Post: #1
Title: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-16-2005, 01:18 PM
Parent: #0
بديت الخطاوي
اللي ما بتتمشي
غشيت الحواري
اللي ما بتنغشي
ركبت الرياح
والجنون
والتعب
بِرِيت الصديق
واللئيم
والكعب
عِرِفتَ الصريح ..
والمِغَتْغِتْ وشي
شربتا المغس
من رحيق العنب
حلبت الألم..
وارتويت بي الطرب
وجيت برضو راجع
بدون ألقى شي..
...
أقنِّب ممحّن
واقوم
منتشي
أسير في دروبي
وأواصل المشي
تلاقيني
يا نجمة
شايلة البريق
يسامر خيالي
ويضوي الطريق
أناجيكِ
تَبْسُمي
تطفي الحريق
أقول ليكِ
يا حلوة ..
ما.. تختشي..
...
تناديني جنبك
توريني دربك
أخاف من خطاي
لو تضل الطريق
أقنِّب ممحّن
واسوق دربي راجع
أشيل الفرح
والأمل
والمواجع
ولكنّي راجع
بدون ألقى شي..!!
عبد الله عقيد.. سنة 5
|
Post: #2
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-16-2005, 01:54 PM
Parent: #1
|
Post: #3
Title: Re: أقول ليكِ.. يا حلوة.. ما.. تختشي (نص)
Author: waleed500
Date: 11-16-2005, 02:05 PM
Parent: #2
ياخى ده كلام حلو بشكل
|
Post: #10
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 07:23 AM
Parent: #3
الوليد
تسلم ياخي
انت الأحلى والله و (ما عليك زود)..
|
Post: #4
Title: Re: أقول ليكِ.. يا حلوة.. ما.. تختشي (نص)
Author: Ahmed Abdallah
Date: 11-16-2005, 02:12 PM
Parent: #2
Quote: أشيل الفرح
والأمل
والمواجع
ولكنّي راجع
بدون ألقى شي..!!
|
إنت كدي تعال وما تخاف .....
ماك ود كرام حاشاك الرجاف .....
بتلقى الزين يا عديل الزين ...
شايلنوا ليك وحاتك حق مو دين ...
كريم ود كرام خوفي عليك من العين ...
وكلنا في رجاك بس ما تطول البين ...
|
Post: #11
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 08:03 AM
Parent: #4
أحمد عبد الله
تسلم ياخي
في المشوار دا كلللو
طلعنا بي فايدة
انو الخوّة ما بتتبدل
والرحم قريب وبعيد
بيربط
والدم بيحن
والليك ليك
لو لبن عُشر
سوو في عينيك..
تشكر يا جميل
|
Post: #5
Title: Re: أقول ليكِ.. يا حلوة.. ما.. تختشي (نص)
Author: ناذر محمد الخليفة
Date: 11-16-2005, 02:40 PM
Parent: #1
|
Post: #6
Title: Re: أقول ليكِ.. يا حلوة.. ما.. تختشي (نص)
Author: Ahmed Abdallah
Date: 11-16-2005, 02:47 PM
Parent: #5
يا ناذر والله الا نستعين بدافنشي صاحبك علشان نفسر الصورة الفوق دي
|
Post: #7
Title: Re: أقول ليكِ.. يا حلوة.. ما.. تختشي (نص)
Author: ابو جهينة
Date: 11-16-2005, 03:29 PM
Parent: #6
عزيزي ود العقيد
تحايا مليئة بالمودة
Quote: بِريت الصديق
واللئيم
والكعب
عِرفت الصريح ..
والمِغتغِت وشي
شربتا المغس
من رحيق العنب
حلبت الألم.. |
نفس الموجة يا ودالعقيد .. موجة الحزن و الأسى ..
و لكنها خطى كتبت علينا .. و لا بد أن نمشيها لأنها مكتوبة على جباهنا.
أرقد عافية
|
Post: #14
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 09:05 AM
Parent: #7
العزيز ابو جهينة
مشينا وفترنا.. وما حصّلنا غير (دوشة)
من كترة اللف..
لم تكن خطانا كلها هباء.. ولكن اكثرها..!!
يبقى الجايي يكون احسن؟!
يمكن.. !!
الله يعافيك يا جلال
|
Post: #12
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 08:42 AM
Parent: #5
أبو النيز
شايفك (لحّنتها)
بعدين (الحقوق محفوظة)..
يديك العافية
|
Post: #8
Title: Re: أقول ليكِ.. يا حلوة.. ما.. تختشي (نص)
Author: ناصر البطل
Date: 11-17-2005, 02:33 AM
Parent: #1
حضور لهذا الجمال و بس ...
|
Post: #15
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 10:30 AM
Parent: #8
ناصر البطل
تشكر يا جميل
حضورك يزين المكان
|
Post: #9
Title: Re: أقول ليكِ.. يا حلوة.. ما.. تختشي (نص)
Author: ناصر محمد خليل
Date: 11-17-2005, 06:46 AM
Parent: #1
جمال ما بعده جمال
شكرا أستاذ عبد الله على القصيدة الرائعة
|
Post: #13
Title: Re: أقول ليكِ.. يا حلوة.. ما.. تختشي (نص)
Author: nazar hussien
Date: 11-17-2005, 08:45 AM
Parent: #9
Quote: تلاقيني يا نجمة
شايلة البريق
يسامر خيالي
ويضوي الطريق |
ألاقي النجيمة
البتشلع بريق
سمر في خيالي
ومضوي الطريق
كذا دورها لي شيطاني يا ود عقيد..لكن العين تب ما بتعلا علي الحاجب
اعجبني هذا النص ايما اعجاب....
|
Post: #17
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 12:40 PM
Parent: #13
نزار حسين
كل المودة
لماذا لا تدع المجال لشيطانك
ليجدع لها (زميلة)؟؟
نمنك زولا مبدع
وشيطانك (شاطر)
ولو كان في حواجب
فأنت الحاجب.. والعين كمان
وبعدين فاقدنك ياخي
وفاقدين طلّتك السمحة
يديك العافية
|
Post: #16
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-17-2005, 11:16 AM
Parent: #9
مرحب بيك يا ناصر
تشكر
يا حبيب
فأنت سيد الروعة
|
Post: #18
Title: Re: أقول ليكِ.. يا حلوة.. ما.. تختشي (نص)
Author: محمد عيد الله
Date: 11-17-2005, 02:08 PM
Parent: #16
الرائع ود عقيد
الله يرد غربتك
|
Post: #25
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 05:48 AM
Parent: #18
محمد عبد الله
لك التحية والشكر
نعم
ربنا يرد غربتنا
ويكف عدونا وشامِتنا
بنتلمّ ان بقيت ما متنا
وان متنا
برضو بنتلمّ
الله يديك العافية
|
Post: #19
Title: Re: أقول ليكِ.. يا حلوة.. ما.. تختشي (نص)
Author: كوليل
Date: 11-17-2005, 03:40 PM
Parent: #1
ود عقيد
الله يرد غربة الجميع
عشان تلف عمتك السمحة دى للناس البفهموها
|
Post: #26
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 08:58 AM
Parent: #19
تشكر كثيرا
اخي كوليل على المرور
وربنا يجمعنا كلنا في بلدنا
ونكون (لقينا شي) من الغربة
المرة دي
وتسلم
|
Post: #20
Title: Re: أقول ليكِ.. يا حلوة.. ما.. تختشي (نص)
Author: saadeldin abdelrahman
Date: 11-17-2005, 07:18 PM
Parent: #1
Quote: بِرِيت الصديق
واللئيم
والكعب
عِرِفتَ الصريح ..
والمِغَتْغِتْ وشي
شربتا المغس
من رحيق العنب
حلبت الألم..
وارتويت بي الطرب
وجيت برضو راجع
بدون ألقى شي |
ياخي والله مع ناس عمناابو جهينة ده زااااتو مافي طريقه الواحد يقشر ويعمل بيها ذوااق وقرااي!
بالله بقرا في النص كده ومريت على المقطع ده وظللتوا طوالي وفي قلبي إن شاء الله أكون الأول...هههههه لقيت لك ابوجهينه جيهها تب!
ودعقيد إذا انتشا
ترا البورد وراهو طايع مشا
| Quote: عبد الله عقيد.. سنة 5 |
?year 5 of migration
|
Post: #27
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 10:00 AM
Parent: #20
الحبيب ابو السعود
لك التحية والتقدير
ابو جهينة وانت وانا
بنشرب من منبع واااحد
وبنرد نفس المورد
فلا غرو إن تصادفت الخطى
| Quote: ?year 5 of migration |
لا والله يا ساعد.. الهجرة تعدت هذه السن..
هي سنة 5 وألفين.. يعني 2005..
ولك المودة
|
Post: #21
Title: Re: أقول ليكِ.. يا حلوة.. ما.. تختشي (نص)
Author: قرشـــو
Date: 11-17-2005, 07:41 PM
Parent: #1
اللااااااااااااااااااه يا ود عقيد
جيتنا محل بوجعنا
ما اجملك وانت ترسم الواقع بريشة الفنان المبدع
حقيقى ابداع يحفر فى وجدان كل من لم لم يلقى شىء فى دنياه
|
Post: #30
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 10:19 AM
Parent: #21
هذا من جمالك وحسك الراقي يا قرشو
لك الشكر ولك المودة
|
Post: #22
Title: Re: أقول ليكِ.. يا حلوة.. ما.. تختشي (نص)
Author: بدرالدين شنا
Date: 11-17-2005, 11:06 PM
Parent: #1
|
Post: #23
Title: Re: أقول ليكِ.. يا حلوة.. ما.. تختشي (نص)
Author: abuguta
Date: 11-18-2005, 00:20 AM
Parent: #22
بلشت المشى..
يالمابتختشى
زقاق وحاورى
كش كش كشى
ركبت الهبوب..
.ومركب غش
فى الصبح والعشى
.....تابعت الكويس
والبطال واساسى...
ووليد وتمبسى
ود عقيد ...انا تلج ما عندى ليك
لانه ساح وبقى موية باردة
اكشحها ليك..ولا اوزعها للضيوف
شعرك دا من فصيلة شعر ابقوتة
ونفس المدرسة..لكن سنة 5 دى انا ما حاضرها
عموما تسجيل حضور
ووقفة تامل
ولقدام
|
Post: #24
Title: Re: أقول ليكِ.. يا حلوة.. ما.. تختشي (نص)
Author: nashaat elemam
Date: 11-19-2005, 01:02 AM
Parent: #23
تسلم الحبيب ود عقيد
انا جاييك هنا مستمع .. ومستمتع.. وبس!!
|
Post: #28
Title: Re: أقول ليكِ.. يا حلوة.. ما.. تختشي (نص)
Author: humida
Date: 11-19-2005, 10:07 AM
Parent: #24
استاذنا ود عقيد ..
كلامك كُتر بالحيل ..
كلام زول مهموم ..
بس ذي ما قال عمنا ابو جهينة ..
كلنا ذلك الرجل ..
كان قمنا مهموين .. وكان قعدنا مهموين ..
بشتنة الحال .. والقلب الرهيف .. خلونا عمرنا كلو نتلفت ..
لا قادرين نطنش .. ولا الحال اتعدل ..
لينا الله ..
|
Post: #35
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 02:26 PM
Parent: #28
أخي العزيز حميدة
لك التحية والتقدير
اصلو يا اخوي الهم مرات بيطغى
والروح تتاوق للمروق..
وبعدها تأتي نسمة مودة من هنا
وكلمة سلوان من هناك
والروح ترقد
والحياة تعاود مسارها
..
ربّك يسهِّل
ولك المودة
|
Post: #29
Title: Re: أقول ليكِ.. يا حلوة.. ما.. تختشي (نص)
Author: معتز تروتسكى
Date: 11-19-2005, 10:17 AM
Parent: #24
استاذنا ود عقيد .
السلام عليك ياوطن الكلام الحر ..الذى يعزز سفر رحيلنا ...يكفكف حزن مرضانا ..يسقى جرفنا بالاحياء سنبة ربيعة..لكى نحيا بين الشوك والبستان ركنا للبكاء فى الاخر المعطوف على جمره..ليت هذا الفيض منك يعبر الحقول لكى تمتلى به ثيابنا لتفريع الدموع وكى نهمل الصحراء ونحمل الورود انيقة بين الانامل والشفاه كلمة طيبه...
وماتخشى بين النص..او فى رواية اخرى (أقول ليكِ.. يا حلوة.. ما.. تختشي (نص))
انتى رعشه ندية..انشودة سحريه ..وجرف برتقال ينساق للاطفال حين يهتفون ..نعم للحب ..لا للحزن ..لا لموت فكرة على مواتئ الشفاة الف لا..
ولتاخذ العينين شكل سحابة لانتقطع ..فبعدك دخولك فى منتصف النصوص ماذا اذا عن الظلال؟..
والليل يلعب بالقصيدة ..كيف شاء..
الاتيه من (نُص) الماعون يوم يكبر فى جوانحنا الكلام وتتدلى منك الكلمات القصيه للقصيدة انت..
اذا دعينا نوسدك البروق شفاعة كبرى النيل فوقه الطيور اوسمة الزمان اوكما اودعها فيكـ الجمال .. اما المكان فهو الصرخة الحره التى تواكب عشقنا للاناث..
الحب يعتمد الاصائل كلها.. الفأل والهذيان وشلة الطيور المتعبة ..ترتاح فينا هاهنا ونظل نبحث عنك لكى نقول لكى..ارتيادنا فيك الانتهاءات القريبه ..وننوم والليل يبصم فى احتمالاتنا لازرع فى مساحاتك قليلا ياعذاباتى ..
وماتخشى فى النص...
ارويها بارزهار تمدت فى دواخلنا كاروع مايكون والحال يوم تايتن طاله من وسط الممشى..
وعندما بدات فى التغلل والتوغل على مدى المساحات فى شهيق متباعد صعد فينا هذا الهم كل المضاعفات من اجل ان يظل ذاك الطريق اليها بشى مابين الحروف الانيقه وطلعت ماشه ..وخشت..
|
Post: #39
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-20-2005, 06:57 AM
Parent: #29
.. وكان تعب منك جناح، في السرعة زيد
في بلادنا ترتاح.. ضل النخيل أريح سكن.
...
دا الوطن يا معتز..
الحبيبة، النيل، النخيل، القمر، صلاح ووردي،
سنار والزريبة، قلول ونرتتي، والقاش وتوتيل..
جبل موية، جبل رويان، جبل عطشان، وقطر الهم..
سكة طوييييييييييييلة، مرة تهدي، مرة تعدي، مرة تزيد
...
نحن تهنا، جسدا، وروحنا ما زالت ترفر عند مدفن الصُرّة..
وما زلنا .. كلنا غريب وحيد في غربتو
حيران يكفكف دمعتو
حزنان يغالب لوعتو
ويتمنا....
لك ولنا تظل الأمنية، بالأوبة قبل أن يحين موسم القطاف
وأن نجني شيئا من ثمرة العمر بين الأهل والأحباب
ولك المودة أخي تروتسكي
|
Post: #34
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 01:29 PM
Parent: #24
حبيبنا الفنان الرقيق
ود الامام
حضورك البهي يشرفنا
ويطربنا
ومدادك فيه مدد
يصل بك إلى أقصى المسافات
ولك المودة
|
Post: #32
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 11:54 AM
Parent: #23
يعني يا ابقوتة تلجك دا من جا هِنا ساح!!
حضورك يا زول كفاية..
ومرورك يشرف
ولك المودة
|
Post: #31
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-19-2005, 10:29 AM
Parent: #22
بدر الدين الجميل
مشينا من بدري
ولقينا الإشارة
ودخلنا عندك واتحكرنا
في قلبك الرحب..
تسلم..
|
Post: #33
Title: Re: أقول ليكِ.. يا حلوة.. ما.. تختشي (نص)
Author: عادل فضل المولى
Date: 11-19-2005, 11:54 AM
Parent: #31
فوق من اجل
الاشياء الجميلة
ود عقيد وتروتسكي
القمر ليلة تمامه
|
Post: #36
Title: Re: أقول ليكِ.. يا حلوة.. ما.. تختشي (نص)
Author: ابو جهينة
Date: 11-20-2005, 00:46 AM
Parent: #33
الأخ سعدالدين
تحياتي و تقديري
Quote: ياخي والله مع ناس عمناابو جهينة ده زااااتو مافي طريقه الواحد يقشر ويعمل بيها ذوااق وقرااي!
بالله بقرا في النص كده ومريت على المقطع ده وظللتوا طوالي وفي قلبي إن شاء الله أكون الأول...هههههه لقيت لك ابوجهينه جيهها تب! |
القلوب شواهد يا أخي سعد.
و مافي شك أنك زول ذواقة و عندك حس إبداعي ..
و الحالة واحدة يا عزيزي..
أرقد عافية
|
Post: #42
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-21-2005, 09:44 AM
Parent: #36
Quote: ابو جهينة وانت وانا
بنشرب من منبع واااحد
وبنرد نفس المورد
فلا غرو إن تصادفت الخطى |
احب عطبرة.. واسكن حي المزاد
|
Post: #40
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-20-2005, 01:09 PM
Parent: #33
الحبيب ابو محمود
تشكر يا سيدي على المرور
ولك التقدير
|
Post: #37
Title: Re: أقول ليكِ.. يا حلوة.. ما.. تختشي (نص)
Author: Gaafar Ismail
Date: 11-20-2005, 01:01 AM
Parent: #1
الأستاذ عبد الله عقيد
جميل جمال ماليه مثال ولا في الخيال
شكرا جزيلا يا مولاي ، فقد أطربتني بهذه اللوحة الرائعة.
جعفر اسماعيل
|
Post: #41
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-21-2005, 07:05 AM
Parent: #37
أخي العزيز جعفر اسماعيل
أحييك
وأشكرك على هذا المرور المشرف
وأرجو أن نكون عند حسن الظن
ولك وافر التقدير
|
Post: #38
Title: Re: أقول ليكِ.. يا حلوة.. ما.. تختشي (نص)
Author: saadeldin abdelrahman
Date: 11-20-2005, 03:10 AM
Parent: #1
Quote: القلوب شواهد يا أخي سعد.
و مافي شك أنك زول ذواقة و عندك حس إبداعي ..
و الحالة واحدة يا عزيزي.. |
وأنت وعبدالله من أجمل الارواح والشواهد عزيزي ابوجهينة
لك الود
|
Post: #43
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-21-2005, 01:33 PM
Parent: #38
لك التحية أخي سعد
والتحية لجلال وكل الأحباب
الذين تجاوبو مع هذه الآنّة
أنة المجروح
من أسى الغربة وألم التباعد
في الخطى وطول المشوار
وتلاشي ملامح المنبت
|
Post: #44
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-22-2005, 07:48 AM
Parent: #1
تناديني جنبِك
توريني دربِك
أخاف من خطاي
لو تضل الطريق
أقنِّب ممحّن
واسوق دربي راجع
أشيل الفرح
والأمل
والمواجع
ولكنّي راجع
بدون ألقى شي..!!
|
Post: #45
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-22-2005, 10:48 AM
Parent: #1
No more talking
Jest keep walking
|
Post: #46
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-23-2005, 08:16 AM
Parent: #1
................
|
Post: #47
Title: Re: أقول ليكِ.. يا حلوة.. ما.. تختشي (نص)
Author: معتز تروتسكى
Date: 11-24-2005, 04:02 AM
Parent: #46
استاذنا ودعقيد
خالص التحايا
أقول ليكِ.. يا حلوة.. ما.. تختشي (نص القيثارة)
القيثارة
نهديك القيثارة
وأنا عازف على الوتر الحزين
والنغم الملبد بالقبلات
والأيادي على القيثاره..
واللحن ينساب عبر القوام
عزفا وأشياء أخرى
تفهم بالاشاره..
جسدي شهيد فوق جسدك
وروحي شهيدة انتظارا
للباقي من البشاره..
إذا هاهي الجنه
تلوح لي بعيدا.. بعيدا
ولكنى سعيد بنيران
جسدك وعينيك الباره..
أصبت بالدهشة
انتهت الحفلة
ولكنى لم افرغ بعد
من إكمال مقطوعتي الخاصة
وتقطعت القيثاره....
ولكنى سأعزف الفراغ الذي
بين شفتيك بين نهديك
بين.....
لذا سأبحث عنك بين
الماره.
الاهداء
لك و لودفضل المولى وللجميع ..
|
Post: #48
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-24-2005, 07:35 AM
Parent: #1
اخي معتز
لك التحية
وتشكر على إهدائنا هذه القيثارة
وها أنت تكمل فصول الحفل
وتستدعي بقايا لحن شارد
رغم تناقص الأوتار
وتباعد الحواجز التي ينتظر
أن تغطي بعض الفراغات
دعنا نلملم معك بعض ما تبعثر
ونستكمل الخطى نحو ما فاتنا
من أصداء لحن سرقته الغربة
ولك المودة.
|
Post: #49
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-24-2005, 01:35 PM
Parent: #1
تواصل الخطى المسير
|
Post: #50
Title: Re: أقول ليكِ.. يا حلوة.. ما.. تختشي (نص)
Author: محمد أبوجودة
Date: 11-24-2005, 02:12 PM
Parent: #1
الاخ عبدالله عقيد
سلامات ويا مراحب بهذا الصِّدق التعبيري عن لحظةٍ تتولّد كثيراً دون ان يُستَطاع
إمتلاكها! .. لا ادري : هل كتبتَكْ القصيدة ؟ أم كُنتَ كاتبها ؟ .
ففي بعض الأحيان ، يتردّد صدى القريض بكلماته وأبياتِه وآهاتِه ورَوِّيه ، قبل أن يمتشق المبدع يراعـه ؛ وفي أحايين أُخَر ، تتنزّل الأبيات والكلمات عبرَ سِنَّة القلم ..
***
Quote: تناديني جنبك
توريني دربك
أخاف من خطاي
لو تضل الطريق
أقنِّب ممحّن واسوق دربي راجع
أشيل الفرح
والأمل
والمواجع
ولكنّي راجع
بدون ألقى شي..!! |
هذا فيه تناص من قول امريء القيس :
ولقد طوَّفتُ في الآفاق حتّى ،،، رضيتُ من الغنيمة بالإياب ..
كما فيه شيئٌ من رَويِّ القصيدة الوطنية : وطنّــا :
أخاف الطريق ،، اللِّي ما بودِّي ليك !
واعاف الصديق ،، اللِّي ما بِحِنّ ليك
معاك انتظاري ،، ولو بالكفاف
شكراً على هذا الصِّدق التعبيري ،،
وللعُـــلا ..
وجميل التحايا ،،
|
Post: #51
Title: Re: أقول ليكِ.. يا حلوة.. ما.. تختشي (نص)
Author: munswor almophtah
Date: 11-24-2005, 02:47 PM
Parent: #50
وهنالك بشارة حسن إسماعيل
جاييك صحى
وما تستحى
ومن غير تعابير
افصحى
وخلى المسافه البينى بينك
تتمحى
وكانت كرحلة التلاشى
تلاشى من سريرتى العنان
لحظة اللقاء
ولحظة الوداع
عدت للغياب بعد برهة الحضور
والتكشف الصريح
والتمازج الوميق
إذ نفذت لا أعى
فلاة عمقك الكثيف
أخذت فى التكثف اللطيف
بعد رحلة التلاشى
والتمزق العنيف
تدافعت إلى منك إذ تلاطفت
حشود لفحك المهفهف الوريف
وضج رعد شاهد
وانداح من تلاطف التكثف الرزاز
كالدموع إذ تساقطت
من عيون شمعة تضج
إذ تعج بالعطاء
تآكلت لكى تضئ بربخا
مسافرا إليك
وأنتى كالمنارة المزدانه
وسط زخمة الفردوس
يغرد الفراش حولك
الحوارى والولدان
يركضون صوبك
القمر يخر ساجدا لديك
وخلسة يضوع من ربوعك الشذى
وخلفة ينساب فوق ربوة المدى
وعنوة تعانق المشاعر
وترقص الحنايا
رقص مقلتيك
فيا أيها العقيد أنت فى الساساق كالذى قاس الفم بودعه...وعرج حسن إسماعيل كأهل الخطوه بلا أى واكس...وصعقتنا الرهبه بالحضور فتلاشينا....
منصور
|
Post: #52
Title: Re: أقول ليكِ.. يا حلوة.. ما.. تختشي (نص)
Author: عبدالرحمن عزّاز
Date: 11-25-2005, 00:35 AM
Parent: #51
الأخ ودعقيد
أجمل التحايا والأمنيات
تعرف زمان قريت ليك عدد من المداخلات
حسيت إنه فى حاجات تانية !
الآن فقط بدأت أفهم ،، شكراً لهذا الجمال
ومذيد من الإبداع ؛؛
|
Post: #56
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-26-2005, 01:25 PM
Parent: #52
الأخ عبد الرحمن عزاز
لك التحية والتقدير
وشكرا للتقريظ وحسن الظن
وأتمنى أن أكون في مقام يستحق
لك خالص ودي
|
Post: #53
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-26-2005, 07:49 AM
Parent: #1
أخي العزيز محمد ابو جودة
أحييك وأشكرك على هذه
القراءة المتمعنة في النص
Quote: لا ادري : هل كتبتَكْ القصيدة ؟ أم كُنتَ كاتبها ؟ .
ففي بعض الأحيان ، يتردّد صدى القريض بكلماته وأبياتِه وآهاتِه ورَوِّيه ، قبل أن يمتشق المبدع يراعـه ؛ وفي أحايين أُخَر ، تتنزّل الأبيات والكلمات عبرَ سِنَّة القلم .. |
صدقت.. فبعض القريض يتردد في البال وينمو داخليا حتى يخرج متكاملا..
وبعضه .. يأتي دفقة واحدة..
وهذا النص من الذي كتب لتوه.. وقد تعجلت ونشرته هنا فور كتابته
وقد لزمني داء الارتجال.. فأصبحت أمقت التدقيق والمراجعة..
وهو مما يضعف.. رغم أن في المرتجل حلاوة ربما تفقد بعد التنقيح
والتهذيب..
لك المودة.. ولنا عندك حق العودة لمزيد من النقاش
وقد أعقبك المبدع المفتاح بإضافة عن بعض التناص
والتلاقي بين نصي وقصائد أخرى متميزة
خالص شكري
|
Post: #54
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-26-2005, 09:55 AM
Parent: #1
فيا أيها العقيد أنت فى الساساق كالذى قاس الفم بودعه...وعرج حسن إسماعيل كأهل الخطوه بلا أى واكس...وصعقتنا الرهبه بالحضور فتلاشينا....
منصور
لك أخي منصور حق التقييم ولنا مندوحة الرضا
فعين تقود خطانا وتنقد مستقرها ولا مثل نقدك
فقد اقتصر (ساسقي) كما قلت على محيط لا يبعد
خطوات.. ومشى غيرنا فأقصى وأبعد.. وطويت له
الأرض..
ولا نزال نرنو لتلقي شربة من معين الإبداع
وماعونه لدى أمثال حسن وبيدك منه طرف..
فهل من شربة..!!.
لك المودة خالصة
ولك التقدير
|
Post: #55
Title: Re: أقول ليكِ.. يا حلوة.. ما.. تختشي (نص)
Author: munswor almophtah
Date: 11-26-2005, 12:14 PM
Parent: #54
ساساقك يا العقيد للدهشه كما فى أنا أنا فى التمنى ديمه هديلى ساجع
إلى أن يقول
أقيس الفم بودعه ودعه
وأجرى واجيه راجع
دى ما بلقاها زولا
زى إنا صيدو ناجع
الموج أظنه يعرف الصياغه الحقيقيه للنص
munswor
|
Post: #57
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-26-2005, 02:18 PM
Parent: #55
أقيس الفم بودعة
وألقى الودع واسع
أقيس الليل بشعرو
وألقى الفرق شاسع
لك التقدير اخي المنصور
|
Post: #58
Title: Re: أقول ليكِ.. يا حلوة.. ما.. تختشي (نص)
Author: حسن البشاري
Date: 11-26-2005, 02:31 PM
Parent: #57
يا لروعة وصدق الحرف عندك يا صديقي .. ان كتبت نثرا او شعرا.
لك ودي بقدر استمتاعي بما تكتب.
|
Post: #60
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-27-2005, 07:22 AM
Parent: #58
أخي العزيز حسن البشاري
لك التحية والتقدير
أشكرك على هذا الثناء، سيما أنه
ثناء (العالم)، وهو حري أن يطرب
له..
ولك خالص مودتي
|
Post: #59
Title: Re: أقول ليكِ.. يا حلوة.. ما.. تختشي (نص)
Author: ناصر محمد خليل
Date: 11-26-2005, 02:59 PM
Parent: #1
الاستاذ عبد الله عقيد
انا من المحبين للشعر وتمتعت جدا بهذا النص .
ولكني اعتقد انه من الممكن ان يتم تلحينه وغناءه ايضا
ترى هل عرضت النص على بعضا من فناني البورد ام لا ؟
|
Post: #61
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-27-2005, 08:42 AM
Parent: #59
اخي ناصر محمد خليل
لك التحية والتقدير
لا أظنه يصلح للتلحين.. فما فيه
من حزن وأسى يجلعه عصيا على اللحن
حسب اعتقادي..
ولك الشكر والتقدير
|
Post: #62
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-28-2005, 06:55 AM
Parent: #1
...........
|
Post: #63
Title: Re: أقول ليكِ.. يا حلوة.. ما.. تختشي (نص)
Author: اساسي
Date: 11-28-2005, 01:15 PM
اعتدت قراءة ما تكتب .. ولكني اخشي الجمال (حقيقة بخاف عديل منه) قرأت هذه القصيدة مرات كنت ادخل واقرا كلما اردت ان اسبر اغوار حروف بسيطة جدا ولكنها معقدة حد التشفير
كانت لدي قناعة قديمة تقول ان الرد علي الكتابات العميقة يضعفها ولكني شعرت برغبة شديدة علي ارتكاب هذا الفعل هنا .
يكفيني من قلبي انه يحب امثالك .. ولذلك احبه
كام قال ابو جهينة رايت مسحة حزنا هنا
رأيت الكل يرتدي حزنا مستعملا ارتداه اخرون
ولكن هذا حزن اخر
حزن اظنه يخصني معك
شكرا لارتدائك حزنا يخصني
امام كل هذه الحروف البسيطة العميقة جل ما يمكن لي ان افعله
هو ان اتأملها بصمت ..
هل هذا ما سمعنا به ويقولنه؟
الحزن الفرح..
|
Post: #64
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-28-2005, 02:12 PM
Parent: #63
أساسي
فتحت الباب مجددا للساساق
بما طرحته من محاور متعددة
أشكرك لك هذا الشعور الجميل
وأعدك بعودة لحديث ربما يطول
ولك خالص المودة
|
Post: #65
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-29-2005, 02:13 PM
Parent: #1
الأخ أساسي
هي الحياة حزن وفرح.. كثيرة هي الأحزان
ولكن دواءها السلوى والنسيان وتبقى
الافراح -على قلتها- تضيئ الطريق
وتبعث الأمل..
ومما يستجلب الفرح الإحساس بوجود
أناس يبادلونك الإحساس ويحملون
معك الهم والألم، ويفرحون لفرحك
ويبدون ما أنفسهم تجاهك
ولا يكتمون.. وأنت من هؤلاء بحق.
داؤنا يا صديقي هو الكتمان
فبه تزداد أحزان الحزين
لشعوره ألا أحد يقاسمه حزنه
وبه تتبدد أحاسيس المحبة الدفينة
في دوخلانا وتذبل ورودها حينما
لا يفوح منها الأريج فيشتمه
القريب والبعيد
وها هنا دعوة لفتح الصدور
ونشر المحبة
ولك المحبة
|
Post: #66
Title: Re: أقول ليكِ.. يا حلوة.. ما.. تختشي (نص)
Author: البدوى يوسف
Date: 11-30-2005, 07:33 AM
Parent: #65
كلام شديد يا ود عقيد
شكرا لك ولملهمتك الشديدة على هذا النص الجميل
|
Post: #67
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 11-30-2005, 10:05 AM
Parent: #66
شيخ العرب البدوي يوسف
افرحني مرورك بعد غيبة
وأشكرها معك
لإلهامها النص
الذي أتى بك
ولك المودة
|
Post: #68
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 12-03-2005, 08:18 AM
Parent: #1
رفعة
شان خاطر
شيخ العرب
|
Post: #69
Title: Re: أقول ليكِ.. يا حلوة.. ما.. تختشي (نص)
Author: أنور أدم
Date: 12-03-2005, 03:45 PM
Parent: #68
اخي ود العقيد
عينا باردة عليك، و الله من يوم غادرت السودان لم اقرأ كلام حلو زي ده،
اتمناك دوما حاضرا لتضفي في ارواحنا عذب الكلم
القصيدة
مهداة للتي لم تبقي علي مساحة من روحي
إليها اهدي همسات ود العقيد
انور
|
Post: #70
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 12-04-2005, 08:01 AM
Parent: #69
أخي العزيز أنو آدم
أشكرك كثيرا على استمتاعك بهمساتي
وإهدائها وأنا معك أهديها علها
تصل وعلك تواصل (المشي) وتستجيب
عند النداء..
ولك التقدير
|
Post: #71
Title: Re: أقول ليكِ.. يا حلوة.. ما.. تختشي (نص)
Author: عبد الله عقيد
Date: 12-17-2005, 08:55 AM
Parent: #1
..............
|
|