Post: #1
Title: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 05:24 AM
Parent: #0
زي ما قال الغنّاي
براي سويتا في نفسي
رسلت لي بكري قلت ليه انا عايز اغير اسمي اسويهو بالعربي
قال لي خلاص..
ودخلت بالعربي.. وإذا باسمي القديم موجود.. ولم يتعدل
انا طبعا كنت فاكر القصة زي تغيير الصورة، أول ما تخت صورة جديدة
تلقاها ظهرت في مشاركاتك القديمة كلها..
أتاريهو بكري عمل لي اشتراك جديد، وسحب الباسويرد حق القديم
أها لقيت نفسي بهذا الطلب ضيعت قرابة 800 مشاركة!!
أصبحت من الماضي، من الأرشيف.
بصراحة لو عارف كِدا ما كان طلبت تغيير الاسم..
لكين هسي لمن شفت إسمي بالعربي.. برضو قلت معليش الواحد
يفتح صفحة جديدة..
أنا الآن محتار..
افتح صفحة جديدة، ولا أقول لي بكري معليش ياخي ياريت ترجع لي
الاستم السابق وتاني ما بعمل كِدا؟؟!!
يا ناس دِلّوني .. يا ناس دِلوني
|
Post: #2
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 05:41 AM
Parent: #1
علما بان هذه المشاركات تحوي أكثر من 80 مسدارا
في بوست (مسدار يا أهل المسادير) وحده.
كما تحوي عددا من النصوص الشعرية بالفصحى والعامية
إضافة إلى مسادير في بوستات أخرى.
وعددا من المقالات.
إضافة إلى الردود المختلفة.
فماذا أفعل..؟!
دِلّوني عا السبيل..
|
Post: #3
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 06:01 AM
Parent: #2
يا باشمهندس بكري
إنت سويت الشغلانية دي كلّها
الحتيتة دي معقول تغلبك..!!
أنا عايز مشاركاتي الفاتت تباريني محل ما أمشي..
دحين يا بكري ياخي شوف لي حل..!!
|
Post: #4
Title: Re: أمانة ما دقس راجل .. يا ناس دِلّوني!
Author: Gafar Bashir
Date: 09-21-2005, 06:19 AM
Parent: #3
تحياتي يا عبدالله
في رايي مافي داعي لتغيير الاسم وتضييع المواضيع القديمة لان التغيير فقط في اللغة ...
يعني لو كان الاسم مختلف خالص زي مثلا من تغيير اسمي من ابو امنة الي الاسم الحالي كان ممكن لاعتبارات كتيرة لكن طالنا ان التغيير في اللغة فقط افضل الرجوع للقديم اذا كان هنالك امكانية..
|
Post: #5
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 06:45 AM
Parent: #4
أشكرك كثيرا أخي جعفر
وأرجو أن يُسمعنا الأخوان آراءهم
وأنا فعلا سأختار العودة للاسم السابق إذا لم تكن
هناك فرصة لإنقاذ مشاركاتي.
لك خالص الود والتقدير
|
Post: #6
Title: Re: أمانة ما دقس راجل .. يا ناس دِلّوني!
Author: حمزاوي
Date: 09-21-2005, 06:58 AM
Parent: #1
يا ود عقيد
شيخ العرب
اها
براي سويتوا في نفسي
انت حلو بالانجليزي وبالعربي
ويا اخوي المهم الرصيد في بنك الراجحي
|
Post: #7
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 07:17 AM
Parent: #6
الحبيب حمزاوي
مسكاقمي
إنت الأحلى والله
بس بالله رأيك شنو
الرصيد بتاعي حايضيع يا حمزاوي
أنا حقيقة محتار.
|
Post: #8
Title: Re: أمانة ما دقس راجل .. يا ناس دِلّوني!
Author: نادية عثمان
Date: 09-21-2005, 08:27 AM
Parent: #7
انت رصيدك من الاحترام والمعزة متوفر بكثرة فى قلوبنا ياود عقيد ومساهماتك القيمة تشهد عليها البوستات ..
اسمك بالعربى احلى والله
وبالانجليزى برضو كان حلو
المهم بكرى اخوى ده ماتزهجو !!
زهجو كعب .. هو زول طيب لكن زهجو كعب !!!
فاهمنى موش ؟!!
ونحنا عاوزنك معانا ياود امى !!!
|
Post: #9
Title: Re: أمانة ما دقس راجل .. يا ناس دِلّوني!
Author: سجيمان
Date: 09-21-2005, 08:32 AM
Parent: #8
ود عقيد
يا اخوي اسمع نضم ندوية دا
المثل قال
اسمع كلام البي يطرطشك ويطلع عينك.......وندوية مطرطشة خلق الله واتني يا شبه القمرا
|
Post: #11
Title: Re: أمانة ما دقس راجل .. يا ناس دِلّوني!
Author: waleedi399
Date: 09-21-2005, 09:09 AM
Parent: #9
المحـترم
عبد الله عقـيد ..
ما يجبرك على المر إلا الامر منو................
يا ريتك كنت شاورت قبل اتخاذ القرار ... بقت عليك (براي سويتها في نفسي) زي ما انا سويتها في نفسي .. تعرف قبل كدا انا برضو في حوش تاني من الاحواش المجاورة وفي ليلة من ذات الليالي اتهورت وغيرت اسمي من الـ399 إلى الوليد احمد فاذا بهم قد نسفوا كل ما بنيت خلال السنوات الماضية بكل سهولة ويسر .. قلت ليهم داير القديم قالولي بنفس المستوى ح تبدأ من الصفر .. وبقيت في حيرة وراعيت (الجيرة) وسكته | Quote: انت رصيدك من الاحترام والمعزة متوفر بكثرة فى قلوبنا ياود عقيد ومساهماتك القيمة تشهد عليها البوستات .. |
بعدين انت يا عبد الله زي ما قالت ليك ندوية وبيها ختمت الكلام والقول .. حبيناك من قلوبنا .. وزدناك يا حلو .. انت رصيدك اكبر بكثير من اي تغيير اسم تغيرت اللغة من الانجليزي إلى لعربية ولم يتغير الحب والتقدير والاحترام .. لو تفتح الدواخل سوف لن تقوي على موران القلوب بالود والأشوق ورصيد وافر من الحب والتقدير والاحترام .. ويظل ارشيفك القديم قابع في مخازن بكري ذات الحصون القوية السامقة .. وتظل انت كما انت فينا عبد الله عقيد الذي عرفناه وعرفنا أحببناه واحبنا ويبقى الود واصلاً ...
خالص محبتي واحترامي .........
|
Post: #14
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 11:32 AM
Parent: #11
الوليد
لك التقدير
وتشكر على هذه الكلمات الطيبة
ولنادية وجعفر وسجيمان وعمران الشكر أجزله.
يبدو أنني سأبقي على الاسم الجديد.
والقديم محفوظ زي ما قلت..
والودتني الشلاقة، ولّا سحروني ماعارف..
800 مشاركة في 50 يوم.. دي عين دي
عييييين.. وانا عارف السحرني منو.
|
Post: #10
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 08:44 AM
Parent: #8
العزيزة نادية
لك التقدير
Quote: المهم بكرى اخوى ده ماتزهجو !!
زهجو كعب .. هو زول طيب لكن زهجو كعب !!! |
والله ياخ الله يستر.. إن شاء الله ما يزهج
بس ما تخافي علي يا نادية
ما بوصلو الحد..
أول ما احس بيهو بدأ يزهج
بقيف من الطلبات..
بس طلب واحد يا بكري
أعمل لي قطرة تجر مشاركاتي الفاتت دي
بالله عليك.
|
Post: #12
Title: Re: أمانة ما دقس راجل .. يا ناس دِلّوني!
Author: عمران حسن صالح
Date: 09-21-2005, 10:08 AM
Parent: #10
ود عقيد كيفنك
وكأني بك أخي عبد الله قد فتحت حساباً في بنك الراجحي مثلاً ثم فتحت آخراً في البريطاني وطلبت منهم إضافة رصيدك بالراجحي إلى الحساب الجديد بالبريطاني ... أو هكذا
يا ربي ممكن بكري يعمله ؟؟؟؟؟؟؟؟
|
Post: #13
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 11:27 AM
Parent: #1
عزيزناسجيمان
هسي قلت شنو؟
Quote: اسمع كلام البي يطرطشك ويطلع عينك..
وندوية مطرطشة خلق الله واتني يا شبه القمرا |
نادية كلاما على العين والراس
هو باقيلك البسوي فيهو دا مو طرطشة؟
القال لي امش غير اسمك منو!!
|
Post: #15
Title: Re: أمانة ما دقس راجل .. يا ناس دِلّوني!
Author: munswor almophtah
Date: 09-21-2005, 11:48 AM
Parent: #13
قبلك يا عقيد فكرنا فيها لكن لقيناها زى أعد تبدأ من أول...وقلنا أحسن بالطريقه العجيبه...بقت زى الشلوخ تشيلها مشكله للآخرين تخليها مشكله ليك والله بعوضـك بعض البوستات يمكن إعادتها ثانية ولكن حتما سيدخلها آخرون وإذا رجعت للقديم ستفقد عشرين مداخله و ستجده ذهب للإرشيف....
لك السلام والمواساة
منصور
|
Post: #16
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 11:55 AM
Parent: #1
أخي العزيز عمران
يمسيك بالخير
| Quote: يا ربي ممكن بكري يعمله ؟؟؟؟؟؟؟؟ |
إن شاء الله تكون في الإمكان.. ولو مافي طريقة.
برضو ما قصر.. وله الشكر أجزله.
ولك تقديري
|
Post: #17
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-21-2005, 01:33 PM
Parent: #1
العزيز منصور المفتاح
كل الود
المفروض كان نستشيرك في السماية الجديدة دي، لأنك صاحب الجِلد والراس
| Quote: لك السلام والمواساة |
ولك خالص التقدير
|
Post: #18
Title: Re: أمانة ما دقس راجل .. يا ناس دِلّوني!
Author: zoul"ibn"zoul
Date: 09-21-2005, 08:36 PM
Parent: #1
| Quote: مبروك (تعريب) الاسم |
|
Post: #19
Title: Re: أمانة ما دقس راجل .. يا ناس دِلّوني!
Author: tmbis
Date: 09-22-2005, 03:59 AM
Parent: #18
دقسه معلم ياعقيد
.
.
تعرف دي المشكلة الواقع فيها انا.. وعملت استشارات عديدة .. وفي النهاية نسيت الموضوع كنت عايز احول من تمبس لي الاسم الاصلي
لكن تمبس والله بعد السنين الطويلة دي ما هاين على
علشان كده .. عمل نايم بالموضوع ..
ونصيحتي ليك ( اعمل موية سكر للاسم الجديد ده ) والعافية درجات
|
Post: #38
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-26-2005, 04:55 AM
Parent: #19
حبيب الكل .. الجميل تامبا
بحثت في الذاكرة
عنى أحلى الكلمات في الاعتذار
ولم أجد غير:
سامحني غلطان بعتذر
لم أتجاوز مداخلتك عمدا.. الله بشهد
بس زي ما قلت:
براك قلت كِدا..
انا عارفك قلبك ابيض.. وانت اكتر من جميل
يلا بعد كِدا جيب لينا موية السكر
بمعرفتك الخاصة
|
Post: #20
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-22-2005, 05:36 AM
Parent: #18
الاخ زول بن زول
لك الشكر
الظاهر عليك مبسوط من القِصة دي
|
Post: #21
Title: Re: أمانة ما دقس راجل .. يا ناس دِلّوني!
Author: ناذر محمد الخليفة
Date: 09-22-2005, 07:43 AM
Parent: #20
أستاذنا عبد الله عقيد!!!!!
يعني نفهم من كدة بقيت برلوم تاني
يا خي كفارة عليك وحاول مع بكري تاني يرجع ليك البوستات (دا لو ما كان فكاها في أقرب سلة مهملات في نيويورك)
صنفرة :
إنتا الإسم غيرتو مالك !!!! فاكرنا ما بنعرف إنقليذي ولا شنو !! 
|
Post: #22
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-22-2005, 08:06 AM
Parent: #21
الفنان (العادي) والكاتب والشاعر (الإسفيري)
الحبيب ناذر
لك التقدير
| Quote: إنتا الإسم غيرتو مالك !!!! فاكرنا ما بنعرف إنقليذي ولا شنو !! |
والله ياخي في كم سبب كِدا دفعوني لتغيير الاسم..
لكين بعد التغيير حاولت أتذكر الاسباب دي
لقيت نفسي نسيتا..
المهم في الأمر أن الاسم بالعربي اسهل من الانجليزي
يعني نحن بنعرف انجليزي لكن متعودين نقرا بالعربي أكتر
لذلك تصل أعيننا إلى العربي قبل الإنجليزي..
بعدين (أستاذنا) دي مش كبيرة شوية؟!
لك الشكر أخي ناذر
|
Post: #23
Title: Re: أمانة ما دقس راجل .. يا ناس دِلّوني!
Author: ناذر محمد الخليفة
Date: 09-22-2005, 08:10 AM
Parent: #22
Quote: بعدين (أستاذنا) دي مش كبيرة شوية؟!
لك الشكر أخي ناذر |
لا والله لا كبيرة ولا حاجة !!!
أتابع كتاباتك بإهتمام جدا في هذا المنبر وأرى من إسلوبك الذي تتبعه في إفحام وإقناع محاوريك أنك استحق صفة الأستاذية دون شك ..
صنفرة :
(أخي) دي مش صغيرة شوية !! 
|
Post: #28
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-24-2005, 06:46 AM
Parent: #23
أخي الحبيب ناذر
| Quote: (أخي) دي مش صغيرة شوية !! |
لو كترت كلامك حانخليها (أخي الصغير).
|
Post: #24
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 09-22-2005, 05:12 PM
Parent: #1
المبدع الاستاذ عبدالله
مبروك
تهريجه
السمايه متين ؟
|
Post: #25
Title: Re: أمانة ما دقس راجل .. يا ناس دِلّوني!
Author: nashaat elemam
Date: 09-23-2005, 06:23 AM
Parent: #24
Quote: [bبس طلب واحد يا بكري
أعمل لي قطرة تجر مشاركاتي الفاتت دي
بالله عليك. |
استاذنا الحبيب ود عقيد:
الليله العقيد صبحت همومو زوايد
ضاع ارشيفو منو ومشاركاتو عدايد
اسمو العربوهو خلاو جديداً عايد
لكن في قلوبنا فوق الحبيب ات زايد
|
Post: #29
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-24-2005, 08:56 AM
Parent: #25
نشأت ليك دوام في قلوبنا حب متزايد
"من زمنا قِبيل، أيام قُلال وعدايد"
حروفك تجبُر المكسور وفيها فوايد
لأنك انت زول فنان وظُرفك زايد
ود عقيد
|
Post: #26
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-24-2005, 06:28 AM
Parent: #24
الأخ العائد فصيل نوبي
لك التقدير.. ومبروك لك أيضا
..
واهو يا صاحبي بقيت سنير علي.. تستاهل
ولك الود
|
Post: #27
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 09-24-2005, 06:41 AM
Parent: #1
| Quote: واهو يا صاحبي بقيت سنير علي.. |
تعرف يا ود عقيد مشكله بالجد
تقعد تفتش بوستاتك
و تبقي زي الضيف فيها
الذ حاجه انو صورتك ما اتغيرت 
تهريجه :
و من تغيير الاسم ما بداء من الصفر
|
Post: #30
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-25-2005, 05:29 AM
Parent: #27
Quote: تقعد تفتش بوستاتك
و تبقي زي الضيف فيها |
صدقت والله يا نوبي..
وزي ما قال الفنان
(ما بعرف الغرام.. غير الضاق عذابو)
ولك التقدير
|
Post: #31
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 09-25-2005, 02:12 PM
Parent: #1
ود عقيد العربي يرد علي خليله الانجليزي
تهريجه:
يا ود عقيد رديت بالعربي ولا الانجليزي ؟
|
Post: #33
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-25-2005, 02:22 PM
Parent: #31
| Quote: ود عقيد العربي يرد علي خليله الانجليزي |
الحمد لله يا فيصل ما قلت (قرينه)
رديت بالعربي ولا الانجليزي ؟
رديت بالنوبي .. مسكاقمي
|
Post: #32
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 09-25-2005, 02:20 PM
Parent: #1
ود عقيد
المرايه ما عندك
تهريجه:
مرايه افرنجي
|
Post: #34
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-25-2005, 02:23 PM
Parent: #32
أها سحرت ناذر وقعتو من الحصان
كمان داير تسحرني انا؟؟
|
Post: #35
Title: Re: أمانة ما دقس راجل .. يا ناس دِلّوني!
Author: معتصم دفع الله
Date: 09-25-2005, 04:13 PM
Parent: #34
يا ودعقيد هسي نبارك ليك ولا نحزن عشانك ..
غايتو الجاتك في يوزرنيمك سامحتك ..
تخريمة ..
Quote: ود عقيد كيفنك
وكأني بك أخي عبد الله قد فتحت حساباً في بنك الراجحي مثلاً ثم فتحت آخراً في البريطاني وطلبت منهم إضافة رصيدك بالراجحي إلى الحساب الجديد بالبريطاني ... أو هكذا |
هسي في داعي لي جنس دا ..
حساب وفي كل البنوك كمان ؟؟؟
ثقافة عربية ..
على قول الراحل الفاضل سعيد ..
|
Post: #39
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-26-2005, 05:53 AM
Parent: #35
الأخ الحبيب معتصم
لك الود.. ومقبولة منك تهنئة وتعزية
والجاتني في يوزرنيمي سببا أنا براي
والحمد لله، جات سليمة.. والبركة في
(الثقافة العربية)..
ولك المودة
|
Post: #36
Title: Re: أمانة ما دقس راجل .. يا ناس دِلّوني!
Author: بدرالدين شنا
Date: 09-26-2005, 03:39 AM
Parent: #1
 عبدالله Ageed
تحياتي وسلامي الحار لك بالإنجليزي وبالعربي وبالشنقيطي يا أجمل الجميلين
و عقيد Ageed حنتقابل
لك حبي
|
Post: #37
Title: Re: أمانة ما دقس راجل .. يا ناس دِلّوني!
Author: بدرالدين شنا
Date: 09-26-2005, 03:48 AM
Parent: #1
حبيبي عبدالله عقيد
سلام تاني
| Quote: أمانة ما دقس راجل .. يا ناس دِلّوني! |
وعشان ما تدقس تاني تمبس دا خلا ليهو حاجات هنا (شوية رد وكيلو كلمات طيبات) وقال ليك نزلن ليهو جنب دكانه ما تنساه
|
Post: #40
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-26-2005, 06:47 AM
Parent: #37
أخي العزيز بدر الدين شنا
إنت الجميل والله وماك طالبني حليفة
أشكرك على الأولى
وأحبك في الثانية
وللحبيب تمبس العتبى.. ولك وله كل المودة
|
Post: #41
Title: Re: أمانة ما دقس راجل .. يا ناس دِلّوني!
Author: salma altijani
Date: 09-26-2005, 09:55 AM
Parent: #40
استاذنا عبدالله عقيد
مبروك وكفارة
انا لقيت اسمك بالانقليزي في بوستي
قلت يا ربي غيرت رأيك ولا الحصل شنو
هو الحصل شنو صحي
|
Post: #44
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-26-2005, 10:31 AM
Parent: #41
الأخت العزيزة سلمى
لك التحية والتقدير
لا ما غيرت رأيي .. مستمر بالعربي
والحكاية إني براي طلبت التغيير
واستجاب الأخ بكري مشكورا.. وبعد حصل
بقى لي حار.. لأنو بديت من جديد..
ودا سبب كل (الجِرسة دي)..
مودتي
|
Post: #42
Title: Re: أمانة ما دقس راجل .. يا ناس دِلّوني!
Author: tmbis
Date: 09-26-2005, 10:20 AM
Parent: #37
| Quote: وعشان ما تدقس تاني تمبس دا خلا ليهو حاجات هنا |
هههههههههه
والله يابدري ضحكتني ...
تشكر ياهميم ..
مسألة انو الرد يروح ف يالرجلين دي عادي يابدري
لكن طبعا بتحرق روحك شايفه هههههههههههههههه
تعرف
تاني كان لقيتك في اي مكان حقي ما حقي برد ليك مرتين .. وفي مكان براك اصلو ما بلخبطك مع زولاً تاني هههههههههههههههه
|
Post: #43
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-26-2005, 10:28 AM
Parent: #42
يا تامبا..
الحكاية دي ما محرِّقة روح بدر الدين براهو
أنا براي بتحرِّق روحي وبتزعلني
عشان كِدا لمن أدقس دقسة زي دي
بحاول بأي طريقة أحصل على رضا الزول
الما رديت ليهو..
وفي حالتك انت بالذات السبب ما مني
السبب من سجيمان.. أي والله.
وبرضو غلطان بعتذر
سامح يا جميل
|
Post: #45
Title: Re: أمانة ما دقس راجل .. يا ناس دِلّوني!
Author: tmbis
Date: 09-26-2005, 10:40 AM
Parent: #43
لالا ياعقيد عادي والله
اصلو مرات البوست بيطلع بره السيطرة
والبينا عامرة واصلو ما تتعقد من حاجة انا كان على رضي وهدي الحبه ما بتزعلني
سجيمان .. قلت لي عمله فيك
والله سجيمان ده يخرب بلد 
|
Post: #46
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-26-2005, 01:24 PM
Parent: #45
طيب لو ما زعلان الجماعة ديل جايبهم ليه
الزول المغمض عيونو دا شنو؟
|
Post: #47
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 09-29-2005, 05:30 AM
Parent: #46
مع أن الأمر (قضي)
وبقينا على الاسم الجديد
ولكن هذه الرفعة للمزيد من التذكرة
|
Post: #48
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 10-06-2005, 11:55 AM
Parent: #1
Quote: تاريخ التسجيل: 20-09-2005
مجموع المشاركات: 200 |
سليت روحي عشان اقبضك بيها يا ود عقيد
كل سنه و انت طيب و رمضان كريم
وعقبال ال 5 عشان تبقي 2005
|
Post: #50
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 10-06-2005, 12:02 PM
Parent: #48
فيصل نوبي (حاليا)
Quote: تاريخ التسجيل: 16-09-2005
مجموع المشاركات: 374 |
سنيَر
نور كامل (سابقا)
(....)
جونيَر
امسك عندك.. (201) والبقية تأتي..
كيفك يا فيصل.. تصوم وتفطر على خير
راجنك في خيمة ود عكر..
لك التحية والتقدير
|
Post: #49
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 10-06-2005, 12:01 PM
Parent: #1
للتوثيق
|
Post: #51
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 10-07-2005, 10:32 AM
Parent: #1
| Quote: راجنك في خيمة ود عكر.. |
عملت ليك مداخله هديه سمح !
|
Post: #52
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 10-08-2005, 11:57 AM
Parent: #51
| Quote: عملت ليك مداخلة هدية |
لو بتاعت الراجل المشى عرس في مصر
اصبر لي ساكت
|
Post: #53
Title: Re: أمانة ما دقس راجل .. يا ناس دِلّوني!
Author: كوليل
Date: 10-08-2005, 12:14 PM
Parent: #1
ياو عقيد
رمضان كريم .....
ومبروك عليك الأسم
وبطل الحركات وذع الحلاوة وخلى لينا نصيبنا بنجيه راجعين
|
Post: #55
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 10-08-2005, 12:44 PM
Parent: #53
مرحبا كوليل
لك التحية والتقدير
وكل عام وانت بخير
الحلاوة وزعناها لمن كنت مختفي
بس برضو حقك محفوظ.. بنديك ليهو
في العيد.. ايه رأيك!
|
Post: #54
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 10-08-2005, 12:33 PM
Parent: #1
Quote: لو بتاعت الراجل المشى عرس في مصر
اصبر لي ساكت |
يا ود عقيد بت الجامعه دي ما عاجباك ؟
|
Post: #56
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 10-12-2005, 01:21 PM
Parent: #1
| Quote: والله ياخي في كم سبب كِدا دفعوني لتغيير الاسم.. |
ود عقيد
والله لقيت ليك سبب وااااحد
اقولو ؟
تهريجه
لا لا ما بقولو خليو شويه يمكن تقولهم براك
|
Post: #57
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 10-12-2005, 02:42 PM
Parent: #56
يا فيصل كيف حالك
أول حاجة شكرا ليك للترحيب
في القرية المجاورة..
وتاني حاجة.. انا الأسباب يتخيل ذكرتها
ولا ما كِدا..؟
تالت حاجة.. خيمة ود عكر مالا ما ظاهرة؟!
ولك الود
|
Post: #58
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 10-12-2005, 02:44 PM
Parent: #1
ود عقيد
الخيمه قااااعده انت المافي هناك
الترحيب ده حقك يا استاذنا
|
Post: #59
Title: Re: أمانة ما دقس راجل .. يا ناس دِلّوني!
Author: فيصل نوبي
Date: 11-15-2005, 02:32 PM
Parent: #1
ود عقيد
لقيت المداخلة دي عجبتني
و لقيت مكانها هنا اجمل للذكري
Quote: وبحساسية (الداخل الجديد) على المنبر (حينها)
لاحظت أن صاحبة البوست لم ترد على مداخلتي..
فأغاظني ذلك.. وكنت حينها أسحب أي مداخلة
لا أجد ردا عليها..
ولكنني لم استطع .. رغم نوبة (الحرد) التي
تملكتني.. |
| Quote: براي سويتا في نفسي |
حلوة منك يا ود عقيد
|
Post: #60
Title: Re: أمانة ما دقس راجل .. يا ناس دِلّوني!
Author: Gaafar Ismail
Date: 11-15-2005, 07:00 PM
Parent: #1
العزيز عبدالله عقيد
سلام يا مولاي
معليش كما يقول أخواننا المصريين ( دقسة وتفوت ولا حد يموت)
قول لي بكري يرجع ليك اسمك القديم وقول ليه تاني ما بعمل كده
مع تحياتي
|
Post: #61
Title: Re: أمانة ما دقس راجل .. يا ناس دِلّوني!
Author: قرشـــو
Date: 11-15-2005, 08:05 PM
Parent: #1
الحبيب عبدالله عقيد
كل سنة وانت طيب يا حبوب
تعرف دى حصلت على قبل كده لكن فجأة لقيت الاخ بكرى اضاف لى كل مساهماتى القديمة وتضخم رقم مشاركاتى مع انى لم اطلب منه ذلك..
عشان كده بقول ليك شيل الصبر وبتلقاها يوم
فى الحوش ده مافى حاجة بتروح يا فردة
|
Post: #62
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 11-16-2005, 09:07 AM
Parent: #1
الأخ فيصل
لك التحية.. دي نقشتها كيف دي..
بالصح والله البنيّة كتّابة..
عشان كدا.. سويتا في نفسي
وتاني بسويها..
شنو ليك!!؟
الأخ العزيز جعفر
لك التحية والود وشكرا لمرورك الكريم
وبعد دا الظاهر الرجعة قااااسية
لك خالص التقدير
عزيزنا العمدة قرشو
لك التحية والود
وحمدا لله بسلامة العودة
والجاتك في (الباسوورد) سامحتك
بركة الشفناك طيب
والعيد مبارك عليك
وكل سنة وانت طيب
لك خالص مودتي
|
Post: #63
Title: Re: أمانة ما دقس راجل .. يا ناس دِلّوني!
Author: محمد عيد الله
Date: 11-16-2005, 11:27 AM
Parent: #62
المصيبة يا ود عقيد تفتش للمشاركات السابقة
تقوم تنسف المشاركات الجديدة وما شاء الله 502
ونصيحة اخوية اعتبرها دين هالك وانسى الموضوع
محمد عبد الله
|
Post: #64
Title: Re: أمانة ما دقس راجل .. يا ناس دِلّوني!
Author: عبد الله عقيد
Date: 11-16-2005, 01:48 PM
Parent: #1
| Quote: ونصيحة اخوية اعتبرها دين هالك وانسى الموضوع |
دا الكلام والله يا محمد عبد الله
وعسى ولعل كلام العمدة قرشو يحصل
وعمنا بكري يضيف المشاركات القديمة علي الجديدة
وعلى العموم ترا كلها موجودة في المنبر
لك التحية والتقدير
أخي محمد
|
|