Post: #1
Title: اخشى على الهلال من الكج والشحن الاعلامى الزائد
Author: محمد حامد جمعه
Date: 07-08-2007, 08:40 AM
Parent: #0
اخشى على فريق الهلال فى مباراته المرتقبة مساء اليوم امام الترجى التونسى من الشحن الاعلامى الزائد الذى تمارسه الصحافة والاعلام الرياضى لتحفيز الاعبين معنويا وشحذ هممهم ، القارئ لكل صحف اليوم (يشيل هم عديل كدا ) للحد ان المشجعين بدات اعصابهم فى الفلتان منذ الان .
اذاعة اف ام 104 الرياضية زادت الطين بله حيث انها ومنذ يوم امس تبث مقاطع مزعجة لصراخ وصرخات وعويل الرشيد بدوى عبيد (قوووووووووووووووووووووووووووووووووووووووون ) و(قووووووووووووووووووووووو) لاهداف هلالية سابقة وكان الامر برمته مزعجا لحد ان تعليقا استوقفنى لصبى مساح احذية قال ببراءة .. الهلال دا الله يستر عليه من كج الناس ما يقومو يخشو عليهو بغلب ..
الله يستر بس
|
Post: #2
Title: Re: اخشى على الهلال من الكج والشحن الاعلامى الزائد
Author: Mustafa Mahmoud
Date: 07-08-2007, 08:42 AM
Parent: #1
hello muhanad mamoon
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل
2- التجاهل
3- التجاهل
for all posts written by ingaz gang
members in this board
for all who are supporting the ingaz gang mafia islamaist theives
dr mustafa mahmoud
30/6/2007
|
Post: #3
Title: Re: اخشى على الهلال من الكج والشحن الاعلامى الزائد
Author: محمد حامد جمعه
Date: 07-08-2007, 08:46 AM
Parent: #2
الان استطيع ان اؤكد ان الهلال ( اتكج ) الله يكون فى عونكم يا تاج السر
|
Post: #4
Title: Re: اخشى على الهلال من الكج والشحن الاعلامى الزائد
Author: معتصم مصطفي الجبلابي
Date: 07-08-2007, 08:56 AM
Parent: #2
الاخ مصطفي
نعى تماما مقاصدهم
هو بالله فى كج اكتر من
الكابوس وناسو الهدمو الوطن من عرشو لاعن ساسو
18 سنة صابرين على اذاءهم 18 سنة وطائر الشؤم يحلق في روؤسنا
سيهزم الترجى ويتحقق الامل المرتجي بهزيمة الكيزان إن شاءالله
وإن شاءالله اموال الغلابة السرقوها وعملوها عربات طفرتقم واحد واحد
|
Post: #5
Title: Re: اخشى على الهلال من الكج والشحن الاعلامى الزائد
Author: محمد حامد جمعه
Date: 07-08-2007, 09:00 AM
Parent: #4
| Quote: سيهزم الترجى ويتحقق الامل المرتجي بهزيمة الكيزان |
كيف يعنى نافع لاعب قشاش فى الترجى وابراهيم احمد عمر حارس مرمى ولا شنو
عموما نتمنى النصر للهلال يا جبلابى
لكن عاوز اقول شنو انت ليه اى حاجة مدخلنها لينا فى السياسية بتمسخو نفسكم والله كدا ..
|
Post: #6
Title: Re: اخشى على الهلال من الكج والشحن الاعلامى الزائد
Author: معتصم مصطفي الجبلابي
Date: 07-08-2007, 09:08 AM
Parent: #5
لعل تعى مقصدى جيدا .. فاليكن نافع قشاش فعندنا البلدوزر
بس قوليه مانشوفك( طائر) او ترفع شعاراو شارع( التحدى)
وخليه في المشاه لانو البلدوزر بيحرق الطائر وبيقلب السائر
بعدين نحن مالازم نمسخ اذا كان انتو سافين السكر
|
Post: #8
Title: Re: اخشى على الهلال من الكج والشحن الاعلامى الزائد
Author: إدريس البدري
Date: 07-08-2007, 09:14 AM
Parent: #5
يا جمعة ..لو كتبت في الرياضة الناس يجرجروك علي السياسة
ياخ ولا يهمك...بس الله يستر والله وأتمنى أن يلعب الهلال ويفوز
|
Post: #7
Title: Re: اخشى على الهلال من الكج والشحن الاعلامى الزائد
Author: tmbis
Date: 07-08-2007, 09:09 AM
Parent: #4
Quote: اخشى على فريق الهلال فى مباراته المرتقبة مساء اليوم امام الترجى التونسى من الشحن الاعلامى الزائد الذى تمارسه الصحافة والاعلام الرياضى لتحفيز الاعبين معنويا وشحذ هممهم ، القارئ لكل صحف اليوم (يشيل هم عديل كدا ) للحد ان المشجعين بدات اعصابهم فى الفلتان منذ الان .
اذاعة اف ام 104 الرياضية زادت الطين بله حيث انها ومنذ يوم امس تبث مقاطع مزعجة لصراخ وصرخات وعويل الرشيد بدوى عبيد (قوووووووووووووووووووووووووووووووووووووووون ) و(قووووووووووووووووووووووو) لاهداف هلالية سابقة وكان الامر برمته مزعجا لحد ان تعليقا استوقفنى لصبى مساح احذية قال ببراءة .. الهلال دا الله يستر عليه من كج الناس ما يقومو يخشو عليهو بغلب ..
الله يستر بس |
والله أقول ليك حاجة ..؟
اطلعو منها إنتو بس .. اشتغلو في الحاجة حقتكم وانسو حاجة اسمها هلال ,.. نكج نفسنا ، ناخد سبعة ،، ما نجي نلعب .. ده كلو بيدخل في تفاصيلنا ..
الاظهرتوهو هنــا من بداية القرعة والكتابات الغير مسؤولة هي كفيلة بي انو تخلينا نعاين ليكم زيكم وزي اي فريق خصم بنلعب معاهو ..
في الحالات الزي دي يا مواطن لما الفرق تكون لاعبه وبتمثل خارجيا الناس بتقيف معاها من اكبر قندولي لي بتاع الاورنيش المسكين عامل اليومية ده .. لكن اطلاقا مافي واحد بيجي يكتب ليهو كلام خالي من المسؤولية والغرض كلو منو .. هو الحقد الأعمى ..
يا كمندان إنت صحفي .. وليك كتاباتك في حتات محددة .. واضف على ذلك إنت مريخابي فأرجوك ياخ .. نحن ما ناقصين احباط .. اهتمو بي الحاجة البتخصكم وبي فريقكم .. وانسو حاجه اسمها هلال .. ياخي لو فكر فيكم واحد بس نفسيتو زي نفسيتكم دي انو يدعمنــا .. والله بارك الله فيهو وما قصر وجزاهو الله خير .. وفي ميزان حسناتو ..
بلاي لو الهــلال ده غلب .. بيضركم شنــو يا محمد حامد ..؟
ولو انتو غلبتو بيضرنــا شنــو نحن .. مش ياهو السودان ده الناس كتار ماتت علشانو ولسه ح تموت ..؟؟
ياخي ارحمو نفسكم يرحمكم من في السماء .. وكفاية حقد اعمى .. وكفاية احباط لي امـة كاملة منتظره بس يوم واحد تفرح .. وتنتشي ..
والله كرهتونــا الكورة .. وكرهتونا حاجة اسمها سودان زاتو ..
قرفتونا ياخ الله يقرفكم
|
Post: #9
Title: Re: اخشى على الهلال من الكج والشحن الاعلامى الزائد
Author: محمد حامد جمعه
Date: 07-08-2007, 09:19 AM
Parent: #7
tmbis
يا جستابو ... برد نفسك ...
يا اخوى فوز الهلال دا ما حقكم برانا كلنا الحاجة دى حقتنا ،ويشهد الله انا كتبت ما كتبت لا قاصد شماتة ولا حاقد لكن الناس بالجد حقو تخفف على اللاعبين ديل شوية ، الشحن الزائد دا صدقنى بجيب نتائج وخيمة ، ياخ معانا هلالاب بيقرو الجرايد قلبهم بقيف
تمبس عموما نامل الا اكون مكرهك حاجة ... ومعليش لو كرهتك يا شاويش
|
Post: #11
Title: Re: اخشى على الهلال من الكج والشحن الاعلامى الزائد
Author: tmbis
Date: 07-08-2007, 09:53 AM
| Quote: الشحن الزائد دا صدقنى بجيب نتائج وخيمة |
. المسالة ما شحن زايد ولا ناقص .. المسالة بتاعت اعلام موجه بشكل سخيف جدا .. ناس بتحطم في فريق بيمثل بي اسمها علشان شنـو ما معروف ..
عليك الله يا جنابو الكلام الاتكتب هنا الفترة الفاتت دي بيشرف ليهو زول ..؟
إنت ما شفت الاتكتب هنا من يوم كورة الفريق النيجيري .. ؟؟ لحدي ما جا الفريق النيجيري اخد على راسو ومشي .ما شفت الاتكتب في مباراة الأهلي .. الناس الجات شايله ليها لافتات بتشجع في الأهلى والبقول ليك ياخدو خمسة والبقول ليك ياخدو سبعة ..
عليك الله في زول ربنا كدا مديهو مخ في راسو بيشجع الأهلى .. وضد منــو ضد الهلال كمان ..
والله يا محمد حامد انا من فترة ماسك نفسي ما اكتب عن الكورة لانو زي ما عارف الكتباة بي رد فعل عكسي بتعمل شنــو ..
لكن ما اديتونا خيار .. ومن قبيل متوقع .. ولسه يا ما ح تشوف ..
|
Post: #10
Title: Re: اخشى على الهلال من الكج والشحن الاعلامى الزائد
Author: حمزاوي
Date: 07-08-2007, 09:24 AM
Parent: #7
تمبس ابو النسب
مسكاقمي
Quote: والله كرهتونــا الكورة .. وكرهتونا حاجة اسمها سودان زاتو ..
قرفتونا ياخ الله يقرفكم |
سجمي
الرماد كال حماد
مالك مسخن كدي يا اخوي
انت سايق سيارة بدون مكيف في البطحاء
|
Post: #12
Title: Re: اخشى على الهلال من الكج والشحن الاعلامى الزائد
Author: tmbis
Date: 07-08-2007, 10:23 AM
Parent: #10
Quote: سجمي
الرماد كال حماد
مالك مسخن كدي يا اخوي
انت سايق سيارة بدون مكيف في البطحاء |
يا ابو النسب .. مسخن وين ياخ ..؟
بعدي ما ملاحظ أنو الليلة بالذات جماعتكم الكانت بتكتب بي السبعات والتمنيات .. الليلة من الصباح مافيش واحد فيهم جا شايل ليهو لافته .. من يوم مباراة الأهلى الشهيرة ..
يا ابو النسب .. والله لو ناسكم ديل بعدو عنــنا .. يكون احسن ليهم .
مالهم مارضين نفسهم في الفاضي ساكت ..
الواحد شهرا ما عندو فيهو نفقه .. ليه بيعد في ايامو ..
|
Post: #13
Title: Re: اخشى على الهلال من الكج والشحن الاعلامى الزائد
Author: tmbis
Date: 07-08-2007, 10:57 AM
Parent: #12
| Quote: الشحن الزائد دا صدقنى بجيب نتائج وخيمة ، ياخ معانا هلالاب بيقرو الجرايد قلبهم بقيف |
ياخي اقول ليك حاجة .. خليهو يجيب نتائج وخيمة .. طالما تمرين بروفة نهائية جايب ليهو ( تلتين الف متفرج ) والعميان شايل المكســر.. جايه علشان تقيف مع فريقه وفي نفس الوقت فريق بلعب بي اسم السودان .. علشان يرفع راسنا في مواسم الاحباطات المتكررة دي ...
تفتكر ياتو نتائج وخيمة ممكن تكون في .. وتفتكر ياتو احباط ممكن يلازم تلتين الف جو الميدان غير الملايين القاعده متظرة انها تفرح ؟ رجال ونساء وشيوخ ..
ياخي في واحدين من جماعتكم ديل .. ما عارفهم جايين من ياتو كوكب ..
والله انا اكتب عن المريخ كلام ما في محلو وهو بيمثل السودان .. والله اقطع اصابعيني ..
|
Post: #14
Title: Re: اخشى على الهلال من الكج والشحن الاعلامى الزائد
Author: abuguta
Date: 07-29-2007, 05:33 PM
Parent: #13
نفسى
ياتمبس
اسلم على صاحب البوست
بس عشان تاريخكم يسجل
قولو
وقت كتب البوست رصيدنا صفر
اليوم ستة نقاط
|
|