Post: #1
Title: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 07-31-2009, 03:52 PM
Parent: #0
لدي صديقة تود أن ترسل إبنتها للدراسة في الهند .. وهي تريد ان تطمئن حول عدد من الجامعات من حيث، سمعة الجامعة أكاديمياً... والأمان في المدينة التي فيها الجامعة... خاصة وان البنت ستكون معها ابنة خالها فقط.. كما ان البنتين انتاج السعودية.. يعني طوال حياتهم عايشين فيها... اتمنى المساعدة.. وشكرا مقدماً...
الجامعات هي:
Aligarh Muslim University
Bangalore University
Bharati Vidyapeeth
University of Calicut
Cochin University of Science and Technology
Indian Institute of Science
Jamia Hamdard
Jamia Millia Islamia
Kannada University
Kannur University
Karnataka State Open University*
* الجامعة دي مفتوحة؟ يعني هل هي زي London Open University على سبيل المثال؟
تحياتي.. وشكرا مقدماً.. وفي ميزان حسناتكم..الفتاة فقدت والدها منذ زمن.. وانا اتمنى لو نساعدهم
|
Post: #2
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 07-31-2009, 06:48 PM
Parent: #1
يا اخوانا!!!
|
Post: #3
Title: Re: استشارة عاجلة... إلى الأخوة والأخوات الدارسين في الهند
Author: فتحي الصديق
Date: 07-31-2009, 07:11 PM
Parent: #2
أختنا مريم.. طابت أوقاتك..
هل حددت أسرة الطالبة كلية معينة للدراسة؟ أرجو توضيح الأمر..للضرورة...وسأعود اليك.
|
Post: #4
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 07-31-2009, 07:36 PM
Parent: #3
الاخ فتحي... لك التحية.. والشكر على الرد...
التخصصات المطلوبة.. هي علم النفس أو الإعلام
|
Post: #5
Title: Re: استشارة عاجلة... إلى الأخوة والأخوات الدارسين في الهند
Author: فتحي الصديق
Date: 07-31-2009, 07:45 PM
Parent: #4
أختنا مريم
أرجو التكرم بالاتصال برقم شقيقي أحمد والذي أكمل اجراءات تسجيل ابنه في أحدى الجامعات الهندية قبل أيام..وسيفيدك ويفيد أسرة الطالبة ان شاء الله .
أحمد عبدالله الصديق موبايل 00966500668977
من داخل السعودية 0500668977
|
Post: #6
Title: Re: استشارة عاجلة... إلى الأخوة والأخوات الدارسين في الهند
Author: ناذر محمد الخليفة
Date: 07-31-2009, 09:32 PM
سلام مريم ..
Quote: Karnataka State Open University*
|
أول مرة أسمع بهذه الجامعة رغم دراستي بولاية كارناتاكا !! ويبدو أنها من الجامعات التي انشئت حديثا ..
ولكني أرشح الدراسة بإحدى كليات جامعة بنقلور (الثانية في القائمة) ، فالمدينة تمتاز بالهدوء والمناخ المعتدل وكثرة الكليات والتخصصات خاصة الكمبيوتر وعلومه وأفرعه المتخصصة ..
|
Post: #8
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 07-31-2009, 11:15 PM
Parent: #6
الاخ ناذر.. شكرا لك على الاضافة.. لكن هل جامعة بنقلور تتوفر فيها التخصصات الادبية التي ذكرتها اعلاه (علم النفس، الإعلام) ؟
تحياتي
|
Post: #7
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 07-31-2009, 11:00 PM
الاخ فتحي الصديق.. تحية
سأوصل الرقم لهم... واشكرك جزيل الشكر على هذه المساعدة.. وان شاء الله يلقوا عنده اجابه... شكرا جزيلا ليك
|
Post: #9
Title: Re: استشارة عاجلة... إلى الأخوة والأخوات الدارسين في الهند
Author: نصار
Date: 07-31-2009, 11:23 PM
Parent: #7
العزيز مريم
اهم شي يطلعوا جامعة calicut ما بتخرج منها لمان حمار الوادي يهنق لووول
علي زمنا اطورطوا فيها شباب اطروا بعد سنين يبدأوا من جديد في جامعات تانية
و يختوا الجامعات الاسلامية، افضل كليات هي التابعة لـ angloindian لو اتلقت
بقلور اجمل مدينة هندية لكنها من زمان غالية و الان بقت اغلي لانها هي
و مدراس و حيدر اباد ارتفع فيهم مستوي الدخل بصورة جنونية كونهم عواصل
العالم في مجال السوف ويير... علي العموم التخصصات العاوزها دي
بعد التحوطات الذكرته دي ما ح يلاقي مشكلة في دراستها في الجامعات الاخري
|
Post: #10
Title: Re: استشارة عاجلة... إلى الأخوة والأخوات الدارسين في الهند
Author: Haydar Badawi Sadig
Date: 07-31-2009, 11:30 PM
Parent: #9
| Quote: ولكني أرشح الدراسة بإحدى كليات جامعة بنقلور (الثانية في القائمة) ، فالمدينة تمتاز بالهدوء والمناخ المعتدل وكثرة الكليات والتخصصات خاصة الكمبيوتر وعلومه وأفرعه المتخصصة .. |
أنني كلام ناذر، يا مريم. إثنين من أشقائي درسوا في بنقلور، وزرتهما خلال فترة دراستهما. المدينة نظيفة وراقية والجور فيها من أروع ما يكون. وتعتبر مركزاً هاماً من مراكز التعليم في الهند.
|
Post: #12
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-01-2009, 12:57 PM
Parent: #10
عمو د.حيدر.. تحية خالصة... وألف شكر على الرد
أبلغت والدة الفتاة بكلامك.. وشجعتها على المدينة.. وان شاء الله الامور تمشي على خير... شكرا ليك .. وتحية لخالتو أسماء وهادف وسماح وآمنة...
بنت الحسين
|
Post: #11
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-01-2009, 12:49 PM
Parent: #9
الاخ نصار.. تحية.. وشكرا ليك.. ومبروك ما جاك :)
البنت اعتقد عندها منحة.. لذلك ما حتكون في مشكلة... انا حأثني ليهم المدينة دي... اهلنا بقولوا لو اتنين قالوا ليك راسك مافي اهبشهز.. وحسي دي في اكتر من راي بأيد بلقور... يبقى نتوكل على الله.. ونشوف الموضوع بمشي وين..
تحياتي والف شكر ليك مره اخرى
|
Post: #13
Title: Re: استشارة عاجلة... إلى الأخوة والأخوات الدارسين في الهند
Author: ناذر محمد الخليفة
Date: 08-01-2009, 01:09 PM
Parent: #11
مريم ..
Quote: الاخ ناذر.. شكرا لك على الاضافة.. لكن هل جامعة بنقلور تتوفر فيها التخصصات الادبية التي ذكرتها اعلاه (علم النفس، الإعلام) ؟
|
نعم تتوافر فيها ..
في الكلية التي درست بها تمنح بكالريوس أداب وهو ينقسم قسمين .. أداب صحافة وأداب علوم سياسية ، أداب صحافة تدرس به علم النفس من ضمن مناهج التدريس ...
صنفرة :
أخونا حيدر بدوي زارنا في بنقلور في العام 98 وقضى معنا وقتا ممتعا هو وزوجته ، ووقف بنفسه على جمال المدينة ومناخها الذي يشجع على الدراسة والتحصيل ..
|
Post: #14
Title: Re: استشارة عاجلة... إلى الأخوة والأخوات الدارسين في الهند
Author: نصار
Date: 08-01-2009, 04:27 PM
Parent: #13
لا كان منحة تتوكل علي بنقلور
و ان شاء الله موفقة
كانوا بيدرسوا فيها ناس ناذر المرتاحين
نمشي نفسح عندهم و في مدينة جمبهم غاية
الروعة اسمها ميسور و نرجع لارض المعركة في مدراس
بحكم شغلي في الاتحاد حمت الهند طول و عرض
خاصة الجنوب
مستوي جامعات الجنوب افضل من الشمال
|
Post: #17
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-01-2009, 08:12 PM
Parent: #14
الاخ نصار... أهم حاجه بالنسبة ليهم الأمان.. اعتقد المدينة الهادئة الراقية ممكن تتوفر فيها المواصفات دي... وطبعا الامان من الله... ان شاء البنت تتوفق... وترجع لأمها سالمه غانمه
|
Post: #15
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-01-2009, 06:50 PM
Parent: #13
والله يا ناذر ما قصرت.. وشجعتتني على ترشيح المدينة والجامعة دي للزولة دي بقلب قوي.. واشتقت انا زاتي ازورها.... حأكتب للجامعة عشان اعرف إجراءات القبول والاوارق المطلوبة... وربنا ييسر بإذن الله...
|
Post: #16
Title: Re: استشارة عاجلة... إلى الأخوة والأخوات الدارسين في الهند
Author: ناذر محمد الخليفة
Date: 08-01-2009, 07:58 PM
Parent: #15
شكرا نصار ...
بس المدينة ما غالية للدرجة الذكرتها دي .. مشكلة بنقلور إنو السكن فيها غالي وصاحب الشقة بياخد منك إيجار تسعة شهور مقدم .. مقدم مش معناها إنك ما حا تدفع تاني .. مقدم معناها يمسك القروش دي أمنية عندو .. يعني تدفع المقدم (ديبوظيت) ومن الشهر الجايي تدفع الايجار عادي .. طبعا الهندود ما بيرجعوا ليك قروشك بالساهل خاصة لو كان هندي مسيلماني .. لمن تجي تطلع من البيت بيخصم من قروشك قيمة تجديد دهان البيت وبعد داك لو في أي حاجة مكسورة بيخصم منك مبالغ خرافية وفي النهاية يديك شوية( بايسات) !!
خليهم يتوكلو على بنقلور يا مريم وما حا يندموا .. حاليا بنقلور فيها أكتر من مية طالب وطالبة سودانيين موزعين في مختلف كليات المدينة وفي مختلف التخصصات ..
بالمناسبة ..
البكالريوس عندنا تلاتة سنة مش أربعة سنة ..!
|
Post: #18
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-01-2009, 08:20 PM
Parent: #16
والله انا ما عارفه المنحة بتاعتهم مصاريف الإعاشه ولا لأ.. كدي انا بسألهم من الحته دي.. لكن قصة ثلاثة سنين دي روووووووووووعه
|
Post: #19
Title: Re: استشارة عاجلة... إلى الأخوة والأخوات الدارسين في الهند
Author: BAKTASH
Date: 08-01-2009, 09:06 PM
Parent: #18
الاخت الكريمة
انا لم ادرس في بنقلور ولكن اوصيك بها ... مدينة رائعة وجامعة ممتازة... بالتوفيق يارب .
|
Post: #20
Title: Re: استشارة عاجلة... إلى الأخوة والأخوات الدارسين في الهند
Author: ناذر محمد الخليفة
Date: 08-01-2009, 09:51 PM
Parent: #19
بكتاش :
Quote: الاخت الكريمة
انا لم ادرس في بنقلور. |
طيب ما تخلي حكومتك هي التوصي 
|
Post: #21
Title: Re: استشارة عاجلة... إلى الأخوة والأخوات الدارسين في الهند
Author: ناذر محمد الخليفة
Date: 08-01-2009, 09:59 PM
Parent: #20
مريم :
عضو المنبر الزميلة سودانية 2000 قامت بزيارة لبنقلور قبل أربعة أعوام تقريبا وكتبت هذا البوست :
salamt ya Sudanese here in Bangalore-India,
يمكنك مراجعته لبعض المعلومات العامة ..
|
Post: #22
Title: Re: استشارة عاجلة... إلى الأخوة والأخوات الدارسين في الهند
Author: Haydar Badawi Sadig
Date: 08-01-2009, 10:28 PM
Parent: #21
دي يا ناذر ما بتتلايق مع "عمو حيدر" بتاعة مريم. وهي ما بتقدر تقول لي أخونا حيدر لأني حضرت زواج والديها! قيل في بداية الثانوي!
تحياتي لك ولاسرتك الكريمة، يا عزيزي، موصولة لكل بورداب الخرطوم من حولك.
يا مريم، طبعا عارفي أني بستظرف جداً أن أسمع "عمو حيدر منك،" لكن قلت يمكن ناذر يمسكها ويشبك فيها، فتتألم منا الركب وبقية المفاصل.
|
Post: #23
Title: Re: استشارة عاجلة... إلى الأخوة والأخوات الدارسين في الهند
Author: خالد عبد الله محمود
Date: 08-02-2009, 06:34 AM
Parent: #22
أختنا مريم الحسين
سلامات
معليش أطلع بيكـ من الموضوع شوية خصوصاً و أني ما درست في الهند ..
هل من المنطق أن تسافر فتاة لآخر الدنيا لتدرس أعلام أو علم نفس ؟؟ يعني إذا كان التخصص نادر ممكن نقول معليش لكن أعتقد أن هناك بدائل أخري كثيرة أفضل و أرخص وأأمن من الهند لدراسة علم النفس أو الإعلام ... ولا شنو ؟
تحياتي
|
Post: #24
Title: Re: استشارة عاجلة... إلى الأخوة والأخوات الدارسين في الهند
Author: abuguta
Date: 08-02-2009, 07:45 AM
Parent: #23
مريم
معليش لم ارى بوستك الا الان
للتخصص الذى ذكرتيه,,,ارشح جامعة العثمانية ..حيدر اباد
بلد جميلة,,, رخيصة امنة,,بس ما بعرف وضع البنات هناك كيف,,
يعنى قصدى توجد سودانيات ام لا,, لا ادرى,,,بس ممكن تمشى حالها عادى
لكن هنالك شباب ممتازين خالص ,,,سودانين وارتريين..
وهنالك ايضا اسر صومالية بكثرة ارباب الاسر مغتربين فى الخليج
تمركز الشباب فى مهدى بيتنام مقهى على الشارع مشهور خالص
تحياتى
|
Post: #25
Title: Re: استشارة عاجلة... إلى الأخوة والأخوات الدارسين في الهند
Author: elfadl abdellatif
Date: 08-02-2009, 08:14 AM
Parent: #24
الاخت مريم بت الحسين وزوارها الكرام
بعد السلام والاحترام
انا شخصيا لا انصح بالدراسة في الهند وخاصة التخصصات المذكورة
اولا حتكون هناك مشكلة لغة .. ودي طبعا مقدور عليها لكن في النهاية الانسان بيفهم بلغته افضل .. كما انو الهنود ديل ما بالشطارة التي تشاع عنهم .. فعلا هم اكاديميا متفوقين في مجال الطب والتكنلوجيا .. لكن نسبة الذكاء عندهم ما عالية .. وممكن استاذ جامعي لو قلتي ليهم جملة من مقطعين بالانجليزي ما يفهمها
ثانيا هناك مشكلة اخلاقية تربوية وخاصة للناس الجايين من الخليج .. وخاصة بالنسبة للبنات .. وانا اعتقد انو الزول لو ما كان مقيم في الهند واولادو تحت بصرو وسمعو .. ما يطمئن عليهم ابدا
على كل حال اتمنى لهن التوفيق واعتقد انك عرفتي معلومات كافية عن الجامعة المذكورة وما حأحتاج اسأل ليك عنها .. لكن دي نصيحة زول ما طالب ولا استاذ .. مجرد زول عاش في العاصمة الهندية 4 سنوات وعرف بعض ثقافتهم
ولك مني الود والتقدير
|
Post: #26
Title: Re: استشارة عاجلة... إلى الأخوة والأخوات الدارسين في الهند
Author: elsharief
Date: 08-02-2009, 09:56 AM
Parent: #25
elfadl abdellatif
اللخو من السفارة ولا ايه نفس الكلام تكرر فى فترة دراستنا بالهند
زميلاتنا طالبات وخريجيات الهند وخاصة زميلات الخليج لهن سمعة مشرفة فى الاخلاق والتفوق فى الجانب الاكاديمى والثقافي والاجتماعي, من اسر اغتربت للوضع السيئ للسودان اسر لها معرفة ودراية تامة بكل جوانب الحياة فاحسنوا فى تربية بناتهم تعرفنا عليهم اثناء زيارتهم للهند
كيف يستوعب هذا الكلاك الهنود متفوقين فى جوانب الطب والتكنلوجيا وغير اذكياء سبحان الله والاستاذ الجامعي لم يفهم بالانجليزي.
هل سمعت بطلبة الاساتذة الهنود من السودانيين والان وزراء وسفراء وفى المنظمات العالمية وفى كل مرافق العمل تجدهم متفوقين فى أي دولة من دول العالم
الاخت مريم
مداخلة elfadl abdellatif
بعيدة كل البعد عن الحقيقة وجيد انه ذكر لم يكن طالبا بالهند وانما مقييم بالعاصمة الهندية,
بخصوص موضوع البوست لم ادرس فى بنقلور اتفق مع الرؤية بالدراسة بنقلور
|
Post: #27
Title: Re: استشارة عاجلة... إلى الأخوة والأخوات الدارسين في الهند
Author: ناذر محمد الخليفة
Date: 08-02-2009, 01:10 PM
Parent: #26
الفضل ..
| Quote: ثانيا هناك مشكلة اخلاقية تربوية وخاصة للناس الجايين من الخليج .. وخاصة بالنسبة للبنات .. |
تعميم مخل يالفضل ..
ولكل قاعدة شواذ ..
|
Post: #38
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 11:58 AM
Parent: #28
الاستاذ متوكل مالك...تحية واحترام كبير...
اعتذر عن التاخر في الرد... وشكرا ليك على المساهمة باللنكات...
ولكن للأسف، البنت محدودة بالجامعات الكتبتها دي فقط من اجل المنحة... لذلك لا يمكنني ان استطلع اي جامعة أخرى.. شكرا ليك جزيلا
|
Post: #39
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 12:23 PM
Parent: #26
الاخ elsharief...الف شكر على المداخلة .. والكلام انا فعلا استغربته منه شويه كده.. خاصة انه الهنود معروفين بشطارتهم اكاديميا.. حتى لو هم ما شاطرين.. الsystem بتاعهم بطلع ناس مؤهلين.. وده الاهم...
تحياتي ليك.. وخالص تقديري
|
Post: #41
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 12:47 PM
Parent: #24
الاخ ابوقوته..
شكرا على الرد والتعليق.. لكني كما كتبت سابقة مقيّدة بهذه الجامعات فقط بسبب المنحة... شكرا على المعلومات.. وشكلها فعلا مدينة جميلة وهادئة.. اتمنى انه حد بكون بقرا البوست يستفيد من المعلومات دي.. ونكون ساعدنا ناس تانيين
|
Post: #40
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 12:38 PM
Parent: #23
الاخ خالد
ارجو ان تعذرني على التاخر الشديد في الرد..
سعيده بمداخلتك.. والحقيقة كلامك فيه وجهة نظر اقدر افهمها تماماً... لكن في نفس الوقت.. الأم دي عايزه تأدي رسالتها كامله.. في السعودية طبعا مافي فرص دراسة جامعية خالص... اما السودان.. فهو يمكن ما خيار كويس بالنسبة ليهم.. واهي البنت جاتها منحة .. يحمودا الله عليها.. وان شاء الله تتوفق فيها...
شكرا على التعليق
|
Post: #29
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-02-2009, 01:48 PM
Parent: #19
الاخ مكتاش... أ نا فعلا رشحت المدينة للأهل.. وان شاء الله ربنا يوفق البنات ديل
|
Post: #30
Title: Re: استشارة عاجلة... إلى الأخوة والأخوات الدارسين في الهند
Author: نادر
Date: 08-02-2009, 02:11 PM
Parent: #29
والله البنت دي اتعمل ليها كونسالتانسي على درجة رفيعة جداً في موضوع دخولها الجامعة ده، يعني ماشاء الله بوست فيهو استشارات من جهابزة.
يا ناذر أحيي روحك السمحة ومثابرتك التي تنم عن نخوة وجدعنة ... عفيت منك والله والله يكتر من أمثالك يا ود الحلال، ويجعل ما تقوم به في ميزان حسناتك.
|
Post: #31
Title: Re: استشارة عاجلة... إلى الأخوة والأخوات الدارسين في الهند
Author: BAKTASH
Date: 08-02-2009, 05:05 PM
Parent: #30
Quote: بكتاش :
Quote: الاخت الكريمة
انا لم ادرس في بنقلور.
طيب ما تخلي حكومتك هي التوصي |
يا ناذر دي ما توصية الحكومة ذاتا.... كان علي انا تعصب ساكت كدا اقول ليهم بونا..لوول
|
Post: #32
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-02-2009, 05:25 PM
Parent: #31
والله يا اخوانا ما قصرتوا جميعاً... لكن انا كنت عايزه اقول للأخ الفاضل حاجه...مع احترامي لوجهة نظرك... في اخوان واخوات كتيرين دارسين في الهند معانا في البورد ده.. كلامك بجرح فيهم.. وفي زملائهم .. وفي حياتهم العاشوها..
|
Post: #33
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 09:59 AM
Parent: #32
والله انشغلت بي الكيك والحاجات ديك بهناك...
لكن كنت طمعانه والله يا ناذر تورونا نقدم كيف.. انا ادوني ايميل للجامعة، لكن والله ما مقتنعه بيه.. شاكه فيه شويه كده... ورونا التقديم والاوراق المطلوبة... وتعالوا بهناك اكلو الكيكه المعفصه...:D
بنت الحسين
|
Post: #34
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 10:04 AM
Parent: #33
موقع الجامعة زاتو ما داير يشتغل!
|
Post: #35
Title: Re: استشارة عاجلة... إلى الأخوة والأخوات الدارسين في الهند
Author: Hani Arabi Mohamed
Date: 08-03-2009, 10:37 AM
Parent: #34
الأخت مريم ...
أرجو التأكد من أن الجامعة مجازة من قبل التعليم العالي الهندي
توجد جامعات كثيرة في الهند وكليات تعمل بدون تراخيص من التعليم ألعالي أو بانتظار تراخيص من التعليم العالي ....
هذه الجامعات تصدر شهاداتها مشفوعة بتوثيق جامعة أخرى ....
أو مشفوعة بتوثيق محامي أو توثيق الولاية التي تعمل فيها
او توثيق وزارة تطوير الموارد البشرية الهندية
أرجو التأكد من أن الجامعة التي تريدونها مسجلة في التعليم العالي الهندي
وتمنح شهادة معتمدة من التعليم العالي الهندي !!!
أرجو الاهتمام بهذه النقطة
|
Post: #36
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 11:21 AM
Parent: #35
الاخ هاني.. لك التحية.. وألف شكر على الاهتمام...
الجامعة عضو في اتحاد الجامعات الهندية... واسمها University of Bangalore in Jnana Bharathi.. اعتقد هي الجامعة المقصودة.. ولكني سأتأكد اكثر.. الف شكر على التنبيه... والرد
|
Post: #37
Title: Re: استشارة عاجلة... إلى الأخوة والأخوات الدارسين في الهند
Author: alsngaq
Date: 08-03-2009, 11:40 AM
Parent: #36
| Quote: لم ادرس فى بنقلور اتفق مع الرؤية بالدراسة في بنقلور |
تحياتي يا مريم
|
Post: #43
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 12:54 PM
Parent: #37
اخونا السجنق.. بركه البوست ده مرقك من الاختفاءه الطويله.. وسعيده جداً بالتعليق بتاعك... وده خلاني اطمئن اكتر لموضوع الجامعة دي...
على بركة الله
|
Post: #42
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 12:53 PM
Parent: #30
نادر.. والله انا لما طلبوا مني اساعدهم.. قلت مافي غير سودانيز اونلاين.. دي مسؤولية ما بقدر افتي فيها براي.. والحمدلله.. القرار إجماع.. خلاني ارتاح ليه...
|
Post: #44
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 01:03 PM
Parent: #42
بس عايزه اعرف طريقة التقديم .. عندي ايميل للجامعة لكن ما شغال... وموقع الجامعة ما شغال... محتاجه اعرف طريقة التقديم.. والاوراق المطلوبة...
|
Post: #45
Title: Re: استشارة عاجلة... إلى الأخوة والأخوات الدارسين في الهند
Author: Hani Arabi Mohamed
Date: 08-03-2009, 04:38 PM
Parent: #44
أبحث الآن عن رقم فاكس لمكتب القبول في الجامعة أو تلفون شخص موجود في الهند يستطيع المساعدة !
عموما الأوراق المطلوبة في معظم الجامعات الهندية:
* صورة من جواز السفر يشمل الصفحات التي تحوي البيانات التالية:
- الاسم ، الصورة ، تاريخ الإصدار ، تاريخ نهاية الصلاحية ،
- شهادة ثانوية
- طلب قبول مكتوب باللغة الإنجليزية يوضح فيه البرنامج المطلوب الدراسة فيه
- عنوان يمكن الاتصال به لإرسال القبول
إيميل مثلا أو فاكس
بعد الحصول على القبول تتم مقابلة السفارة الهندية في الرياض مع الأوراق والمستندات التالية:
وسداد رسوم قدرها 285 ريال سعودي
Requirements for issue of Student Visa:-
•Original Passport (valid for a minimum period of six months at the time of submission of visa application)
•Two recent Passport size photographs
•Visa Application Form ( Form 9.pdf | Form 9.doc ), duly completed.
•Applicable Visa Fee in Cash Saudi Riyals
•Provisional admission or confirmed admission letter from a recognized educational institution in India.
•A letter of financial support from parent / guardian along with a bank guarantee worth SR.7,000 (Saudi Riyals Seven Thousand) for the duration of course/study .
•Saudi Exit / Re-entry Visa on the Passport
•A letter of recommendation from the the sponsor
•Father's employment letter indicating position held and salary attested by Chamber of Commerce/foreign Ministry.
•An undertaking from parents/guardian for meeting all the expenses for their child/children studying in India and to the effect that their child will not be engaged in any unlawful and undesirable activity.
•Iqama/Bataka copy
•Please check details in respect of Specified Foreign Nationals
كما توجد بالسفارة قائمة بالجامعات والكليات الهندية المعتمدة
معلومات عن الفيزا : موقع السفارة الهندية في الرياض
http://www.indianembassy.org.sa/VisaForForeigner.html
|
Post: #46
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-03-2009, 05:34 PM
Parent: #45
ألف ألف شكر الاخ هاني.. ما قصرت والله وفي انتظار رقم فاكس الجامعة من أجل إرسال المعلومات التي ذكرتها.. والتأكد
|
Post: #47
Title: Re: استشارة عاجلة... إلى الأخوة والأخوات الدارسين في الهند
Author: elfadl abdellatif
Date: 08-04-2009, 10:59 AM
Parent: #46
الاخوة المتداخلين
بعد السلام والاحترام
سامحكم الله حيث حملتم كلامي اكثر مما يطيق او غير ما يحتمل
اولا نبدأ بي حكاية الاخلاق والتي قصدت بها الاخلاق الهندية وليس السودانية .. فالطلبة السودانيين الذين درسوا ويدرسون في الهند مشهود لهم بالاخلاق .. والاخلاق السودانية عموما فوق مستوى الشبهات وهي مشهود لها من الهنود انفسهم .. وان كان لكل قاعدة شواذ الا اننا لن نحكم بالشواذ ونعمم
وحينما اقول الاخلاق الهندية هنا ايضا لا اقصد الاساءة الى ذلك الشعب الخلوق المسالم في معظم حالاته .. وانما اعني (الشواذ) الذين خرجوا عن طوقه وما اكثرهم (ليس نسبة بل عددا)
وربما كان تواجد الطلبة السودانيين في معظمه في مدن وتجمعات ومجتمعات محافظة ومسلمة ولهذا فان احساسهم بالامن اكبر وعدم وجود فوارق ملحوظة حتى في العادات والتقاليد وفي اسلوب التعامل
استقي معلوماتي من الصحف الهندية والتي ربما كان جل تركيزها على العاصمة .. ولكل ولاية نسختها الخاصة من نفس الاصدارة .. واقرأ كل يوم عن عصابات الخطف (ليس للسيدات بل لحقائبهن) واختطاف الاطفال وعن حوادث الاغتصاب الفردي والجماعي .. وخطف الاطفال ووأد البنات .. وعن حالات الانتحار حدث ولا حرج ولاتفه الاسباب كالرسوب في الامتحان .. بل هناك حادثة انتحار لطالبة حصلت على 97% ولم تستطع الحصول على مقعد في الجامعة .. وهم لديهم نظام قبول لم استطع استيعابه .. اما (نظام التعليم) فهو متقدم جدا خاصة لمن ارادو دراسة العلوم والتكنلوجيا
ورغم انني اقرأ كل ذلك واكثر الا انني والشهادة لله ارى فيمن حولي من الهنود كل
المحبة والمودة
الحاجة التانية قصة النقلة الاجتماعية من الحياة السودانية او الخليجية واللسان واسلوب الحياة والثقافة كل هذه اشياء تتطلب الاعداد6 لها .. والتهيئة النفسية لها ..
اها انا ما قلت الناس ما يدرسو في الهند .. لكن على الاقل تكون عندهم فكرة عن البلاد التي هم بصدد الاقامة والمكوث فيها .. وما تقولو لي انها امور تحدث في ارقى المجتمعات .. وانو الحذر لا يمنع القدر ..
اها نجي لحكاية الذكاء .. انا قلت انهم بارعين اكاديميا.. وكمان اشهد ليهم بالعقلية الاقتصادية والاستثمارية .. وهذا يختلف عن الذكاء الاجتماعي .. ومعدلات ومعايير الذكاء..
وبعدين معظم العلماء) بتاعينهم مهاجرين في امريكا واوروبا ودول العالم الاول..
اما من ناحية المادة الاكاديمية فلا اعرف عنها كثيرا .. لكن وقع في يدي كتاب يدرس لطلاب الاعلام في احدى الجامعات ووجدت فيه الكثير من الاخطاء المطبعية .. ولا شك كما ذكرتم ان الطلاب الذين درسوا في الهند يحتلون مناصب كبيرة وحساسة في الدولة وهذا ربما يصب في صالح المادة العلمية والمنهج
معليش يمكن كلامي يكون كتر شوية .. لكن عموما لا بد من الافاضة لاني وجدت ان اختزال الرأي في جملة بسيطة والايجاز قد يقود الى الفهم الخاطئ
فالمعذرة للاسترسال وارجو ان اكون قد اوضحت وجهة نظري .. وان تكون قد افادت بعض الشئ
وبعتذر كمان لاني احيانا لا اجد البوست المقصود امامي .. فانساه .. واليوم تذكرت ولقيتو عن طريق البحث
ولكم العتبى والتحية والتقدير
|
Post: #48
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-05-2009, 11:57 AM
Parent: #47
في انتظار معلومات الاتصال بالجامعة... اتمنى ان تساعدوني في هذا الامر... لان الاسرة بانتظاري من اجل البدء في الاجراءات
|
Post: #49
Title: Re: استشارة عاجلة... إلى الأخوة والأخوات الدارسين في الهند
Author: ايهاب
Date: 08-05-2009, 12:44 PM
Parent: #48
سلام يا مريم
احسن واسرع طريقه لعمل القبول هي الاتصال بي شخص يكون موجود هناك
ترسلي ليهو الحاجات المطلوبة و يمشي يدفع رسوم القبول المبدئي ويستلمو ويرسلو ليكم
تمشو بيهو السفاره عشان الفيزا
دي هي الطريقه الكلنا مشينا بيها الهند و ما اظنها اتغيرت
مافي زول بدا اجراءاتو براهو من بره الهند
اعتقد حا تاكون في مشكله انو فتره التسجيل يمكن تكون انتهت لانها عاده بتبدا شهر 6
عشان كدا الافضل الاتصال باحد الطلبه الموجودين هناك والاستفسار منو
كل سنه و محمود طيب
التحايا لكل زملاء الدرب الهنداب في هذا البوست بي الزعيم بكتاش وحكومتو
|
Post: #50
Title: Re: استشارة عاجلة... إلى الأخوة والأخوات الدارسين في الهند
Author: مريم بنت الحسين
Date: 08-05-2009, 01:53 PM
Parent: #49
ايهاب.. تحية.. وسلام...
بناءا على كلامك اتصلت بالام عشان اخو البنت في الهند، لكن في مدينة تانيه.. وبدأنا نشوف حلول للموضوع ده... شكراً ليك.. وربنا يوفقك ويوفقها ان شاء الله..
الف شكر ليك.. وشكرا على التهنئة بعيد ميلاد محمود..
ما قصرتو يا شباب... يديكم العافية
|
Post: #51
Title: Re: استشارة عاجلة... إلى الأخوة والأخوات الدارسين في الهند
Author: Hani Arabi Mohamed
Date: 08-05-2009, 04:51 PM
Parent: #50
الأخت المحترمة مريم
للأسف لم أستطع الوصول إلى شخص في بنجلور يمكنه اتمام عملية التسجيل كما لم استطع الوصول إلى رقم فاكس للجامعة المذكورة !
لا تيأسي ....
طبعاً وجود شخص من داخل الهند يسهل الأمر كثيرا ً إلأ أنه من الممكن ايضا استلام قبول عن طريق الفاكس ومن خارج الهند ... وتوجد سوابق كثيرة لذلك .... لأشخاص أرسلوا فقط بياناتهم وحصلوا على القبول المبدئ .... دون زيارة الهند أو دون وجود شخص هناك ... لكن كما قلت وجود شخص في الهند يتابع الإجراء أفضل وأسرع
أرجو أن يوفق الاخوة إلى ايجاد شخص داخل الهند يقوم بالمهمة !
|
|