الأشياء الصغيرة الهامة .. يا بكري أبو بكر

الحبيب بكري أبو بكر
لك التحية

في حاجة صغيرة بس مهمة ياخي وعايز الفت نظرك ليها
وهي هذه الأيقونات الصفراء الصغيرة
موضوعة في الأصل باعتبارها أرقام وعلامات ترقيم

يعني الرقم تمانية 8 بيعمل وش ما عارِف كيف
والرقم 5 خمسة كذلك. والنقطتين فوق بعض : كذلك..

الحكاية دي بتأدي لي حرج كبير في كتابة أو نسخ بعض المقالات
من خارج المنبر.. لأنو الرقم أو العلامة بتنقلب تلقائا لأيقونة
ويمكن يطلع منظر الأيقونة (شين) يعني تكون بتاعة الضِحك ديك،
وتجي بعد جملة (جادة)، أو بتاعت تعجب أو استهتار أو استخفاف..
وهكذا..
فياخي معليش :
وإذا كانت النفوس كبارا تعبت في مرادها الأجسام
نتعبك شوية، تشوف لينا حل للموضوع دا..

شكر يزداد كل يوم

بس ليه انا كتبت الكلام دا هِنا وما عملتو في رسالة؟!!

بوريك..

شكرا تاني

بوريك

يعني ح أوريك بكلام ناس الخرطوم

السبب الأول إنو لو المسألة ما في ليها حل
على الأقل الجماعة البشوفو البوست دا يعرفو
إنو الحكاية دي بتحصل بي صورة (تلقائية) وغير
متعمدة، وما يزعلو من الزول البيقتبس ليهو
كلام من زول تاني وتظهر فيهو الرموز دي.

نمرة اتنين
يجو الجماعة هِنا (في البوست دا) ويكتبو عن حاجات صغيرة وهامة
تانية هم شايفنها وكِدا.

نمرة تلاتة
أنا عندي هوس أو قووول اهتمام بالـ (حاجات الصغيرة وهامة)
وبعتبر إنو (يعني بغض النظر عن تنبيهنا الفوق دا) إنو لو الناس
ما انتبهو للحاجات الصغيرة صغيرة دي، بتتراكم وتكبر
ولذلك هي هامة.
واقول ليك حاجة كمان، يعني في سوداننا دا كلو
وفي الفترة الفاتت دي بالذات الناس حصلت ليها حاجة كِدا
خلتم يغضو النظر عن حاجات صغيرة وهامة بتتلاشى وتروح
لحدي ما الوضع هسي بقى صعب خلاص.

أنا اتعمدت القفزة دي من الحديث حول رموز صغيرة
لي حاجات تانية بتحصل في البلد.
لأنو المنبر دا، بلد برضو، دا سودان موازي.
لو قدرنا نحافظ عليهو بي حالو دا.
يمكن يكون عندنا أمل في المحافظة على السودان

لكين الله أعلم.
بالنسبة للسودان يعني، ما بالسنبة للمنبر.

يديك العافية

سلامات يا ود عقيد،

صدقاً لي كلامك. مرَّة نسخت مجموعة آيات قرآنية (مرقَّمة) ولمَّا عملت Preview للبوست أشوف ليك الوش الما بِغَباني متحكِّر وسط الآيات وميِّت بالضحك. خليت الموضوع فَدْ مرَّة.

تحيَّاتي لك ولبكري ولجهد بكري.

السلام عليكم ود عقيد
بورك في الموهوب وشكرت الواهب وبلغ أشده ورزقت بره
-------------------------------------------------
على يمين الشاشة تجد:
Smilies are enabled
Disable it

أخي الحبشي
لك التحية

وشكرا للتنبيه والتوضيح

أيوة شايف بي يميني هنا وأنا بكتب
مكتوب Smilies are enabled.
اقوم اضغط في المربع الفيهو علامة
صاح دا أخليها Disable

وبتنج؟
سنجرب..
تشكر مرة أخرى
ولك التقدير

الأخ عادل البدوي
لك التحية والتقدير

وشكرا على (التثنية)
ولك وافر التقدير

ودعقيد
ياخي بعيدا عن كلامكـ الهام جدا اعلاه





انا كنت بقراء و بتخيل فيكـ و بضحكـ
تعرف .. إتخيلكِـ ياتو نوع من الآباء

نوعكـ ده يا عقيد بكون معذب ليكـ الاولاد عذاب شديد

اقفل الباب وراكـ
دواليبكم فاتحة طوااااااااالي
المُذاكره يا اولاد
الضفارة دي الجابها هنا منو







امازحكم يارجل

Quote: امازحكم يارجل

محول للسيد دكين لشرح نموذج حالة مولانا
خدر وهو يكتب هذه العبارة..


مولانا
كيف حالك وعيالك
لعلكم طيبين..
انت عارف انا فعلا رغم إني لست من النوع
المهتم بالمظهر الشخصي.
ولكني شديد الاهتمام بالمظهر (البرّاني)
وأخيرا حللت الحكاية دي بأني ما بشوف نفسي
يعني مظهري الشخصي خارج نطاق رؤيتي المباشرة.
ولكني أي حاجة تقع تحت نطاق رؤيتي (وقعت معاي)
من النوع الـ critic للطيش.
حتى اتذكر مرة عملت اختبار في موقع إنترنت أمريكي
اختبار سمات شخصية The Ultimate Personality Test
جات النتيجة إنو أنا زول critic.
شفت الشقاوة دي.

Abdulla's Personality Report
How You Approach Life
You are a Critic in the best sense of the word. You analyze, interpret and evaluate the issues and people in your world. And you do so in a way that is much more earnest than most. That's probably because you have an almost superhuman sensitivity to activities around you. Things that go unnoticed by most might rock you like an earthquake. Sure this might feel unsettling at times, but you turn it into a positive. You can see details that others pass by.

You place, or should place, a particularly high value on structuring your environment. Why waste time with chaos and disorganization when all it does is stress people out and make them uncomfortable? For you, it makes much more sense to lead an ordered and predictable life. The efficiency of living that way will free up more time to do the things you enjoy most. This is important when one of the things that matters most to you is success.
You are highly motivated to succeed, and want it to show. How else will people notice your accomplishments if you don't project that image with whatever you've got — your home, your car, your wardrobe, your job? There's always room for self-improvement in your book, and that's not something everybody is willing to admit. You never stop trying to be the best, or have the best, that life can offer. And that shows in your charge to make it big and cash in on the rewards.
Aside from your drive, the truth is you have a very gentle, perceptive spirit. People might fault you for your particularly discerning eye, but that attitude might just stem from their own insecurities about what you see. You're complex and thoughtful, and you feel obligated to judge both by appearance, and by what you see below the surface.
Chances are, you hate arguing and other tense situations — especially when they arise at work. But ultimately, everyone notices your motivation and talent. You're an original thinker, and people will respect your judgments once they get to know you.
Keep at it, Critic. The world is a more discerning place thanks to you.


مصدر الاختبار والنتيجة على الإنترنت:
http://connect.tickle.com/profile/index.html?id=TvHQGqeKH3.dUCZ6

اها يا اخوي شفت كلامك ودانا وين؟

لك المودة.

العمدة قرشو



تشكر

الموضوع صغير لكن هام جد،،
برضو داير انبه بكري لي حاجة شوية متعبة
وهي انو لما تفتح البوست وتكون بتقرا فيهو
بعض البوستات بتكون طويييييييييييييييلة
اها لما تصل اخر تعليق وتكون عايز ترجع المنب العام
الا تشيل السهم البي الشمال دا وتحوحي بيهو
فياريت لو كان في لينك صغير كدا الي الاعلي
وبس

الأخ احمد محمد عثمان
لك التحية

أديك حل سريع كِدا للحكاية دي.

عندك في الكيبورد مفاتيح في النص بين الحروف
والأرقام.
فيها home و end
أها لو عايز تطلع لي أول الصفحة تضغط Ctrl + Home
مفتاح كنترول مع مفتاح هوم.
ولو عايز تنزل تضغط كنترول مع إند.

ولك التقدير

الظاهر زودنا الحيكاة شوية
كِدا كان كفاية

بالنسبة لموضوع كريتك وكِدا.

إلى حبيبنا المهندس بكري

واجهة المنبر الجديدة غير جاذبة للقراء
ولزوار المنبر..
إذا كان لابد من التجديد فنأمل أن تكون
واجهة الموقع (بالعربي) لأن كل قراء الموقع
(تقريبا) يقرأون بالعربية، وإن كان جزء
كبير منهم يقرأ بالإنجليزية.. ولكنها تظل
خيار (ثاني) بالنسبة لهم..
مع وضع أيقونة تقودك إلى القسم الانجليزي من الموقع..

حرصا على هذا المنبر..


لك التقدير

ملاحظات هامة جدا ياود عقيد

ارجو ان تجد طريقها للتنفيذ من سيد الحوش ولدنا الغالى بكرى ابو بكر

ودمتم بالف عافية وخير

نادية
لك التحية

اشتقنا لزياراتك
كثيرا


لك التقدير

الأخ عبد الله عقيد
لك التحية وأنت تتطرق لكل ما يغفل عنه الآخرون..

تعرف يا عقيد عجبني جدا تعليق أحد الأخوة في تحليل سريع لشخصيتك وذكر:

Quote: الضفارة دي الجابها هنا منو

والله كأنما يتحدث عن شخصي
تعرف أنا زول عندي هوس بالحاجات الصغيرة وأرى فعلا إنها أهم شئ لأنها كما قلت قدت تكون بدايات لكوارث
ولك تحياتي
وأرجو أن تتذكر موضوع جمعية الموارد البشرية

الأخ سامي لك التحية
واشكرك على الزيارة
وتنبيهك بموضوع جمعية الموارد البشرية
بالطبع في البال.. وقد فكرت اليوم في رفع
البوست المعني.. وسأفعل إن شاء الله.
وأرجو إخطاري إذا لم تقم بوضعه على قائمة النصف الثاني
من العام، فسأضعه باسمي، فأنا لا أنوي رفع ترحيل أي من بوستاتي..


لك خالص التقدير