Post: #1
Title: السودان الجديد والحلة الجديدة !
Author: محمد حامد جمعه
Date: 12-18-2005, 01:44 AM
Parent: #0
تمكنت قائمة القوي الوطنية من الفوز بانتخابات المحامين للدورة الجديدة بفارق268 صوتاً بين أعلي المرشحين وادني المرشحين. وقد أعلن ذلك مولانا محمد الحسن شرفي رئيس لجنة الاشراف علي انتخابات المحامين في المؤتمر الصحفي الذي عقده أمس بقاعة الامام علي بالجهاز القضائي لاعلان نتيجة الانتخابات مشيرا الي نتائج المرشحين لنقيب المحامين فقد تحصل الاستاذ فتحي خليل علي 1765 صوتاُ والدكتور أمين مكي مدني 1385 صوتاُ والاستاذ وجدي صالح عبده خليل 32 صوتاً موضحا ان الفارق بين الاستاذ فتحي خليل ود. امين مكي 380 صوتاً
وقال بان المرشحين لاعضاء الاتحاد حوالي خمسين عضواً تحصل الاستاذ عزالدين الصبابي علي أعلي الاصوات 1855 صوتاً وآخر المرشحين تحصل علي 22 صوتاً ...
كلام جميل ... وقبلها اتحاد المزارعين .. ميه ميه ... طبعا الحنك الجاهز والمكنة المقسمة ... النتيجة مزورة ... دى على وزن نرفضها ولو جاءت مبراءة من كل عيب ...
المؤتمر الوطنى ... ماشية معاه طراوة ... والله بالجد الواحد -ودى نصيحة لى الله دا - الواحد بقى مشفق على باقى الاحزاب ... اقول ليكم سر المؤتمر الوطنى البيدرش فى الناس انتخابيا دا حزب فيهو مليون علة واى اسلامى ملتزم ولا نصير للانقاذ عندو راى وراى كبير فى الحزب دا ... لسه معسم وفيهو لطشة سجومية ... لكن برضو بيضقل بباقى الاحزاب .. ودا معناه حاجة واحدة انو باقى الاحزاب دى ... لاحقة امات طه ... وحالتها بالبلا ...
طبعا فى ناس (حزبيين ) كتار انتظرو الحركة الشعبية تجى تاخد ليهم حقهم ... غنو ليها وفى ناس رقصت وناس كشفت ما حبا فى السودان الجديد ولا (الحلة الجديدة ) لكن بس كيتا فى الكيزان بس .. وقالو اهى فرصة يجو ناس قرنق ديل ونحن نضارى وراهم ونحرشهم يبقو للحكومة فى تولا دى ... البشير يقول يمين سيادتو سلفا يقول شمال .. وشوية شوية تجوط المسالة وينصدم الطرفين ... هوبا .. نخش نحن بحنك انتفاضة وجبهة هيئات وكدا ننشل الحركة الشعبية والمؤتمر الوطنى ونمرقهم بره الفيلم ..
الحكومة .. الكيزان ... عملوا فيها عبطاء ... طنشو .. ناس الحركة الشعبية غايتو وضح انها ( واقعة ليهم ) وانو الغابة خلتهم (مفتحين ) ... لمن غلط .... سردبو ساى ... يجيهم ليهم نقد يشبكو يا (استاذ ) يمرق يخش عليهم شيخ حسن يشبكو ليك ( يا شيخنا ) يجى عليهم السيد الصادق يشبكو ليك يا (ديمقراطى ) والناس ديل كلهم الحركة الشعبية باعت ليهم الترماى ... .. جاييكم راجع ... انا ... الدمل .. !
|
Post: #2
Title: Re: السودان الجديد والحلة الجديدة !
Author: A.Razek Althalib
Date: 12-18-2005, 02:13 AM
Parent: #1
يا أبو الدمامل..
ده شيتاً..
ما عادي زي أكل الزبادي...
ومالو يعني الغريبة..
فوق شنو.. لزول أدمن الفشل..
وشايل رماد كرتو الحرق...
ما ياهو...
درب حلتنا جابك يوم...
بعد إنزال قيم العمل الديمقراطي إلى أرض الواقع..
والقبول بالآخر.. في شورى وطنية لا تخيب المحنة وشوق ظننا..
فمافي داعي خلي الحصل مافي داعي..
وهارد لك/ ليهم..
والعاقبة ليكم/ليهم في المسرات..
حكمة الشيخ فرح ود تكتوك..
بتقول..
الصدق كان ما نجاك..
الكضب ما بنجيك..
|
Post: #6
Title: Re: السودان الجديد والحلة الجديدة !
Author: محمد حامد جمعه
Date: 12-18-2005, 05:23 AM
Parent: #2
A.Razek Althalib
ود ابا هاى .. ولضمى .... الحربة ركبت الزمل ..
|
Post: #7
Title: Re: السودان الجديد والحلة الجديدة !
Author: محمد حامد جمعه
Date: 12-18-2005, 05:30 AM
Parent: #3
زول ساكت
علم
|
Post: #4
Title: Re: السودان الجديد والحلة الجديدة !
Author: ebrahim_ali
Date: 12-18-2005, 02:40 AM
Parent: #1
سعادة العميد تحياتي ومبروك ليكم الفوز في أنتخابات المزارعين والمحامين
بس بيني وبينك بدون اية رتوش هل انتم مقتنعين تماماً بذلك .
|
Post: #5
Title: Re: السودان الجديد والحلة الجديدة !
Author: اروتى
Date: 12-18-2005, 04:38 AM
Parent: #4
كلامك دا يبقى صحيح لو قامت تلك الانتخابات على الاسس المتعارف عليها ولكن بالاسس التى جعلت اهل هذا الحزب يزور حتى على انتخاباته الداخلية هنا فى كلام تانى ..
واذا كان تفتكر ان هذا الفوز يخدم قضيتك وقضية الوطن ويحل مشكلة الاخوان والسلطة يبقى اا########## دى فى خشمك ...
|
Post: #9
Title: Re: السودان الجديد والحلة الجديدة !
Author: محمد حامد جمعه
Date: 12-18-2005, 05:43 AM
Parent: #5
اروتى
لو قامت تلك الانتخابات على الاسس المتعارف !!!
سؤال غريب ... افصح ابن
|
Post: #8
Title: Re: السودان الجديد والحلة الجديدة !
Author: محمد حامد جمعه
Date: 12-18-2005, 05:40 AM
Parent: #4
ebrahim_ali
بارك الله فيك
المشكلة فى انو الناس يا ابراهومة طوالى بتخش شمال للتزوير ودى دعوة للسقوط تحت ظلال المبرر المصنوع - ربما - والموضوع حتما
|
Post: #10
Title: Re: السودان الجديد والحلة الجديدة !
Author: Murtada Gafar
Date: 12-18-2005, 05:49 AM
الى شيخ (اليساريين ) بالمنبر !
مطلوب حضور الهاربين طووووووووووووووووووووووالي و المزوريييييييييييييييييييييين على طول الخط، بالله يا جمعة عدي على الجماعة ديلك برضو أديهم حقهم، ياخ البوست فاتحو إنتا أخجل.
مرتضى جعفر
|
Post: #11
Title: Re: السودان الجديد والحلة الجديدة !
Author: محمد حامد جمعه
Date: 12-18-2005, 06:05 AM
Parent: #10
مرتضى
يا جماعة زول يسجل الشاب دا (فردة باك ) ... مساك ... فى فريق بتاع كورة
|
Post: #12
Title: Re: السودان الجديد والحلة الجديدة !
Author: hanadi yousif
Date: 12-18-2005, 06:08 AM
Parent: #10
فني التزوير
ابورزقاء المحصل والمزوراتي
والامنجي وما داسيهامحمد حامد جمعة
وهل تجيد الجبهة سواء التزوير وتزيف ارادة الشعب وسرقة عرق الشعب السوداني
|
|