Post: #1
Title: هيثم طمبل دا قاعد ساى !!
Author: محمد حامد جمعه
Date: 06-03-2007, 08:33 AM
بعد المستوى الشفتو منو امس فى مباراة المنتخب الوطنى الزول دا ما عندو اى حاجة ...
غايتو الهلال ركب المربخ فى الزول دا
( ركب مصطلح فى السوق والعامية الجديدة يشير الى خسران الصفقة )
|
Post: #2
Title: Re: هيثم طمبل دا قاعد ساى !!
Author: الواثق الصادق
Date: 06-03-2007, 08:38 AM
Parent: #1
الود هداف الدوري الممتاز يا جنابو..
الود هو السوداني الوحيد الذي تأهل للاحتراف في الجيل الحالي..
الود جاب قوون في مصر و الكاميرون في عقر الدار..
الود لعاب يا هلالاب و يا مريخاب
الحكم على لاعب من مباراة واحدة ظالم يا جنابو..
طمبل عندو نفسيات
|
Post: #3
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 08:42 AM
Parent: #2
من شنو يا الواثق
الود كان اساسى فى الهلال فى لعب المباريات ونيل الحوافز وكسب النجومية ومشى جنوب افريقيا فى صفقة مجزية بالنسبة ليهو ورجع من هناك بصفقة احسن وبرضو لقى نفسو اساسى فى المريخ وبهالة نجومية يمكن زادت
ماديا - وربنا يزيدو - الود امورو تمام ومية مية
نجى المنتخب الوطنى ،
فريق ياخى المهاجم فيهو بتمول من العجب ( لعاب مافيهو كلام ) وهيثم مصطفى البديها للعميان يدخلها الشبكة ..
|
Post: #4
Title: Re: هيثم طمبل دا قاعد ساى !!
Author: abdulgafar mohd saeed
Date: 06-03-2007, 08:47 AM
Parent: #1
والله ياخوي محمد حامد امبارح انا شفقت علي الراجل ده ,, ده راحت ليه عديل و الميزة الوحيدة الكانت عنده و هي السرعة فقدها لانه وزنه زاد وو ,,,,,بقت قدر الجلة ,,, و فعلا المريخ اشتري الترماي
|
Post: #5
Title: Re: هيثم طمبل دا قاعد ساى !!
Author: حمزاوي
Date: 06-03-2007, 08:57 AM
Parent: #1
انا مش قلت ليكم الزول دا رشاشة
حتى شوفوا لون قميصو
|
Post: #6
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 09:01 AM
Parent: #5
حمزاوى
والله اخوك مريخابى النوع اليوم المريخ يكون لاعب خاصة مع الهلال بشوف لى حته صى وخلا وبقعد هناك فى الفلوات لغاية الكوره تنتهى ،
مريخابى موت ... بس فى لاعبين فى المريخ دا حيخلونى اشجع فريق (السكه فلنكه ) وعلى سبيل المثال لا الحصر الزول الاسمو (بهاء الدين ) والكيشة الاسمو طمبل دا وكل الناس البتلعب باكات فى المريخ خاصة الاروش الاسمو موسى الزومة
|
Post: #12
Title: Re: هيثم طمبل دا قاعد ساى !!
Author: عثمان حسن الزبير
Date: 06-03-2007, 09:22 AM
Parent: #6
الزوقة عندك
يا جنابو..
يا لعاب....
|
Post: #7
Title: Re: هيثم طمبل دا قاعد ساى !!
Author: محمد المختار الزيادى
Date: 06-03-2007, 09:09 AM
Parent: #1
تحياتى وسلامات
اول مره اقرى ليك كلام حقيقى وصاح
تحياتى
ودام الود
مخو
|
Post: #8
Title: Re: هيثم طمبل دا قاعد ساى !!
Author: حمزاوي
Date: 06-03-2007, 09:14 AM
Parent: #1
| Quote: مريخابى موت ... بس فى لاعبين فى المريخ دا حيخلونى اشجع فريق (السكه فلنكه ) وعلى سبيل المثال لا الحصر الزول الاسمو (بهاء الدين ) والكيشة الاسمو طمبل دا وكل الناس البتلعب باكات فى المريخ خاصة الاروش الاسمو موسى الزومة |
طيب اها
الواثق قال ليك طمبلنا هداف الدوري
اما بهاء الدين ( بهويه ) انا معاك انه كبري بيفوت اية حاجة
اما موسى الزومة يا راجل قول غير كدا
أما بخصوص انك مريخابي
سجم خشمك ياحمزاوي ( وفي بعض الاحيان ودجمعة )
حسع انت خليت لي رشاشات شنو
بخصوص طمبل يا اخوي لوك الصبر
الواد بس اعطوه فرصة لغاية ما يتأقلم على أجواء المريخ ويدخل في الفورمة مع بقية اللاعبين وحتشوف حيسوي ايه وجمال الوالي ما دفع الفلوس فيه ساي عارف هو بيعمل في ايه ويدفع في مين
|
Post: #10
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 09:18 AM
Parent: #8
Quote: اما موسى الزومة يا راجل قول غير كدا
|
دا بالذات طاقة وقوة ولياقة الف بس مشكتلو شفقان وعامل فيها سيدا ومقددا وطوالى بس شابكنا ليك ...جرى .. وشوت من اى حتة .. لمن مرات ببقى انانى وبركز فى انو يجيب قون ويخلى ضهر فريقو كاشف والله البلد لو فيها مدرب مفتح بسبب الزومة دا المريخ يتغلب مية من حتتو الخلاها فاضية .
| Quote: بخصوص طمبل يا اخوي لوك الصبر |
الصبر دا للاعب شبل ناشئ ، زول فى بداية الطريق لكن دا لاعب خلاص كلها موسم موسمين ويبقى حبوبة .. يصبرو ليهو كيف يعنى
|
Post: #9
Title: Re: هيثم طمبل دا قاعد ساى !!
Author: ود المايقوما
Date: 06-03-2007, 09:17 AM
Parent: #1
الظاهر كنت داير كلاتشي يلعب في هجوم المنتخب السوداني ..
ياجنابو ده المهاجم الوحيد ( راس الحربة ) الموجود في السودان , غيرو مافي .. واذا امس لم يحرز هدفا انتظر مباراة تونس لان’ الكبير كبير ..
ياخي ده جاب السهر والحمى للهلالاب وانت تقول | Quote: الهلال ركب المربخ فى الزول |
تحياتي
ـــــــــــــــــــــــ
|
Post: #11
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 09:20 AM
Parent: #9
| Quote: ده المهاجم الوحيد ( راس الحربة ) الموجود في السودان |
كان كدا الله معاكم قبال غانا زاتها
|
Post: #13
Title: Re: هيثم طمبل دا قاعد ساى !!
Author: عمر الفاروق
Date: 06-03-2007, 09:32 AM
Parent: #1
والشي الغريب وعجيب يا ود جمعة المدرب مازدا !!!!!
أصرّ على مواصلة اللاعب للشوطين بدون تغيير في حين إنو الفريق غالب تلاتة ودي فرصة لتجريب البدلاء ..
وبمناسبة البدلاء هيثم طمبل ما عندي بديل وبديلو لاعب في المريخ إحتياطي إسمو جيمي ناتالي ما لعب من سنة أسكت وهو لاعب قليل الخبرة ..
ال 11 الفي الميدان ديل + مهند الطاهر وعلاء الدين هم الممكن يلعبو لكن الباقين الجايبهم مازدا ديل جايبهم بي المجاملة وأخوي وأخوك ولاعبين المريخ لازم يكونو بي نفس عدد لاعبين الهلال !!
مازدا ده زول مرض ولولا مجهودات ريكاردو وأتوفيستر كان موريشص ادتنا اربعة والشمس حية ..
|
Post: #14
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 09:45 AM
Parent: #13
النصيحة يا عمر الفاروق انا شفت الود دا كتير وقبال ما يجى المريخ ، اقول ليك حاجة انا لو فى زول حيخلينى املا جيوبى تسالى وارجع الاستادات (ناتالى ) دا ولد صغير وحريف وحريف عديل كدا وبعدين زول كوره ولسه نضيفو وراسو ما بقى كبير
لكن المهم اقول ليك حاجة الفريق اللعب قدامنا امبارح دا ما عندو حاجة والمباراة الامس دى تمرين للمنتخب الوطنى ولكن لازم نعترف كلنا انو لو الفريق الضدنا دا كان فريق تانى تونس ولا حاجة كنا اترشينا زى السلام عليكم لانو فريقنا دا معسم وجايطين لينا الكوره فى نص الميدان
|
Post: #20
Title: Re: هيثم طمبل دا قاعد ساى !!
Author: على محمد على بشير
Date: 06-03-2007, 10:26 AM
Parent: #14
Quote: والشي الغريب وعجيب يا ود جمعة المدرب مازدا !!!!!
|
هههههههههههههههههههههههههههههههه
ريكاردو منو يا عمر ؟؟
ريكاردو ملك الخندقه ؟
امبارح لييه ماعارف حسيت انو طريقة اللعب دى حقة ريكاردو
شفت تاثير ريكاردو السالب على مازدا كان كيف ؟
قال ريكاردو قال
قرقرقرقرقرقرقرقرقرقرقرقرقر
|
Post: #15
Title: Re: هيثم طمبل دا قاعد ساى !!
Author: سامى عبد الوهاب مكى
Date: 06-03-2007, 09:57 AM
Parent: #1
العجب كيشة
|
Post: #16
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 10:07 AM
Parent: #15
يا سامى انت (اووف سايد )
العجب دا المخلينا شايفين فى المريخ دا شوية نوره والق ..
|
Post: #17
Title: Re: هيثم طمبل دا قاعد ساى !!
Author: غباشي
Date: 06-03-2007, 10:08 AM
Parent: #1
الأخ محمد حامد
و كل المتداخلين
تحياتي و سلامي
كدي أحكو لينا يا جماعة ... نحن ما حضرنا الكورة
ناس يقولو العجب كان سيدا و ناس يقولو زول عجوز
وناس يقولوا سيدا (سيد الإسم) هو المعلم و ناس يقولوا
ريتشارد هو القطعها؟ الواحد لمن اتلخبط !!! وهسع
طمبل رايحا ليهو و عندو نفسيات .. عشان كدة قاعد ساي 
أفيدونا بالله وللا رسلو شريط المباراة عشان ننظر ليكم 
|
Post: #19
Title: Re: هيثم طمبل دا قاعد ساى !!
Author: محمد حامد جمعه
Date: 06-03-2007, 10:21 AM
Parent: #17
| Quote: ناس يقولو العجب كان سيدا |
النصيحة يا غباشى العجب .. مافيهو كلام .. وهيثم مصطفى ما بطال ورتشارد جاب قونين لكن هيثم طمبل دا قاعد ساى .. ومعاه منتخب موريشص دا
|
Post: #18
Title: Re: هيثم طمبل دا قاعد ساى !!
Author: عمر الفاروق
Date: 06-03-2007, 10:11 AM
Parent: #1
Quote: ناس يقولو العجب كان سيدا
وناس يقولوا سيدا (سيد الإسم) |
دي بس الحقيقة ..
هيثم مصطفى سيدا والعجب كمان سيدا ..
لو ما ديل فريقنا القومي ده بيقعد في السقيطة والسهلة ..
|
Post: #21
Title: Re: هيثم طمبل دا قاعد ساى !!
Author: غباشي
Date: 06-03-2007, 10:27 AM
Parent: #1
Quote: هيثم مصطفى سيدا والعجب كمان سيدا ..
لو ما ديل فريقنا القومي ده بيقعد في السقيطة والسهلة |
ريحتني يا عمر الفاروق
جملتينك ديل خلَني زي التكنو كنت قاعد في الإستاد عديل
كدة الواحد ممكن يقيس على مباريات سابقة
|
Post: #23
Title: Re: هيثم طمبل دا قاعد ساى !!
Author: على محمد على بشير
Date: 06-03-2007, 10:47 AM
Parent: #21
يا غباشى شوف
العجب امس اثبت انو لاعب كبير وكبير جدا
فن وحرفنه وصناعه وتهديف
هيثم مصطفى وكما قال عنه الرشيد المهديه لعب باستهتار واضح على اساس انو
الفريق الاخر ضعيف فقد اضاع اهدافا لا تضيع وسلم الكره للخصم فى الكثير من المرات
وحاول ان يلف بالكره امام الخصم المتكتل وفقد الكره كثير من المرات
وشاركه فى هذا الفهم بان الخصم ضعيف كل من قلق وحموده بشير وهيثم طمبل
اما القدال مجاهد فقد قدل كما يجب وصال وجال فى الملعب كابن العشرين ربيعا
وكاد ان يسجل مرتين وفى تهديف مركز نحو المرمى القائم اخرج الاولى والحارس
اخرج الثانيه
رتشارد قلب الاسد كان صمام امان وظهر كهداف من طراز فريد وعرف كيف يتمركز والسودان
يهاجم وكيف يتمركز عندما تكون الكوره عند الخصم واحرز الهدف الثالث للمنتخب
بقزيفه قويه عجز حارس المرمى عن صدها او قل رؤيتهاوارتكب ضربة جزاء تغاضى عنها الحكم
وقد ساعده فى التقدم وجود سفارى فى الخلف والمسانده من الضابط عمر بخيت للدفاع
وقد التزم عمر بخيت بالواجب الدفاعى تماما وقد كان رائعا وهو يلعب مدافعا
علاء الدين جبريل ودعنى اختلف مع الاخرين فى انه قدم كل جهده للمنتخب ودافع وهاجم
ولياقه ماشاء الله وكاد ان يحرز هدفا جميلا لولا ان المجنونه ابت فقط يعيبه الدقه
فى العكسيات والتسرع
وكما تفضل الاخ ود جمعه فقد كان طمبل اسوءا لاعبى المنتخب بالامس وعلى هذا اللاعب
ان يراجع حساباته قبل فوات الاوان لان ضياع الفرص السهله من امامه اصبح ديدنه فى الاونه
الاخيره سوى ان كان فى المريخ او المنتخب
المعز لم يختبر وان كان قد تصرف فى احدى الكرات برعونه وكاد ان يطرد لو لم يكن
الحكم متساهل .. فقد قلب الهوبه وضرب المهاجم الخصم بكلتا رجليه فى حركه واضحه
ومكشوفه واتمنى جدا ان يكون طاقم المنتخب الفنى قد لاحظ لذلك واتمنى اكتر ان يكون
مدرب حراس الهلال وريكاردو والمرضى قد اطلعوا على تلك اللقطه جيدا حتى يتفادى
الهلال والمنتخب فى قادم المباريات طرد حارس المرمى لاستهتاره فى وقت يكون فريقه فى امس
الحوجه اليه .
وبث
|
Post: #22
Title: Re: هيثم طمبل دا قاعد ساى !!
Author: غباشي
Date: 06-03-2007, 10:41 AM
Parent: #1
محمد حامد
| Quote: النصيحة يا غباشى العجب .. مافيهو كلام .. |
و الله العجب معلم بس لما اتزكر عامل السن بالجد بزعل عليهو ... لكنه يظل فاكهة المريخ و السودان
| Quote: وهيثم مصطفى ما بطال |
طول عمره سييييييييييدا
أما ربتشارد(ود حلتنا) كل ما يجيبو سيرتو بتذكرو لما كان بيقرا معانا في المدرسة
| Quote: لكن هيثم طمبل دا قاعد ساى .. ومعاه منتخب موريشص دا |
الواد قلبو بيوجعو و عايز حد يدلعو ... لكن صدقني بيجي منو الكتير
|
Post: #24
Title: Re: هيثم طمبل دا قاعد ساى !!
Author: عماد محمود علي
Date: 06-03-2007, 10:56 AM
Parent: #22
يا جنابو مع احترامي ليك إنت واحد رشاشة بس متدسي وسط المريخاب .....
هيثم طميل لو قعد ساي في الميدان فهو أفضل مهاجم سوداني .... وبرضه العجب حبيبي ...
|
Post: #25
Title: Re: هيثم طمبل دا قاعد ساى !!
Author: غباشي
Date: 06-03-2007, 10:59 AM
Parent: #1
علي بشير .... وينك يا رايع !
|
Post: #26
Title: Re: هيثم طمبل دا قاعد ساى !!
Author: عمر الفاروق
Date: 06-03-2007, 11:28 AM
Parent: #1
علي البشير :
مشكلتكم تنقادون مع كلام مزمل وكأنه قرأن منزل ..
وعشان مزمل بدا يهمز ويغمز بي موضوع ريكاردو ده فطواااااااااااااالي إنتو جريتو وراهو ..
تعال نشوف ريكاردو خندقة ده كيفنو ..
زول متخندق ويجيب فيكم قون بي اكتر من 10 لمسات لم تلامس فيها الكرة قدم لاعب مريخي الا وهي في الشبكة !!!
كيف يتخندق والكورة ما إنتهت صفر صفر والهلال أضاع فيها فرص أكتر من المريخ ؟؟؟
يعني بي كلامك ده لو ما اتخندقنا كان اديناكم 12 ؟؟؟؟؟
طيب يا عزيزي ريكاردو خندقة ده من ما جا الهلال بيلعب بي الناس ديل وبي نفس الاسلوب ده وبي خندقتو دي السنة الفاتت ولمدة دورة كاااااااملة ماف فريق فاز عليهو وهو ما خسر ولا إتعادل في أي مباراة فأين الخندقة ؟؟؟
الخطة اللي تعادل بيها مع مريخ العاصمة هي نفسها الخطة وبنفس اللاعبين لعب بيها مع مريخ بورتسودان وفاز بيها 6-1 فأين الخندقة !!!!
الخطة نفسها لعب بيها مع البوليس اليوغندي في يوغندا وفاز عليهو في استادو 1- صفر فأين الخندقة !!!!؟؟
الخطة نفسها لعب بيها مع الزمالك المصري في القاهرة وتعادل معه 2-2 فأين الخندقة ؟؟؟
والخطة نفسها خسر بيها من ناسروا النييري 3- صفر فأين الخندقة !!!
عايز تعرف الخندقة وين ؟؟؟؟؟؟
الخندقة من تلعب مع فريق جزائري وطيلة 90 دقيقة ما تشوت ولا كورة في إتجاه المرمى !!!
الخندقة لمن تكون لاعب مع الشباب التنزاني وتحرس مرماك بي عكاكيز وتخليها تنتهي صفر صفر ..
الخندقة لمن تلعب كل مبارياتك الخارجية وما تقدر تجيب ولااااااااااااااا هدف في مرمى الخصم !!!!!!!!
ياخ أخجل عليك الله واسأل مزمل قول ليهو اخر مرة جبتو قون برة استاد المريخ كان بتين في المنافسات الخارجية ؟؟؟
وكانوا كم قون ؟؟؟؟
الهلال المتخندق ده من 3 مباريات خارجية جاب 3 اقوان يعني بي معدل قون في كل مباراة !!
أها الخندقاوي منو يا عالم !!!!!!!!!
مش قلت ليكم إنتو مباريين مزمل ساي !!!
وأعملوا حسابكم البيباري الجداد بيوديهو الكوشة..
|
Post: #27
Title: Re: هيثم طمبل دا قاعد ساى !!
Author: A.Razek Althalib
Date: 06-03-2007, 11:46 AM
Parent: #26
مخارجة..
لعاب الجمهور..
|
|