Post: #1
Title: السعيد بشوف فى اخوهو يا كردفان
Author: محمد حامد جمعه
Date: 08-30-2007, 08:27 AM
Parent: #0
Quote: في عملية مشتركة بين حركة / جيش تحرير السودان " قيادة" الوحدة و قوات حركة العدل و المساواة السودانية قامت قيادة الحركتين بقيادة القائد صالح محمد جربو قائد العمليات العسكرية لحركة جيش تحرير السودان " قيادة الوحدة" و القائد الفاضل بشارة قائد عمليات العدل و المساواة بالسيطرة الكاملة على محافظة " ودبندة" غرب كردفان وسط السودان على تمام الساعة الرابعة و الخامسة مساءا بتوقيت السودان المحلي و تم الإستيلاء على عدد من المركبات العسكرية ذات الدفع الرباعي محملة بالعتاد و الزخائر و تحرير المنطقة بالكامل . و سوف نفيدكم بالإحصاءات النهائية بعدما تكتمل عملية التمشيط.
و جاء هذا الأمر نتيجة لعدم إحترام الحكومة السودانية لإتفاقات وقف إطلاق النار المبرمة و التعدي لمناطق الحركتين.
|
|
Post: #2
Title: Re: السعيد بشوف فى اخوهو يا كردفان
Author: محمد حامد جمعه
Date: 08-30-2007, 08:29 AM
Parent: #1
واهلنا قالو الشقى بشوف فى نفسو والسعيد فى اخوهو وكفاية ناس الجنوب شافو فى نفسهم وناس دارفور
|
Post: #4
Title: Re: السعيد بشوف فى اخوهو يا كردفان
Author: محمد حامد جمعه
Date: 08-30-2007, 08:40 AM
Parent: #2
حرب الجنوب وبعد عقود من الخراب والتدمير انتهت الى دولة الى النقيض من شعارات التحرير وحرب دارفور وبعد اعوام من الخراب انتهت الى فرق وجماعات ومجموعات من لوردات الحرب ومدمنى الصعود للمنابر وكل قوم بما لديهم فرحين ولا عزاء لاهل دارفور بعد ان اهلك الثوار القليل المتاح لهم من فرص عيش واستقرار
|
Post: #3
Title: Re: السعيد بشوف فى اخوهو يا كردفان
Author: عز الدين بيلو
Date: 08-30-2007, 08:38 AM
Parent: #1
والله الحكومة تستاهل يا محمد حامد
أي زول شال ليهو سلاح
بكرة تجيبو مساعد رئيس
ولا وزير دولة 
يعني أقرب طريق للسلطة هو أن تحمل سلاح
دي حكومة شنو دي
|
Post: #5
Title: Re: السعيد بشوف فى اخوهو يا كردفان
Author: البحيراوي
Date: 08-30-2007, 08:41 AM
Parent: #1
الأخ محمد حامد جمعة تحياتي
صحي قالوا الشقي بشوف في رقبته والبخيت بشوف في أخوه
وقالوا برضو أخوك كان زينوه بل راسك
وطق القراف خلي الجمال تخاف
وكتل الشمحوطة لي مقيلة بكرة
وما جري فالح بلا مصالح
إلا يا زول نحن كتيلنا ياتو .
البيان منسوب لفصائل من حاملي السلاح بدار فور والمبررات حسب البيان خرق الحكومة لإتفاق وقف إطلاق النار بيد أن ود بندا تقع في إقليم كردفان وجارة لمناطق ملتهبة والنقاط التي مرت بها عربات الدفع الرباعي معلومة لأصحاب القرار في الحكومة وحتى عيال بخيت التي كانت نقطة البداية جاء ناس الحكومة في اليوم الثاني فازعين بالدرب يعني كان الموضوع سرقة جمل يعلم الله كان الفزع كم شقة السرحان طلع الدرب وقصاه.
بحيراوي
|
Post: #6
Title: Re: السعيد بشوف فى اخوهو يا كردفان
Author: محمد حامد جمعه
Date: 08-30-2007, 08:54 AM
Parent: #5
البحيرواى
صدقنى اتمنى من عقلاء كردفان الانتباه والله القصة دى كلها ما جايبة همها ... وبعدين بوريك العجب فى قصة دارفور دى
|
Post: #7
Title: Re: السعيد بشوف فى اخوهو يا كردفان
Author: Alshafea Ibrahim
Date: 08-30-2007, 09:04 AM
Parent: #1
انا مستغرب ناس الجزيرة ديل منتظرين شنو؟؟ حقهم شالوه حمرة عين ... ولا سلطة ولا ثروة .. وكمان مازلوا (مواعين) خصبة لأي طارئ مادي يلحق بالموتمر الوطني في ميزانيته رغم فقرهم ومرضهم وجفاف أرضهم ..
وكل أقاليم السودان مسلحة ومنظمة ومستعدة لمنازلة جيش الموتمر الوطني وإلحاق أشد الهزائم به .. الطوفان آت لا محالة وعاجلا .. لا شئ يدعو للتفاؤل والأمل بغد افضل .. والبقاء للأقوى في سودان الانقاذ .. يالله ياناس الوسط والجزيرة كونوا الحركات المسلحة ولتكن مصالح الموتمر الوطني أهدافا مشروعة .. وليكن سقف التفاوض الانفصال أولا وأخيرا .. لم يعد بالقصر الجمهوري أو البرلمان أو حتى مقار الموتمر الوطني مقعدا شاغرا للتفاوض عليه .. والسعيد يشوف في رقبته ..
الشفيع إبراهيم
|
Post: #8
Title: Re: السعيد بشوف فى اخوهو يا كردفان
Author: محمد حامد جمعه
Date: 08-30-2007, 09:06 AM
Parent: #7
Quote: يالله ياناس الوسط والجزيرة كونوا الحركات المسلحة ولتكن مصالح الموتمر الوطني أهدافا مشروعة .. وليكن سقف التفاوض الانفصال أولا وأخيرا .. لم يعد بالقصر الجمهوري أو البرلمان أو حتى مقار الموتمر الوطني مقعدا شاغرا للتفاوض عليه .. والسعيد يشوف في رقبته ..
|
بالغت لكن ..
|
Post: #9
Title: Re: السعيد بشوف فى اخوهو يا كردفان
Author: البحيراوي
Date: 08-30-2007, 09:16 AM
Parent: #1
الأخ محمد حامد جمعة تحياتي
يا أخي عليك الله شوف لينا الفيل دا منو وواقف وين عشان الضل بمشي .
وجغرافياً تقع ود بندا في إقليم كردفان وهل ينفع بأن نتخطي وسائل وآليات الحكومة التي نعطيها ضرائبها وندفع مستحقاتها كاملة ونشتكي لي جيه تانية؟؟؟؟؟؟؟؟ حيث المعلومات تقول بأن حركة العربات كانت غير طبيعية ومرت بعددة قري والناس جنبك دي بي طينة ودي بي عجينة . ولا الناس مشغولة بي السيول والمحاولة التخريبية يا الله ؟؟؟؟؟؟؟ ولا ناس القاعدة الظهروا فجأة ديل؟؟؟؟؟
بحيراوي
|
Post: #11
Title: Re: السعيد بشوف فى اخوهو يا كردفان
Author: shahto
Date: 08-30-2007, 10:02 AM
Parent: #9
اخوتي نرفعه هذا البوست
لكي نسآل
ما العمل
ما العمل و الحكومة تفاوض و تراوق كل من قال انا تجمع كردفان وتتركك كردفان فريسة الحرب القادمة صدقوني ايها الاخوة الاحرار هناك العديد من حمل السلاح لاجل كردفان فطال صبرة ووجد في الحرب التي تدور من حوله مكانا للتنفس لذي نجد الكثير و الكثير دخلوا الي هنا و هناك لاننا كنا دوما نطلب التريث و الصبر و كانوا يوافقون لكن لايمكن محاربة اللهيب الذي لابد ان يدخل البيت اذا لم تكن خطوط النيران محكمة و مدروسة لان اخوتنا الكردفانين في داخل دارفور لن يصبروا كثيرا و حتما سيدخلون الي وطنهم بصورة او اخري
والحكومة ليس لها مركز قرار واحد لذي ترسل الاقارب يمنتا و شمالا و دوما يتمخط جمل المراوقة لي حمل جربان مرضان انهكته الانانية و الاانحلال و الان الان تتحاور الحكومة و لكن لكسب الوقت و المراوقة فقط مع تعدد مراكز اتخاذ القرار فيها و عدم الاهتمام بكردفان حتي من بنيها
لذي نري ان اي اتفاقات مع الاخر لم يشارك فيها معظم ابناء كردفان و انا الشحتو ليس مؤيد لها و لن نكون طرفا فيها للبيع الرخيص لمواطن كردفان
شحتو
|
|