كلية الهتافات الوطنية !

سلام

بسم الله ... ثم الشعب ... والذين امنوا ثم استقاموا ..

وقعت اتفاقية السلام بدارفور ... رضى من رضى وابى من ابى فالحقيقة الاهم من كل هذا ان هناك ضوءا يلوح فى اخر النفق وليصمد منى اركوى على غمز ولمز جموع الاحزاب فذات الاحزاب التى تنوح الان وتلطم بحجية نقص الاتفاقية هى ذاتها التى اتفقت مع (الانقاذ ) فى سويسرا وجيبوتى حين قال الامام يومها اتيت اصطاد فائرا فاصطدت فيلا رغم ان مسارات المسالة لاحقا اثبتت من هو الفيل ومن هو (الفار ) وذات الاحزاب التى تبكى على اطلال السلام المنقوص هى ذاتها التى وقعت فى (جده ) و(القاهرة ) ولم يقل احد يومها ان الاتفاق ناقص وانه عطية مزين حزبية من الانقاذ للقوى الشمالية .
لذا فليكفوا اذاهم عن (منى اركوى ) الذى يتهمونه اليوم بأنه قد (قبض ) ثمن الصفقة رغم ان الراسخون فى العلم يعلمون من هم الذين قبضوا (تعويضات ) عقب الانتفاضة وفى عهد الانقاذ هذا وما خطاب (مبارك الفاضل ) الشهير الا بعض وثائق هذا (القبض ) ..
وسيدخل منى اركوى القصر وسيدخل قواته فى (الجيش الحكومى ) وجهاز الامن والمخابرات اسوة بسابقيه فى الحركة الشعبية وسينضم اعضاء حركته الى البرلمان والمجالس التشريعية لان ذلك مسلك (حلال ) بدلالة وجود سليمان حامد وفاطمة احمد ابراهيم و(عرمان ) فى البرلمان .. وبالتالى فان اى انتقادات لتوقيع حركة تحرير السودان على اتفاق للسلام مع الحكومة ليس بدعة وليس عارا فقد سبقها من يكبرونها سنا وتجربة وخبرة و(بغضا ) للاسلاميين فان كان اتفاقه (ناقصا ) فعليهم تحسس رؤسهم و(ما وقعوا عليه ) قبل اركوى ورفاقه فان خدع (الخليفة ) مفاوضى الحركة فقد خدع – بالضم – بذات المنطق الصادق المهدى فى جيبوتى ومولانا فى مرتين فى جده والقاهرة ولكن الحقيقة التى يتحاشى الجميع قولها صراحة ان انتقادات كثيرين للاتفاقية تاخذ عدة اوجه :

الاحزاب :
من حزب الأمة إلى الشيوعي وغيرهم لم يكونوا يرون في ما يحدث في دارفور إلا (مصيبة ) حاقت بالحكومة واملوا ان تقودها الى حتفها بمواجهة دامية مع المجتمع الدولي وأمريكا تنزل فيها الجيوش امام بوابة القصر الجمهورى وتهدم مئذنة مسجده لتنصب حكومة جديدة لا يهم ان تسمى بحكومة الخلاص او جبهة الهيئات او جبهة الجبهات ولم تكن قط الأحزاب تهتم بمواطنى دارفور ولا يهمها ان تحترق امبرو او قريضة او تلس لذا فالمهم لديها ان تظل حالة (الحرب قائمة ) بكل تداعياتها من انهيار وتردى على كافة الاصعدة فى دارفور فتجد احزابنا فى القضية قمصان عثمان لتلبسه حين كل منشط ومنبر ومخاطبة ، دارفور هذه لم يزرها الصادق المهدى – رغم انها مرجحة كفه حزبه فى كل الانتخابات – سوى ثلاث او اربعة مرات واما عن الميرغنى ونقد فهذين شخصين لا يعرف عنهما احد شيئا فى دارفور وبعد كل هذا ياتى كل حزب ببيان ومعلقة فى تقييم الاتفاقية والتى اكدت ما سبق فى نيفاشا ان الاحزاب عندنا صارت (خارج الخدمة ) وها هى اتفاقية اخرى تعقد ولا تتقيد براى لحزب او تتفضل بنسبة لاخر وكما خرجت الاحزاب بيضاء – يا مولاى كما خلقتنى فى نيفاشا – ها هى تخرج الان فى ابوجا ... ملط

المتكسبون بالازمة :
هؤلاء ... الوف ... بعضهم لم يرى دارفور فى حياته ولا تربط بها سوى محاججة مسقط الراس و(السمرة ) واسم من الاسماء الشائعة يحمله .. وحمله فى جوازه وبطاقه سفره فلا يجد منتدى ومقام الا وقدم فيه شروحاته وطرح نفسه (متاثرا ) لتظهر الجميعات والروابط والتى من عجب لا تظهر على (الارض ) لكنها فى البيانات على النت وفى الصحف تسد الافق ، الازمة كذلك ابرزت خطباء وهتيفة من خريجى (كلية الهتافات الوطينة ) اتخذوا مجالسهم فى ما يسمى بمراكز البحوث والازمات واما فى منابر الحوار فحدث ولا حرج وخذ مثلا www.sudaneseonline.com مثلا على ما يحدث .. عشرات الكتاب الذين يقدمون انفسهم بانهم ملوك دارفور وملاكها ولا يعجبهم قط شى فان انشق عبد الواحد فهو عميل وماجور ومخترق وغواصة وان ومنى اركوى (سيدها ومقددها ) فان وقع الاخير تحول الى (مرتشى ) وتحول عبد الواحد من عميل سابق الى (بطل ) تحولات مفاجئة تصيب بالبرد وتغرى بالعطس ، اقلام تمارس التضليل و انظر لبيان القائد العسكرى الذى حضر توقيع الاتفاق ثم نسب اليه بيان فى واجهة المنبر يقول انه من رافضة حركة تحرير السودان رغم ان الرجل لم يصدر اصلا بيان مغاضب او ضد رئيسه وقائده المباشر وانظر الى صيحة (التطهير العرقى يبدا من دار الهبانية ) حين زعموا ان هناك ترتيب لحملة لابادة (الزغاوة ) بالمنطقة رغم ان راعى الضان فى الخلا يعلم ان (دار الهبانية ) فى اقصى جنوب دارفور لا يوجد بها زغاوة اصلا الا اذا كانوا عابرى سبيل او تجار او موظفين اتت به للمنطقة واجبه ووظيفته !
واما عن بقال وبعض اصدقائه – بقال نعتنى بعميل الحكومة واقول انا دعمى لهذه الحكومة لا انكره ولا اراه عيبا فلمن يعمل بقال ان كان يملك واشياعه ربع وضوحى – فاوئلك لهم حديث اخر نفصله

محمد حامد جمعة

يا اخوي مبروك عليكم كلهم فطائس والله راي فيهم من 1995 لم يتغير لاخير فيكم ولا خير فيهم

ان شاء الله تسوحروا عليهو وتعدموهم اسم الواحد

اسمع يا اخ محمد
الاتنازلو انتو
و كما خرجتم ناكسي الرؤوس من جامعة الخرطوم في ذلكم اليوم الميمون في بداية التسعينات من جامعة الخرطوم ستخرجون باذن الله من السلطة تدريجيا و الي الابد.
كما ذكرت في مقال سابق هذه يا سيدي ضربات البداية لهدم ساس الدولة الشمولية ووضع اساس الدولة الديمقراطية. لكي نصل الي هذا سوف نستظل تحت سقف راكوبة المرحلة الانتقالية
يعني نحن عايزين نعيش في بلد للكل
محمد ادم جمعة يلقي الحياة الكريمة سياسيا قدر وزنو
و في الحياة العامة قدر مؤهلو و عملو
لا اقصاء لاحد كما كنتم تفعلون لا تعذيب لا بيوت اشباح لالالا و كم لا لا كتيرة
اها الخسران منو
بعد ما كنتم كا تلين الجداد و خاميين بيضها نحن عايزين مساواة رايك شنو

Quote: لا اقصاء لاحد

دا بيت القصيد ومرحب بالجميع والنفوس كان اتطايبت مافى عوجة لكن كمان (الطعيز ) والنقد بمناسبة وبدون مناسبة مش كويس ...

واله ياود جمعة خصومكم
تافهين بشكل
ده المسهل عليكم المهمةالمباراة تقرب تنتهى
وتكونوا مزنوقين ظيــــــــــط تدوهم تلاتة صفر
والتالتة ثابتة..حرب الجنوب مانفعت
دارفور مانفعت مجلس الامن ماجاب مريسة تامزينو
فضلت الانتخابات انشاء الله ليهم بى حال العمال والمحامين والمزارعين
التفكيك انتهى بقينا فى المعاهدات الثنايئة
جنيف..جيبوتى ـــــ القاهرة ــــ جده ـــ نيفاشا ــ ابوجا
والجماعة يتفلسفوا والقطر ماشى
امريكا ذاته ماعارف عملتوليهاشنوا
الجماعة كانوا قافلين عليها قايلنها الجوكر
طلعت ليهم كرت دبل
ناس بقال وهلم ةجرا ديل اتونسوا بيهم فى البورد ده
بعد ساعات العمل الرسمية
ناس الاحزاب هنا المكيفات باردة فى مجلس الشعب
اول ايام كانت اصواتهم عالية شوية
لكن اسع رخموا
يابختكم ياود جمعة
درهم شطارة ولاقنطار حظ

*

Quote: لذا فليكفوا اذاهم عن (منى اركوى ) الذى يتهمونه اليوم بأنه قد (قبض ) ثمن الصفقة رغم ان الراسخون فى العلم يعلمون من هم الذين قبضوا (تعويضات ) عقب الانتفاضة وفى عهد الانقاذ هذا وما خطاب (مبارك الفاضل ) الشهير الا بعض وثائق هذا (القبض ) ..

هل هذا هو نفس المني أركوي الذي حشدت له الأقلام والمطبلاتية وسكبت مدادا ومداد لتعلم أنه يرتمي بأحضان الدول الغربية؟
ما الذي جد وأصبحت تدافع عنه كل هذا الدفاع؟
مبادئ متفقين، لا تمتلك، أين أحترام الزات؟










دنقس.

يا جمعة مبروك
داير ليك جية بى رواقة لانو كلامك فيهو الصاح و الغلط

----------------------------------------------------------------------------

يا خليفة
جمعة ده سيد حق ويفرح اها انت جايباك ال....و لا دى برضو حقها مارق
التعرصة لايقة فيك

اهو لقيت ليك شغلانة تنفع فيها

عصروا ليك كم و لا ماسكين عليك شنو

انت قايل الكيزان قعدم الكلام ده بس

ما تنسي الببيعوا روحم و قلمهم و حاجات تانية

يا خليفة

كل الحديث الذى سـاقـه محمـد حامـد جمعـة عن الأحـزاب هـو واقـع، وأتفق معـه فيـه.. ولم يستطيـع أحـد أن يدافـع عن الأحـزاب فيمـا قالـه عنهـا أعلاه.. هـذه الأحـزاب الطائفيـة الفاسـدة هى التى أفسـدت الحيـاة السياسيـة فى السـودان، وهى التى أتت بكل الحكومـات العسكـريـة كلمـا وصلت الى قمـة فشلهـا.. عبـود قدم له حزب الأمـة السلطـة على طبق من فضـة.. النميـرى أتى بـه الشيـوعيـون.. وأخيـرا الإنقاذ هى حزب الجبهـة جاء بنفسـه إلى السلطـة بالقـوة..
لو أن هناك حسنـة واحـدة لهـذه الحكومـة هى تجميـدهـا لهـذه الأحـزاب طيلـة هـذه الفتـرة لتموت الموت البطئ..
ولكن محمـد حامـد جمعـة لا يستطيـع الحديث عن الذين وظفوا جل وقتهـم لكشف زيفهم وتعريـة أهدافهـم الإجراميـة.. والغريب فى الأمـر أن محمـد حامـد جمعـة يعيب عليهـم النضال الاعلامى والسايبيرى عندمـا يوظفون بعض وقتهـم فى الكتابـة على هـذا البورد أو وسـائل الأعلام المختلفـة، فى حين أن هـذا النوع من العمل، هـو بالنسبـة لمحمـد حامـد جمعـة عبارة عن أكل عيش ونضال فى وقت واحـد!!

خليك مع أحزابك يا محمـد.. فهـم وأنتم سـواء.

حذف !
نحن ناقصين ?

حماده جمعه
و اصرار غريب
علي تنفيذ مخطط
شق الصفوف
و زرع الفتن
لصالح حكومة الخرطوم






محمد
حاول تكون محمد حامد جمعه (الانسان) ولو ليوم واحد

يااسطى حاتم
كلنا نملك حق الفرح
الوطن ماحقك ولاحق محمد جمعة
ولاحق البشير ولاحق منى اركاوى
انت مع منو وتبع منو
لغتك المنحطة تدل على طبيعتك وانتماءك وتربيتك
انت اساءة لمن تدعى الانتماء اليه حتى لو كان وطن
ناهيك عن حزب او شيخ او سيداو مجرد وهم تدخنونه كالحشيش
امشى اغسل لسانك وتعال ناضل
فعلا محمد جمعة محظوظ اذا كان هولاء
هم اتباع خصومه
وصبيان معارضيه فابشر بطول سلامة يامربع

محمد جمعه
فى علم المخابرات والتخابر فى جزيئيه بسموها الcover for action
ات يا اخوى الcoverبتاعك بتاع الإعلام وصحفى دا ما بقى محروق
لما تبقى محمد ول جمعه الليد الهبانى الزول السودانى
المرات تحس فيهو نفس امدرمانى
لما بس تبقى محمد وبس بتبقى زول طاعم !!مع إنى لهسه ما لقيت لى كوز طاعم
حتى صاحبى الوحيد البقى كوز لما تكوزن بقى مسيخ !!عارف ليه ؟؟؟
لانو بدافع عن الغلت والاعوج!!
اسمع نصيحة ابو لقاء(خدر) لانها غاليه.
لو داير فكرنه ومثاقفه وتبادل اراء وحوارات جاده
راجع مداخلات خالد عويس فى اغلب بوستاتك ،وإذا وافقت على طرحو
انا واخرين سنشارك بالاسئله المقلقه منامنا ومهجسه مضاجعكم
ارقد سودانى وبث

Quote: لما تبقى محمد ول جمعه الليد الهبانى الزول السودانى المرات تحس فيهو نفس امدرمانى لما بس تبقى محمد وبس بتبقى زول طاعم !! ارقد سودانى

سامع يا جمعه !!

يا جماعة معارضة علي حكومة
هل الانقاذ ( الكيزان جناح علي عثمان ) جاديين في تفكيك الدولة الشمولية تدريجيا و لا بيستفيدوا من الوقت لشراء الذمم و تفكيك المعارضين و تفتيتهم لتسهل عملية المناورات لتطويل عمر نظامهم و بناء تكتلات هشة لمصلحتهم
كلمة محمد حامد معناتو انو نحن البنعارض الحكومة دي مما جات و دفعنا دمنا وو ظائفنا و عمرنا سجنا و شردنا نحن ما اكثر من ورقة مساومة تستغلها الجهات السياسية المختلفة
سوال للحركة الشعبية
الجديد شنو في معيشة المواطن السوداني شمالي جنوبي غرباوي شرقي مسيحي وثني مسلم الجديد شنو سألتكم بالله
المدارس في حالها المستشفيات في حالها المواهي في حالها الاسواق في حالها بل تدهورت اكتر
من الجانب التاني
سياسي الجبهة بزخهم زاد عليهو بذخ ثوار الامس
عربات لاندكروزو بيوت للطيش
الله يا وطن
الله يا كوكو
الله يا محمد احمد
الله يا جون
الله يا الدومة
الله يا اوشيك
الله يا محمد صالح
الله يا محمد خير
حقنا عند منو
الله اعلم