Post: #1
Title: كدارة واعتذار !!
Author: محمد حامد جمعه
Date: 04-22-2007, 05:07 PM
Parent: #0
زمان لمن كنا شفع فى الحلة كان عندنا فريق بتاع ناشئين ، صلاح بوكو ، وجلال خميسة ، ومعليش ، وشارلس وتامر ود ناظر المدرسة - دا طبعا كان كيشة لكن بنلبسو نمرة عشرة ونلعبو فى النص ولو ضيع خمسين قوون برضو بيكون قاعد - اها نحن المساكين ناس قريعتى راحت ديل نجى ليك التمارين من الساعة تلاتة ونقعد نجك والعندو كبك بيجى لابسو وفى ناس كدا معلمة الله زينا تلعب حفيانة والزى الرياضى مرات بيكون رداء عبارة عن بنطلون قديم جزت اطرافه ومرات بيكون رداء المدرسة واتو والفنالة بتكون فى الغالب قميص يربط من المنتصف دا لو ما التقسيمة بتاعة التمرين جابتك فى الطرف بتاع الناس اللاعبين بدون قصمان !
اها يا جماعة مرت ايام وجانا ليك شافع بتاع مغتربين جاى اجازة ولا شنو ما عارف ، الود فيهو نورة المغتربين زمان - هسة طبعا النورة اتساوت والغبشة معاهم - ديك اسمو جميل وموسيقى كدا ومرة جا قال عاوز يتمرن معانا وكدا و(يدفر ) الود ما شاء الله اول شى زى رياضى كامل كدارة كدايس صواميل والكدارة مما سمحة غايتو عصومى اخو ناس ياسر بابور حلف يلطشها عشان يقشربيها مع بنطلون وقميص ، والفنلة يا لطيف قمة الروعة والشرابات والشنكارات ( واقى الساق يا جماعة ) اها صحبك من اول تمرين نقشنا ليك انو كيشة وقاعد فى السهلة وما بعرف من الكورة دى التكتح لكن نسوى شنو الكوتش بس تقول عاجباه اناقة الولد وتهذيبو طبعا لو ردمتو لمن الدم يفر من وشو ما بقول ليك حاجة زولا طيب مش زى ناس الامين باشا وعزو الرباطابى ديل الواحد فيهم لو طقشتو ساى اليوم دا داك الا يشيلك ايدك ولا رجلك فى كيس !
اها مدعوكين تمارين وجرى و(جكة ) لمن تجى التقسيمة يوزعو ليك صاحبنا المغترب دا لاعب اساى ويطلعو ليك كنين وايمن عجوز احتياطى والقصة دى مرة واتين وتلاتة لغاية ما مرة كدا كنين سخنت معاه وشعر بالظلم لمن الكوتش قال ليهو كنين انت احتياطى تعال اقعد هنا ولا امشى وراء القون جيب الكور ، كنين خلاص قفلت معاه وطوالى قام هايج وهو كان عندو (لجنة ) فى لسانو ظريفة ( سنو يا تابتن تلو يوم سابتنا احتياتى احتياتى وملعب لينا ماردونا دا ..وهو تل يوم بجى الساعة مية وانا بجى من بعد فسحة الفتور ) احيييييييى يا توتش .. احيييييييييييي انا !!!
اها سنو يا دماعة سابتننا اعتذار واعتذار ومافى زول قال نعتذر لمحمد حامد جمعه دا ... احييييييييييييى انا
|
Post: #2
Title: Re: كدارة واعتذار !!
Author: وليد محمد المبارك
Date: 04-22-2007, 05:11 PM
Parent: #1
والله مع انو صحبتك بتشبه وبتجيب الهواء
لكن قلنا نسلم
اسع بعد مشاركتي معاك دي عمر على حا يديني دبورة طوالي
|
Post: #4
Title: Re: كدارة واعتذار !!
Author: محمد حامد جمعه
Date: 04-22-2007, 05:19 PM
Parent: #2
وعليكم السلام ورحمة الله تعالى وبركاته
|
Post: #3
Title: Re: كدارة واعتذار !!
Author: ASAAD IBRAHIM
Date: 04-22-2007, 05:12 PM
Parent: #1
Quote: زمان لمن كنا شفع فى الحلة كان عندنا فريق بتاع ناشئين ، صلاح بوكو ، وجلال خميسة ، ومعليش ، وشارلس وتامر ود ناظر المدرسة - دا طبعا كان كيشة لكن بنلبسو نمرة عشرة ونلعبو فى النص ولو ضيع خمسين قوون برضو بيكون قاعد - اها نحن المساكين ناس قريعتى راحت ديل نجى ليك التمارين من الساعة تلاتة ونقعد نجك والعندو كبك بيجى لابسو وفى ناس كدا معلمة الله زينا تلعب حفيانة والزى الرياضى مرات بيكون رداء عبارة عن بنطلون قديم جزت اطرافه ومرات بيكون رداء المدرسة واتو والفنالة بتكون فى الغالب قميص يربط من المنتصف دا لو ما التقسيمة بتاعة التمرين جابتك فى الطرف بتاع الناس اللاعبين بدون قصمان !
اها يا جماعة مرت ايام وجانا ليك شافع بتاع مغتربين جاى اجازة ولا شنو ما عارف ، الود فيهو نورة المغتربين زمان - هسة طبعا النورة اتساوت والغبشة معاهم - ديك اسمو جميل وموسيقى كدا ومرة جا قال عاوز يتمرن معانا وكدا و(يدفر ) الود ما شاء الله اول شى زى رياضى كامل كدارة كدايس صواميل والكدارة مما سمحة غايتو عصومى اخو ناس ياسر بابور حلف يلطشها عشان يقشربيها مع بنطلون وقميص ، والفنلة يا لطيف قمة الروعة والشرابات والشنكارات ( واقى الساق يا جماعة ) اها صحبك من اول تمرين نقشنا ليك انو كيشة وقاعد فى السهلة وما بعرف من الكورة دى التكتح لكن نسوى شنو الكوتش بس تقول عاجباه اناقة الولد وتهذيبو طبعا لو ردمتو لمن الدم يفر من وشو ما بقول ليك حاجة زولا طيب مش زى ناس الامين باشا وعزو الرباطابى ديل الواحد فيهم لو طقشتو ساى اليوم دا داك الا يشيلك ايدك ولا رجلك فى كيس !
اها مدعوكين تمارين وجرى و(جكة ) لمن تجى التقسيمة يوزعو ليك صاحبنا المغترب دا لاعب اساى ويطلعو ليك كنين وايمن عجوز احتياطى والقصة دى مرة واتين وتلاتة لغاية ما مرة كدا كنين سخنت معاه وشعر بالظلم لمن الكوتش قال ليهو كنين انت احتياطى تعال اقعد هنا ولا امشى وراء القون جيب الكور ، كنين خلاص قفلت معاه وطوالى قام هايج وهو كان عندو (لجنة ) فى لسانو ظريفة ( سنو يا تابتن تلو يوم سابتنا احتياتى احتياتى وملعب لينا ماردونا دا ..وهو تل يوم بجى الساعة مية وانا بجى من بعد فسحة الفتور ) احيييييييى يا توتش .. احيييييييييييي انا !!!
اها سنو يا دماعة سابتننا اعتذار واعتذار ومافى زول قال نعتذر لمحمد حامد جمعه دا ... احييييييييييييى انا |
اعتذر عن اولا يا مدير تحرير المركز المشبوه
وامشي شيل اللكنات بتاعت المركز المشبوه الوسخت بيها البوستات
وبد داك تعال جاوب علي الاسئلة دي
Quote: يا مدير تحرير المركز المشبوه
مستوانا خليهو وجاوب علي الاسئلة الفوق دي:
انا بسألك بدون اساءات وانت بتتكلم عن مستوانا
والناس البتقول انك حمل وديع وما بتشتم اهي دي شتيمتك وبرضو ما ح ارد عليك
بس جاوب علي الاسئلة وبس
وتسهيلا عليك اهي كلها هنا:
مدير تحرير المركز المشبوه
ال smc قطاع عام ولا خاص؟؟؟؟
هل يتم مراجعة حساباتكم بواسطة المراجع العام لجمهورية السودان؟؟؟
لمن يتبع اداريا ال smc رئاسة الجمهورية وزارة الاعلام الهئية القومية او جهاز الامن والمخابرات؟؟؟
وبما انكم مؤسسة حكومية تنبطق عليها الاجراءات الحكومية في صرف الاموال والتعاقد مع جهات خارجية، هل تشرح لنا
ماهية الاجراءات الادارية والمالية التي قمت بها للتعاقد مع سودانيزاونلاين ، يعني هل اتبعت الاجراءات المعادة؟
الكمبيوتر الانتا قاعد فيهو حسي دة حقك ولا تبع المركز حق الشعب السوداني؟؟؟؟؟
وما تنسي الانترنت بالله حق منو؟؟؟؟؟؟؟؟؟؟؟؟
حتي الوقت البتصرف فيهو حسي دة للملادحة في المنبر مدفوع ليك اجر قصادوا من المال العام ولا لا يا مدير تحرير المركز المشبوه؟؟؟؟
اهالا بدون كلام في المستويات جاوب |
وبعد داك انظر في امرك
يا جمعة تعتدي علي الناس بتعتدي عليك
تحترم نفسك مافي زول بيسألك
|
Post: #5
Title: Re: كدارة واعتذار !!
Author: Mustafa Mahmoud
Date: 04-22-2007, 05:20 PM
Parent: #3
احب صلاح غوش والشاي بالقرقوش!!
|
Post: #6
Title: Re: كدارة واعتذار !!
Author: محمد حامد جمعه
Date: 04-22-2007, 05:21 PM
Parent: #5
سنو يا توتس
|
Post: #7
Title: Re: كدارة واعتذار !!
Author: Murtada Gafar
Date: 04-22-2007, 05:46 PM
Parent: #6
| Quote: وتامر ود ناظر المدرسة - دا طبعا كان كيشة لكن بنلبسو نمرة عشرة ونلعبو فى النص ولو ضيع خمسين قوون برضو بيكون قاعد - |
نفس عقلية الكيزان في التجنيد و تقليد المناصب. إنتا عارف لمن كنا في الجامعة، الكيزان زوروا الإنتخابات، و كشفها عمار محمد آدم في ركنو الشهير تحت شجرة جغرافيا، كان مرشح الكيزان لرئاسة الإتحاد واحد اسمو الوليد فايت محمد أحمد فايت-ما عارف تامر ده ذكرني ليو لييييه- و كان في إقتصاد فأنا قلتا ليو الإنتخابات دي الظاهر الكيزان قنعانين من الفوز بيها، لإنو عشان يفوزوا لازم يختو في صدر قائمتهم طالب هندسة (معمار) أو طب أو طب اسنان، من شاكلة زيدان عيده زيدان، و صلاح الزين، و حمدي خليل، و التيجاني المشرف، علي عبد الفتاح، و كده. عشان كده إنتا يا جمعة ودوك الأمن، قبل جاي شوف أولاد دفعتك تلقاهم سفراء و دكاترة و أساتذة جامعات، و إنت قانع بالجهاد الأصغر ده أمنجي مركب مكنة صحفي، أمشي أبقى تامر و تعال خلي شيخ حسن يقلب فيك الهوبة.
مرتضى جعفر
|
Post: #8
Title: Re: كدارة واعتذار !!
Author: محمد حامد جمعه
Date: 04-22-2007, 05:49 PM
Parent: #7
تفسيرك مقبول حسب شهادتك وبالمناسبة انا شايف انو عملى (بتكسبو العبو ) كما يقول المصريين
|
Post: #9
Title: Re: كدارة واعتذار !!
Author: Murtada Gafar
Date: 04-22-2007, 06:33 PM
Parent: #8
| Quote: تفسيرك مقبول حسب شهادتك وبالمناسبة انا شايف انو عملى (بتكسبو العبو ) كما يقول المصريين |
جمعة:
أولا شكر على قبول التفسير، ياخ.
ثانيا مصريين شنو ياخ البقينا نستشهد بيهم، و عندنا الحديث النبوي الشريـــــــــــــــــــــــــــف:
"يا معاذ:أطب مطعمك تكن مستجاب الدعاء"، و لا كيف؟ بعدين بدل معاذ دي ممكن تخت محمد حامد جمعة أو أي محمد أحمد آخر
بعدين إنتا فرقك شنو من المجاهدين قريب الله الخضر، و د. زيدان عبده زيدان، و الوليد فايت، شهيد العلم إسماعيل إبراهيم أحمد عمر، المحبوب عبد السلام و محمد الحسن الأمين "الشاب المعطر" أو حتى تامر يا شيخ، مالك ناقص يد ولا رجل، ياخي، من كل الأنفال و غنائم الحرب الشرسة الخضتوها ضد الشعب السوداني المسلم و العربي كمان، بس أمنجي مركب مكنة صحفي، ياخي إنتا قنوع بشكل، و تستاهل الجنة
مرتضى جعفر
|
Post: #10
Title: Re: كدارة واعتذار !!
Author: عبده عبدا لحميد جاد الله
Date: 04-22-2007, 07:24 PM
Parent: #9
العزيز محمد جمعة
تحية طيبة
| Quote: اها سنو يا دماعة سابتننا اعتذار واعتذار ومافى زول قال نعتذر لمحمد حامد جمعه دا ... احييييييييييييى انا |
ضامني التام معك وأدين كل من تناول شخصك بساقط قول وليس هناك مبرر لذلك مهما كان الاختلاف في وجهات النظر
|
Post: #13
Title: Re: كدارة واعتذار !!
Author: محمد حامد جمعه
Date: 04-22-2007, 08:29 PM
Parent: #10
| Quote: وأدين كل من تناول شخصك بساقط قول وليس هناك مبرر لذلك مهما كان الاختلاف في وجهات النظر |
بارك الله فيك
|
Post: #11
Title: Re: كدارة واعتذار !!
Author: الطيب بشير
Date: 04-22-2007, 07:28 PM
Parent: #1
| Quote: طبعا لو ردمتو لمن الدم يفر من وشو ما بقول ليك حاجة زولا طيب |
Is hat what you do NOW 4 living?
|
Post: #12
Title: Re: كدارة واعتذار !!
Author: Tabaldina
Date: 04-22-2007, 08:10 PM
Parent: #11
..
.
انت شبه الاعتذار
انتمى لقبائل - الصفوة - وبجيبك
اعتذار ومعاهو كونتينر ..
_________________________
اسعد ابراهيم يا صديق ..
صرت كثيراً اخلط بينك وبين مصطفى محمود..
|
Post: #14
Title: Re: كدارة واعتذار !!
Author: عثمان حسن الزبير
Date: 04-22-2007, 08:32 PM
Parent: #12
يا سعادتو
دي 4 4 9 ولا شنو ؟
الخطة الأولى كانت ما بطالة لكن دي بتديك 10/ صفر .
أديك إقتراح
بدل الكوتش واللاعبين
لأنو لعبهم كلهم إنضرب وبقه واضح ياعمك..
|
Post: #15
Title: Re: كدارة واعتذار !!
Author: Salah Abdulla
Date: 04-22-2007, 09:05 PM
يا محمد ...
كيف حالك .. وإزيّك ...
|
Post: #16
Title: Re: كدارة واعتذار !!
Author: ASAAD IBRAHIM
Date: 04-22-2007, 09:13 PM
Parent: #15
اخوي صالح تبلدينا
Quote: اسعد ابراهيم يا صديق ..
صرت كثيراً اخلط بينك وبين مصطفى محمود.. |
زولك دة جا رمي لنكات موقعو المشبوه في بوستاتي
قلنا ليهو شيلة واعتذر عن فعلتك
عمل فيها اضان الحامل طرشة
ما خلي لينا سبيل غير نعاملوا بالمثل
في بوستاتو
كل مافي الموضوع بالله عليك الاسئلة
الانا سالتو ليها دي فيها حاجة؟؟؟؟
راجل يشغل وظيفة عامة بياخد اجرو من خزينة الدولة
ما يجاوب بكل بساطة ويخلص
بالعدم حأظل اسالو كل ما اشوفو حايم هنا
تحياتي صالح
|
Post: #17
Title: Re: كدارة واعتذار !!
Author: bayan
Date: 04-23-2007, 09:45 AM
Parent: #16
والله يا ود جمعة
انت زول بتستحمل شديد خلاس
اسع ما مزعلك بتاع سرقة الجثمان
شغال نصائح للتاج وكيف انه من المفترض الزول يكون عنده مصداقية وكدا
اكثر كلمة بكرها في البورد كلمة مصداقية.. بتزهجني شديد
لما اشلت السي بي يو
واكثر ناس بستخدموها هم فاقدينها
يارب عشان هم فاقدينها بيجبو سيرتها...
انا حاعمل ليك مولد في مرور الذكى الثانية على كذبة سرقة الجثمان
اتمنى المرة دي يعتذرو ليك الناس..
|
Post: #18
Title: Re: كدارة واعتذار !!
Author: A.Razek Althalib
Date: 04-23-2007, 09:59 AM
Parent: #17
--
ود الناظر يا كومندان..
كأنكـ تشير مورياً عن المناضل شماسي..؟
Quote: ثانيا مصريين شنو ياخ البقينا نستشهد بيهم، و عندنا الحديث النبوي الشريـــــــــــــــــــــــــــف:
"يا معاذ:أطب مطعمك تكن مستجاب الدعاء"، |
أمسكـ دي يا ود أبوكـ..
قول واحد والواحد الله..
|
Post: #19
Title: Re: كدارة واعتذار !!
Author: محمد فرح
Date: 04-23-2007, 10:21 AM
Parent: #18
محمد حامد
أحييك في بعدي
وأنا أعرف أنك رجل كبير العقل لذا تجاهل الأغبياء والسخفاء وزي ماقالو الشجر المثمر يرمى بالحجاره
ولك من الود مايكفيك
|
Post: #20
Title: Re: كدارة واعتذار !!
Author: Murtada Gafar
Date: 04-23-2007, 12:58 PM
Parent: #19
الإنقاذي الجابو الوعاء الجامع، محمد فرح
| Quote: وأنا أعرف أنك رجل كبير العقل |
إنتا عارف إنو جمعة شدة ما مكبر دماغو لمن رضيان بوظيفة الأمنجي المركب مكنة صحفي دي، من كل الأنفال و الغنائم التي حصلت عليها الإنقاذ من حربها ضد الشعب السوداني طوال الـ18 سنة الماضية. اللهم أبغه الجنة و متعه بزهده هذا آمين
---------------------------------
ود الطالب التكفيري
شوف يا ما بتشوف، ياخي الحديث ده مستخدم بإعتبار إنو إنتو ناس مسلمين و بتمارسو هنا في مهام دعوية، و أفضل طريق للدعوة طبعا، أن تكون تجسيدا لما تدعوالناس إليه، ألم يكن محمد بن عبد الله "خلقه القرآن"، يا جماعة تخلقوا بأخلاق الله فهو على صراط مستقيم، و بالتالي أطيبوا مطعمكم. إن كنتم ترغبون في لقاء الله على الصراط المستقيم، حسب تفسير الأستاذ الشهيد محمود محمد طه.
و أخطف الكلام من الدكتورة بيان، بعد الإستسماح، فيما يخص المصداقية و إفتقار الداعين إليها لها، برضو يا دكتورة عندي ملاحظة إنو كل الدعاة و الدعويين، أكثر الناس تناقضا مع ما يدعون الناس إليه، و عينهم زايغة و يدهم خفيفة و أشياء تانية حامياك، من القرضاوي إنتهاء بالجاهل عبد الحي يوسف. يكون في ميزان حسناتك يا دكتورة لو إستطردتي في هذه الخاطرة، و أكن لك من الشاكرين، و غفر الله لنا و لكم.
مرتضى جعفر
|
Post: #21
Title: Re: كدارة واعتذار !!
Author: د.محمد حسن
Date: 04-23-2007, 01:16 PM
Parent: #1
الاخ محمد حامد جمعة
السلام عليك
وانت تنادي باشاعة ثقافة الاعتذار والتسامح
سبق وتداخلت معك
وكتبت ليك بوست مخصوص باسمك
اقله كان تقول سوري
على كل انا ما زعلان
وبقرا ليك وبتداخل معاك
|
|