تفتيش وطلب!!

كنت قبالك بفتش
في الدروب ..
عن السعادة..
في العيون ..
عن المحبة
وفي القلوب..
عن سر ودادها
روحي ما ضاقت وملت!
دي كل يوم
بيزيد عنادها!
لانو يوم لقياك أكيد
يوم حتلقي الروح مرادا..

وبديت..زماااان!

فتشت عنك كل مكان
وسالت عنك كل محل
وعشان الاقيك يا جميل..
طفت البلاد..
لفيت دول..
ما ملت الروح السؤال..
دي الروح صبورة مع الأمل..
ولأني مشتاق ليك كتير...
بهمس لعينيك والمقل!
ما بتروح رحلة عمر
في الطريق..قبال أصل!
ولا بتكسرني الظروف
أو حتي يهزمني الكسـل
ولو حصل قدر الله
أو تم الأجل..
حا أنكتب في الحب بطل.
ولو ما حصل..قبال أصل
طلبي منك يا جميل


بعد اللقاء..


العهد بس:

((ما نفترق مهما حصل))..
..

ولو حصل قدر الله
أو تم الأجل..
حا أنكتب في الحب بطل.