المريخ دا .. منتهى !!

يا شباب ، صباح الخير ولا اله الا الله

المريخ الشفتو امبارح فى التلفزيون دا سجمان ومقطع وغير استادو الحلو ورئيسو المهذب الوالى ما عندو التكتح
دا شنو الفريق المنتهى دا ..

7/7/2007
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

1-التجاهل
2- التجاهل
3- التجاهل

for all posts written by ingaz gang
members in this board

for all posts written by paid ingaz gang agents

for all posts written by those who support the ingaz gang killings in darfur and ingaz mafia killings in kajabar

for all who are supporting the ingaz gang mafia islamist thieves
dr mustafa mahmoud

وانت زى بهاء الدين ما عندك حاجة ولاعب اساسى

بالجد المريخ فيهو حاجة غلط ، الظاهرة دى من كم سنة ، انا مريخابى موووت من النوع الكان لمن المريخ دا يتغلب الهلالاب بيجو بيتنا بيهتفو بالعار والشنار وكدا ، لكن شفتو المريخ ليهو كم سنة ما مظبوط رغم جهود الاصلاح والدعم قبال جمال الوالى وبعده

نادى المريخ العظيم وهزائمنا التى لا تنتهى !!!
أتيت على نفسى رغم المرض الذى أضعف قدرتى على النظر وقطعت مشواراً طويلاً حتى استاد " المقاولون " عسى ولعل أُفرج عن نفسى شيئاً ما وكان معى أستاذنا الكبير نور الدين مدنى والأخ عدلان خلف الله .... كان السودان حاضراً فى حالة من التوحد لا مثيل لها .... شباب من الجنوب والشمال والغرب والشرق .... آنسات ناهدات وسيدات مشلخات وأطفال وعمائم وإدارة المريخ والقلع عبد الحفيظ .
بدأ الشوط الأول وفريق المريخ يسيطر على الكرة بصورة واضحة .... هتافات الجماهير السودانية تذهب بعيداً فى حال من الحماسة تبعث الدفء فى الحنايا وترسم خطوط اللعب بين أرجل لعيبة المريخ " خد وهات " وثقة مفرطة للحفاظ على نصر الخرطوم نظيفاً ومبرءً من كل هدف طائش وقد بلغ الحماس ذروته فى آخر الشوط وليعلو هتاف " استيم تفاح يا الوالى تيمك صاح " ولكنها فرحة لم تتم بداية الشوط الثانى حيث دائما ما يظلمنا الحكام العرب .... وهكذا ألقت التحليلات باللائمة على الجزائرى المسخوط بغضب السودانيين فى كل المساطب سوى أن ملاحظاتى على وسط المريخ أثارت " قلقى " وكنت أتوقع تغييراً عاجلاً ولقد كان للأجنحة دوراً " عجباً " فى إبراز جماليات وفنيات اللعب النضيف لفريق المريخ ....
بعد الهدف الثانى فى شباكنا حدقت فى تاريخ طويل من الإحباطات والهزائم .... وقد نجد تعلة فجة حول العودة بالاحتكاك واكتساب الخبرات ولا شئ .... ورغم أنه لا شئ مستحيل تحت الشمس .... أنديتنا يصطرع الإداريون عندها ورجال المال صراعاً يجلب النحس فوق رؤوسنا وتحت رجل لا عبينا .... لاعبونا أنفسهم صاروا جزء من مصالح الإدارات دون اعتبار لعمق الانتماء للشعار والنادى وتذكرت = حزينا = الكابتن سامى عز الدين الذى غاب عن اللقاء وغاب عن دنيانا وهنا فى القاهرة .... وتذكرت جيلا من الرياضيين قوياً ذو وفاء .... وهم رغم اختلاف انتماءتنا إلا أنهم يحظون بتقدير الجميع .... خرجت رغم الأسى ورغم " هلاليتى " مسروراً والأستاذ نور الدين مدنى يؤكد على أن الرياضة واحدة من موحدات الأمة السودانية .... كان منظراً خلاباً .... جاذباً وجميلاً .... منظر السودانيين ....
هارد لك مريخ السودان ولكل الرياضيين بلا استثناء !!!!
* * *

اااه يا عجب

يا منقطا
ويا مقطعا
ويا سيد الكفر
كل المجال ساحة خطر
والعجب العجيب لمن تموه تمر
ترفع رأس الشموخ ويجول النظر
يلقط الرادار فراغ وفي لحظة حذر
ينخدع الجميع والباصات تمر
من غير جواز أو حتى تأشيرة سفر
وتنثر درر ونطرب عديل
وغيرنا يقطع في الشعر
اااااه يا عجب
دي ما أحوال بشر
والعجب كمان لمن مزاجك يروق
ونشوفا واااضحة في محياك الخلوق
فجاءه تقرر تصحبنا في أجمل سفر
ونقعد نراقب في الدندنة
يا ناس اسكتواااا
الرجل الفضائي في حالة دوزنة
والخصم العنيد عاد راجياه البشتنة
ونحن الفي المقاعد نروق
زي العشاق في انتظار لحظات الشروق
او العطاشي راجين قبل المطر البروق
وتوصل ارواحنا الحلوق
نقعد نتمتم في سرنا كيف حال العلوق
اظنهم الان سكارى بس من غير خمر
اااااه ياعجب
نهتف نصفق يملانا السكر
وتسري خمر الطرب جوا العروق
نرجع نهيج نطط في المقاعد

زى تلامذة يرددوا في أجمل نشيد
تسمع من بعيد

اااااه يا عجب

يا ود جمعه

عليك الله شفت الود السودانى ايفوسا لمن يلعب بى مزاج بيعمل شنو
ولسه ..... الصابرات روابح

جنابو دا اذا كان هلالابي فالحشروا في امورنا شنو؟ واذا كان مريخابي دا ما اسلوب .

يا سامى
العجب ما فيهو كلام بس ميتان ...

محمد حامد اخوي
مسكاقمي

Quote: المريخ دا .. منتهى !!

أنا مش قلت ليكم الزول دا رشاشة

يا اخوانا صلو على النبى ..

من ناحية مريخابى انا مريخابى عندى حق فى المريخ اكتر من الوهم اللعبو امس ديل ولعبو قبالو كم كورة ...
قلق ، ومنو وبهاء الدين ديل كلهم يمكن بربطهم مع المريخ العداد والعقودات والفوائد البجنوها من التسجيل فى فريق زى المريخ دا ، والواحد لو شيكو رجع ساى من البنك يعمل فيها مجنون ، اها انا مما وعيت فى الدنيا دى بشجع المريخ قبال اشوف استادو ولا اعرف العرضة دى زاتها وين ولى هسة بحبو والمقابل شنو ، بمشى فى الشارع الناس بتقول دى كاتبن فلان ولا فى قطب شاترى لى سيارة ولا فى ادارى جاب لى بيت يعنى لو ما دفعت من مالى حق التذكرة وحرقت اعصابى وحشاى ..
لكن المريخ الشايفو دا لا بجيب كاس افريقيا ولا الممتاز ... ونتقابل فى النهاية ونشوف

يا عالم في حاجة اسمها حساسية المباريات
تسلموا

يا عالم في حاجة اسمها حساسية المباريات
تسلموا

Quote: لكن المريخ الشايفو دا لا بجيب كاس افريقيا ولا الممتاز ... ونتقابل فى النهاية ونشوف

وشهد شاهد من اهلها
يا جنابو دا كلام دا؟؟

Quote: يا جنابو دا كلام دا؟؟

وفى ذمتك دا مريخ

(ورئيسو المهذب الوالى )

سعادتك

سلامات

Quote: وفى ذمتك دا مريخ

خفنا نقول كدا يطلعونا من البلد

نحن مرقونا من المريخ بقونا رشاشات

Quote: اااه يا عجب يا منقطا ويا مقطعا ويا سيد الكفر كل المجال ساحة خطر والعجب العجيب لمن تموه تمر ترفع رأس الشموخ ويجول النظر يلقط الرادار فراغ وفي لحظة حذر ينخدع الجميع والباصات تمر من غير جواز أو حتى تأشيرة سفر وتنثر درر ونطرب عديل وغيرنا يقطع في الشعر اااااه يا عجب دي ما أحوال بشر والعجب كمان لمن مزاجك يروق ونشوفا واااضحة في محياك الخلوق فجاءه تقرر تصحبنا في أجمل سفر ونقعد نراقب في الدندنة يا ناس اسكتواااا الرجل الفضائي في حالة دوزنة والخصم العنيد عاد راجياه البشتنة ونحن الفي المقاعد نروق زي العشاق في انتظار لحظات الشروق او العطاشي راجين قبل المطر البروق وتوصل ارواحنا الحلوق نقعد نتمتم في سرنا كيف حال العلوق اظنهم الان سكارى بس من غير خمر اااااه ياعجب نهتف نصفق يملانا السكر وتسري خمر الطرب جوا العروق نرجع نهيج نطط في المقاعد زى تلامذة يرددوا في أجمل نشيد تسمع من بعيد اااااه يا عجب

Quote: اااااه يا عجب

هو براه واحد اقعدو شكرو فيهو لمن تنجهو

والله يابوحميد كلامك صاح ..انا زاتي المريخ الحالي دا ماعاجبني .
اها نتخارج قبل ما يجي الحكم الرابع بتاع "التجاهل التجاهل التجاهل"

السلام عليكم ورحمة الله وبركاته

Quote: المريخ دا .. منتهى

متاخر جدا....الكلام دا لوكان في بداية العلة قبل اربعة سنوات..كان ممكن يكون مفيد....


it is too late

للاسف كلامك صاح ..
مباراة الاشانتي على الرغم من ان المريخ فائز الا ان خطوطه غير متماسكه
خاصة الدفاع.
لكن المريخ عود الناس على المفاجات الساره خصوصا خارجيا .

Quote: انا مريخابى موووت

يا زول هوي
إنتاالأداك العضوية دي منو?



يا زول نحنا ما بنقبل في عضويتنا دي أي إنقاذي.
يلا بلا لمة

مريخنا فوق

B]

Quote: يا زول نحنا ما بنقبل في عضويتنا دي أي إنقاذي.

كلامك صاح بس:
علي عثمان
مصطفي عثمان
عبدالرحيم محمد حسين
عبدالباسط سبدرات
كمال عبداللطيف
جلال الدقير

ديل أعضاء مجلس الشرف المريخى(مجلس وزراء عدييييل)

ده غير الوالي الغالي وربعه


[