زوجتى اعتقدت إنه نبى الله الخضر ... إتضح إنه محسى من جزيرة بدين ...

بسم الله الرحمن الرحيم

حصلت هذه القصة عندما نوينا وقررناأنا وأسرتى أن نؤدى العمره هذا العام

ذهبت بصحبة زوجتى يوم الثلاثاء 6 رمضان مساء إلى مكتب الحجز وحجزنا على

أساس القيام غدا الأربعاء 7 رمضان وفي الميعاد المحدد الساعة الرابعة ونصف

وصلنا الساعة الخامسة إلا ثلث وجدنا المكتب مغلق ولا توجد ناقلات ( بالبص )

ارشدنا بعضهم من اللحاق بالبصات فى محطة النقل الجماعى عسى نحصل وقد حصل

فقد أخذنا تاكسي وتوجهما إلى المحطة ووجدنابصات كثيرة ولكن لم نحصل علي

البص الذى من المفترض أن يقلنا إلى المدينة ثم مكه ودنت ساعة الإفطار ونحن

على تلك الحالة ( الملهوف ) بعد الإفطار قلت لزوجتى وافراد اسرتى الله ما طلق

والمنادى ما نادى هيا بنا نرجع إلى البيت ... وإذا بنا نسمع صوت من أحد الإخوة

السودانيين مافى رجوع للبيت والمنادى نادى وإن شاء الله حتعتمروا معانا إلتفت

إليه وسلمت عليه كان رجلا عادى يرتدى الجلابية وطاقية فى رأسه على مشارف الخمسين

قلت له كيف !! قال نحن ماشين فى البص ده وفيه كراسي شاغرة خلونى أكلم لكم صاحبه

وإنشاء الله يكون خير وبالفعل كلم صاحبه فوافق بشرط أن ندفع له قيمة التذاكر وهنا

إختلط على الأمر خاصة وأن زوجتى وأبنائى فرحوا فرحا شديدا بهذه الفكرة ولكن ليس

المبلغ كافيا كل الذى معى مصاريف الرحلة .. قلت معليش نخليها الأسبوع القادم إنشاء

الله لكن الرجل قال لا مافى حاجة إسمها الأسبوع القادم اليوم بس وقال لي هات ما عندك

وقام بإكمال ما تبقى من مبلغ وقال لى هذا رقم جوالى إذا رديت المبلغ مافى أى عوجة

وإذا لم ترده أنا مسامح دى فرصة ما بتتعوض وقال للأولاد ياالله اركبوا .. وصرت في حيرة

من أمرى .. قلت له أنا بالمناسبة دى سوف ارد لك فلوسك بمجرد أن نصل مكه قال لى ما

مشكله المهم لازم تأدوا عمرتكم والحمدلله كانت عمره ميسرة .. وفى سيرنا كنت أتحاور معه

فعرفت أن إسمه عبدالفناح صالح محمد صالح وهو محسى من جزيرة بدين التى تحوى اربعة

مشيخات وعموديتبن وهو من مشيخة سقدان التى لها موقع فى الأنترنت عنوانه sogdan.com

الله يعلم كم دعوت لهذا الرجل الصنديد وقلت فى نفسى والله فعلا هؤلاء هم رماة الحدق ..

عرفته بأننى من دارفور ومن مدينة نيالا .. قال من دارفور وله من اي جهة .. فى النهاية

إنت سودانى وإبن بلدى .. حيث لا زالت زوجتى تعتقد إنه نبى الله الخضر ... الله الله يا ناس

عضوا على هذا السودان العظيم بالنواجذ... حكاية ولا في الأحلام ..

هذا هو السودان الذي نعرف


وهذا هو السودان الذي نحب



وهذا هو السودان الذي نتمنى


تقبل الله عمرتك و عمرة أسرتك وعمرة أخيك عبد الفتاح المحسي

الفاضل آدم الهلباوي
رمضان كريم وتصوم وتفطر انت واسرتك على خير وربنا يقبل صيامكم وقيامك وعمرتكم.
اصلا انت رجل مبروك وزوجتك معك لذا ربنا سخر لكم الطيبين.
التحيه للرجل البركه:

Quote: فعرفت أن إسمه عبدالفناح صالح محمد صالح وهو محسى من جزيرة بدين التى تحوى اربعة مشيخات وعموديتبن وهو من مشيخة سقدان التى لها موقع فى الأنترنت عنوانه sogdan.com

وربنا يعدلها عليه دنيا وآخره.
وصدقني لولا معرفتنا بان امثاله كثر بالسودان لما تمسك احد منا بهذا السودان.
اللهم احفظ اخلاق شعبنا وزدنا ترابط ومحبه وحقانيه وعداله يا مجيب الدعوات يا رب.

فوووووووق

**
*

انت تلمست الحقيقة..
وها انت قلت :- شبه لحرمكم.
ماشبة..
انه هو..
قد قابلت الخضر..
نبي اللة الخضر ..
وسوف تقابل كثير من الانبياء..
وانظر حولك كم الملائكة ترفر همبريب ..
صالح الدعوات.

*
**

بسم الله الرحمن الرحيم

الإخوة الكرام :


الأستاذ / كمال حسن

الأستاذة / تراجى مصطفى

الأستاذ / إسماعيل محمد الحسن

فائق تقديرى وإحترامى

رمضان كريم وإن شاء الله تصوموا وتفطروا على خير وكل الخير

اشكركم على هذه المشاعر الطيبة المباركة لكم وله الصحة والعافية .. ولا عدمناكم.

Quote: الاخ/ ادم الهلباوى التحية لك ومبروك لك العمرة ورمضان كريم وكل عام وانتم بخير واهم شىء الدعوات الصالحات وربنا فى كثير من الامور يسخر من امثال هؤلاء الاشاوس لتيسير امور خلقه التحية لاخونا / عبد الفتاح صالح لهذه الوقفه الكريمة وهذا هو السودان العظيم وهذا هو التلاحم بين الشعب الواحد. وربنا يحقق كل الامنيات. ولكم ولاسرتكم التحية والتقدير محمد ادريس عثمان زمراوى

يا هلباوي

عمرة مقبولة وجعلها الله في ميزان الحسنات

عزيزي الهلباوي

تحياتي
و عمرة مقبولة بحول الله

Quote: حيث لا زالت زوجتى تعتقد إنه نبى الله الخضر ...

و الله هناك أيادي سودانية تكاد تقول أنها من أفعال الأولياء و الصالحين ... تكاد أعمالهم تنبيء عن ذلك

Quote: الله الله يا ناس عضوا على هذا السودان العظيم بالنواجذ... حكاية ولا في الأحلام ..

عاضين و الله يا آدم ..

دمتم

الآخ آدم هلباوى

لك التحية وتقبل الله منكم عمرتكم ووفقكم للسير فى طريق التقوى ابدا ......

Quote: إسمه عبدالفناح صالح محمد صالح

معك أدعو كل احبتنا هنا للدعاء لهذا الرجل الهمام والذى يمثل الوجه الحقيقى للانسان السودانى وادعو ان نكون جميعا مثله نغيث اخوتنا اينما كانوا ونساندهم ونقف معهم ولا ندير ظهورنا لهم ويا له من رجل شهم كريم وابى ويا له من رجل يجب ان يقتدى به فالتحية له والدعاء له بطول البقاء وان يجعل الله ذلك فى ميزان حسناته ...

ذكرتنى حادثة حصلت قبل عدة سنوات سمعتها من احدهم رواها له صاحب الحكاية شخصيا ...

كان رجل وزوجته فى السودان يحاولون الحصول على تأشيرة عمرة وكانت الحكاية زحمة لا تطاق قبل تطبيق نظام الوكالات هذا وكان لابد من اخذ التأشيرة من السفارة فى الخرطوم وحينما ذهب الرجل وجد ان السامر قد انفض وان الحكاية قفلت والناس عادت قانعة فجلس حزينا تحت ظل شجرة يندب حظه العاثر وهو قد اضاع فرصة أداء العمرة والعمر ليس معروفا وبينما يحدث نفسه فاذا برجل عادى يأتى له ويقول له يا ولدى ما تزعل .. اقوم امشى للعسكرى الفى الباب وقول ليه الزول التحت الشجره ده قال ليك اشر لى جوازى ....
لم يفكر فى معقولية الحديث ولم يفكر فى ان يسأله عن اسمه وصفته التى تجعله يفعل ذلك وكالمنوم مغنطيسيا اخذ زوجته وذهب للعسكرى الواقف عند البوابه والذى افاده بان ذلك كلام غريب ولكنه وجهه للدخول الى شخص آخر بالداخل قائلا له اخبره بأن الزول التحت الشجرة قال لك قم بالتأشير لى ...
بالداخل اخبروه بأن القنصل سافر عائدا الى السعودية وان الاختام قد اغلقت فى درجة ...
باختصار كل واحد يرسله للاخر حتى وصل لاكبر مسئول وحينما اخبروه بحكاية الزول التحت الشجرة قال لهم اننى ساختم لكم بتأشيرة العمرة ولكن توقيعى ليس هو التوقيع المعتمد وانتو اذهبوا وليوفقكم الله ....
فعلا ختم لهم ومهر بتوقيعه غير المعتمد ولكنهم جاءوا وأدوا عمرتهم وحينما خرجوا من السفارة لم يجدوا ذلك الرجل واعتبروا نبى الله الخضر ....

القصة على غرابتها قد يسفهها بعضهم وقد ينكر بعضهم وجود نبى الله الخضر اصلا ولكنى اؤمن به وقد يكون فى أى شكل سودانى او نيجيرى او امريكى او اى بنى آدم لا نعرف شخصه ....

لك تحياتى وهنئا لك ان قابلت نبى الله الخضر ولكن نقصك ان تقول له ادعو لى الله ..

ياهم أهل السودان
شماله ... جنوبه .... شرقه ... وغربه
فلنتمسك سوية من أجل الحفاظ علي بلدنا وعاداته الجميلة وننبذ الخلافات وتأطير الكره...
تقبل الله عمرتكم وفتح الله على عبد الفتاح رحمة واسعة منه..
والحمد لله على وجود أمثاله وأمثالكم في السودان....
والحمد لله رب العالمين...

الاخ ادم
ليس في الموضوع نبي الله الخضر او غيره، نبي الله الخضر مات منذ زمن بعيد، والكلام عن انه حايم هو نوع من الخرافات ليس الا.
الرجل رجل سوداني اصيل يتمسك بقيمنا وتقاليدنا التي لم تزحف عليها الانقاذ وتبيدها فهو لا يفرق بين سوداني من الخرطوم او الفاشر او جوبا او دنقلا وهذا هو السودان الذي نتمنى ان نراه في المستقبل.
بمناسبة نبى الله الخضر هاك النكتة دي وهي حقيقية وابطالها حيين وموجودين.
عندنا واحد عمنا بيلقبوه ب (حشيش) قاعد قدام بيته ومعاه ولده والبساط بيناتهم احمدي يعني هم اصحاب اكتر من اب وابنه ، المهم جاء ماشي قدامهم راجل لابس هدوم وسخانة ودقنه طويلة وحالته بالبلاء فسلم عليهم فردوا عليه السلام، حشيش قال ليه اتفضل فالرجل قال له شكرا فحشيش حلف عليه طلاق فالولد استغرب من ابوه وقال يا ابوي ما تخلي الزول يطير كده ولا كده داير به شنو؟ فقال ليه حسن يا ولدي يمكن دا يكون نبي الله الخضر، الرجل اتغدا وشرب الشاى وحشيش غمت له قروش في ايده ومشى، حشيش وولده مشوا بعد شوية على بقالة اكان يلقوا ليك زولهم سيجارته قصبة في البقالة فحسن لكز ابوه وقال
عان خضرك يا حشيش!!!!!

هلباوي ... رمضان كريم
هذه هي قيم ووفقة ونخوة السوداني الأصيل

بإسمك اغني ،، تغني السواقي
خيوط الطواقي
سلام التلاقي ودموع الفراق
واحبك ملاذ .... وناس عزاز
احبك حقيقة واحبك مجاز
احبك بتضحك ... واحبك عبوس
في عزة جبالك ترك الشموس
وما بين ظلالك افتش واكوس
افتش طفولتي وملامح صباي
بناتك عيونهم صفاهن سماي
وهيبة رجالك بتسند قفاي
صحي بتملا عيني وتشرف غناي
في حضرة جلالك يطيب الجلوس

وزي ما قال أبو جهينة عاضييييييييييييييييييييييييييين

Quote: ياهم أهل السودان شماله ... جنوبه .... شرقه ... وغربه فلنتمسك سوية من أجل الحفاظ علي بلدنا وعاداته الجميلة وننبذ الخلافات وتأطير الكره... تقبل الله عمرتكم وفتح الله على عبد الفتاح رحمة واسعة منه.. والحمد لله على وجود أمثاله وأمثالكم في السودان.... والحمد لله رب العالمين...

الأخ آدم
لا أستطيع أن أضيف شيئا على سطور الأخ عثمان محمد هذه .
تقبل الله عمرتك وحفظ أسرتك ووفقكم لما يحب ويرضى ،،

هلباوي

عمرة مباركة ومقبولة

عجبني البوست وتعليق الاخ قرشو

نبي الله الخضر حالة ذهنية تسيطر على اذهان الناس لمجرد إعتقادهم فيه

شخصية الحنين مثلا فى رواية الطيب صالح الشهيرة عرس الزين يراها اكثر من ناقد أنها تجسيد لشخصية لنبي الله الخضر لما فيها من قوة روحية

عظيمة إستمد منها الزين بطل الرواية كل طاقته الخلاقة

تجده فى اغلب ظهوره فى الرواية في اوقات يكون الزين فيها اقرب الى الطيش فيحيله الى انسان وديع بمجرد مخاطبته

تنبأ له بأنه سيتزوج اجمل بنت فى القرية ... وصدقت نبؤته

فى غمرة الفرح بالزواج إفتقد الناس العريس الزين فوجدوه جالسا جوار قبر الحنين

رغم إن معالجة شخصية الحنين فى الرواية قابلة لتفسيرات كثيرة إلا أنها تتطابق مع ما إندمغ فى أذهاننا من إعتقاد

أحن كثيرا لهاتين الشخصيتين الأثيرتين كلما أعود بذاكرتي لذلك الزمن الجميل الذى شكل ملامحنا

شكرا ليك لإحتفاءك بنبي الله الخضر ومن يشبهوه

كثر الله من أمثاله

وما قصرت تب يا أخ آدم في حق الرجل

زي دي نماذج لا بد من إبرازها


لك التحية


أحمـد الشايقي

بسم الله الرحمن الرحيم

العزيزة دوما ... إحترامي

رفعت البوست الله يعلى مقامك ويحفظك ويرعاك ويتقبل منك

بالله عليك هذا الرجل الهمام مش يستاهل أكثر من كده

والله تصدقي من شدة فرحتى به كانت عمرتنا مع أبنائى

أسهل من شرب الماء لا تعب ولا إرهاق بل كانت سعادة

أسأل الله الكريم أن يديم نعمته عليه وأن يجازيه

خيرا بما فعل لنا ومن اليوم وصاعدا سوف يكون شقيقى

فى الحياة وأحد أقراد اسرتى إن شاء الله .

لا تآخذينى يا أختى دوما على هذه :

أحد إخوتنا الظرفاء قال لي :

ياهلباوى أحمد الله ليقتو محسى من سقدان

لكن لو كنت لاقيت إبن عمه كان أداك ما تبقى من ( العلبة ) .

حبيبنا آدم
رمضان كريم وعمرة مقبولة

نبي الله الخضر هذه المرة من سقدان
والمرة القادمة من نمولي ونيالا وسنجة والقلابات وأروما ومروي و... و... و... و... و...

هذا هو السودان يا آدم مهما عصفت به رياح الأزمات فسيظل السودان سوداناً والسودانيون هم السودانيون ولو تخللهم أهل السوء فلن يعمروا كثيراً.
وإن سلبوا السودان حيناً فلن يسلبوه كل الدهر

سقدان:
تعرف يا آدم سقدان دي منها منو؟
تتذكر أخونا وصديقنا وزميلنا زمان وكان معنا أيضاً في لجنة الجمعية الخيرية؟
محمد عبدالمجيد عكاشه.
وهو من الناشطين في العمل الخيري خاصة في جمعيات سقدان.
وكما عرفت سقدان من نبي الله الخضر فقد عرفتها قبلك من عكاشه.

فهنيئاً لسقدان والسودان بأمثال هؤلاء.


(خلينا نسمع صوتك).

الشايقي

فاوضني بلا زعل

اخـي آدم انـت رجـل وفـي وسـودانـي اصـيـل وفـقـك الـلـه وعـمـرة مـقـبـولـة

بسم الله الرحمن الرحيم

الإخوة الأحباب الغوالى :

الاستاذ/ محمد زمراوى
الدكتور / محمد الحسن
الريس / أبو جهينة
الأستاذ / قرشو
الأستاذ / عثمان محمدين
الأستاذ / محمد عمرالفكى
الأستاذ / أشرف ياسين
الأستاذ / عادل جبارة
الأشتاذ / حيدر حسن مرغنى
الحقوقى/ أحمد الشايقي
الأستاذ / سيد أحمد الشايقى
الأستاذ / هاشم أحمد خلف الله

مع تحياتى وفائق إحترامى أشكركم على المداخلة والمشاركة
وإهتمامكم بالموضوع أرجوكم أن تدعو له بالخير والتوفيق
صراحة هذا الرجل ما هين يستاهل كل خير ربنا يوفقه ويسدد خطاه
كما أسأل الله لكم جميعا فى هذا الشهر الفضيل أن يقويكم
بالصحة والعافية ويميزكم عن غيركم بفعل الخير ويوفقكم
فى حياتكم ويسعدكم مع أسركم وابنائكم بالنجاح والفلاح
فقد استفدت كثيرا من رؤاكم ووصاياكم وفقكم الله دنيا وأخرى
أكرر فائق إحترامى وتقديرى لكم .. وهذا هو السودان العظيم
ولندعمه بالمحبة والتآخى والوفاق ... أدامكم الله وزاد فضلكم

ديل اهلي
البقيف في الدارة و سط الدارة و اتنبر و اقول للدنيا كل الدنيا ديل اهلي

عرب ممزوجة بي دم الزنوج الحارة
ديل اهلي
الكلام دا ما جاء من فرغ يا استاذ و يمكن لو كنت في محله كنت عملت نفس الشيء
و يكفي انك عرفت كيف ترد الجميل و هذه حسنة اخري من حسنات السودان
و كلاكما سوداني 100%
و له اجر عمرتك دون ان ينقص اجرك ووفقكما الله معا ونعم الاخوين انتم

Quote: حيث لا زالت زوجتى تعتقد إنه نبى الله الخضر

العمرة مقبولة

يازول معاها حق

أياهو الخضر الأخضر

زي ما قال ليك من مجمع البحرين في الجزيرة بدين



وبركة بالشوفة
والصحبة

بسم الله الرحمن الرحيم

الإخوة الكرام :

الأستاذ / محمد على حسن

الأستاذ / المسافر

تحياتي وإحترامى

أشكركم على المداخلة والمشاركة كما ارجوكم أن تدعو له بالتوفيق

ربنا يوفقه ويوفقكم لفعل الخير رمضان كريم وكل عام وأنتم بالف خير مع فائق إحترامى .

ادم العمرة مبروكة ياهو الخضر وتاني بجيك بشكل تاني ابقي نجيض اطلب كل شئ

بسم الله الرحمن الرحيم

الحبيب سيف مساعد .... إحترامى

رمضان كريم إن شاء الله تصوم وتفطر على خير

ويحقظك ويرعاك بالصحة والعافية .. طبعا المرة

الجاية وصيتك محفوظة على ظهر قلب وما فيها كلام

حنعمل بيها وما حنفرط فيها إن شاء الله مع فائق إحترامى .