Post: #1
Title: جهاز المغتربين.. وأساليب الزوغان من القرارات..
Author: عبد الله عقيد
Date: 02-08-2006, 01:51 PM
Parent: #0
جهاز المغتربين.. وأساليب الزوغان من القرارات.. وما زلت استغرب في (الخدمات)
الأجهزة الحكومية في السودان، آخر من يسمع تصريحات الرئيس وينفذها، وعندما تضيق الضائقة يأتي التنفيذ مصحوبا بفهلوة وشيطنة، تأخذ منك بالشمال، ما أعطاك الرئيس باليمين (تصلح إعفاك)..
القرار 550 يعفي جميع المغتربين من المساهمة الوطنية (الضريبة) ما عدا المهنيين..
ونجي لتعريف المهنيين، ناس الجهاز بي شطارة شديدة، فسروا حكاية المهنيين بأي زول عندو شهادة جامعية من كلية متخصصة.. ونحنا طبعا دخلونا ضمنهم باعتبارنا خريجي إعلام.. ولو حاولت تجكلب وتقول يا اخواني أنا ما بتدخل تصنيف المهنيين يقابلوك بي نظرة ترهب الحجر الصلد.. ولو قلت انا ما شغال بي نفس مهنتي يلوحوا لك بالمصحف.. يا تحلف يا تدفع..
أنا شخصيا طوال الفترة الماضية كانوا كاتبني (موظف) وبياخدوا مني الضرائب على هذا الأساس..
المرة دي لي الشلاقة مشيت بعد ما عملت التقدير لي نايب المدير عشان يأجل لي لأني خلال سنة تقريبا مشيت السودان تلات مرات بنات حفرة.. وكل مرّة بدفع.. أها صاحبك لما فوقي قال وييييييين نحن كايسين لي المتلك ديل، موظف دي ما بتنفع معانا.. انت مهني.. واتلفت جاي جاي لقيت الجماعة المعاي كلهم احلف ما تحلف، وياناس والله وانا فعلتي وتركتي..
المصيبة التانية هي ما يعرف بالخدمات.. أنا سأظل مستغرب في طبيعة هذه الخدمات التي تقدم للمغترب، ما لاقتني أي خدمات.. في واحد عارف حاجة يا اخواننا!؟!؟
التقليعة الجديدة أن الجهاز يقلع منك رسوم الخدمات (بالسوداني) لأنو الريال قيمتو انخفضت، يعني الـ 95 ريال تحولت إلى 65 ألف جنيه، والفرق واضح، والأغرب أن رسوم 2006 بياخدوها من بداية السنة؟!
المهم هو (ماذا يقدم لنا الجهاز) مقابل كل هذا؟!
وختاما .. من أراد أن تذلل له الصعاب فعليه بـ (المعقبات)..
|
Post: #2
Title: Re: جهاز المغتربين.. وأساليب الزوغان من القرارات..
Author: عبد الله عقيد
Date: 02-08-2006, 02:02 PM
في عز الزنقة سألت عن زميل المهنة والمنبر
الإعلامي عبد الإله أبو سن فعلمت أنه أصبح وزيرا
في ولاية القضارف..
التهنئة لشيخ العرب بالموقع الجديد
ونسأل الله له التوفيق والسداد
|
Post: #3
Title: Re: جهاز المغتربين.. وأساليب الزوغان من القرارات..
Author: ود الباوقة
Date: 02-08-2006, 04:13 PM
Parent: #2
ود عمي ود عقيد الف حمدا لله على سلامتك وكيف لقيت اهلنا هناك ان شاء الله كلو تمام ... حتي نلتقيك لك الود والاحترام ....
ود الباوقة
|
Post: #7
Title: Re: جهاز المغتربين.. وأساليب الزوغان من القرارات..
Author: عبد الله عقيد
Date: 02-09-2006, 06:42 AM
Parent: #3
عزيزنا الريس ود الباوقة ام نخيل
لك التحية والتقدير
وربنا يقبل حمدك
مودتي
|
Post: #4
Title: Re: جهاز المغتربين.. وأساليب الزوغان من القرارات..
Author: Alshafea Ibrahim
Date: 02-09-2006, 01:00 AM
أخي ود عقيد
اتفق معك تماما بعدم تنفيذ قرارات الرئيس في إعفاء المغتربين من الجبايات كلياأو جزئيا سواء بواسطة الجهاز او السفارات بالخارج
أجزم أنهم لصوص متمرسون في أخذ مال المغترب بالباطل ، يعني تحلف اليمين على الراتب والمهنة - الكل في نظرهم كاذب مخادع ؟؟؟؟؟؟؟؟؟؟
بس نقول ما لنا إلا : بوست د مهيرة
مساهمتكم لرفع دعوى دستورية ضد قانون شئون العاملين بالخارج
هذا البوست مستمر وفعال واتحدت فيه جهود مقدرة في اتجاه إبطال هذا التشريع الباطل
سنستمر حتى البطلان
أخوك
الشفيع
|
Post: #5
Title: Re: جهاز المغتربين.. وأساليب الزوغان من القرارات..
Author: مهيرة
Date: 02-09-2006, 05:51 AM
Parent: #4
كدى ياود عقيد اخوى؟!!كنتوا ناوين تزوغوا مننا وتشربوا من رهاب ناس تاج الدين المهدى والشغلوه!
الجماعة قالوا ننزل القرار دة فى الجرايد عشان نفشل جماعة مهيرة ،غايتو نحن مستمرين فى القضية
(ويا كتل يا جيت حازمها)
تحياتى
|
Post: #6
Title: Re: جهاز المغتربين.. وأساليب الزوغان من القرارات..
Author: حريقة
Date: 02-09-2006, 06:23 AM
Parent: #5
اخي الفاضل ود عقيد
اولا حمد لله علي السلامة
افتقدناك في حفل تكريم ساطور .. بس الجايات اكتر من الرايحات
عزيزي موضوع الجهاز دا جرح كبير وموضوع اصلو ما بنتهي .. انالي معاهم معارك كبيرة جدا في كل مرة امشي السودان ..اخر مرة وصلتها لحدي الامين العام ومالقيت منو اي انصاف فقلت ليهو انا مشتكيكم لي الله حقي ما بخلي لي يوم الدين
والله الناس ديل تخصص في اللولوة والالتفاف حول القرارات .. ومص البشر حتي اخر قطرة دون ان يطرف لهم جفن... بس اكبر دقسة وقعو فيها اعفاء الزكاة لما دون الثلاث الف ونص ..يعني فقهيا كدة حقو قروش الناس دي ترجع بي اثر رجعي من زمان ولي هسي (رغم انو زكاة المرتب دي من الاصل انا مالاقي ليها سند شرعي )
يا زول الكلام في الموضوع دا لي بكرة ما بنتهي
بس زي ما قالت مهيرة ما في الا القضية والمحكمة
| Quote: الجماعة قالوا ننزل القرار دة فى الجرايد عشان نفشل جماعة مهيرة ،غايتو نحن مستمرين فى القضية |
لك ودي وحمد لله علي السلمة مرة تانية وبنتشاوف قريب ان شاء الله
|
Post: #10
Title: Re: جهاز المغتربين.. وأساليب الزوغان من القرارات..
Author: عبد الله عقيد
Date: 02-09-2006, 07:42 AM
Parent: #5
الأستاذة مهيرة
لك التحية
لقد جاء القرار بعد مجهودك في جمع التوقيعات
لماذا لا يكون ذلك من (دواعي) اتخاذ القرار؟
عملك لن يضيع سدى
لك التقدير
|
Post: #9
Title: Re: جهاز المغتربين.. وأساليب الزوغان من القرارات..
Author: عبد الله عقيد
Date: 02-09-2006, 07:05 AM
Parent: #4
الأخ الشفيع
لك التحية
| Quote: الكل في نظرهم كاذب مخادع ؟ |
يفاجئونك بهذه الحقيقة
وعندما تتيقن أنهم لا ينظرون إليك إلا بهذه النظرة
تجاريهم وتقابلهم بالكذب والخداع.. للأسف
لك التقدير
|
Post: #8
Title: Re: جهاز المغتربين.. وأساليب الزوغان من القرارات..
Author: حمزاوي
Date: 02-09-2006, 06:58 AM
اخوي عقيد
مسكاقمي
قلت لي
| Quote: المهم هو (ماذا يقدم لنا الجهاز) مقابل كل هذا؟! |
الاكل والسف
يحلفوك ويدفعوك عشان يسفسفوا هم
اللهم اننا نشكو اليك ضعف حليتنا وهواننا على جهاز المغتربين
|
Post: #11
Title: Re: جهاز المغتربين.. وأساليب الزوغان من القرارات..
Author: عبد الله عقيد
Date: 02-09-2006, 01:59 PM
Parent: #8
الأخ العزيز حريقة
لك التحية والتقدير
وتشكر على المرور والاستفسار
وكما قلت الكلام في أفاعيل الجهاز لا ينتهي
الأخ العزيز حمزاوي
لك التحية والتقدير
| Quote: اللهم اننا نشكو اليك ضعف حليتنا وهواننا على جهاز المغتربين |
أمين يا رب
ينعدل المسار ويتنفذ القرار
|
|