مصطفى سيد أحمد خاطب وغنى لمن حضروا ليلة الوفاء

كانت مفاجأة الحفل عنوان هذا البوست
وجاييكم باكر بالصور والتفاصيل

وأميرة الشيخ كانت ضيفة شرفنا
شرفتنا وأسعدتنا .. ونورت الحفل بابتسامتها
صفقت وغنت مع مصطفى سيد أحمد
رغم انو الصالة كانت مظلمة لكن برضو شفتها

وأهم حاجة إني جكستها
كيتا عليكم يابورداب الخرتوم... بسسسس

ود القريش
صباح الخير

Quote: وأهم حاجة إني جكستها كيتا عليكم يابورداب الخرتوم... بسسسس

في ليلة من ذات الليالي ... سعدنا بمصطفانا
انت بس بطل الفصاحة والحق الناس بالصور ...!
هارون دياب

"كـل ما تبـاعد بينّا عوارض ,,,, كل ما هواك يا طيبـة مكنّـي"

حيّا بها مصطفي الجمهـور

اضغط للتشغيل

فات الكان بدّينا إحساس بالإلفة

.... وكان راوينا

فات الباكى جرحنا .. وناسى جروحو

ولافـّى ورانا مدينة .. مدينة

فات الصاحى

ونحنّ نغط .. فى النومة السابعة

طالق حســّو .. ولا حسـّينا

حتـْحـتْ فينا غناهو الطاعم ..

وفات قنعان من خيراً فينا

سلامات يازول يا رائع

سلامات .. عوّافى

سلامات يا خلاصة الخير الفى الناس

وترياق الزمن المتعافى

سلامات يازول يارائع

سلامات عوّافى

سلامات عوافي

سلامات عوافي

معتز القريش قال

Quote: وأميرة الشيخ كانت ضيفة شرفنا شرفتنا وأسعدتنا .. ونورت الحفل بابتسامتها صفقت وغنت مع مصطفى سيد أحمد رغم انو الصالة كانت مظلمة لكن برضو شفتها وأهم حاجة إني جكستها كيتا عليكم يابورداب الخرتوم... بسسسس

في حضرة اميرة فعلاااااااااا يطيب الجلوس
اسم علي مسمي
خفه دم
زوق
ظرافه
لماحه

لو تميت بعد كده بتكون مغازله وبفهموني غلط

شوالات محبه للاميره اميره

أميرة الشيخ وسط اخوانها من بورداب الدوحة

بالمناسبة الصور كثيرة
عشان كدا خليكم تابعين

Quote: بالمناسبة الصور كثيرة

شكرا شكرا معتز القريش
رائك شنو بالله مش شغل جميل

Quote: شكرا شكرا معتز القريش رائك شنو بالله مش شغل جميل

محمد الطيب
حقيقة وليس مجاملة
أنت من جعله شغلا جميلا
بجمالك وهمتك وجهدك

الله يديك العافية ....

الحي، مصطفى...

ببدلته البيضاء، وشعره الغزيز، الكثيف، كان وافقا، كعادته، رافعا يديه، فوق السحب، والقمر، وتحت الجروف، محنن بالطمي، مرحبا بالضيوف، كان هو صاحب البيت، كعادته، في روض قبره، أو روض محبته، ....

كان بشوشا، كأم، ترحب بابنائه القادمين من وعثاء الحقول، ومنافى القلوب، وجوى الاغتراب...

القاعة طويلة، مستطيلة، يرحب بك مصطفى منذ ان تدلف بابها الوضي، فرد، فرد، بل يردد اسمك الثلاثي، سمعته يقول لي (ازيل ياعبدالغني ود كرم الله بشير، ياو د بنت المنى، يا اخوي محاسن، وعضو سودانيزاولاين، مالك حزين، شفاك الله)...

أنني متعب يا مصطفى، متعب، متعب....
سلامتك والاذى بزول..
يامصطفى يا وليد الآهة، والصدق، والنكران، كيف نشفى وأغانيك لم تنزل للواقع، الضل لا يزال يتقاصر، ويحي فضل بعيد عن الوطن، وهاشم صديق لا تكفي الحروف قوته، والسمحة رحلت، بل ماتت، بل واورها التراب، والفريق اصبح خلا، الحيطات تهدمت، والراكوبة لم تعد تشم رائحة القهوة وحكايات النسوة..

كيف عرفت اسم امي يامطصفى..
الفنان لا تخفي عليه شي، ... ولو نملة سوداء في ليلة ظلماء، الفنان رسول، يحن للمحبة، والمهمشين.. والبسطاء..

أنا امك، أنا امك، للفنان قدرة اسطورية على تمثل أعظم القلوب حنانا، الفنان مطرة وكتاب وكسرة في صحن لأيدي خشنة، وضل لفلاح منهك، ...

ماهذا الحزن يامطصفى..
قال: لن ابتسم حتى يعود هؤلاء، (أشار لضيوف الحفل السمر)، لوطنهم، بكرامة وعزة..
نظرت خلفي، ماهذا، كيف استدرج هذا الاسمر الحي، هؤلاء، هل كان هؤلاء في الدوحة، أين؟ لم أراهم من قبل، أطفال، ونساء وكهول وشباب، وفتيات، يالك من سامري، ياله من مغناطس، جذب الوطن، بشحمه ولحمه، له، كم هي اشتراكية هي العبقرية... يامطصفى الناس يحبوك، يحبوك، لأنك احببتهم، لانك هم.. لانك لم تمت، بل حاضر في الطرقات رأيتك تغني في حافلة الشنقطيني، ورأيتك تغني في حفل تخرج الدفعة الاخيرة بجامعة الخرطوم، مهنيا الجميع، رأيتك تغني في مذياع متهالك في طربيزة متهالك، بقرى النيل الازرق، تغني لاسرة نسيها التاريخ، والسلطة، سواك سواك، ..

كيف اشفي اخي وابي وامي مصطفى، والطيور التي حلمت بها، لا تزال تحمل الخرائط، وبيدها جواز سفر، هناك خرائط دارفور، والبجا والنوبة، والباوقة، خرائط تكاد تنفرط ياصديقي الحي، الحي، المجيد، هل تعلم يامصطفى، بأني حاولت ان حلق، كي اسلم على يدك، فرأيت هناك الفرودس، كانت يدك سلم لي، فعرجت لدواخلي، وأحببت كل البنات، وأحببت كل النساء، وأحببت كل المساجين، وعاشق، حين رأيت العالية، وهي ترحب بنا، بدل ان نرحب بها، رأيتك تمسك حمامة، وفيل وارنب، رأيتك وطني سعيدا، رأيت المهمشين (عم عبدالرحيم، واسرته)، رأيته يقرأ في الشعر، وابنته تدرس وترسم وتعزف، وهو يصغي له، ملكا، لقد تحقق الحلم، تحقق الحلم..

(نبني عشنا بالغناوي، وننثر الافراح درر)....

لقد غنى الحفل كله، الكل فنان في حضره مصطفى، صاحب الصوت الخشن، وصاحب الصوت الرقيق، الاشتر والسوي، شمس مصطفى لا تحرم اشعتها عن فرد، فالغناء بالقلب، وليس اللسان، مصطفى يعرف ذلك، بل أكثر، لذ رفع يديه للجميع، الجميع ابطال في عيني مصطصفى، البطل والمفكر والحرامي والصعلوك، انه يرى بعين آخر، بمريم الآخرى، ترجل يامصطفى، ما أنت صورة (ما انت بوستر)، وللحق ترجل مصطفى، من صورته الضخمة، وجلس في قلوب الحضور..

يا مصطفى من اين تأتي بالألحان..
من قلوب الحيارى، من نبض قلوبهم، من فلاحي الحقول، من عرق جبينهم الغر، الشهم، من اخفاق المساكين، من هدير الثوار، وفجر الثورة، من الوطن، من الله..
ابنك على وشك الدخول للجامعة يامصطفى، واخيه يذاكر تاريخ السودان مثلك، يالك من أب، لم اسمع بأطفالهم ابوهم (الشعب)، كم غريب انت، كعادتك، كفطرتك، كحب الناس لك،..
وحبي.......

امي بتسلم عليك يامصطفى، لأنك تعرفها، حق المعرفة..

*******

Quote: الحي، مصطفى... ببدلته البيضاء، وشعره الغزيز، الكثيف، كان وافقا، كعادته، رافعا يديه، فوق السحب، والقمر، وتحت الجروف، محنن بالطمي، مرحبا بالضيوف، كان هو صاحب البيت، كعادته، في روض قبره، أو روض محبته، .... كان بشوشا، كأم، ترحب بابنائه القادمين من وعثاء الحقول، ومنافى القلوب، وجوى الاغتراب... القاعة طويلة، مستطيلة، يرحب بك مصطفى منذ ان تدلف بابها الوضي، فرد، فرد، بل يردد اسمك الثلاثي، سمعته يقول لي (ازيل ياعبدالغني ود كرم الله بشير، ياو د بنت المنى، يا اخوي محاسن، وعضو سودانيزاولاين، مالك حزين، شفاك الله)... أنني متعب يا مصطفى، متعب، متعب.... سلامتك والاذى بزول.. يامصطفى يا وليد الآهة، والصدق، والنكران، كيف نشفى وأغانيك لم تنزل للواقع، الضل لا يزال يتقاصر، ويحي فضل بعيد عن الوطن، وهاشم صديق لا تكفي الحروف قوته، والسمحة رحلت، بل ماتت، بل واورها التراب، والفريق اصبح خلا، الحيطات تهدمت، والراكوبة لم تعد تشم رائحة القهوة وحكايات النسوة.. كيف عرفت اسم امي يامطصفى.. الفنان لا تخفي عليه شي، ... ولو نملة سوداء في ليلة ظلماء، الفنان رسول، يحن للمحبة، والمهمشين.. والبسطاء.. أنا امك، أنا امك، للفنان قدرة اسطورية على تمثل أعظم القلوب حنانا، الفنان مطرة وكتاب وكسرة في صحن لأيدي خشنة، وضل لفلاح منهك، ... ماهذا الحزن يامطصفى.. قال: لن ابتسم حتى يعود هؤلاء، (أشار لضيوف الحفل السمر)، لوطنهم، بكرامة وعزة.. نظرت خلفي، ماهذا، كيف استدرج هذا الاسمر الحي، هؤلاء، هل كان هؤلاء في الدوحة، أين؟ لم أراهم من قبل، أطفال، ونساء وكهول وشباب، وفتيات، يالك من سامري، ياله من مغناطس، جذب الوطن، بشحمه ولحمه، له، كم هي اشتراكية هي العبقرية... يامطصفى الناس يحبوك، يحبوك، لأنك احببتهم، لانك هم.. لانك لم تمت، بل حاضر في الطرقات رأيتك تغني في حافلة الشنقطيني، ورأيتك تغني في حفل تخرج الدفعة الاخيرة بجامعة الخرطوم، مهنيا الجميع، رأيتك تغني في مذياع متهالك في طربيزة متهالك، بقرى النيل الازرق، تغني لاسرة نسيها التاريخ، والسلطة، سواك سواك، .. كيف اشفي اخي وابي وامي مصطفى، والطيور التي حلمت بها، لا تزال تحمل الخرائط، وبيدها جواز سفر، هناك خرائط دارفور، والبجا والنوبة، والباوقة، خرائط تكاد تنفرط ياصديقي الحي، الحي، المجيد، هل تعلم يامصطفى، بأني حاولت ان حلق، كي اسلم على يدك، فرأيت هناك الفرودس، كانت يدك سلم لي، فعرجت لدواخلي، وأحببت كل البنات، وأحببت كل النساء، وأحببت كل المساجين، وعاشق، حين رأيت العالية، وهي ترحب بنا، بدل ان نرحب بها، رأيتك تمسك حمامة، وفيل وارنب، رأيتك وطني سعيدا، رأيت المهمشين (عم عبدالرحيم، واسرته)، رأيته يقرأ في الشعر، وابنته تدرس وترسم وتعزف، وهو يصغي له، ملكا، لقد تحقق الحلم، تحقق الحلم.. (نبني عشنا بالغناوي، وننثر الافراح درر).... لقد غنى الحفل كله، الكل فنان في حضره مصطفى، صاحب الصوت الخشن، وصاحب الصوت الرقيق، الاشتر والسوي، شمس مصطفى لا تحرم اشعتها عن فرد، فالغناء بالقلب، وليس اللسان، مصطفى يعرف ذلك، بل أكثر، لذ رفع يديه للجميع، الجميع ابطال في عيني مصطصفى، البطل والمفكر والحرامي والصعلوك، انه يرى بعين آخر، بمريم الآخرى، ترجل يامصطفى، ما أنت صورة (ما انت بوستر)، وللحق ترجل مصطفى، من صورته الضخمة، وجلس في قلوب الحضور.. يا مصطفى من اين تأتي بالألحان.. من قلوب الحيارى، من نبض قلوبهم، من فلاحي الحقول، من عرق جبينهم الغر، الشهم، من اخفاق المساكين، من هدير الثوار، وفجر الثورة، من الوطن، من الله.. ابنك على وشك الدخول للجامعة يامصطفى، واخيه يذاكر تاريخ السودان مثلك، يالك من أب، لم اسمع بأطفالهم ابوهم (الشعب)، كم غريب انت، كعادتك، كفطرتك، كحب الناس لك،.. وحبي....... امي بتسلم عليك يامصطفى، لأنك تعرفها، حق المعرفة.. *******

أعضاء اللجنة المنظمة

شكرا لكل الحضور البهي
شكرا لكم فردا فردا
شكرا لكل من حضر وفاء لمصطفى
شكرا لكل من غنى ومن صفق ومن تفاعل
فعلا أنتم تستحقون مصطفى ويستحقكم هو

التحية والاجلال والاكرام
للرائعين (عماد الجاك وأمير الكتيابي)
الذين تكبدا مشاق الحضور والمشاركة
وتظبيط الصوت الذى اعطى الاحتفالية طعم النجاح
(بدون مقابل مادي)

تعبناهم شديد وكانا قدر التحدي وقدر الحدث

الله يديكم ألف عافية ......

بجيكم العصر ومعاي (أحلا) صور (لأحلا) كورال
و(أحلا) فرقة موسيقية

نجوم الاحتفال والوفاء بلا منازع
الكورال الرائع الذي أدهش الحضور

الفرقة الموسيقية التي ابدعت صوت وصورة
(طبعا أنا معاهم)

الاخ والاستاذ والصديق عبدالغني كرم الله

Quote: الحي، مصطفى... ببدلته البيضاء، وشعره الغزيز، الكثيف، كان وافقا، كعادته، رافعا يديه، فوق السحب، والقمر، وتحت الجروف، محنن بالطمي، مرحبا بالضيوف، كان هو صاحب البيت، كعادته، في روض قبره، أو روض محبته، ....

والله لو كانت للمفردات مصانع لكنت انت مالكها

شكرا معتز القريش
ابداع مابعده ابداع ووفاء في ليلة الوفاء من اصحاب الوفاء لمن يستحق الوفاء
كنت شاهدا علي المجهودات الجبارة التي بذلتموها جميعكم .... يديكم العافية يابورداب الزمن الجميل .... بورداب الدوحة ... شكرا

تخريمة ضرورية :

اجمل واول حضور للنجم الجميل ماضي ابو العزائم .... دي طبعا رشوة عشان الركب ياابو ساندرا .

تحياتي
هارون دياب
ورده للجميع

كم جميل هذا الأبداع
التحيه لكل من ساهم في اخراج هذا العمل العظيم بعظمة مصطفى

ويا اصدقاء مصطفى سيد احمد في قطر وفي الأمارات وفي كل العالم

سنكون على لقاء جديد ومع ليلة وفاء للراحل المقيم مصطفى سيد احمد
ومع اسرة نادوس الثقافيه - الأمارات
ترقبوا هذا البرنامج في شهر نوفمبر انشاء الله
والسلام
مع مودتي
مهدي الأمين

كلمة الأسرة قدمتها السيدة / بثينة محمد نصر
أم سيد أحمد وسامر أبناء (مصطفى سيد أحمد)[/B]

شكرا أخي هارون على هذه الكلمات الطيبات
وأنا بدوري أهدي هذه الوردة المعبرة
لكل من شارك في انجاح هذه الأمسية
وأهديها بصورة خاصة لكل من حضر
وفاءً للراحل مصطفى سيد أحمد

الأخ عادل التيجاني

الرجل الرقم الذي لم يكل ولم يمل
وهو يسعى جاهدا لإنجاح هذه الأمسية

انت مكلف الآن بالرد على المتداخلين الأعزاء
حتى أتفرغ انا لإنزال الصور والتسجيلات

* دا تكليف رسمي يا عادل

والآن جاء دور نجوم الأمسية (الكورال والفرقة الموسيقية)

ود القريش

شكراً جزيلاً

أقبل التكليف ..
وبداية أسمح لي أن اشكر اللجنتين المنظمتين لمنتدى الحروف نسخة الدوحة وبرنامج ليالي السمر الصيفية وكذلك بعض البورداب من الدوحة الذين تفضلوا بالحضور والمشاركة في التنظيم لليلة الرائع مصطفى سيد أحمد .

كما أشكر كل الذين تفضلوا بالحضور حتى امتلأت صالة مركز أصدقاء البيئة بأكثر من 300 شخص ، وكما قلت لهم جميعاً في كلمة الفنانين بأننا في اللجنة المنظمة نعتبر كل من حضر هذه الفعالية قد (شارك في التنظيم) فقد زينوا ساحة الصالة بوجودهم كما أثروها بأصواتهم فقد كا غناءً جماعياً رائعاً وكانت الفكرة ألا يؤدي للراحل شخص واحد بل كل الحاضرين لأن فناننا كان وطناً .
كما أن أغانية مصبوغة بروح الجماعية (النادرة) فغني الجميع وانتشينا .
وهنا اشكر أيضاً الفرقة الموسيقية التي تفضلت بالأداء ومجموعة المؤديين ومهندسي الصوت (ود الجاك وأمير)
والشكر كله لجميع الأجهزة الإعلامية التي شاركت في هذا الحدث الختامي لفعالياتنا والذي كان يتحدث عن نفسه بحق .
كما أتوجه بالشكر للاستاذ الشاعر الملحن القطري / خليفة جمعان السويدي حضوره وتشريفه لهذه الفعالية فقد كانت له بصمة جميلة في الأغنية السودانية حيث قام بصياغة وتلحين أغنية (خطوه خطوه مشينا) التي تغنت بها فرقة عقد الجلاد .
والشكر كل الشكر لكل من تابعنا من على البعد سواء بالمداخلات أو الاتصالات الهاتفية أو قراء المنبر العام لسودانيزأونلاين .

وكل التقدير والاحترام لكل من شاركنا بمداخلات عبر الهاتف من فنانين وشعراء فقد تلقينا الاتصالات من :

الدكتور الفنان الكبير / يوسف الموصلي
الاستاذ الشاعر الكبير / مدني يوسف النخلي
الاستاذ الشاعر الكبير / أزهري محمد علي
الأستاذ الفنان الرائع / حمزة سليمان

وحا نحاول ننزل محادثاتهم (هنا) إن شاء الله

وراجعين

عادل التجاني
الدوحة

Quote: عشان كدا خليكم تابعين

لا للتبعية
لا
لا
لا

حسب علمي انه الوالد استاذ لغة عربية يا معتز

Quote: لا للتبعية لا لا لا حسب علمي انه الوالد استاذ لغة عربية يا معتز

هسي يا شادية خليتي الجمال الفوق دا كله
ومسكتي في الميم الناقصة دي ...

أريتا كان فاتتك الحفلة ... بسس

حلـم العـالم نـاس تتـسالم

و البنـي آدم صـافي النيـة

يا شباب
مبروك العمل الجميل
سوال؟؟؟؟؟؟؟؟؟؟؟؟؟؟؟؟؟؟

البعزف في الاورق ده وليد ابو القاسم ود المعهد ولا زول شبهو
ومتين كمان اغترب تحياتي ليهو
معتصم سيد احمد

نعم هذا وليد ابوالقاسم استاذ البيانو بالمعهد سابقا مهندس الصوت

والموزع باستوديهات على عبد الستار فى قطر يا حليلك ليهو 3 سنوات

بعدين انا شفت صورتك افتكرتك اسامة حسن بخيت

عمر سعد الرجل البشوش

افتقدناك يا رجل ... أين كنت ؟؟

عمر سعد
سالتك بالله تلفون وليد
وسلم لي عليهو ده صديقي ودفعتي في معهد الموسيقى والمسرح
وبعدين بحكي ليكم عنو قصص كتيرة بالمناسبة لو ما عارفين وليد بعزف طمبور
خطير
ولكم ولوليد الود

محاصر فيك
بسأل عن سكـّة تطلّع منك ...
أو سكـّة تودّى عليك
بسأل عن مخرج منك .. وليك
زى نهر بينبع .. وما لاقى مصب
بتمدد عشقك فى أقصى ضواحى الروح
... لى أقصى نواحى القلبْ
يتكثـّف بسعة إطلاق الرّب
.. وأنا كنت بفلـّى القلب .. بسيرتك
سميتك حلاّب الغيم
.. من ضرع الجدبْ
وظنيتك مارست الفعل .. السرّى
وحفـّظت فحولة النيل ... أيام الخصبْ
ولمحتك وإنت بتتمشـّى وترقـّص فى حمامـكْ
على حُمــّة إيقاع الحرب
وتكلكل جلد الكلمة .. الحافـّة
لحبيبة بتفتح مجـرى الغنا .. فى الدم
وتفلّس باب القلب
فيا بنوت الشارع الطاعم .. قومنْ .. كبْ
قومن لى الما قصـّر فى غناكن .. ضُمـّة
ولا إتلوّم بى وراكنْ .. تبْ
ولو تبقى السكّة الجايّة .. ضهبْ

وسلامات يازول يارائع

...........

أخي ود الجمام المحترم
سلامات
أرجو الاتصال على الأخ وليد أبو القاسم على الجوال 009745809874

تحياتي
عادل التجاني
الدوحة

معتز تحية لك وللجميع .
كان حفلا جميلا ..

وشكرا لتكريم البورداب فى شخصى

..

ولنا ملاحظات سنذكرها فى حينها ..

م . معتصم الطاهر

صباح الخير

كان التكريم خاص لشخصك وأسرتك وذلك لحرصكم على الحضور الدائم وإنجاح الفعاليات .

أما شهادة الإخوة بورداب الدوحة في الحفظ والصون
وهنا اسمح لي أن اشكر جميع البورداب الذين أتوا من كل فج للاحتفال بذكري الفنان الشامخ

عادل التجاني

الشكر كل الشكر للأخوين

* الأخ والصديق الفنان المصور القدير ـ علي عبد الرحيم مصور جريدة الوطن القطرية
* الأخ والصديق الشاب المهذب ـ محمد الطيب حسن

الذين قاما بالتقاط جميع الصور الفوتوغرافية المزينة لهذا البوست
واقتصر دوري أنا فقط في انزال الصور في البوست .

لهما التحية والتجلة والتقدير ... وان شاء الله يوم شكركم ما يجي

العزيز ودالقريش

Quote: الشكر كل الشكر للأخوين * الأخ والصديق الفنان المصور القدير ـ علي عبد الرحيم مصور جريدة الوطن القطرية * الأخ والصديق الشاب المهذب ـ محمد الطيب حسن الذين قاما بالتقاط جميع الصور الفوتوغرافية المزينة لهذا البوست واقتصر دوري أنا فقط في انزال الصور في البوست . لهما التحية والتجلة والتقدير ... وان شاء الله يوم شكركم ما يجي

والله يامعتز القريش نحن صفر علي الشمال لولا اقتراحاتكم وتوجيهاتكم الكريمه
والعين مابتعلي علي الحاجب

والحمد لله الواحد لقي قدامو جهابزه ممثله في شخصكم الكريم
واميرنا وتاج راسنا حبيب الكل السيد بدرالدين
والجميل جداجداجدا عادل التجاني
والرائع بمعني الكلمه السيد ابوالريش

فهنئا للدوحه بكم

وياعادل التجاني شوالات المحبه لسه ماانتهت

الحبيب معتز
الحبيب عادل التيجاني
الحبيب بدر الدين الامير
أحباب الدوحة الجمليين
تحياتي لكم جميعاً على هذا العمل الرائع والجهد المبذول المقدر مع تمنياتي دوماً بالمزيد من النجاحات التمييز .


*لدي ملاحظات صغيرة جداً لا تنتقص من قدر وجهد الاخوة المنظمين بل وجه نظر فقط عسى أن نستدركها في مستقبل الايام
1- عدم القيام بالوقوف دقيقة حداد على روح الراحل الفقيد مصطفي سيد احمد
2- عدم تمثيل اي شخص من اسرة الراحل من الموجدين بالدوحة .
3- عريف الحفل ـ مع تقديري التام واحترامي المطلق له ـ إلا أنه تسرع كثيراً في الانتقال من فقرة إلى أخرى والسرعة في التقديم وربما تم التكليف متاخراً بعض الشي لتعذر وصول الأستاذ لقمان همام كما عرفت أنه الشخص المخول له بتقديم الحفل .
4- الخروج المستمر لخارج القاعة بسبب وبدون سبب مما شكل ضجيجاً واضحاً
5- تقنية الصوت في أداء الكوارل ـ مع إحترامي وتقديري التام لهذه المواهب الجيدة والتي أتمنى أن تجد الرعاية والاهتمام وبالتأكيد سوف يكون لها شأن آخر ـ لم تكن بالصورة الممتازة فيرتفع الصوت مراراً بصورة مزعجة ومخلة تماماً بالأداء، وكيف تتم بث هذه الأغنيات بهذا الصوت المشوه إلا مونتاج جديد .
وأخيراً التهنئية والتقدير والحب والامتنان لكل أعضاء اللجنة المنظمة بمقاماتهم السامية ولكل من شارك وحضر هذا الحفل الرائع
ولي عودة

العزيز محمد الطيب

والله إنت وبعض الإخوة من بورداب الدوحة الذين شاركوا فعلياً في التنظيم ما قصرتو ومنهم شخصكم المحترم والأخ صحافة 30 والأخ مأمون أبو الطيب والأخ هرون .
ونشكر للمرة الثانية كل البورداب بالدوحة الذين زينوا الصالة بحضورهم الكريم ومع اسرهم .
سعدنا جداً بكم وكنتم خير عون للجنة المنظمة حتى خرج العرض بصورته التي أقنعت الجميع بأنها كانت في المستوى المطلوب .

شوالات بلح وتين وزبيب بمناسبة رمضان الكريم
عادل التجاني

هاهو مصطفى سيد أحمد يتحدث ويغني في ليلة الوفاء



وقد وعد الأخ بدر الدين الأمير الذي قدم لنا هذه المفاجأة
بانها سوف تقدم كاملة بجانب مفاجآت أخر عديدة
في الذكرى الثانية عشر لرحيل العملاق الوطن

الاستاذان
عمر سعد
وعادل التيجاني
شكرا ليكم كتير
جعلتموني اتواصل مع صديق بعد انقطاع 7 سنين
لكم الود

ما اجمل هذا البوست
وهو يعطرنا بذكرى الراحل المقيم مصطفى سيد احمد

وحقيقة فان الراحل موجود بيننا بكل ماترك لنا من ارث عظيم

Quote: ما اجمل هذا البوست وهو يعطرنا بذكرى الراحل المقيم مصطفى سيد احمد وحقيقة فان الراحل موجود بيننا بكل ماترك لنا من ارث عظيم

الغالي ايوب عبد الرحيم

تسلم يا غالي على المرور
ويا سيدي الجمال في عيونك
والروعة في الاحتفال بالرائع

لك التحية
والتحية والوفاء لعملاق الأغنية السودانية وكروانها

تعديل لسحب البوست المعني

أخي أبو الريش

قرأت البوست المشار إليه والذي كتبه عماد النخلي والذي أرسل (إلى الخور) على ما أظن وتأسفت لما طرح من خلاله .
وما يهمني هنا أن أؤكد للجميع بأنني لن أكون مطية أبداً لأي جهة تحمل رائحة حزبية بأي حال .
كما أؤكد بأننا لن نتلق أي ضغوط حزبية من أي جهة .
وذلك واضح لالتزامنا بما قررته اللجنة المنظمة : إطار ( ثقافي - اجتماعي - فني ) فقط ومن رأى غير ذلك فليجمع هنا ويخبرنا .
برايه .

مصطفى غنى لجميع السودانيين بمختلف مشاربهم فكان فناناً شاملاً فلا أقل من أن نذكره بالخير .

كانت ليله ما أحلاها .

وبعدين يا جماعة إنتوا عماد النخلي دا ما حضر ليلتنا ولا أنا ما (بشوف) .

عادل التجاني
الدوحة

Quote: النخلي في إفادات خطيرة: الشيوعيين هم من قتلوا مصطفي سيد احمد!!!!

للأسف الشديد ياأخ محمد تم حذف ذلك البوست .
وإنه لأمر مؤسف جداً أن يحذف بوست بهذه الأهميه يوضح حقائق غائبه عن كثير من الناس .
الأستاذ الـ(نخلي) كتب إفاداته هذه للتاريخ وإنه لعار أن تذبح الديمقراطيه بهذا الشكل في هذا المنبر الـ(حر) ..

يا ابوالعزائم
أسحب اللنك في مداخلتك أعلاه
فالبوست ذاتو راح الخور
فما تزعجونا بالفارغ
مع الإعتذار للأخ الوسيم إبراهيم علي

Quote: مع الإعتذار للأخ الوسيم إبراهيم علي

مداخلتي في البوست لم يًقصد منها على الإطلاق إبراهيم علي .... ويقيني أنه لم يسئ فهم مقاصدي. ..... له الإحترام الأكيد.

الأخ عادل التجاني ..
لا عاش من يتخذك مطية ..... إنما استخدمت الكلمة إستنكاراً.

CC = Case Closed

الأخ محمد فرح ....

كتب عماد النخلي ما كتبه في منبر غير منبرنا هذا .... وهو لا يزال في مكانه ومتوفر للإطّلاع.

الأخوة الأعزاء ابو الريش وفرح وعادل والعم المحترم ابوساندرا
عندما فتحت ذلك البوست لم اكن ان انتقص ابداً من قدر وجهد من قاموا بتلك الليلة ولكن احببت فقط أن انقل ذلك الرابط إلى هنا حتى يطلع عليه الجميع ويقومون بالرد لتعذر إمكانية الرد في ذلك الموقع
مع حبي واحترامي وتقديري للجميع
والواحد لو عائز يصل الخور دا يصلوا كيف لانو أنا من دخلت المنبر بسمع بالخور الخور الخور لمن بوستينا مشا الخور دا كلام ياعوض دكام

الحبيب إبراهيم علي

تحياتي

نؤمن تماماً بنقاء سريرتكم ونحن نبادلك الإحترام والتقدير ، ونحن لم نستنكر ما كتبه (عماد النخلي) بقدر ما نرى أنه مشارك في كل لحظة من لحظات المناسبة ما يعني انه ينتقد نفسه بطريقة (وكنا نخوض مع الخائضين) !!!!!!

شكراً

عادل التجاني

اذا عادت بنا الايام
للماضى

Quote: اذا عادت بنا الايام للماضى

يا ريييييت يا أسامة

ليه تم حذف رابط البوست بتاع النخلي ؟؟

الرأي والرأي الآخر يا ناس المنبر الحر

الأخت شادية ..

لقد تم حذف البوست من المنبر.

لذا فإن الرابط لا يقود لشئ. وقد كان يهمني فعلاً أن يستمر النقاش في ذلك البوست.

Quote: كتب عماد النخلي ما كتبه في منبر غير منبرنا هذا .... وهو لا يزال في مكانه ومتوفر للإطّلاع.

الرابط لو سمحت با استاذ ابوالريش

العزيز معتز قريش..

كيف ابدأ .. ومن اى المحطات انطلق..
كان عمل مميز واحتفال يليق بهرمنا مصطفى
ومما لا شك فية ان مثل هذا العمل كان مسبوق
بجهد كبير ووقت طويل .. وادارة حصيفة.. مما
اخرج جهدكم فى اجمل شكل.. كان فخرا لنا جميعا..
شكرى موصول لكل اعضاء اللجنة المنظمة..وللاخوة
بورداب الدوحة .. فلهم بصماتهم الواضحة والجلية
فى هذا العمل الفخم

عوض حمزة

أخي عوض حمزة

تحياتي
لقد كنتم سباقين دائماً لحضور الفعاليات المتميزة ما يجعلها تناسب تألقكم

عادل التجاني

مدنـــــي النخلي




أملـــــــنا الـــباقــــــــــي


غنــــــــــاء/مــــصـطـفـي ســـــــيداحمــــــــد


أملنا الباقى يسرح بى

وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك

*******

وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******

وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال

الاخ معتز والاستاذ عادل التجاني

وكل الاخوان والاخوات بالدوحة

شكرا للعمل الرائع مثل روعة

الراحل مصطفى سيد احمد

معتز شكرا للصور الجميلة

ودمتم

الأخ مدثر محمد آدم

شكراً على المرور والكلمات الجميلة

عادل التجاني

ود القريش شكرا لفقدك لى فى هذة الامسية لكن ظروف

حقيقة منذ وفاة المرحوم مصطفى لم اسعى لحضور او سماع شى لة

.............................................

شكرا ليك ورمضان كريم

عمر سعد
نفتقدك أينما كنت - اتصلت بكم على الموبايل (راجع) لأهمية تواجدك - وكنت سأحترم عدم حضورك ولكنك في القلب - فإشعاعك يغمرنا أينما كنت

عادل التجاني

كلمة الشاعر الكبير أزهري محمد علي

الصور طلعت نضيفة ...






لو عارفين ردي دا كتبتو وين !!!!
كلكم ح تستغربو !!!!
ولا في سودانيزاونلاين
لكن جاكم هنا
اكتشاف لزيز

Quote: لو عارفين ردي دا كتبتو وين !!!! كلكم ح تستغربو !!!! ولا في سودانيزاونلاين لكن جاكم هنا اكتشاف لزيز

أبو عاقلة الفنان الرائع

تشكر الف وتسعمائة شكرة على الابداع في تصميم اللوحة الخلفية للإحتفالية
وتصميم وطباعة شهادات التقدير ـ بس حزنا شديد عشان ما حضرت
بس برضو عذرك مقبول ومنطقي ومقنع

وشكرا كتييييييييير على جهودك المقدرة معنا في انجاح
جميع فعاليات ليالي السمر ونتدى الحروف

الأخوة الكرام

نبهني أحد الأصدقاء الأعزاء بأنني لا ارد على المتداخلين
فقلت له ـ في بداية البوست أنا كلفت الأخ عادل التيجاني
بالرد على المداخلات نيابة عني وحتى أتفرغ أنا لانزال الصور

كل التقدير والاحترام لكل من مر من هنا ولكل من حضر احتفالنا

سطــــــوة محاسنـــــــــك

الشاعر/ صلاح حــــــاج سعيـد



كان نفسى أقولك من زمان

بى الكاتمو فى سرى .. ومكتـّم فى حشاى

مدسوس سنين

بى الشايلو فى عيني معزّة

وفى القلب

ريداً يخاف الغربة والشوق .. والحنين

زاملنى زى خاطر الفرح

وكتين يقاسم الهم .. عزا

وكتين مدامعى تكون جِـزا

وتفتح مباهج الليل .. ظنون

**************

كان نفسى أقولِّـك من زمان

سطوة محاسنك عندى ما كسرة ..جفون

وكت العيون تعبرنى زى خاطر المسا

سطوة محاسنك ما الرخام .. الفى الحرير

وكت الثغير يفجعنى

بى حرفاً .. قِـسـا

سطوة محاسنك عندى وكتين كبريائك ينهزم ..

لى طيبتى .. بى لفظة حنان

وكتين مشاعرك .. تنسجم فى عمرى

تنفح قلبى بى رعشة أمان

سطوة محاسنك عندى

وكتين شوقى يصبح فى هواك

ليل عزّة

ما بتعرف هوان

***************

كان نفسى أقولك من زمان

عينيك وحاتك غربتى .. وأهلى

وبلادى الفيها ضايع لى زمن

عينيك وحاتك شوقى لى زولاً ولوف

من بعدو ساب عينى .. سهن

وانا كنت داير من زمان

أشرح حكايتى معاك ألف

أحكيك .. وأزيد القول .. إلِفْ

وأتمنى لو قلبك عرف

كان من زمان

من قبل ما فى قلبى يتحكـّر

زمان الغربة فى جرح الأسى

من قبل ما حرف الحقيقة الحلوة

.. يتبدل عسى

ويصبح أمانى كسيرة

.. فى خاطر الحنان

معتز يا ولدي ولا صوره ما ظهرت لي !!مامتك بتريد تفرج عويناتها النبي صلح لي الصور

Quote: معتز يا ولدي ولا صوره ما ظهرت لي !!مامتك بتريد تفرج عويناتها النبي صلح لي الصور

أها يا ماما زدنا الجبنة والزيت ..

ان شاء الله يكونوا ظهروا ـ لو بعد دا ما ظهروا رسلي لي ايميلك في الخاص

وأنا حاضر أرسلهم ليك فورا

وحات اسم الله العالم كله شاف الصور دي ـ أول واحدة تقول الصور ما ظاهرة انتي

بصراحة كدا يا خالة

أنا بديت اشك في جهازك دا ـ حاااااسد يا ربي ولا محرّش ؟؟

كتبت الأخت دومة:

Quote: مامتك بتريد تفرج عويناتها النبي صلح لي الصور

أهم حاجة تشوفي صورة رشيدة وبناتها
وبعلها

ورمضان مبارك عليك ، جعلنا الله وأياكم من عتقائه

ابوساندرا
يديك العافية

Quote: أهم حاجة تشوفي صورة رشيدة وبناتها وبعلها ورمضان مبارك عليك ، جعلنا الله وأياكم من عتقائه

دعواتك انشاء الله مستجابة ببركات ام ساندرا

هارون دياب

ياهارون الليله الفطور في الشارع ولا جوه

يا هارون أخي
انت ما ملاحظ معاي إنو البوست وقبله الحفل كان أشبه بحملة الترويج
طيب يا فردة ماتجي نعمل ليك بوست زي ده ونجيب صورتك زي خرطمية مرة
نسمية ليلة الوفاء لمنتخب سودانير
بس لازم تشد ليك بدلة أنيقة من دولابنا

غايتو ، رمضان كريم يا معلم

ويتواصل الابداع
مازال لدينا الكثير
تابعونا وفالكم طيب

إلا انه عدى فات " مصطفى سيد احمد " الاستاذ والمثقف ومناضل الطبقة الكادحة
شباب الدوحة الف تحية للمجهود الجبار
ذكر ....
الإحتفـــال بذكرى وفاة الراحل مصطفى سيد أحمد - طرابلس

سلامات يازول يا رائع

سلامات .. عوّافى

سلامات يا خلاصة الخير الفى الناس

وترياق الزمن المتعافى

سلامات يازول يارائع

Quote: إلا انه عدى فات " مصطفى سيد احمد " الاستاذ والمثقف ومناضل الطبقة الكادحة شباب الدوحة الف تحية للمجهود الجبار ذكر .... الإحتفـــال بذكرى وفاة الراحل مصطفى سيد أحمد - طرابلس سلامات يازول يا رائع سلامات .. عوّافى سلامات يا خلاصة الخير الفى الناس وترياق الزمن المتعافى سلامات يازول يارائع

علي عثمان

تحياتي واحترامي

مصطفى سيد أحمد هذا الفنان الوطن
يستحق أن نحتفل بكل واحد من فنونه المتعددة
في ليلة وفاء منفصلة ...

مفاجأة الحفل ـ تسجيل جديد ونادر

ذكريات الراحل مع أغنية طال الليل للمساهر

مشاركات هامة :
د . يوسف الموصلي : تجده جاهزاً على الدوام - لا يتعبك في الحصول عليه (مذاكر شديد) ويستطيع الحديث بوفاء حقيقي غير مصنوع ، وشاركنا في ليلتي الوفاء للراحلين المقيمين (أ . هاشم ميرغني و أ . مصطفى سيد أحمد) ولا نملك إلا أن نتقدم له بالشكر والتقدير .
وقد سعدنا أيضاً بمداخلة أ . أبو عركي البخيت برغم قصرها فقد كان وقتها في خيمة عزاء الفنان الراحل الكبير / خليل اسماعيل
وقد كان لمساهمة أ . مدني يوسف النخلي ومساهمة أ . حمزة سليمان و أ . أزهري محمد علي أبلغ الأثر في إنجاح ليالينا .

وهنالك شخص يجب علينا جميعاً شكره شكر خاص فبالرغم من مرضه ومعاناته أبت نفسه إلا بالمشاركة في جميع الفعاليات ولو بإرسال ورقة وقد شاركنا بكامل اسرته وزين لنا حفل الختام بنجلاته الطيبات حيث شاركن في الغناء الجماعي ولا أقول الكورال وكان لهن دور جميل جداً والصور خير شاهد فالشكر كل الشكر للأخ عبد الرحمن بركات (أبو ساندرا) .

أما مجموعة المؤديين من الشباب فقد شاركوا وأجادوا فلهم جميعاً الشكر والتقدير .

الأوركسترا : بالرغم من افتقارنا للعديد من الآلات الموسيقية المهمة مثل مجموعة الكمان إلا أن أعضاء الأوركسترا استطاعوا أن يعوضوا هذا الفقد ولو بفارق معروف وهو أن آلة الأورغ لا تعطينا الإحساس السليم 100% للعديد من الآلات ومنها آلة الكمان ولكنها تعبر وتقلص الفاقد والحمد لله كان العطاء أكثر من جيد وغنينا وغنى الجميع .

بالمناسبة يا جماعة

رمضان كريم - تصوموا وتفطروا على خير .

ونشوفكم في ليالي السمر الشتوية .

عادل التجاني
الدوحة

عادل

بالمناسبة الأسرة تشكر لك ملاحظتك لوجودها

وهم استمتعوا بهذه الليالي

بالمناسبة لماذا لم تعلن عن الخيمة الخضراء ولنا فيها مآرب علمية
و ( تخسيسية) ..

تحياتي م . معتصم

شكراً لأسرتكم الكريمة وخصوصاً المدام
ودي ما عايزه ليها ملاحظه يا حلو فمجرد دخولكم كنت في استقبالكم عند الباب وقابلتكم وسلمت عليكم ومعاكم دكتورتنا الصغيره ..
وأنا فعلاً لم أتذكر موضوع الخيمة الخضراء وبرنامجها الرمضاني والتي ستبدأ اليوم 5 رمضان 1428هـ حسب البرنامج التالي :


جدول فعاليات الخيمة الخضراء في شهر رمضان 1428هـ / 2007م
اليوم التاريخ الموضوع
الأحد ‏16/9/2007‏
‏4 رمضان‏ الاسلام في الاعلام العربي
الأثنين ‏17/9/2007‏
‏5 رمضان‏ الاتفاقية الدولية لذوي الإعاقة ‏

الثلاثاء
‏18/ 9 / 2007‏
‏6 رمضان‏ قانون المرور الجديد ‏
الأربعاء ‏19/9 /2007‏
‏7 رمضان‏ سلامة ألعاب الأطفال ‏

الأحد
‏23/ 9 /2007‏
‏11 رمضان‏ التضخم‎ ‎‏ الاقتصادي (أسبابه وعلاجه) ‏
الأثنين ‏24/9/2007‏
‏12 رمضان‏ السمنة ومشاكلها
د. عبدالرحمن الكواري

الثلاثاء
‏25/9/2007‏
‏13 رمضان‏ الرعاية المتكاملة للسكري ‏

الأربعاء
‏26/9/2007‏
‏14 رمضان‏ المبيدات الحشرية والأسمدة الكيماوية‎ ‎وآثارها البيئية
الأحد ‏30/9/2007‏
‏18 رمضان‏ اليوم العالمي للقلب
الاثنين ‏1/ 10/2007‏
‏19 رمضان‏ حديقة القرآن (النباتات في القرآن والسنة النبوية) ‏


تبدأ جلسات الخيمة الخضراء في تمام الساعة التاسعة مساء.‏
وبالله أرجوك تتفضل إنت وجميع القراء موضوع المآرب العلمية (موجود) أما المآرب (التخسيسية) تعال وخليها في سرك . والبجي معاك ما بضيع وقالوا البدر ما ودر

عادل التجاني

معتز القريش ..

ازيك..

يومها كنت اسعد ما اكون وتحسست روحى..

شكرا جميلا ..

بورداب الوحة .. و حرارة الاستقبال .. سعيدة بينكم ..

عميق حبى لكم ..

أميره بت الشيخ

مرحب بيك

نورتينا وشاركتينا وما قصرتي

عادل التجاني

Quote: معتز القريش .. ازيك.. يومها كنت اسعد ما اكون وتحسست روحى.. شكرا جميلا .. بورداب الوحة .. و حرارة الاستقبال .. سعيدة بينكم .. عميق حبى لكم ..

أميرة الأميرة

لقد كان حضورك ومشاركتك شرف لنا
دمت لنا ... ويا بورداب الخرطوم
خسارتكم كبيرة ... وربحنا اكبر

يا سلام يا بورداب الدوحة عمل جميل وفي قمة الروعة ... ربنا يرحم الاستاذ مصطفى سيد احمد ويديه الجنة بركة رمضان ..

تحياتي لكم جميعا

Quote: يا سلام يا بورداب الدوحة عمل جميل وفي قمة الروعة ... ربنا يرحم الاستاذ مصطفى سيد احمد ويديه الجنة بركة رمضان .. تحياتي لكم جميعا

انعام يا نعمة بورداب الخرطوم

تسلمي على المرور الرقيق

كتب عادل التيجاني :

Quote: وهنالك شخص يجب علينا جميعاً شكره شكر خاص فبالرغم من مرضه ومعاناته أبت نفسه إلا بالمشاركة في جميع الفعاليات ولو بإرسال ورقة وقد شاركنا بكامل اسرته وزين لنا حفل الختام بنجلاته الطيبات حيث شاركن في الغناء الجماعي ولا أقول الكورال وكان لهن دور جميل جداً والصور خير شاهد فالشكر كل الشكر للأخ عبد الرحمن بركات (أبو ساندرا) .

{ الخيل تجقلب والشكر لي حماد }
مثل قديم ممكن نعمل ليه تحديث
{ البنات يغنن والشكلا لأبوهن }
أن شاء الله يوم شكري ما يجيي
وشكرآ يا فنان يا راقي

بس خايف عليك كلاب لهب ماينعتوك ب { كسار التلج }

أصلو البقول النصيحة بيلقى كده

انا معتز بشهادتك أعلاه

ابو ساندرا
صباح الخير

Quote: بس خايف عليك كلاب لهب ماينعتوك ب { كسار التلج }

كسار تلج ... طيب ده شنو...؟

Quote: وشكرآ يا فنان يا راقي

ماده التلج زاتو ...

عيونك كيف ياابو نضارات ... والدعوات مستجابة باذن الله
هارون دياب

Quote: معتز القريش .. ازيك.. يومها كنت اسعد ما اكون وتحسست روحى.. شكرا جميلا .. بورداب الوحة .. و حرارة الاستقبال .. سعيدة بينكم .. عميق حبى لكم ..

اميره الاميره :
وينك ووين اراضيك شنو الغيبه دي
نشوفك انشا الله في الفطور بتاع الجماعه ديل

كلمة الشاعر الكبير الأستاذ / مدني النخلي



FreeVideoCoding.com

كلمة الأستاذ الفنان حمزة سليمان



FreeVideoCoding.com

ولدينا المزيد .....

تابعونا وفالكم طيب

الكورال الرهيب ـ نجوم الاحتفال
وجزء من أغنية (السمحة قالوا مرحلة)
بالله شوفوا الابداع دا

صورة منقولة من موقع الراكوبة

هنا احتضنت الأرض جسد الراحل مصطفى سيد أحمد