كيف تكسب/ين المال من الانترنت؟

الأيام دي، وفي سعي حثيث من جهتي للبحث عن فرص جديدة، وآفاق آرحب (من البيت) قمت بالكثير من البحث عن فرص للعمل عبر الانترنت..

صدقوا أو لا تصدقوا؟ الموضوع مربح... يعني الواحد ما تكون قعدته بلا فايده... لكن اكتشفت ليك ناس كتيره شغاله في الاتجاه ده...

انا حأشاركم بنتيجة بحثي، لكن موش عشان انا ظريفة وعايزه الفائدة العامة! لا طبعا... لكن عشان ده جزء من الشغل برضه...

أول حاجة لقيتها في الاتجاه ده، موقع بدفع ليك لما تقرا الإعلانات!!! ايوه والله.. أي اعلان اساساً إحنا بنقراه بكون فيه قروش بين الموقعين، المضيف والمعلن.. انتو قايلين ناس Google ديل غنيانين من شنو؟! ما من الhits... الclick بتاعتك بتديك قروش... الموقع تقدروا تصلوا ليه من خلال اللنك ده...

http://www.hits4pay.com/members/index.cgi?marryy9


بجيكم راجعه لما ألقى حاجه تانية..

بنت الحسين

في مواقع كتيرة أونلاين ممكن الواحد يربح منها، وعملياً انت بتكون شغال معاهم... لكن غالبية المواقع دي بتطلب منك تدفع قروش أول.. وطبعا دي صعبة شوية لأنك اساساً عايز تربح من عمل موش تدفع!!!

المواقع القاعده أجيبها ليكم كلها مافيها دفع في البداية..

اتمنى تعجبكم..

جاياكم بعد كم ساعة بموقع تاني


بنت الحسين

الموقع ده بعتمد على تسويقكم ايضاً ليه... يعني مثلاً، انا مما نزلت البوست ده اشتركوا باسمي تمانية ناس... كل واحد فيهم لما يكسب قروش انا بتجيني نسبة، وفرضنا انه واحد منهم قام جاب زول للموقع، برضه انا بكسب منه ومن زوله الجديد...

انا عارفه انه الموضوع بياخد 24 ساعة عشان يوافقوا ليك على الاشتراك، بعد ما تتم ليكم الموافقة، ما تتغاتتوا وجيبوا ناس ...


بنت الحسين

مريوم ما عرفتك في فورمة البزنس وومن من منازلهم دي
أسمعيني
وبكل انتهازية الدينا بقول ليكم تعالو لينا راجعين ياخي شغل لايف مش نتي
(شفتي استغلال الفرص دة كيفن)؟؟

لنوية... والله القلوب عند بعضيها... ... في نفس اللحظة الكتبته فيها اسمك في بداية الرد ده، وصلتني المسج بتاعتك... حأرد ليك عليها هناك (خلي الماس الشمشاره تتغاظ)

on another note... انضمي إلينا.. وخسرانه شنو؟ والله شغلانه لزيزه خلاص.. وما بتاخد وقت.. انا عايزه اجيب كلام عن مواقع تانيه لقدام.. بس حسي عايزه اتأكد إنه فكرة ده وصلت... برضه غير الشغل العادي ده، في شغلانات متخصصة، يعني المترجمين والكُتّاب والInternet editors عندهم وظائف كتيرة اونلاين... عايزه اعرض الحاجة دي في البوست ده..


محبتي
بنت الحسين

إزيك يا مريم

عارفة ( السمسرة الإلكترونية ) دي أصلو ماركبت لينا في راسنا، ويا دوبك إقتنعنا ندفع الفواتير بالنت أو كما يقول صديقي ( نحنا لقينا القروش دي بالساهل لمن نفكها كدي في الهوا بى Click .)
تحضرني طرفة ذات الرجل القروي البسيط ، كان من أغنياء القرية ، وكان يحتفظ بكل مدخراته في البيت عنده . تدخل أبناؤه وأصدقاؤه لإقناعه بضرورة الإحتفاظ بهذا المدخرات في البنك وعددوا له كل الأسباب بما في ذلك سلامته الشخصية من اللصوص . إقتنع الرجل على مضض وأودع كل مدخراته في البنك الذي أفتتح حديثاً في القرية .
عند المساء أخذ الرجل بندقيته وثيرموس الشاى وذهب للبنك فوجد الخفير حارساً للبنك فسأله عن سبب جلوسه فأجابه فعاود السؤال
إنت عندك قروش خاتيها في البنك دا ؟؟
أجابه الحارس بالنفي وأنه مجرد موظف
فقال الرجل
كان كدي يا أخوي أمشي بيتك نوم نومك أنا ثروتي كلها هنا ، أنا من يوم الليلة البحرس ليكم البنك .

أستاذ عاطف، تحية طيبة
والله ضحكتني النكته شديد..
طبعا فكرة الموقع انك تكسب من الclick... صحي هي ما قروش كتيرة.. لكن اسمه income afterall...

شكرا ليك رفعة البوست...

مريوم سلامات

اسمعي عندي ليك بيزنس كتير من النوع دا ، يوم جهزي اخطبوط في العشاء وكلميني


لكن تنفعي في الماركيتنق تمام ، ضليتي طريق لعالم الكمبيوتر


أبو محمود كيف؟ الراجل دا أنا وهو في لجنة تنفيذية لاحدى الروابط وأسي لينا اربعة شهور ما اتلاقينا غير لقاء عابر تلك الليلة ... سلامي ليهو ولمحمود

بدري ازيك.. وينها المواقع دي، جيبها هنا.. وبعداك الاخطبوط برجاك...
بس على شرط تكون مواقع مافيها دفع.. لانه في مواقع كتيره الزول ممكن يشتغل فيها لكن بقول ليك تدفع.. الموقع الجبته ده ميزته انه ما بقول ليك تدفع...

Quote: لكن تنفعي في الماركيتنق تمام ، ضليتي طريق لعالم الكمبيوتر

والله يا بدري انا كله اشتغلته، قبل كده كنت شغاله مع شركة سويسرية.. بحكي ليك يوم عنها.. بس انت جيب الوالدة والوالد وتعالوا لينا... نادر ده خلاص باعكم في السوق السوداء


بنت الحسين

مريومة سلامات
ياخي انا خليت الوراي والقدامي وحاولت اسجل لكن يقول لي user name unvalid ها ده شنو ولمن اكتب البلد واجي للprovince ما القى الدمام

اها كلميني بسراع عشان احصل "الهلل ده
محبتي لمحمود"المزعج" اليوم داك ما خلانا نكمل ونستنا
وتحياتي لنادر

أم سهى ازيك... والله مشتاقين.. وحمودي بعتذر عن اليوم داك ما ادنا فرصة.. بس هو عشان اليوم كله وشه في وشي ما متعود يلاقي ناس.. الفترة الفاتت دي برضه البرد كان مانعنا نطلع كتير.. لكن وين، بقينا كل يوم ناطين في العربية ومارقين...

بالنسبة للموقع.. ما حتظهر ليك الدمام.. أنتي براك اكتبيها.. هي بظهروا الstate لأمريكا بس.. باقي الدول ما بظهروهم ليها... واصلي عادي.. بالنسبة للإسم، حاولي يكون عادي مافيه أي رموز.. حروف وارقام بس..

وريني بحصل معاك شنو..

بنت الحسين

ست البوست صحي النوم سلام
سلامات يا أم سهى ... ما صدقنا لقيناكم بعد طول غياب، لكن محمود جهجهنا قمنا جارين البيت جري ...
سلامات يا بدري ... إنت لسه فاكر اللجنة التنفيذية، "لجنة مناااا وتاني مناااا) .. صاحبك رئيس اللجنة التنفيذية (إياه) جاب زوجتو ونام في العسل وباع القضية في أول ملف.

الاستاذة مريم بزنس

سلام قروش...

يابت قبل كدا انا اشتغلت الشغلة دى..درعها فى عضو البورد.نيازى.وبقيت ارسل واكسب ارسل
واكسب الى ان بلغ حسابى معاهم 1200$ ..ارسلت ليهم رسالة كيف اسحب الفلوس دى..ما ردو على
اتصلت بنيازى..قالت يازول وصلت كم قال لى فى شنو ..قلت ليه الشغلة التى درعتنا فيها دى
قال لى ما ضيع زمنك..ساى على ما اعتقد شركاتك دى احسن من كوست..عشان الزول ما بخسر حاجة...
من جيبو هى رسائل والسلام

عموما شكرا كتير...

مع سلامى ل محمود نارد
ودمتى

ابوقوته بالغتها يازول اسع انا قررت اشترك وارسل لاصحابي عشان يشتركوا ، وقعدت حلمت بالدولارات ، تقوم انت تأتي وتنسف كل الاحلام ، بالغتها عديل كده

قررنا ندخل عالم البزنس بس ما رضى بينا
Dear Zuhair,

We regret to information that your request to join
Hits4Pay.com has been denied.

=================================================
The reason for this denial:
-
=================================================

Here are some of the most common reasons why accounts
are denied:

1. Multiple accounts created using the same computer.
(Ony one account per household allowed)

2. Multiple accounts created by member under member's
first and second levels. This would be considered
as an attempt to cheat the system.

3. Using scripts and bots to join hits4pay.

4. Incomplete or faulty Names, address, and personal
information.

5. Incorrect names, address, and personal information

6. Misrepresentation of Hits4Pay program to others.

Please read our 'Terms Of Services':
http://hits4pay.com/members/tos.cgi?hits4pay


Sincerely,
Hits4Pay Team


------------------------------------------------------
This is an automated email generated as a result of
Hits4Pay Application.

Hits4Pay.com
1 Albany Ave, Suite G5
Kingston, New York
USA

الأخ زهير.. والله حقك علينا.. الظاهر هم عندهم شروط للقبول... معليش جرّب مرة تانية...

الرقم صفر.. كدي اديها محاولة.. يمكن ينفع.. وانا بنتظر لما اصل 25$ دولار.. لو لقيت الموضوع مخستك بجي أكلمك... بعدين ممكن ببساطه تعمل delete للaccount بتاعك معاهم لو ما عجبك الحال...

good luck

أبوقوته.. تحياتي.. وشكرا ليك على اللقب الجديد..
غايته ناسي ديل ما اظنك تصل معاهم 1200$ قريب.. لانهم بقولوا ليك احنا ما موقع للثراء السريع.. احنا ببساطه موقع ممكن تعمل معانا قروش... بعدين بقولوا ليك انهم برسلوا القروش لما تصل 25$ بنرسل ليك القروش... انا لحدي حسي ما شفته منهم شي.. لكن الزول ما خسران حاجه زي ما قلت...

بنت الحسين

العزيز نادر.. كتر خيرك وبارك الله فيك.. جبته لي البوست من ورا..

Quote: سلامات يا بدري ... إنت لسه فاكر اللجنة التنفيذية، "لجنة مناااا وتاني مناااا) .. صاحبك رئيس اللجنة التنفيذية (إياه) جاب زوجتو ونام في العسل وباع القضية في أول ملف

بنت الحسين

مريومة سلامات
انا طبعا ما بسمع كلام ابو قوتة وبرسل خسرانه شنو؟؟
بعدين تاني انا خلاص حليت مشكلة الprovince والذ حاجة رسلت اللنك لي اي زول في الcontact بتاعي "نظام اكتر الهلل وكدة
نادر ازيك طبعا من زمن مفروض نتلاقى لكن انت ادري بظروف زهير ... انشاء الله نتواصل وحاعضي "محمود" الحرمنا من الونسة مع مريومة
عموما يا مريم لو الهلل وصل مافي مشكلة ولو ماوصل بس انتي كتري من المواقع الزي دي

عميق اعزازي

أم سهي العزيزة.. I'll keep you posted... ولا يهمك.. وزي ما قلتي، مافي خسارة..

best of luck

مريم

أها؟ الاشتركوا؟ وروني الحاصل معاكم لحدي ما ألقى لي مواقع أخرى زي دي...

يا مريومة ازيك
اولا جاتني كمية من الايميلات والدعايات .. قلت تمام الهلل كتر. بعد شوية وانا بفتح وبعمل في الخطوات فجأة جاتني في حتة الHome owner انه بس للUSA اها لمن عملت كلك وطنشتها جاتني الرسالة كالاتيError
Unable to find the form field Home Owner

اها ده يسو معاه شنو؟؟
تخريمة
توقعت اقابلك في "مهرجان المرأة العربية"
يلا وريني اسة اسوي شنو؟

العزيزة ام سهى..
كيف حالك؟ والله كنت متوقعة لي ضيوف في الweekend.. لكن ما جوا.. وبعد ما عملت كل شي ما جوني!! حتى د.مهيرة اتصلت بي تسأل مني لقتني في نص الجوطه ديك...

بالنسبة للمسج الجاتك.. أتصور دي جاتك من واحدة من مسجات الإعلانات... إنت لما تصلك مسج، كل المطلوب منّك تقريها.. ما تحاولي تشتركي ولا تمشي لقدام.. كل المسألة إنك بس تقري الرسالة.. وبكون فيها link.. لما تضغطيه، طوالي فوق بكتب ليك إنه Please view the advertister's website while we credite your account..please wait... اها بعداك تمشي تشوفي باقي المسجات.. وتلمي الهلل على قولتك ...

اتمنى اكون جاوبت على سؤالك.. ولحدي ما نتلاقى، ليك المحبة بلا حساب...

بنت الحسين

الاخت بت الحسين

والله نفسي الاقي لي زول قال ربح من الانترنت
كدي بالله ورينا الحصل شنو لو قبضتو ولو دولار بندخل معاكم

اليوم كله قاعدين علي النت خلونا نستفيد هللات

الأخ الطاهر.. تحية طيبة..
والله هي ما قروشاً كده.. لكن أهو الزول بجيب ليه كم دولار كده.. ما كعبين على قولتك... جرب وان شاء الله خير...

شكرا ليك...

بنت الحسين

ا لغاليه مريم
سلاماات
عارفه يا مريم ما فى حاجه فى الدنيا دى اسمها قروش ساااهله
ما عاوزه افتى فى الفاضى ,لكن انت زوله عندك ماجستير فى علوم الكومبيوتر...ممكن جدا تشتغلى فى البيت . تصميم مواقع , او ادارة بيانات. بس لازم تعملى علاقات كويسه مع شركات ترضى تديك شغل فى البيت.. الموضوع شكله صعب ..لكن اظن انه ما مستحيل
و بالتوفيق ان شاء الله فى كل حاجه

العزيزة سمارت.. تحياتي يا صاحبتي..

والله انا ماشه في اتجاه زي ده.. وممكن بعد كم يوم كده أقول ليك "حصل"... لكن الموقع ده زي "قزقزه".. يعني زي التسالي كده... حاجه كده على الماشي... أصلا اهدافي الوظيفية my career goals أكبر من كده شويه... بس كل شي بالمهلة ببقى..

دعواتك..




انتو بكري ده متين ترجم الحاجات دي!!! بقيت ما بفهمهأ! "شاهده قبل النشر"
بنت الحسين

الأخت مريم

ياخي حصلينا عليك الله .. ده مقلب دولي .. سجلت .. بعد 24 ساعة جاني Approval وبدت تهل كمية غريبة من الإعلانات .. ما ممكن تتصوريها .. بقيت ما عارف ياته منهم وياته ما منهم ..
هسي شوفي لينا طريقة توقف المشكلة ده ...
ما داير عديييييييل كدي ....
وذي ما دخلتينا بالله طلعينا ...

لا حول الله ... الشبكنه الشبكة ده شنو ؟؟؟!!!

د.احمد تحية طيبة...
الغريبة، الموقع ده ما بتجيك منه إعلانات كتيرة.. الإعلانات البتجيك من الموقع بتكون جايه من Hits---4---pay ... اي إعلان غير كده معناها ما جاييك منهم.. يعني انا مثلاً لي يومين ما وصلني منهم ولا إعلان....
أما إذا كنت ترغب في إلغاء الaccount بتاعك، ممكن ببساطه تمشي الحته بتاعت My account وتختار Delete.. وينتهي البرنامج


good luck

بنت الحسين

مستعدين للموقع التاني؟
الناس الإشتركوا في الموقع الأول حأرسل ليكم دعوات للاشتراك في الموقع الآخر ده لو حابين...

بعد كم يوم بعلن عنه بي جاي

سلامات

بنت الحسين

مريومة الحبيبة
انا اشيل وافتح في الاعلانات واقرأ و"حلتي تحرق" واقول لزهير ما مشكلة بكرة تاكل من "حلالي" لكن وحاتك كل ما افتح الaccount بتاعي اشوف لميت كم القاهولا شي الا بس امس ليقيت مكتوب دولارين !!!
اجي يا بتي؟؟؟؟ دولارين ديل يودوهم وين؟ كدي وريني امكن انا غلطت في شي!!!
لكن اقول ليك ؟ انا لمن افتح صفحة الاعلان بعد ما اقراه ما بفتح الsite البقولو لي _ بس طوالي بفتحnext
يا ربي ياها دي غلطتي؟؟
كدي النمشي الشغل واجي القاك رديتي لي
معزتي لمحمود وسلامي لابو محمود

أم سهى ازيك...

ده مثال حي على إنه الرزق تلاقيط... وأريتهن كان دولارين، هن 2 cents... انا لحدي حسي لامه لي 11 و39 سنت.. خير وبركه... غايته، رأيي، ما تحرقي الحله لما نشوف آخرهم...



بنت الحسين