Post: #1
Title: عناوين البورد.. مع التعليق..
Author: عبد الله عقيد
Date: 04-01-2006, 08:17 AM
Parent: #0
سلام
سنخصص هذا البوست للتعليق (الطريف) على عناوين المنبر..
أرجو أن يستوعب الأخوة اصحاب العناوين في باب الطرفة
والا يسيئوا فهم التعليقات..
(لأنو يمكن تكون حارّة شوية)..
|
Post: #2
Title: Re: عناوين البورد.. مع التعليق..
Author: Mohamed E. Seliaman
Date: 04-01-2006, 08:26 AM
Parent: #1
بس براحة علينا
شوف الصورة
|
Post: #4
Title: Re: عناوين البورد.. مع التعليق..
Author: عبد الله عقيد
Date: 04-01-2006, 08:36 AM
Parent: #2
الحبشي
سلام
الغناي قال (براي سويتا في نفسي)
أها..هاك
من يقنعني بأن أهل الشمال لم يحملوا السلاح وها هي قوات الفتح الظافرة تغادر أرض المعارك؟
(قوات الفتح الظافرة) يا ساتر استر.. هي لحقت ظفرت كمان..!!
تنويـر الغبش وازالة النمـش في بـيـان فضـل الحبشيـات والحـبش
يكفينا شر اللبش.. يا ناس زولكم انهبش
|
Post: #3
Title: Re: عناوين البورد.. مع التعليق..
Author: عبد الله عقيد
Date: 04-01-2006, 08:32 AM
Parent: #1
ما الذي ينقص الهادي حامد ؟؟
يرحل من الجبل لي امدرمان.. ليقترب من الأضواء
أكاليل من الورد لشقيقي الفاضل أساسي الرافل في حلة العرس
يا عثمان ياخي الزول دا ما تذكرو الحكاية دي يقوم يغتس تاني..
متى يعلنون وفاة جامعة الدول العربية؟!!!....
بعد تنتهي رئاستنا ليها.. ما يقولو كتلوها السودانيين كمان.
دراويش في بوادي الكبابيش
ياااا حليلم.. ديل يتلقي العطش كتلم..!!
عاجل : شبكة الانهار الدوليه تطالب بوقف العمل في خزان مروي
وقرية الحليلة تطالب بإغلاق سجن غوانتنامو..
العقد النضيد
في تعيين العميد..
|
Post: #5
Title: Re: عناوين البورد.. مع التعليق..
Author: saif massad ali
Date: 04-01-2006, 08:43 AM
Parent: #3
عبدالله
بوست حلوشديد ان شاء الله موفق
|
Post: #7
Title: Re: عناوين البورد.. مع التعليق..
Author: عبد الله عقيد
Date: 04-01-2006, 08:55 AM
Parent: #5
العريس ود عوج الدرب
تسلم ياخي
لماذا عبرت الدجاجة الطريق؟؟
والله حاجة تحيّر ياخي...!!
تماضر شيخ الدين تحاصرها الجبال في مسقط ..
كلمناها ستين مرة.. قلنا ليها ما تمشي بي عند الجبال.. هسي ح تمرق كيف!!؟
جوبا نار ... مندكرو في الجيب!!!
يا تو جيب..؟!؟! أوعا يكون جِيب، بتاع الشرطة؟؟
مليشيات الدفاع الشعبي قنبلة الانقاذ الموقوتة ؟؟؟؟؟؟؟
(؟؟؟؟؟؟؟)
السؤال شنو.؟!؟!؟!؟
|
Post: #31
Title: Re: عناوين البورد.. مع التعليق..
Author: يوسف السماني يوسف
Date: 04-03-2006, 08:55 AM
Parent: #7
اخي ود عقيد
سلامات
Quote: مليشيات الدفاع الشعبي قنبلة الانقاذ الموقوتة ؟؟؟؟؟؟؟
(؟؟؟؟؟؟؟)
السؤال شنو.؟!؟!؟!؟ |
هل من جواب ؟
Quote: 1- من أين تمول مليشيات الدفاع الشعبي وكيف ؟
2- لماذا لم تجمع أسلحة الدفاع الشعبي حتى اليوم ؟
3- من أين تصرف مرتبات المليشيات وامتيازات القادة ولماذا ؟
4- مبني الدفاع الشعبي هل هو ملك للدولة أم للمؤتمر الوطني ؟
5- كم عدد السيارات والآليات التي يمتلكها الدفاع الشعبي وقادته ؟
6- لماذا لم يتم رصد معدات الدفاع الشعبي وتسلم للقوات المسلحة ؟
7- لماذا يتمتع قادة الدفاع الشعبي بامتيازاتهم ومناصبهم بعد اتفاقية السلام وحكومة الوحدة الوطنية ؟
8- كيف يتم التحكم في هذه المليشيات عند حدوث التحول الديمقراطي ؟
9- كيف تنجح العملية السياسية وبالوطن مليشيات خارج سيطرة القوات النظامية ؟ |
|
Post: #33
Title: Re: عناوين البورد.. مع التعليق..
Author: عبد الله عقيد
Date: 04-03-2006, 11:24 AM
Parent: #31
يوسف السماني
حبابك
شايفك اخدت الموضوع جد..!!
|
Post: #8
Title: Re: عناوين البورد.. مع التعليق..
Author: هشام آدم
Date: 04-01-2006, 09:15 AM
Parent: #6
______________
Good idea brother, good luck
I am following up
|
Post: #11
Title: Re: عناوين البورد.. مع التعليق..
Author: عبد الله عقيد
Date: 04-01-2006, 10:13 AM
Parent: #9
هشام .. وهشام
عليكما السلام
وإيدكم معانا بالله..
|
Post: #10
Title: Re: عناوين البورد.. مع التعليق..
Author: عبد الله عقيد
Date: 04-01-2006, 09:51 AM
Parent: #6
زول ساكت..
تشكر يا حبوب
هوا في إييييه يا جدعان!!
تؤصُد مين؟ وفين؟ وإمتى؟
ياناس الطرب تعالوا بى جاى أسمعوا أبوداود والعطبراوى سواء فى جناين الشاطىء
"سواء فى جناين الشاطىء".. ما بلاش (تهميز) يا زول..
( .. أبق قليلا ! ) [ 1 2 3 4 5 6 7 8 ]
ما إحنا باقين اهو..
احرص و لا تؤجل
حاضر.. يا حضرة الناظر
هي .. إن لم تكن هي !!
ح تكون مييييييييييييييييين..!!
خطوات إلى عشتار
السلام أمانة يا عمي..
مرحبا باشقائنا العرب فى بلدهم
هم دحين ما فاتو؟
صوت ب ( نعم) أو ( لا ) ازاء التدخل الدولي الوشيك في دارفور [ 1 2 ]
لأ، ح نصوت ب(لا) أو (نعم)؟؟!
|
Post: #13
Title: Re: عناوين البورد.. مع التعليق..
Author: عبدالكريم الامين احمد
Date: 04-01-2006, 01:03 PM
Parent: #12
Quote: جوبا نار ... مندكرو في الجيب!!!
يا تو جيب..؟!؟! |
جيب التمام
|
Post: #14
Title: Re: عناوين البورد.. مع التعليق..
Author: عبد الله عقيد
Date: 04-01-2006, 01:48 PM
Parent: #13
تشكر يا هشام على المساهمة
وياريت تستمر
عبد الكريم الأمين .. أعجبني جدا بوست جوبا
لك الشكر
هـذا المـنـبـر ليـس فـيـه قـبـح..بـل كـلّـه روائـع..مالكـم كـيف تـقـرؤون؟؟!!
غايتو..!! جِنِس كِضبا عليك..!!!
بكري أبوبكر: "دعه يعمل.. دعه يمر"!
يعني خليك مطنِّش..
هو دي عازية وصية يا برنس!!
بحيرة الوجع ..
الـ ما فيها بَجَع..
أول مقدمة برامج محجبة على شاشة دانماركية
وبتقدّم إييييييييييييه.. ؟!!
مسادير يا أهل المسادير إلى ما شاء الله........
الناس في شنو.. والحسانية في شنو؟!
للعسكريين فقط!!!
مين هناك..!!
يا جماعة رآيكم شنو فى الحيوانات الاليفة دى !
أليفة دي نسبيّة.. يعني ممكن تكون... إلخ.. إلخ
إنتفاضة أبريل تمر بدون ذكري.....
الليلة يوم واحد ياخ.. يعني باقي ليها 6 يوم..
|
Post: #15
Title: Re: عناوين البورد.. مع التعليق..
Author: munswor almophtah
Date: 04-01-2006, 01:58 PM
Parent: #14
عناوين البورد.. مع التعليق..
بدون تعليق
|
Post: #16
Title: Re: عناوين البورد.. مع التعليق..
Author: عبد الله عقيد
Date: 04-01-2006, 02:22 PM
Parent: #15
(عدل بواسطة munswor almophtah on 01-04-2006, 02:01 م)
هسي دا ما تعليق يا شيخنا..!!
...
محسوبك واحد من الحسانية
|
Post: #17
Title: Re: عناوين البورد.. مع التعليق..
Author: نادية عثمان
Date: 04-01-2006, 03:10 PM
Parent: #16
هل يجوز ..انشوف اخرتها !!!
|
Post: #21
Title: Re: عناوين البورد.. مع التعليق..
Author: عبد الله عقيد
Date: 04-02-2006, 07:10 AM
Parent: #17
هل يجوز ..انشوف اخرتها !!!
لا، ما يجوز، ما يجوز..
|
Post: #18
Title: Re: عناوين البورد.. مع التعليق..
Author: Ahmed Abdallah
Date: 04-02-2006, 02:19 AM
Parent: #3
| Quote: وقرية الحليلة تطالب بإغلاق سجن غوانتنامو |
حلوة دي ...
طبعا ياودعقيد تضامنا مع كبوشية(سامي الحاج)ودعما لينامن كبوشية جد جد
|
Post: #22
Title: Re: عناوين البورد.. مع التعليق..
Author: bayan
Date: 04-02-2006, 07:20 AM
Parent: #20
سلام يا عقيد
تعرف انت المفروض تعمل كاركاتيرات ...
لو ما بترسم تشوف زول تشرح لي يرسم ليك..
وانت تكتب التعليق...
بوست ظريف شديد
|
Post: #24
Title: Re: عناوين البورد.. مع التعليق..
Author: عبد الله عقيد
Date: 04-02-2006, 09:14 AM
Parent: #18
قريبي ود اب عصاةً سيف
كيف اخبارك
سامي في قلوبنا طبعا
وليس بيدنا غير الدعاء له بأن يفرج الله كربته
وأن يقهر الظالم
وهو على كل شيء قدير
|
Post: #25
Title: Re: عناوين البورد.. مع التعليق..
Author: عبد الله عقيد
Date: 04-02-2006, 09:27 AM
Parent: #24
الحبشي
و
أبو جهينة
و
بيان
نورتو المكان
وفرّحتو الجيران
عايزين نشوفكم كمان وكمان
مبروك تراجى...أختيار صادف أهله [ 1 2 ]
وصادف أبو أهله زاتو..
البنات فى الكلاكلة ... طعم تانى وحاجة تانية
الكلاكلة البنعرفا دي..؟؟؟
قيادات الحركة الشعبية لتحرير السودان سوف تجتمع غدا برمبيك. هناك تغيرات وزارية هامة متوقعة.
هو تغيير لام اكول دا إلا يمشوليهو رمبيك..؟؟
الهلال فريق (الخرخيرين) الاوائل!!
برضو الأوائل يا سامي ياخ..؟؟
بريمه مطالب بالاعتذار....
إشمعنا يعني...؟؟؟
سيف الجامعة يغنى داخل مبانى جهاز الامن والمخابرات الوطنى .
خلاس تاني نمسيهو سيف الأمن..؟؟؟
معظم أهل السودان ... (((( رواد فضاء ))))
هو فضل فيها فضاء.. ما كلّو اتملا بالعشوائي..؟؟
المنافي الأكثر استحالة
دي غنية.. صاح؟؟
|
Post: #26
Title: Re: عناوين البورد.. مع التعليق..
Author: عبد الله عقيد
Date: 04-02-2006, 10:00 AM
Parent: #23
بي زيارتِك بوستي نوّر يا هوزي
إذا كنت مستمع جيد فقط ،،، بعد أذن بكري أبوبكر ،،
هسي دا يعلقو من وين؟؟ كدي نستأذن بكري بالأول..!!
جبهة عريضة لقوي الاستنارة / دعوة الحاج وراق ... من يتقدم قولوا من ؟
((قولوا من؟))... من؟؟
معتصم دفع الله ،،، الرياض نوّرت يا جميل ...
هو سافر قبال يجي الكهرب.. ولا شنو..؟؟؟
المواطنون الأعزاء ...
سياسي تحت التمرين..
رسم صامت لعرى الزمرة الأساسية بين الاخوين
اقطع دراعي لو فهمت حاجة..!!!
يوم ...ما بعد عُــدت . !
شرحو..!!!
دا كلو منّك يا خدر ..
هيييههه.. ونحن ساكتينلو.. بس اليصبُر!!!!
لم يُفَكِّرْ في آخِرِ أمرِهِ...... كليلة ودمنة
يا حليلك يا بيان.. قلتي أخير نضم الحيوان..؟؟!!
إصلاح الكتابة في المنبر [ 1 2 3 4 5 ]
لو بديت بي العناوين مش كان احسن؟!
|
Post: #27
Title: Re: عناوين البورد.. مع التعليق..
Author: طيفور
Date: 04-02-2006, 01:26 PM
Parent: #26
Quote: تعرف انت المفروض تعمل كاركاتيرات ...
لو ما بترسم تشوف زول تشرح لي يرسم ليك..
وانت تكتب التعليق |
"وحات الله دي جيتي من بوست الكاتب الشبح"
________________
Quote: جبهة عريضة لقوي الاستنارة / دعوة الحاج وراق ... من يتقدم قولوا من ؟
((قولوا من؟))... من؟؟ |
تعديل للتعليق..
"ياحليييييلك.. الروجال في حمد النيل"
|
Post: #28
Title: Re: عناوين البورد.. مع التعليق..
Author: عبد الله عقيد
Date: 04-02-2006, 01:48 PM
Parent: #27
طيفور .. أجمل الساخرين
| Quote: "ياحليييييلك.. الروجال في حمد النيل" |
بيحفرو لي منو..؟؟
|
Post: #29
Title: Re: عناوين البورد.. مع التعليق..
Author: عبد الله عقيد
Date: 04-03-2006, 07:21 AM
Parent: #1
يا جماعة البورد ده حبيتو ما حبانى
حبيتو بالـ ح؟؟
كـوستي ..ربـك..مـاذا يحـدث هنـاك؟
في مطر ولّا شنو..؟
دعوة لتوحيد قوى المعارضة الوطنية في المنبر بمناسبة ذكرى الإنتفاضة،
كان غيرِك اشطر.. يا لنا..
عناوين بوستاتي القادمة ... قريباً على هذا المنبر
استر يا رب..
ســر الحيــاة !!!!!!!!!!!!!!!!!!!
(!!!!!!!!!!!!!!!!!!!) أي والله حاجة تحيّر
زواج إثنين بورداب وهذه بمثابة دعوة لبورداب الخرطوم
خطوة لميلاد (بوست) جديد
لكن كده ما معقول يا ..............
... تنقا !!
العلاقة شنو بين العربية دي و الكلب ..
ما بسيطة.. الكلِب بيسُك العربية..
|
Post: #30
Title: Re: عناوين البورد.. مع التعليق..
Author: Adil Al Badawi
Date: 04-03-2006, 07:48 AM
Parent: #29
سلامات يا ود عقيد، بوستك لطيف جعله الله ملطِّفاً لما عكر من أجواء،
Quote: العلاقة شنو بين العربية دي و الكلب ..
ما بسيطة.. الكلِب بيسُك العربية.. |
العلاقة هي أنه من الممكن، أقول من الممكن، أن تنجب العربية ولداً ولا تجد حرجاً أن تسمي ولدها "كليباً"
تحيَّاتي
|
Post: #34
Title: Re: عناوين البورد.. مع التعليق..
Author: عبد الله عقيد
Date: 04-03-2006, 01:43 PM
Parent: #30
الاخ عادل البدوي
تشكر على الزيارة
والعلاقات زي ما قلت كتيرة ومتفرعة
|
Post: #32
Title: Re: عناوين البورد.. مع التعليق..
Author: حسن الجيلى سعيد
Date: 04-03-2006, 09:19 AM
Parent: #1
ود عقيد
السلام عليكم ....
اديك العافية ضنب السوط هبشنا المهم جات منك اديك العافية وواصل
لك كل الود
|
Post: #35
Title: Re: عناوين البورد.. مع التعليق..
Author: عبد الله عقيد
Date: 04-03-2006, 02:02 PM
Parent: #32
حسن الجيلي
سلامات
الأمر لا يتعدى المزاح ومحاولة لتلطيف الجو
مع التقدير
|
Post: #38
Title: Re: عناوين البورد.. مع التعليق..
Author: عبد الله عقيد
Date: 05-09-2006, 07:44 AM
Parent: #1
ناصر وسوباجو
تحية
بعد شهر وشوية
لا أدري إن كانت تلك الأنثى لا تزال
تثير اهتمامكما؟
|
|
