Post: #1
Title: فضيحة !!
Author: محمد حامد جمعه
Date: 01-05-2008, 11:09 AM
قضيت يوم امس الخميس باكمله متجولا بين مستشفيات ولاية الخرطوم من الثورات الى مستشفى امبده مرورا بمستشفى الخرطوم التعليمى ، حاملا على اكتافى مريض يحتاج الى عملية (باردة ) وبسيطة لاستخراج (خراج ) ، حيث تعرضت لمواقف هى هجين من الطرافة والاسى ولكنها فى النهاية رسخت عندى قناعة ان الفوضى فى مستشفيات العاصمة تجعل كل الجهود لتطوير خدمات الصحة محض هراء وترهات .
فى المستشفى الاولى بام درمان اعتذر الاطباء بان غرفة العمليات غير معقمة ، وطالبونا بالذهاب الى (الخرطوم ) وهناك رفضوا استلام المريض لان المستشفى الاول لم يقم باجراءات (التحويل ) فدلفنا الى (الحوادث ) وانجز الاجراء بالخرطوم بعد شروحات مملة ثم عدنا الى المستشفى العاصمى العريق فافاد الاطباء بان علينا الذهاب الى (امبده ) لان تلكم العملية البسيطة من الافضل القيام بها هناك !
وبالطبع وبالنسبة لمواطن مسكين مثلى فان اطاعة الحكومة ممثلة فى اطباء المستشفى الحكومى الكبير مسالة واجبة ، فلست ابن وزير ليتحلق حول مريضى الاختصاصيين ولست حفيد باشا ليتوقف عمل المستشفى لصالح مريضنا فتوكلنا على الله الواحد الاحد وتحولنا الى (امبده ) وهناك قابلنا طبيب (حدث ) اعتذر لنا بلطف بان علينا الحضور صباح الجمعه وقد تجرى العملية وقد لا تجرى وان كنت قد رجوت فى سرى ان يحولنا الى (غونتانمو ) او (ابوغريب ) فعلى الاقل هناك يمكن لمريضنا ان يموت شهيدا او يحظى ببوستر فى واجهة القنوات الفضائية وزيارة من المجلس التشريعى المركزى او كبير بالبلد يتكرم علينا بنظرة وبيان .
عدت الى منزلى ومريضى يتوجع حينا وحين يذهب عنه الالم يسب وزارة الصحة والحكومة وشرق افريقيا واشاركه بياناته المنددة لان ما راه اليوم كفيل بجعله من انصار اسرائيل والشيطان ضد السودان ولو حكمه الخلفاء الراشدين
ما هذه الفوضى ، وما هذا الاهمال وسوء التقدير لظروف الناس ، فان كان هذا هو التعامل مع عملية لا تحتاج الى اكثر من مشرط معقم وتخدير موضعى وجراح لاستئصال الورم كيف يكون الموقف لو ان العملية ترتبط ارتباطا مباشرا بحياة او موت انسان !!
غياب كامل للاختصاصيين وسيطرة ميدانية مطلقة كما هو واضح لاطباء الامتياز الذين لا يستطيعون جر قلم فى حالة مريض مع غياب الكبار بالمستشفيات الذين يهتمون بعياداتهم الخاصة والمستشفيات الفخمة ذات الدفع بالعملات الاجنبية ومبالغ الارقام الفكلية ، والادهى والامر ان الوزراة غائبة وان الدولة غير موجودة وكيف للدولة ان تاتى وترى ما يجرى والحكومة حكاما ومعارضين ان المت باحدهم نزلة برد طار الى الاردن ومصر .
ونحنا لينا الله وعيشة السوق وامش وتعال بكره !
|
Post: #2
Title: Re: فضيحة !!
Author: محمد حامد جمعه
Date: 01-05-2008, 11:12 AM
Parent: #1
طبعا الفضيحة ليس فى وزارة الصحة او دلال المستشفيات مع حالة و(بيشن ) لكن الفضيحة فى (عميد امن ) يمشى يكابس مع ناس قريعتى راحت وكوز يفتش ليهو سرير فى مسشتفى عمومى
والما عارف يقول عدس يا مصطفى محمود
|
Post: #3
Title: Re: فضيحة !!
Author: عواطف ادريس اسماعيل
Date: 01-05-2008, 11:19 AM
Parent: #2
ليك الله آه !!!
عيشة السوق دي ما بتقدر عليها الأيام دي ,,,
بالمناسبة د. مصطفى محمود دا أطيب إنسان في الدنيا بس الناس ما عايزة تسيبه في حالو !!!
|
Post: #6
Title: Re: فضيحة !!
Author: محمد حامد جمعه
Date: 01-05-2008, 11:29 AM
Parent: #3
عواطف سلامات ...
اقول ليك سر ... انت زولة كتابتك طاعمة ( بسيطة ونشيطة ) وكان على الدكتور والله هو على العين والراس على الاقل بشترك معاه فى وردى وتانى حاجة هو بيكون سبب فوزنا فى الانتخابات على الاقل بسبب كتابتو هنا
|
Post: #11
Title: Re: فضيحة !!
Author: عواطف ادريس اسماعيل
Date: 01-05-2008, 11:37 AM
Parent: #6
محمد !!!
سلامات ,,,
مريضك ما يشوف شر إنشاء الله !!!
شكرا على كلماتك الطيبة بس أنا بقول يعني طالما المنبر حر ونحن أحرار لأنه أماهتنا ولدننا أحرارا
ما في داعي الناس تحجر على د. مصطفى حرية الراي و لاشنو رايك ؟؟؟ عشان في ناس بس متخصصة فيه أول
ما يكتب كلمة تجي ناطة طوالي تشب ليه فوق رقبته أتقول كاتل ليهم كتيل !!!
|
Post: #25
Title: Re: فضيحة !!
Author: أبو عبيدة البصاص
Date: 01-05-2008, 01:48 PM
Parent: #3
Quote: بالمناسبة د. مصطفى محمود دا أطيب إنسان في الدنيا
بس الناس ما عايزة تسيبه في حالو !!! |
الاستاذه صاحبة القلم الفتَّان عواطف ادريس
نرجو ان نعلن امامك ان الاستاذ مصطفى محمود
ده اكتر واحد والله نحنا بنريدو في هذا المنبر
البصاص
|
Post: #38
Title: Re: فضيحة !!
Author: عواطف ادريس اسماعيل
Date: 01-06-2008, 06:22 AM
Parent: #25
الأخ أبو عبيدة !!!
ودي ,,,
مضطرة أشكرك مرتين الأولى لحبك لدكتور مصطفى محمود والثانية لأنك أهل لذاك !!!
|
Post: #4
Title: Re: فضيحة !!
Author: Mustafa Mahmoud
Date: 01-05-2008, 11:20 AM
Parent: #2
محمد حامد جمعه
طبعا الفضيحة ليس فى وزارة الصحة او دلال المستشفيات مع حالة و(بيشن ) لكن الفضيحة فى (عميد امن ) يمشى يكابس مع ناس قريعتى راحت وكوز يفتش ليهو سرير فى مسشتفى عمومى
والما عارف يقول عدس يا مصطفى محمود
+++++++++++++++++++++++++++++++++++++++++++
عدس يا سعادة العميد أمن
مع تحياتي للعميل مهند مأمون
بالمناسبة ممكن تشتكي لي صلاح غوش
د. مصطفي محمود
|
Post: #8
Title: Re: فضيحة !!
Author: محمد حامد جمعه
Date: 01-05-2008, 11:33 AM
Parent: #4
دكتور مصطفى .. كيفك يا ضراع
|
Post: #9
Title: Re: فضيحة !!
Author: doma
Date: 01-05-2008, 11:35 AM
Parent: #5
نحن لينا زمن بنقول في شنو ؟؟
قبل 3 اسابيع كنت في احد المرافق الحكوميه ببحري واتجرجرنا واتبهدلنا وحالنا بقي يغني عن سؤالنا فقال مواطن من ابناء الجنوب سوداني اغبش متلي " لما الانجليز طلعوا من البلد دي قالوا في ثلاث اشياء لو مشت صح السودان دا بيكون فوق لو انتهن بنتهي . سكك حديد السودان, مشروع ا لجزيره والخدمه المدينه .
ثم صاح محدثنا بحسره كلهن انتهن والبلد انتهت ما فيش وطنيه
عليها الرحمه الجنازه اسمها السودان .
|
Post: #10
Title: Re: فضيحة !!
Author: Mustafa Mahmoud
Date: 01-05-2008, 11:37 AM
Parent: #2
محمد حامد جمعه
طبعا الفضيحة ليس فى وزارة الصحة او دلال المستشفيات مع حالة و(بيشن ) لكن الفضيحة فى (عميد امن ) يمشى يكابس مع ناس قريعتى راحت وكوز يفتش ليهو سرير فى مسشتفى عمومى
والما عارف يقول عدس يا مصطفى محمود
++++++++++++++++++++
بالمناسبة أنا دخلي في موضوعك دا شنو
د. مصطفي محمود
|
Post: #14
Title: Re: فضيحة !!
Author: محمد حامد جمعه
Date: 01-05-2008, 11:41 AM
Parent: #10
يا دكتور ما شابكنا العميد امن وعميل المباحث الفديرالية واللواء البناوعثمان السيد واللورد كرومر
هسة كتاب الله جاك زول بساكك المستشفيات مثل حالتى دى بيكون لواء .. الا اكون زى لوائية السودان الجديد القديمة بتاعتكم ديك الما جابت من الحكومة التكتح
|
Post: #16
Title: Re: فضيحة !!
Author: Mustafa Mahmoud
Date: 01-05-2008, 11:44 AM
Parent: #10
بالمناسبة أنا دخلي في موضوعك دا شنو
عدس يا سعادة العميد أمن
مع تحياتي للعميل مهند مأمون
بالمناسبة ممكن تشتكي لي صلاح غوش
د. مصطفي محمود
|
Post: #13
Title: Re: فضيحة !!
Author: علاء الدين صلاح محمد
Date: 01-05-2008, 11:39 AM
Parent: #2
Quote: قضيت يوم امس الخميس باكمله متجولا بين مستشفيات ولاية الخرطوم من الثورات الى مستشفى امبده مرورا بمستشفى الخرطوم التعليمى ، حاملا على اكتافى مريض يحتاج الى عملية (باردة ) وبسيطة لاستخراج (خراج ) ، حيث تعرضت لمواقف هى هجين من الطرافة والاسى ولكنها فى النهاية رسخت عندى قناعة ان الفوضى فى مستشفيات العاصمة تجعل كل الجهود لتطوير خدمات الصحة محض هراء وترهات .
فى المستشفى الاولى بام درمان اعتذر الاطباء بان غرفة العمليات غير معقمة ، وطالبونا بالذهاب الى (الخرطوم ) وهناك رفضوا استلام المريض لان المستشفى الاول لم يقم باجراءات (التحويل ) فدلفنا الى (الحوادث ) وانجز الاجراء بالخرطوم بعد شروحات مملة ثم عدنا الى المستشفى العاصمى العريق فافاد الاطباء بان علينا الذهاب الى (امبده ) لان تلكم العملية البسيطة من الافضل القيام بها هناك !
وبالطبع وبالنسبة لمواطن مسكين مثلى فان اطاعة الحكومة ممثلة فى اطباء المستشفى الحكومى الكبير مسالة واجبة ، فلست ابن وزير ليتحلق حول مريضى الاختصاصيين ولست حفيد باشا ليتوقف عمل المستشفى لصالح مريضنا فتوكلنا على الله الواحد الاحد وتحولنا الى (امبده ) وهناك قابلنا طبيب (حدث ) اعتذر لنا بلطف بان علينا الحضور صباح الجمعه وقد تجرى العملية وقد لا تجرى وان كنت قد رجوت فى سرى ان يحولنا الى (غونتانمو ) او (ابوغريب ) فعلى الاقل هناك يمكن لمريضنا ان يموت شهيدا او يحظى ببوستر فى واجهة القنوات الفضائية وزيارة من المجلس التشريعى المركزى او كبير بالبلد يتكرم علينا بنظرة وبيان .
عدت الى منزلى ومريضى يتوجع حينا وحين يذهب عنه الالم يسب وزارة الصحة والحكومة وشرق افريقيا واشاركه بياناته المنددة لان ما راه اليوم كفيل بجعله من انصار اسرائيل والشيطان ضد السودان ولو حكمه الخلفاء الراشدين
ما هذه الفوضى ، وما هذا الاهمال وسوء التقدير لظروف الناس ، فان كان هذا هو التعامل مع عملية لا تحتاج الى اكثر من مشرط معقم وتخدير موضعى وجراح لاستئصال الورم كيف يكون الموقف لو ان العملية ترتبط ارتباطا مباشرا بحياة او موت انسان !!
غياب كامل للاختصاصيين وسيطرة ميدانية مطلقة كما هو واضح لاطباء الامتياز الذين لا يستطيعون جر قلم فى حالة مريض مع غياب الكبار بالمستشفيات الذين يهتمون بعياداتهم الخاصة والمستشفيات الفخمة ذات الدفع بالعملات الاجنبية ومبالغ الارقام الفكلية ، والادهى والامر ان الوزراة غائبة وان الدولة غير موجودة وكيف للدولة ان تاتى وترى ما يجرى والحكومة حكاما ومعارضين ان المت باحدهم نزلة برد طار الى الاردن ومصر .
ونحنا لينا الله وعيشة السوق وامش وتعال بكره |
دولة المشروع الحضاري
سعادتو ارجع بذاكرتك الى العقد الاخير من القرن الماضي واقف قليلا في ادبيات الانقاذ
والخطاب الاعلامي بتاعكم وقارن بين ذاك الذي حلمالدى الصادقين منكم وكلامك الاخير لتعرف اين الفضحية والخداع والكذب
|
Post: #7
Title: Re: فضيحة !!
Author: البشير دفع الله
Date: 01-05-2008, 11:30 AM
Parent: #1
الاستاذ محمد حامد جمعة
التحية والتقدير
وأسأل الله الصحة والعافية لمريضك
ملف الصحة بالسودان ملف مؤلم , والخوض فيه يحتاج لمشرط جراح ليستأصل الفساد والمحسوبية التي استشرت بهذه الوزارة , ولأنها عليها تتوقف حياة الناس , فهي ليست كوزارة التعليم أو الخارجية أو الداخلية , فهي تمس المواطن مباشرة , دون دبلماسية مهذبة ودون رتوش .
فكبار الاخصائيين غائبون لأنهم بعياداتهم وبالمستوصفات التي يعملون بها والدولة تعلم ذلك , وان زاروا المستشفيات الحكومية ( التي يقبضون منها رواتب ) مرة في الاسبوع , أو نصف ساعة في اليوم , فان ذلك يكفيها , ويشكروا هم عليه , والا لماذا توافق وزارة الصحة على هذا الوضع وهي تعلم هذه الحقيقة المرة ؟
وأما اعتذار بعض المستشفيات عن قبول الكثير من الحالات الحرجة , ( وحالة مريضك ) واحدة منها , فهو أمر طبيعي درجت المستشفيات الحكومية عليه للأسف الشديد .
هل من ميثاق يمنع المستشفيات الحكومية خاصة من عدم قبول المريض مهما كانت الأسباب ؟
|
Post: #12
Title: Re: فضيحة !!
Author: خالد علي محجوب المنسي
Date: 01-05-2008, 11:39 AM
Parent: #7
أخي الفاضل/ محمد حامد جمعة
تحية طيبة وسلاااام
من المسؤول عن كل هذه الفوضى ؟؟.. إعتذارات حتى يموت مريضك بين يديك.
مادور الصحافة في هذه الفوضى ؟
أين وزارة تابيتا بطرس من ذلك ؟
تحياتي وكان الله في عون أهل السودان
خالد
|
Post: #17
Title: Re: فضيحة !!
Author: محمد حامد جمعه
Date: 01-05-2008, 11:45 AM
Parent: #12
يا جماعة خلو وزارة الصحة دى بعيد ، هسة يطلعو البوست دا مخطط لنسف جهود تابيتا بطرس يجمدو لينا الشاركة تانى
تضامنو مع مريضنا بوالمناسبة هو انصارى وليس حزب امة وبيشجع الهلال وبيسمع عثمان حسين وابراهيم موسى ابا .. بس
|
Post: #21
Title: Re: فضيحة !!
Author: البشير دفع الله
Date: 01-05-2008, 11:59 AM
Parent: #17
Quote: يا جماعة خلو وزارة الصحة دى بعيد ، هسة يطلعو البوست دا مخطط لنسف جهود تابيتا بطرس يجمدو لينا الشاركة تانى
تضامنو مع مريضنا بوالمناسبة هو انصارى وليس حزب امة وبيشجع الهلال وبيسمع عثمان حسين وابراهيم موسى ابا .. بس |
سلام تاني
كيف نخلي وزارة الصحة بعيد ؟
وهي المعنية أولا وأخيرا بالموضوع
وبعدين نحن زاتنا شبعنا تضامن وهتافات , خلينا نتكلم مباشرة , ونقول للأعور يا أعور .
وبعدين منو القال الفساد في وزارة الصحة بدأ بس في عهد د. تابيتا بطرس ؟
وان كان يقع على عاتقها ولو محاولة الاصلاح والتغيير , خلينا نشوف بصمات الحركة الشعبية في الاصلاح شكلها كيف .
|
Post: #15
Title: Re: فضيحة !!
Author: sama7
Date: 01-05-2008, 11:42 AM
Parent: #1
ازيك يا محمد
عارف يا محمد مرة حضرت محاضرة قدمها مسؤول كبير فى الحكومة كان مختصرها أن السودان لا يعانى من الفقر
اى والله عينى عينك كدا وأن البحصل دا إنما هى عادات لم يستطيعو الكف عنها
وبحكم أنه من الجنوب قال مشى الجنوبيين هناك عرايا ليس دلالة على فقر ةإنما هى عادة
وأن الشحذة فى الشوارع بالنسبة للشحاذين هى أسهل طرق كسب العيش ليهم
لما طلعت برا بعد المحاضرة وشفت السواق أول ما طلع دور العربية وشغل المكيف
والحرس قام على حيله ووقف جنب الباب مستنيه عشان يفتحه ليه
قمت رجعت سألته قلت ليه (قلت السودان ما فيه فقر؟)
سألته برضو حصل فى يوم وقف عربيته أو مشى فى الشارع وٍال الأطفال البشحدو ديل عن حالتهم
رد على وانت حصل عملتيها؟
جاوبته نعم وكتير كمان
بما أن الحوار كان in english سألنى عشت وين قبل كدا
لماأجبته وسألنى عن الأحياء السكنت فيها عارف رده كان شنو؟؟؟؟
قال أنا ما مؤهلة إنى اكلمه عن الفقر... تخيل بس........
قلت ليه وانت ما مؤهل لأسباب كتيرة أهمها أن الوضع الانت عايش فيه دا هو البخليك تنكر حقائق كتيرة وتوهم نفسك عشان تحافظ عليه
قال لى انت رأيك شنو
قلت ليه أنا لو جات إسرائيل تحكمنى ح أوافق وما عندى مانع يعنى هى حتعمل شنو أكتر من البحصل حسا
وإذا جات أمريكا برضو يكون أحسن الأن التظاهر بحقوق الإنسان البتتظاهر بيها وتتحامى بيها دى إحتمال تكون فى صفنا
غضب منى وأراد سؤالى بس اعتذرت بحجة مواعيد الصلاة
فأطلب منك أن لا تعجب
وفى حاجات كتيرة بلوم فيها المواطن السودانى قبل الحكومة
إذا ما كان رضا البهدلة من الأول ما كان اتبهدل
لكن سلوك الفرد الشخصى ما مشجع لدفع الكثير عشان حتدخل فى باب (ضياع قروش)
والدكاترة إذا ما بتدفع ليهم الحكومة ليه يهلكو نفسهم فى شغل الحكومة والخاص يوفر ليهم حياة كريمة
هم بتميزو عننا بشنو عشان تكون قلوبهم على الشعب وقلب الشعب على .........
يا عمى دى قصة دايرة حول نفسها
فقط خلى أعصابك باااااااااااردة عشان صحتك ما تتدهور وتضطر تمشى المستشفى
فالوا فى دكتور بكتب فى الروشتة بتاعته عدم التفكير فى السياسة أو ما تقوم به الحكومة
أها زى دا أوعى طبيب وقلبه على شعبه كمان
خلاصة القول حكومة زى دى راجين منها تعمل شنو للمستشفيات الحكومية الما بتدعم الإستثمار فى البلد؟؟؟؟
مودتى
سماح
|
Post: #18
Title: Re: فضيحة !!
Author: Mustafa Mahmoud
Date: 01-05-2008, 11:49 AM
Parent: #15
بالمناسبة أنا دخلي في موضوعك دا شنو
يا عصابة الكيزان يا شلة ضحكت من جهلها الغنم
|
Post: #19
Title: Re: فضيحة !!
Author: محمد حامد جمعه
Date: 01-05-2008, 11:50 AM
Parent: #15
بجيكم راجع ...
|
Post: #20
Title: Re: فضيحة !!
Author: عبدالكريم الامين احمد
Date: 01-05-2008, 11:55 AM
Parent: #15
ياكمندان
سلام
الناس لمن تجي تلعلع هنا وهناك
وتقول وطن وتنمية وخدمات صحية وتعليم
هي قاصدة تريحك انت ده(القريعتي رحت) كما وصفت روحكم والعديدين من الذين راحت قراعهم
وكل الناس الفقراء والمريشين وكل الشعب السوداني الفضل ده...
يامحمد هذه الاشياء كانت ويجب ان تكون هي الهدف والمرمي لكل سلطة اتت علي رقبة هذا الشعب
وتكون اكثر الحاحا ان اتت هذه السلطة باسم الدين والرب...
ولكن بدلا عن تنمية الوطن وتطوير الخدمات وتسخير امكانيات البلاد الكبيرة لخدمة
(الذين راحت قراعهم)...
ذهب السلطان وجوقته الي اهدار الموارد
في الحرب
في الفساد
في تكتيكات السلطة
في تمزيق الكيان والنسيج السوداني....
المشكلة لست (بتابيتا) وقصور في وزارتها
المعضلة ياكمندان في فلسفة السلطان وتراكم العقل الاستنزافي لموارد الشعب واهمال
الخدمات الاساسية
من صحة وعلاج ووقاية وتاهيل كادر وتهيئة مشتسفيات تليق بالبني ادم السوداني المسكين ده....
تعليم
احترام حق المواطن واحساسه بالامن والسلامة والعزة في بلاده الواسعة...
الاشكال يا محمد حامد في عقلية السلطان الحاكم
....
وربنا يشفي كل المرضي والوطن من عقلية السلطان الحاكم
عندما يتحرر من حقوق الغلابة...
|
Post: #22
Title: Re: فضيحة !!
Author: محمد عثمان محمد طه
Date: 01-05-2008, 12:02 PM
Parent: #1
سعادتو سلامات وكل سنه وانت طيب وحايم مع الغلابة
آولا ليه ما مشيت مستشفي الامل والمستشفيات دي اظنها
اتعملت علشان تخفف الضغط علي مستشفيات محمد آحمدالمسكين
وتاني حظك جا كده بس كراعك حاااره ببساطه المستشفي الاولي
يكون فتحو مادورة وتحتاج تتعقم بالفورملين لمدة 48 ساعة
آقل شئ والمستشفي التانية بيقفلو لستتهم الساعه 5 مساء
لانو المخدرين بعد 9 مساء بيكونو مستعدين للحالات الطارئه
ويصادف يا سعادتو الخراجات دي بدور ل 12 مساء وديل تسجيل 5 عصرا
وانت كلك نظر وزارة الصحة دي مغلوب علي امرها ما عندها ميزانية
مفتوحة تعمل بدل غرفة واحدة عمليات صغيرة آربع غرف لآنو ببساطة مافي
كوادر مساعدة بتغطي الشغل ده وماهو مشرط وبنج موضعي دي روح انسان
عايزه تيم كامل محضر وخدر وجراح وليه الدكاترة مايهتمو بعياداتهم الخاصة
يا خوي مرتبك كم اعلي مرتب أخصائي فقط مائة ألف جنيه يساوي مرتب فرد
أمن مش ملازم كمان وبالمناسبة دي كمان عايز لي وظيفة في أمل علشان أقدر
أجر لي بيت في وسط الخرطوم سعادتو الصحة ما تناكفه دي وزارتنا الحنينه
علينا وعلي الشعب المسكين وقدر العندها ما بتبخل بيهو بالله عليك كده شوف
شركة الاكسجين الهواء السائل مديونيته كم فقط علي مستشفي الخرطوم وله ايه
رأيك مادام الحكاية كدة المستشفيات دي يبيعوها لصلاح ادريس وجمال الوالي
وبعده نشوف كيف الحكاة تبقي موظفين الحكومة عندهم التأمين الصحي والفقراء
عندهم ديوان الزكاةرأيك شنو يا سعادتو في الفكرة دي علشان المرة الجاية
ما تتبهدل جنس البهدلة دي
|
Post: #23
Title: Re: فضيحة !!
Author: إسماعيل وراق
Date: 01-05-2008, 01:31 PM
Parent: #22
| Quote: عدت الى منزلى ومريضى يتوجع حينا وحين يذهب عنه الالم يسب وزارة الصحة والحكومة وشرق افريقيا واشاركه بياناته المنددة لان ما راه اليوم كفيل بجعله من انصار اسرائيل والشيطان ضد السودان ولو حكمه الخلفاء الراشدين |
كومندان
كيف حالك
ما تحته خط هو بالضبط صوت المغلوبين وطالما الأمر كذلك عليك بأن تتطهر من المؤتمر الوطني..
|
Post: #24
Title: Re: فضيحة !!
Author: محمد حامد جمعه
Date: 01-05-2008, 01:42 PM
Parent: #23
| Quote: عليك بأن تتطهر من المؤتمر الوطني |
دا كلام تانى ... نشوفو ونتناقش فيهو كلنا ، لاننا كلنا منتهين
|
Post: #26
Title: Re: فضيحة !!
Author: Hisham Ibrahim
Date: 01-05-2008, 02:32 PM
Parent: #24
(وشهد شاهد من اهلها!!!!)
أنا مع ما قاله الأخ / عبد الكريم
حرف --- حرف
هشام
|
Post: #27
Title: Re: فضيحة !!
Author: Abureesh
Date: 01-05-2008, 02:34 PM
Parent: #24
الأخ محمــد،
الحكومـة تسمـح للأخصائيين يشيلوا الماهيـة الحرام، ولا يقوموا بواجبهـم، كما تسمـح
لصحفى مبتذل مثل إسحق أحمد فضل الله ليسرح فى أعراض الناس، وتشجعـه على المزيـد من
الوقاحـة وقلـة الأدب حتى مع النسـاء، بتركه وترك جريدته وحمايتهـم الإفتراضيـة من
المسـاءلـة .. يسئ لأمهاته وأخواته من للنسـاء على صحفات جريدة سيارة، يا للخيابـة.
ما هـو الفرق؟ حقو ما تحتج على ترك الحكومـة ترك الحبل على الغارب فى حق
الأخصائيين!
|
Post: #28
Title: Re: فضيحة !!
Author: محمد مختار جعفر
Date: 01-05-2008, 02:46 PM
Parent: #22
الأخ محمد حامد جمعة /
سلام وتحية
أرجو لمريضك عاجل الشفاء والعافية
ولى إضافة بسيطة ، وهى كما هو معلوم لديكم أن السلطة
الحاكمة عملت وأهتمت بالعسكريين كثيرا وخاصة إمكانيات
المستشفيات العسكرية ووفرة الأطباء والأدويه بهاوحتى العمليات
الكبيرة إضافة للسكن ناهيك عن رواتبهم ومعاشاتهم بل حتى اللواءات
الذين قاعدوهم هياؤا لهم من سبل الرقد السعيد والعيش الهنيء
حتى لا يفكروا أو يشتركوا فى عمل إنقلابى مستقبلا ...
أما على مستوى المؤسسة العسكرية فحدث ولا حرج من أماكن تسوق
خاصة بهم حتى فى مطار الخرطوم هنا مكان لا يتسوق فيه غيرهم
لذلك زولك ده أظنو ما عسكرى ... يعنى من المدنيين ساكت وإلا فالمستشفيات
العسكرية فهى غير مستشفيات الواقع المدنى ، فلهم الله ...
وتحيتى
محمد مختار جعفر
|
Post: #29
Title: Re: فضيحة !!
Author: Alshafea Ibrahim
Date: 01-05-2008, 03:10 PM
Parent: #1
لا فضيحة ولا شئ يا محمد .. حرام عليك تشعر بالمرارة وتعرف فضائح الموتمر الوطني بعد عشرين سنة ... يالله كلو من بركات رموز الدولة الساجدين الراكعين وإدارتهم الرشيدة ... أمشي شوف مستشفيات خارج العاصمة .. لن تجد مصطلحا تعبر به عن موقفك .. نبارك لكم ذهاب غشاوة السلطة والإنحياز الاعمى
الشفيع
|
Post: #30
Title: Re: فضيحة !!
Author: wadalzain
Date: 01-05-2008, 03:21 PM
Parent: #29
سلامات يا محمد حامد جمعه
الف لا بأس على مريضك
وطلب خاص : - ياخى اكتب وتخصص فى الصحف فى كتابات زى دى لانها حقيقه هادفه ومؤثره وقويه
|
Post: #31
Title: Re: فضيحة !!
Author: Mustafa Mahmoud
Date: 01-05-2008, 04:37 PM
Parent: #30
المواطن محمد حامد جمعة يرد علي الكوز محمد حامد جمعة
ويقول-بتصرف-البلد ماشة للوراء مادام خدمات الصحة في الحضيض والانسان كم مهمل!!!
|
Post: #33
Title: Re: فضيحة !!
Author: Mustafa Mahmoud
Date: 01-05-2008, 04:58 PM
Parent: #32
بالمناسبة أنا دخلي في موضوعك دا شنو
عدس يا سعادة العميد أمن
مع تحياتي للعميل مهند مأمون
بالمناسبة ممكن تشتكي لي صلاح غوش
د. مصطفي محمود
|
Post: #34
Title: Re: فضيحة !!
Author: نهلة عمر
Date: 01-05-2008, 07:59 PM
Parent: #1
ولله يا محمد حامد فضيحة ذاتا شوية
المواطن السودانى المسكين المقهور المطحون الغلبان ما صدق البترول طلع و قال التعليم حيبقى مجانى و العلاج مجانى و البلد حتتطور
اها طلع البترول بى هنا و كلو بقى خاص المدارس خاصة و المستشفيات خاصة و اى شى فى السما عندك غروش تعيش ما عندك تموت قدام باب
اقذر مستشفى و لا زول يحس بيك مافى
ليك الله يا بلدى و ليك الله يا سودان و انت كل يوم راجع ورا
|
Post: #35
Title: Re: فضيحة !!
Author: amir jabir
Date: 01-05-2008, 08:20 PM
Parent: #34
| Quote: وعميل المباحث الفديرالية |
 دة النوع البحشش بالبطاقة جنب الجكس
هاع هاع الكيزان ديل ناوين على شى يا معلمين
|
Post: #36
Title: Re: فضيحة !!
Author: عمار عبدالله عبدالرحمن
Date: 01-05-2008, 08:57 PM
Parent: #35
يا ود جمعه
انت لسه ما اكتشفت انك مهمش ؟؟؟
وان المشروع الحضاري كذبه كبيره ؟؟؟
|
Post: #37
Title: Re: فضيحة !!
Author: Mustafa Mahmoud
Date: 01-05-2008, 11:03 PM
Parent: #36
اللهم انى اسألك بعزك وجلالك وبأسمك الاعظم
أن تحصى الكيزان وانصارهم عددا وتقتلهم بددا ولاتبقى منهم احدا
اللهم اجعل عيشهم ضنكا
اللهم ابتليهم كما ابتليتنا بهم
اللهم نحن عبادك السودانيين قد مسنا الضر والبلاء الكيزانى فارفعه عنا فانت ارحم الراحمين
امين يارب العالمين
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في
هذا المنبر
|
Post: #39
Title: Re: فضيحة !!
Author: shammashi
Date: 01-06-2008, 07:02 AM
Parent: #37
أحلف بالطلاق عشان نصدقك.
|
Post: #41
Title: Re: فضيحة !!
Author: shammashi
Date: 01-06-2008, 12:10 PM
Parent: #40
بعدين يا سعادتو ما أي حاجة تعلقوها في رقبة الحكومة.
يعني الحكومة تصرف على شنو وتخلي شنو. إاذ كان الزيك دا راتبو بالملايين. أها تصرف عليك إنت وللا تصرف على المستشفيات.
إنت لو عايز مستشفيات تمام التمام تقوم تتنازل من جزء من راتبك وتقول لصلاح غوش ياخي الجزء دا من راتبي أنا عايزو يمشي لمستشفى أم بدة يمكن يغطي ليهم جزء من راتب موظفي الأمن العاملين في المستشفى.
يا سعادتو موظفين الأمن المعينين في كل مستشفى أكتر من مجموع الأطباء فيهو.
أها دي تبقى كيف؟؟؟؟؟؟؟؟؟؟؟؟؟؟؟؟؟؟
|
|