Post: #1
Title: الاروش الزومة !!
Author: محمد حامد جمعه
Date: 09-02-2007, 08:54 AM
Parent: #0
الكابتن موسى الزومة ، باك المريخ الشمال ... بالله من فضلك ... خلى حاجة اسمها كورة زى ما خلينا ليك حاجة اسمها مريخ ..
|
Post: #2
Title: Re: الاروش الزومة !!
Author: jini
Date: 09-02-2007, 08:58 AM
Parent: #1
| Quote: لكابتن موسى الزومة ، باك المريخ الشمال ... بالله من فضلك ... خلى حاجة اسمها كورة زى ما خلينا ليك حاجة اسمها مريخ .. |
تور بقر الجواميس
جيت جارى لمن سفنجتى اتقطعت قايلو عبدالرحمن الزومة!
هو فى أروش غيرو!
جنى
|
Post: #3
Title: Re: الاروش الزومة !!
Author: د.محمد حسن
Date: 09-02-2007, 09:01 AM
Parent: #1
والله يا محمد حامد انا دخلت على اساس انو الاروش ده عبدالرحمن الزومة
قلت يا ربي محمد حامد ده قلب والا شنو
لكن الحمدلله دقت في العارضة
تقبل مودتي واحترامي
|
Post: #4
Title: Re: الاروش الزومة !!
Author: jini
Date: 09-02-2007, 09:29 AM
Parent: #3
| Quote: قلت يا ربي محمد حامد ده قلب والا شن |
المستفيد بقلب!
الشايقية وهى تزكى ابنها العسكرى الذى تقدم لخطبة احدى فتيات المنطقة:
عسكرى على (لكين )مستفيد!
\اها تور بقرنا دا صحفى لكين مستفيد!
جنى
|
Post: #5
Title: Re: الاروش الزومة !!
Author: محمد حامد جمعه
Date: 09-03-2007, 07:28 AM
الولد دا طاقتو كويسة و(عينى باردة ) لياقتو كويسة ... بس مشكلتو عاوز يجرى ويطير
|
Post: #6
Title: Re: الاروش الزومة !!
Author: محمد حامد جمعه
Date: 09-03-2007, 07:33 AM
Parent: #5
فى مباراة كوارا لاحظنا جميعا ان الجهة اليسرى لدفاع المريخ التى يشغرها موسى ظلت مفتوحة وارضا فضاء لدرجة ان كل هجمات فريق الضيوف صوبت من تلك الناحية لان سعادة الباشا يكون حينها ملامسا لراية الكورنر بمرمى كوارا
الاسوا من هذا ان الزومة يصر بغرابة على الاقتحام بالكرة بين غابات السيقان وكانت دوما ترتد منه على نحر زملائه
|
Post: #7
Title: Re: الاروش الزومة !!
Author: hassan bashir
Date: 09-03-2007, 08:00 AM
Parent: #6
أتفق ولا أتفق
أتفق معك في أنه أروش بعض الشيئ ولكن هذا الأمر يمكن معالجته من خلال مدرب شاطر يعرف يضبط تحركاته ويعلمه تكتيكات التحرك بالكرة والحفاظ عليها. لا أتفق مع قولك أنه يصر على الاقتحام بين سيقان الخصوم.تلك التحركات أعانت الزومة على صنع أجمل أهداف المباراة عندما اخترق من الطرف وتوغل للعمق وأهدى السعودي كرة شبه مقشرة.
الزومة مشروع للاعب جيد يمتاز بصفات يفتقدها اللاعب السوداني بصورة عامة وهي البنية الجشمانية القوية والسرعة والنزعة الهجومية
لو تتذكر اللاعب أنس النور وكيف كان متميزاً في التهديف بالرأس ومن خارج الخط. قيل لي أن الخبير الألماني الذي كان يدرب الهلال (لا أذكر اسمه) أصر على تسجيل ذلك اللاعب بعد أن شاهد طوله الفارع وبنيته المتناسقة ثم أخذ يدربه منفرداً على تلك الميزات. لاعبون مثل الزومة وكرنقو يمكنهم المرور بنفس التجربة
|
Post: #8
Title: Re: الاروش الزومة !!
Author: محمد حامد جمعه
Date: 09-03-2007, 08:07 AM
Parent: #7
كلامك برضو لاتفق ولا اتفق
متفقين على طاقتو وكدالكن رواشة الزومة مقلقة لانه مدافع والرواشة مهضومة للمهاجم لكن للباك مشكلة
|
Post: #9
Title: Re: الاروش الزومة !!
Author: هشام المجمر
Date: 09-03-2007, 08:09 AM
Parent: #1
التهنئة القلبية لجماهير المريخ بانتصارهم الكبير على نادى كوارا النيجيرى بس الدفاع داير شغل
|
Post: #10
Title: Re: الاروش الزومة !!
Author: محمد حامد جمعه
Date: 09-03-2007, 08:15 AM
Parent: #9
المجمر
شكرا جميلا ....
الدفاع دا بودى المريخ التوج لكن نقول شنو فى الهياج العاطفى البخلينا نعاين لسطح الاشياء
|
Post: #11
Title: Re: الاروش الزومة !!
Author: سامى عبد الوهاب مكى
Date: 09-03-2007, 08:46 AM
Parent: #1
الحمد لله إنك ما بتقصد زومة المريخ!!
عبر يا مان!!
|
Post: #12
Title: Re: الاروش الزومة !!
Author: محمد حامد جمعه
Date: 09-03-2007, 08:48 AM
Parent: #11
يا سامى شنو يا مان منتظرين الدخول ولسه ما فهمنا الحاصل
|
Post: #13
Title: Re: الاروش الزومة !!
Author: سامى عبد الوهاب مكى
Date: 09-03-2007, 11:54 AM
Parent: #12
يا زول زماااااان المدرب قال للمساعد نادي محمد حامد جمعه ولبسناك الفنيلة رقم 6507 واديناك كرتك والمراقب رفع لوحة التبديل لكن شايفك عامل فيها تقيل مع اننا لاعبين ناقصين !!
تكون ياربي المباراة في صالحنا عاوز تضيع زمن؟؟؟
يا زول خش البتعمل فيه دا ضد قوانين الفيفا!!
|
|