ما بـنـخـتـلـف ... انـه البـلنتي لمسـة كـتـف

ما بنختلف
خليني بس اقول معاك
انه البلنتي لمسة كتف

أول بقول الكلمة ليك
أصلك معاي دايما تلف
شايف الحصل قدام عينيك
ما تزيد كلامك بالوصف
ما تنكر الحاصل عليك
انت بتجن تبكي وترف
قاعد تهضرب من زمان
قالوا الجماعة الزول خرف

كضاب وفي كضبك هوا
وابدا في يوم ما بتعترف
لازم تزور انت الطبيب
عارف علي حق الكشف

وافقني مرة لو نسيت
ما تفرح انك مختلف
لو حتى حق الجيرة هان
علم الوطن فوقنا بيرف

انا عارفه طبعك من زمان
كلما ما اواجهك بتنصرف
كل ما اكون وضحت ليك
تهرب تقول عندك ظرف


حاشية :

مع الاعتذار للمرحومين الشاعر حسن الزبير والفنان خوجلي عثمان

تخريمة :

لو بعرف أغني كان سجلتها ونزلتها ليكم هنا

.....
...
..
.

جمال

مداخلة من بوست تاج السر حسن

كتب (الصحفى) المريخى المعروف (عبده قابل) وهو احد الصحفيين القلائل المشهود لهم بالرصد والأحصاء فشهادته تعتبر شهادة (خبير سودانى):


Quote: (نقولها بكل أمانة وصدق ان ضربة الجزاء الاولي التي احتسبت للمريخ اثر سقوط فيصل العجب داخل منطقة الجزاء انها كانت ضربة جزاء غير صحيحة اذ اتقن فيها العجب التمثيل الذي لو دقق الحكم كثيرا لمنح العجب انذاراً بالبطاقة الصفراء ·
فيصل العجب باختراقه لدفاع الاسماعيلي واندفاعه نحو المرمى بمتابعة من مدافعين من الاسماعيلي سقط ارضا دون ان تكون هناك مخالفة متعمدة تستدعي احتساب ضربة جزاء . )


أها في كلام بعد كده

البوست ده راح وين

يا محمد عبد المطلب

وينو حصاد الحكام


وزي ما قال المثل

حكم بيفيدك .. وحكم يغلب اجاويدك

يا زول أقيف
نبدأ الحكاية من الألف
قول البلنتي كان لمسة كتف أو ما كتف
ايه يعني لو لمسة كتف؟؟
أصلو المقامات تختلف
أصلو الكتف ما زي كتف
نحن السقف
نحن الجرف
نحن الحرف
نحن الولف
نحن الألف

مالو لو لمسة كتف؟
خليك بعيد أوعك تلف
طعم البطولة بيختلف
زي لستكا حاضن البلف
مالو لو جاريتنا في سك بطولة وتنكشف؟
أصلو المقامات بتختلف
لو قمت تتجاري وتخف
وباريت الزعيم المحترف:
راسك يلف
وعرقك يجف
وعينك ترف
وبمزاااااج للتربة تعرف كيف تسف!!

نحن بينا والبطولات حق الولف
يا زول أقيف
وين الجزائر والشلف؟؟
طعم البطولة بيختلف
وطعم النجاح ماتستلف

الكاس خلاص أصبح أزف
الجرسة ليه يا زول أقيف؟
نحن الشرف نحن الشريف

نمر الفنايل تختلف
لون السبايب يختلف
كندورة كان ثعلب يلف
عامل حريف
برضو الحكاية بتتكشف
موقف سخيف
القصة مازي صف رغيف
يا زول أقيف
تاني بتقول لمسة كتف؟

أبعد بعيد يا زول ولف
أحضن هزايمك زي بلف
أوعك تسف
أوعك تخف
شمبر بطولة أو بلوف
الناس خلاص وصلت خلاص حد الخرف
وبرضو بنقول ليك يا رهيب :
ما بنختلف

ما نديلا عارف يا خفيف
ودبي كمان فسحة رصيف
كاسا دهب ما كاس صفيح
طعم النجاح ما زي فسيخ
أها يا فصيح
جقلب وصيح
في سوسة ما أظن تستريح
التونسية أم مقعد فسيح
ترميك تطيح
واحد صحيح
مسمار نصيح
حتخلي بعض الناس تصيح
ات ما نصيح؟؟
صفا واستريح
أنسي النساك وأرجع نصيح

نحن حددنا الهدف وتاني ما ممكن نقيف

اسمع كلام زولا فصيح:
نحن الدهب
انتو الصفيح
نحن الحلو
انتو المسيخ
نحن الزلال
انتو الفسيخ
نحن البطل
انتو الوصيف
نحن الشباب
انتو الكسيح
نحن الأمل
انتو الوحيح
نحن العمل
انتو الرديح

يا زول أقيف
جر الشخيط وأبعد بعيد
واوعك تقول لمسة كتف تاني وتعيد
تاني بتعيد؟؟
ما أظن تعيد
أوعك تعيد
أوعك تعيد

مسعولين من الخير
اللخو ده مشي وييييين؟
هاك أها:

ما أظن كلامك يتعرف
مريخنا يا زول
من زماااان شال الكؤؤس بس من طرف
وروونا وين كاساتكم الما بتتعرف!!
ولسه شابك في كتف وما في كتف؟؟
حكاية والله وتحير للألف
انساها سيرة وابدا يادوب من ألف
العجب العحيب في كل كورة
بلا جدال جايب هدف لمممممممن قرف
أرجي تونس يا زميل وأبدا الحكاية من الألف
خليهو راسك مستعد أوعي ما يلف
كانت سخنت وجابو الهدف :أوعك تسف
مريحنا دوخ للدروايش وأبي ينبرش
الكاس وصل حد العتب وقرب كمن يصل السقف
تاني بتقول قول الكتف
كتفية يا زول بالتقيل
لمن تقول انا بعترف
اسكت خلاص انساها سيرة وانكرب
ارجا الرجاك وقبل علي سوسة ديك
يمكن يكون يوم مختلف
برضو بتقول لي كتف وما كتف؟؟

عاجل



قناة أرتي تعيد مباراة الهلال والمجد علي قناة الاطفال بدلا" عن فيلم الكرتون كابتن مـــــــاجد