أقبض عبدالله عقيد

Post: #1
Title: أقبض عبدالله عقيد
Author: ajaj
Date: 06-04-2007, 11:44 AM

ازيك يا استاذ

والله مشتاقين............. ومنتظرين العبوات الناجفة لينا مدة

-----------------------------
د. بيان الرملة الحمراء بسرعة

Post: #2
Title: Re: أقبض عبدالله عقيد
Author: عبد الله عقيد
Date: 06-04-2007, 11:56 AM
Parent: #1

سلامات كتيرة ليك يا بت عجاج
وشكرا لهذه الانتباهة
وسلامات لي كل الأحباب الذين افتقدهم طويلا
وأشواق بالكوم والله

وتحايا أيضا للذين أستطاعوا أن يتنفسوا الصعداء
مقرونة بوعيد أن يتلمسوا كيبورداتهم حتى يعثروا على مفتاح (اسكيب)

وللناس المودة
ولك يا بت عجاج و(للخالة) بيان.

Post: #4
Title: Re: أقبض عبدالله عقيد
Author: bayan
Date: 06-04-2007, 12:18 PM
Parent: #2

" />">

رملة حمرة ؤبس؟

دا لازم نخفس اليوتويب ونجيب لسيد الرجال اجمل اغاني المدح..

مع تحياتي ومودتي..
ولعجاج كل المحية جيتكم ما ساهلة...

Post: #7
Title: Re: أقبض عبدالله عقيد
Author: عبد الله عقيد
Date: 06-04-2007, 02:13 PM
Parent: #4

هيع
والله يا نجاة شعرت جلدي كلّبت لمن سعمت الباسل بابكر دي؟!
ما عارف بابكر دا لمن سمع الغنية كان شعورو شنو..!!
شكر ليك يا ست البنوت لا حدّهن..
بس تاني بالله ما تكتري لي عيار المجاملة للدرجة دي..
انتي عارفني جعلي بصّح بصّح مو لِعب.

لك مودتي

Post: #5
Title: Re: أقبض عبدالله عقيد
Author: فيصل نوبي
Date: 06-04-2007, 12:22 PM
Parent: #2

بت عجاج أختي
شوق مطـــــــــــــــــر
إن شاء الله موفقة في الامتحانات !

ود عقيد
شوق الامجاد لما يكون تنكيها فاضي لي مشوار يطلع حق البنزين
سويتها ظـــــــــــــــــاهرة و شينة ياخ ..
بركة في الجابكـ تاني.

_____
ياخ ده أحلي خبر لهذا الاسبوع .

Post: #15
Title: Re: أقبض عبدالله عقيد
Author: عبد الله عقيد
Date: 06-04-2007, 04:19 PM
Parent: #5

ازيك يا فيصل نوبي
مشتاق ليك والله
قلت لي شمار الأمجاد عندك يعني؟
(يا أمجاد.. يا أمجاد).
هذا هو النداء الذي اعتدت عليه مؤخرا..
لكين ناذر يستاهل اللي يجرالو.. لأنو هو الشايل حالي
وناشر أخباري بالبلد..
تصدق هو زاتو بقى (يمشورني)؟
قال عريس قال..
حرمني من مشوار الشيلة، وأداهو نادر اخوهو..
شفت خوة الزول دا بالله؟

التحية والأشواق مجددا لك يا نوبي
وأرجو أن تطول الإقامة بينكم هذه المرة

Post: #17
Title: Re: أقبض عبدالله عقيد
Author: Gaafar Ismail
Date: 06-04-2007, 04:26 PM
Parent: #2

الأخ الفاضل الأستاذ عبد الله عقيــد

السلام عليكم

ألف مرحب بالعودة إلى المنبر .. لقد افتقدناك كثيرا.

تحياتي وصادق مودتي

Post: #39
Title: Re: أقبض عبدالله عقيد
Author: عبد الله عقيد
Date: 06-05-2007, 01:34 PM
Parent: #17

أخي العزيز جعفر اسماعيل
لك التيحة والتقدير
أفتقدتكم والله طوال هذه الفترة التي كنت أكابد
فيها المعايش بين أزقة الخرطوم وحواريها على ظهر أمجاد غبشاء..
وقد كان بيني وبين الكمبيوتر (النت تحديدا) فراق طويل.
ولكني الآن ترجلت من ظهر الأمجاد.. (جزئيا)..
وصرت أختلس اللحظات اختلاسا لألتقيكم..
وأبثكم تحياتي ومودتي
لك المحبة

Post: #3
Title: Re: أقبض عبدالله عقيد
Author: Deng
Date: 06-04-2007, 12:18 PM
Parent: #1

عبد الله عقيد.

حمدلله على السلامة.

كنت في تورا بورا ولا شنوا؟

دينق.

Post: #6
Title: Re: أقبض عبدالله عقيد
Author: فيصل نوبي
Date: 06-04-2007, 12:55 PM
Parent: #3

دكتورة بيان

ياخ مكنة تمبس دي ما حكيتيها حك السنين
عايني البوست اتشر كيف هسي نمشي من امدوم للعرضة

بالراحة كدي
عشان تجيبي رابط اغنية
عايني في الصورة التحت دي و أعملي زيها

Post: #19
Title: Re: أقبض عبدالله عقيد
Author: عبد الله عقيد
Date: 06-04-2007, 05:00 PM
Parent: #3

ازيك يا دينق
الله يسلمك يا حبيب
لمن جيت السودان قالو لي دينق سافر قبل أيام
قلت ليهم الظاهر هرب مني..
أما بخصوص تورا بورا فصاحبك أبو ساندرا تهرب من
مرافقتي وكبّ الزوغة رغم إني تعهدت له بدفع التكاليف كاملة.
لكين تقول شنو.. أصلو الديّامة قالو بتاعين مكنات.

لك التحية والود

Post: #8
Title: Re: أقبض عبدالله عقيد
Author: حمزاوي
Date: 06-04-2007, 02:18 PM
Parent: #1

الاخ عبدالله عقيد
مسكاقمي
الف حمد الله على السلامة
والله مشتاقين

Post: #9
Title: Re: أقبض عبدالله عقيد
Author: bayan
Date: 06-04-2007, 03:03 PM
Parent: #8

يا نوبي ما طالبني حليفة
لكن قاعدة اتبع الخطوة بتاعتك دي وتطلع كدي
اعمل شنو لو يدي بركة؟
وبيجن جوز جوز

يا ناس يا شر كفاية ارررررررر..

Post: #10
Title: Re: أقبض عبدالله عقيد
Author: bayan
Date: 06-04-2007, 03:03 PM
Parent: #8

يا نوبي ما طالبني حليفة
لكن قاعدة اتبع الخطوة بتاعتك دي وتطلع كدي
اعمل شنو لو يدي بركة؟
وبيجن جوز جوز

يا ناس يا شر كفاية ارررررررر..

Post: #11
Title: Re: أقبض عبدالله عقيد
Author: على محمد على بشير
Date: 06-04-2007, 04:03 PM
Parent: #10

ياســـــــــــــــــــــلام ياخ

ود عقيد هاهنا .. يابختنا يابختنا
الف حمد الله على سلامة العوده يا شيخ العرب
وشكرا جميلا لى بت عجاج عشان لفتت نظرا لحضور الغالى

والتحيه عبر بت عجاج
لى نوبى وبيان

Post: #12
Title: Re: أقبض عبدالله عقيد
Author: ajaj
Date: 06-04-2007, 04:09 PM
Parent: #11

دينق محقق البورد جاوب علي السؤال دا عشان نجاوبك علي اسئلتك الساكنينا بيها*

من الذي خرم الاوزن??????????????

-----------------
*الاجابة في بوست منفصل عشان دا بوست ترحيب بالاستاذ عقيد

Post: #13
Title: Re: أقبض عبدالله عقيد
Author: ajaj
Date: 06-04-2007, 04:13 PM
Parent: #12

بيان ومكنة تميس و مداخلات دبل كبينة
نشكرك علي الهدية المفتولة واتعلمي من تمبس جيدا عشان تعلمينا

Post: #14
Title: Re: أقبض عبدالله عقيد
Author: القلب النابض
Date: 06-04-2007, 04:18 PM
Parent: #13

يا سلام

اقبض بت عجاج برضو

يا سلام ود عقيد حمداً لله على السلامة

فرحت البورد بالعودة

تحياتي لكما

Post: #47
Title: Re: أقبض عبدالله عقيد
Author: عبد الله عقيد
Date: 06-06-2007, 11:04 AM
Parent: #14

ابنتنا القلب النابض بالمودة
لك التحية والاحترام
رددت عليك بالأمس.. ولكني بحثت اليوم عن ردي ولم أجده
يبدو أن الاستعجال ولخمة العمل جعلتني (أهلوس).
أشكرك مجددا على الترحين
ولك خالص التقدير

Post: #16
Title: Re: أقبض عبدالله عقيد
Author: ajaj
Date: 06-04-2007, 04:24 PM
Parent: #12

اخوي العزيز نوبي
سلامات كتارات ومشتاقين ا كتر
بس تقول شنو المعمل والدراسة ويوسف وابوه
والرحول والتلفزيون القاعد لحدي اسع في الارض وبنتفرج عليه بالشقلوب
وعيييييييييييييييك علي قول الفاروق

انت كيف وبهناك كيف
لو مقسوم علي السنة شرب ماء النيل حنغشاكم فحضر الكاميرات والذي منو

----------------------
مسعول من الخير وين البطل وودالخليفة ليهم مدة ما بنت

Post: #18
Title: Re: أقبض عبدالله عقيد
Author: ajaj
Date: 06-04-2007, 04:34 PM
Parent: #16

الخال حمزواي مسكاقمي
كمبو
ووي فجلو

---------------
احنا من اندكم بس ما تقول لي ايش معناتو الكلمات الفوق ديل

Post: #20
Title: Re: أقبض عبدالله عقيد
Author: Elmosley
Date: 06-04-2007, 05:07 PM
Parent: #18

عجاج والله برغم الاختلاف معك الا اشتقنا لي مشاغباتك اللطيفة
مع انو الكنوز ديل اذا كان كلامي صاح
مفروض يقولو مسكاقني الدنقلاويه
ما مسكاقمي المحسيه
تحياتي

Post: #48
Title: Re: أقبض عبدالله عقيد
Author: عبد الله عقيد
Date: 06-06-2007, 11:06 AM
Parent: #20

يعني يا الموصلي ياخي الهلمّة دي كلها
ما نافعة معاك.. ؟
وجيت صاحبك من عدمها مي فارقة معاك؟
ياخ انا ما صاحبك ياخ
ولّا شنو..؟

Post: #22
Title: Re: أقبض عبدالله عقيد
Author: حسن البشاري
Date: 06-04-2007, 05:24 PM
Parent: #18

العزيز ود عقيد
مرجبا.. عاد الناس الذين يطيب لنا المقام برفقتهم ..
شكرا بت عجاج

Post: #50
Title: Re: أقبض عبدالله عقيد
Author: عبد الله عقيد
Date: 06-06-2007, 04:18 PM
Parent: #22

أخي العزيز حسن البشاري
لك التحايا النيّرات
ولك الأشواق
ننتظر وصولك إلى السودان..
فهناك مؤشرات باقتراب موعد الإجازة
دايرين شوف العين.. يا ابو علي.

لك المودة

Post: #43
Title: Re: أقبض عبدالله عقيد
Author: عبد الله عقيد
Date: 06-05-2007, 02:01 PM
Parent: #11

أخي الحبيب علي بشير
سلام وتحايا وأشواق
وكيف عاملين مع المسانير !؟
أرجو أن نجد الوقت الكافي للعودة إليكم

مع مودتي

Post: #41
Title: Re: أقبض عبدالله عقيد
Author: عبد الله عقيد
Date: 06-05-2007, 01:40 PM
Parent: #8

الخال العزيز حمزاوي
مسكاقمي
تحايا وأشواق شديدة
يا اخوي خلينا بلدكم خلاص
واستقرينا في السودان..
يا ريت تجو لاحقيننا بسرعة..

بلغ تحياتي لكل الأخوة في الصالحية

وبلغ التعازي لأخي الحبيب عبد المنعم

Post: #21
Title: Re: أقبض عبدالله عقيد
Author: WadAker
Date: 06-04-2007, 05:16 PM
Parent: #1

Quote: مسعول من الخير وين البطل وودالخليفة ليهم مدة ما بنت

للجميع الاشواق والمحبة وصادق الدعاء والمحبة..
شكرا بت عجاج ال لمت الجميليييين

Post: #23
Title: Re: أقبض عبدالله عقيد
Author: عثمان فضل الله
Date: 06-04-2007, 05:35 PM
Parent: #21

ود عقيد وينك انت ياراجل
اضبط هروب امجادى خطير ياخى بان

Post: #24
Title: Re: أقبض عبدالله عقيد
Author: ajaj
Date: 06-04-2007, 05:49 PM
Parent: #23

القلب النابض وييينك يالحبيبة*
ان شاء قولتليك ارمي سلك غسيل
انا موجودة بكثرة وحسداك علي اجازاتك السمحة
وبقرأ ساي ما عندي مروة للكتابة بالكيبورد المخستك دا
ومتابعاك جيدا وخاصة الترجمة بتاعت مقال استقالة روبنسن
فواصلي وما عليك بالذي

----------------------------
*حقوقها محفوظة للنا مهدي

Post: #25
Title: Re: أقبض عبدالله عقيد
Author: اساسي
Date: 06-04-2007, 05:57 PM
Parent: #24

ألف مرحب بالعودة إلى المنبر .. لقد افتقدناك كثيرا.

شكرا بت عجاج

Post: #26
Title: Re: أقبض عبدالله عقيد
Author: محمد سنى دفع الله
Date: 06-04-2007, 10:20 PM
Parent: #25

عييييييييييك
ييييييييييييازووووووول
ود عقيد حتة واحدة
وينك يا استاذ ؟؟؟
محبة وسلام
وشوووووووق
بحر وسيل خريف
القدامنا ده

Post: #27
Title: Re: أقبض عبدالله عقيد
Author: القلب النابض
Date: 06-04-2007, 10:26 PM
Parent: #26

وووب عبى يا يت عجاج جبتي ود عكر ..

الله يا جماعة .. انتو رهيبين يلا تعالوا

ياخ يا بت عجاج انت الرتينة الضوايا

لميتي الناس السمحين

ود عكر

وود البشاري

عليكم الله كان تغيبوا كدة ..

وجودكم ضو

Post: #28
Title: Re: أقبض عبدالله عقيد
Author: محمد حسن العمدة
Date: 06-04-2007, 10:52 PM
Parent: #27

عجاج

اوع يكون ده بوست ( مصيدة ) لكيزان المنبر

لوووووول

شايف دندق جابو الشمار

Post: #29
Title: Re: أقبض عبدالله عقيد
Author: سمية الحسن طلحة
Date: 06-05-2007, 08:44 AM
Parent: #28

سمح النبأ جابو...
ياأهل الله سلام
إليكم عنوان البوست الذى كنت أنوى فتحه بهذا الخصوص :ـ

( ياعبدالله عقيد منبرنا الشوق أعياهو ...
فى الهجر كفاهو .. كفاهو كفاهو . )
وقد كان هذا شغلنا الشاغل فى أكثر من دار منذ غياب ودعقيد منها:ـ
Quote: ياسيد البكار يا المهرتك عربيد
ياسيد الخسيلة المارقة من الإيد
الشوق فى الحشا نارو فينا تقبد
للدار المرية وسيدا باقى عقيد

فكان رد منصور المفتاح :ـ
Quote: يا بت طلحه زيك كم فقدت عقيد
وكم من زيو خابر للبوادى بريد
زولا كم رضى وبندورو طب فى الليد
وبندور نمتو الراجياها ست الجيد

منصور

عجاج لك عاطر التحايا وألف مرحب بى عقيدنا .

Post: #30
Title: Re: أقبض عبدالله عقيد
Author: على محمد على بشير
Date: 06-05-2007, 09:09 AM
Parent: #29

غايتو يا بت شيوخ البطانه
كلامك درر ومداخلاتك ابداع

Quote: ياسيد البكار يا المهرتك عربيد
ياسيد الخسيلة المارقة من الإيد
الشوق فى الحشا نارو فينا تقبد
للدار المرية وسيدا باقى عقيد

الله الله الله

Quote: يا بت طلحه زيك كم فقدت عقيد
وكم من زيو خابر للبوادى بريد
زولا كم رضى وبندورو طب فى الليد
وبندور نمتو الراجياها ست الجيد

تسلم يا ود المفتاح يارائع
وانت تجارى بت شيوخ العرب

تخريمه : -

ارجو وضع معانى الكلمات عشان الحناكيش وكدا
وطبعا انا قاصد فيصل نوبى وبيان لانى متأكد ما حيكونوا
ناقشين ابو النوم

Post: #55
Title: Re: أقبض عبدالله عقيد
Author: عبد الله عقيد
Date: 06-06-2007, 04:35 PM
Parent: #29

الله على البلاغة والنضِم السمِح
ياناس البطانة والله انتو سمحين خلاص

يعلم الله يا بت شيخ العرب ود عقيد زاتو الشوق أعياهو
بس ما بالإيد..
هسي المسادير السمحات ديل ما قادر أرد عليهِن
والكلام الساكت دا.. إلا كل مرة أجي أرد علي نفر ونفرين
وشايف الناس السمحين كلهم منتظرين.. في خاتمتهم (حتى هذه اللحظة)
شيخ العرب ود اب حريرة بي جلالة قدرو..

لك المودة خالصة
وعذرا للتأخر
وللأخوة جميعا..
بس لوكو الصبر يا اخواننا
بجيكم طب..

محبتي

تعديل: السمحين.. بدل المسحين

Post: #56
Title: Re: أقبض عبدالله عقيد
Author: عبد الله عقيد
Date: 06-07-2007, 10:34 AM
Parent: #28

ود العمدة حبابو
والعلم اب هلال مرسوم على سِن بابو

Post: #54
Title: Re: أقبض عبدالله عقيد
Author: عبد الله عقيد
Date: 06-06-2007, 04:31 PM
Parent: #26

الصديق يا ود دفع الله
باش معلّم الأسطوات
ياخي ليك وحشة والله وأشواق
ازيك يا أستاذي
ولعلك بخير وعافية وسعادة وإبتسامة
تحياتي الوافرات ليك وللمعاك
تماسيح الدوحة كلهم بدون فرِز

وخالص المحبّة لك

Post: #53
Title: Re: أقبض عبدالله عقيد
Author: عبد الله عقيد
Date: 06-06-2007, 04:25 PM
Parent: #25

شكرا لك يا أساسي
بحثت عن البوست الذي خاطبتك فيه ولكني لم أجده
(أوعى أكون طيرتو أنا)؟

لك التقدير

Post: #51
Title: Re: أقبض عبدالله عقيد
Author: عبد الله عقيد
Date: 06-06-2007, 04:19 PM
Parent: #23

أبو محمد
ازيك يا أسطى عثمان
انتو ياخي لا بتسألو من الزول لا بتكوسو وراهو!!
(أضبط).. أما ما نضبط ضبِط..
الامجاد زاتا (ظبطناها)..
بشوفكم قريب إن شاء الله

Post: #52
Title: Re: أقبض عبدالله عقيد
Author: عبد الله عقيد
Date: 06-06-2007, 04:24 PM
Parent: #21

يا ود عكر ياخي إنت لا هسي ماسك الكباية دي؟
(أنظر الصورة)..
فِكّها ياخ.. وفِك معاها الحظر العاملو علينا دا..
جيناك في راكوبتك زمان ما نفع..
صاحبنا أصحابك ما نفع..
إنتو أكتر من يجيكم إعصار دايرين يحصل ليكم شنو..!!ّ

مودتي لك

Post: #31
Title: Re: أقبض عبدالله عقيد
Author: انعام عبد الحفيظ
Date: 06-05-2007, 09:11 AM
Parent: #1

عبد الله عقيد

سلام واحترام

اشتقنا لقلمك ولكتاباتك

يلا تعال ومعاك تعود للبورد نكهتو

شكراً عجاج

تخريمة:

شنو ما ظهرت تاني من ديك وعيك

لايمين نفسنا قصرنا معاك شديد

Post: #57
Title: Re: أقبض عبدالله عقيد
Author: عبد الله عقيد
Date: 06-07-2007, 11:37 AM
Parent: #31

أهلا بالأستاذة إنعام
ليك وحشة
Quote: لايمين نفسنا قصرنا معاك شديد

هو نان تقصير نصاح..!!
جماعتك المعاك كلهم شالو رقم التلفون
وهاها سجلوهو..
وعييييك.. الفوتة الياها..
أتاريها الخرطوم دي كعبة خلاص.

المهم ح نبدأ طبعا في مشروع (القواديم) لعريس المنبر
ناذر بيه.
وعايزنكم كلكم جنبنا..
يعني الأيام الجاية ح يكون شعارنا
"أنا دستوري نازل في الخرطوم تلاتة"..

لك المودة

Post: #32
Title: Re: أقبض عبدالله عقيد
Author: عبد الله عقيد
Date: 06-05-2007, 09:59 AM
Parent: #1

يا ناس هووووي
أنا والله الكمبيوتر القاعد فيهو دا (عاريّة)
يعني بقعد فيهو طفّاشي ساكت..
وقاعد أقرأ في كلامكم الحلو دا
ومحتار.. "يا ربي الناس ديل يردو عليهم كيف هسي..؟؟"
دحين آخواني ادوني مهلة
بجيكم منسرق شوية شوية أرد عليكم فردا فردا
ولكن قبل ذلك أبيحكم كل ما تعلمون من محبتي الخالصة
وغزير امتناني لهذه الكلمات الجميلات وللشعور الذي أبادلكم إياه
يشهد الله..

لكم جميعا خالص مودتي..
وبجيكم ما بطوِّل

Post: #33
Title: Re: أقبض عبدالله عقيد
Author: saadeldin abdelrahman
Date: 06-05-2007, 10:25 AM
Parent: #1

حمدلله على السلامة ابو مشعل
مشتاقين عديــــــــل
شكرا بت عجاج على القنصة!

و في القنيص الخيل خف راسن
نحن ما بنخاف من مراسن
المكارم غرقنا ساسن
و المجاهل مين غيرنا ساسن
و إن عطشنا نمز (مر و آسن)
و إن عشقنا بنعشق محاسن
و في المحاسن كفى يومنا راح.

Post: #34
Title: Re: أقبض عبدالله عقيد
Author: ajaj
Date: 06-05-2007, 11:39 AM
Parent: #33

Quote: الأخ الفاضل الأستاذ عبد الله عقيــد

السلام عليكم

ألف مرحب بالعودة إلى المنبر .. لقد افتقدناك كثيرا.

تحياتي وصادق مودت

الاستاذ جعفر ومرحب بيك انت ايضا

Post: #35
Title: Re: أقبض عبدالله عقيد
Author: ajaj
Date: 06-05-2007, 11:57 AM
Parent: #34

Quote: عجاج والله برغم الاختلاف معك الا اشتقنا لي مشاغباتك اللطيفة
مع انو الكنوز ديل اذا كان كلامي صاح
مفروض يقولو مسكاقني الدنقلاويه
ما مسكاقمي المحسيه
تحياتي

يا سلام يا سلام ياسلام
الاستاذ الموصلي عندنا يا مرحبا يا مرحبا
انت بتأسس لمبدأالاختلاف العمرو ما يفسد الود ....ومنكم نتعلم يا استاذ
ورغم ابوي قال لي اذنك ما موسيقية ورغم الكيمياء لكن بنتمي لقبيلتكم حتي اسأل صاحبي عمر

وذاكرتك حديد بس نحنا استعنا بصديق محسي وفشلت وفضحتنا
ولا اقولك ولدي محسي عشان كدي اللسان اتعوج

تخريمة من حقات الفنان الناقد عمر
اغنيتك بتاعت انت لي ما بلقاها عندكم او في النت عشان مكسراني

------------------
عن قريب عاوزة اكتب عن العجاجاب .........ممكن تشاركنا

Post: #37
Title: Re: أقبض عبدالله عقيد
Author: ajaj
Date: 06-05-2007, 12:05 PM
Parent: #35

هوي يا ود اهلي وينك انت
لا هنا ولا هناك ولا الصحافة غرقتك
والله مشتاقين وسألين منكم حتي اسأل شاشة الكمبيوتر
كيف مع القتل والدمار ولا بقيت ثقافي ساي
سمعت عندكم اعصار جاييكم الله يلطف بيكم
وابقي قريب وما تغيب

-----------------------
الحق بت اهلك نانسي من عين القريش وخليل وطلال

Post: #40
Title: Re: أقبض عبدالله عقيد
Author: Elmosley
Date: 06-05-2007, 01:40 PM
Parent: #35

يابتنا
اتخذي من الافكار السياسية مايحلو لك وتقتنعين به
نحن نتطلع الي وطن نختلف فيه لحد الاختلاف تحت الشجرة ثم نذهب
الي بتاع الفول سويا لنتعشي
وننام جميع وضميرنا مرتاح
نعم ليتك انزلتي ذلك البوست
والعجاجاب كلهم اهلي واحبابي ونتبادل المحبة والاحترام

Post: #46
Title: Re: أقبض عبدالله عقيد
Author: سمية الحسن طلحة
Date: 06-05-2007, 07:18 PM
Parent: #40

على محمد على بشير
شكرا كتير وسلام كبير
إحترام وتقدير
بقدر قدرك يا أمير

اطيب التحايا لك ولكافة أهلناالشايقية الحنان

Post: #36
Title: Re: أقبض عبدالله عقيد
Author: A.Razek Althalib
Date: 06-05-2007, 12:02 PM
Parent: #34

عوداً حميداً..
والعود أحمد..
حمد الله على السلامة..

شكراً أخت عجاج شكراً دكتورة بيان..
رسل لي رقم هاتفكـ عبر الماسنجر..

نشوفكـ قريب..

Post: #38
Title: Re: أقبض عبدالله عقيد
Author: ajaj
Date: 06-05-2007, 12:13 PM
Parent: #36

يا ود عقيد لكن طلع عندك شعبية وحلة خوجلي
تعال رد للناس الحلوة ديل لاني ما قدرهم .....لغة فقيرة شاشة مطششة
--------------------
اي بوست تاني اكتبو حتلقي اسمك مكتوب عشان الدخل

Post: #59
Title: Re: أقبض عبدالله عقيد
Author: عبد الله عقيد
Date: 06-07-2007, 11:51 AM
Parent: #36

صديقي أبو رزقة القوقلي
لك التحية والتقدير
ومشتاقين ليكم
كيفك وكيف أهل الرياض
بلغهم سلامي جميعا

لك مودتي

Post: #58
Title: Re: أقبض عبدالله عقيد
Author: عبد الله عقيد
Date: 06-07-2007, 11:45 AM
Parent: #33

أبو السعود
المطر اب رعود
حبابك عشرة ومشتاقين

شايفك طاري الخليل وطاري محاسنو
ياخي أنعشتني والله وأعدت لي (دوزنة المزاج).
أسعدك الله
وحيّاك
وفي انتظار لقاءاتك الجميلة

لك محبتي

Post: #42
Title: Re: أقبض عبدالله عقيد
Author: WadAker
Date: 06-05-2007, 01:53 PM
Parent: #1

Quote: هوي يا ود اهلي وينك انت
لا هنا ولا هناك ولا الصحافة غرقتك
والله مشتاقين وسألين منكم حتي اسأل شاشة الكمبيوتر
كيف مع القتل والدمار ولا بقيت ثقافي ساي
سمعت عندكم اعصار جاييكم الله يلطف بيكم
وابقي قريب وما تغيب

-----------------------
الحق بت اهلك نانسي من عين القريش وخليل وطلال

بت عجاج ... القلب النابض وبقية الناس الطاعمين ... كل الشكر وجميل الود .. على الدوام انا متواجد .. واراقب ..بس كنت محتاج لمة ذى دى .. عشان اطل ... العاملين والعارفين بالعمل الصحفى / السياسى العالمى /خاصة يعلمون مقدار التركيز /المؤلم/ والولادة العسيرة لخبر يحتوى كل مكونات الموت والدمار والدماء بداخلة مما يسبب الكثير من الوجع والعبوس والقرف .. وانا لا اود ان ادخل الى المنبر عابسا وازيد ما به من ..... المهم الان انا مقسم مابين مراقبة اخبار الاعصار المدارى /جونو/ الذى يهدد السلطنة وبين اخبار البلاد ومداخلات الناس الطيبيين ذيكم .. واظن دى حالة تشتت لن استطيع التعامل معها الا بدعوات من الاحباب ...
ضفرة ... نانسى الله يحفظها من عين الحسود واصحاب/ الاضنين الشتر

Post: #44
Title: Re: أقبض عبدالله عقيد
Author: Shams eldin Alsanosi
Date: 06-05-2007, 02:19 PM
Parent: #1

Quote: عبدالله عقيد

هو الزول ده حي؟
طيب غتاتة كدا حأسلم علي ست البوست وما حاشتغل بيك..

مع عميق احترامي

Post: #60
Title: Re: أقبض عبدالله عقيد
Author: عبد الله عقيد
Date: 06-07-2007, 12:05 PM
Parent: #44

الزول الجميل شمس الدين
ياخي فاقدكم والله ومتمني لقاكم
لكين الحاصل علي (شارع مدني ما ضاقو) زي ما بقول المثل.
القعاد في السودان حار خلاص..
والمعايش فيهو جبارة (بالفعل)..
تجبرك على التخلي من أشياء كثيرة.
وكمان الغربة حارة.. وجبارة برضو
نعمل شنو ما عارفين..
خليك قريب ما تبتعد

لك المحبة

Post: #45
Title: Re: أقبض عبدالله عقيد
Author: هجو الأقرع
Date: 06-05-2007, 03:07 PM
Parent: #1

ودعقيد شيخ العرب حمدلله على السلامة ، طولت الغيبة ، ان شاءالله الاهل والوليدات تمام ، ما تنقطع.

Post: #49
Title: Re: أقبض عبدالله عقيد
Author: Ahmed Yousif Abu Harira
Date: 06-06-2007, 11:31 AM
Parent: #45

شكرا "مس" عجاج

ومرحبا بك وبعبدالله عقيد وبركة بالعودة

Post: #62
Title: Re: أقبض عبدالله عقيد
Author: عبد الله عقيد
Date: 06-07-2007, 02:29 PM
Parent: #49

لك التحايا أستاذنا ابو حريرة
ولك الشكر على الترحاب
دايركم عامرة ما بتحمل غياب
بس شغلتنا مشاغل الدنيا
ربك يسهّل ونلقى لينا فرصة لقاء بكم مجددا.

لك خالص ودي وتقديري

Post: #61
Title: Re: أقبض عبدالله عقيد
Author: عبد الله عقيد
Date: 06-07-2007, 02:15 PM
Parent: #45

ابن عمي العزيز هجو الاقرع
سلامات وتحيات وأشواق
الأهل كلهم بخير والحمد لله
إنتو لعلكم طيبين.. وكيف اخبار صديقي حسن هجو.

أتمنى أن نراكم جميعا بخير
خالص تحياتي

Post: #63
Title: Re: أقبض عبدالله عقيد
Author: ajaj
Date: 06-08-2007, 10:47 AM
Parent: #61

استاذنا السني الف الف مرحب بيك والبركة في وعقيد الجابك لينا

----------------------------
كان ما اخاف الذاكرة الخربة انا اشتغلت معاك مرة

Post: #64
Title: Re: أقبض عبدالله عقيد
Author: ajaj
Date: 06-08-2007, 10:55 AM
Parent: #63

علي يا ود بشير

نضم البطانة سمح كتير كلمهم خلو يكترو منو

----------------------------
تحية بيان ليك لازم تكون من المكنة الهي مركبها

اللونين هلال ومريخ

Post: #65
Title: Re: أقبض عبدالله عقيد
Author: ajaj
Date: 06-08-2007, 11:00 AM
Parent: #64

الأستاذة إنعام
بزيارتك بوستنا نور

------------------------
ما تنسو تكفرو لناذر العرس بالنيابة عننا

Post: #66
Title: Re: أقبض عبدالله عقيد
Author: ajaj
Date: 06-08-2007, 11:04 AM
Parent: #65

يا عثمان فضل الله
سلامات
شنو حكاية الامجاد
الشمار بسرعة لو سمحت