يا مريخاب البورد : شوفوا ليكم شغلة غير هلالنا العظيم .. والكأس ده للهلال .. اها حتمشو وين تاني

الحكاية شنو

مريخاب البورد ديل السألهم منو واللا الهبشم منو

كل مبارة للهلال زعيم البلد يسنو اقلامهم ويفتحو ليهم بوستات عن الهلال وشماته في الهلال

يعني الليلة لو الهلال ده خسر من النجم التونسي كان ما لقينا لينا جنبة نرقد عليها

قلنا انتصرنا وحيسكتوا مننا

أها برضو جونا يهرجلوا ويحسبوها لينا هدف من المجد وهدف من النجم

الهلال لن يخسر سواء مع المجد ام النجم في تونس

نحن متابعين المريخاب ديل من ناسارو وقرعتنا في دور الثمانية ودخولنا المربع الذهبي وهم بيشمتوا فينا

والغريبة نحن منتصرين وفرحانين

حتى لو دخلت فينا اهداف بنقدر نجيب هناك اهداف

تعادلنا مع الترجي في تونس ممكن يكون مثال وخير برهان

يا ناس المريخ شوفو ليكم شغلة تانية

شوفو مبارياتكم الجاية واستعدادتكم ليها

والهلال ده خلوهو في حاله

نحن القبيلة الزرقاء

سوف نشرف السودان ده في اي مكان

وحنجيب الكاس

ويا ريت تفرحوا معانا بدل ما تشمتوا فينا على الفاضي


ومبروك للهلال ومبروك لكل هلالابي
ومبروك لكل سوداني ما بيكره الهلال


جمال السنوسي