اين تسهر هذا المساء !

طبعا يا جماعة المنبر دا فيهو سهرات وفيهو ضحويات وفيهو ناس بتقيل وفيهو ناس كدا عابر طريق نام فى العيون ارتاح وكدا ... كل بحسب مزاجو ونفسيتو وفروق الوقت .. ودى مسالة بديهية ... ..المهم الظاهر الومين دى الافلام الشغالة فى صالة عرض المنبر حتكون فى ثلاثة مدارس الاولى قصة تحالف الامة والشعبى وباقى ناسى قريعتى راحت الفى تحالف القوى الوطنية وطبعا التحليلات تقوم وتقع والمسعلة زى ما بقول الزين ود الريح جارنا فيها حسابات عديل وحسابات كيرى ، والغريبة التجمع دا من قولة تيت بدا بشكله وامس المحامى على السيد ختا قرض مع ناس الحزب الشيوعى لانهم رفضوا (شطب ) اربعة احزاب من التجمع - فرع الداخل - ناس الناصرى والبعث وشنو كدا ما عارف تانى وديل طبعا يا اخوانا ناس الشيوعى قالو ما يشطبوهم وعلى السيد قال ينشطبو والشكلة قامت اشطب ما تشطب والمسالة جاطت والاجتماعات تقوم وتقع تقول شطبوا فاروق جبره من المريخ !
اها فى الفيلم التانى برضو القصة تحالف لكن المرة دى بين الحكومة والتجمع والحركة وطبعا مولانا الميرغنى وطه عندهم مباراة قمة قريب وراها طوالى عمك (يبصم ) مع الانقاذ والحركة الشعبية ويخش ميس الحكومة الجديدة وفى كلام كمان تحت تحت انو التلاتة ربطو المسالة ومضوها وجهزوها باتفاق تانى فيهو قسمة زى السكر مع ناس التجمع و(تلتو ) ولا كتلتو بين البشير وقرنق .
اها اما الفيلم التالت فدا قصة فتح التحقيق فى مسائل دارفور ودا بالعربى كده معناه انو اللستة بتاعة كرام المواطنين ديك يمكن لحقت امات طه وكلمة تحقيق معناه تانى تجى فرق وفتش وشوف ودور والمدعى العام بتاع المحكمة الدولية يوم هنا ويوم هناك وما معروف اليحصل شنو لكن فى النهاية واضح برضو انو فى شغل كتير تم وربيط حصل وصفقات تمت ودا معناه انو كلو حيكون فى صورة جديدة يعنى ممكن التحقيق دا يخلص لنتيجة انو الحاصل دا ما فيهو بينات كافية ضد قوائم ويحزنون وبالمناسبة المدعى العام ممكن يدك الورق او يقفلها عمياء قبال ما تنزل (البلاطة ) و فى جماعة الضحك شرطهم غايتو ! ويمكن القصة برضو بالمقابل تجر والقائمة ام خمسين دى تبقى (ربطة ) وبكتة ورق وكلو جائز .
اها يا القارئ الكريم انت شوف مزاجك ورقداك وين وخش وقزقز وتمنى وحلل مع الناس اصلو كلنا سياسيين ومقطعنها وناس التحالف الوطنى يقولو ليك نحن اسياد كفر السياسة فى البلد دى وناس التجمع يقولو ليك نحن مقددنها وناس الحكومة يقولو ليك نحن المفتحين وبتاعين التلاتة ورقات مع امريكا زاتها مش تقول لى احزابنا دى وناس الحركة شابكين ليك الناس ادوها صنة يمين تامنو وتقتنعو واما ناس ثورة دارفور ديل خلهم ساى يقولو ليك الشعب الامركيى 80 % فيهو عاوزين واشنطن تعمل وهمة عشان تنصرهم وطبعا دى قنبلة ودردموها كبيرة خلاص هو ياخ الناس البتمشى الانتخابات عديييييييييييييل عشان تجيب الرئيس هناك ما بيصلو النسبة دى يصلوها عشان السودان ياخ فى امريكان بلدنا دى وين زاتها ما عارفينها ... يعنى الامريكى دا والله كان كدا مواطن كويس وبنى ادم حلو شايلين ساى نحن حالهم فى الجوامع والمظاهرات لانهم والله فيهم الخير خلو عيالهم يموتو فى بغداد ومتغربين فى كوريا وافغانستان والدنيا دى الزرقاوى يصقع والظواهرى يخمش والبرد والزيفة وعيالهم يوماتى جايبنهم فى صناديق خلو دا كلو عشان يمرقو ويمشو يشاركو فى استطلاع عن السودان ومشكلة فيهو ... والله حنان ...
والمهم سيبو كلامى دا وشوف يا جماعة مزاجكم وين وخشو لكن البوستات ما بتطلع من الزون بتاع التلاتة حتات دى ...

Wa Enta Mugjaglib Malak

Shino Gisat Al-flam, wa al-Haflat wa Al-sahar al-enta masik feeha al-ayam de

Mush kan golto da kolo Haram

"ودا معناه انو كلو حيكون فى صورة جديدة يعنى ممكن التحقيق دا يخلص لنتيجة انو الحاصل دا ما فيهو بينات كافية ضد قوائم ويحزنون "

"ممكن"!!


ما زلت فى أحلامى السعيــدة................حتى وصلت لاهاى البعيــدة.

ابو الريش
صدقنى يا مان .... مافى زول ضد انو اى مجرم فى دارفور دى يمشى الجحيم ويتعاقب ... دى افهموها

وبس اتمنى انو لو لجنة التحقيق دى كانت نتيجها سلبية انو الناس تقبل وما تقوم للخرخرة

للأسف يا محمد تحليلك أغلبو صاح
والسودان الله بس البرعاهو

"وبس اتمنى انو لو لجنة التحقيق دى كانت نتيجها سلبية انو الناس تقبل وما تقوم للخرخرة"

أولا أعلم يا مان إنو نحنـا ما تابعين للاهاى ولا أبوجو..
الحرب ضـد الإسـلاميين و ما يسمى بالحركـة الإسـلاميـة، ليست جـديـدة، ولاهاى عبارة عن إجراءات قانونيـة ضـد جماعـة قليلـة جـدا (51) شخص!! وهى تابعـة للأمم المتحـدة، وهى سـوف تحضـر المتهمين عاجلا أو أجلا رغـم الخطب العنتريـة الجوفـاء، والتباكى على الوطينـة.. وأحلام اليقظـة.
فموضـوعنـا نحن بالذات ليس لاهـاى.. هـو هـذا النبت الشيطـانى المسمى بالحـركـة الإسـلاميـة، وســوف يقتلع من جذورة، من تراب هـذا الوطن إن شـاء الله.

هـذا النبت الشيطـانى المسمى بالحـركـة الإسـلاميـة، وســوف يقتلع من جذورة، من تراب هـذا الوطن إن شـاء الله.

قشة ما تعر ليك

Quote: وبس اتمنى انو لو لجنة التحقيق دى كانت نتيجها سلبية انو الناس تقبل وما تقوم للخرخرة

You got it all wrong, if not upside down.

first, the Sudanese people have documented every evil the Inghaz did since 1989.

we do not need the world or ICC to tell us what these criminals have done.
even Europe and the USA they are late commers in this issue.
for years they did not even believe what the victims of the NIF are saying until the whole world knew and the pressure mounted for these governments to accept the fact that Sudan is ruled by a criminal gang

We know who the criminals are who waged a religious war, who established "Ghost Houses", who displaced people from their jobs and homes, who grossly abused human rights, who abused the religion and who sto;le the people's public and private resources and reduced intentionally 95% of the people into poverty, exile, helplessness and prostitution


Aha wa enta Musahir wein al-layla

Aha wa enta Musahir wein al-layla

انا مع ابراهيم حسين

نجمة نجمة الليل نعدو والسنين بيناتنا عدو

ولمن خلاص افتر من السهر

اسمع محمد ميرغنى و(تبقى سيرتك هى الكلام ) ....

ولمن اطرى بعض الفرد فى المنبر

اغنى شوية مع فيروز الحاج يوسف (حنان طاره ) ... حكومة يا ظالمة يا النقلت قسيم ريدى

Quote: انا مع ابراهيم حسين نجمة نجمة الليل نعدو والسنين بيناتنا عدو ولمن خلاص افتر من السهر اسمع محمد ميرغنى و(تبقى سيرتك هى الكلام ) .... ولمن اطرى بعض الفرد فى المنبر اغنى شوية مع فيروز الحاج يوسف (حنان طاره ) ... حكومة يا ظالمة يا النقلت قسيم ريدى

Khalas al-Ghuna bega Halal, ya Hamda

Nessto al-kalam al-kan begolo zaman

mere hypocrisy

The exposure is complete

Now we want all the money stolen to returned to its people