه، فضلاً عن أن الكلمة أمانة، وقد يتلقفها أحد
المتربصين في دهاليز الإنترنت فتصبح حجة يُحتج بها في مكان آخر.
[تتفق معاي في الكلام ده؟]
3- حكاية إنو أخوانـّـا المريخاب بيكتبوا عن الهلال لتقليل انتصاراته
واتهامه برشوة الحكام واستخدام "الأناطين" لن يستطيع أن ينكرها أحد،
والامثلة موجودة هنا: Re: نحن مشجعي الهلال ..نتبرأ من المدعو تاج السر حسن
وزي ما شايف أبناء عمومتنا قالو المقالات دي كلها رد على تاج السر!!
4- ما يكتبه الصحفيون الرياضيون هو المسؤول الأول عن احتدام الجدل بين
الهلالاب والمريخاب وتمني بعض هؤلاء وبعض أولئك هزيمة الآخر في المنافسات
الخارجية. ولو اقتصر الامر على المناكفات المباشرة بين المعارف بعيداً
عن صفحات الجرائد لما اتسعت الشقة حتى آلت لما آلت إليه اليوم.
[تتفق معاي في الكلام ده؟]
5- مسؤولية كل واحد منا أن يلتزم بما يقلل من حدة الجدل بين الطرفين،
ولا بديل عن التسامي فوق مسألة أن الهلالاب هم من ابتدر ظاهرة الاتهامات
العشوائية أو أن المريخاب هم من بدأها، لأنو الكلام ده بيرجعنا لى
أيام طلعت فريد -زي ما كتبت فوق-.
[تتفق معاي في الكلام ده؟]
6- هذه الظاهرة منتشرة على الصعيد العربي على الأقل. أقول على الأقل لأني
لست ملماً بما يكتبه المانشستراب عن الليفربولاب ولا ما يكتبه الريالاب عن
البرشلوناب -مثلاً-، لكني أقرأ كثيراً ما يكتبه الأهلاوية عن الزملكاوية و
العكس، وديل بالذات نحن بالنسبة ليهم ملائكة!
[تتفق معاي في الكلام ده؟]
7- أنا جـادّي
_______________________________
ياخي المـجـد كرّهنا المسلسلات السورية.
|
Post: #39
Title: Re: نحن مشجعي الهلال ..نتبرأ من المدعو تاج السر حسن
Author: على اسماعيل
Date: 09-29-2007, 08:53 PM
Parent: #38
Quote: .......تاج السر يعبر عن نفسه مثل ما يعبر كل واحد منا عن نفسه فقط ..
لايملك أي هلالابي حق الوصاية علي أخر أو نزع صفة الانتماء لكيان الهلال منه |
|
Post: #41
Title: Re: نحن مشجعي الهلال ..نتبرأ من المدعو تاج السر حسن
Author: عمر الفاروق
Date: 09-29-2007, 10:02 PM
Parent: #1
ود الريح :
مبدئياً كده الجملة دي كيفتني شديد وإتفقت فيها معاك :
Quote: ولو اقتصر الامر على المناكفات المباشرة بين المعارف بعيداً
عن صفحات الجرائد لما اتسعت الشقة حتى آلت لما آلت إليه اليوم. |
من الملاحظ إنو المناكفات على صفحات الجرائد الرياضية الايام دي بقت مزعجة للحد البعيد وبقت زي تنافس وكده ..
تشتري قوون والكابتن عشان تلقى صحفي بينبز في المريخ ويجيب معلومات تمسك بيها المريخاب ولو لم تكن صحيحة ..
تشري الصدا عشان تشوف معلومة ولو مكذوبة عن الهلال وتاريخ الهلال لتستدل بيها في حوار مع هلالاب لسانهم طويل ولو كانت ضاربة ..
إعلامنا الرياضي بدأ يستقل "سذاجة" بعض الجمهور الرياضي ليرتقي بسلم الكذبة عن الفريق الاخر ليصبح معبود الجماهير..
المناكفة بين المعارف تدخل في باب المتعة الرياضية وملح الكورة وكورة من غير مناكفات زي الشرا في القندول ..
تخريمة :
الحمد لله مسلسل الجوارح والكواسر جابوها قبل ما الهلال يلاقي السوريين ديل..
|
Post: #43
Title: Re: نحن مشجعي الهلال ..نتبرأ من المدعو تاج السر حسن
Author: Ahmed Alrayah
Date: 09-30-2007, 00:01 AM
Parent: #1
Quote:
صاحب المقال هلالابي وانا اختلف معه في صيغة المقال والاجدر ان يتحدث عن نفسه ولا يتكلم باسم
الاخرين من غير تفويض |
سلامات يا أخ علاء الدين
هنا مربط الفرس، المقال كان باسم "مشجعي الهلال" لذا فهمت أنّ مقصده
رياضيّ بحت. وطالما كانت الفكرة الرئيسية هي شجب ما يُكتب عند مشاركات
الهلال والمريخ الخارجية فإن من الطبيعيّ أن أبدي وجهة نظري مُركِّزاً على
هذا الشأن.
وقد أكد صاحب المقال على مقصده بقوله:
Quote:
انا فقط ادعو جميع مشجعي الهلال الذين يحبون الموج الازرق للنائ عن المهاترات.
عمليا البوست هو تصويت لعدد الذين يدنينون مثل هذا السلوك |
لا أظنني بحوجة للإعراب -مجدداً- عن رفضي للتهجم الشخصي بكافة أشكاله،
فهذا عندي من البدهيّات.
|
Post: #44
Title: Re: نحن مشجعي الهلال ..نتبرأ من المدعو تاج السر حسن
Author: محمد عادل
Date: 09-30-2007, 10:02 AM
Parent: #43
وانا مع تاج السر ظالم ام مظلوم
واشاءالله نيجريا ترحب بيكم
|
Post: #46
Title: Re: نحن مشجعي الهلال ..نتبرأ من المدعو تاج السر حسن
Author: abuguta
Date: 09-30-2007, 10:26 AM
Parent: #44
Quote: تاريخ التسجيل: 19-01-2004
مجموع المشاركات: 57
محمد ابراهيم |
هذا محمد ابرhهيم الذى يتكلم باسم مشجعى الهلال...
يعنى كل مشاركاته من سنة 2004 لا تساوى ما كتبه تاج السر
يوم مباراة ناصراو فى غزل الهلال
تاج السر هلالابى...مولدومنشىء ولعب وعقيدة وحب وتتيم وعبادة
تاج السر لا يستطيع احد ان ينفى حبه للهلال
اذا اردت ان تفصل تاج السر عن الهلال فافصل الاب الرحى الطيب عبد الله
اما عن كتاباته عن ناس المريخ..فتلك سجالات صنعها مشجعو المريخ
ولا اقول كتاب لان حتى مالكى الصحف فهم مشجعون
فليكتب تاج السر بطريقته وليكتب غيره بطرقهم
فالهلال هو الوطن ,,يحوى بداخله الوطنى الغيور والكوز المنتهز
فالتحية لتاج السر فى سجالاته
والتحية للهلال فى نشره للفرح
والتحية للمريخ وجمهوريه
والتحية لمحمد ابراهيم فى نظرته
ودامالود بين الجميع
ابو لدن
|
Post: #47
Title: Re: نحن مشجعي الهلال ..نتبرأ من المدعو تاج السر حسن
Author: humida
Date: 09-30-2007, 10:58 AM
Parent: #44
احمد الريح و عمر الفاروق ..
ورغم دفاعكم ( المستميت ) عن ( تاج السر ) ..
دا ما بنفي انه ( شخصية ) مكروهة ..
وبحسابات ( العقل ) وليس ( العاطفة ) التواقة لمناكفة ( المريخاب ) ..
وبحسبة بسيطة .. نجد أن ( التاج ) يسئ للـ( هلال ) الكيان ..
وذي ما قالوا .. ( الرياضة اخلاق ) .. ولا ما كدا ..
|
Post: #45
Title: Re: نحن مشجعي الهلال ..نتبرأ من المدعو تاج السر حسن
Author: abas
Date: 09-30-2007, 10:19 AM
Parent: #1
الاخ محمد ابراهيم
والله انو تاج السر ده اكتر واحد ممكن في الدنيا دي بكره حاجتين
المريخ والحقارة
ياخ انت هلالابي
مالك ومال تاج السر منو القال ليك انحنا كهلالاب هنا عاوزين نتبرا منووما بنخلي زولنا لي يوم القيامة
وانصر اخاك ظالما او مظلوما
وانت لو تابعت الهجمه دي عاوزين يخلوا تاج السر ينفعل عشان يطردوه من البورد
وانا من هنا بكلم تاج السر ما تنفعل فيهم يا تاجو وما ترد علي اي واحد فيهم
|
Post: #48
Title: Re: نحن مشجعي الهلال ..نتبرأ من المدعو تاج السر حسن
Author: Khaalaleyaal
Date: 09-30-2007, 11:07 AM
Parent: #1
اتفق تماما مع صاحب البوست وبالأخص مع نادر لمن قال الزووول دا أقنعوا منو ظاهر وباطن وفكوهو لينا ...
المدعو تاج السر مالازم يضيع زمنو وزمن غيرو في الكتابة عن فريق مستواهو القطن والاتحاد الاسماعيلي وكوارا وشلف...الخ ويجي يقارنو بالهلال.
ياتاج السر ديل ناس مرزقيييين ومتعن####يييين وياريت لو في شي يستاهل. واصل واصل وماتشتغل بيهم.
|
Post: #49
Title: Re: نحن مشجعي الهلال ..نتبرأ من المدعو تاج السر حسن
Author: Khaalaleyaal
Date: 09-30-2007, 11:10 AM
Parent: #1
ومتعن####يييين
جدا يا بكري نخليها متكبريييين
|
Post: #52
Title: Re: نحن مشجعي الهلال ..نتبرأ من المدعو تاج السر حسن
Author: إسماعيل وراق
Date: 09-30-2007, 11:26 AM
Parent: #49
من حيث المبدأ تجدني ضد التعصب الأعمى سواء كان تعصب رياضي او سياسي أو فني.. والشاهد أن كتاب المريخ بالمنبر هم أصحاب المبادرة في تجريحهم للهلال وجماهيره فإذا كان من الهلال فقط تاج السر فلكم أن تنظروا إلى عدد كتاب المريخ.. لا توجد مقارنة..
للأخ تاج السر حق الإعتقاد والتعبير عن عواطفه.. وهذا محسوب عليه سلباً أو إيجاباً.. ولكن ما رأيكم في بعض البوستات التي تتحدث عن سفاف أمور قطعاً ستؤجج في خاتمة المطاف نار التعصب الأعمى..
دعوتي أن نستلهم المعاني الجميلة والقيم النبيلة للرياضة المتمثلة في التسامح والبعد عن التعصب.. يعني بالعربي البسيط نخلي روحنا رياضية.. إذا إنهزم الهلال أو المريخ علينا التفكير في أسباب الهزيمة تفادياً لها في مستقبل الأيام.
|
Post: #50
Title: Re: نحن مشجعي الهلال ..نتبرأ من المدعو تاج السر حسن
Author: الصادق صديق سلمان
Date: 09-30-2007, 11:15 AM
Parent: #1
الأخ محمد ابراهيم
تحية طيبة زرقاء
أرجو أن تعتذر للأخ تاج السر عن ما كتبته هنا والهلال وطن
بداخله كل أشكال الطيف ولكن الكل يحبه ويدافع عنه بطريقته
الخاصة. نحن كمشجعين للهلال لا نتبرأ من أحد كتب عن ندنا التقليدي
المريخ وهذه أمور طبيعية خالص.
أبوفتحية
|
Post: #54
Title: Re: نحن مشجعي الهلال ..نتبرأ من المدعو تاج السر حسن
Author: Mohd Ibrahim
Date: 09-30-2007, 12:47 PM
Parent: #53
الاخ تاج السر ..مع كامل الاحترام لشخصه ... هو اسوء نموذح ممكن لمشجع كرة قدم ...
عناوين يوستات شديدة الاستفزاز ...اتهامات بالجملة بدون ادلة ....
توتر ومشاحنات ..نعوت وصفات ..كلها
ادت الي تراجع بوستات قيمة.. تحليلية وفنية ...
عنوان البوست يحمل مناشدة الي جميع محبي الازرق لادانة هكذا سلوكيات.. حتي
ولو صدرت من هلالي .."مقولة انصر اخاك ظالما او مظلوما تبدو ساذجة هنا
وخارجة عن السياق"..وهي دعوة للاخوة المريخاب للتصدي لاي بوستات مريخية
مشابهة )سوء ان كانت فعلا او رد فعل "وخلونا من الغلاط الكتير"
|
|