كفارة ليكم انتو سورى لى انا !

سبحان الله ... والحمد الله .... يا جماعة اكتر كلمة فى ناس كدا قادين بيها المنبر دا العدل والحقوق والحرية والديمقراطية .. و... اوووووووووك كرروك ... اليشوف نقة الناس هنا ديل خلاص ديل بس هم اهل النزاهة والشرافة والشرف ... لمن تكون ليهم ... ما يخلو ليك صفحة ترقد عليها ... الاستنارة والانارة بس عندهم والوطنية وكل قيم الحق والخير والجمال ... باقى الناس (تور الله فى برسيمو ) ضلاميين وقتلة ولصوص وشموليين . والناس دى لمن يلقو فرقة فى زول ما عاجبهم طوالى جرى يشتكوا ويضغطوا (تحت تحت ) لغاية ما يظللوا اسمو بالسواد اها وغلطهم ما غلط وعيبهم ما عيب ... من حقهم يشتمو اى زول يشتموك فى دينك واعتقادك ويشتموك فى قناعاتك ويشتموك جهرة ونهارا ...
يالفو فيك القصص والحكاوى وانا مثال جا زول فى المنبر دا - الزميل عبد العزيز - قال الزول دا (عميد فى الامن ) يعنى خشيت جهاز امن الدولة بتاع نميرى على اقل تقدير ودا معناه انى شيوعى قديم ومعتق لانو الجهاز دا اسسوه مطلع السبعينيات - تاريخ ميلادى - ناس الحزب الشيوعى وما كان بخشو عبر وزارة الداخلية الا شيوعى ملتزم ومدعوم كمان من زول كبير ورفيق عندو اسم ... وطوالى شالو القصة ومرقو بيها نشجب وندين ونستنكر ويا بكرى بالغت ويا ناس المنبر وعماله اتحدوا ... سكتنا قلنا معليش .. العتب على النظر والعتب على الفهم ... ناس عايزة ليها موضوع وجنازة ومخلوق يشبعو فيه لطم .... رجالة اخر زمن ... بعد ما تمرق فى ام طرقا عراض نقعد تشتم وتعمل فيها (ابو الرجال ) رغم انو كان ممكن تقعد وتكاتل متل الرجال وان مت فانت شهيد مبدئك وان حييت تعيش راسك مرفوعة وعين ما مكسورة .. وكان ممكن اقيف واحكها مع (عبد العزيز) ليه طلع اشاعة فطيرة زى دى لكن سرعان ما اكتشفت غالب عضوية المنبر انها اشاعة اى كلام و(طابور ) وكان مفروض لو اصلا فى استنارة فى المنبر دا انو القال الكلام دا يثبتو باثباتات او يتحاسب عليهو عشان ما بكره برضو تطلع فى راس زول حاجة جديدة ضد زميل تانى او زميلة ودى دايما بتكون حاجات شينة وتبقى كورة تنس ارسال ورد وتجوط المسالة ...
وسكتنا وقلنا (كفارة ليكم انتو وسورى لى انا ) وبرضو الناس تطقع ونحن ساكتين .. جاء (مولانا ) كدا قال محمد حامد ما عارف مشى ام دكة الجعليين و(تابع جثمان الراحل الخاتم عدلان ) والعفيف الباقر شاهد قلنا ليهو كيف شاهد قال شافك وهو زول ثقة ومناضل جهبذ وزول علم واستاذ كبير وشفيف وحريف وعندو اسم عشان كدا بنصدقو لانك ولا حاجة وزول ما عندك وزن ... شفتو معيار الشهادة الغريب دا .. برضو سكتنا قلنا ماشى يا زول ... تعال على نفسك ولم الموضوع ومافى داعى تحكها مع الزول (العفيف ) وتحرجو وانت قدر عيالو .. وسكتنا ... وكل يوم شتمة وكل يوم لعنة وفى بوست تعريض ومرة كلام عديل ومرة يرمو ليك فى نص الحروف ومرة يضربو ليك التلفون ومرة ما عارف يعملو شنو ... تجيب موضوع تكتب فيهو افادة من زول يقولو ليك حرامى سراق رغم الزول البيطالبنا بالاعتذار دا (الزميل كوستاوى ) هو زاتو شايل موس لباقى الناس ومفروض انو يشوف نفسو لانو جا فى بوست صور من الخرطوم الجديدة فى ايحاء الى ان الصورة صور لمجازر فى دارفور رغم ان الحقيقة ان الصورة كانت من الرابط التالى http://news.bbc.co.uk/2/hi/middle_east/2535145.stm فى موضوع يتعلق بالعراق ....
ولم يتعذر الزميل كوستاوى .... لم يتعذر ... لم يتعذر ... ولم يبرر ... ولم يصحح ... ثم بعد دا كلو يمرق على الناس ... فلان لازم يتعذر ... سبحان الله !
اها وجا الزميل خالد كودى ... ما بعرف الزول دا وما سمعت بيهو الا هنا فى المنبر دا وقالو رسام ولا شاعر ما عارف المهم زول (فنان ) وديل مفروض يكونو ناس وجدانياتهم نضيفة ولفظهم جميل فى كل الظروف مش لفظ بتاع شتائم وكان الفنانين كدا طيب ناس سوق الله اكبر يقولو شنو .. اها كودى دا جا وشتمنا وقال (كلاب ) بالجد الزول زعل .. وقلت اخد حقى بالقانون ووفق طرائق الاستنارة وقلت ليهو يا كودى قول بسم الله وبسم الروح القدس واعتذر قال ابيت ... ثم ابيت ... وياهو الفضل ... او كما قال .. قلت خير وكل امر المسلم خير ... مشيت كتبت شكوى للادارة ... وجانى الرد قالو كودى غلطان وwrong وتقرر عليهو كيت وكيت ...
يا جماعة هسة فى البوست دا وبما انى مشتكى عاوز اعرف كودى اتعاقب ولا طلع برئ وغلطان المرحوم الهو انا... طبعا ممكن افهم انو يطلع برئ ... يمكن الفنان لمن يقول لى زول كلب ما بكون قاصد يشتم بيكون قاصد يشكر وعشان كدا لو فنان - اى فنان - رسم زول عريان نللى وملط ما بيكون قاصد حاجة شينة بيكون قاصد فهم تانى الناس الطير الزينا ما بفهموه ... كان ممكن افهم كدا لكن لمن يجينى اشعار انو خالد كودى غلط عليك ... ومن الادارة ... يبقى يا تتم معاقبة كودى دا ...يا المنبر دا كلنا قاعدين فيهو زكاة وحسنة وتصنيفنا فيهو (بدون ) ما من حقهم يكسبو قضية او يسجلو موقف وانو بالجد فيهو ناس (سيوبر ) فوق القانون عليك بس تكتب البيعجبهم ... والبيعجب ناسهم ... يا تقعد (مغفل نافع ) وتقطع فى نفسك وجلدك ... وتقبل انك تكون .... كلب .... هو هو هو ..........

هوهوهوهو هوهو

انا قاصد اقولك سلام ياسعاتو

نيو نيو نيو نيو

انا قاصد اقولك ...الحنك عندك

كرووم كروووم كروووووووم

دا صوت الحمام لو دا حصل انت مظلوم
ولقدام

الأخ محمد حامد ( سيد التور)
تحية طيبة ،،
إنت حكاية العميد دي ( حرقتك يادوووووووووب ) ؟؟؟

ماذا إستجد في الأمر لكي تنتفض ثـائرًاً ؟؟؟ !!!

و لا عميد دي بقت رتبة( ما قد المقام) ؟؟ ياراجل الشغلة طلعت لاعميدها نافع , و لا لواءها فيه خير و أحداث الخرطوم الأخيرة أبانت المستتر و كشفت العورة وبلدنا لافيها أمن و لا أمان ، و الجماعة (أبان دقون) طلعوا فشنك و بتاعين إستعراض شطارتهم على الغلابة و المعارضين و ستات الكسره يعني البلد (غفيرها نايم) ....

Shalabi

سلامات يا راجل

وين الحى بيك عساك طيب

قصة العميد جبتها كمثل ... واتمنى ان تتعامل بجدية مع الظلم الذى اشعر به يا شلبى

مـــكــرر

Quote: -علي جميع الاعضاء الالتزام بادب الحوار والاختلاف واحترام الراي الاخر ، ولا يجوز لاي عضو ان يسب او يشتم اي عضو اخر او يكفره بسبب رايه او معتقده..... إنذار ...سحب عضوية

الاخ محمد حامد التحية لكم
خلاس زولك دا معناتا على الاقل اخذ ليهو انزار ما دام غلط

وما اظن انو عندو انزار سابق

محمد حامد جمعة
التحايا
سؤالي بسيط جدا
انت في الأمن ولا لا
أجب بلا او نعم
وبعدين الأمن مهنة
يعني انا مهندس
لو زول سألني بقول ليهو أنا مهندس
فأنت شغال في الأمن ولا لا؟
بهذه البساطة

الاخ محمد او سعادتو
كلامك كلو في محلو وعديل زي الخيت
والجايات اكتر من الرايحات
انا ماقلت ليك طول بالك

محمد حامد جمعة
هو الظلم العام إنت ما كنت بتصوروا لينا وكأنه عدالة ؟ ألم تكن جزءا منه ، تبشر باستمراريته وتبادر بدعمه ؟ اعتذر لنا وللمتضررين من هذا الظلم ، وأنت البادئ بالظلم ،،،
ضربني بكى ، وسبقنى اشتكى ...

هل نعتك يوما يا ود قاسم بلفظ شائن هل ترضى ان اقول لك مثلا كلاب المعارضة !

يا رجل تم نعتنا بالكفر ، واتهامنا بالخيانة الوطنية ، وقتل بعضنا ، وعذّب بعضنا ، وكل هذا صادر من نظام أنت ممن كان يلمعه ويدعمه ويصفق له ،،،
لعلك تجلس قليلا مع نفسك ، وتسرتجع بعض الشكوى التي جأر بها أبناء وطنك ، كم منهم تشردوا ، كم منهم رفعوا السلاح ، كم منهم فصل عن عمله ، كم منهم قتله الجوع أو المرض أو الإهمال ،،، من كان وراء هذا ، ومن كان يصفق لهذا ويكبر بأعلى صوته ،،، ألم تكن جزءا من هذا ؟؟ ليتك فقط نعتني بلفظ مسيئ لكان هذا أهون ...

انا لم اكفر احد ولم اقتل احد ولم افعل شيئا مما تقول ولست ملزما من احد بان اشتم لمجرد ان البعض ان قد فعل ذلك لك او لغيرك ولا يزال السؤال قائما
ود قاسم هل تقبل على نفسك - فى المنبر - وفى الخطاب بيننا هنا رغم اختلافنا ان انعتك بان كلب المعارضة او اى نعت اخر دعك من انتم ونحن ..
انت راس كدا هل اناديك منذ الان كلب مولانا مثلا

قوووووووووون تاني لمحمد حامد

محمد حامد جمعة
أنت جزء من النظام الذي فعل كل هذه الأفاعيل ،،، لا تتهرب ،،،
وإذا وصفتني بأي صفة فأن الأمر لن يفاجئني وسأعتبره استمرارا في الظلم ،،،

ود قاسم حقيقى انا اخجل لبؤس تبريراتك
يا زول مفروض تكون واضح وما تقعد تخلق تبرير لغلط لان الزول الغلطان - او الغلطانيين فى البوست دا - تلتزم لهم بشى من ود السياسة ومصالحها
وسيبك من نظامكم ونظامك لانو لو الناس بتحاسب بالطريقة دى فى ناس فى المنبر دا احزابهم عملت بلاوى وهسة هم عاملين فيها حكماء وعقلاء البلد

كلامى واضح لو انا قلت ليك يا كلب هل تعتبر هذا لفظ مقبول ... وهل لو بموجب قولى هذا تقدم احد ضدى بشكوى سافصل ام سيكون الوضع عائما هكذا ...

محمد حامد جمعة
انعتني بما شئت ولن تخرج نعوتك أبدا عن ما أتوقعه من أي شخص انتمى للإنقاذ ...
لكن القاعدة تقول كما تدين تدان ...

كما تدين تدان ...

بس جبت المفيد ...

الأخ المحترم ود قاسم
هدئ أعصابك

لم ينعتك أي أحد بأي شيء
وردك فيه دلالة ضمنية على بشاعة هذا (النعت)
وهذا كل ما يريد الأخ محمد أن يصل إليه
لا انتماؤك الحزبي ولا آراؤك تمنح أي أحد الحق في شتمك
وكذلك الأمر بالنسبة لمحمد حامد
بالنسبة لموضوع التكفير والتعذيب والقتل
ليس لمحمد حامد شأن بهذا
فاذهب وابحث عمن كفّر وعذب وقتل بغير ذنب

ولا تجعل رغبتك في الانتقام تعميك
تحياتي

أيمن جبارة الله الخضر
هل انت متأكد أن محمد حامد جمعة لم يصفق ولم يشجع ولم يدعم هذا النظام الذي فعل كل الذي يشتكي منه الآخر طيلة ستة عشر عاما ؟

Quote: أيمن جبارة الله الخضر هل انت متأكد أن محمد حامد جمعة لم يصفق ولم يشجع ولم يدعم هذا النظام الذي فعل كل الذي يشتكي منه الآخر طيلة ستة عشر عاما ؟

كلنا يجب أن نصفق لمن يحسن العمل
وننتقد ونهاجم من يسيء العمل

لم أر من محمد حامد على هذا البورد أي كلمة قال من خلالها أنه APPROVED التعذيب والقتل
لم يقل كلمة كذباً
ولم يتاجر بالوطن
ولم يقذف أعراض الناس
ولم يشتم أحداً يوماً

وفي كل هذا فهو أحد القلائل من هذا النوع في البورد
معظم من في البورد حدث أن فقدوا أعصابهم وسط النقاش
وصاروا يستخدمون أساليب أخرى للحوار
كالشتم والتعريض والكذب وإلقاء التهم
بل واختراع الرتب العسكرية

إلا محمد حامد جمعه

إذاً فليصفق كما يشاء ما دام يحفظ احترامه واحترام غيره من أعضاء البورد

ليس كذلك الذي يلقي النعوت والشتائم حيثما يكون
ولا زال اسمه مرتبطاً بواحدة من أكبر فضائح البورد
التي أطاحت بعضوية بعض من أكبر أعضائه (ومؤسسيه)
إن كنت تذكر

هجومك هذا على محمد حامد قد يفسر بأنه رضى وقبول منك عن الشتيمة التي تلقاها
وأنا أعشم في أن هذا ليس حقيقياً
فأرجو أن تستنكر اسلوب الشتم وإطلاع النعوت من خالد كودي
قبل أن تواصل الحوار مع محمد حامد جمعه

تحياتي
ومحبتي

يا أيمن أنا لم أصف محمد بأي صفة غير لائقة ، لكني أذكّره أنه كمشارك في نظام تضرر منه غالبية الشعب السوداني ، وتضرر منه أناس يكتبون هنا ، أن يتحمل مسئوليته تجاه مشاركته هذه وبما أن هناك متضررين فمن واجب المشاركين - مهما كان نوع وحجم مشاركتهم - أن يعتذروا عما بدر منهم ،،، وإلا أن الناس من حقهم أن يردوا على البادي كما يشاؤون ، وإنك لن تستطيع ضبط رد فعل المظلوم ،،،
وأنت سبق وقلت أن محمد قد حصل منّي على ما يريد، وسبق وقلت أنه أحرز هدفا ثانيا ، بالرغم من أنك لم تعلن عن الهدف الأول ،،، وكنت قد سكتُّ عن محمد وحواره كحالتي معه من يوم انضمامه للمنبر ، في كل مرة أجد أنه لا جودى من الحوار معه ،،، لكنك أنت الذي تصر على تمديد الحوار ، وتجرني غصبا عني إلى الجلوس كقاض للمحكمة ،،، أنا شاهد فقط ، وما أشهد به أن محمد حامد جمعة رغما كل صفة حميدة اتصف بها هنا بيننا في هذا المنبر إلا أنه ظل جزءا من نظام تضرر منه الكثيرون ، ولذا عليه أم يتحمل جزءا من مسئولية هذا الضرر ،،، وإن شاء أن يعتذر للناس في شجاعة فستحسب هذه مكرمة له ، وإلا فليتحمل ردة فعل المظلومين ،،،

Quote: بالنسبة لموضوع التكفير والتعذيب والقتل ليس لمحمد حامد شأن بهذا فاذهب وابحث عمن كفّر وعذب وقتل بغير ذنب

الاخ ايمن جبارة الله

هل يمكنني اعتبار اجابتكـ اعلاه
اعترافاً بامنجية جمعه !!
اي انكـ شاهداً علي تورطة في جهاز الامن فقط
وليس في التعذيب !!

Quote: Quote: بالنسبة لموضوع التكفير والتعذيب والقتل ليس لمحمد حامد شأن بهذا فاذهب وابحث عمن كفّر وعذب وقتل بغير ذنب الاخ ايمن جبارة الله هل يمكنني اعتبار اجابتكـ اعلاه اعترافاً بامنجية جمعه !! اي انكـ شاهداً علي تورطة في جهاز الامن فقط وليس في التعذيب !!

الأخ خدر
بل هو اعتراف بانتمائه لنفس الحزب الذي صنع النظام الذي ينتمي إليه هؤلاء
ولا داعي لتحوير المعاني
تحياتي

سبحان الله..... الاخ ده من اى كوكب؟؟؟؟؟

الأخ محمد حامد ،،
تحياتي ،،
إنقضت الأيام الحلوة بأرض الوطن و مرت مر السحاب بلا ريث ،لاعـودأدراجي الى دوامة الغربة و حلقتها المفرغة .

عـزيزي .. قناعتى أن إختلاف الرأي لايفسد للود قضية و أن الديمقراطية تسع الجميع وذلك ما ظللت أنتهجه طوال حياتي ، وقد تناولت في غيرما مكان موضوع العميد و ما ردده البعض منذ أن وطأ قلمك هذا المنبر عن إنتماء محمد جمعة و مطالبة البعض بفصل عميد الأمن و غير ذلك في أن لكل منا حرية الإعتقاد و الإنتماء الفكري و السياسي ، و منبر الحوار هو ساحة للتفاكر و التدارس والجدال الفكري .
ينبغي أن لا يصرف المنبر عن جادته و بلوغ أهدافه و ليقارع من أراد الحجة بمثلها و لتتاح السانحة للجميع لابداء الرأى و الإدلاء بالدلو دونما إقصاء لفكر أو حجر على رأي و إن إختلفنا معه ..
عـزيزي ... أختلف معك في الكثير الكثير و لدي من التحفظات و المآخذعلى كثير مما تكتب و أري فى بعضه ( مآرب أخرى ) .. إلا أن ذلك لايعني أن أنصب نفسي حكما عليك و أن أغض الطرف عن بعض الصفات التى تميز قلمك و الذى شهدت له في بوست سابق بأنه مهذب لايجنح الى التجريح و يسمو عن السب و سقط القول و تلك محمدة تحسب لك ..
عزيزي ....
وسمك البعض بالعميد أمن و الآخر بغير ذلك من المسميات و لا أرى في صمتك عن النفي سوى إقرار و إرتضاء بما وصفت فلا تلومن الناس على معاملتك كعميد أمن أو مناداتك بذلك إذا ما تركتهم على إعتقادهم و أذنت لهم بتكوين فكرة و من ثمة قناعة عنك و أنت أدرى الناس بما فعله الأمن و منسوبية بالمناضلين من أبناء شعبنا ، و لا أظن أن علاقة SMC بجهاز الأمن و المؤتمر الوطني بخافية على أحد فكيف لك ان تفسر عملك (مدير النشر الإلكتروني) بٍSMC دون أن يتطرق شك للجميع حول محمد حامد جمعة ....
أعـود و أقول أن حريةالإنتماء حق مكفول للجميع و أن الديمقراطية تعنى أن نتقبل الجميع و تقتضي إحترام الآخر ....
عـزيزي ...
إذا ماكنت تبحث عن الحل فهو بيدك .... مـزيد من الصراحة ... كثير من الشجاعـة في توضيح الحقائق ... حينها سيحترمك الآخـر و إن إختلف معك ....

و لي عـودة ...

إنقضت الأيام الحلوة بأرض الوطن و مرت مر السحاب بلا ريث ،لاعـودأدراجي الى دوامة الغربة و حلقتها المفرغة .

ربنا يصبرك ويحفظ حتى تعود سالم غانم

Quote: إنقضت الأيام الحلوة بأرض الوطن و مرت مر السحاب بلا ريث ،لاعـودأدراجي الى دوامة الغربة و حلقتها المفرغة .

ك.ل.ب....تعالى شوف صناديد الغربة لسع اسود ...ضارب لى العسل..وناسى لى ايام الملح
صاحبك مصطفى نقلوه بريدة...
حاولت اكلمك على جوالك المقفول دائما..عموما عبرنا بجلسة ليلية.لما تجى مارى الرياض.مش وقفة على الشارع

الاخ/ ودقاسم

لاأعرف محمد حامد جمعة شخصيا ولم ألتقيه في حياتي ولاول مرة أتداخل معه في بوست ولكن علمت من خلال كتاباته التي أحرص لللاطلاع عليها بأن له سعة صدر عالية وقدرة فائقة لامتصاص الغضب الناتج من قسوة الاخرين معه 0 ولكن هذه المرة زعل بالجد وهو محق في ذلك 0
الله سبحانه وتعالي كرم الانسان وفضله علي كثير ممن خلق تفضيلا 0 فنعته (بالكلب) ان كانت (مقصودة) اساءة للمنبر ولقرائه قبل غيره 0
أري في قلمك بعض قسوة غير معهودة لمن يلتقيك كما أنها لاتتناسب والدعوة لاقتراب الحكومة والمعارضة من الوطن والمواطن علي السواء 0
مع تحياتي لللاخ/ محمد حامد جمعة 0

هون عليك صديقي ود قاسم ولا تطلب من الرجل المستحيل...ويشهد
الله انني لم اقرأ له اهانة لأحد...فان كنت تطلب منه الاعتذار
بصفته...فنحن جميعا من دافعي الضرائب والزكوات مشتركون معه
في نفس الخانة...الا اذا كانت هناك امور لا اعرفها...

ولكما ودي

والله انت طييييييييييييييب يا محمد جمعة تعال شوف معاي العدل والنزاهة الما خمج

اشتكاني خالد كودي لي بكري هنا

Quote: From: "Khalid Kodi" To: "Bakri Abubakr" Sent: Friday, August 12, 2005 7:09 AM Subject: شكوى1 > > > الاستاذ بكرى، > > فى هذا البوست: > > من الارشيف: زووووووووووم فلنفضح اعضاء جهاز الامن > > كتب العضو اساسى: > > كودي > ندا > (رودا قروب) > سيدي بي سيدو > > وقوانين المنبر تقول: > > 24-يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، > أو بحق أي إنسان آخر.كما يجب على الشخص المعني تصحيح الأخبار بسرعة بمجرد > العلم بعدم صحتها والاعتذار العلني للأشخاص الذين مسَّـهم نشرها، مع جواز > توقيع أي جزاء آخر من طرف الإدارة > > ارجوا تطبيق قوانين المنبر هنا، فقد ظل هذا العضو يطلق الاتهامات و الاشاعات > الكاذبه الواحده تلو الاخرى. > > وشكرا > > > > >خالد كودي

وبكري رسل لي انذار اخير طوالي ياهو

Subject: Last Warning


Dear Asasi,
Greetings,
This is your last warning






قامت حرقتني الشغالانة وفي نفس البوست اشتكيت خالد كودي هنا

From: Asasi
To: [email protected]

الاخ بكري ابو بكر

في هذا البوست

من الارشيف: زووووووووووم فلنفضح اعضاء جهاز الامن

كتب المدعو خالد كودي

أهو شايفه ياندى جبتى لينا المجاهد الدباب اساسى،

ــــــــــــــــــــــــــــــــ

حا اجيك راجع فى موضوع حملتك التجسسيه على رودا مردا دى بعدين

وقوانين المنبر تقول

- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها اذا اشتكى ذلك العضو/ة ..... فصل نهائى.....الا فى حالة تنازل العضو/ة الذى وقع عليه الإساءة

- لا يجوز اهانة او الزراية او الحط من قدر او السخرية من اي شخص او اشخاص او طائفة او قبيلة او قومية بسبب اللون اوالجنس و العرق او الموطن المحلي او الجهة او الدين ..... إنذار ...سحب عضوية.


هذا الشخص يصفني بالدباب وكما تعلم باني انسان من لحم ودم ولست الة لها جنازير هذا من جهة
ومن جهة اخري يتهمني بالجاسوسية اي اني جاسوس وهذا فيه زراية وحط واشانة سمعة كافية لتطبيق اللائحة.

اتوقع ان تطبق اللائحة كما جاءت



اساسي





قام جاني رد بكري بعد كم يوم قال لي شنو عليك الله شوف انا زاتي ما فهمت لاسع حيهتم يعني شنو ؟؟

From: Bakri abubakr

To:
Subject: Re: شكوي


i willtake care of it



اتخيل بس ؟

Quote: رغم انو كان ممكن تقعد وتكاتل متل الرجال وان مت فانت شهيد مبدئك وان حييت تعيش راسك مرفوعة وعين ما مكسورة ..

Hamida

Aina Makssora
Damatna Masoora
Wa Al Afiya Bendoora

Wa Bareed Zoli


Ha Ha Ha

Salam Ya Marshal

Bedoon Zaal
Keboard beta Juba da rafid ARABI

Quote: الأخ محمد حامد ،، تحياتي ،، إنقضت الأيام الحلوة بأرض الوطن و مرت مر السحاب بلا ريث ،لاعـودأدراجي الى دوامة الغربة و حلقتها المفرغة . عـزيزي .. قناعتى أن إختلاف الرأي لايفسد للود قضية و أن الديمقراطية تسع الجميع وذلك ما ظللت أنتهجه طوال حياتي ، وقد تناولت في غيرما مكان موضوع العميد و ما ردده البعض منذ أن وطأ قلمك هذا المنبر عن إنتماء محمد جمعة و مطالبة البعض بفصل عميد الأمن و غير ذلك في أن لكل منا حرية الإعتقاد و الإنتماء الفكري و السياسي ، و منبر الحوار هو ساحة للتفاكر و التدارس والجدال الفكري . ينبغي أن لا يصرف المنبر عن جادته و بلوغ أهدافه و ليقارع من أراد الحجة بمثلها و لتتاح السانحة للجميع لابداء الرأى و الإدلاء بالدلو دونما إقصاء لفكر أو حجر على رأي و إن إختلفنا معه .. عـزيزي ... أختلف معك في الكثير الكثير و لدي من التحفظات و المآخذعلى كثير مما تكتب و أري فى بعضه ( مآرب أخرى ) .. إلا أن ذلك لايعني أن أنصب نفسي حكما عليك و أن أغض الطرف عن بعض الصفات التى تميز قلمك و الذى شهدت له في بوست سابق بأنه مهذب لايجنح الى التجريح و يسمو عن السب و سقط القول و تلك محمدة تحسب لك .. عزيزي .... وسمك البعض بالعميد أمن و الآخر بغير ذلك من المسميات و لا أرى في صمتك عن النفي سوى إقرار و إرتضاء بما وصفت فلا تلومن الناس على معاملتك كعميد أمن أو مناداتك بذلك إذا ما تركتهم على إعتقادهم و أذنت لهم بتكوين فكرة و من ثمة قناعة عنك و أنت أدرى الناس بما فعله الأمن و منسوبية بالمناضلين من أبناء شعبنا ، و لا أظن أن علاقة SMC بجهاز الأمن و المؤتمر الوطني بخافية على أحد فكيف لك ان تفسر عملك (مدير النشر الإلكتروني) بٍSMC دون أن يتطرق شك للجميع حول محمد حامد جمعة .... أعـود و أقول أن حريةالإنتماء حق مكفول للجميع و أن الديمقراطية تعنى أن نتقبل الجميع و تقتضي إحترام الآخر .... عـزيزي ... إذا ماكنت تبحث عن الحل فهو بيدك .... مـزيد من الصراحة ... كثير من الشجاعـة في توضيح الحقائق ... حينها سيحترمك الآخـر و إن إختلف معك ....

اسه يا سعادتكـ
الكلام المنطقي و الجميل ده كلو
ده ردكـ عليهو

Quote: إنقضت الأيام الحلوة بأرض الوطن و مرت مر السحاب بلا ريث ،لاعـودأدراجي الى دوامة الغربة و حلقتها المفرغة . ربنا يصبرك ويحفظ حتى تعود سالم غانم

؟؟



بطل استهبال يا حماده

Shalabiكتب

Quote: ينبغي أن لا يصرف المنبر عن جادته و بلوغ أهدافه و ليقارع من أراد الحجة بمثلها و لتتاح السانحة للجميع لابداء الرأى و الإدلاء بالدلو دونما إقصاء لفكر أو حجر على رأي و إن إختلفنا معه ..

Quote: قام جاني رد بكري بعد كم يوم قال لي شنو عليك الله شوف انا زاتي ما فهمت لاسع حيهتم يعني شنو ؟؟ From: Bakri abubakr To: Subject: Re: شكوي i willtake care of it اتخيل بس ؟

يعني بقو شكوتين

الأولى المفروض تكون إنذار
والتانية فصل

مش دي القوانين

ولا غيروها !!!

Quote: يمكن الفنان لمن يقول لى زول كلب ما بكون قاصد يشتم بيكون قاصد يشكر وعشان كدا لو فنان - اى فنان - رسم زول عريان نللى وملط ما بيكون قاصد حاجة شينة بيكون قاصد فهم تانى الناس الطير الزينا ما بفهموه .

الأخ / محمد حامد

والله ماعافه أقول ليك شنو
لأنك صحفي حكومة بعملوا فيك كدا
ماعارفه الفهم شنو !!!!

ولا هي فرعنة والسلام
وكل واحد عاوز يظهر انو وطني أكتر !!!!!

أمال لو كنت عميد ولا عقيد بالجد ومحارب قديم في الجنوب كانوا عملو فيك شنو !!!!

الحمدلله انها بقت على قدر الصحافة



لك التحية والإحترام

نهال :
سلامات

تعرفى انا اكتشفت انى ...............عوير

تعرفى انا اكتشفت انى ...............عوير

لييييييه ؟؟؟!!!

الحق لا يتجزأ


رغم كل مرارات الانقاذ والاختلاف مع مؤيديه يجب ألا تتدنى لغة الحوار معهم الى درجة أن نصف شخص (بالكلب)

محمد حامد جمعة

تحية طيبة واحترام

Quote: يا المنبر دا كلنا قاعدين فيهو زكاة وحسنة وتصنيفنا فيهو (بدون )

يا ضيف الله،، هاك عينة من الاستنارة .. لووووووول

Quote: ولــيد 399 Quote: جــدل بيزنطــي؟؟؟ أمتداد لسلسلة طويلة لم ولن تنتهي ابتداء من الاخ / عبد العاطي مروراً بالاخت / نور تاور وانتهاء بالاخوان المفترى عليهم / محمد حامد جمعة/ عبد الرازق الطالب والقائمة طويلة ،، والاستهداف مستمر، والاهداف ضعيفة لتحقيق الوصول والاستهداف لمن يجرئ بقول كلمة الحق، مكر سيئٌ .. ولا يحيق المكر السئ الا بأهله.. أ.هـ ولا تنســي ان تبــدأ ببيزنطياتك التي مـلأت بها هذا البوسـت لحجــب الشمــس بغــربال...ولا تنســي ذكــر اســم رودا مـــردا التي تمـت مطــاردتها من قبل الاسلاميين واذنــابهم حــتي تم فصــلها..ولا تنسي محاولة الاسلاميين المتكررة سـابقا لتكميم الافواه ومصادرة الرأي الآخر بمزاعم ان هذا البوست او ذاك معــاد للاســلام ومنـاشدة بكري بسحـبها.. حتي عبد الرازق الذي تدافع عنه شـارك في محاولات تكميم الافواه ومنع الاخرين من اصحاب العقائد الاخري من الدعوة لعقيدتهم ومناشدته بكـــري للاجـــراء هوب فل يشكك في عقيدة الأمة ... وسوداني عجوز... يبشر بال...يا إدارة ـ يا بكري . المنبــر مـلئ بمثـل هذه المناشادت لتكميم الافواه بمزاعم الاســاءة الي الاسلام..وبعد كل هذا لا يتورع الواحد منكم عن خـلق التبريرات الواهية لمن ارتكب جريمة قذف واضحــة

Re: عبد الرازق عيسـى الطالـب ..

والموجـة تغازل في التيار ..؟؟؟

الخال ود قاسم

Quote: وإلا أن الناس من حقهم أن يردوا على البادي كما يشاؤون

غايتو دي وقعت لينا في جرح

تحياتي لك وللاخ المهذب محمد حامد جمعه

زول ساكت
كيف حالك
إذا كنت تقصد الفتنة الأخيرة ، فإن الظلم بدأ منذ مئات السنين ، وأنت تعرف من الذي بدأه ...
وتعرف أيضا أن محمد حامد جمعة كان من المحرضين على استمرارية الفتنة ( وبرضو يكون مهذب )، وأنني كنت من الداعين إلى إخماد نارها ( وأكون متجنيا )

الأخ محمد الحسن
كيف حالك
أنت تعلرف أنه ليست بي حاجة لصناعة المعارك ، ولكن بعض الجماعة يظنون أن السلام والمصالحة تعني دفن ما فات ، والاتفاقيات نفسها تقر الظلم الذي وقع وتضع أطرا لعهد جديد يتحاشى أخطاء الماضي ويغير الشمولية تغييرا جذريا ويحولها إلى ديمقراطية ، تم تبشيرنا بأنها ستكون عادلة ، وبما أن هناك اعتراف بأن ما كان قد شابته أخطاء عديدة وضرر وقع على الوطن والمواطنين فقد أقرت الاتفاقيات كلها مسألة المحاسبة ، ونادى الناس كلهم بأن تقوم المصالحة على الاعتراف والاعتذار وهذا يشمل كل المشاركين مهما كان دورهم ، ومحمد حامد جمعة جزء من إعلام النظام الذي يسعى شعب السودان إلى تغييره وهذا الإعلام لعب دورا كبيرا في إطالة أمد الخطأ وكان إعلاما مضللا يسعى لفبركة الحقائق وقلبها ، والناس يفهمون هذا جيدا ، ولا يعفى أحد لأنه مهذب ، أو لأنه كريم ، أو لأنه طيب ، إلخ ،، فكما يشتكي محمد حامد جمعة من الذين هاجموه في المنبر ، فهم كانوا وظلوا يشتكون من حكومته سنين عددا ، فلم يطالب الناس بالاعتذار وهم فقط يردون على فعله الذي لم يعتذر عنه ؟...

الأخ نزار
كيف حالك
يا سيدي بيني وبين محمد حامد جمعة شئ خاص ، أنا فقط أحببت أن أوضح له بعض ما التبس عليه من الأمر ،،، هو يشكو من ظلم البعض له ، وهؤلاء لم يتعاملوا معه تعاملا شخصيا ، لكنهم تعاملوا معه كرمز باعتبار انتمائه لإعلام الإنقاذ ، بل أن بعضهم يتهمه بالعمل في المن ، وأنت تعرف ما معنى الأمن في الفترة السابقة ،،، وليت الأمور تتغير ...

Quote: وأنني كنت من الداعين إلى إخماد نارها ( وأكون متجنيا )

لم اقصد هذا المعنى ولاينبغي لي
مااردت قوله بخصوص الاخ محمد انه كان دائما حريصا على الرد بكل تهذيب على الزملاء بالبورد ممن يخالفوه الراي
ويبتعد عن ساقط القول وهذه ليست شهادتي انا فقط بل ردود الاخوه اعلاه وبوستات محمد حامد تشهد بذلك

اختلاف الاراء لايفسد للود قضيه
ومن وصف محمد بالكلب عليه ان يعتذر له وعلينا ان نطالبه بذلك
قريبنا ود قاسم
اعرف عنك دائما وقوفك مع حق معارضيك مالا دي عصلجت معاك
اكرر تحياتي لك واحترامي
ودمت محل تقديرنا

Quote: اعرف عنك دائما وقوفك مع حق معارضيك مالا دي عصلجت معاك

يا عباس ..
..
.
خالي ده خـــريج اقتصاد ما قـــانون ..
بس علشان ما تعصلج لينا الحاجات ومن ناحية أخرى ما تحكها لينا مع الخال ده .. خليهو محتاجين ليهو قدام.. اقتصادي وقانوني ومستشار مشاريع .. اي مشاريع تجي في راسك في السودان ( الـ ...... ديد )

بتغرف التأذين فى مالطه يا ود جمعه؟؟؟

ده سخف يا بكرى ابوبكر

ما كتب أعلاه ليس دفاعا عن محمد حامد جمعه
و لكنى أكره أن أكون ممن يكيلوا بمكيالين
فالحق حق و ان كان لصالح محمد جمعه

ناصر البطل

Quote: لانو الجهاز دا اسسوه مطلع السبعينيات - تاريخ ميلادى -

Quote: (الزميل كوستاوى ) هو زاتو شايل موس لباقى الناس ومفروض انو يشوف نفسو

Quote: يا تقعد (مغفل نافع ) وتقطع فى نفسك وجلدك ... وتقبل انك تكون .... كلب .... هو هو هو ..........

حماده
دقيقه بس .. اسسسسسسسسسسسه بجي

Quote: سبحان الله ... والحمد الله .... يا جماعة اكتر كلمة فى ناس كدا قادين بيها المنبر دا العدل والحقوق والحرية والديمقراطية .. و... اوووووووووك كرروك ... اليشوف نقة الناس هنا ديل خلاص ديل بس هم اهل النزاهة والشرافة والشرف ... لمن تكون ليهم ... ما يخلو ليك صفحة ترقد عليها ... الاستنارة والانارة بس عندهم والوطنية وكل قيم الحق والخير والجمال ... باقى الناس (تور الله فى برسيمو ) ضلاميين وقتلة ولصوص وشموليين . والناس دى لمن يلقو فرقة فى زول ما عاجبهم طوالى جرى يشتكوا ويضغطوا (تحت تحت ) لغاية ما يظللوا اسمو بالسواد اها وغلطهم ما غلط وعيبهم ما عيب ... من حقهم يشتمو اى زول يشتموك فى دينك واعتقادك ويشتموك فى قناعاتك ويشتموك جهرة ونهارا ...

شفت الديمقراطيه دي سمحة كيف !!
عضو منبر و بتشتكي كمان !!
حقكـ .. نسوي شنو !! طالما ارتضينا عدم (اقصاء )الاخر

Quote: اها كودى دا جا وشتمنا وقال (كلاب ) بالجد الزول زعل ..

زعلان ليه !!
مفرده كلب امن اختراع سوداني خالص زمن جعفر نميري
لانهم ( الكلاب ) لم يراعوا لا حرمة ولا دين
وانت يا حماده .. ما كذبت ولا اكدت انكـ في الامن

Quote: وقلت اخد حقى بالقانون ووفق طرائق الاستنارة

كتيره منكـ والله
اسه كودي ده لو كان في السودان
كان اخدت حقكـ كيف !!
كنت حاتشتكي لي بكري برضوا

العزيز خدر تحياتى يا مولانا

شوف ...

المسالة ما مسالة ارتضاء قسرى ومفروض على الناس القضية كلها طالما انو هنا نحن فى المنبر قبلنا غض النظر عن خلافاتنا انو الحوار وعرض وجهات النظر بيقوم على الكتابة والتعبير المكتوب وفق مرجعيات وقواعد ولائحة حددها المنبر مضافا اليها رقابة الراى العام فى المنبر نفسه فيكون من اللازم فى الحد الادنى ان ننضبط على الاقل بالاحترام لذواتنا وانفسنا وسمعة المنبر نفسه وهذا اول مداخله ان تكون لغة الخطاب - وان كانت عنيفة - محتفظة على الاقل باحترام الاخر ولا يعنى مثلا ان اختلف انا وانت لانعتك باى سبة مشينة وغير مقبولة وكريمة واعتقد انك تقرنى فى هذا وهذا مبدا اول يجب النظر اليه حين تقرأ هذا البوست انا اتحدث عن زميل شتمنى بعبارة كلب وبالتالى فاعتقد انه اخطأ لسبب ما يتعلق بانفعاله او موقفه منى ولهذا حرصت على ترك الباب مفتوحا امامه ليتعذر صراحة او يعدل كلمته لكنه لم يفعل
حسنا مضيت للخطوة التالية شكوت لادارة المنبر وهنا برزت لى الفاجعة الثانية ان الشخص المشكو ظل ينشط فى المنبر فى حين ان بعض الزملاء اوقفو وفصلو فى مخالفات تقدم بها زملاء ضدهم كانت اقل مما ورد من الزميل خالد كودى فهذا يعنى وبوضوح ان ثمة تمايز فى تطبيق القانون على عضوية المنبر وبالتالى ينسف كثير من دعاوى الرافضين لشخصى والتى تقوم على انهم فضيلة وعدل ودمقرطة فى حين اننى لست من كوكبهم هذا .
واما الاسواء من كل هذا دفقات المياه الباردة التى يسعى البعض لدلقها تحت ارجلنا بمحاولة تبرير اسباب الفجور فى القول كما يتفضل بذلك مثلا ود قاسم واسطوانة انت دعمت التنظيم كيت وانت وحزبك فعلو وتركو ... والغريب ان الناس هنا تناصبنى العداء وتحاكمنى باشياء صحت ام لم تصح فى حين ان كبارهم واحزابهم يجلسون مع اهل (القلم والقرار ) فى القاهرة وغيرها ويتواصلون معهم ...! وقد يشاركون ويجلسون معا على دست الحكم !

1
لا يا محمد المسألة فعلا ارتضاء قسري رغم انف الرائ العام المستغرب
من الحاصل هنا و ربما بعضهم يعتبره ( بيع للقضيه ) وانا اقصد قبول
عضو امن و ادارة حوار معه ,,,,, انا مثلا قلتها مليون مره ..
انا مع الاقصاء
و جبت دفوعاتي كلها الانا بفتكرها منطقيه و للاسف لم يفتح الله لاحد من
(بني ثاقف) بكلمة تفند دعواي .. فقط هي متابعه خط ويست منستر المشوة
انا مع الاقصاء لانو كميه المنتمين الي قبيلة الديمقراطيه ..اختلاف منابعهم
الفكريه فقط كافي للاطاحه بأمن المنبر و ادارة حوار علي اعلي مستوي من
الحكمة او الحده ( لافرق عندي ) لان بالمقابل من يهمني يُراقب و يُحلل ..
اعني الرائ العام الصامت ( من لايملكون باسوورد )
منطق عدم الاقصاء فقط من اجل خلق رائ اخر عندي غير مقبول .. لان الرائ
الاخر موجود اصلا فينا نحن قبيلة الديمقراطيين
احسب عندنا كم حزب في السودان و كم عدد الغير منتمين لاحزاب
و
( عد اصابعكـ .. شوف كم صباع بشبة صباع )

كماقال ع.ع.العميري

2

المنطق الاقصائي اعلاه بنسف دعواكـ بصدد الشكية لي اب ايداً كيبورديه
وبيفند دعاوي مؤيدي عدم الاقصاء

لو اقصيتم لكفاكم شر القتال في غير معتركـ
هاهو منطقكم رد اليكم وبي شكوتو كمان




ورغم كده يا محمد ماعندكـ حق تطالب بيهو
وتتعلل بي انكـ راق و مهذب في لغتكـ
ما اهو انا خدر ده ومعاي كُتاااااار هنا
ديمقراطي و لذيذ و بزعل زي زيكـ
لكن ماحصل شتمت زول ولا طلعت مني كلمة نابيه ( رغم انو انامافي الامن )
مفروض يصفقوا لي يعني !!

ماعندكـ حق لانو الشبهات تحوم حول رأسكـ الجميل حتي الان

Quote: فكيف لك ان تفسر عملك (مدير النشر الإلكتروني) بٍSMC دون أن يتطرق شك للجميع حول محمد حامد جمعة

؟؟

الحبيب أبقوتة ،،،
تحية و شوق كمية ،،،

Quote: ك.ل.ب....تعالى شوف صناديد الغربة لسع اسود ...ضارب لى العسل..وناسى لى ايام الملح صاحبك مصطفى نقلوه بريدة... حاولت اكلمك على جوالك المقفول دائما..عموما عبرنا بجلسة ليلية.لما تجى مارى الرياض.مش وقفة على الشارع

صنديد قلت لي .. والله يا غالي موبايلي ده بعد 9/6/2005 إطلاقا (لايمكن إغلاقة) و 24 ساعة (يمكن الوصول اليه) ما بقي في ناس مشتركين معانا( نقدر تقفلوا) يمكن تكون إتصلت برقم (خارج نطاق الخدمة) ...السعودية تاني إلا في عيد الأضحى إنشاء الله ...
تحياتي للجميع .. سأتصل بك مساء اليوم ...
العزيز محمد جمعة .. أأسف لإستغلال هذه المساحة من البوست لتواصل شخصي و هو من احكام الضرورة ... فلك العتبى ..

محمد ..
ماتدق جرس عشان قالو ليكـ كلب امن .. ابوخالد لسه بسأل فيكـ

Quote: ابو خالد كتب محمد حامد جمعة التحايا سؤالي بسيط جدا انت في الأمن ولا لا أجب بلا او نعم وبعدين الأمن مهنة يعني انا مهندس لو زول سألني بقول ليهو أنا مهندس فأنت شغال في الأمن ولا لا؟ بهذه البساطة

ولاحظ انكـ ما جاوبت لحدي اسه

Quote: و لا أظن أن علاقة SMC بجهاز الأمن و المؤتمر الوطني بخافية على أحد فكيف لك ان تفسر عملك (مدير النشر الإلكتروني) بٍSMC دون أن يتطرق شك للجميع حول محمد حامد جمعة

الكوت ده إسمو

عشان المرحوم مايموت بالحقيقه

شوف يا ابو خدره

كون هنا زول يدعى ان (smc) او شخصى الضعيف (ضابط ) فى جهاز الامن انا قلت ليكم مرارا وتكرارا المسالة دى غير صحيحة وموقع المركز الذى اعمل به فى قلب الخرطوم معلوم وظاهر ويمكن لاى شخص ان يدخل ويخرج ويجد بالداخل فقط اعلاميين عاملين بالمركز او زوار صحافيين او مناشط صحافية واعلامية مفتوحة ومتاحة للجميع
بالنسبة لى شخصيا انا قلت من قبل - وبالمنبر اعضاء وزملاء يعلمون ذلك يقينا - اننى لست عسكريا بل (ملكى قح ) وزى زى اى مواطن فى البلد وافتكر انو قولى دا واضح وكافى والشايف غير كدا هو العليهو الاثبات وانت رجل قانون افتكر بتفهم اكتر منى من انو البينة على من ادعى ولو اصلا انتو صحى شفوت ومقطعين الفهم السياسى والذكاء الحزبى عندك الف كان جبتو الثابتة على محمد حامد جمعه - بل والاسم رباعى - الدفعة كذا تخرج من الكلية الحربية او كلية الشرطة كذا زامل فلان وفلان وعمل فى كيت وكيت ولو نجيضين جد جد تجيبو نمرة الكارنيه ... غير كدا بيكون كلامكم دا عبط وفتيش مخارجات كل ما الزول ختاكم فى خانة اليك ..
برضو يا خدر عاوز ترجع للكلام الكتبتو انا فوق وقلت لي دا دق اجراس اقرا كويس وادينى فيهو رايك ... وجلى قصة امن وجستابو ومباحث فيدرالية

ايوا نسيت قلت لى علاقة المركز بالمؤتمر الوطنى وجهاز الامن ... يا حبة نحن مركز صحفى وطبيعى يكون عندى مصادر فى اى حتة ... هسة جوه حزبكم او احزابكم دى كلها عندى مصادر وناس لو عاوز تصريح صحفى او تعليق بشيلو ... مسالة عادية افتكر

Quote: ولو نجيضين جد جد تجيبو نمرة الكارنيه

تعرف يا محمد
انا اكتر المتضررين من قصه الامن بتاعتكـ دي
لانو جد كنت حا اكون صاحبكـ جدا (بس عشان طولة لسانكـ دي )






دقيقه برد عليكـ اسه
ماتكتب حاجة لانو ردي الجاي طويل

يا حماده ماتضلل الجماهير ساكت .. الشُبهة ما بخصوص رُتبتكـ العسكريه
الشُبهه اصلاً بتنطط حول امنجيتكـ و منصبكـ بيأكد الشُبهه حولكـ
يا سيدي البينة علي من ادعي صاح
لكن كمان ماتنسي اليمين علي من انكر
وانت انكرت ( ضبوطيتكـ ) لكن ( عملت لينا شنو في البتاعات )
والبتاعات دي هي عملكـ بالامن خاصة انو حليفتكـ مابالساهل










كلام جاد
يستوي عندي ان كنت ملكي او افرنجي .. احترامي لعقلي يفرض علي النظر للملابسات المُحيطة
بالموضوع طرف النزاع ..
- من الممكن جداً انتمائكـ للامن وفق منصبكـ الاعلامي
- الاعلام من اهم النوافذ لعمل الامن .. لدورها النشط جدا وسط ادمغة من يحترفون التفكير ولا
اظنكـ ساعتها ستحتاج اخذ مقاسات البدلة العسكريه فأنت اعلامي مدني واجزم انو مافي زول شاف ليهو مُلحق اعلامي في اي سفاره في العالم لابس بدلة عسكريه
ده غير المعلومات المعروفه لكل ذي لُب
اي نظام عسكري زي نظام الحكومة دي بخت زول عسكري او من الامن تحديداً لرقابة كل ماهو مكتوب و دي تجربة كالعاده نحن في السودان نقلناها بي ضبانتها من التجربة السياسية المصريه .. اها
الزول العسكري ده بختوهو عشان الـ SENSERSHIP وده كان زمان .. اسه و بتطور الانظمة دي بقت مهمة
الكيكـ ده نشر سياسه الدولة من نفس المنصب و ادارة الحرب الاعلامية المُضاده علي اعداء الشعب
و الطابور الخامس و مُروجي الفتنة و الداعين الي شق الصف الوطني
وده البتعمل فيهو انت هنا منذ انضمامكـ .. و بشهادتي انت نجحت بي لغتكـ المهذبة و قلمكـ الساخر
طويل اللسان






ياولد الناس ديل اتغدوا !!
املوا الاباريق وغسلوا للضيوف يدينهم

Quote: ايوا نسيت قلت لى علاقة المركز بالمؤتمر الوطنى وجهاز الامن ... يا حبة نحن مركز صحفى وطبيعى يكون عندى مصادر فى اى حتة ... هسة جوه حزبكم او احزابكم دى كلها عندى مصادر وناس لو عاوز تصريح صحفى او تعليق بشيلو ... مسالة عادية افتكر

فاول يا حبة .. السألة ماعاديه .. المسألة طلعت من ايدنا
الحديث ليس عن مصادر مركزكم لدي الجهات آنفة الذكر
لا الكلام كان عن علاقة جهاز الامن بالمؤتمر الوطني

Quote: و لا أظن أن علاقة SMC بجهاز الأمن و المؤتمر الوطني بخافية على أحد فكيف لك ان تفسر عملك (مدير النشر الإلكتروني) بٍSMC دون أن يتطرق شك للجميع حول محمد حامد جمعة

قررت تمديد اقامتي بهذا البوست











’

خدر

خليك مقيم وبجيك راجع لانو فى زول فردة (مستنير ) - بيقول لى طوالى انى كوز عليهو بوهية يسار عاوز يودينى القنفة _ رسل لى هسة نسخة من كتاب (نجفة ) اديك تفاصيلو
(من تاريخ الغناء والموسيقى فى السودان
من اقدم العصور حتى 1940 )
المؤلف
معاوية حسن يسن
الناشر مركز عبد الكريم ميرغنى الثقافى بامدرمان ... حقكم
مع مقدمة رشيقة ومعبرة للاستاذ محمد المكى ابراهيم بعض الرحيق انا والبرتقالة انت

خلينى اخد لى رشفة من السفر القيم دا واقزقز لى بكم شغلة وارهو واجيك راجع

بالمناسبة لو ترغب - اذا ما عندك نسخة - ممكن ارسل ليك نسخة بالبريد - ما بكم زول والله بالعنوان تعهد رجال -
كتاب حقيقى ... مبالغة ... وحالتى لسه ما قربتو كلو ... بس مسحة سريعة كيفتنى

قِر قِر قِر
قِر قِر قِر
رسالتكـ وصلت ..

بعد ماتقراء السِفر الجميل ده عليكـ الله اعرضوا لينا هنا
انا قريتو بالمناسبه .. لكن عاوزكـ ترسل لي كتاب ( عروبيه السودان وافريقيته)
بتاع عبدالغفار الشريف









ولو فيها رزالة يعني

اها عرضت ليك والاستعراض عليك

Quote: اها عرضت ليك والاستعراض عليك

طيب ده الاستعراض



اوقف التسجيل و شغلو تاني عشان تشوف الفيديو








5/ صفر يا خدر

لا حولاااااااااااااااااا
10 / 0 يا خدر

هارد لك يا أبو حميد
جاك في وجع
وأداك ضربة قاضية



دا الاستعراض ولا بلاش

بعدين يا خدر
إنت الزول البيغني دا يا هو خدر الوااااحد دا ولا شبه ساي؟

خدوري

أنا ماشي إجازة لمدة 16 ساعة وبجي راجع
انتظرني في محلك ده

لكن يا خدور ما بسالك
ابوحميد ده مرة مرة بطنو تفور فورة البندقجية ومرة مرة يمد لسانو بين السطور
صحي لسانو طويل ولا ساي كلا زعل ما بنحملوا













يازول سنة التساب ديك كان خزنا بصل
كان غنججنا
تعرف ود الحاجة زرعة حواشتو توم
الله قال بقولوا وجاك يا التوم طير طيران
أها حسي ود الحاجة طاير ببوكسيه ومطير عيون ناس حنيبيرة وغنامة

Quote: لكن يا خدور ما بسالك ابوحميد ده مرة مرة بطنو تفور فورة البندقجية ومرة مرة يمد لسانو بين السطور صحي لسانو طويل ولا ساي كلا زعل ما بنحملوا

المسافر
تصدق بزعل جد .. لكنو بتحلي بي ضبط النفس
وكان داير تشوف لسانو ارجع لي قصة نمرة الكارنية الشهيرة

كلب الست


فى الزمالك
من سنين
وف حما النيل القديم
قصر
من عصر اليمين
ملك واحدة من الحريم
صيتها اكتر م الادان
يسمعوه المسلمين
والتتر والتركمان
والهنود والمنبوذين
ست فاقت ع الرجال
فى المقام والاحترام
صيت وشهره وتل مال
يعنى فى غايه التمام
قصره يعني هى كلمة
ليها كلمه فى الحكومه
بس ربك لجل حكمه
قام حرمها م الامومه
والامومه
طبع ثابت
جوه حوا من الزمان
تعمل ايه الست
جابت
فوكس رومي وله ودان
فوكس دا عبقال املتك
عندة دستة خدامين
يعنى مش موجود فى عيلتك
شخص زية يا اسماعين
واسماعين دا يبقى واحد
م الجماعة التعبانين
اللي داخوا فى المعاهد
والمدارس من سنين
حب يعمل واد فكاكة
يمشي حبة فى الزمالك
والقيامة والفتاكة
يرموا طبعا ع المهالك
عم سمعة من قيامتة
حب يعمل فيها فلة
بعد ما الوظ بيجامتة
اشترى حتة مجله
قول مشي يقرا فى حكاية
من حكايات الغرام
واندماجة فى القرايه
خلا مشيه مش تمام
ع اليمين يحدف بعيد
خطوتين ويروح شمال
لمحه فوكس من الحديد
قال دا صيد
سهل حلال
هب نط فى كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلى مالها ؟
بص شاف الدم سايح
من عاليها ومن واطيها
وياللى جاي
وياللي رايح
المجله مش لا قيها
حبه واتلموا الظنايا
اللى هما البوابين
والحكايه والروايه
قال لهم
دا كلب مين
كلب مين
ما كلب مينشى
سمعه لبخ حبتين
قال واحد منهم
امشى
اللى جابك عنده مين؟
قال دا شارع يا مواشي
والجميع بيمر منه
اللى راكب
اللى ماشى
مستحيل نستغنى عنه
كلمه من دا
وكلمه من دا
ظاطو واترسمت فضيحه
قول نهايته
القصد من دا
اسماعين اكل الطريحه
راحو قسم الشرطه طبعا
والنيابه كفيله بيهم
واترموا فى الحجز جمعا
لما ييجي الدور عليهم
حبة والشاويش امين
قال : سعيد النقشيندي
قام غريم عم اسماعين
قال لة:
محسوبك يا افندي
قام سي سمعه
يروح معاه
الشاويش قال :
غور بدمك
راح تعوصنى
وفوق قفاه
كف طرقع
داهيه ف امك
تفتكر يفضل سي سمعه
قد ايه فى القسم نايم ؟
استضافه الحجز جمعه
يا بلاش
ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب ... مالي ؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه .. بالبتاعه



احمد فؤاد نجم

يا خدر

سلااااااااااااااامات .... والله بالغتا ...اريت كل المستنيرين زيك