المدعو خالد كودى !

فى بوست للزميل (ناذر ) قصيدة أوتومسيرية مهداة إلى خالد كودي !!!!
تداخل معى وعقب مشاركة لى للمدعو (خالد كودى ) وكتب (Re: قصيدة أوتومسيرية مهداة إلى خالد كودي !!!! (Re: محمد حامد جمعه)

كمان جابت ليها دور كلاب أمن. )


... طيب يا كودى .... !

Quote: .. طيب يا كودى .... !

اخونا جمعه
التحيات الذكيات

دي معناها نتلاقا في الرمله الدقاقا ولا شنو يا سعادتو ؟

Quote: طيب يا كودى .... !

كودي اتلحس يا رجالة

يا جماعة ما تجيبو لينا الهوا خصوصا ان السيد كودى دا زول قرن ورجل من القرتيتن عظيم ...يعنى اى ملاواة معاها بتودى زولها الماسورة بس كنت عاوز اسال نعت الزول بكلمة (كلب ) حاجة كريمة ...
البعرفو فى الفهم بتاع القوى الضلامية كلمة مش كويسة ووصف انسان بالكلب شى غير مقبول لكن كنت عاوز اسال كودى وبقية القوى والاقلام المستنيرة انتو الكلمة فى قاموسكم ... مستحبة ومقبولة يعنى !

Quote: بس كنت عاوز اسال نعت الزول بكلمة (كلب ) حاجة كريمة ...

اخونا جمعه

والله سؤالك وجيه ,, لكن المسأله بتعتمد ,,,
يعني كلب منو , ووين ؟
بعدين كلب أصحاب الكهف مالو ,, عندك فيهو كلام ؟

الرائع محمد حامد

Quote: طيب يا كودى .... !

أنا عارف إنو كودي كدة دقس معاك!
لكن أرجو إنك قبل ما تدوّرو تقوم ترسل إيميل صغير لبكري صاحبك تقول ليهو شوف يا بكري دا الحصل وقد أعذر من أنذر (بصورة دبلوماسية كدة طبعاً) وأديهو يومين كدة.. ولو بكري ما عمل حاجة .. شوف شغلك بعد دا

أنا عارف إنو في كلام كتير عن ازدواج المعايير من قبل بكري لكن ما نظلم الراجل.. يمكن احنا متحاملين أكتر من اللازم.. أعلاه انتهاك واضح لقوانين البورد.. وكودي دقس فيها دي.. وممكن تجيب رقبتو (عضويتو)

ود جمعة أخوي ...

رسالة مستعجلة لبكري أبوبكر ...

وبكري بقوم باللازم ...

عفا من سلف ما بتنفع معاهم يا ود جمعة أخوي ...

اول شى يا شباب عاوز اثبت الحالة - عشان عدم الخرخرة - وعاوز برضو اشوف تفسير السيد كودى يمكن كلمة ووصف بالكلب معناه حاجة كويسة ما الدنيا عولمة وشفافية وسلام ووئام ويمكن ما قاصد كلب كلب يمكن قاصد معنى حداثى استنارى وحلو
بالنسبة لموضوع الشكوى ... نشوف بعدين ... بس انشاء الله ما تطلع زى شكوى نادى توتى والدكتور كمال شداد

Quote: اول شى يا شباب عاوز اثبت الحالة

Quote: - عشان عدم الخرخرة -

دي مكنتكـ

Quote: ازدواج المعايير

حلوة وملعوبة..................
بقى فيها معيار واحد بدون ازدواج

Quote: ... طيب يا كودى .... !

والله ناقص الرماد بس ياسعادتك خليك انت الكبير

والله ناقص الرماد بس ياسعادتك خليك انت الكبير

كبير شنو يا بدرى اخوى !

ياخ الناس البتشتم فينا دى لمن كانت خريجة جامعات ورجال كبار كنا انا وانت عشقا فى عيون امهاتنا زى ما بقول استاذنا سيف الدين الدسوقى ... تقول لى انت الكبير !

ود جمعة أخوي شوت قبل الحيطة ما يصلحوها ...

شوت جيب قونك ...

شوت جيب قونك ...


قوووووووووووووووووووووووووووووووووووووووووووووووووووووووووووووووون

محمد جمعة
الكلب في الثقافة العربية
والاسلامية
وكذلك الثقافة الافريقية
محتقر جدا
لكنه في الثقافات الاخري
مخلوق يعبر عن الوفاء
لذا تجدهم يعاملونه كفرد من افراد
الاسرة .
عموما دا ما الموضوع الاساسي

الموضوع الاساسي
هو انه حسب ثقافتنا
اذا نعتنااي زول
بيا كلب فهذا تقليل من شان الزول .

لكن اذا نعتنا واحد من ناس الامن
بيا كلب
ففي هذا تقليل
لشان الكلب المسكين .

الظلامى محمد حامد جمعة

امكن كلب السودان الجديد مختلف ؟؟؟؟


امكن كلب السرور يا صاحبى

ولا امكن كلب امريكي ............



هاااااااااااااااااى

أخي محمد جمعة
السلام عليكم
والله لا خير فينا ان لم نقلها
كلمة سخيفة لا تليق بمقام البورد والاعضاء
كيف نصف زميل بهذا اللفظ
لا حول ولا قوة الا بالله
معليش يا اخوي محمد
عش رجباً ترى عجباً

طيب السودان الجديد انا ما ملزم بتفاسيره ومعانيه انا زول سودان قديم ... وبالتالى كلوبية كودى دى ما بتخارج معاى
وبتفسير القوى الظلامية حقتنا برضو الكلوبية دى ما بتخارج معانا لانها محقرة ...
اذن يا خالد كودى ...... الفيصل .... انى اخلص حقى منك بطريقة ديمقراطية ودى معناه يا تعتذر وتاكل على نفسك شوية احراج يا ترفض الاعتذار وتحرج بكرى ... يلا اختار

اخونا محمد حامد

ياخي انا رجعت للبوست المعني ولم أجد اسمك مقرونا بكلمة كلب لا سمح الله ,,,
ما عارف ليه انت اعتبرت الكلام موجه ليك ؟
والجمله كانت كالآتي :

Quote: كمان جابت ليها دور كلاب أمن.

مافي اسم محمد حامد جمعه ,,

كمان جابت ليها دور كلاب أمن.


معروف سند
يا عزيزى اعتقد ان لك عقلا اكبر رجاحة من هذا التخريج الفطير ... كودى عقب على مداخلة لى فى وبست الزميل ناذر قلت انا شيئا فعقب بعدى المدعو كودى بعبارته موضوع هذا الوبست ...
ومعنى الكلام دا واضح

Quote: ياخي انا رجعت للبوست المعني ولم أجد اسمك مقرونا بكلمة كلب لا سمح الله

دي بالغت فيها يا معروف


شفيــــــــــــــــــــق يا راجـــــــــــــــــــــــــــــــــل

جبتا الهوا لروحك ... فتحوا ليكم بوست الا تقوموا جارين
لكن دا لأعضاء جهازالأمن مالكلاب جهاز الأمن انتا من ياتم ياسعادتك من الارشيف: زووووووووووم فلنفضح اعضاء جهاز الامن الأمن مالكلاب جهاز الأمن انتا من ياتم ياسعادتك

داك مبحث اخر حكاية الامن دى وممكن برضو ننظر فيها رغم انو الشباب هنا شيلونا الجثامين .... !

لكن شفت يا بدرى الناس ديل جرسة كيف ... زول تقول ليهو تعال اشرح لينا عبارة كلب دى يا مان يقوم يفتح ليك بوست فى موضوع كدا نظام تشتيت كورة لكن على منو يا حبة .... الليلة الا الكوع يحمى والريق يبقى دقيق

Quote: زول تقول ليهو تعال اشرح لينا عبارة كلب دى يا مان يقوم يفتح ليك بوست فى موضوع كدا نظام تشتيت كورة لكن على منو يا حبة .... الليلة الا الكوع يحمى والريق يبقى دقيق

موش قلت ليك يا ود جمعة أخوي شوت قبل الحيطة ما يصلحوها ...

فعلا يا خالد كودى

كمان جابت ليها كلب امن

كمان سعران و بهوهو

بس دة كلب امن حساس و رقيق خالس خالس

الأخ المحترم محمد حامد ،

أرجو أن تتقبل اعتذارى عما بدر فى حقك نيابة عمن يحترمون قول الله تعالى " وخلقنا الأنسان فى أحسن تقويم " فقد كرم الله تعالى الأنسان !

ست البنات .

أخونا محمد حامد

لك التحايا
يا صديقي الحق حق ,,,
ياخي الرجل لم يأتي بإسمك مقرونا بصفة غير مستحسنه ,, ولا أرى سببا لغضبتك المضريه هذه
بعدين الكلب مالو عيبو لي ؟
ألم ياتك خبر الشاعر الذي مدح الخليفه :
انت كالكلب في الوفاء وكالتيس في مقارعة الخطوب

المحترمة ست البنات

اعتذارك فوق عينا وراسنا وتاج يزين الرجال و اقبله منك رغم انك لست مطالبة به لاننى اقبل منك ما بين المساوات والارض انتقادات ولوم وخلاف لانه يظل دوما مغلفا بالاحترام والموضوعية بعيدا عن المهاترة والمشاترة واما حالة خالد كودى فيجب ان اصل فيها الى نهايات واضحة لاننى اقتنعت ان الصمت والعفو والتجاوز صار يغرى بالضحية وساتقدم بشكوى بهذا الشان ليس كيدا فى كودى فما بينى وبين الرجل محض شراكة فى هذا الفضاء الرحيب فان شاء اطرها وانزلها منازلها الصحيحة بلا اذى واحتقار وان شاء انجرف بها الى الازقة والاماكن المعتمة وفى الحالين من حقى ان احفظ لنفسى اشياء عديدة اولها واهمها ادميتى .

Really!? ..
Shameful

واضحه..
ما دايره ليها فهم. يا سعادتك
مع انك زمان هربت منى فى
قد فشلت الجبهة فى الحكم... رأيك يا محمد حامد ؟؟؟

لكن برضو قلنا المره دى عوفه
و قلنا نحق الحق برضو

ناصر البطل

معروف سند
لا تسند خطأ بينا واعرفك رغم اختلافى معك انسان صاحب رؤية غير معتمة .


ناصر البطل :

تشكر على الوضوح فى زمان الريبة هذا

خالد كودى :
نبش الارشيف لن يبرر لك ما ذهبت اليه واطالبك بالاعتذار والا فان لصاحب المنبر ان يفصل بيننا بالحق

خالد كودى :

اطالبك بالاعتذار والا فان لصاحب المنبر ان يفصل بيننا بالحق

محمد حامد
يا خي ما عافي منك والله
الراجل دا أنا حاصرتو في حتة ضيقة وقمت إنتا جيت زوغتو مني بي مواضيعك الإنصرافية دي قلنا نتناقش في القصيدة قام دخل في تجربتي الغنائية وفتح لي بوست قلنا نتكلم معاهو في الغنائية قال داير يتناقش معاي في سلوك الجبهة الإسلامية قلنا نباريهو جيت إنطا ناطي زي القدر وخليتو يفتح ليهو بوست تاني عن الأمن ..

يا خي أنا والله عندي أزمة وما بقدر على المساككة دي ولحدي هسي ما لقيت لي رابط بين قصيدتي والتطورات الخلتا تنتهي بي بوست عن الأمن

ناذر

كيفك يا استاذ

شفت المره دى كدى النشوف اخرتا ....

الاخ محمد حامد
مساك الله بالخير

القصاص ... القصاص

التحية لأفراد جهاز الأمن

Quote: اطالبك بالاعتذار والا فان لصاحب المنبر ان يفصل بيننا بالحق

السيد محمد حامد جمعة

و اشجعك على المضى فى هذا الطريق

المخجل فعلا ، ان ترى من يبرر لمثل هذا باعذار واهية و سخيفة !

أنا ضد شكوى محمد حامد لبكري من أجل فصل خالد كوري !!!
الزول دا انا عندي معاهو مواضيع بنناقش فيها لسة ما إنتهت .. يعني لو قام بكري فصلو هسسسسسسسسعع دي !! تاني الم فيهو وين يعني !!!
قبل فترة تاج السر إتكلم عني في بوست لمن جيت أرد عليهو لقيت بكري فصلو وخلاني أهضرب براي زي المجنون في البوست

كدي يا أخوانا أمسكو محمد حامد دا يومين تلاتة كدي :

فعلا المفروض الزول لمن يقول كلام زي دا يثبت عليهو وما يتزاوغ
بعدين المعنى واضح جدا جدا ولا يحتاج اي تأويل

الإساءة ثابتة ولا تحتاج الى أي تعب لإثباتها

خلاص يا جماعة ... قضى الامر وسجن سجن غرامة غرامة

محمد حامد
كلاب الأمن أفتكر جاية من الكلب البوليسي، وهى إستعارة جيدة لوصف أعضاء اجهزة الأمن في الأنظمة الشمولية، والذين يمارسون حماية وحراسة تلك الأنظمة بوفاء وطاعة وشراسة الكلاب البوليسية لدرجة أنهم يمكن أن يعذبو ويسجنوا ويسحلوا كما شاهدنا في كثير من الأنظمة ومن بينها نظام الجبهة في السودان وجهاز أمنه، وأذكر أن حزب البعث في السودان كان يصف ناس الجبهة بعبارة (لاعقي أحذية العسكر) وكلنا نعرف ما هو الحيوان الذي (يلعق).
والمثل المصري بيقول (لو عندك حاجة عند الكلب اوولو يا سيدي).
العرب إستعملت الكلب في المدح للوفاء خصوصاً، وأعطته حقه، وفي القانون الأمريكي لا تعتبر إساءة.

وإذا إرتبطت بممارسات أجهزة الأمن الأمن في الأنظمة الشمولية، فهى كما ذُكِر أعلاه تكون الإساءة للكلب وليس لفرد الأمن الذي يمارس التعذيب والقتل والسحل حراسةً لسلطة أسياده.
الصادق

....................
.........................
...............................
...................................
....................................
....................
.............
...........
.........

الأخوة المتداخلون ، سلام ،

رؤيتى لبناء سودان جديد عقب فجيعتنا فى قرنق يتطلب منا تضافر الجهود من الكل !

ولنبدأ باحترام الحقوق !

ست البنات .

ود جمعه

اسلوب الشتم مدان وليس له اي مبرر
ومن يقول انك تنتمي لجهاز الامن عليه اثبات ذلك
وبعد ان يثبت ذلك ... فليس مبررا له ان يشتم
ويجب ان يطبق ما ارتضينا من لوائح عليه

مع الحق .. ومعك طول ما انت صاحب حق

ولنر!!!!

تحياتي

الأخ الاستاذ محمد حامد

أعلن تضامني معك لمواجهة هذه الحماقة


عبد الله حمد عقيد

Quote: محمد حامد كلاب الأمن أفتكر جاية من الكلب البوليسي، وهى إستعارة جيدة لوصف أعضاء اجهزة الأمن في الأنظمة الشمولية، والذين يمارسون حماية وحراسة تلك الأنظمة بوفاء وطاعة وشراسة الكلاب البوليسية لدرجة أنهم يمكن أن يعذبو ويسجنوا ويسحلوا كما شاهدنا في كثير من الأنظمة ومن بينها نظام الجبهة في السودان وجهاز أمنه، وأذكر أن حزب البعث في السودان كان يصف ناس الجبهة بعبارة (لاعقي أحذية العسكر) وكلنا نعرف ما هو الحيوان الذي (يلعق). والمثل المصري بيقول (لو عندك حاجة عند الكلب اوولو يا سيدي). العرب إستعملت الكلب في المدح للوفاء خصوصاً، وأعطته حقه، وفي القانون الأمريكي لا تعتبر إساءة. وإذا إرتبطت بممارسات أجهزة الأمن الأمن في الأنظمة الشمولية، فهى كما ذُكِر أعلاه تكون الإساءة للكلب وليس لفرد الأمن الذي يمارس التعذيب والقتل والسحل حراسةً لسلطة أسياده. الصادق

انا ما واضح لى جمعة دة زعلان من ياتا فيهم:
كلب و لا بتاع امن و لا كلب امن

غايتو كودى ما قال ليهو يا كلب، اماتعبير كلب امن فاعتقد دة صار مصطلح سياسي معروف لفئة بعينها وليست شتيمة شخصية زى فى الانجليزى تقول watch dogs،وافتكر شرح الصادق الفوق كافى جدا, وفى الانتفاضة الناس كانت بتهتف الموت والدم لكلاب الامن، و ناس الامن العاديين ما زعلوا الزعلوا كلاب الامن بس, فهل جمعة كلب امن و لا ما كلب امن؟

الاخ الكريم محمد جمعة

يا اخى يا ريت لو لقيت ليك طريقة تانية لرد الاساءة
بدل الشكوى لبكرى
لانو حكاية الايقاف والفصل دى مضرة للجميع

الاخ محمد حامد والمتداخلون
شيئ مؤسف ان تكون هناك أساءات من هذا النوع في المنبر ,خاصة بعد صدور اللائحة
من حقنا جميعاً ان نختلف ...ففي الاختلاف سعة ..لكن حكاية الاساءة بأشنع الالفاظ والسباب دي
لابد ان تكون لها نهاية
ونهاية غليظة كمان
هناك بعض الاعضاء لا يمر لهم بوست الا وقد طرزوه بالشتيمة و(القسوة) في الردود وهي في اعتقادي صفة غير حميدة وأظن البعض يمتلك قائمة لهولاء (القساة) الذين بتنا نتجنب التداخل معهم أو التعليق على ما يكتبون - خاصة إذا كان لك رأي مخالف
وهذا سبب وجيه من اسباب ضعف الطرح الذي بات يلازم كثيراً من الموضوعات ..مما يعني - تالياً- ضعف البورد وفقدان الكثيرين الثقة فيه , في ان يتبلور (رأي عام) ناضج حول قضية ما
...
أخوتي
ما يجمعنا في هذا المنبر
هو حب السودان الوطن الواحد ..وهو حق مشاع للجميع
بالقدر الذي يطيقه كل منا ويعبر عنه بما أؤتي له من خطاب
لا حجر .. لا أختلاف على حق حرية التعبير وإبداء الرأي واتخاذ المواقف ..
لكن لتكون وفق الذوق أو اللائحة - إن لم نقدر على كبح جماح نزواتنا في التحقير بالآخرين
الاخ بكري
القضية لم تعد تطبيق اللائحة أو تفعيلها
بل نحن بحاجة الى مؤتمر عام نعيد فيه طرح البورد نفسه كإطار مؤسسي يجمعنا , والى أية أهداف يقودنا.. أقول هذا وفي ذهني التحولات الكبيرة التي تمر بها بلادنا ..وقد اثبتت التجربة أن لهذا البورد دور حيوي في عملية التنوير علاوة على التواصل الفاعل بين سودانيي الشتات
لكم محبتي
وأرجو ان يكون هذا بمثابة اقتراح

انا زاتى والله من مناصرى حقوق الحيوان
وكنت واقف مع بريجيت باردو لمن وقفت ضد كوريا فى كأس العالم وقالت ديل بضبحوا الكلاب وبصوره مشينه وعملت هيصه كبيره
وانا زاتى عاجبانى قصيدة كلب الست لاحمد فؤاد نجم القالا فى كلب ام كلثوم وقال ليهو هيص هيص بكره يسووا وزاره للكلاب ويسووك وزير وكلنا بنتذكر انو وكيل النيابه طلب من المعضوض ان يعتذر للكلب
وكلنا بنتذكر قصيدة الخنجر لايمن ابو الشعر المشى فيها الخنجر واشتكى الضهر وحكم القاضى على الضهر بانو غلطان
واعتقد انو ناس الامن ايضا بقيفوا مع حقوق الحيوان واحكى لكم كدليل هذه القصه : -
فى شهر يناير 1994 وفى ليله بارده شديدة البروده كأن البرد يتساقط من السماء وكل الجهات والظلام دامس وتأز الريح وتدخل فى العظام اخرجنى ك ...( لكى لا يشتكى على كمان ) الامن من الزنزانه الضيقه من زنازين الامن بودمدنى المقابله لهيئة الكهرباء فى حى مائة واربعة عشر وخرجت للساحه الخارجيه وجاء احدهم يعوى وطلب منى ان اعمل ارنب نط الى مسافه مائة مره ثم بعد ذلك طلب منى ان اعمل ست العرقى ولم اكن اعرف هذا المصطلح الابعد ان خرجت بعد ذلك وطبعا فشلت فى تلبية اوامره وكان هذا مدعاة لمزيد من العواء والعقاب فطلب منى ان اقف على حافة كرسى وكان هذا مستحيل والجنون بعينه وطبعا فشلت وكان طوال هذه الفتره يضرب فينى ومعه آخرين ويعوى ويقول لى انتو جنكم حقوق الانسان وين حقوق الانسان فى فلسطين وين حقوق الانسان فى البوسنه والهرسك وين حقوق الانسان فى الشيشان ولا اعرف ماهى صلتى بكل ذلك هل انا من انتهك حقوقهم ثم عوى بعد ذلك وقال لى سوف اوريك واخذنى الى عمود به كشافه فى طرف الساحه امام المبانى والزنازين وكانت الكشافه قويه وتتجمع حولها حشرات طائره وزاحفه واوقفنى تحت الكشافه وقال لى : - نحـــــــن بهمــــــــنا حــــــــــقوق الحيــــــوان أوعــــــــــك تهبــــــش ليــــــــك بعــــــــــــوضه اذا هبشـــــت ليــــك بعوضه بوديك حجرة الكهرباء وهناك ماحاتصمد كتير --- انتهى كلامه وذهب هناك وتركنى مع حيواناته الحريص على حقوقها وعند قريب الصبح مع الاذان احضرونى للزنزانه وعند دخولى وكنت منهك وحمدت الله قلت ارتاح شويه حتى الصبح لتبدأ بعدها الدوامه مره اخرى ولكن هيهات جاء احد الك... ( لكى لا يشتكونى ) واحضر معه جردل ملىء بالماء ودلقه داخل الزنزانه ولكم ان تتخيلوا فى ذلك البرد كيف تكون الزنزانه وهى مترين فى مترين وحجرتها المبلطه مليئه بالماء لم اجد مفر غير ان استعصم بركن وظللت واقف حتى الصبح ميعاد الفسحه الصباحيه .
الم اقل لكم ان ناس الامن ايضا تهمهم حقوق الحيوان
وبعدين ياجماعه تتذكروا الرائد يونس كان بقول للملك فهد الفهد المروض من الصباح عندما كان يعوى يوميا وكان الناس مسمنه جرقاس الانقاذ
وبعدين تتذكروا مره عمر البشير ذاته قال فىاحتفال حاشد قبل الرقصه حقته انو التجمع مبساوى عنده جناح بعوضه
وبعدين انتو ناسين الحيوانات ساعدت المجاهدين فى الجنوب تتذكروا كيف القرود كانت بتفجر ليهم الالغام ومابتتذكروا رؤيا الجماعه وبالاخص الكوده عن السحاب والقرود وكشف خطط الاعداء


الـــــــــــــــى أيــــــــــن نحــــــــــــــن مســـــــــــــــــــاقون ؟؟؟؟
من يشتـــــــــــــــــــــــــــكى مـــــــــــــــــــــــــــــــــــــــن؟؟؟؟؟

ياجماعة الخير

استهدوا بالله والعنوا الشيطان ,, وباركوها !!

Quote: أرجو أن تتقبل اعتذارى عما بدر فى حقك نيابة عمن يحترمون قول الله تعالى " وخلقنا الأنسان فى أحسن تقويم " فقد كرم الله تعالى الأنسان !

Quote: السيد محمد حامد جمعة و اشجعك على المضى فى هذا الطريق المخجل فعلا ، ان ترى من يبرر لمثل هذا باعذار واهية و سخيفة !

Quote: ولنبدأ باحترام الحقوق !

الأخ الاستاذ محمد حامد

أعلن تضامني معك لمواجهة هذه الحماقة




اخوووك عبدالله بابكر

محمد حامد جمعه


أنت الخير وأنت الأحترام



سباب وشتم و مواضيع سيئة و مخجلة لا تليق أن تقال لانسان ..أعزكم الله ..ارجوا من الاداره ان لا تكون ضلت السيطره علي هذا الوضع.. لا للفصل ولكن مزيدا من احترام النفس والغير .. سياسة الكيل بمكيالين هي السبب الاساسي للتمادي والاندفاع في شتم الاخرين بساقط القول.



أنور أحمد

"لكن كنت عاوز اسال كودى وبقية القوى والاقلام المستنيرة انتو الكلمة فى قاموسكم ... مستحبة ومقبولة يعنى ! "

الســؤال دا كان المفروض يكون فى العنوان، وأنا دخلت هنا ولا علم لى.. ولا تستطيـع أن تلوم من لم يقرأ أو يدلى بدلوه هنا، لأن لكل الحق أن يدخل أى بوست أو لا يدخل.

على أى حال، كلمـة "كلاب الأمن" دى مصطلح الشيوعيين، وهى نبزة تأريخيـة.. وليست إختراع الأخ خالد كودى، والظاهـر انك مقبل على معركـة مع حزب كامل.

كلمـة كلاب الأمن نشـأت أيام لعبـة القط والفأر بين نظام النميـرى والشيوعيين.

الاخ الفاضل محمد حامد جمعة

رغم اختلافي معك في الكثير الا انني أشهد انك رجل محترم عفيف اللسان.
مودتي

والله يا محمد حامد يا اخوي الكلمات الزي دي عند الناس (الفاهمين ) و (المتحضرين ) ديل
كلمات لطيفة ..ووليفة ..

وانتو (ناس الانقاذ ديل ) اصلا لازم تفضوا الساحة للناس (الفاهمين ) ديل عشان يجوا يعلموا المواطنين الذين يتم سحلهم بواسطة نظامكم الدموي - معنى ان يسبوا بعضهم بيا كلب وياكلب ...وكيفية تدريبهم على ذلك.لزوم التحضر واللحاق بدول العالم المتقدم - ومجموعة الثمانية كمان .

الأخ محمد حامد
سلامات
هذه أول مداخلة لى في بوستاتك التى أداوم علي قراءتها قبل حضورى للبورد.

بخصوص الأخ خالد كودى، أذكر ذات مرة أقامت اللجنة التنفيذية للجالية السودانية بمنطقة واشنطن دى سى بأمريكا حفل لأسر الجالية، وقام الأستاذ خالد كودى بعرض عمل تشكيلى، وكان رأئعاً حقاً. وقبل أن أقول ما أردته قوله، أستميح الرجل عذراً إذا تطابق الاسم مع خالد كودى أخر، فأنا لا أعرف الرجل من قرب.
وما أرددته أن أقوله أن السودانيين كانوا تلك الليلة الأسرية مشغولين بالمسائل الأسرية والونسات الجانبية ولم يعيروا العمل التشكيلى للأستاذ خالد كبير أهتمام، والرجل يقدم صور تلو صور ومسيقى رومانسية أو حماسية لا أحد يحرك ساكناً، وأخيراً أستاء الرجل وقال "الشعب السودانى غير مثقف ولا يتذوق الفن" فضحك الجميع من السخرية اللاذعة. والرجل أساء لرفاق دربه في التحالف الوطنى لدرجة كانت الردود عليه عنيفة من جنس الأساءة.
وبهذا ربما يكون الرجل قد فلتت منه تلك الأساءة بصور غير مقصودة،

والمسامح كريم.

ولكم شكرى
بريمة م أدم

repeated

for documentation

Quote: "بخصوص الأخ خالد كودى، أذكر ذات مرة أقامت اللجنة التنفيذية للجالية السودانية بمنطقة واشنطن دى سى بأمريكا حفل لأسر الجالية، وقام الأستاذ خالد كودى بعرض عمل تشكيلى، وكان رأئعاً حقاً. وقبل أن أقول ما أردته قوله، أستميح الرجل عذراً إذا تطابق الاسم مع خالد كودى أخر، فأنا لا أعرف الرجل من قرب. وما أرددته أن أقوله أن السودانيين كانوا تلك الليلة الأسرية مشغولين بالمسائل الأسرية والونسات الجانبية ولم يعيروا العمل التشكيلى للأستاذ خالد كبير أهتمام، والرجل يقدم صور تلو صور ومسيقى رومانسية أو حماسية لا أحد يحرك ساكناً، وأخيراً أستاء الرجل وقال "الشعب السودانى غير مثقف ولا يتذوق الفن" فضحك الجميع من السخرية اللاذعة. والرجل أساء لرفاق دربه في التحالف الوطنى لدرجة كانت الردود عليه عنيفة من جنس الأساءة. وبهذا ربما يكون الرجل قد فلتت منه تلك الأساءة بصور غير مقصودة، والمسامح كريم."

up

ندى،

هنالك محاولات كثيره للتحايل على ماجرى ويجرى فى السودان،

هنالك محاولة الكذب وتشوية تاريخ الشرفاء بكل الطرق ، وماكتبه بريمه ليس الا كذب.

وقد كاتب الاستاذ بكرى بخصوص هذا.

ويمكنك مراجعة هذا البوست للتعرف على نوع آخر من التحايل على الواقع.

نداء عاجل: للأخ بكرى أبوبكر وكل الأخوة البورداب

وهنالك ايضا محاوله "لتطبيع" للعلاقه بين المجرم والضحية.

فمجرمى سنوات الظلم والقهر والتعذيب فى السودان افضل وضع لهم هو ان يكونوا مقبولين بين الناس، وان نتبادل معهم التحايا والمجاملات، وان نخاطبهم بالاخ زيد والاخ عبيد، وفى هذا لامهادنه.

الأستاذ خالد كودى

Quote: هنالك محاولة الكذب وتشوية تاريخ الشرفاء بكل الطرق ، وماكتبه بريمه ليس الا كذب.

الأستاذ خالد، ما أكتبه أنا كذب، ورأيك هو الصواب، هل أقمت المعرض أم لا. هذا هو سؤالى، هل هناك خالد كودى غيرك. وأقول لك علي صدق قولى أن الذى دعانى ودفع تذاكرى وتذاكر أولادى وزوجتى هو رفيق دربك في قوات التحالف الأستاذ الفاضل: عوض سيد جبارة، وهو شاهد عيان علي ما قاله شخصك. لقد ثبت في هذا البورد فتنتك لقوات التحالف السودانية لمأرب شخصية بحته وأساءتك لرفاق دربك، إن ما تعرضه من صور للأموات وما تثيره من غبار علي محمد حامد، لا تريد من وراءه إلا خدمة مأربك الشخصية وإشباع نزواتك المريضة، فأنت أبعد الناس عن القضية ودربها الوعرة فقد أنكشف معدنك ولا يخدع لك إلا غافل.
أعرف أنا ضد فصلك من البورد وليس لى معك أى قضية تربطنا وأنما كلمة حق أنت أنسان مناكف بدون سبب، تخلق من الحبة قبه، ولكن ليس فيها فكى.
وشكراً
بريمة م أدم

خالد كودى

انا مندهش ..... لا ازال اراك تجوس خلال البوستات والغريبة جيت هنا وما اعتذرت .... دى اهلنا بسموها قوة عين وانا بسميها قوة ضهر ... ايامك يا عم

Quote: ان السيد كودى دا زول قرن ورجل من القرتيتن عظيم

وهذا سب واساءة واضحتين.

وقوانين المنبر تقول:

17- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها اذا اشتكى ذلك العضو/ة ..... فصل نهائى.....الا فى حالة تنازل العضو/ة الذى وقع عليه الإساءة


20- لا يجوز لأي عضو إن يسب أو يشتم أو يهدد إي عضو أخر بإلحاق الاذي الجسدي والمعنوي أو يكفره بسبب رأيه أو عقيدته أو انتمائه الفكري أو السياسي . إنذار...سحب عضوية

ولنرى.

الاخ بريمه

سلام

كتبته مداخله غريبه

ادعيت انك تهدف منها للمسامحه و الصفح بين الاطراف

وللاسف لم اجد فيها الا محاوله مدسوسه للاساءه

للاستاذ خالد كودي.

والله يا اخي

الدين الذي تستخدمونه احيانا في كتاباتكم ما قال كده.

لانه من يهدف للصلح لا يستخدم هذا الاسلوب.

خالد كودي كان استمعوا ليه ناس(واشنطن دي سي) وكان ما استمعوا

لستم انتم من تقيمون فنه او عطائه للسودان.

وليس بقائب علينا كم من العملاء هم مدسوسون

في اي نشاط يخص دارفور ويسعون لعدم نجاحه

بمثل السلوكيات التي ذكرتها.

ما ذكرته لا يدين خالد كودي ولكن يدين المستمعين

الذين حكيت عنهم و الذي يدل على عدم الدبلوماسيه و الاتيكت

لماذا ذهبوا من اساسه للمناسبه؟؟؟؟؟؟؟؟؟؟؟؟

واكيد البرامج كان معلن وهم يعرفون انهم ذاهبون لحضور معرض صور

وستكون هنالك خلفيه موسيقيه.

لكن الفهم قسم.

تراجي.

الأستاذة تراجى
لك التحية
أولاً أنا لا أدافع عن خالد كودى، ما أردته أن أقوله أن خالد كودى، إما أن تكن معه أو أنت كذاب أشر، كلب أمن، أو إنسان متبلد غير مثقف، لدرجه إننى وصلت إلى قناعة أن يتركه الجميع أن يقل ما يقول دون حرج عليه لأنه لا يحسن القول. لم أعرف عن الأستاذ خالد كودى إنسان من دارفور إلا بعد مداخلته في بوستى الذى أدعو فيه لحزف صور الأموات، كل ما أعرفه أنه فتنة قوات التحالف، وليس له سجل نضالى غير نضالاته الورقية في الأنترنت ومكابراته الزائفة.
أرجو منكم أبناء دارفور أن تعرفوا عن من تدافعون، هناك إناس لا يستحقون الدفاع فهم خصماً من رصيد نضال دارفور، ويجب أن يسقطوا من الحسابات الجادة.

لك ودى
بريمة

Quote: وقوانين المنبر تقول: 17- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها اذا اشتكى ذلك العضو/ة ..... فصل نهائى.....الا فى حالة تنازل العضو/ة الذى وقع عليه الإساءة 20- لا يجوز لأي عضو إن يسب أو يشتم أو يهدد إي عضو أخر بإلحاق الاذي الجسدي والمعنوي أو يكفره بسبب رأيه أو عقيدته أو انتمائه الفكري أو السياسي . إنذار...سحب عضوية ولنرى.

التطبيق لهذه المواد وغيرها يقع على ايكما؟
لنرى..............

وما الفرق بين الدكان والكونكان......؟؟؟؟؟
امر غريب ...
دائما اكون مندهش.....
الواحد هنا يشتم عديل كده.....
ويقول ليك اختلط عليك الامر ....
او لم يحالفك الصواب في التفسير...
وحاجات تانية.....

مداخلات مولانا خدر والأخ معروف سند
كانت الاكثر دهشه على الاقل لى.....

ممكن يكون قاصد كابول ....

وما من كاتبٍ إلا سيبلى .: ويبقى الدهرَ ماكتبتْ يداهُ
فلا تكتب بكفك غير شيءٍ .: يسرك في القايمةِ أن تراهُ

Quote: كمان جابت ليها دور كلاب أمن.

الكلب حيوان وفي و امين..لاهله
فهل خالد كودي وفي لاهله وامين؟

فانعم يا اخي محمد حامد بصفات الكلاب..

وفاليحزن ناكر اصله الغير متصالح مع نفسه.ز بانه لا يمكن او يوصف بانه كلب.. لانه متنكر لاصله ..
ولا كيف يا كودي..

شوف يا جمعة الصقع صنقور..
طوالي دبج رسالة لبكري... عند الامتحان يكرم الفرد او يهان

Quote: الأستاذة تراجى لك التحية أولاً أنا لا أدافع عن خالد كودى، ما أردته أن أقوله أن خالد كودى، إما أن تكن معه أو أنت كذاب أشر، كلب أمن، أو إنسان متبلد غير مثقف، لدرجه إننى وصلت إلى قناعة أن يتركه الجميع أن يقل ما يقول دون حرج عليه لأنه لا يحسن القول. لم أعرف عن الأستاذ خالد كودى إنسان من دارفور إلا بعد مداخلته في بوستى الذى أدعو فيه لحزف صور الأموات، كل ما أعرفه أنه فتنة قوات التحالف، وليس له سجل نضالى غير نضالاته الورقية في الأنترنت ومكابراته الزائفة. أرجو منكم أبناء دارفور أن تعرفوا عن من تدافعون، هناك إناس لا يستحقون الدفاع فهم خصماً من رصيد نضال دارفور، ويجب أن يسقطوا من الحسابات الجادة. لك ودى بريمة

الأخ بريمة
سلام من هجام
مرحب بيك في البورد أولا...

نزلت للبورد ببرشوت و....
lol

Ok

يا أخي لو ما بتعرف خالد...
تأن قليلا
و أسعى لمعرفة الرجل

His presentation
للجالية السودانية بواشنطون في فندق ال Triple Tree
was one of the best presentation that ever
شهدتها الجالية حتي الأن

We have the Video Tape

His second presentation

في أول
Celebration
لحياة الغائب الحاضر ود سيد أحمد, مصطفى

We have the video tape

His Third Presentation

معرض ضخم...ضخم
في الإكساندرية Alexandria
Virginia
على شرف الغايب
الحاضر الدكتور جون قرنق
رحمة الله عليه.

The Fourth
Presentation
At Arlington
Virginia

The Fifth

was at the Sudanese Studies Association
Conference at George Town Universty
Washington, DC


And more





ABOVE ARE WHAT I KNOW

Mr. Kodi may had other presentations in the area that I was not aware of


THE MAN IS A TRUE SUDANESE


Kostawi

انى اخلص حقى منك بطريقة ديمقراطية ودى معناه يا تعتذر وتاكل على نفسك شوية احراج يا ترفض الاعتذار وتحرج بكرى ... يلا اختار

والله يا سعادتك

ختيت الراجل في حته ضيقه جدا جدا

اها النشوف

يا اعتزار جميل

يا مكابره وفصل

محمد حامد عن أذنك

عباس
ليك مدة ما بنت وانا في إشتياق لي شوفتك يا عبس وين إنت

من ازنك يا محمد حامد يا كمندان تمام يا افندم


ودالعجب الجميل

كيف اخبارك يا مان

مشتاقين لا بترد ايميلات ولا علي المسجات الحاثل عليك شنو

الأستاذ محمد حامد بعد أذنك


قال الاخ ود الزين :

Quote: فى شهر يناير 1994 وفى ليله بارده شديدة البروده كأن البرد يتساقط من السماء وكل الجهات والظلام دامس وتأز الريح وتدخل فى العظام اخرجنى ك ...( لكى لا يشتكى على كمان ) الامن من الزنزانه الضيقه من زنازين الامن بودمدنى المقابله لهيئة الكهرباء فى حى مائة واربعة عشر وخرجت للساحه الخارجيه وجاء احدهم يعوى وطلب منى ان اعمل ارنب نط الى مسافه مائة مره ثم بعد ذلك طلب منى ان اعمل ست العرقى ولم اكن اعرف هذا المصطلح الابعد ان خرجت بعد ذلك وطبعا فشلت فى تلبية اوامره وكان هذا مدعاة لمزيد من العواء والعقاب فطلب منى ان اقف على حافة كرسى وكان هذا مستحيل والجنون بعينه وطبعا فشلت وكان طوال هذه الفتره يضرب فينى ومعه آخرين ويعوى ويقول لى انتو جنكم حقوق الانسان وين حقوق الانسان فى فلسطين وين حقوق الانسان فى البوسنه والهرسك وين حقوق الانسان فى الشيشان ولا اعرف ماهى صلتى بكل ذلك هل انا من انتهك حقوقهم ثم عوى بعد ذلك وقال لى سوف اوريك واخذنى الى عمود به كشافه فى طرف الساحه امام المبانى والزنازين وكانت الكشافه قويه وتتجمع حولها حشرات طائره وزاحفه واوقفنى تحت الكشافه وقال لى : - نحـــــــن بهمــــــــنا حــــــــــقوق الحيــــــوان أوعــــــــــك تهبــــــش ليــــــــك بعــــــــــــوضه اذا هبشـــــت ليــــك بعوضه بوديك حجرة الكهرباء وهناك ماحاتصمد كتير --- انتهى كلامه وذهب هناك وتركنى مع حيواناته الحريص على حقوقها وعند قريب الصبح مع الاذان احضرونى للزنزانه وعند دخولى وكنت منهك وحمدت الله قلت ارتاح شويه حتى الصبح لتبدأ بعدها الدوامه مره اخرى ولكن هيهات جاء احد الك... ( لكى لا يشتكونى ) واحضر معه جردل ملىء بالماء ودلقه داخل الزنزانه ولكم ان تتخيلوا فى ذلك البرد كيف تكون الزنزانه وهى مترين فى مترين وحجرتها المبلطه مليئه بالماء لم اجد مفر غير ان استعصم بركن وظللت واقف حتى الصبح ميعاد الفسحه الصباحيه .

ياخى انا لحدى العام 84 كنت كل يوم بمشى بالشارع ده ما شفت زنازين اصلو

دى عملوها متين بالله ؟؟؟


وبعدين أنت عملت شنو اصلك لامن يعملوا فيك ده كلو ؟؟؟


والاهم من ده كله

الناس العملوا فيك كده ديل بتعرفهم ولا لا


لانه وقت التصفيات قرب


ولك زول لازم ياخد حقو


ولا مش كده ؟؟؟

Quote: الأستاذة تراجى لك التحية أولاً أنا لا أدافع عن خالد كودى، ما أردته أن أقوله أن خالد كودى، إما أن تكن معه أو أنت كذاب أشر، كلب أمن، أو إنسان متبلد غير مثقف، لدرجه إننى وصلت إلى قناعة أن يتركه الجميع أن يقل ما يقول دون حرج عليه لأنه لا يحسن القول.

ماورد على لسانك اعلى هذا البوست كذب واضح وصؤيح،
فصراعى وغيرى مع عناصر الامن لم يبدأ هنا.

ولاتزال تكذب فى حقى إ

لماذا تفعل هذا؟

Quote: لم أعرف عن الأستاذ خالد كودى إنسان من دارفور إلا بعد مداخلته في بوستى الذى أدعو فيه لحزف صور الأموات،

انا ليس من دارفور دما.

ولكن دارفور بلدى، و ليس لك ان تكون من دارفور حتى تتعرف على ان كارثة دارفور تعد أكبر كارثه فى العالم!

فقد تعاطف كل العالم مع دارفور فلماذا ترفض ان يتضامن السودانيين مع أهلهم فى دارفور؟

ماهى مصلحتك فى هذا؟

ان يتراوح عدد القتلى مابين ثلاثمائه وخمسين الف الى اربعمائة الف فى بلدنا يجعل البعض منا ينتمى الى دارفور"وتقديرالأرقام يتم لان الجثث لاتزال فى المقابر الجماعيه وفى العراء ولم يتم تعدادها بعد" .

وملايين من النازحين لازالوا يعيشون فى العراءإ

لقد كان لى شرف زيارة دارفور اكثر من مره، واعرف اهل دارفور وكرمهم ، فهم اهلى وان كنت ليس من دارفور بالدم. وانا ادعم نضال دارفور، فهم ثوار السودان الجديد.

Quote: كل ما أعرفه أنه فتنة قوات التحالف، وليس له سجل نضالى غير نضالاته الورقية في الأنترنت ومكابراته الزائفة. أرجو منكم أبناء دارفور أن تعرفوا عن من تدافعون، هناك إناس لا يستحقون الدفاع فهم خصماً من رصيد نضال دارفور، ويجب أن يسقطوا من الحسابات الجادة. لك ودى بريمة

من انت لتحرر للناس شهادات النضال؟
ومن انت لتطعن فى سجلات الناس النضاليه، وتطعن فيهافى بوستات محمد حامد جمعه؟


وسلاواصل معك فى هذا البوست:

نداء عاجل: للأخ بكرى أبوبكر وكل الأخوة البورداب

خالد لا تزال دهشتى قائمة

لا تزال دهشتى قائمة !!

العزيزة الما بتسال عن ظروفنا .... الادارة

ترى لو الحالة كانت معكوسة يعنى الشاكى بقى متهم ... كان ... حاسم حاسم

وانت قايل روحك منو يعني عشان الغدارة تسأل فيك ؟!!!
ما عندك حصانة وما صاحبت الناس المفتحين الهنا وكمان داير تتفلهم ؟؟!!
تعرف إنتا غلطت بالشكوى وأغلب الظن إن خالد ما حاينفصل لكن ..

حاتنفصل انتا ياحبة يلا قوم سريع جهز ليك أكاونت في منبر تاني

يا ناذر

كدى الامور بالنهايات رغم انو عندى مستند ووثيقة - خليها ورا وبعدين كرت اتو - انو كودى اتخذ بشانه شى ولكن المسالة تتجاوز كودى وجمعه الى محك اكبر لكامل مصداقية المنبر
المهم
قلت ليك وبما انك زول طرب ومزك ياخ الاغنية الهنا دى اخيرا ...العزيزة الما بتسال عن ظروفنا ما تفكها وتعمل ليها تحميل هنا برضو

الزميل خالد كودى


لا ازال فى انتظار توضيح منك بعد ان ايقنت انك فوق القانون فى هذا المنبر ...

والما عندو ضهر ....

الأخ محمد حامد
لك التحية
أسمح لى أن أقول الأتى، لم أدخل بوستك مدافعاً أو ماهجماُ لأحد، فأنا لا أعرفكم أنت والأستاذ خالد معرفة شخصية، ولم يكن لى معكما حوار، هناك كلمة حق أنا ملزم بقولها، والساكت عن الحق شيطان أخرس، وذاك رأيى في الأستاذ خالد، ومازال سارياً، وكما ذكرت فى بوست الأستاذة ندى أن عقلى مفتوح تجاه الأستاذ خالد، وأكرر أتمنى بكل صدق أن تتغير صورته عندى، وذلك بترك البطولات الورقية الأنترنيتيه والسفسطائية ورمى الأخرين دون جريرة.
رسالتى أخلاقية، ضد التشهير، وضد البطولات الوهمية.
شكراً
بريمة م أدم

محمد جمعة





لكن غايتو دا انزار قوي تاني غايتو زول واحد بقدر يقول ليك حاجة ما فى شايفن اليومين ديل مأدبين كيف

اقول انا
بعرف خالد كودي
وبعرف انه من ارسم من مشي علي ارض التشكيل في بلادي
وآخرين
قاتلنا معا ضد نميري رغم اختلافي مع خالد
وعشنا معا لسنوات دراسة
كان الرجل مثالا للألتزام الفكري
بالاضافة لكونه رسام
محمد حامد جمعة ليس سوي من شخص خرج الينا من هذا المنبر
وان كان الذهاب لأحد فليذهب محمد حامد جمعة
وغير مأسوف عليه
(بالمناسبة يا جمعة انا ما زلت علي دين ابائي الشيوعيين وبكره ناس الامن )
وليبقي خالد
لانه ليس لمحمد حامد جمعة ما يقدمه لهذا المنبر سوي طلب الاعتذار من خالد
ولن يفعل خالد
( عشم الكلب في موية الابريق )
فكيف نشتري الرخيص بالقيم
وهل لجمعة ما يقدمه لهذا المنبر
مثل ما يفعل خالد كودي
داك بتاع نظام وأمن
وخالد تشكيلي شايل اسمنا في بوسطن
وفي الولايات المتحدة كلها
انت شايل اسمنا وين
في بيوت الاشباح!!!!!!
ولا في عرضات الرئيس
ولا وين
نحن طبعا سودانيين
قايلنا جايين من المريخ???????
ناقشين يا فردة
ما تعمل فيها زاري خالد في ركن
انت نحن نقدر نزرك لما تستغرب من الزرة
احسن ليك قفل قزازك وأنسي الموضوع
تاريخك كلوا عندي في دسكيت
ومرسلوا لي فردة برضو
انسي موضوع خالد
وباركها عشانك
لاني ما حأسكت يا مان
أمنك ما شغال معاي

وفوق يا خالد وندي

احسن ليك قفل قزازك وأنسي الموضوع

ABUKHALID

ما بلم القزاز والورق وشنو قصة فلان دا فنان وفنان بتاع بنقز وداك طمبارى ودا ناشط وداك شنو ما بعرفو اى زول تمسكو فى المنبر يقولو ليك زح منو دا ابو العلوم ... شن فايدة العلم بلا ادب وبلا سلوك لفظى جميل ...
وشفت مع خالد الا يقول اسف ... ويعتذر يا ادارة المنبر تورينا عدلها يا سيكون السقوط الكبير وانا ما خسران حاجة وعارف نفسى زول الله و مسكين .... لكن ما بشتم زول وما بتخرج منى كلمة مشينة ضد احد ولو كان الشيطان نفسه

خالد كودي
لا تصالح
علي الدم .. حتي بدم!
لا تصالح ! ولو قيل رأس برأس ،
أ كل الرؤوس سواء؟
أ قلب الغريب كقلب أخيك؟
و هل تتساوى يد ....سيفها كان لك
بيد سيفها أثكلك
سيقولون:
جئناك كي تحقن الدم
جئناك كن – يا أمير – الحكم
سيقولون :
ها نحن أبناء عم
قل لهم لم يراعوا العمومة في من هلك
خالد
لا تأبه لمحمد حامد جمعة
أنا له
أنا له
أنا له
الي أن يرث الله ألارض و ما عليها من رجال أمن
أحتفظ لك بكل المعارض التي توفرت الي
من اعمالك
خصوصا في لندن
وأخيرا
لا تصالح
مثل ما قال أمل دنقل

Quote: وخالد تشكيلي شايل اسمنا في بوسطن وفي الولايات المتحدة كلها

شايلو بالحيل
....شايلو برسم بطلنا القومي (المهدي) الذي أركع أجداد سادتكم الرأسماليين عاريا!
ياهجينا منهم ومن دين آبائك الشيوعيين ومن يدفع أكثر.
شايل إسمنا ولاحسنا!

It's no art it's new slavery!
that what it's!

Subject: Last Warning


Dear Asasi,
Greetings,
This is your last warning


----- Original Message -----
From: "Khalid Kodi"
To: "Bakri Abubakr"
Sent: Friday, August 12, 2005 7:09 AM
Subject: شكوى1


>
>
> الاستاذ بكرى،
>
> فى هذا البوست:
>
> من الارشيف: زووووووووووم فلنفضح اعضاء جهاز الامن
>
> كتب العضو اساسى:
>
> كودي
> ندا
> (رودا قروب)
> سيدي بي سيدو
>
> وقوانين المنبر تقول:
>
> 24-يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)،
> أو بحق أي إنسان آخر.كما يجب على الشخص المعني تصحيح الأخبار بسرعة بمجرد
> العلم بعدم صحتها والاعتذار العلني للأشخاص الذين مسَّـهم نشرها، مع جواز
> توقيع أي جزاء آخر من طرف الإدارة
>
> ارجوا تطبيق قوانين المنبر هنا، فقد ظل هذا العضو يطلق الاتهامات و الاشاعات
> الكاذبه الواحده تلو الاخرى.
>
> وشكرا
>
>
>
>
>
>

خالد كودي

خالد كودي

انا مندهش !

Quote: 20- لا يجوز لأي عضو إن يسب أو يشتم أو يهدد إي عضو أخر بإلحاق الاذي الجسدي والمعنوي أو يكفره بسبب رأيه أو عقيدته أو انتمائه الفكري أو السياسي . إنذار...سحب عضوية

الاخ محمد حامد المرة دي شوت سريع قبل الحيطة ما يصلحوها

كتب العضو ابو خالد

Quote: لا تأبه لمحمد حامد جمعة أنا له أنا له أنا له

انا لا اتهم أحد
فهل منكم من يبرئ جهاز ألأمن
انا جاهز للفصل يا بكري
بس
محمد حامد جمعة والسلطة يعتذروا للسودان
ولأمي بالتحديد
و عثمان محمود
ما عايز أكتر من كده
بخصوص البوست يعتذر محمد حامد جمعة
لخالد
عن فظائع النظام
او يتبري من علاقته بالنظام
ويكتب بوست انه ما عنده علاقة بألامن
وانه مواطن زينا واحد
قابل للأعتقال
وللتعذيب
وقتها أبوس رأسه أين ما كان
وأقول ليهو أنا آسف
محمد حامد جمعة
وبدون حواجز
لأني قلت في حقك كلام فارغ
أبقي واحد من عذابنا
ونحن نبوس رأسك الكبير
يا محمد حامد جمعة
بس ما تساوي رأسك بخالد وأنت متهم
أنفض عنك غبار ألاتهام
وتعال
تلقانا أولاد حلة نقيف مع اهلك في الشارع لو ما رجعت البيت بدري
سلام
يا محمد حامد جمعة

بخصوص البوست يعتذر محمد حامد جمعة
لخالد

يا اخوى ما بتمطو الموضوع وتخرجو عن مسارو

خالد خرق اللائحة وصدم الذوق العام - ودا بالمناسبة ما مسلك فنان - وملزم بالاعتذار يا بكرى يحاسبو يا معناه المنبر دا فيهو خيار وفقوس

Quote: المنبر دا فيهو خيار وفقوس

From: mohmmed hamid
To: [email protected]
Sent: Thursday, August 11, 2005 5:41 AM
Subject: شكوى ضد الزميل خالد كودى


انا اشتكيت ....

ووصلنى رد وتعليق على الشكوى ....

نحن نحميك
بس قول انا ما في الامن
سلام

ABUKHALID

طفيش الكورة دا ما بحلكم .... والقانون واضح ولو عندكم ليهو تخريجات بتعرفوها هنا براكم كلمونا

اسمع ما تتشكي
قول انا ما مع السلطة
وما في الامن
نحن ندافع عنك
بس تكون في الامن
ما اقدر اضمن كم من الناس عذبتهم
وأدافع عنك كيف؟
ما تتخذ لايحة بكري حجاب
يا محمد جامد
خليك راجل
وقول انك كنت في الامن ولا لا

اسمع ما تتشكي
قول انا ما مع السلطة
وما في الامن
نحن ندافع عنك
بس تكون في الامن
ما اقدر اضمن كم من الناس عذبتهم
وأدافع عنك كيف؟
ما تتخذ لايحة بكري حجاب

يا زول مالك كدى اقرا البوست دا كويس بعدين تعال نشوف موضوعك شنو

Quote: يا اخوى ما بتمطو الموضوع وتخرجو عن مسارو

محمد حامد...
إنت ما الحيوان الأليف بتاع الأمن داك بس
إنت عندك سفلي ولايوق كمان

حاولت اضع حسن نية لبكري وعدله لكنني أجد صعوبة في ذلك

ويابكري دي سياسة كيل بمكيالين

Quote: Subject: Last Warning Dear Asasi, Greetings, This is your last warning ----- Original Message ----- From: "Khalid Kodi" To: "Bakri Abubakr" Sent: Friday, August 12, 2005 7:09 AM Subject: شكوى1 > > > الاستاذ بكرى، > > فى هذا البوست: > > من الارشيف: زووووووووووم فلنفضح اعضاء جهاز الامن > > كتب العضو اساسى: > > كودي > ندا > (رودا قروب) > سيدي بي سيدو > > وقوانين المنبر تقول: > > 24-يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، > أو بحق أي إنسان آخر.كما يجب على الشخص المعني تصحيح الأخبار بسرعة بمجرد > العلم بعدم صحتها والاعتذار العلني للأشخاص الذين مسَّـهم نشرها، مع جواز > توقيع أي جزاء آخر من طرف الإدارة > > ارجوا تطبيق قوانين المنبر هنا، فقد ظل هذا العضو يطلق الاتهامات و الاشاعات > الكاذبه الواحده تلو الاخرى. > > وشكرا > > > > > > خالد كودي

وهنا يظهر الجاني مظهر الضحيه

ان السيد كودى دا زول قرن ورجل من القرتيتن عظيم


يقول كودي

Quote: وهذا سب واساءة واضحتين. وقوانين المنبر تقول: 17- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها اذا اشتكى ذلك العضو/ة ..... فصل نهائى.....الا فى حالة تنازل العضو/ة الذى وقع عليه الإساءة 20- لا يجوز لأي عضو إن يسب أو يشتم أو يهدد إي عضو أخر بإلحاق الاذي الجسدي والمعنوي أو يكفره بسبب رأيه أو عقيدته أو انتمائه الفكري أو السياسي . إنذار...سحب عضوية ولنرى.

كودي تهجم علي محمد حامد جمعه من غير أسلوب حوار و لا يوجد التزام بآداب الحوار

ويقول

كمان جابت ليها دور كلاب أمن

وهذا اتهام واضح وصريح بعمل محمد حامد جمعه في الامن و قبل التثبت تم نعته باسلوب ساقط

فهل يثبت لنا كودي و الا عليه بهذه الماده

24-يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة.


وبنفس المنطق الذي تم انزار اساسي به

وهذه تنطبق علي كودي

17- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها اذا اشتكى ذلك العضو/ة ..... فصل نهائى.....الا فى حالة تنازل العضو/ة الذى وقع عليه الإساءة


20- لا يجوز لأي عضو إن يسب أو يشتم أو يهدد إي عضو أخر بإلحاق الاذي الجسدي والمعنوي أو يكفره بسبب رأيه أو عقيدته أو انتمائه الفكري أو السياسي . إنذار...سحب عضوية

و الا خيار وفقوس



أنور أحمد

شووووت وخلصنا وياريت يكون ضفاري

Quote: وخالد تشكيلي شايل اسمنا في بوسطن وفي الولايات المتحدة كلها انت شايل اسمنا وين في بيوت الاشباح!!!!!!

قصدك شايل اسمك انت . بوسطن مين ولايات متحدة مين ياعم

شووووت وخلصنا وياريت يكون ضفاري

ود المايقوما


يا زول اصبر انا بحب اجبد

غايتو الزرة حصلت .... اعتذر يا كودى

واصلو (جمعه ) يا اخوانا

ضلامى مطيع وقلمو وديع
ويوم الحارة احدب وشين

خالد كودى اين انت ! .... يا ربى يكونو وقفوك ! ولا الحاصل شنو

كدى خلو لينا القصة النهايتها لسة دى فوق لغاية ما نمشى ونجيكم راجعين

لا اعتذار لك يامحمد حامد جمعه،
والله ياهو الفضل.

الاخ العزيز ربيع،

يانا نحن ايها الرفيق القديم.

فوق
حتى يعتذر كودي

لا اعتذار لك يامحمد حامد جمعه،
والله ياهو الفضل.

عديل كده ابيت يعنى ...

الغريبة شايفك متجول فى المنبر براحتك ... سمحة المقدرة ....

برضو تقول لي الطيارة فيها بـــــــــــــــــــــــوري

غايتو البوست دا ,, فلم هندى بس !!

سأرفع دعوة قانونية
ضد خالد كودي
لانه اساء للكلاب .

الاخ صلاح الامين،
تحية طيبة

Quote: سأرفع دعوة قانونية ضد خالد كودي لانه اساء للكلاب

.

دا الكلام

لا لكلاب الأمن
لا لكلاب الإنقاذ
لا لكلاب الكيزان
و لصحبهم و روائعهم

والله الكلاب اشرف مليون مره من ناس الامن

الكلاب بعضوا بس لكن ناس الامن يا كافي البلاء و حايد المحن

بعضوا ... بكتلوا ... بسرقوا .... بكذبوا

وبعد ده عينهم قويه .... تستاهل ليها مخرز


وحقيقي الاختشوا ماتوا

غايتو يا كمندان

قلنا نساعد بالرفع فوق بس

جنس لياقه التقول ملاح ويكه بس

سعادتو
تحياتي لك.. وحقيقة لا ظلاميين ولا تقدميين يقبلون مثل هذا النعت.. وعفواً سعادتك ان تجاوز البعض حدود الأدب واللباقة
(خليك انت الكبير)

nashaat elemam

المدعو خالد كودى نعتنى بالكلب .... وحاول وبعض رفاقه التذاكى على وضوح كلامه وطالبته انا بالاعتذار حتى اكف احراجا سيطال البعض فى هذا المنبر ممن احتكروا وحدهم اطلاق النعوت وطلبات انزال العقوبات على فلان وعلان - وهذا حدث لاسماء واقلام كثيرة فصلت او اوقفت - ولكن خالد كودى مضى فى عناده فكان ان خاطبت المهندس بكرى ابوبكر شاكيا وتفضل الرجل مشكورا بارسال رد فهمت منه ان هناك قرار قد اتخذ بشان كودى ولكن ان الزميل المدعى عليه لا يزال ماضيا - بل وجاء اخرون - ..والله الامر من قبل ومن بعد ولكننى لن اصمت

محمد حامد جمعه

لماذا كل هذه الدهشة ؟؟؟؟؟؟؟؟؟؟
المسالة بسيطة جدا
هل لك علاقة بالامن
اذا كانت لديك علاقة بالامن فانت كلب
واعتقد ان مصطلح (كلب الامن ) مصطلح مشهور جدا
فخليك مع شكوتك لبكرى وبطل الدهشة
او ممكن تشوف ليك شغله تانى مثلا ..خيبة الله عليكم !

او البد ليهو زى اخوك نازر واديهو وحده اتوبيلية .. اسف اقصد اتو .... اى حاجة ما فرقت

الريح كودى

كودى

الأخ محمد حامد

قرأنا لك الكثير من التحليلات الصحفية المتميزة لمختلف الأحداث
ولا زلنا نتطلع إلى المزيد.. بغض النظر عن الاختلاف والاتفاق.

فأرجو شاكرا أن تتكرم بالانصراف إليها، وتدع هذا الأمر. مع تقديرنا
لحقك في التصدي لمن يعتدي عليك.
ولك الشكر

تلخيص سريع لهذا البوست ...........

Quote: (بالمناسبة يا جمعة انا ما زلت علي دين ابائي الشيوعيين وبكره ناس الامن ) وليبقي خالد لانه ليس لمحمد حامد جمعة ما يقدمه لهذا المنبر سوي طلب الاعتذار من خالد ولن يفعل خالد ( عشم الكلب في موية الابريق ) فكيف نشتري الرخيص بالقيم وهل لجمعة ما يقدمه لهذا المنبر مثل ما يفعل خالد كودي

...+

Quote: ما تتخذ لايحة بكري حجاب يا محمد جامد خليك راجل انت شايل اسمنا وين في بيوت الاشباح!!!!!! ولا في عرضات الرئيس ولا وين نحن طبعا سودانيين

....+

Quote: ما تعمل فيها زاري خالد في ركن انت نحن نقدر نزرك لما تستغرب من الزرة احسن ليك قفل قزازك وأنسي الموضوع تاريخك كلوا عندي في دسكيت ومرسلوا لي فردة برضو انسي موضوع خالد وباركها عشانك لاني ما حأسكت يا مان

...+

Quote: خالد لا تأبه لمحمد حامد جمعة أنا له أنا له أنا له

...+

Quote: لا لكلاب الأمن لا لكلاب الإنقاذ لا لكلاب الكيزان و لصحبهم و روائعهم

...+

Quote: والله الكلاب اشرف مليون مره من ناس الامن الكلاب بعضوا بس لكن ناس الامن يا كافي البلاء و حايد المحن بعضوا ... بكتلوا ... بسرقوا .... بكذبوا وبعد ده عينهم قويه .... تستاهل ليها مخرز وحقيقي الاختشوا ماتوا

,,,+

Quote: محمد حامد جمعه لماذا كل هذه الدهشة ؟؟؟؟؟؟؟؟؟؟ المسالة بسيطة جدا هل لك علاقة بالامن اذا كانت لديك علاقة بالامن فانت كلب واعتقد ان مصطلح (كلب الامن ) مصطلح مشهور جدا فخليك مع شكوتك لبكرى وبطل الدهشة

...+
بدون تعليق

تصحيح بسيط يا أخوانا .....

Quote: او البد ليهو زى اخوك نازر واديهو وحده اتوبيلية .. اسف اقصد اتو .... اى حاجة ما فرقت

الحاجة الاولى انا ما لبدا لي زول .. الزول هو الجاني محل ما انا لابد ...
الحاجة التانية أنا إسمي ناذر بال (ذا) تمساح وليس نازر بال (زا) بلح ..

وذلك إشعارا منا لمن يهمهم الامر ......

ودمتم ذخرا للبورد وللجالية السودانية ببوسطن وما جاورها ...

ولا يهمك يا ما نازر .. انت ناذز (كده صح) ؟
وقولك فى محلو هو جاك براهو انت ابدا ما مشيت عليهو
لكن اذا الراجل بحب الشعر نعمل ليهو شنو ؟؟
ولسوء حظه وقع فى كارثتين دخول بوست ليك وقرايت شعرك .. ويا لها من كوارث
لكن اسمع منى انا ... خالد اخوى لا ليهو فى الشعر ولا الغناء زول ساكت بس عندو شخبتات بسويها وقال عليها فن ... لكن يا ناذر (كده صح) انت فنان وشاعر مافى اى كلام ... ولاتقول لى وردى ولا عاطف خيرى
واصل فى شعرك وفنك .. والفنان مصاب
وما ظنيتك تزعل منى وتدينى من الاوتو....

الريح كودى

Quote: شخبتات بسويها وقال عليها فن

شخيتات مستوره?

كان بي سترتن وبعيد من الإرتزاق بماضي المهدى والسودان كان قلنا إنسان وفن راقي...أما أن يرسم المهدي عاريا ويقولو لينا الفن بتطور! فهذا ليس سوى افلاس وتبعيه ذليله... للساده عمده بوسطن وضواحيها إعتذاراتنا!

Quote: كان بي سترتن وبعيد من الإرتزاق بماضي المهدى والسودان كان قلنا إنسان وفن راقي...أما أن يرسم المهدي عاريا ويقولو لينا الفن بتطور! فهذا ليس سوى افلاس وتبعيه ذليله... للساده عمده بوسطن وضواحيها إعتذاراتنا!

Quote: غايتو البوست دا ,, فلم هندى بس !!

لا لا لا

ده مسلسل مكسيسكي مدبلج

في الوقت الذي يتحدث فيه دافنشي عن القيم الإنسانية وهكذا عبارات مثل .

Quote: عندما يكون السلوك العنصرى تجاه اشخاص لايهم كثيرا، ولكن عندما يتم تجاه مجموعات بعينها وبشكا منتظم لابد من محاربته.

نجده وفي أماكن أخرى كثيرة كهذا البوست لا يقيم وزنا لمن يخاطبهم ويتعرض لهم بالإهانات كعبارة (كلب) !! مع أنه في الكوت أعلاه يقول (ولكن عندما يتم تجاه مجموعات بعينها وبشكا منتظم لابد من محاربته.) فهو وبعد ثبوت متاجرته بقضايا معاناة أهلنا في دارفور بالصور التي تلتقط من قلب المعاناة .. يريد أن يحدثنا عن القيم الإنسانية والعنصرية تجاه المجموعات ..

صنفرة :

ترى هل وصف الناس بالكلاب جهارا نهارا مهما كان إنتماءهم هو نوع من القيم الإنسانية التي يتحدث عنها دافنشي المنبر !!

في الوقت الذي يتحدث فيه دافنشي عن القيم الإنسانية وهكذا عبارات مثل .

Quote: عندما يكون السلوك العنصرى تجاه اشخاص لايهم كثيرا، ولكن عندما يتم تجاه مجموعات بعينها وبشكا منتظم لابد من محاربته.

نجده وفي أماكن أخرى كثيرة كهذا البوست لا يقيم وزنا لمن يخاطبهم ويتعرض لهم بالإهانات كعبارة (كلب) !! مع أنه في الكوت أعلاه يقول (ولكن عندما يتم تجاه مجموعات بعينها وبشكا منتظم لابد من محاربته.) فهو وبعد ثبوت متاجرته بقضايا معاناة أهلنا في دارفور بالصور التي تلتقط من قلب المعاناة .. يريد أن يحدثنا عن القيم الإنسانية والعنصرية تجاه المجموعات ..

صنفرة :

ترى هل وصف الناس بالكلاب جهارا نهارا مهما كان إنتماءهم هو نوع من القيم الإنسانية التي يتحدث عنها دافنشي المنبر !!

انا غايتو دوامى انتهى بقول ليك العفو والعافية وان شاء الله ارجع والاقيك حى