في اخر التطورات بمطار الخرطوم- ممنوع المغادرة بدون اذن سفر

غريب الدنيا، ففي الزمن الذي تتسابق فيه الدول لمواكبة اخر
ما توصلت اليه التكنولوجيا في مجالات الاتصالات وتبادل المعلومات
نجد ان السودان يقبع في مؤخرة دول العالم في كل شئ، بعلم الحكومة
او بجهلها، ففي مطار الخرطوم معبر السودان الي العالم تمارس سلوكيات
اقل ما يمكن وصفهاانها اهانة لكل سوداني واساءة الي السودان،
قبيل فترة وجيزة ، تزوج زميل لنا ونوى قضاء شهر العسل في القاهرة
هذا الصديق اكمل كل اجراءات السفر من تذكرة الي تاشيرة الخروج وتاشيرة دخول مصر
ورسوم المطار و...الخ. وصل العريس الي مطار الخرطوم وبرفقته عروسه وعدد من اقربائه وزملائه.
وبينما تاهبوا للدخول الي الصالة الخارجية(الباب الخارجي)استوقفه شخص في الباب قائلا له:
يا عريس ماشي وين؟
اجاب ماشي القاهرة..
اردف الشخص قائلا: وين اذن سفرك؟
اجاب زميلنا: اذن شنو؟ وواصل قائلا دا جواز السفر حقي وزوجتي وفيها تاشيرات الدخول والخروج ودا القسيمة..
ودي التذاكر والحجز..
قال الشخص بعد مراجعة الجوازات وتواريخ الاصدار والانتهاء وتأشيرات الخروج والدخول وخلو الطرف من الخدمة الالزامية
وكل ما يجب استيفائه للسفر: لا يازول .. انت لازم تكون عندك اذن سفر.. لو ما عندك مافي ليك طريقة للسفر ولا كمان تدخل الصالة.
قال صديقنابكل ادب: يا ابن العم .. انا باقي لي ساعة للاقلاع.. ومافي زول قال لي انا من المطلوبين للامن ولا اسمي في قائمة المحظورين من السفر
مش دا وبس انا لسع ما دخلت القاعة ولا وصلت سلطات الجوازات المعنيين بالامر.. ربنا يرضي عليك خلينا ندخل جوة وبعد داك نشوف..
رفض الرجل السماح لهم بالتحرك خطوة قبل الحصول على اذن السفر.. احتار زميلنا ومن معه.. قام زميل اخر وسال الرجل : انت بتشتغل شنو؟
موظف في المطار ولا في البوليس ولا في الامن وانت تعرف الزول من وين؟
اجاب الرجل:انت كمان امسك خشمك..
جاء واحد موظف في المطار وحكوا ليهو المشكلة .. رد اخونا .. يا جماعة حلوا مشكلتكم دي مع الراجل وخلاص.. انتو باقي ليكم 40 دقيقة للاقلاع
جاء واحد تاني من الداخل وقال وين العريس.. اجابه العريس نعم يا بان العم.. ذهبوا جانبا وقال للعريس انت مشكلتك كبيرة .. لكن احنا بنحلها ليك..
ادفع 150 الف جنيه واتخارج.. الزول قال ليهو المبلغ دا كتير وانا مسافر وما عامل حسابي لحاجة زي دي.. قال ليهو خلاص جيب 130 الف وولا كلمة..
الراجل عاين لساعته..حك راسه ودفع ليهو المبلغ..
اتخيلوا الكلام دا كله علشان يدخل صالة الكاونتر.. وباقي ليهو الوزن.. والجوازات.. والامن...
في نفس الرحلة دي واحد زميلنا قضى اجازته في السودان مع عائلته.. زوجته وطفلين كانا مضافين الي جواز والدتهما.. قام صاحبنا بفصل الاطفال من جواز الوالدة.. وقام بكل الاجراءات ..تذاكر وتاشيرات..الخ
جاء صاحبنا للمطار..وزن العفش واخذ Boarding Pass ومرّ بسلطات الجوازات والامن .. اطمأن صاحبنا على السفر..
اعلن عن الرحلة وبينما هو صاعد البص للتوجه للطائرة.. واثناء المراجعة الاخيرة للمستندات لاحظ الموظف ان جوازات الطفلين ليس بهما تاشيرة خروج..
قال ليهو والاطفال ديل ما عندهم تاشيرات خروج..
رد له .. تاشيرات شنو يا زول الجماعة ديل كانوا تبع امهم ودا جوازها .. وبعدين ليه ما كلمتوني من برة.. ووين ناس الجوازات والامن ديل ..شغلهم شنو
يعني ما عارفين الكلام دا..
قال الموظف انا ما عارف .. لكن ما حيسافروا معاك لو ما عندهم تاشيرات.. الراجل كاد ان يموت غيظا..
التفت يمين ويسار ..سال هنا وهناك ..مافي طريقة
قال لواحد.. طيب دي يحلوها كيف؟ .. قال ليهو بسيطة.. عندنا مكتب في المطار بيعالج ليك المشكلة دي.. مشى المكتب قالو ليهو ادفع 600 الف علشان التاشيرة
قال ليهم ما عندي.. قالو ليهو ارجع البيت.. الراجل عمل ليهو عشرات التلفونات ..الكلام دا الساعة 4 صباحا!!
وجمع ليهو مبالغ من الناس ..10الف ، 5 الف، 20 الف.. المهم كمل المبلغ وسافر بعد تاخير الرحلة 10 دقائق لانتظاره ..
لاقيت الراجل امس وحكى لي القصة واقسم انه لن يذهب الي السودان مدى عمره!!!!!!!!!!!!!!!!!!!!
ولنا عودة

اليس غريبا ان يوقفك شخص خارج بوابة المطار او صالة المغادرة ويطالبك
باذن سفر او مبلغ مالي بديلا عن اذن السفر.. وعلنا وعلى عينك يا تاجر؟

اليس عيبا ان يمر شخص عبر الكاونتر ويحصل على بطاقة صعود الطائرة ويمر
عبر سلطات الجوازات والامن بدون مراجعة مستنداته وتاشيرات سفره؟

الاخ معتصم ..

يا هو ده السودان
...
وينتهى العزاء بانتهاء مراسم الدفن

تحياتى ..

شكرا اخي محمد حيدر
طيب اذا كان ياهو دا السودان
ليه شابكين العالم السودانيين افهم ناس
السودانيين اصدق ناس
السودانيين الاكثر فهما في السياسة والعلوم والفلك والمحاسبة
جامعة الخرطوم الاولى عالميا ومعهد الكليات الاول في الهندسة والتقانة والمحاسبة
وجامعة الجزيرة وجوبا وامدرمان الاسلامية والقران الكريم وطلحة وابوحراز والنششيبةوجامعات ثورة الانقاذ
وين خريجو هذه الكلالي ومهندسو الكمبيوتر وتقنية المعلومات وووووووووووين بكري ابوبكر !!
وين السودان الاول في الشعر والادب والبلاغة والنحو وملاح البني كربو
احناالاكثر فراسة وشجاعة..
السودان ينتج بترول
السودان الاول في انتاج الصمغ العربي
الاول في القطن وعباد الشمس والدين والروحانيات والزار...الخ
ليه كدا يا جماعة ليييييييييييييييييييييه

ما بين تاج الدين -المغتربين
و الزبير -الداخلية
و منو ما عارف - الدفاع الشعبى
و المجاهد علان - الخدمة الالزامية
و ؟؟؟؟؟- معروف لدينا

ضاع العمر !!

و الغريب انو كان فى حكومة انتقالية و ديموقراطية ثم انقاذية ثم وحدة وطنية
و الحال فى حالو
تعرف ليه !!
لانو نحنا و نحنا ....!!!!

يتسأل الشاعر محجوب شريف:
_______________________

( ما تسألني كم تمن الغويشايه
بل جاوبني كم تمن الطمأنينة ).

-------------------------------
منتــــديات " ســـودانيز أون لاين ":

صحيفة " الاضواء " .

4/12/2004م

هكذا يتسأل الشاعر محجوب شريف بنبضه الحميم تجاه حدث قد يبدو صغيرا عن ثمن
الطمأنينة ، ويتجوهر هذا السؤال الذي يبدو بسيطا ولكنه يملك من العمق و التكثيف ما يجعل الاجابة عنه تمر عبر جدال سياسي قد يؤدي الي ذروة الهذيان ، كم ثمن الطمأنينة في ظلحكومة الظلام التي تربصت بانسان السودان?????
تفجرت شاعرية محجوب شريف التي عودتنا دائما الانحياز الي الانسان السوداني ، تفجرت هذه الشاعرية لتفضح اساليب القمع و الارهاب التي ميزت حكومة الانقاذ ، وذلك من خلال حدث واقعي .
كعادتهم دائما اقتحم رجال الامن منزل الشاعر يفتشونه متسربلين باللاجدوي اذ ان موقف الشاعر هو موقف معلن وفي الضد الصريح و الصارخ من ممارستهم تلك التي اعتدت علي الحياة في السودان وقادت نبضاتها الي ذلك الموات الذي علي كل التفاصيل، و حين خرج هولاء الباحثون الخبثاء لم ينسوا ان يتركوا وراءهم فضيحة داوية وهي انهم سرقوا ( غويشة ) من الذهب وجدوها في مكان غير آمنمن اياديهم اللصوصية ولكنه كان آمنا في منزل الشاعر ، وهنا تفجرت شاعرية محجوب شريف الخصبة عن قصيدة ( الغويشايه ) التي تحتفي بها هذه الاشارة الثقافية وذلك باعتبارها قصيدة تمارس حقها المعلن والصريح في تعرية هذه النظام البغيض و قد اختار الشاعر وبتعمد جميل تن يضع تلك ( الغويشه ) في مقام التعظيم باستخدامه اسلوب التصغير المراد به تعظيم الشئ ( غويشه ، غويشايه ) ، وادعو القارئ الي الدخول الي عوالم هذه القصيدة:

( هذه سيرة ذاتية لها
تلك الغويشايه
هجين الدبله و الخاتم
سلالة كم وكم حاجه
متل الستره وهاجه
بحتم الدوله لا حوله
باوراقا الثبوتيه
صبحت في خبر كان
للي كانت ليها محتاجه
المسيكينه
ما تسألني كم تمن الغويشايه
بل جاوبني كم تمن الطمأنينة ? )
هاهو الشاعر مجوب شريف يحرض شفافيته كي يختار هذا المدخل العميق لهذه القصيدة ( سيرة ذاتية لتلك الغويشايه ) ، مكثفا وجودها و معلنا اختفاءها ، انها هجين الدبلة والخاتم ، بل مجذرا اصولها التقية باعتبارها ( سلالة كم وكم حاجه ) ، وبنقلة ذات ايحاء كثيف دون اللجوء الي المباشرة بسبب اختفاء ( الغويشايه ) اذ انها اصبحت ( في خبر كان بختم الدوله و اوراقا الثبوتيه ) و بذلك يتحول اللصوص الي رمز لهذه الدولة التي تدخل الي بيت الشاعر وتسرقه ، و يا لها من دولة تلك التي يسرق رجال امنها من بيت شاعر بسيط و نقي مثل محجوب شريف( غويشايه) ترمز في المعني البعيد والقريب من تعامل ذاكرة الشعب السوداني مع المشغولات الذهبية التي هي بمثابة إدخار وتحوط لمواجهة الظروف المعيشية الحرجة ، إذن ، فان الدولة تسرق ما يدخر وتقذف في وجه شعبها بكل تفاصيل الظروف الصعبة و القاهرة
( دخري الحوبه للقمريه
حبة عيش و قشايه
غويشايه
تدسدس فيها و تخبي
يعلم الله بتربي
علي كل المهن طافت
من عين الفقر خافت
بس عين الصقر شافت
صقر لابس لبس حربي
وختم الدوله لا حوله
باوراقا الثبوتيه
في هنداما متخبي
صبحت في خبر كان
للي كانت بيها فرحانه
المسيكينه )

و يستمر الشاعر في تساؤله ذلك العميق
( ما تسألني كم تمن الغويشايه
بل جاوبني كم تمن الطمأنينة )
تري من يملك تلك الاجابة ?
و من يستطيع ان يثمن معني الطمانينة ?
علي كل ها هي شمعة الشعر تتحدي كل هذا الظلام و تعريه و تفضحه و تقذف به في متاهات القيم القبيحة ، ان تلك الغويشاية و التي كثف الشاعر معني وجودها و معني إختفائها وثقت و بقدرة شاعرية تستطيع ان تستحلب الحكمة من ضرع المعاناة و تحولها الي اشارة ومعني عميق يقف في الضد من تلك القيم الخائبة والتي تختبئ في هندام السلطة برجال امنها ، لاحظ وجود كلمة ( امن ) هنا مع معني السرقة، سرقة الاشياء البسيطة و و العميقة المعني مثل ( غويشه ) ، ولاحظ كلمة (امن) مع تساؤل الشاعر عن تلك الطمأنينة ، و يستمر الشاعر في سرد تلك السيرة الذاتية.

( غويشة مي و مريومه
تماما زي حمامايه
لم تعرف لها زوجا
ولم تعرف لها تومه
وحيده وجوه عشايه
= = = = = = = =
بتاتا لم تساسق
في الطريق العام
و لا في الحله قوقايه
و تب ما للتباهي
و لا لزوم القدله والزينه
هي المختوته لي يوما
المدسوسه للحفله
المحروسه من غفله
الموروثه في الخاطر
المخصوصه للممكن
يكون باكر
= = = = = = =
كتير الحمي تتسربل
مسام البيت
وتسكن في ضرا النومه
و كم تتعثر القومه
كتيرا ما
كتيرا ما
كتيرا ما
ككل الناس
تتم الناقصه بالمويه
و تبقي الستره عشايه )

غويشاية محجوب شريف تعلن عن معانيها السامية و تتعدي حالة كونها شيئا ،و تصبح رمزا و مرموزا لتلك المعاني السامية التي لا يعرفها اولئك اللصوص المختومين بختم الدولة و اوراقها الثبوتية ولكنهم يسرقون من الاشياء معانيها، الم يسرقوا معني الحياة في السودان ?

( غويشايه
غويشة السترة والحوبه
ومن تعب التي ظلت
ترتق لالصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا و زيتا
و كم من باقي ماهيه
يشيلا السوق كما هي
بلا سكة رفاهيه
ولا حتةقماشايه
تساسق مكتبا و بيتا
كما كل الافنديه
حبيبة فول وعيشايا
تساهر ابرتا و خيطا
مكنتا من زمن ياما
تحت الداما دواره
و كل زراره نواره
تفرهد في قماشايا
تخليهو القديم لنجي
يبقي المافي من مافي
و يبقي البلدي افرنجي
تقول للذله حاشايا )

بهذه البساطة ذات العمق الكثيف يتباهي الشاعر بتفاصيل حميمة هي التي كونت هذه الغويشايه ، يتباهي بشريكة حياته تلك التي تساسق بين المكتب و البيت كما الافندية ، اتها غويشايه وجدت من إنصهار كل هذه التفاصيل ، و بهذه الثقل الوصفي للغويشايه وتفاصيل وجودها و تواجدها و بجوهرة المعاني التي تشتبكفيسيرتها الذاتية يتم حصار اولئك اللصوص داخل القصيدة فيتقبح ذلك الفعل ازاء تجليات الجمال التي تتباهي بها هذه القصيدة في بنائها وصورها الشعرية و موسيقاها ذات التلقائية العالية
( اما العبد باللاهي
فزوجا ليس باللاهي
قلبي الجمره واطئها
و ماني محلقا ساهي
و لا متملقا احدا
و لا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
و الصقر ان وقع كتر
الباتابت عيب
ضرا و درقه
لذلك يا رضي نفسي
حزمت الامر من اول
ما بالخوف بنتحول
و لا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
تجر جريا واباريها
و ما بتضل طريق الصف
للمخزن
و لم تأذن لنفسها
تنفرد بيها
ولم تأذن
ولم تحزن علي ذلك
و لم تحون
= = = = = =
و بعض البعض قد ذهبوا
الي من عنده ذهب
و بعض البعض قد مالوا
الي من عنده مال
و لكن من ستر حالو
يمين الله قد نهبوا
الا ما اشرف النمله
الاما اشرف النمله
و تبا للضمير
لمن يصير خمله )

وفي بيان شعري شفيف و متواضع يعلن الشاعر إنحيازه للقيم السامية مفتخرا بصفاته ومن حقه ذلك و لاينسي ان يعري ما اسماهم ببعض البعض ، اولئك الذين قذفت بهم رياح الإنتهازية والمنفعة في متاهات السلب و القبح ، منحازا في نل ذلك الي النملة في إنتمائها للحراك الجماعي ، هاتفا بملء الصوت ( الا ما اشرف النمله )، معلنا ادانته الدامغة للضمير الخامل.
في المقطع التالي يخاطب الشاعر ذلك اللص الحكومي محاولا إيجاد اعذار لفعلته تلك وبحساسية شاعر يقف دائما مع قيم التسامح والعفو.

( فيا لصاحكوميا
بختم الدوله لاحوله
باوراقا الثبوتيه
بكل ملابس الحمله
عمل عمله
عمل عمله
عمل عمله
عفيت لو بقت سكر
وشاهي و زيت
عفيتك لو كسيت امك
صرفت روشتةالوالد
و راحت في إيجار البيت
واقول ياريت
اذا فرحتهم بالحق
اقول يا ريت
عفيتك .. لو ولكنك )

و لاينسي الشعر ان يجذر واقع الازمة في بحثه عن اعذار تستحق ان يعفو عن ذلك اللص الحكومي و يحيل ذلك الفعل ( السرقة ) الي السلطة الحاكمة

(دا ما منك
دا ما منك
دا من حال البلد ذاتا
حراباتا و حزازاتا
ناس السلطة ناساتا
ناس فوق و ناس تحت
تحت الارض اقرب لامواتا )

و ما اعظم اسف الشعراء علي اوطانهم ، ، انه ذلك الاسف العميق الذي ينبع من مجمرة الشعر الصادقة

( ضاقت ولما استحكمت حلقاتا
ياللاسف ... كم من ولد فاتا
سهولا ، جبالا ، غاباتا
ونيلا جاري
في حزة مفازاتا
هديك لجة موانيها
و فوق رحمة سماواتا
ضاقت و لما استحكمت حلقاتا
كم من ولد فاتا ??)

و تبقي قصيدة ( غوايشايه ) لمحجوب شريف بمثابة إدانة دامغة علي سلوك هولاء الظلاميين ، تري هل يستحق ذلك اللص الحكومي المختوم بختم الدولة و اوراقها الثبوتية عفو هذا الشاعر الجميل ????????????????????????

الاخ الاستاذ بكري الصايغ
لقداثريت الموضوع بالغويشاية كل مقطع فيها يحكي
عن واحدة من المآسي التي يعيشها الشعب السوداني
غويشاية تحكي بالتفصيل الكامل قصة السلطان في دولة السودان
وتحكي بتفصيل اعمق ال:

Quote: فيا لصا حكوميا بختم الدوله لاحوله باوراقا الثبوتيه بكل ملابس الحمله عمل عمله عمل عمله عمل عمله عفيت لو بقت سكر وشاهي و زيت عفيتك لو كسيت امك صرفت روشتةالوالد و راحت في إيجار البيت واقول ياريت اذا فرحتهم بالحق اقول يا ريت عفيتك .. لو ولكنك

Quote: وووووووووووين بكري ابوبكر !!

عجبني الإستنجاد والنداء ده

وشعرت بغبينة هذا العريس وعروسه ويبدو أن هذا النصاب قد أحسن الإختيار للضحية
فالعريس وهو يعتبر أن مطار الخرطوم وفترة تحليق الطائرة هي ما يفصله عن احلامه
وعن ليلته أو نهاره التي وصل لها بكد الانفس

فهو قد صرف كل شى لتحقيق هذه الامنية إبتدا من فتح الخشم الي قطع الرحط

وتعلم بان يدفع ليخلص !!

وبالتالي فهو ضحية سائغة وسيدفع بلاشك ليلحق بطائرته واحلامه

ولكن السؤال: من يوقف هذا التفنن في النصب والاحتيال كل يوم

الاخ/ معتصم احمد صالح
تحية وسلام
احكي لك تجربة شخصية اول امس اثناء تكليفي من احد الاقارب
بعمل حجز لافراد اسرتهم علي الخطوط السودانية وبعد معانا تم عمل حجز بمكتب امدرمان
ليتم تاكيدة بالجهاز الرئيس بالخرطوم حسب كلام من ذهبت له للمساعدة مع اني غير مقتنعة بذلك لكين الطهباب يفتح خشم البقرة وتم توجيه للتاكيد من مكتب الخرطوم وارسالي لشخص يدعي(.....) تم اتصالي به وتم تحديد موعد معه عند السـ5 عة للحضور وبالفعل ذهبت اليه وبعد جلوسي
بكل وقاحة ماجبتي لينا معاك الغداء ففتكرت اني جلوس بين افراد اسرتي فاعتذرت اليه باني ماطبخت اليوم ولكن سوف اذهب الكافتريا لاحضارة وبكون وقاحة اكثر من الاول اي امشي وتعالي تجي تلقينا ظبطنا ليك الشغل ولحوجتي لتظبيط الشغل والله مشيت جبت الغداءوالبارد
تجي تقول كرت واذن سفر ياخي ديل ارحم وذي ماقلتوا ياهو دة السودان
مع تحياتي بان يصلح الله الحال

Quote: اليس غريبا ان يوقفك شخص خارج بوابة المطار او صالة المغادرة ويطالبك باذن سفر او مبلغ مالي بديلا عن اذن السفر.. وعلنا وعلى عينك يا تاجر؟ اليس عيبا ان يمر شخص عبر الكاونتر ويحصل على بطاقة صعود الطائرة ويمر عبر سلطات الجوازات والامن بدون مراجعة مستنداته وتاشيرات سفره؟

لا يا معتصم
ليس غريبا كل ما زكرت
فى هزا الزمن الكالح
والله يستر الحال بس

حكايه موجعه وصادمه

والله الدفع زاتوا يهون لمن يلموا فيك عامل مخالفة ولا غلطان في حاجة .. يقطعوا قلبك لمن تتمني تبيع الدنيا وتمرق روحك ..

اعفن بوليس الله خلقوا في الدنيا البوليس السوداني ..

والغريبة انو الضباط الصغار برضوا اتعلموا السرقة ..

اما الاخلاق فحدث ولا حرج ..

الاخ معتصم


لماذ انت وغيرك زعلانين هذا هو حال السودان انا كتبت في هذا المنبر بوست ان السودان هو الدولة الوحيدة التي تفرض علي مواطنيها تاشيرة خروج

فالبلد تدمرت فيها الاخلاق والشهامة وكثر فيها النصابين والمجرمين والمتطفلين وللايف يتم استغلال ظروف المواطن

غدا سوف تدفع رسوم شم هواء ورسوم السير علي الطريق العام ورسوم ارتداء ملابس ورسوم سلام وغيرة

ياهو دا السودان

Quote: غدا سوف تدفع رسوم شم هواء ورسوم السير علي الطريق العام ورسوم ارتداء ملابس ورسوم سلام وغيرة ياهو دا السودان

Quote: تزوج زميل لنا ونوى قضاء شهر العسل في القاهرة

يستاهل

هو ده حر يعرسوا فيهو ؟؟؟

Quote: يستاهل هو ده حر يعرسوا فيهو ؟؟؟

أخي معتصم
هذه آخر مرحلة من مراحل الفساد .. ونهاية سلطة القانون وزوال هيبة الدولة.. وشعور أي معتوه بأنه الأقوى والأشد ... ومن أمن العقوبة أتى الكبائر ...
وللأسف ، شعور الفرد البسيط بالخوف لتعدد وكثرة الأجهزة الأمنية وصلاحيتها التي لا يحدها حدود ...
الشفيع

Quote: هذه آخر مرحلة من مراحل الفساد .. ونهاية سلطة القانون وزوال هيبة الدولة.. وشعور أي معتوه بأنه الأقوى والأشد ... ومن أمن العقوبة أتى الكبائر ...

الاخ الـحـبيب الـحـبوب،
مـعـتصـم أحـمـد

تـحـية الود والاعـزاز،

فـي عام 1985 واثناء وجـودي بـصـالة الـمغادرين بـمطار الـخـرطوم وبعـد تكملة كل أجـراءاتـي وفـي انتـظار سـماع وقـت الأقـلاع، تقـدم مـنـي شـاب وهـمـس فـي اذنـي وهـو يتلفـت بـخـوف واضـح وان كـنت اسـتطـيع ومـساعـدته بشـراء "باكـو" سـجـائر "بنسـون" لـه مـن "السـوق الـحـر".

وشـرح لـي انـه لايدخـن ولـكنـه يـقوم ببـيع "الباكـو" للباعـة الـمتجـولـيـن وبـهـذه الـمبالغ يسـتـر حـال أسـرة كاملة خـصـوصـآ وان راتبـه كعامل نظـافـة فـي الـمطار لاتكـفـي. اشـتـريت "الباكـو" وعـدت بـه
" الباكـو "; حـيت اجـلس وعـاد العامـل مـرة اخـري يـجـر "كـيـس الأوسـاخ"
واخـذ "الباكـو" بسـرعـه ورمـاه داخـل الكـيس وانـصـرف مـهـرولآ.

كـنت اعـرف مـقـدمآ ان كـل حـركاتـي وشـرائي للسـجـائر مـرصوده مـن قبـل أمـن الـمطار ولكنهـم يتقاضـون عـن كل الـمخالفات لان السـجـائر يـخـصـهـم فـي النهايـة وماالعـامل الا" سـمكة صـغـيـرة " سـيتقاضـي " بقـيـش " او عمولةعـن كـل صـفقة ناجـحـة.

لقـد قصـدت مـن كـلامـي ان اقـول ان العاملون بادارة أمـن الـمـطار...
مـليـونيـرات!!!!

Quote: وبعد جلوسي بكل وقاحة: ماجبتي لينا معاك الغداء ففتكرت اني جلوس بين افراد اسرتي فاعتذرت اليه باني ماطبخت اليوم ولكن سوف اذهب الكافتريا لاحضارة وبكون وقاحة اكثر من الاول اي امشي وتعالي تجي تلقينا ظبطنا ليك الشغل ولحوجتي لتظبيط الشغل والله مشيت جبت الغداءوالبارد تجي تقول كرت واذن سفر ياخي ديل ارحم وذي ماقلتوا ياهو دة السودان

ياعمر التوم يا اخي بالغته

Quote: Quote: تزوج زميل لنا ونوى قضاء شهر العسل في القاهرة يستاهل هو ده حر يعرسوا فيهو ؟؟؟

ياعمر الناس في شنو و الحسانيه في شنو؟؟؟؟؟؟؟؟

يا معتصم وما خفي كان اعطم!!

الاخ معتصم احمد صالح
تحياتي
أعتقد بأن ثقافة الجبايات التي شاعت في هذا الزمن الردئ افرزت نوعا من " الهمبتة" الرسمية .
ولذلك لم يكن السيد الصادق المهدي بعيدا عن الحقيقة عندما صك لدولة الإنقاذ وصف الدولة " الناهبة"

مودتي

الاخ Abdelmuhsin Said
ليه ياخي حذفت المشاركة..
احنا في انتظار عودتك
مودتي

الاخ الفاضل .. معتصم
شكرا ليك كثير .
بالنسبه لى رسوم المغادره فحدث ولا حرج .
الرسوم وهى عباره مبلغ 25,000 جنيه بالنسبه للسودانين
او 25 دولار لغير السودانى وهى عباره عن رسوم المغادره
وطبعا فى النهايه اذا عندك ظهر تسند عليه فى المطار
ممكن تمشى ساكت يعنى ملح .
طيب لو حسبنا عندنا عدد اربعه رحلات فى اليوم وده طبعا الحد الادنا
يعنى حوالى ألف مسافر فى اليوم كم دخل المطار فى اليوم .....
نظير أي خدمه الواحد يدفع هذا المبلغ ...

أخى معتصم شوف ده وانت احكم
( The Urinals of Khartoum Airport )

عشان كده لينا 12 سنة ما رجعنا

اخر مرة شوفت الويل من جهلة المطار

وياما دفعنا ما يجعل من مطار الدهشة ده اجمل مطار فى العالم

بس قروش الجن دي رايحة جيوب الانتهازيين

إذن المغادرة؟؟

جاء واحد موظف في المطار وحكوا ليهو المشكلة .. رد اخونا .. يا جماعة حلوا مشكلتكم دي مع الراجل وخلاص.. انتو باقي ليكم 40 دقيقة للاقلاع
جاء واحد تاني من الداخل وقال وين العريس.. اجابه العريس نعم يا بان العم.. ذهبوا جانبا وقال للعريس انت مشكلتك كبيرة .. لكن احنا بنحلها ليك..
ادفع 150 الف جنيه واتخارج.. الزول قال ليهو المبلغ دا كتير وانا مسافر وما عامل حسابي لحاجة زي دي.. قال ليهو خلاص جيب 130 الف وولا كلمة..

وما هي تأشيرة الخروج إذن؟؟ ولماذا انحلت المشكلة برشوة؟؟ ولو كانت هناك حكومة مسئولة لقامت بالتحقيق في هذه الرشوة.. ولكن حاميها حراميها.. الشكية لي أب أيدن قوية!!

شكرا يا معتصم.. ولك التحية..

ياسر

++

نـصيـحـة أهـديـها لكـل مـغادر السودان عـبـر مطار الـخـرطوم، لاتـذهـب بـمفردك للـمطار اثناء تكملة اجـراءات سـفرك، اصـطحـب مـعك ضـابط بالقوات المـسلحـة او بالشـرطة برتبة "عقيـد" فـما فـوق ولاتـجـعله يغادر الـمطار الا بعـد اقـلاع الطائرة تـمامآ!!،

ونصـيـحة اخـري للعـرسان، تعـالوا للمطار بـدون "زفـة العروسـيـن " وبـدون اي "هـليـمة وضوضـاء!!". "مافيا أمـن الـمطار " دائـمآ تصـطاد زبائنهـا مـن خـلال الـمـودعـيـن، بـمعـنـي اذا جـاءوا الـمودعـون بسيارات مرسـيـدس او اخـري مـظللـة نوافـذها فـهـذا معناه ان الـمغادر
" مـريـش!!" وعـندها يكون الـمسافـر...." حـقو راح!!"،

نـصـيـحـة ثالثة ، بعـد تكملمـة اجـراءاتك بالتمام لاتقـرب "السـوق الـحـر" ولاحـتي للفـرجـة. اذا سـاقت قدماك الي هـناك مـعناها انك سـقت نفسـك "للتهـلكة"، فـذهابك الي مكان "السـوق الـحـر" معناه انك "مـريش"
وسـتجـد نفسـك فـجـأة امام مـسوؤل امـنـي ويسـآلك ان كان كان عـنـدك تصـريح بالدخول "للسـوق الـحـر!!" وبالكـلام مـع امـرأة " البائـعـة"
لاتعـرفهـا ولاتعـرفك وسـيقوم الـمسـوؤل واتهامـك ب " تهـمـة الشـروع فـي
الزنا!!" وغـرامتها نقدآ له بالـدولار!!!.

كان اللـه فـي عـون السـودانييـن بالـداخل... وفي الـخارج... وبالـمطار!

لا حول ولا قوة إلا بالله ده كله بيحصل؟ طيب يا جماعة حقو نتكلم فى الحلول

برفع مذكرات اوأى شيء يلفت نظر المسؤوليين لعل وعسى يصحى ضميرهم

بكري الصايغ

Quote: نـصيـحـة أهـديـها لكـل مـغادر السودان عـبـر مطار الـخـرطوم، لاتـذهـب بـمفردك للـمطار اثناء تكملة اجـراءات سـفرك، اصـطحـب مـعك ضـابط بالقوات المـسلحـة او بالشـرطة برتبة "عقيـد" فـما فـوق ولاتـجـعله يغادر الـمطار الا بعـد اقـلاع الطائرة تـمامآ!!، لا تقربو السوق الحر لا تاتوا المطار بزفة (العرسان) كان اللـه فـي عـون السـودانييـن بالـداخل... وفي الـخارج... وبالـمطار!

ترهاقا

Quote: حقو نتكلم فى الحلول برفع مذكرات اوأى شيء يلفت نظر المسؤوليين لعل وعسى يصحى ضميرهم

حيدر حسن

Quote: وياما دفعنا ما يجعل من مطار الدهشة ده اجمل مطار فى العالم بس قروش الجن دي رايحة جيوب الانتهازيين

عبد المحسن سيد

Quote: وطبعا فى النهايه اذا عندك ظهر تسند عليه فى المطار ممكن تمشى ساكت يعنى ملح

الفاتح ميرغني

Quote: أعتقد بأن ثقافة الجبايات التي شاعت في هذا الزمن الردئ افرزت نوعا من " الهمبتة" الرسمية

ياسر الشريف

Quote: وما هي تأشيرة الخروج إذن؟؟ ولماذا انحلت المشكلة برشوة؟؟ ولو كانت هناك حكومة مسئولة لقامت بالتحقيق في هذه الرشوة.. ولكن حاميها حراميها.. الشكية لي أب أيدن قوية!!

عبد المحسن ما اظن الصورة مرحاض مطار الخرطوم

Quote: ( The Urinals of Khartoum Airport

No comment

http://www.urinal.net/khartoum_airport/

الأخوة الكرام :
أصبح مطار الخرطوم مصدرا خصبا لضعاف النفوس الباحثين عن الغنى الفاحش السريع ... وعلى عينك ياتاجر .. مساومة وتسوية وترضية ومافيا لا تخاف (حمرة عين) أو (قانون) ... والمسافر لا يشعر بالأمان وهو داخل الطائرة . وداعا يا سودان .. مرحبا ثورة (الإنقاذ) ومشروعها الحضاري وموظفها الرسالي .
الشفيع

الحكاية كلها تعتمد علي المعاملة...وكيفية اجابتك علي السؤال...وثقتك في ردّك..

واليكم المبررات...عشان ما تشتغلوا ناس المطار وترموا عليهم كل اللوم:

اذن السفر...هي بطاقة ممغنطة...يجب ان تحصل عليها اذا كنت ضمن المهن
المحظور سفرها دون ان تستخرج هذه البطاقة من ادارة الخدمة الوطنية..

فقد صرخت قبلكم...في نص صالة الخدمة الوطنية وسألت سؤالا واضحا...ما هي
الجهة المسئولة والتي تسمح بالخروج من هذه البلد...هل هو الجيش ام الشرطة
فالشرطة قد منحتنا اذنا بالخروج...وختمته في جوازنا...لماذا اذن...تناقض
الدولة قرار الداخلية...بكرت سفر,,,بدونه تصبح تأشيرة الخروج لا معني لها

ووجدت الاجابة ان بعضا منا في الاغتراب قد اذي بعضه...مهنيا...وعم الشر علي
الباقين...والحكاوي والقضايا كثيرة لدرجة انني اقتنعت جدا ووقفت في الصف
من آخره للحصول علي هذا الكرت...هنا لابد ان نلوم انفسنا اولا..

ثانيا وحتي هذا الكرت او اذن السفر ان اجبتهم بأنك نسيته بكل ادب وثقة
فلن يسألوك وهو ما حصل معي وزوجتي..

وسأتيكم بالتفصيل ان اردتم...

الاخ نذار لك الشكر على المداخلة

Quote: الحكاية كلها تعتمد علي المعاملة...وكيفية اجابتك علي السؤال...وثقتك في ردّك.. واليكم المبررات...عشان ما تشتغلوا ناس المطار وترموا عليهم كل اللوم: اذن السفر...هي بطاقة ممغنطة...يجب ان تحصل عليها اذا كنت ضمن المهن المحظور سفرها دون ان تستخرج هذه البطاقة من ادارة الخدمة الوطنية..

اولا احنا ما اشتغلنا ناس المطار وما اتينا بحاجة من بنات افكارنا.. غالب الذين سبقوك حكوا عن تجاربهم
الشخصية عما تدور في طيّات الدولة السودانية في المطار كان ام في سوق الخضار..
الحكاية كلها تعتمد على المعاملة.. وكيفية اجابتك.. وثقتك في نفسك.....
اذن السفر .. بطاقة ممغنطة.. يجب ان تحصل عليها اذا كنت ضمن المهن المحظور سفرها دون ان تستخرج هذه البطاقة من ادارة الخدمة الوطنية..

*طيب يا نذار اذا كان الجماعة ديل بعترضوك قبل ما تدخل صالة المغادرة.. كدة لو سمحت اذكر لينا بعض الطرق المناسبة للتعامل بها في مثل هذه الحالة..
*انت بنفسك تذكر ان البطاقة الممغنطة هذه يجب ان تحصل عليها اذا كنت تعمل في وظيفة محظور شاغليها من السفر الا باذن..
ومن الذي يحدد هذه الوظائف وماهي هذه الوظائف وكيف يتم التحقق عنها؟ وقبل كم من الزمن يجب ان اعلم بذلك لاقوم باللازم؟
مع العلم ان الشخص موضوع الحديث:
محاسب .. في اجازة لمدة شهرين وبخطاب رسمي من الجهة التي يعمل معها.. وموثق
خالي الطرف من الخدمة الالزامية ( له شهادة خلو الطرف من ادارة الخدمة الوطنية/الالزمامية)
زوجته خريجة لم تحصل على وظيفة بعد.. خالية الطرف من الخدمة الوطنية/ الالزامية وتحمل خلو الطرف ايضا
حصلا على تاشيرة الخروج من الجوازات
حصلا على تاشيرة دخول لمصر..
لم يغادرا السودان من قبل ( يعني ما مغتربين)

اما الحالة الثانية فكدة افتي لينا فيها اولا ..
شخص عبر كل السلطات المعنية بالمراجعة والتدقيق في مستندات السفر ومستزاماته الامنية والادارية والمادية
ووصل الي باب الطائرة فرجعوه!!!!!!!!!!!

Quote: ...ما هي الجهة المسئولة والتي تسمح بالخروج من هذه البلد...هل هو الجيش ام الشرطة فالشرطة قد منحتنا اذنا بالخروج...وختمته في جوازنا...لماذا اذن...تناقض الدولة قرار الداخلية...بكرت سفر,,,بدونه تصبح تأشيرة الخروج لا معني لها

ونحن بدورنا نرد ليك السؤال وفي انتظار اجابتك.. مع نماذج للمغتربين سبب البلاء كما اشرت.

Quote: ثانيا وحتي هذا الكرت او اذن السفر ان اجبتهم بأنك نسيته بكل ادب وثقة فلن يسألوك وهو ما حصل معي وزوجتي.. وسأتيكم بالتفصيل ان اردتم...

من الذي يطالبك بالكرت ومتى واين ؟ هل هو اي شخص ام جهة محددة.. وهل في الشارع العام ام في مدخل الصالة ام في فناء المطار؟
وصراحة احنا دايرين التفاصيل ليعم الفائدة...
المشكلة اخي نذار مشكلة نظام دولة بحالها وليس مطار الخرطوم فحسب كما ترى بتلك البساطة.. المتداخلين ذكروا نماذج متبباينة
لحالات مختلفة في اكثر من اتجاه..
ومع ذلك احنا في انتظار وصفتك السحرية..
مع خالص التحايا..

الاخ نذار حسين وجد لنا الاجابة في هذه السطور:

وجدت الاجابة ان بعضا منا في الاغتراب قد اذي بعضه...مهنيا...وعم الشر علي
الباقين...والحكاوي والقضايا كثيرة لدرجة انني اقتنعت جدا ووقفت في الصف
من آخره للحصول علي هذا الكرت...هنا لابد ان نلوم انفسنا اولا..
ثانيا وحتي هذا الكرت او اذن السفر ان اجبتهم بأنك نسيته بكل ادب وثقة
فلن يسألوك وهو ما حصل معي وزوجتي.. وسأتيكم بالتفصيل ان اردتم...
ولسع منظرين يا نذار!!!

الاخ نذار حسين وجد لنا الاجابة في هذه السطور:

وجدت الاجابة ان بعضا منا في الاغتراب قد اذي بعضه...مهنيا...وعم الشر علي
الباقين...والحكاوي والقضايا كثيرة لدرجة انني اقتنعت جدا ووقفت في الصف
من آخره للحصول علي هذا الكرت...هنا لابد ان نلوم انفسنا اولا..
ثانيا وحتي هذا الكرت او اذن السفر ان اجبتهم بأنك نسيته بكل ادب وثقة
فلن يسألوك وهو ما حصل معي وزوجتي.. وسأتيكم بالتفصيل ان اردتم...
ولسع منتظرين يا نذار!!!

Quote: عبد المحسن ما اظن الصورة مرحاض مطار الخرطوم

طيب يا معتصم شوف ده.....

http://www.urinal.net/khartoum_airport/

من وحي نصائح الأستاذ بكري الصايغ للمغادرين من مطار الخرطوم و لغيره من المرافق - و عن تجربة شخصية:
- إرتدي جلابية و عمة و ملفحة
- أطلق لحيتك
- يا حبذا لو توافرت كرش محترمة
- أعبر البوابات بثقة متجاهلا من عليها -من الممكن التشاغل بالحديث في الموبايل

من تجربتي وجدت أن هذا المظهر يبعث نوع من الرهبة في الحراس والخفراء و قد ينجح مع مثل هؤلاء المحتالين

تحياتي

Quote: الاخ نذار لك الشكر على المداخلة Quote: الحكاية كلها تعتمد علي المعاملة...وكيفية اجابتك علي السؤال...وثقتك في ردّك.. واليكم المبررات...عشان ما تشتغلوا ناس المطار وترموا عليهم كل اللوم: اذن السفر...هي بطاقة ممغنطة...يجب ان تحصل عليها اذا كنت ضمن المهن المحظور سفرها دون ان تستخرج هذه البطاقة من ادارة الخدمة الوطنية.. اولا احنا ما اشتغلنا ناس المطار وما اتينا بحاجة من بنات افكارنا.. غالب الذين سبقوك حكوا عن تجاربهم الشخصية عما تدور في طيّات الدولة السودانية في المطار كان ام في سوق الخضار.. الحكاية كلها تعتمد على المعاملة.. وكيفية اجابتك.. وثقتك في نفسك..... اذن السفر .. بطاقة ممغنطة.. يجب ان تحصل عليها اذا كنت ضمن المهن المحظور سفرها دون ان تستخرج هذه البطاقة من ادارة الخدمة الوطنية.. *طيب يا نذار اذا كان الجماعة ديل بعترضوك قبل ما تدخل صالة المغادرة.. كدة لو سمحت اذكر لينا بعض الطرق المناسبة للتعامل بها في مثل هذه الحالة.. *انت بنفسك تذكر ان البطاقة الممغنطة هذه يجب ان تحصل عليها اذا كنت تعمل في وظيفة محظور شاغليها من السفر الا باذن.. ومن الذي يحدد هذه الوظائف وماهي هذه الوظائف وكيف يتم التحقق عنها؟ وقبل كم من الزمن يجب ان اعلم بذلك لاقوم باللازم؟ (تحددها عدة جهات...والوظائف من بينها الاطباء...أما قبل كم من الزمن...فيومين او تلاتة كافية لاستخراج كرت السفر مع العلم ان الشخص موضوع الحديث: محاسب .. في اجازة لمدة شهرين وبخطاب رسمي من الجهة التي يعمل معها.. وموثق خالي الطرف من الخدمة الالزامية ( له شهادة خلو الطرف من ادارة الخدمة الوطنية/الالزمامية) زوجته خريجة لم تحصل على وظيفة بعد.. خالية الطرف من الخدمة الوطنية/ الالزامية وتحمل خلو الطرف ايضا حصلا على تاشيرة الخروج من الجوازات (الراجل دا مافي اي سبب يوقفوا او يمنعوا من السفر الا حكم قضائي") حصلا على تاشيرة دخول لمصر.. لم يغادرا السودان من قبل ( يعني ما مغتربين) اما الحالة الثانية فكدة افتي لينا فيها اولا .. شخص عبر كل السلطات المعنية بالمراجعة والتدقيق في مستندات السفر ومستزاماته الامنية والادارية والمادية ووصل الي باب الطائرة فرجعوه!!!!!!!!!!! (برضو ما كان يرجع ليهم الا بالقوة الجبرية ) Quote: ...ما هي الجهة المسئولة والتي تسمح بالخروج من هذه البلد...هل هو الجيش ام الشرطة فالشرطة قد منحتنا اذنا بالخروج...وختمته في جوازنا...لماذا اذن...تناقض الدولة قرار الداخلية...بكرت سفر,,,بدونه تصبح تأشيرة الخروج لا معني لها ونحن بدورنا نرد ليك السؤال وفي انتظار اجابتك.. مع نماذج للمغتربين سبب البلاء كما اشرت. Quote: ثانيا وحتي هذا الكرت او اذن السفر ان اجبتهم بأنك نسيته بكل ادب وثقة فلن يسألوك وهو ما حصل معي وزوجتي.. وسأتيكم بالتفصيل ان اردتم... من الذي يطالبك بالكرت ومتى واين ؟ هل هو اي شخص ام جهة محددة.. وهل في الشارع العام ام في مدخل الصالة ام في فناء المطار؟ وصراحة احنا دايرين التفاصيل ليعم الفائدة... المشكلة اخي نذار مشكلة نظام دولة بحالها وليس مطار الخرطوم فحسب كما ترى بتلك البساطة.. المتداخلين ذكروا نماذج متبباينة لحالات مختلفة في اكثر من اتجاه.. ومع ذلك احنا في انتظار وصفتك السحرية.. مع خالص التحايا..

محجوز للرد عليه كلمة كلمة...هنا...وستجدون...(عبارة عدل بواسطة)

ولا اتعجب هذه هي ممارساتهم الحقيقة


سرقة

تسلط


تعذيب


عنصرية


قاتلهم الله جميعا وكل من يؤيدهم

محمد البشرى

Quote: من وحي نصائح الأستاذ بكري الصايغ للمغادرين من مطار الخرطوم و لغيره من المرافق - و عن تجربة شخصية: - إرتدي جلابية و عمة و ملفحة - أطلق لحيتك - يا حبذا لو توافرت كرش محترمة - أعبر البوابات بثقة متجاهلا من عليها -من الممكن التشاغل بالحديث في الموبايل

... هـناك طـريقة أخـري للـمسافـرين للقاهـرة تـجـنبهـم شـر مـصـائـب الـمـطار ومـقالب "مـافيا" الأمـن:

" سـافـروا عـن طـريق درب الأربعـيـن!!".

الاستاذ بكري الصايغ

Quote: هـناك طـريقة أخـري للـمسافـرين للقاهـرة تـجـنبهـم شـر مـصـائـب الـمـطار ومـقالب "مـافيا" الأمـن: " سـافـروا عـن طـريق درب الأربعـيـن!!".

بالجمال ام بالعربات؟.. ويفرق جدا

عدنا
رمضان كريم

الأخ الـحـبيب الـحـبوب،
مـعـتـصـم،
تـحـية طـيبة،
ورمـضـان كـريـم.

رسـالة اوجـهـهـا بصـورة خـاصـة للـمغتـربييـن الذين يـودون الـحـضـور للسـودان لقـضـاء العـيـد مـع ذويـهـم:

اولآ: أعـضـاء " مافيا " مـطارالـخرطوم لن يسـمـحوا لـكم بالعـبور لـخارج الـمـطار مالـم تـدفعـوا الأتاوة الـمقررة عليك " بـحـسـب مـظـهرك الـخارجـي وكـميات الـذهـب والغـوايـش بيـد زوجـتك!!" ، لـذلك عليك الأتصال بـضابـط كـبيـر يـحـضـر لـملاقاتك وياحـبـذا لو بالزي الرسـمـي، .... والا عليك ان تعـمـل "ورديات" اضـافية وسـاعات زيادة لـمقابلة مـصاريـف الـدخـول والـخـروج مـن مـطارالـخـرطوم!!!، وفـي حـالة عـدم وجـود ضـابط كبيـر ولـم تعمـل ساعات اضـافيـة وحـالتك مـثل حـالة الـمواطنييـن الـمتضـررين بالسـيول والفيضـانات فأنـصـحـك بقـضاء العـيد فـي بلـد الأغـتـراب.

الـنصـيـحـة الأخـري للـمغتـربييـن وقبل قـدومك للـخرطوم،
اذا كنت واحـدآ مـن الذين شـاركوا بالتعليق فـي هـذا "البوسـت" وسـخـرت مـن "مافيا" مـطارالـخـرطوم فانـصـحـك بعـدم القـدوم للسـودان حـتـي يتغـيـر هـذا النظام!!!.

يحدث فقط في مطار الخرطوم.
-----------------------

Sudan.Net Discussion Board - Main Page

14-Mar-07

مطار الخرطوم ، في صالة الوصول الدولية ، واجهة البلد ، ورغم المجهودات المبذولة في تحسين شكل الصالة ونظافتها لكنها تظل متأخرة جدا ومتخلفة وغير مواكبة ، بعد ما تخلص من ناس الجمارك وأسلوبهم العشوائي وطباشيرهم البشخبتوا بيهو الشنط ، وانت مارق يلاقيك قال ايه السوق الحر ، في الواجهة وضعت هذه المعروضات ، عبارة عن بدل رجالية بالية وهزيلة ومعروضة بشكل عشوائي ومتسخ ومتخلف جدا ، لدرجة انو الكديسة دي ما لقت حتة تنوم فيها الا داخل البدلة في واجهة العرض ، حدث هذا بالأمس ، بعد صورتها خطرت لي فكرة تنبيه المسئول عن الفضيحة دي وانو الحكاية دي ما حلوة في حقهم وما بتشجع اي زول عايز يشتري ، لقيت واحدة بتشرب في شاي ، وبعد شرحت ليها الحاصل وانو في كديسة نايمة في الحتة الفلانية ، تخيلوا ماذا كان ردها ، بكل لا مبالاة قالت لي "عليك الله في السخانة دي هو في زول قادر ينوم" ؟!!!!!

تحياتى الأخ معتصم وكل المتداخلين معك

Quote: اذا كنت واحـدآ مـن الذين شـاركوا بالتعليق فـي هـذا "البوسـت" وسـخـرت مـن "مافيا" مـطارالـخـرطوم فانـصـحـك بعـدم القـدوم للسـودان حـتـي يتغـيـر هـذا النظام!!!.

واللييييييييييييييييييييييييييييييييييييله

الحمد لله أنا ما قلت شىء !!!!!!!

فوق