Post: #1
Title: عضو المنبر يريد....
Author: مريم بنت الحسين
Date: 05-16-2011, 08:12 AM
الاحترام أولاً واخيراً....
|
Post: #2
Title: Re: عضو المنبر يريد....
Author: صبري طه
Date: 05-16-2011, 08:14 AM
Parent: #1
والمحشي اللذيذ
|
Post: #3
Title: Re: عضو المنبر يريد....
Author: مريم بنت الحسين
Date: 05-16-2011, 08:15 AM
Parent: #2
المحشي نجض، وسيد المنبر أكله يا ود خالتي!
|
Post: #4
Title: Re: عضو المنبر يريد....
Author: مريم بنت الحسين
Date: 05-16-2011, 08:17 AM
Parent: #3
التوقّف عن السياسات التعسّفية... والحذف الغير مبرر....
|
Post: #5
Title: Re: عضو المنبر يريد....
Author: مريم بنت الحسين
Date: 05-16-2011, 08:18 AM
Parent: #4
الحماية للمعلومات الشخصية.. والأمان...
|
Post: #6
Title: Re: عضو المنبر يريد....
Author: مريم بنت الحسين
Date: 05-16-2011, 08:19 AM
Parent: #5
إعادة المفصولين والاعتذار لهم...
وهم:
-عاطف عبدون
-قمربوبا
-أميرة الشيخ
-خضر حسين خليل
-قيقراوي
-سامي صلاح
-سناء خالد
-أماني الأمين
*التعديل لإزالة إسم محمد حيدر المشرّف
|
Post: #8
Title: Re: عضو المنبر يريد....
Author: مريم بنت الحسين
Date: 05-16-2011, 08:22 AM
Parent: #6
للتوقيع هنا
لتعديل اللنك
|
Post: #9
Title: Re: عضو المنبر يريد....
Author: محمد عبد الماجد الصايم
Date: 05-16-2011, 08:26 AM
Parent: #6
أصلوا ما معقول .. قشّى الناس ديل كوولهم؟
بالغت يا بكري والله!!
|
Post: #17
Title: Re: عضو المنبر يريد....
Author: مريم بنت الحسين
Date: 05-16-2011, 09:29 AM
Parent: #9
ود الصايم.. الجماعة ديل اتشالوا امس بالليل overnight، وأماني الأمين اتشالت الليلة الصباح... طبعا انا بتكلم بي توقيت السعودية...
تحياتي
|
Post: #7
Title: Re: عضو المنبر يريد....
Author: عمر الفاروق
Date: 05-16-2011, 08:22 AM
Parent: #4
مريم خيتي ..
أقول ليك وما تزعلي؟
ياخ المنبر ده مش حق بكري؟
سيبيني من كلام نعم حقو ولكننا من جعلناه منبرا ونحن من كتبنا ونحن ونحن والنقة الفاكينا في روحنا ديك ..
ياخ منبرو يعمل فيهو العايزو ..نحن الغلطانين ..جينا وقعدنا ليهو في حتتو وعايزين نتشرط عليهو ..
أي زول فينا ما عايز مفروض طوالي يمشي من الحتة دي ..
أسة انتي لو مشيتي حتة ما احترموك فيها تاني بتمشي؟
كان مشيتي لي نفيسة الولدت ديك وقامت ما جابت ليك عصير زي ناس تغريد مش تاني ما بتمشي ليها؟
وكان مشيتي تعزي سلوى في ابوها وقامت أحرجتك جمب النسوان وابت تخت يدها في راسك تعزيك تاني مش كان جا الجيش بتقولي ما بعزيها ؟
دحين خيتي بكري ده كده العايز يقعد والما حاسي بي احترام مفروض يمشي براهو وبي رواااقة ..
الكلام ده ما استفزاز ليك يا مريومة ابدا والله بس انا بستغرب نقعد نشحد الاحترام شحدة في حتة ما حقتنا !!!
تسلمي خيتي..
|
Post: #10
Title: Re: عضو المنبر يريد....
Author: aydaroos
Date: 05-16-2011, 08:44 AM
Parent: #7
و متين قيقراوي و خضر لحقو أمات طه؟
أبصم معاك بالعشرة يا مريم
|
Post: #12
Title: Re: عضو المنبر يريد....
Author: keiga2000
Date: 05-16-2011, 08:49 AM
Parent: #10
| Quote: الاحترام أولاً واخيراً.... |
فعلا يا اختنا،، هذا كل ما نتمناه وإختلاف الرأي لا يفسد للود قضية
مع تحياتي للاسرة الكريمة
أبومصطفى
|
Post: #19
Title: Re: عضو المنبر يريد....
Author: مريم بنت الحسين
Date: 05-16-2011, 09:32 AM
Parent: #12
أبو مصطفى... بكري ما كعب، كعبه فعايله... واختلافنا معاه موجّه للحاجات البعملها دي... لو وقّفها، ما عندنا معاه أي مشكلة!
|
Post: #18
Title: Re: عضو المنبر يريد....
Author: مريم بنت الحسين
Date: 05-16-2011, 09:31 AM
Parent: #10
عيدروس.. قيقراوي وخضر شالوهم بالليل ... شكرا ليك... منتظرين رد سيد المنبر... لأنه ردّه الفوق ده، ما قدّم ولا أخّر...
|
Post: #11
Title: Re: عضو المنبر يريد....
Author: Ashraf el-Halabi
Date: 05-16-2011, 08:48 AM
Parent: #7
سلامات بت الحسين
Quote:
-خضر حسين خليل
-قيقراوي
-سامي صلاح
-سناء خالد
-محمد حيدر المشرّف
-أماني الأمين |
وديل متين مشو موزمبيق؟
|
Post: #14
Title: Re: عضو المنبر يريد....
Author: داليا حافظ
Date: 05-16-2011, 09:01 AM
Parent: #11
مريوم سلام
-Quote: عاطف عبدون
-قمربوبا
-أميرة الشيخ
-خضر حسين خليل
-قيقراوي
-سامي صلاح
-سناء خالد
-محمد حيدر المشرّف
-أماني الأمين |
معقول الناس ديل اتفصلوا ..
؟!!ليه عملوا شنو؟ معليش ما كنت متابعة..
|
Post: #21
Title: Re: عضو المنبر يريد....
Author: مريم بنت الحسين
Date: 05-16-2011, 09:40 AM
Parent: #14
اهلا يا داليا.. ازيك... القصة طويلة يا داليا... وبدأت من يوم الاربعاء الفات... ممكن ألخّصها ليك ...
1- زميلتنا عزاز شامي اتعرّضت لتعدّي على خصوصيتها... وأحدهم أخد حسابها، ورسّل منّه لعدد من الاعضاء باسم عزاز وطلب منّهم يرسلوا أرقام تلفوناتهم
2-عزاز نزّلت بوست تخلي فيه مسؤوليتها وتنبّه الناس....
3-بكري مسح البوست سريع، عزاز أصرّت على تنزيل البوست لأكتر من مرّه، وبكري بمسح... في النهاية ترك ليها البوست....
4-عاطف احتج على تصرّف بكري ومحاولاته لتغطية الأمر... بكري مسح البوست ومعاه عاطف...
5-قمر بوبا احتج على مسح عاطف... ونزل بوست وقرر ترك المنبر، بعدها بكري مسح ليه الحساب...
6-أميرة الشيخ احتجت على مسح قمر بوبا وعاطف، ونزّلت أكتر من بوست.. مسحهم بكري، وبعد شويه مسحها هي زاتها....
7-استمر بعدها قيقراوي وخضر وشخصي الضعيف وسامي صلاح وغيرهم في الاحتجاج عبر بوستات، كان بعضها بتمسح....
8-أمس بالليل قيقراوي نزّل لينك لعريضة لجمع التوقيعات والتأييد والمطالبة بتغييرات في طريقة إدارة المنبر ... العريضة
9-بناءاً عليها، اتمسح قيقراوي... تبعوه خضر وسامي...
10-الليلة الصباح اتمسحت لنفس السبب (نشر العريضة) سناء خالد وأماني الأمين....
اتمنى انه التلخيص ما مُخل....
|
Post: #23
Title: Re: عضو المنبر يريد....
Author: داليا حافظ
Date: 05-16-2011, 10:05 AM
Parent: #21
تسلمي يا مريم شرح وافي وكافي ..
وحسب روايتك ده فصل تعسفي ..
بعدين يا بكري المادة
Quote:
- (يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب). |
فيها كتير من التعسف ..، وما بتتماشى مع روح المنبر القائمة على حرية الأراء والأفكار معظم الناس البكتبوا هنا ناس بعرفوا تمام حقوقهم وواجباتهم ..بالتالي من حقهم يناقشوا ويسالوا ويعترضوا ..ومن واجب بكري يتعامل مع المظالم بعين العدل ..
بتمنى عليك يا بكري تعيد النظر فيها ..،وهي ما قرآن ،كما أن الاعضاء ديل عندهم إسهامات مقدرة ..، نحن شاكرين استضافتنا في موقعك المتميز ..لكن بالمقابل التميز ده الأعضاء سبب رئيسي فيه ..
|
Post: #20
Title: Re: عضو المنبر يريد....
Author: مريم بنت الحسين
Date: 05-16-2011, 09:33 AM
Parent: #11
الفلم الهندي مدوّر طول الليلة، لحدي الليلة الصباح يا أشرف...
|
Post: #13
Title: Re: عضو المنبر يريد....
Author: محمد حيدر المشرف
Date: 05-16-2011, 09:00 AM
Parent: #7
العزيزه مريم والجميع ..
تحياتى ..
وصلتنى رساله من المهندس بكرى ابوبكر مفادها اللا شيئ خطأ فى حسابى ..
وذلك ردا على الايميل الذى ارسلته مستفسرا عن توضيح الصوره ..
هذا وقداسترددت خاصية اضافه الردود والتعديل والمواضيع الجديده ودخول الملف الشخصى ..
وأتفقد الان باقى الموجودات ومنها الانتماء للمكان !!
شكرا يا عزيزتى وشكرا للبروف أمين والباشمهندس بكرى ..
وقد كان لابد من التداخل هنا لايضاح الموقف بالنسبة لى ..
احترامى للجميع
|
Post: #16
Title: Re: عضو المنبر يريد....
Author: مريم بنت الحسين
Date: 05-16-2011, 09:20 AM
Parent: #13
اسمحوا لي أرد على محمد حيدر ده يا جماعة...
ألف حمدلله على السلامة، واحنا عايزين الناس تكون موجوده.. حأشيل اسمك من قائمة الناس الشالوهم من البورد... ومرحب بيك...
|
Post: #15
Title: Re: عضو المنبر يريد....
Author: مريم بنت الحسين
Date: 05-16-2011, 09:17 AM
Parent: #7
Quote: مريم خيتي ..
أقول ليك وما تزعلي؟
ياخ المنبر ده مش حق بكري؟
سيبيني من كلام نعم حقو ولكننا من جعلناه منبرا ونحن من كتبنا ونحن ونحن والنقة الفاكينا في روحنا ديك ..
ياخ منبرو يعمل فيهو العايزو ..نحن الغلطانين ..جينا وقعدنا ليهو في حتتو وعايزين نتشرط عليهو ..
أي زول فينا ما عايز مفروض طوالي يمشي من الحتة دي ..
أسة انتي لو مشيتي حتة ما احترموك فيها تاني بتمشي؟
كان مشيتي لي نفيسة الولدت ديك وقامت ما جابت ليك عصير زي ناس تغريد مش تاني ما بتمشي ليها؟
وكان مشيتي تعزي سلوى في ابوها وقامت أحرجتك جمب النسوان وابت تخت يدها في راسك تعزيك تاني مش كان جا الجيش بتقولي ما بعزيها ؟
دحين خيتي بكري ده كده العايز يقعد والما حاسي بي احترام مفروض يمشي براهو وبي رواااقة ..
الكلام ده ما استفزاز ليك يا مريومة ابدا والله بس انا بستغرب نقعد نشحد الاحترام شحدة في حتة ما حقتنا !!!
تسلمي خيتي.. |
مرحب مرحب عمر... ازيك ووين مختفي...
يا عمر ... موش عندك إيميل في الyahoo والhotmail أو gmail؟... اها الشركات دي البتهز وترز... وبتدفع ملايين في اليوم عشان الايميلات بتاعتك تصلك والبترسلها تصل لناسها... اها الشركات دي.. لما تعمل الايميل بتقوم تقول ليك انها بتتعهد بحماية معلوماتك الشخصية... وبإنه مافي زول ياخدها من غير إذنك ... اها التعهّد والجهد الببذلوه عشان يحموك ده، بعد داك لو اتهكّرته عشرين مرّه ما بتزعل منّهم... لاحظ انك بتستخدم خدماتهم ملح ساي... فلس ما بتدفعه ليهم....
نفس الشي بسير على منبر بكري ده... والمنبر ده، الملكية الفعلية للموقع والمساحة على الانترنت حقّت بكري... لكن ما يُكتب في المنبر ده ملك لكل عضو هنا... وعشان العضر يستمر يكتب.. لازم تتوفر ليه الحماية دي... بعدين يا عمر... الناس ما بتتعامل كده... يعني الناس الفوق ديل كلهم اتشالوا من المنبر بطريقة في عنجهيه وتكبّر كده، يحرق... ويخلي الزول يقيف كتير ويتساءل هل الشي ده بستحق معاملة زي دي!!!؟؟
انا عارفه انك ما عايز تستفزني... لكن لو شايف البعمل فيه لي اربعة يوم ده استجداء... معناها محتاج تعرف القصّة من البداية... وإيه رأيك، انا شايفه روحي في موقع الاقوى، لأنه الحق معاي... .... لكن وقتها بكون قلت الفي نفسي كله... أما قصة المعاجبه يمشي ده... ما بتنفع.... لانه زي ما عندنا واجبات، مفروض تكون عندنا حقوق... انا حأقيف واقولها... لو عايز يطردني... بعداك انا بكون مشيت وضميري مرتاح... أما الناس الراضيين بالموضع ده... حيجي يوم ويعضّيهم في راسهم....
شكرا على التعليق والنصحية يا عمر
|
Post: #22
Title: Re: عضو المنبر يريد....
Author: مريم بنت الحسين
Date: 05-16-2011, 10:05 AM
Parent: #15
أماني الأمين متوقفه من الكتابة في المنبر ليها زمن... الليلة نزّلت تعليق على موضوع بكري بصورة مافيها أي تعدي او تجاوز... وفي ذات الخصوص... قام بكري شالها منها الpassword...
لزم التنبيه...
|
Post: #24
Title: Re: عضو المنبر يريد....
Author: محمد البشرى الخضر
Date: 05-16-2011, 10:11 AM
Parent: #15
لا حول الله , ديل وقفوهم متين ؟
أماني دي وقفت براها ليها فترة طويلة معقول رجعت كتبت على طول وقفها!!!
بت الحسين انتي بالجد مديناه قروش كان كدا؟
|
Post: #26
Title: Re: عضو المنبر يريد....
Author: محمد علي شقدي
Date: 05-16-2011, 10:58 AM
Parent: #24
-عاطف عبدون
-قمربوبا
-أميرة الشيخ
-خضر حسين خليل
-قيقراوي
-سامي صلاح
-سناء خالد
-أماني الأمينكل الحلوين ديل الآن بره المكان ده
حقيقي شئ اكتر من مؤسف ليهم كل التحية وخالص الود ان كان ذهابهم كرها او طوعا
نأمل ان يتم ايجاد الحلول و الاجواء التي تساعد في امكانية ارجاعهم وكل الغائبين لاسباب مماثلة
كونوا بخير جميعا
|
Post: #28
Title: Re: عضو المنبر يريد....
Author: مريم بنت الحسين
Date: 05-16-2011, 11:20 AM
Parent: #24
ود البشري ازيك...
انا لا مديّناه ولا شي... بس ما كنت موجوده لما حصلت المجزره... اصبر ليه يصحى، قبل ما يتسوك حيمسح اسمي.. كان ما لقيت مناشدات انه مريم شمّعوها!
|
Post: #25
Title: Re: عضو المنبر يريد....
Author: عاطف عمر
Date: 05-16-2011, 10:48 AM
Parent: #1
وأخيراً نال حبيبنا قيقا الشهادة ؟؟؟
تذكرت يا مريم الطرفة التي حكاها الأستاذ فتحي الضو في كتابه سقوط الأقنعة
قال فيها
عندما جاءت الإنقاذ و( كشت ) قادة الأحزاب وقفلتهم في سجن كوبر ،
وجد مولانا محمد عثمان الميرغني نفسه في زنزانة واحدة مع الأستاذ محمد إبراهيم نقد ،
ولأنها كانت المرة الأولى التي يدخل فيها مولانا الميرغني السجن إلتفت نحو الأستاذ نقد ومازحه
" أها شهادتكم وأخدناها ، نشوف تاني بتتفاصحوا علينا بى شنو ؟؟ "
|
Post: #27
Title: Re: عضو المنبر يريد....
Author: نهال كرار
Date: 05-16-2011, 11:05 AM
Parent: #1
سلاااام يا مريم
وقعت في العريضة , مع إني ما متفائلة أبدا
قبل سنين, فصل بكري عمر الفاروق الفوق دا :) وكم عضو تاني , فتحنا بوستات واعترضنا
غير بكري اسم البورد من المنبر الحر الى المنبر العام, يعني يا جماعة مافي حرية, في قوانين يجب الألتزام بها, القوانين دي لم يعترض عليها إلا قلة من الأعضاء .
السيناريو الجاي حيكون زي السيناريوهات السابقة, بكري حيرجع الباسورد للأعضاء الفصلهم , من دون حتى التكرم بإرسال ايميل لإبلاغهم
وحيصمت عن الرد أو التعليق بشأن المطالب, لغاية ما الموضوع يهدأ ,,,,, وبعد شهور يتنسي
بكري بيثق في نسيان الأعضاء :)
|
|