في سودان تاني.. !!

هناك سودان آخر غير هذا السودان الذي تتحدثون عنه
هناك سودان خلف هذه الجدران السميكة من صراعات الوسط والهامش
والأسمر والأقل سُمرة.
هناك سودان آخر غير سودان الأحزاب والتشكيلات والحركات المسلحة
والغير مسلحة.

هناك سودان آخر
هو البلد الأكبر في أفريقيا
وهو من أغنى البلاد في العالم بالموارد المائية والأراضي الزراعية
ومن أغنى بلاد أفريقيا بالموارد المعدنية والغابات والثروة الحيوانية
وهو البلد الذي يمتلك سوقا تتمناها معظم الدول، فلديه (9) دول تجاوره
برّا.
هو أحد أكبر خمس دول أفريقية من ناحية الثروة البشرية
هو البلد الذي ينافس بلدان أفريقيا القريبة من المحيط الهادي، والأبيض المتوسط، في سرعة وصول منتجاته للبلدان الآسيوية والأوروبية.
هو البلد الذي يمتلك كوادر بشرية ساهمت في تطوير بلدان أصبحت تعد الآن
من أفضل الدول في العالم.
وهو…..

ولكن ذلك سودان آخر.. غير البلد الذي تتحدثون عنه الآن.

هل تعلمون!؟

الخبر الذي كان يتداوله العالم بدهشة قبل اندلاع شرارة دارفور في أبريل الأسود
هو أن السودان:
قفز إلى مصاف الدول الأكثر جذبا للاستثمار الأجنبي في أفريقيا والعالم العربي..!؟

بل كان الثاني عربيا والثالث أفريقيا..

ولكن جاءت شرارة دارفور!!!

ولكن

هل تعلمون ما هو الخبر الذي تداوله العالم بدهشة قبل مقتل قرنق!!؟


"... قال يا ليت قومي يعلمون"..

Quote: ولكن ذلك سودان آخر.. غير البلد الذي تتحدثون عنه الآن.

صدقت في دي والله يا عبد الله يا أخوي !!!
أنا والله قدر ما أخش البورد دا وأقرا الكلام البكتبوهو الناس هنا عن السودان بشك إنو دا ما ياهو السودان القاعدين فيهو دا !!

والمصيبة إنو أكتر الناس البيكتبوا عن السودان دا .....
هم القاعدين برا السودان !!!!!

؟!؟

أيهما يا ترى هو (السودان الجديد؟)

الأخ العزيز ناذر

لك التحية

نعم.. وحتى من في الداخل، لا يتحدثون في الاتجاه الصحيح، ولا يعلمون ما يدور عن بلدهم
في الخارج، ولا تتخطى آنظارهم ذلك الحائط السميك الذي يحجب الرؤيا.
ولكن لا يزال الأمل موجود، فما يحرك السودان ليس أهله بل دينامية الاقتصاد الدولي وشركاته
ومصالحه التي تكاد تلتهم كل شيء.
وما نشهده من صراع داخلي، ليس إلا صور لـ (عرائس) تديرها أيادي متمرّسة من خلف الشاشة.
وسيأتي اليوم الذي يعرف فيه أهلي أنهم كانوا دمى تحركها تلك الأيادي بقصد تأجيل الكعكة
السودانية حتى يأتي أوان التهامها.

الاخ :Abdulla Ageed
السلام عليكم ...
نحن بالطبع نريد ان نري السودان في مقدمة الدول في كل شئ ونتمنى دوما ذلك .

Quote: قفز إلى مصاف الدول الأكثر جذبا للاستثمار الأجنبي في أفريقيا والعالم العربي..!؟

الكلام عن الاستثمار الاجنبي في السودان كتير ومثير ....
لكن السؤال المهم ماذا استفاد الشعب السوداني من الاستثمار الاجنبي ؟؟

جمال الصادق

عليكم السلام

Quote: لكن السؤال المهم ماذا استفاد الشعب السوداني من الاستثمار الاجنبي ؟؟

والله سؤال مهم.

لكن المقصود هو أن هذا الخبر انتشر في مارس 2004م.. بأن السودان في 2003
أصبح الثاني والثالث عربيا وأفريقيا في جذب الاستثمار.

وفي أبريل 2004 انطلقت حملة عالمية لا تبقي ولا تذر.. بأن في السودان أزمة
إنسانية في دارفور، وأن به حربا ستغوص به في سابع أرض وستخرجه من أسفل الكرة
الأرضية.

والنتيجة أن الهجمة الاستثمارية العالمية في 2003 انخفضت. بل ربما انعدمت.
كدا ببساطة.

وإجابة على السؤال، وبناء على هذا الحال.. لم يستفد السودان؟

ولكنه تجاوز الأزمة .. ووقع اتفاقية السلام في 9 يناير 2005
وبدأت الفترة التمهيدية للفترة الانتقالية.. وجاء قرنق إلى الخرطوم.
وتم توقيع اتفاق في أبوجا بين الحكومة والحركات المسلحة في دارفور.

يعني شنو؟

يعني بدأت الأمور تسير لصالح السودان..

ولكن.

مات قرنق.....

ولم ينته المسلسل.

فانظر إلى العنواين البارزة قبل موت قرنق.

من العناوين التي تداولتها وكالات الأنباء العالمية قبيل موت د. قرنق:

- قرنق يؤدي القسام نائب أول للرئيس السوداني، عقب اتفاق السلام الذي أنهى أطول صراع أهلي في أفريقيا.

- السودان يتوقع الحصول على (...) مليار دولار من المانحين إثر تطبيق اتفاقية السلام.

- الحكومة والحركات المسلحة في دارفور يوقعون اتفاق إعلان المبادئ.

- مجموعة متمردة في دارفور توقع اتفاقا مع الحكومة من داخل الأراضي السودانية.

- صراع دموي بين أكبر فصيلين محاربين للحكومة في دارفور.

- مؤتمر صلح في ليبيا بين الفصيلين المتحاربين في دارفور.

- عودة وفد التجمع إلى الخرطوم- اجتماعات مع اللجنة المشتركة- ترقب لعودة رئيس التجمع.

- ستة ملايين سوداني يستقبلون قرنق في الخرطوم.

- قرنق يصرح بأنه مؤسسة الرئاسة ستعمل بتعاون وتفاهم لحل مشاكل السودان.

- قرنق يتعهد بحل مشاكل دارفور وشرق السودان.

- المشاورات جارية لتشكيل حكومة الوحدة الوطنية.

- انعقاد جلسة استثنائية لمجلس الوزراء السوداني في مواقع انتاج البترول، بحضور قرنق.

- الاجتماع يستعرض خارطة احتياطات البترول في السودان.

*****

عبدالله تحياتي ..
اولا ارحب بك وانت زول جديد في البورد دا ..
زي ما ظاهر على تاريخ تسجيلك اسفل صورتك ..
وايضا لك مساهمات ..جيدة

والله يا عبدالله يا اخوي اول شيء اعمل حسابك ..ما تقول في سودان تاني غير
البقولوا فيهو الجماعة ديل ..لانك بتجيك الفرازة اسه وبتفرزك وبتطلعي
في الكوم المعادي للتقدم والمدنية والحضارة ..والديمقراطية ..

ولا في استثمار ولا في موارد بشرية مؤهلة ..ولا في 200 مليون فدان صالحة للزراعة
ولافي اي حاجة ...واسه الكلام الجبتوه دا يجوا يفندوا ليك ويمرقوا ليك شمار في مرقة ..

لانك انت زول متفائك ...والمرحلة ليست مرحلة تفاؤل ..
انما مرحلة عولمة وديمقراطية وحقوق انسان وهضربة ..وحقوق ملكية الفكرية ..
تجي انت تقول في سودان تاني ؟ السودان سودان واحد وسيظل كذلك وهو ..ما يريده ويراه السادة المستنيرون الجدد !!

لك تحياتي

Quote: عبدالله تحياتي .. اولا ارحب بك وانت زول جديد في البورد دا .. زي ما ظاهر على تاريخ تسجيلك اسفل صورتك .. وايضا لك مساهمات ..جيدة والله يا عبدالله يا اخوي اول شيء اعمل حسابك ..ما تقول في سودان تاني غير البقولوا فيهو الجماعة ديل ..لانك بتجيك الفرازة اسه وبتفرزك وبتطلعي في الكوم المعادي للتقدم والمدنية والحضارة ..والديمقراطية .. ولا في استثمار ولا في موارد بشرية مؤهلة ..ولا في 200 مليون فدان صالحة للزراعة ولافي اي حاجة ...واسه الكلام الجبتوه دا يجوا يفندوا ليك ويمرقوا ليك شمار في مرقة .. لانك انت زول متفائك ...والمرحلة ليست مرحلة تفاؤل .. انما مرحلة عولمة وديمقراطية وحقوق انسان وهضربة ..وحقوق ملكية الفكرية .. تجي انت تقول في سودان تاني ؟ السودان سودان واحد وسيظل كذلك وهو ..ما يريده ويراه السادة المستنيرون الجدد !! لك تحياتي

ولك أيضا تحياتي أخي لؤي

لماذا بثت قناتين أمريكيتين هما cbs و abc
وفي توقيت واحد صورا تم التقاطها من دارفور؟

لماذا جاء بث الصور في هذا التوقيت بالذات؟
ولماذا بثتها القناتان في توقيت واحد؟

مجرد سؤال

والله كنا ماشين كويس بس ما في صبر