عشان انا ماصاحبك يابكرى ابوبكر؟

كل التجله والاحترام لك اخى بكرى ,

لكنى عاتب عليك وداير اشتكيك للجمعيه العموميه (جميع البورداب)

يااخوان يابورداب واخص منهم اصحاب بكرى ابوبكر الحميمين وهم كتار ماشاء

الله . الحقونى وافزعونى وكلموا لى صاحبكم ده . مشكلتى بسيطه وحلها ساهل

بس سيد الحوش يعبرنى , لانى عملت اكثر من ايميل ومالقيت رد ,

فانا ياجماعه اسمى كمال سالم لكن بكرى مصر انو ينزل اسمى كمال علي . الشئ

الذى منعنى من فتح اى بوست حتى الان لانى مصر ان يظهر بوستى بالاسم المعروف

بيهو عند الناس . والى انعقاد الجمعيه العموميه انا فى الانتظار . مع حبى

واعزازى لجميع اعضائها.

ولك كل الود اخى بكرى يامن منحتنا كل هذا الالق والجمال ,,

اخوكم كمال سالم

العزيز كمال علي
دا طبعا حسب الاوراق


الثبوتية البكرية
و انت بالتأكيد ما ح تعرف اسمك احسن من بكري
الحل بدل تفتش واصط لبكري غير اوراقك الرسمية كلها
ليكون فيها اسمك كمال علي
بكل بساطة
غير كدا بتكون مزور هويتك البعرفا بكري احسن منك
شوف اقرب زول لوزير الداخلية اعمل المعلوم

رمضان كريم يا حبيب و اتمني بكري يطلع منالمود بتاع الطناشو يحقق ليك
طلبك
الف مرحب بيك

داير تقنعنا انك بتعرف نفسك اكتر من بكري ... بالله

يا كمال سالم ياخى مش اسم جدك على

بكرى ابوبكر دة عايش فى امريكا بياخد بى اسم العائلة الاسم الاخير

انت من الان اسمك كمال على يجب تعديلة الى هذا الاسم كمال على

من اليوم حا اقول ليك كمال على.................

عمر كيفنك
انت مالي ايدك من انه جد الراجل
علي ولا لطشتها سكت
لانه بكري بقف حسابالزول حتي بعد
داك يسأل الحاصل شنو
اعمل حسابك علي حسابك ولا بكرة تلقي اسمك

ابدربين المشيهو
كتر و في رواية المشيهو كدر
لكن ابدربين موثقة في الروايات

يكري عليك الله غير لكمال دا اسمو




مع انو اسم علي سمح..ما عارفو مالو ما دايرو؟

الاخ نصار

تب مالى يدى من دراو كمان

داير لى واحد يدينى نبذة عن دراو دى

لكن مشهور بى اسمو واسم ابو كمال سالم

هكذا تنطق اسم واحد

زى كدوة اسمى عمرسعد ابوى بيقول لى عمر سعد

اشتهرت بانى عمر سعد وبعض صحبانى بيقولو لى (الجيتو)

انت يا نصار كان بينى وبينك اميلات لكن قطعتة لكن ليك حق

السودانيين ديل منهم جفلة

العزيز عمر
معليش يا حبيب في السنوات الفاتت دي اخوك متجول من مدينة لمدينة و لو لاحظت بتلقي كتاباتي موحدودة جدا
اخوناكمال دا بس مايكون اتحسس من دعاباتنا
و نقول ليهو غرضنا شريف
لكن يا عمر بشهادتك دي ضيعت فرص الراجل بتغيير اسمه

نصار - عبد المنعم سليمان - عمر سعد - سجيمان
ليكم كل التحايا والحب ووالله ماقصرتوا - بس يظهر انو
مافيكم واحد صاحب بكرى - وبعدين يانصار ولا يهمك احنا
ناس حلوين وبنحب الحلوين الزيك كده - بس عمر سعد ده
اصلوا بتاع مغارز . عموما انا مازلت منتظر . تحياتى,,

البكا بحرروا أسيادو

كمال انت ما ترضى باسم علي دا؟؟؟

والله اسم سمح وما عندو عوجة

والله انا لو بكانك اصلو ما افتح خشمي

سجيمان انت عشان جلابيه ( سمعنا قالوا اسمها الرجاله تطير ) عشان

جلابيه صوتك نط الاطلسى والهندى دايرنى اسكت عشان اسم بالكامل اتنازل

عنو بالسهوله دى . وبعدين عمك سالم ده كان راجلا ماساهل ابدا عشان

نتخلى عنو بالسهوله دى . حتى اذا اقتضى الامر الشكوى لناس حقوق الانسان

بس كلم تراجى تورينى محلهم وين ,,,

العزيز كمال
الضراك يا سيجيمان القدامك دا
بكري صاحبنا ولا علي كيفو خلي بالك
لا سجيمان مارس عليه ابتزاز اسع كلامو الكتبه هنا مشفر
قال لبكري ان غيرت لكمال اسمه بدل مطلبتي ليك بجلابية ببهتك بهته لمان تآمن
ممكن اتسلبط في ولاية امريكية و احملك المؤولية
اما عمر سعد الفيهو اتعرفت و دخلني في شمطة مع صديقي نصار الحاج
اها انت اسع اتبلبلت بتركيبة اسمك الحالية و يبقالي احسن تعوم بيهو للاخر
ولا الراي شنو?
اذا ما موافق قول عوك عشان نمارس ضغوك دبلوماسية علي بكري و حكومة الانقاذ و نحيد الخطر بتاع سجيمان و ابتزازاته الخطيرة
و ننسف شهادت عمر سعد

كمال سـالم.....مـنو ؟؟؟

اذا جـدك اسمو علي , فاسمك في فينكس بولاية ارزونـاكمال علي
ومافي ليك اي طريقه تغيره. والحصل عليك حصل علينا منذ حضورنا
الي بلاد العم سام
يا أخي ارضي باسم علي ونوم قرير العين.
عبدالله محمود عبدالله