بوش باعكم الترماى !!!

واضح ان الرئيس الامريكى (بوش ) باع لجماعات الضغط اليهودية والمسيحية وكتل الناخبين (الترماى ) مستغلا فى ذلك الجهل المريع بحقائق ما يجرى فى السودان وسهولة شراء اكاذيب بعض المصادر السودانية واعتمادها فى صلب مرشدات اتخاذ القرار لدى المسئولين بالبيت الابيض ولا جهة تراجع وتحقق وتستوثق منها .
النخبة الامريكية الحاكمة لم تتعظ بعد من (الاسكراب ) المعلوماتى الذى اشترته من المعارضة السودانية قبل وبعد قصف مصنع الشفاء اذ اتضح لاحقا ان المعلومات التى بنى عليها قرار القصف كانت ضعيفة وباطلة ومفبركة ثم ولاحقا وفى لحظة استفاقة مهنية اضطرت المخابرات الامريكية لاعدام كميات مقدرة من معلوماتها عن الحكومة السودانية بعد افتضاح ان كل تلك النسبة كانت معلومات (مشتولة ) بلغة الصحافيين !
اسماء لشركات حتى الراسخون فى العلم بالخرطوم لم يسمعوا بها فى السوق والحياة العامة ثم شركات اخرى كل المساهمين فيها وسوق عملها الخارجى يراعى منذ البداية العداء الامريكى فلم تنشا روابط اصلا مع وزارة الخزانة الامريكية ولا تعرف منتجاتها وخدماتها الطريق الى تكساس وديتروويت داخل الولايات المتحدة بل اكثر من ذلك انها لا تقرب اصلا السواحل الامريكية !
عقوبات بعضها يبدو مضحكا مثل حظر شركة (السكة الحديد ) والله وحده والادارة الأمريكية ومصادرها يعلمون اين هى هذه الشركة وماذا تعمل وحال السكة حديد ببلادنا ظاهر وبائن ولا يخفى على احد وكيف لمرفق منهار تمام رغم جهود الاصلاح داخل السودان ان يكون خطرا ومهددا و(مسجل خطر ) يشرفه السيد بوش بوضعه على لائحة عقوبات تجمع كل معانى السخف والعبط من توقيتها الى الجهة المعلنة عنها والجهات المرحبة بها .

قال السكة جديد .. وما عارف ابوعوف وهارون .. الزول يا عوير زى ما المخرج (مور ) متلحو ، يا الجماعات القاشرين بقضية دارفور ديل دارويش
طبعا الفائز فى الفيلم دا الجماعة والناس الدردقت القائمة بمقدمة من شاكلة (اكدت مصادرنا المطلعة ) انو مولانا احمد هارون واللواء ابوعوف عندم ملايين مكدسة فى بنوكك الخارج وبيمشو يصيفو سنوى فى الريفيرا وشرم الشيخ
دى ذكرتنى عقوبات حظر السفر على قادة الجنجويد وبعض زعماء القبائل العربية - كان فى كلام زى دا - تقول الناظر فلان والناظر فلان بيل غيتس .. مش ناس ضاربة الخلا الواحد حربة وكوكاب ورطلين سكر فى خريطة وملوة تمر وفروة للصلاة .. قال احظروهم من السفر

و بدأت البروباقندا عملها ..

يا محمد جمعة كلامك ده أحسن feedback إنو راس السوط لحقكم و وجعكم ...
لأن نفيك لتأثير قرار الحظر هو يعني العكس تماما ... بالضبط زي كلام وزير المالية بتاعك ..
لأنه لو لا اثر حقا فلم إعلام بوش إنو ( سوطو ) لا يوجع ... فيسعي الي تغييره بما هو اوجع ؟؟؟!!
.
.

Quote: Mohamed Suleiman

يا ابوداود .. غايتو كان حارس الامريكان يمعطو ليك عمر البشير دا من الانقاذ - لو معطو عمر الانقاذ قاعدة فوق راسكم - لو حارس دا غايتو مشكلتك مشكلة ، انت زول قراى وخريج عتيق من (الخرطوم ) فاخير ليك استثمر غربتك دى فى شيتا ينفعك وينفع دارفور لكن لو قاعد (تجيب فى الكورة ) من ورا العراضات تبقى مشكلة .
بتعرف مصطلح اسمو (الوهمة ) دا بالضبط البعلمو بوش معاكم ، ما تشوف خطاب متلفز وحنعمل وحنحظر ، امس تاكد كثيريين تماما انو الامريكان ديل فى زول عاملهم ( نقاطة ) بديهم الكضب وبيمسك العوائد وهو يمشى يتخارج وهم يتحرجو ..
وهسة الاسبوع الجاى عندهم وفد دبلوماسى كبير وكبير جدا جاى الخرطوم وعاوز يشوف ترتيب شغل السفارة الجديد وكلامهم حلو ، طيب لو الحكومة دى زى مابقولو شريرة وحاقدة ولازم تتادب .. ما يسوقو سفارتهم ويقاطعو الخرطوم ويخلوها مطنبجة معاهم زى طبنجة كوبا .. ولا شنو

Quote: والله وحده والادارة الأمريكية ومصادرها يعلمون اين هى هذه الشركة

مثلا قالو ومن ضمن الشركات العليها عقوبات شركة

Quote: السكة الحديد المتقدمة

كدى زول يشرح لينا شغل الشركة دى شنو ، هى البلد حال السكة حديد فيها واقف لمن الناس لمن تغنى (من بف نفسك يا القطار ) دموعها تجى جارية ، ناس نيالا مثلا عشان يسافرو بيركبو باصات لغاية (الرهد ) ومن هناك (يمكن ) يلقو قطر يسوقهم ، السكة حديد مرفق منهار اصلا .. وما عندو مكانتو الكبير كيف يكون فى شركة فيهو شغالة (تش ) لمن تشوفها امريكا انها بتدعم المليشيات فى دارفور .. غايتو ما عارف الا يكون فى السودان دا (طابق تانى ) غير السودان القاعدين فيهو دا

Quote: وقال بوش إن تعامل شركات أو أفراد أميركيين مع هذه الشركات يعد جريمة. واعلن منع الأشخاص الذين تثبت مسؤوليتهم عن العنف في دارفور من القيام بأي تعاملات اقتصادية مع الاميركيين،

الزول دا عوير بالجد ، هو الاسيويين ديل خلو فرقة لامريكى ولا كرواتى فى السوق السودانى ومشو من السودان وداقشين افريقيا اها اليخم ويصر ساى ، وتعالو شوفو كمان كلامو بتاع الاشخاص المسئولين عن العنف فى دارفور قال ما يتعاملو اقتصاديا مع الامريكيين ..تقول فى زول ممكن يمرق من دارفور ديك يشيل ليهم كم طن تمباك عشان يوزعو فى نيوجيرسى .. الزول دا عبيط مش

سعادة الحبيب تحياتي وسلامي
تعرف أنا من سمعت في عقوبات وحاجات كدة تأكدت تماماً أنو المسألة مش خاضعة لأي معيار بدليل أنو الشركات الذاكره في خطابه التعيس لم يأتي بجديد فيها بل زاد الطين بلة عندما ذكر سكة الحديد السودان ياجماعة الخير انا لمن أجي جمب داخلية حسيب وأقراء سكك حديد الاقليم الأوسط أستغرب جداً من تلك اللوحة وأغتاظ من حكومات الجن المتعاقبة والتي لم تغير تلك اللوحة منذ تركيبها عليكم الله الأقليم الأوسط وين والخرطوم الفيها الرئاسة وين محن
أقول ليك حاجة الزول دا مش عبيط العبطاء ناسنا الهناك والهنا بالمدوهم بالمعلومات الأكل عليها الزمن وشرب قال حظر قال

ebrahim_ali
سعادة الحبيب تحياتي وسلامي

lovely


birds of feather flock together

by the way

welcome muhanad mammon

محمد حامد جمعه
Lol

محمد حامد جمعة .... الضحك شرطتكم .... بدون شروط !!!!