أستجواب عاجل لـ(تراجي مصطفى) تعالي جاي بسرعة....

العضو : تراجي مصطفى.
بما أنك قد تغيبتي عن هذا المنبر لمدة خمسة (5) أيام عجاف من تاريخ 18/9/2007م حتى 22 منه دون إذن أو إبداء أي أسباب شرعية.
فأنت مطلوبة للأسجواب أمام لجنتنا المنعقدة منذ تاريخ غيابك إلى حينه، وعليك أحضار كل الإثباتات والشهود إن لزم لتبرير غيابك.

V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V
V

وحشتينا.

الشايقي

فاوضني بلا زعل

يا سلام يا الشايقي
حليلك يا الحنين فقدتني بالله؟؟؟


تعال نونسك
اولا كنت حردانه وزعلانه من بكري
ومن البوستات الحذفها.
ويا بكري عشان تعرف..بس اهو الشايقي سمى ايام غيابي ب (خمسه ايام عجاف)

Quote: العضو : تراجي مصطفى. بما أنك قد تغيبتي عن هذا المنبر لمدة خمسة (5) أيام عجاف من تاريخ 18/9/2007م حتى 22 منه دون إذن أو إبداء أي أسباب شرعية.

ورغم الكوره وهلال مريخ الشايقي كثر خيره فقدني.


اها يا الشايقي يا اخوي بعد الحرده مشيت مظاهرة آتوا
وآتوا دي يا اخوي اجارك الله منها 6 ساعات زي السم ذهاب و6 اياب!!
وللتعتر لينا الجماعه المعاي نعسوا وقالوا لي تسوقي قلت ليهم جدا
ناموا كلهم,,حاتك اختك طششتهم طشه اسكت ساي
قربت امرقهم في امريكا,اتاريني طلعت بمخرج خطأ
وشارع جميل وهادي لا شاحنات ولا زحمه
واختك كاسحه...الناس ينومو ويصحوا ويقولوا لي كيف السواقه معاك
الشارع شكله فاضي اقول لهم تمام كله تمام....بعدين انتبهنا
لا قرى لا محطات بنزين ....لا استراحات.....لا علامات بتوضح آتو
كل الهناك بيقول الكبري للولايات المتحده بعد كذا كيلو؟؟
هاياخوانا التطير عيشتي...الناس ديل ضيعتهم وين؟؟؟
المهم يازول ربك رب الخير عثرناعلى محطة بنزين وسألنا فيها
قالوا لينا بعدت مسافة ساعتين من آتو!!
ورجعنا بسرعه خرافيه..وياويلك من مخالفة السرعه في كندا
لو قبضوك بيها...ترفع لك سعر التأمين اقل شيئ حوالي ال 50 دولا شهريا
لمدة 5 سنوات!!اها شفت المحن الانا بدخل الناس فيها؟؟؟

وحاتك بعد ده مافي طريقه غير نصل في الوقت المحدد
والطلاب المنظمين للتظاهره بدأوا يتصلوا..اها انت وين؟؟اقول لهم على بعد ساعه
وثاني ..على بعد نصف ساعه...ولما وصلناهم و التظاهره على وشك النهايه.
لما وصلنا قدام البرلمان الكندي....فيلم عشان تلقى لك موقف للسياره
ولاحظ نحن ناس اقاليم و العاصمه دي بنجيها للمظاهرات بس(يعني مهمشين
هنا برضوا واريتو تهميش حبيبك) المهم يازول قلت للمعاي انا نزلوني هنا
وانت بطريقتكم تفتشوا موقف تلقوا ما تلقوا...انا لازم اجري....وجريت جري....
غايتو الساوها فينا قضية دارفور.....بس خليها في سرك وقول ربنا يعظم الاجر.

والله يا الشايقي انا جنس الجري الجريته في البلاد دي لو جمعته مع بعضه بيوصلني السودان كدر
تجري الصباح تودي العيال ...وتجري اليوم كله عشان تخلص حاجاتك قبل رجعت العيال
وتجري الظهر لجيبتهم,,,تجري...وتجري,,تجري لما تنكفي على وشيك.
غايتو يا الشايقي لو شفت لك اي تصوير عن كندا وشفت لك زوله بتجري
تأكد انها دي تراجي مصطفى.


ما خلصنا من مظاهرة آتوا...كمان جينا لمظاهراتنا بتاعت اكل العيش
اها حسب شغلي (النكرته رجاء العباسي وسوتني عاطله)في منظمه اسمهاSACHA
وتلقى معلومات عنها هنا وعن هذه التظاهره:
http://sacha.ca/home.php?sec=23
اها دي احلى انواع المظاهرات.....فهي مظاهره ليليه وفي سبتمبر دائما من كل عام
وهي ضد العنف وتخليدا لذكرى نساء كنديات قتلهن احد السفاحين
ونعتقد كناشطات بان التحقيق حول مقتلهن لم يحظى بالحرص
والاهتمام الكافي...,ذلك لانهن من مهمشات كندا
فاغلبهن من بنات native او aboriginal من كنا نقول عنهن في السودان بنات الهنود الحمر.
(على فكره الآن كلمة هنود حمر تعتبر مسبه وممنوعه في كندا لان اهلها رفضوها وكذلك كلمة اسكيمو عقبال السودان...شف في كم كلمه اهلها ما بحبوها تطلق عليهم؟؟)
في ذكراهن نقرر ان نخرج كنساء لوحدنا ليلا ومع اطفالنا
وان نقول من حقنا ان نكون آمنات.

وتعاريف الآمن متنوعه
فنتحدث عن الآمن من الجوع
والآمن من العنف
والآمن من العطاله
و...الخ.


في هذه التظاهره كانت امنا حواء محمد عيسى حاضره معنا
وتحدثت للبعض عن الظلم الذي وقع عليها من قبل حكومة السودان.


هذه تظاهره تعجبني كثير.....
فهي تظاهرة قوة وليس تظاهرة ضعف.....
وتجتمع فيها الناشطات بكل الوانهن وخلفياتهن المتنوعه
ومعتقداتهن...و تنوعنا وتباين خلفياتنا يقوينا ولا يضعفنا.
ونردد في هتاف هادر....
Women unite......... talk back the night

نساء تهتف بالانجليزي ونساء بالعربي ونساء بالفارسي و....الخ
بكل لغات الدنيا هتفنا لوحدتنا كنساء.


اها بعدها وحاتك اختك رقدت سلطه
اها المره دي عين خواجات ما جلابه


اتذكرت حسه حاجه كنت ناسياها
لاقتني زمليها فارقتني ليها سنه
وقال لتي يازوله انت بتصغري ما بتكبري مالك؟؟؟
عاد يا الشايقي نسيت اقول ليها هرشك..والله اكبر عليك.
اظنها...ياها هي القرضتني بعينها.

وحاتك مرضت انا وحازم ولدي وقربنا نموت.
انفلونزا زي الملاريا.....وغربه يا الشايقي خليها على الله.
اليناولك ..حبة شوربه تقوي عضامك مافي.
اها كثر خيرك يا اخوي الفقدتني.


صحبتك الحيزبون.





تخريمه:
انت مسؤل من الخير حيزبون يعني شنو؟؟؟

بوست جدا جميل
و رمضاني النكهة
تشكروا يا شباب

العزيز محمد البشير
رمضان كريم
وتصوم وتفطر على خير
بالله شفت بركات الشهر ده
الشايقي شابكني لك السنه كلها الحيزبون...الحيزبون
لما صفدوا شيطاطينه بقى لما يسأل مني ببوست خاص كمان
شفت البركات دي كيف؟؟؟

Quote: بوست جدا جميل و رمضاني النكهة تشكروا يا شباب

تصوم وتفطر علة خير يا اخي.

حمد لله علي السلامة
و رمضان كريم عليكم

تراجي..والله أخاف عليك كثيرا..
مثلماأخاف علي أحلامنا الشايلاها جواك..
أستريحي قليلا بين الفينة والأخري..
فنحن في أشد الحوجة إليك في قادمات الأيام..


وكوني بألف خير..

شكرا يا الشايقي

Quote: حمد لله علي السلامة و رمضان كريم عليكم

نوبي شكرا على كلماتك
ورمضان كريم
ومبروك للهلال.

Quote: صحبتك الحيزبون. تخريمه: انت مسؤل من الخير حيزبون يعني شنو؟؟؟

لما يقول ليك حيزبون قولى ليه يا قاقول وكلها مخلوقات منقرضة

بس دى قصة مابريدك وما بحمل بلاك

حمد لله على سلامتك يا تراجى

خلودي كيفنك؟؟؟
وتصوم وتفطر على خير
وربنا يجعلك من عتقاء هذا الشهر قول آمين:

Quote: تراجي..والله أخاف عليك كثيرا.. مثلماأخاف علي أحلامنا الشايلاها جواك.. أستريحي قليلا بين الفينة والأخري.. فنحن في أشد الحوجة إليك في قادمات الأيام.. وكوني بألف خير.. شكرا يا الشايقي

شكرا يا غالي
ويا بختي بمحبتكم وخوفكم علي.
لكن الاحلام ما تخاف عليها مادم كلكم هنا فهي بخير.
فعلا احتاج للراحه يا خالد فانا متعبه جدا بقدر اشواقي للوطن.
كن بخير.

الحبيب رأفت
كيفك؟؟ومشتاقين والله.
عليك الله شفت جنس المحن دي يا رافت؟؟

Quote: Quote: صحبتك الحيزبون. تخريمه: انت مسؤل من الخير حيزبون يعني شنو؟؟؟ لما يقول ليك حيزبون قولى ليه يا قاقول وكلها مخلوقات منقرضة بس دى قصة مابريدك وما بحمل بلاك حمد لله على سلامتك يا تراجى

بس ياهم ذاتهم ناس لا بريدك لا بحمل بلاك.

الله يسلمك من كل شر ياغالي
تحياتي للمدام الاظرف منك.

النبي يا تراجي ما تشوفي لاختك طريقه لجؤء معاكم اريتو حالي وحال عيالي لجؤ كندا
. بلدكم البتصغر الزول دي ما تلمينا فيها نحن يا يمه هنا التلوث البئي كاتم نفسنا .
يا زوله تجيبيني كندا كل يوم اعمل مظاهره .

Quote: يا سلام يا الشايقي حليلك يا الحنين فقدتني بالله؟؟؟ تعال نونسك اولا كنت حردانه وزعلانه من بكري ومن البوستات الحذفها. ويا بكري عشان تعرف..بس اهو الشايقي سمى ايام غيابي ب (خمسه ايام عجاف) Quote: العضو : تراجي مصطفى. بما أنك قد تغيبتي عن هذا المنبر لمدة خمسة (5) أيام عجاف من تاريخ 18/9/2007م حتى 22 منه دون إذن أو إبداء أي أسباب شرعية. ورغم الكوره وهلال مريخ الشايقي كثر خيره فقدني. اها يا الشايقي يا اخوي بعد الحرده مشيت مظاهرة آتوا وآتوا دي يا اخوي اجارك الله منها 6 ساعات زي السم ذهاب و6 اياب!! وللتعتر لينا الجماعه المعاي نعسوا وقالوا لي تسوقي قلت ليهم جدا ناموا كلهم,,حاتك اختك طششتهم طشه اسكت ساي قربت امرقهم في امريكا,اتاريني طلعت بمخرج خطأ وشارع جميل وهادي لا شاحنات ولا زحمه واختك كاسحه...الناس ينومو ويصحوا ويقولوا لي كيف السواقه معاك الشارع شكله فاضي اقول لهم تمام كله تمام....بعدين انتبهنا لا قرى لا محطات بنزين ....لا استراحات.....لا علامات بتوضح آتو كل الهناك بيقول الكبري للولايات المتحده بعد كذا كيلو؟؟ هاياخوانا التطير عيشتي...الناس ديل ضيعتهم وين؟؟؟ المهم يازول ربك رب الخير عثرناعلى محطة بنزين وسألنا فيها قالوا لينا بعدت مسافة ساعتين من آتو!! ورجعنا بسرعه خرافيه..وياويلك من مخالفة السرعه في كندا لو قبضوك بيها...ترفع لك سعر التأمين اقل شيئ حوالي ال 50 دولا شهريا لمدة 5 سنوات!!اها شفت المحن الانا بدخل الناس فيها؟؟؟ وحاتك بعد ده مافي طريقه غير نصل في الوقت المحدد والطلاب المنظمين للتظاهره بدأوا يتصلوا..اها انت وين؟؟اقول لهم على بعد ساعه وثاني ..على بعد نصف ساعه...ولما وصلناهم و التظاهره على وشك النهايه. لما وصلنا قدام البرلمان الكندي....فيلم عشان تلقى لك موقف للسياره ولاحظ نحن ناس اقاليم و العاصمه دي بنجيها للمظاهرات بس(يعني مهمشين هنا برضوا واريتو تهميش حبيبك) المهم يازول قلت للمعاي انا نزلوني هنا وانت بطريقتكم تفتشوا موقف تلقوا ما تلقوا...انا لازم اجري....وجريت جري.... غايتو الساوها فينا قضية دارفور.....بس خليها في سرك وقول ربنا يعظم الاجر. والله يا الشايقي انا جنس الجري الجريته في البلاد دي لو جمعته مع بعضه بيوصلني السودان كدر تجري الصباح تودي العيال ...وتجري اليوم كله عشان تخلص حاجاتك قبل رجعت العيال وتجري الظهر لجيبتهم,,,تجري...وتجري,,تجري لما تنكفي على وشيك. غايتو يا الشايقي لو شفت لك اي تصوير عن كندا وشفت لك زوله بتجري تأكد انها دي تراجي مصطفى. ما خلصنا من مظاهرة آتوا...كمان جينا لمظاهراتنا بتاعت اكل العيش اها حسب شغلي (النكرته رجاء العباسي وسوتني عاطله)في منظمه اسمهاSACHA وتلقى معلومات عنها هنا وعن هذه التظاهره: http://sacha.ca/home.php?sec=23 اها دي احلى انواع المظاهرات.....فهي مظاهره ليليه وفي سبتمبر دائما من كل عام وهي ضد العنف وتخليدا لذكرى نساء كنديات قتلهن احد السفاحين ونعتقد كناشطات بان التحقيق حول مقتلهن لم يحظى بالحرص والاهتمام الكافي...,ذلك لانهن من مهمشات كندا فاغلبهن من بنات native او aboriginal من كنا نقول عنهن في السودان بنات الهنود الحمر. (على فكره الآن كلمة هنود حمر تعتبر مسبه وممنوعه في كندا لان اهلها رفضوها وكذلك كلمة اسكيمو عقبال السودان...شف في كم كلمه اهلها ما بحبوها تطلق عليهم؟؟) في ذكراهن نقرر ان نخرج كنساء لوحدنا ليلا ومع اطفالنا وان نقول من حقنا ان نكون آمنات. وتعاريف الآمن متنوعه فنتحدث عن الآمن من الجوع والآمن من العنف والآمن من العطاله و...الخ. في هذه التظاهره كانت امنا حواء محمد عيسى حاضره معنا وتحدثت للبعض عن الظلم الذي وقع عليها من قبل حكومة السودان. هذه تظاهره تعجبني كثير..... فهي تظاهرة قوة وليس تظاهرة ضعف..... وتجتمع فيها الناشطات بكل الوانهن وخلفياتهن المتنوعه ومعتقداتهن...و تنوعنا وتباين خلفياتنا يقوينا ولا يضعفنا. ونردد في هتاف هادر.... Women unite......... talk back the night نساء تهتف بالانجليزي ونساء بالعربي ونساء بالفارسي و....الخ بكل لغات الدنيا هتفنا لوحدتنا كنساء. اها بعدها وحاتك اختك رقدت سلطه اها المره دي عين خواجات ما جلابه اتذكرت حسه حاجه كنت ناسياها لاقتني زمليها فارقتني ليها سنه وقال لتي يازوله انت بتصغري ما بتكبري مالك؟؟؟ عاد يا الشايقي نسيت اقول ليها هرشك..والله اكبر عليك. اظنها...ياها هي القرضتني بعينها. وحاتك مرضت انا وحازم ولدي وقربنا نموت. انفلونزا زي الملاريا.....وغربه يا الشايقي خليها على الله. اليناولك ..حبة شوربه تقوي عضامك مافي. اها كثر خيرك يا اخوي الفقدتني. صحبتك الحيزبون. تخريمه: انت مسؤل من الخير حيزبون يعني شنو؟؟؟

شوفي يا أيتها الحيذبون
كل الكلام ده ما بيحلك
وحسي أنا ما فاضي وقدامي لجنة تانية
لكن مبدئياً ولعدم كفاية الأدلة بحكم عليك بخصم 10 بوستات في 3 أيام.
وبرجع ليك بعد الفطور وبعد ريقي ينبل عشان أفضى ليك وأقعد ليك بي مزاج.
وأشوف الجري ده آخرته شنو!!!!

أحنا ما عندنا حريم يجرن (يهرولن بس)....
أما حيذبون هذه فهي طيره من طيور الجنة وما تصدقي الكلام القالو ليك أخونا رأفت ميلاد أصلي عارفه بتاع لف ودوران وداير يوقع بينا ويحرمني منك، هو من زمان لابد لي من زمن ختفت منو ست التسالي البتقعد ورا سينما حلفايا وكان مكسر فيها، كيدة ليك يا رأفت.... ومن الزمن داك وهو داير يلخبت لي.

الشايقي

فاوضني بلا زعل

Quote: اها شفت المحن الانا بدخل الناس فيها؟؟؟

لووووووووووووووووووووووول غايتوا انت
تحفه حواء يا روح ادم يا ست الكل

الأستاذه / تراجى مصطفى
السلام عليكم ورحمة الله وبركاته
ورمضان كريم
وكفاره ليك والإبن حازم
وحمدلله على السلامه
تقديرى

Quote: لووووووووووووووووووووووول غايتوا انت تحفه حواء يا روح ادم يا ست الكل

شكراً دوما على تشريف البوست
تعرفي تراجي دي أنا على يقين كما هم الكثيرين غيري بأن داخلها إنسانية ورحمة تكفي أمة كاملة وقد تفيض، وما شاء الله الله مديها طاقة جبارة لعمل الخير ....
لكن الحلو ما يكملش!!!!!
مشكلتها في رأي أنها كساقية جحا.
تبذل جهد كبير جداً وتبذل الكثير من التضحيات من وقتها وصحتها وقبل كل هذا أبنائها.
لكن مشكلة ساقية جحا رغم أنها مركبة مكنة مضخة بقوة مراح حصين لكن ماسورة المضخة مقبلة على البحر ومنه تسحب وإليه تضخ.
يعني مافي فايدة، بل المردود ذو قيمة سالبة.

ليتها تعدل أتجاه ماسورة الضخ وتضخ مويتها في الحقول لتخضر وتزهر.


ولا رأيك شنو يا خالة؟

الشايقي

فاوضني بلا زعل

الاخ الفاضل يسري مصطفى
شكرا لك يا اخي وما عدمتك.
وحياتك كانت وقعة عدوك...الا ربنا كريم عارفني براي..وعيالي محتاجين لي

Quote: الأستاذه / تراجى مصطفى السلام عليكم ورحمة الله وبركاته ورمضان كريم وكفاره ليك والإبن حازم وحمدلله على السلامه تقديرى

دي غربه يا ود امي عارفها فظيعه عشان كده تلقاني قلبي انقطع عليك لما سمعت انت عيان,يا غالي ربنا يخلينا لبعضنا وما تشوف شر.وشكرا للشايقي مرة آخرى.

والله يا الشايقي يا وليدي تراجي كانسان منقطعه النظير والتاني بس ياهو كالتي نقضت غزلها من بعد قوه انكاثا

دوما يا مستهبلبه صينك دي اوع تفتكريها بعيده
بصلك فيها وبديك عضه في نص راسك ده:

Quote: والله يا الشايقي يا وليدي تراجي كانسان منقطعه النظير والتاني بس ياهو كالتي نقضت غزلها من بعد قوه انكاثا

الشايقي يخترع تعديل مكنة تراجي مصطفى
لمكنة دوما مثلا

Quote: لكن مشكلة ساقية جحا رغم أنها مركبة مكنة مضخة بقوة مراح حصين لكن ماسورة المضخة مقبلة على البحر ومنه تسحب وإليه تضخ. يعني مافي فايدة، بل المردود ذو قيمة سالبة. ليتها تعدل أتجاه ماسورة الضخ وتضخ مويتها في الحقول لتخضر وتزهر.

يعني يا الشايقي عايززني ابقى زي العربيه
البودي من حته و المكنه من حته ثانيه ؟؟؟

يازول الاصلي مافي زي تكون تيكو تستمر تيكو
تكون جياد تستمر جياد
تكون هايلوكس تستمر هايلوكس.

Quote: يازول الاصلي مافي زي تكون تيكو تستمر تيكو تكون جياد تستمر جيالد تكون هايلوكس تستمر هايلوكس.

ياا ختي دي عربات شنو المهمشه دي بري ما سمعت بيها الا اقوقلها

Quote: دوما يا مستهبلبه صينك دي اوع تفتكريها بعيده بصلك فيها وبديك عضه في نص راسك ده:

حبابك
يا اختي نحن فناجره الدنيا
من د خل دار دومه فهو امن

Quote: حبابك يا اختي نحن فناجره الدنيا من د خل دار دومه فهو امن

الخاله دومه (مع أنه خاله دي ما مناسبة فقد نكون دفعة ولا قريبين من بعض بس بقوله للإحترام والتبجيل) - الله يديك العافية.

عليك الله باب دارك ده خليه متاقى
أصلي تراجي دي ما بضمنه وممكن تقلب علي في أي لحظة والهدنه دي شكلها مؤقت وممكن أحتاج للجوء والحماية في أي لحظة.
فخلي بالك في أي لحظة بتلقيني دافر الباب وجاي جري طالب الحماية.


الشايقي

فاوضني بلا زعل