Post: #1
Title: عــــــــــــدنا
Author: محمد حامد جمعه
Date: 08-14-2006, 04:41 AM
Parent: #0
السلام عليكم ورحمة الله تعالى وبركاته
كيف يا جماعة .... لا حولا ... طولنا منكم كيف حالكم
|
Post: #2
Title: Re: عــــــــــــدنا
Author: محمد حامد جمعه
Date: 08-14-2006, 04:42 AM
Parent: #1
دى صورة منو المرفقة دى ! ؟
|
Post: #3
Title: Re: عــــــــــــدنا
Author: محمد حامد جمعه
Date: 08-14-2006, 04:47 AM
Parent: #2
|
Post: #4
Title: Re: عــــــــــــدنا
Author: دورنقاس
Date: 08-14-2006, 04:55 AM
Parent: #3
بركة الجيت
بينى وبينك كنت وين ؟؟؟؟
وحشتنا
|
Post: #5
Title: Re: عــــــــــــدنا
Author: ابو جهينة
Date: 08-14-2006, 05:04 AM
Parent: #4
وين يا جنابو ؟
عودا حميدا
|
Post: #18
Title: Re: عــــــــــــدنا
Author: محمد حامد جمعه
Date: 08-14-2006, 06:17 AM
Parent: #5
ربنا يكرمك
|
Post: #7
Title: Re: عــــــــــــدنا
Author: tmbis
Date: 08-14-2006, 05:09 AM
Parent: #4
اوووووووووو . جنابو يـــــاخ ..
الناس دي كلها بتسال عليك . . في ناس هنــا ( كوفرت ) عديل كدا
|
Post: #19
Title: Re: عــــــــــــدنا
Author: محمد حامد جمعه
Date: 08-14-2006, 06:21 AM
Parent: #7
وين يا (جستابو ) كيفك وكيف جماعة الرياض
لحن بره كدا
صحبك عمار السنوسى قال لون فضاءات (مسرح وحديقة امبده ) فى ليلة مبالغة ... تمنيت ان احضر لكن القدم ليهو رافع
|
Post: #9
Title: Re: عــــــــــــدنا
Author: abuguta
Date: 08-14-2006, 05:28 AM
Parent: #4
| Quote: دى صورة منو المرفقة دى ! |
مالك قصرت عمر البوست وحجبت الناس من الدخول
خلينانسالك نحن قاعدين للسوال
خلينا نعارض نحن ما ناس المعارضة
بنجح معارض ؟؟؟ مش بالله
والله بجد فاقدنك
وينك طولت كدا ..كنت فى لبنان..مبروك النصر بتاع حزب الله..انت دحين مؤيدهم زينا
كل ناس البورد مؤيدنهم..اول مرة اشوفهم معاك فى خندق واحد
ولا فى زول مؤيد اسرائل..خليوه يقول احمم
عاوزك فى خدمة لو سمحت ظروفك...
انا جائى اجازة بعد شهر و بوكسنا ال79 مابجينى المطار عشان الامطار
وانت عارف ابقوتة لسع ما فيها زلط..اما تجينى المطار بعربيتك ذات الدفع الرباعى
ولما نتصل اولاد حلتنا بصفقولك عشان عربيتك شرط وما وحلت فى الطين...
او تكلم لينا البشير قبل ناس حلتنا ما يدخلو مزارع القطن ويتمردو
هى كلها مسافة 26 كيلو اردموها واعملو ليها حجارة من فوق..وامسحوها بحبة زقت
زى زلط الخرطوم...ومن الليلة انا صاحبك..بس ساعدنى فى مشكلتى دى
وشكرا
|
Post: #20
Title: Re: عــــــــــــدنا
Author: محمد حامد جمعه
Date: 08-14-2006, 06:24 AM
Parent: #9
يا زول (حبابك الف ) بلدك وناسك واهلك .... وتعهد فى الفضاء العريض (هنا ) ملتزم لك بعربة من كرائم (الجياد ) لنقلك ورفقتك
تشرف
|
Post: #17
Title: Re: عــــــــــــدنا
Author: محمد حامد جمعه
Date: 08-14-2006, 06:16 AM
Parent: #4
قاعد يا دورنقاس ... حالك واخبارك
|
Post: #6
Title: Re: عــــــــــــدنا
Author: Yassir Tayfour
Date: 08-14-2006, 05:07 AM
Parent: #3
هو انت كنت مافى يا كمندان!!!
|
Post: #22
Title: Re: عــــــــــــدنا
Author: محمد حامد جمعه
Date: 08-14-2006, 06:26 AM
Parent: #6
انا (مافى ) ومالى (الفجه ) مع التقدير لجمال حسن سعيد ... وساورا
|
Post: #43
Title: Re: عــــــــــــدنا
Author: محمد الامين محمد
Date: 08-14-2006, 02:39 PM
Parent: #2
ماقالوا عرست ليه ماعزمتنا
|
Post: #8
Title: Re: عــــــــــــدنا
Author: Gaafar Ismail
Date: 08-14-2006, 05:26 AM
Parent: #1
الأخ محمد حامد جمعة
السلام عليكم ورحمة الله وبركاته
أهــلا وســـهلا ، وعــودا حميــدا.
مع تحياتي وفائق احترامي.
جعــفر
|
Post: #11
Title: Re: عــــــــــــدنا
Author: A.Razek Althalib
Date: 08-14-2006, 05:38 AM
Parent: #8
جيتاً جيت..
|
Post: #24
Title: Re: عــــــــــــدنا
Author: محمد حامد جمعه
Date: 08-14-2006, 06:30 AM
Parent: #11
جود حالك يا ود ابا
|
Post: #23
Title: Re: عــــــــــــدنا
Author: محمد حامد جمعه
Date: 08-14-2006, 06:29 AM
Parent: #8
بارك الله فيك يا زميل
|
Post: #10
Title: Re: عــــــــــــدنا
Author: WadAker
Date: 08-14-2006, 05:33 AM
Parent: #1
الاخ محمد ودجمعة
عودا حميدا.... طمئنا عليك ...
وهات الجديد
|
Post: #12
Title: Re: عــــــــــــدنا
Author: Murtada Gafar
Date: 08-14-2006, 05:42 AM
Parent: #10
جمعة الأمنجي
قلنا نبارك ليك تدمير البنية التحتية بتاعت لبنان و بالمرة نبارك القرار 1701، الحقق مطالب إسرائيل بالكامل، و نبارك ليك مغامرة نصرالله غير المحسوبة
لكن مسعول من الخير ياخ كنت وين؟ في دورة بتاعت قادة و أركان ولا المهمة كانت إغتيالات و تصفية، بس ما نسمع لينا زول أعتقل أو مات تحت التعذيب إلا تشيل شيلتك. ولا غوش قال ليك شغلك ما نضيف؟!!!
إنتا لقيت صورتي دي كيف... عرفتوا الدخري أب عينا حمرة ده
مرتضى جعفر
|
Post: #26
Title: Re: عــــــــــــدنا
Author: محمد حامد جمعه
Date: 08-14-2006, 06:36 AM
Parent: #12
انت لسه مع (الحكاية ) ..التويلة دى !
|
Post: #13
Title: Re: عــــــــــــدنا
Author: حاتم الياس
Date: 08-14-2006, 05:48 AM
Parent: #10
ها..والله البجرب طعم الكتابة فى المنبر
الجرايد يبقن لو مسااااخ
شفتو ليكم زول عمل مداخله طازجه وناره حيه فى جريده
محمد حامد قول عدنا لأننا أفتقدنا روح الحوار المباشر والحى
تخريمة
كتاباتك الصحفية جميله وعميقة وصادقه ..صباحاًأتابعك من كشك ود الزين فى شقلبان
|
Post: #14
Title: Re: عــــــــــــدنا
Author: hanadi yousif
Date: 08-14-2006, 05:54 AM
Parent: #13
انت عارف يا مرتضى جعفر
محمد حامد جمعة دى الكوز الوحيدالفي المنبر لا ناكر اصله ولا ناكر كوزنته
معهو بتعرف تلقى ليك نفاج للحوار.
|
Post: #29
Title: Re: عــــــــــــدنا
Author: محمد حامد جمعه
Date: 08-14-2006, 06:40 AM
Parent: #14
يا ريت كلنا نتلاقى فى النفاج دا ... وبرواقة
|
Post: #28
Title: Re: عــــــــــــدنا
Author: محمد حامد جمعه
Date: 08-14-2006, 06:38 AM
Parent: #13
شكرا يا حاتم .. تحياتى لك ولعم الزين وعموم الثورة .. والثورات
|
Post: #25
Title: Re: عــــــــــــدنا
Author: محمد حامد جمعه
Date: 08-14-2006, 06:32 AM
Parent: #10
فى احسن حال ولله الحمد والمنه
|
Post: #15
Title: Re: عــــــــــــدنا
Author: ibrahim sidahmed
Date: 08-14-2006, 06:08 AM
Parent: #1
سلامات يا استاذ/
تقريبا ما بنعرف بعض , الصورة المرفقة تخصني , ارجو انزالها من البروفايل
|
Post: #30
Title: Re: عــــــــــــدنا
Author: محمد حامد جمعه
Date: 08-14-2006, 06:45 AM
Parent: #15
ibrahim sidahmed
اول شى .. سلامات يا اخوى ... وادرك ابتداء ان هناك (خطأ فنى ) اتى بصورتك على البروفايل خاصتى وحين اشرت متسائلا عنك لم اكن اقصد شيئا ضدك بقدر ما كان مجرد فضول واستفسار عام وعادى بالاضافة لخوفى عليك من الرجم والصقع خاصة الان البعض لا يميز احيانا بين (محمدات ) كثر هنا
عموما لك الود والتقدير والعتبى ان داخل نفسك شى
|
Post: #16
Title: Re: عــــــــــــدنا
Author: سفيان بشير نابرى
Date: 08-14-2006, 06:15 AM
Parent: #1
ود جمعة تور بقر الجواميس الرقادجخ
خلاص عامل لينا فيها اسبيس تون
كويس اها جيت ... الصورة دي  كان في داعى تنزله تحت اسمك ثم تانياً ياخ العجلة العليك شنو ياخ
الزول (الطيب) لما يغيب ويجي حتات زي دي اول شي بيعمل كم تيست كده قبل ما يكتب شي
وحتي لما يقرر يكتب بيكتب وما طوالي توش بيضيف الرد، أأأ سمعتني يعني تكتب وتعمل preview أول شي وتتأكد تب من كتابتك ومن صورتك وتطامن انو( مافي عالي واطي ولا كرضمه)
يا محمد حامد الصورة دي صورة زميلنا في البورد ده اسمو (ابراهيم كوبرا) وهو زميلنا من زمان شديد ازمن مني وازمن منك زاتو وبخيل وما بكتب كلو كلو والعجيبة انو هو في البرفائل بتاعو الصورة دي اصلاً ما نازلة وهي صورة صوره ليهو صاحبنا طلال عفيفي وصورة ليهو في اليوم الجاء فيهو محمود درويش للسودان خلال برنامج مركز الدراسات السودانية وكمان كانت صورة نص النهار وبالضبط في (سياسية جامعةالخرطوموبالقرب من السيدة/ سعيدة ست الصديقة وست القهوة) شفته كيف ؟!!!
مش كان احسن لو اختبرته بدل ما تسأل | Quote: دى صورة منو المرفقة دى ! ؟ |
اقول ليك كلام عودتك دي كان دي بدايته ح تتعب اكتر واكتر .
هذا مع سلامي
|
Post: #21
Title: Re: عــــــــــــدنا
Author: Sidig Rahama Elnour
Date: 08-14-2006, 06:25 AM
Parent: #16
عودا حميدا يا محمد ... ومنور
|
Post: #31
Title: Re: عــــــــــــدنا
Author: محمد حامد جمعه
Date: 08-14-2006, 06:49 AM
Parent: #16
راجع ما ورد فى ردى للزميل ابراهيم كوبرا ... وبس
مافى كرضمة ..
|
Post: #27
Title: Re: عــــــــــــدنا
Author: ماجد حسون
Date: 08-14-2006, 06:37 AM
Parent: #1
الاخ جمعه عودا حميدا
رغم اختلافنا الجذرى من الاى تو زيد
بحترم فيك حاجتين
1- انك قلتها من الاول كوز عدييييييييل ومازى الناس البتعمل فيها حريفة
2- انت ( حتى الان ) شخص مهذب فى ردودك وحوارك مع الناس ودى غريبة جدا طبعا على الكيزان
|
Post: #32
Title: Re: عــــــــــــدنا
Author: سفيان بشير نابرى
Date: 08-14-2006, 07:05 AM
Parent: #1
ود جمعة ...
سلام عليكم ,,
هذا وقد بلغنا ردكم على العزيز كوبرا :-
Quote: اول شى .. سلامات يا اخوى ... وادرك ابتداء ان هناك (خطأ فنى ) اتى بصورتك على البروفايل خاصتى وحين اشرت متسائلا عنك لم اكن اقصد شيئا ضدك بقدر ما كان مجرد فضول واستفسار عام وعادى بالاضافة لخوفى عليك من الرجم والصقع خاصة الان البعض لا يميز احيانا بين (محمدات ) كثر هنا
عموما لك الود والتقدير والعتبى ان داخل نفسك شى |
لكن يا كمندان انت جاى من وين وما قادر تركز هسي لم ليّ دى
علي ابراهيم ده !!!
كلمتك كان دى بدايتك ح تتعب ,,
ويا جمعة اعتزارك لي كوبر سمح بالحيل لكن حنكك بتاع محمدات ده ضعيف حاول غيروا .
|
Post: #33
Title: Re: عــــــــــــدنا
Author: saadeldin abdelrahman
Date: 08-14-2006, 07:30 AM
Parent: #32
اووووووه محمدنا
حمدلله على السلامة و عساك طيب
-----
يا سفيان
سلامات
| Quote: كلمتك كان دى بدايتك ح تتعب |
في زميل جديد اسمو احمد محمد جمعة... كدا بقت (المحمدات)
كتيرة جدا ..فشنو ابقو فارزين 
امكن دا القاصدو محمد والله اعلم.
|
Post: #34
Title: Re: عــــــــــــدنا
Author: bayan
Date: 08-14-2006, 09:58 AM
Parent: #33
مييييييييييين؟
حبيب البي محمد حامد
لك وحشة "دخمة"
ومشتاغون شديد..
انا اقول البورد نور كدا ليه...
معزة زايد مودة
زايد احترام كثير..
سلامي للاسرة
وصديغنا المشترك..
الكومندا الكبير..
اوعى تغيب سمح؟
|
Post: #35
Title: Re: عــــــــــــدنا
Author: Abureesh
Date: 08-14-2006, 10:03 AM
Parent: #34
نرحب بعـودة الإنقاذى محمـد حامـد ليكون مثالا حيـا فى المنبـر عن ما نتحدث عنه.
| Quote: انا اقول البورد نور كدا ليه... |
بيان،
خلاص بقيتـو مستنيـرين!
|
Post: #36
Title: Re: عــــــــــــدنا
Author: محمد حامد جمعه
Date: 08-14-2006, 10:06 AM
Parent: #35
شكرا لكم جميعا على المرور وشكرا لكل الذين افتقدونا وشكرا جزيلا لكل الذين هاتفونا وتفقدونا سائلين وشكرا لهذا المنبر والذى نتفق او نختلف حوله لكن يظل ساحة للاخاء والمودة والقربى فلكم جميعا التقدير والثناء
|
Post: #40
Title: Re: عــــــــــــدنا
Author: عاصم ابوبكر حامد
Date: 08-14-2006, 12:45 PM
السيد
محمد حامد جمعة
لك التحية والتقدير
والله الف حمدلله على السلامة من ناحية ومن ناحية اخرى
اخبارك شنو يا زول
شايفك الايامات دى ما مقصر فى مقالات ضد اخواننا حمله السلاح وقوادها ...
قبل يومين شابفك بتذكر فى بعض الاسماء انشاء الله خير
واذا كنت تريد اى توضيح اتمنى ان تسال وبالتاكيد تجد الاجابة ...
وانما ما تراه فى شارع البلدية تقريبا شئ طبيعى وليس القادم اجمل ..
Quote: *عقب توقيع اتفاقية السلام بين الحكومة السودانية وحركة مني اركو مناوي في أبوجا تعهد كثيرون بالزام الفصائل الرافضة للاتفاقية بالتوقيع في غضون ثلاثة أشهر وبعدها فإن المتاع على مسؤولية صاحبه.
*وتطوع الاتحاد الإفريقي بتحذير لخليل إبراهيم وعبدالواحد محمد نور باعتبارهما القائدين المهددين للسلام يومها - في مايو الماضي - وتبرعت الولايات المتحدة الأمريكية عبر مندوبها روبرت زوليك بأقوال من الشاكلة ذاتها فضلاً عن بريطانيا ناهيك عن الأمم المتحدة لحد بلوغ حماسة ممثليها بالخرطوم القول إن اتفاقية أبوجا لن تعدل من (شولة) فصارت مثلاً إلى حين!
*ويبدو أن كل تلك الأقوال كانت (كلام بنات عدن بنات)، إذ لم يتبعها فعل وسرعان ما برز تحت رايات الرفض لأبوجا رجل كالدكتور شريف حرير والدكتور أحمد إبراهيم دريج والمهندس أبوبكر حامد وثلاثتهم يمتلكون من المرجعيات والعلاقات الدولية ما يجعلهم لا يقدمون على أي فعل كتبني حركة الخلاص الوطني دون استشارة ومراجعة وربما أخذ (تصريح) من بعض الجهات.
*علاقات حرير الاسكندنافية ومكانة دريج في ألمانيا ووشائج أبوبكر حامد مع بعض دول الجوار العربي والإفريقي تمنعهم من تخريب سلام دارفور إن صدقت نوايا تلك العواصم أصلاً في حل المشكل ولأنها ليست كذلك وجدت (الخلاص) دعماً فتحت له بعض مخازن الجيوش وأعين المخابرات، ومهابط الطائرات لتبرز المفارقة حين تدعي بعض الأنظمة والمنظمات أنها مع الاتفاقية بنوداً وطرائق الانفاذ ثم تدعم من وراء ظهر الجمهور والشهود الخارجين على الاتفاقية ذاتها، والمطالبين بدمها من القبائل.
*أكثر من ذلك أن بعض الجمعيات والمنظمات الأوربية وعوضاً عن تأهيل عضوية لحركات والأجنحة الموقعة على الاتفاقية في مشروعات التأهيل السياسي والمدني، ورفع القدرات فإن تلك الجمعيات فتحت دورها ومنحت (الفيزا) للداعمين للحركات المتمردة على السلام وبلد أوروبي يرتب سمناراته وقطر عربي يدعو لورشة وثالث أمريكي يطالب بقوائم الحضور لتأهيل حملة السلاح الجدد.
*إذن وفيما أرى فإن اتفاق (أبوجا) لن تقتله الحكومة ولا تضجرات محجوب حسين ورفاقه بقدر ما أن أكبر مهدد يواجهه تردد المجتمع الدولي ودول الوساطات وتلكؤهم في حسم خياراتهم بتحديد موازين المفاضلة بين (اركو) ورفاقه الواقفين خارج الأسوار، متطلعين لما يجري من أسمرا أو صحراء العطرون.
*ومما سبق يكون على شريكي (أبوجا) مد خطوط التعاون وفتح جسور التواصل بتحاشي الجدال وحدة التنافر، وعلى السيد مني اركو مناوي تحديداً وحركته القيام بعملية (وزن) ومراجعة كاملة لمواقفهم ومواقعهم والنظر لما وراء خط الأفق في مناطق مثل كتم، كبكابية، الطينة واختبار أرض الملعب هناك وتأجيل (ماتشات) القصر الجمهوري إلى حين آخر. |
اما قصة مناوى اراه اخذت منك وقتا وتفكيرا
Quote: * كثر الحديث عن حراس السيد منى اركو مناوى كبير مساعدي رئيس الجمهورية والذين لفتوا أنظار المارة والعابرين في شارع البلدية وليس في هذا الالتفات ما يشين أو يزرى بالإخوة في حركة تحرير السودان فجل سكان العاصمة (الخرطوم) لم يألفوا التمائم المتدلية على الأعناق وقناع الوجه (الطوارقي) بل أكثر من ذلك أن بعض أبناء دارفور ممن نشأوا في مدن خارج حدود الإقليم قد يرون ذلك المشهد غريبا!
* اذهب إلى ابعد من ذلك لأقول أن (اللثام) يبدو زيا غريبا حتى للمقيمين من سكان دارفور خاصة في الجزء الجنوبي منها ربما لاختلاف الطبيعة والطقس في الجنوب عنها في شمال وغرب دارفور وربما لأسباب أخرى منطقية وتتعلق بالسلوك ودلالات الزى وأغراضه.
* والشاهد على اى حال أن هناك أشخاصاً مكلفين من قيادة حركة تحرير السودان بتامين قائدهم وهو حق مشروع ومنطقي ومتفق عليه بالطبع ولا أرى أن فريق الحماية الشخصي لمساعد الرئيس الجديد يشكل مهددا امنيا لجهة أن فرق الحراسات في الجيوش النظامية أو المليشيات تركز على مهمة (الحماية) ولا تكلف أصلا بما يتجاوز ذلك ولو تخطفت الطير من هم خارج نطاق التغطية والحراسة.
*إن على شباب حركة تحرير السودان تفهم الفضول الجمعي الذي يواجهونه بشان ذاك المظهر فضلا عن اجتهادات أخرى تتعلق بسبر غور مخبر الحركة الجديدة على أكثر من صعيد لتتجمع كل تلك المظاهر في فحص جند ما عرف إبان صعود النزاع بدارفور بمسمى (التورا بورا) ورفاقهم (البشمرقة) والمسميان يعكسان جانبا من ولع المواطن الدارفوى بتسقط (الأنباء) وتتبع آثارها.
*في دارفور يحرص المرء على الجلباب الأنيق وساعة اليد (الأصلية) من ورادات كرائم منتجات سويسرا ثم على الفرس وراديو فخيم يجب إن تحتمل نقاوة التقاطه بث هيئة الإذاعة البريطانية و(امدرمان) ولحظت أن لا حظ لمونت كارلو وصوت أمريكا في ذاك العشق السماعي!
*أعجب وأعمق دلالات وما وراء سطور ظاهرة الحراس الملثمين بشارع البلدية انه وبعد سنوات من الشهرة وذيوع الصيت لمختلف الفصائل الدارفورية الناشطة سلما وحربا في الأزمة فقد انجلى الغبار عن شخصية (منى) و(عبد الواحد نور) والتورا بورا والبشمرقة ثم جبهة الخلاص وحين سلطت الأضواء على (العيدان) في ساحة النزاع لم يقف احد على اثر لأبرز أبطال الرواية... الجنجويد!!
*السبب في تقديري أن جهات ما نفخت الروح في مسمى محلى وخلعت عليه أفعالا بمنهجية عالية الاحتراف في صناعة الخوف وتسويق الظنون لتنتج فرشة وارداتها على أرصفة الأزمة ولم يقرا احد إلى اليوم اسم بلد المنشأ والإصدار. ولا جنجويد ولا يحزنون! |
على كل حال بخصوص قيادات الحركات هم اصحاب فكرة ولهم مبدا ...
ومرة اخرى الف مرحب بك واتمنى لك اقامة طيبة
نسيت اعزيك فى فقدكم الجلل ومركز
دراسات المستقبل المرحوم عبد المنعم
ربا يرحمه ويغفر له
اتمنى ان يسكنه فسيح جناته
اليس هو من حضر احتفال الاون لاين بمتحف السودان
|
Post: #48
Title: Re: عــــــــــــدنا
Author: عثمان حسن الزبير
Date: 08-15-2006, 01:31 AM
سعادتو بركة الجيت ...
البدلاء ما نفعوا ولا شنو؟
|
Post: #37
Title: Re: عــــــــــــدنا
Author: ود المايقوما
Date: 08-14-2006, 10:18 AM
Parent: #1
حمد الله على السلامة .. وعودأ حميدا
|
Post: #38
Title: Re: عــــــــــــدنا
Author: ebrahim_ali
Date: 08-14-2006, 10:28 AM
Parent: #37
الحبيب محمد حامد تحياتي وسلامي وحمداً لله على سلامة الوصول
ومبرووووووووووووووووووك النصر لحزب الله
وحمداً لله على سلامة مناوي وعقبال مبروك بتاع الشرق
بس ما تنسى لسع في مفاوضات أنتو ناسينها لو أنتو ناسين نحن ابداً ما بننسى رسالة مسج عاجل لجماعتك أنو ناس البطانة أكثر شعب في السودان بلد الجن دا مهمش وما عندو وجيع ولكن اليومين ديل ناس قطبي بحمسوا في الطار ودائرننا نقوم بالواجب المعروف لاسترداد الحقوق ورفع الظلم
الرسالة وصلت بلغ
حول
|
Post: #39
Title: Re: عــــــــــــدنا
Author: hatim
Date: 08-14-2006, 12:36 PM
Parent: #38
حمدلله على السلامة..
|
Post: #41
Title: Re: عــــــــــــدنا
Author: bob
Date: 08-14-2006, 01:51 PM
Parent: #39
ود جمعــه
عودا حميدا ...يا كمنجان
المنبر من غيرك كاكــا
|
Post: #42
Title: Re: عــــــــــــدنا
Author: خدر
Date: 08-14-2006, 02:32 PM
Parent: #41
محمد معانا ماتغشانا
|
Post: #44
Title: Re: عــــــــــــدنا
Author: Eng. Mohammed al sayed
Date: 08-14-2006, 04:33 PM
Parent: #1
يامراحب
|
Post: #45
Title: Re: عــــــــــــدنا
Author: نيازي مصطفى
Date: 08-14-2006, 04:39 PM
Parent: #44
عودا حميدا "....."
*************
ويبقى الوطن
*التعديل تم لحذف كلمة جنابو *
|
Post: #46
Title: Re: عــــــــــــدنا
Author: ود الباوقة
Date: 08-14-2006, 04:47 PM
Parent: #45
اخي الكريم محمد .. الف حمدا لله على سلامة ظهوركم ونسال الله ان يكف عنكم شرور الاشرار ..
ود الباوقة
|
Post: #47
Title: Re: عــــــــــــدنا
Author: المسافر
Date: 08-14-2006, 11:49 PM
Parent: #46
يا مطول الغيبة
بالمناسبة في واحد سألني:
"أنت الولد النضيضيم الكان بيقعد هنا راح فين؟؟""
بالمناسبة قبل ما تروح كنت بتشاضم في شنو؟؟
|
Post: #49
Title: Re: عــــــــــــدنا
Author: فيصل نوبي
Date: 08-15-2006, 01:54 AM
Parent: #1
| Quote: السلام عليكم ورحمة الله تعالى وبركاته |
و عليكم السلام و رحمة الله تعالي و بركاته ..
حمدلله علي السلامة.
|
Post: #50
Title: Re: عــــــــــــدنا
Author: Alshafea Ibrahim
Date: 08-15-2006, 02:09 AM
Parent: #1
الأخ محمد حامد
عــــــــــــــــــودا حمـــــــــــيدا مســـــتطاب
مرحــــــــــــــــــبأ بكــــــــــم والعود أحمــد
أخوكم
الشفيع مصطفى
|
Post: #51
Title: Re: عــــــــــــدنا
Author: حيدر حسن ميرغني
Date: 08-15-2006, 02:56 AM
Parent: #50
مرحبا محمد جمعة
|
Post: #52
Title: Re: عــــــــــــدنا
Author: mulhim
Date: 08-15-2006, 03:14 AM
Parent: #51
و العود احمد...
|
|